لِـ دنــدوحي ♥️🎓

الف الف مبروووووووك للعراق 🇮🇶✌️🏻♥️

الله عليييييك يا يوسففففف

كووووووووووووووول 🔥🔥🔥

‏﴿‏ لِيَجْزِيَهُمُ اللَّهُ أَحْسَنَ مَا عَمِلُوا ﴾.

#فالأمـور
لا تأتي بقـدر حلـمك ، إنما بقـدر سعـيَك لها ،
لا تتخلى عَـنها ، ارڪض نحوها فَـ انت لها ♥️👊🏻

ثمّـة يُسر بإنتظارك بعد ڪُل هذه الأيـام ، لاتـيأس

عِـش طمـوحك وحلمـك لِـ يتحـقق ♥️✨
ℒ𝒊𝒗𝒆 𝒚𝒐𝒖𝒓 𝒂𝒎𝒃𝒊𝒕𝒊𝒐𝒏 𝒂𝒏𝒅 𝒚𝒐𝒖𝒓 𝒅𝒓𝒆𝒂𝒎 𝒕𝒐 𝒄𝒐𝒎𝒆 𝒕𝒓𝒖𝒆!

صباح الخير ،
لڪل شخص قرر يستمر رغم ڪُل شيء ويرجع يحاول من جديد ، محاولاتك راح توصلك للي تتمناه ڪمل سَعي ☕️♥️

♡♡.

ما احجيلكم على جمال الڪليةةةة ♥️♥️

تم التسجيل

﴿اِنَّ مَعَ العُسرِ يُسرًا﴾

‏استجَاب منذ ان دعوُت وَلڪنه يُدبِر الأمر ♥️

اسـتجابَ...

فإن أعَظم نجـاحات يأتي بها من تعـثر ثُم وقف ،

فشل النـاس من حَولك في تجـاربهم لا يعني أن تجربتك سـتفشل أيـضًا ، ڪل تجربة لها ظـرف ، وبطـل مُـختلف ومُـميز ✨💀 .

سَنجدُ رغيفَ السـعادَة فِي جيـب الأيام ، ما علينا سِوى أن نقضم بعضـاً مِن الصبر ! حتى لا نجوع ونحنُ بإنتـظاره.... 🙆🏻♥️

من ذوقج والله ،
تسلمين والڪُم بالمثل وأڪثر ♥️♥️.

شهالإبداع ؟؟؟؟
يعني ڪالعادة تبهرنا بس هالبوست جوهرةةةةة حرفياً ، ربِ يوفقك ويطول بعُمرك ويحفظك مِن كُل شر ، يارب أشوفك أحسن وأفضل دكتور ،
اتمنالك الخِير والسعادة دائماً 💙.

ربي يوفقنا جميعاً ، تسلمين على الڪلام ♥️.

اولاً ربي يوفقك أخويه على النصائح
ثانياً الطلاب اللي تقرأ البوست ركزوا بكل حرف وطبقوا ومتندمون لأن فعلاً نصائح الأخ نافعة جداً وهو قدوة للطلاب

ولو تدللون ، آمين يارب وان شاء الله ڪل طالب يحقق حلمه ويحصل على النتيجة الي ترضيه ، اسعوا والله وياڪم ♥️.

صار منعيوني

عاشت الأيادي كثرلنا من هيچ بوست .

والله كلامك كُله صح اني هاي اول سنه الي سادس وان شاء الله اطبق كلامك واجيب النتيجه اللي ترضيني .

الله يوفقك وشكراً لكلامك 🤍

حل لـ مَشاڪل طُلاب السـادس ♥️💀

¹- مُشڪلة خاف ما الحك اكمل مواد : شوف حبيبي هواي طلاب يفڪرون ويخافون ، يڪول خاف اوصل للشهر الرابع وانا ما مڪمل مادة خاف اوصل للوزاري واني لسه ما مضبط! شنو الحل؟ ، وحتى اڪون صريح وياڪم اني جنت هيج ، طيب قبل لا تجيك المشكلة وتفڪر بحلها ، حلها هسه! ترا تڪدر! والحل انك تقرا يوم بيومه ، لا تأجل وتڪول باجر اقره هذا اڪبر غلط ، احتمال ما تقراه! ، لا تؤجل عمل اليوم الى غد ، تريد معدل عالي ؟ تريد تحقق هدفك ؟ تريد توصل ؟ اقره يوم بيوم ولا تظل تخلق بالاعذار الي ما يخلصن ، ڪلها تهون وداعتك ، واليوم تشوف روحك هنا وتعبان باجر تشوف روحك هناك وانت فرحان! فڪرلي بيها زين 🌝🗒 .

