أحمد الصابوني Telegram Posts

كل مرحلة بحياتك رح تفكر فيها بسؤال..
ايمت الاستقرار ..؟
وبعدين ..؟
رح يتم وضعي هيك ..؟
والحقيقة اي نعم
كل مرحلة بحياتك بالضرورة هيي مرحلة انتقالية
كل حياتنا مرحلة انتقالية ..
وكل تسارع بحياتنا عم يفهمنا بشكل أو بآخر
اننا بمرحلة انتقالية ..؟
- انتقالية لوين ..؟
لآخرة نحاسب فيها ثم إلى جنة فيها نعيمٌ مقيم
أو إلى غير ذلك ..
- يعني مارح نرتاح ..؟
لارح ترتاح ورح اختصرلك الطريق ..
يقول الحبيب ﷺ
لاراحةَ لمؤمِنٍ إلّا بلقاءِ رَبِّه ..
بكل ركوع سجود دعاء التجاء
بكل مرة بتحط فيها احمالك على باب الله
بكل مرة بتستغيث بالله
انت عم تلتقي فيها مع الله ..
لذلك خليك معو ..
وهوي اللي بخلّيك تعدّي الامتحان صح ..
وهوي اللي بنسيك وجع الدنيا..
وبرحمته وشفاعةِ نبيهِ صلى الله عليه وسلم ..
بتدخل جنة عرضها السماوات والأرض
فيها نعيمُكَ المقيم..
حيثُ لاآلام ولاأوجاع ولافقد..
ولاهم..

تم نشر المقطع الجديد على يوتيوب ياأحباب
https://youtu.be/vU1jcbqvZvo

اللهمَّ وإنَّ للصائم دعوةٌ مستجابة،
اللهمَّ و آمِن روعاتِنا
اللهمَّ و آمِن روعاتِنا
اللهمَّ و آمِن روعاتِنا

اللهمَّ ونسألُكَ في هذهِ السّاعاتِ وأنتَ القائل :
كُلَّمَا أَوْقَدُواْ نَارًا لِّلْحَرْبِ أَطْفَأَهَا اللهُ
أَنْ تُطفِئَ نار كَيدِهم
اللهمَّ أطفئ نار الفِتَن في بِلادِنا
ماظهرَ مِنها وَما بَطن
اللهمَّ اجعل كَيد من يَكيدُ لبلادنا في نَحرِه
واجعَل تَدميرَهُ في تدبيرِه
واجعَل مكرَهُ عائداً عليه
وآمنّا يامولانا في بيوتِنا
اللهمَّ مَن أرادَ ببلادِنا خَيراً فخُذ بيدهِ إلى كُلِّ خَير
وَمن أرادَ بِها سوءاً فخذهُ أخذَ عَزيزٍ مُقتَدِر

إحدى وصايا لقمان عليه السلام لابنه وهو يعظُه
"وَاصْبِرْ عَلَى مَا أَصَابَكَ إِنَّ ذَلِكَ مِنْ عَزْمِ الأمُورِ"
أحيانا بتكون شخص ، كلمة بتأثر فيك ..
موقف بسيط ممكن يعكر يومك ويوقف سعيك ..
فتسألُ الله أن يزيلَ ضيقَ المواقف عن قلبك
فترى المواقف تزداد قسوةً ولكنكَ تزدادُ قوة ..
واتغيرت جداً ..
اتعلمت لمين تضحك ولمين لاء
لمين تحكي ولمين لاء
مع مين تبني علاقة طيبة
ومع مين تكون حذر
ومع مين تقطع علاقتك من الأساس
بوقتا بتعرف انو ربك أعطاك العزم بدون ماتنتبه..
ربك هيك بعلمك ياصاحب..
من خلال الحياة ..
رح يجيك مين يقلك متغير ، وهاد طبيعي
لانو كان يضحك عليك ..
وماعد يقدر
رح يجيك مين يقلك ، صرت تشوف حالك علينا ! ..
لانو كان يتكبر عليك وكنت تسكت ..
وحطيتلو حد ..
لذلك لما تتغير للأفضل. وتصحى..
وبعض الناس تتخلى عنك
ماتقول ..يارب ليش ..
ولكن قُل ياربِّ لكَ الحمد ..
ومتل مابقول المثَل ..
بروح عاشق بيجي الف مشتاق ..
المهم ماتوقف.. وتصبر .. واللهُ يعلمك ..

لما كان النبي عليه الصلاة والسلام
مع عبد الله بن عباس
قالَ لَه ..
( تعرَّف على اللهِ في الرّخاء يعرفك في الشدّة ..)
جرّب تتعرف على رب العالمين ..
بعيداً عن طلب دنيوي ..
بعيداً عن استجابة لدعاء أو طلب أو رجاء ..
أحياناً بأخر رب العالمين الاستجابة ليفرّغ قلبك من أي تعلق ..
لتبقى عم تقول يارب حتى بعد الاستجابة ..
لتتلذذ بالسجود والقرب لأنه الله ..
وبتشعر يوم مع يوم ومع ثباتك وقربك من الله ..
الدنيا عم تجي لعندك لحالها.. بدون مجهود كبير ..
لإنها طلعت من قلبك..
ولانو اللي بقلبك هوي فقط اللي خلقها ..
وهوي اللي بجيبها لعندك ..
لذلك كان حديث قدسي يقول..
ياابنَ آدم .. خلقتُكَ للعبادةِ فلا تلعَب
وَضَمِنتُ لكَ رزقكَ فلاتتعب
فَوَعِزّتي وَجلالي ..
إن أنتَ رضيتَ بماقسمتهُ لَك ..
أرحتُ قلبكَ وبَدَنك ..
وَكُنتَ عِندي مَحمودا ..
لذلك تعرف على الله
فهو َالذي يعرفك وإن لم يتعرف عليك أحد ..

تم رفع المقطع الجديد على يوتيوب ❤️
https://youtu.be/tGM6AucuM-k

كلَّ عام وأنتم بألف خير
عسى الله أن يجعلَ رمضان فاتحةَ كلِّ خير
وبوابة كل توبة واستجابةَ كُلِّ دعاء
آمين ياربَّ العالمين❤️

أحياناً أجمل النعم..
انك نايم على مخدتك ،
انو فوقك سقف مابنقّط ..
انك نايم دفيان بكامل الصحة والعافية ..
انو أحبابك حواليك..
انو اذا جعت بتلاقي أكل ..
همّك اللي ماالو حل بهاللحظة ..
لاتخليه يعميك عن النعيم المحيطة فيك من ناحية ..
بيجيك البلاء مابس ليختبر صبرك ، ولكن ليعرفك قيمة النعمة ..
فَقُلِ الْحَمْدُ لِلَّهِ .. وبس ..
وفوضها لله ..
فوِّض لمَن وَسِعَت ألطافُهُ أُمَمَاً
نِعمَ الإلهُ ونِعمَ العَونُ والمَدَدُ..

الحلقة الجديدة من أركان على يوتيوب :
https://www.youtube.com/watch?v=G8tA5K4ELqk