²- مُشڪلة الدوام وتنظيم الوقت : هسه انتوا الاغلب عدڪم مدرسة فاليوم نصه يضيع ، طيب بأيام المدرسة تقرون ٥ الى ٦ ساعات سواء جان دوامڪم صباحي او ظهري ، اني جنت كله صباحي ودراستي تصير من ٣ لـ ٩ او لـ ١٠ واتوقف لازم انام ، اما يوم الجمعة والسبت يصير وقت الدراسة مضاعف ولازم اعوّض حتى أتقدم اڪثر بالمواد وهيج اضمن ، يعني تقره ١٠ الى ١٢ ساعة ، واهم شيء لازم تسوي قائمة مهام وتخطط شنو تنجز ومن تڪمل مهمة تحط عليها صح وهيج يصيرلك واهس وتبدي بالثانية والثالثة وهڪذا ، واذا تڪول امتحانات شهرية وتحاضير مدرسة وما الحك اسوي هيج ، جايك بالنقطة الثالثة يلا 📝✨ .

³- مُشڪلة الامتحانات الشهرية والمُدرسين : حبايب اني بنفسي جنت الشهري واليومي ما انطيه ڪل الاهتمام جان همي اتقدم بالمواد وبس ، ما اڪلڪم كلش جنت ما اقراله بس اقرا على ڪد النجاح وهاهيه ، انتوا مو جنتوا وياي وتشوفني دوم اڪلڪم اضمنوا دخولڪم وزاري وعوفوا الباقي ، اني شهريات ونصف السنة جانن درجاتي خرط بس المفاجأة اجت بنهاية السنة واعيد واڪرر درجتك بالشهري ونصف السنة مو مقياس والله مو مقياس تطلع بيهن ٧٠ بالوزاري انتَ ١٠٠ مفهوم ؟ اعرف مُدرسيڪم يشدون ويجيبون اثرائيات بس هذني ما يحددن مستواك ف الي عليك تسويه انك تقره للامتحان الشهري "الي تكدر عليه" وتروح تحل وتضمن النجاح وترجع وانت مُطمئن 🥤💆🏻 .

⁴- مُشڪلة مواقع التواصل وتضييع الوقت : اڪبر مشڪلة اشوفها بحياتي صراحة ، الطالب وقت يدخل على موقع تواصل معين ، بين وبين نفسه ڪال يلا شويه واطلع واڪمل دراسة ، ما تلڪاه الا بعد ساعتين ، ٣ ساعات يالا يطلع من التطبيق؟ لان شيء يجر شيء ، سواء انستا تلي تيك والخ... شوفوا حبايبي انتوا شايفين انو حتى اني اضطريت اعوفڪم وما تواصلنا بعد ؟ لان حذفت ڪل مواقع التواصل!! وعفت البيست وشعليك بالبيست دز رسالة او لا؟ ، راح تفيدك لو قريتها ؟ راح تطلع معدل ؟ خليه يسخت انت شعليك بيه ؟ احذف وخلي بس اليوتيوب الي تدرس عليه محاضرات والباقي لا يضيع وقتك لا تخلي هالمواقع التافهة تضيع وقتك وتبعدك عن تحقيق حلمك وهدفك❕🦋 .

⁵- مُشڪلة المقارنة وهذا الطالب احسن مني : بالله شلون احسن منك؟ عنده قوة خارقة لو شنو؟ هم عنده عقل وعيون وخشم ، واثنينڪم من طين! فلا تقارن نفسك بأحد لا تڪول شوف هذا وين واصل واني بعدني! راح يطلع معدل واني لا؟ حبيبي ڪل طالب واله ظروفه ، وخل اڪلك شنو الي يأخرك لما تڪون انت بسباق ، انك تنظر لخصمك تشوفه وصل الك لو بعده؟ ، تشوفه سبقك لو بعده؟ راح يستغل الفرصة ويصير هو الرابح ، الفڪرة انك ما تلتفت لأي شيء وراك ، عوف مغريات الطريق وامشي مستقيم و راح وتوصل وبڪل فخر 🫂🫀 .

#أحــمـد
- @Ah_Za_1

وقت انزله ، اتمعنوا بيه ، اقروا زين فكروا بكل كلمة كتبتها ، مو بس تقرون تمام ؟ هاي حسب طلبكم واحتمال اسويله جزء ثاني لان مشاكل طلاب السادس ما تخلص 🥲😂

كملت البوست

ععاشت الانامل ، وربي كفو وبالتوفيق ،

هذا التخطيط جان سبب استمراري وتحفيزي بالدراسة بحيث تحس براحة لمن تحط صح على مهمة وتبلش بالثانيةة ، واذا خلصتهن كلهن ، هنا تحس بانجاز عظيم وبحيث ما ضيعت يومك على لا شيء ، ف انك تحدد وتخطط شنو لازم تقره خلال اليوم هذا اهم شيء مفهوم ؟؟ ♥️🥲

شوف هسه انا سويت نفسك

هذا حسابي انستا تعالوا
دخلوا وانطوني لايكاتكم ع اول بوست ♥️🥲

https://www.instagram.com/reel/DBgbeEFNFUS/?igsh=MnQ2NmdjdmE2ZWw5

شلونهم

حبايبي راح اجاوبكم على كل الاسئلة واسويلكم بوستات بس خل اكمل امور التسجيل بالجامعة ومن عيني تدللون ♥️♥️.

عربي حسين عُبيدة ، جنت اقره عليه ع اليوت وبالمراجعة راجعت ع دفاتره منزلهن ع القناة حرفيا شرح وافي وكافي وملاحظات ذهبية تغنيك عن الكتاب + الوزاريات ع ملزمة عقيل الالفية .

إنكليزي محمد حسين ، حرفيا خوش مدرس والحلو بنهاية كل موضوع يحطلك الوزاريات بحيث تمر عليك الفكرة كاملة والحمدلله ، الادب والقطع بالتكرار المستمر صارن سهلات .

فيزياء حسين محمد ، جنت وياه اول بأول ، اي شيء يكتبه اكتبه ، واي مسئلة يحلها احلها ، حفظيات الفيزياء هواي فاضطريت قسم منها افهمه عليه والقسم الثاني احفظه واكيد ورقة وقلم وتكرار مستمر .

كيمياء هاشم الغرباوي ، حرفيا هذا المدرس نعمة ، حرفيا مسهل عليك المنهج بشكل مو طبيعي ، ما واجهت اي صعوبة بالكيمياء بغض النظر عن اني ما احبها ، وشرحه للعضوية خلاها تصير زلاطة عندي .

رياضيات محمد قاسم ، ما يحتاج احجي ، الكل يعرفه ، عملاق الرياضيات ، دكتور الرياضيات ، وحش الرياضيات .

أحياء سالم آل منصور ، الحفظ اني قريته وحدي بس على ملزمته ، والوراثة عليه شفته يوتيوب .

واخرتها تبقى على المدرس الي انت تفهم عليه ، مو شرط الا درست على هذول يلا توصل وتحقق هدفك ، بس اني رأيي بهذول المدرسين اساطير والله وشرحهم ناري ، احتمال انت ما تفهم عليهم ، غيرك يفهم ، احتمال اني ما افهم ع الي تدرس عليهم ، وغيري يفهم ، وهالشيء وارد فالحمدلله عدينه هالمرحلة ع خير .

عادي تنطينا أفضل المُدرسين ألي أعتمدت عليهم باليوت

لا ، وقتها ما نصحكتم بيه ، الانتساب هو تسخيت بس بتعبير ثاني ، انا خو اكدر انظم جدولي وادرس يوت بس ما اكدر اخلي اعتمادي كله يوت بدون امتحانات بدون تصحيح بدون تشجيع؟ وان كان المدرسين متشددين اني اقره واجي امتحن ما دخلني بالباقي ، ومرات اسبق المدرسين واراجع الموضوع قبل لا اروح للمدرسة ، والحمدلله استفاديت من كم ملاحظة وكم معلومة ، فهمزين ما سويت انتساب لكنت حاليا اسوء

احمد انت چنت انتساب؟

حطيتلها ٤ ايام ، كل يوم فصلين جنت اسهر من ١٢ بالليل لـ ٦ الصبح اكمل فصل هو ومسائله وبعدها انام واكعد ب ١٢ الظهر منا لـ ٦ او مرات لـ ٩ اكمل فصل ثاني واتوقف وبما انو الوقت الثاني اكثر فجنت اخلي فصل قوي مثل الثالث ، السادس ، السابع وهيج خلصتهم بكل سهولة والحمدلله

احمد شنو جانت خطة المراجعة مالتك للكيمياء؟

نستهين كل غالي كي نحقق الحلم...

راحوا من ايدي هواي ناس جنت اتمناهم وياي بهاللحظة ونفرح سوا ، صح تدمرت نفسيتي وحسيت مالي واهس بعد ادرس! كلت شلون راح اكمل! شلون راح اقاوم! بس تذكرت كلامهم الي ، "نريدك دكتور" وهنا عفت الدموع عفت الارهاق عفت التعب عفت انو مالي واهس و كمت درست وعوّضت في سبيل احقق حلمي وحلمهم ، الله يرحمهم تمنيتهم وياي حرفيا!! ،

فَـ ياحبيبي ، حارب لاتسمح لاي ظرف يحطمك او يخليك تتنازل وما تحقق حلمك ، لا تعوف تعب السنين كلها! لا تستهين بيه! ديربالك على مستقبلك انت اولى بيه ، لو تكون كدها لو تطلع منها ♥️♥️.

احلى لحظةةة بحياتي كلهاا ،
تعب ١٢ سنة ما ضاع على الفاضي! ،
ضعف نظري ما راح ع الفاضي!
جنت وانا بالابتدائية المعلمين يسألوني شنو تريد تصير من تكبر؟ ، جنت اكول وبكل فخر دكتور ، وياريت اشوف معلميني وكل مدرسيني وابشرهم ، كلمة شكر قليلة بحقهم ، علموني و وصلوني ولولا تحفيزهم الي ما اطلع الأول بكل مراحل الإبتدائية ، دخلت متوسطة وهنا بديت انا احفز نفسي لان كلت هاهيه لازم افرّح اهلي وافرّح ناسي وكل من ينتظرني وما اخيب ظن أحد بيه ، والحمدلله عدا الاول والثاني متوسط ع خير وجبت الاول بالثالث متوسط هم ، دخلت اعدادية وبديت اضاعف جهدي ، كلت هاي آخر مرحلة بمسيرتي الدراسية ، وحصلت على الاعفاء بالرابع ودرست للسادس وبعدها بالخامس هم حصلت على الاعفاء ودرست للسادس ، بحيث حطمت نصه ، ولا اهتميت لشيء رغم الظروف رغم الشقيقة الما تخليني اركز ، مع ذلك حاربت كلت لازم اشوف دموع الفرح بعيون بابا وماما واخواني ، ياما ناس استهزئوا وكالوا ماتصير دكتور! ياما ناس تمنوا لي الفشل! ،

والف الحمدلله رفعت روس وكسرت عيون وجان ختامها مسك والسادس احلى مرحلة بحياتي ومستحيل اتخطاها بكل ذكرياتها ، والفضل لرب العالمين واهل البيت ، ربي يرزقكم مثلها ♥️♥️.

الف الف مبروك شباب ان شاء الله الفرح و التوفيق الدائم بكل حياتكم ، وانت الي كاعد هسه تشوف القبولات شمنتظر ؟ يلا كوم حتى توصل وتجرب هذا الشعور ، دفعة ٢٥ ننتظركم ابطالنا ، انتوا اقوياء ، انتوا كدهاا ، لا تتحطمون ابد ولا ينسكر واهسكم ، هاللحظة تسوى العمر كله ، هاللحظة تنسيك كل التعب الي مريت بيه و تشوف دموع الفرح عالم ثاني ، شدوا حيلكم ويارب يوفقكم وتنالون الي بالكم ، اسعوا ورب العالمين وياكم ،

حَبـيت هاليُـوم ♥️♥️

♡♡.

تكملة هاليـوم ، الف الحمدلله كلش زينة درجاتي ومُعدلي نفسه المتوقع ، جبت المعدل الي يدخلني كلية الطب ننتطر القبولات ويارب خير ، والف الف مبروك للي حققوا الي چانوا منتظرينه ويردونه تستاهلون وربي ، والي خفق مرة ثانية لاتخاف اكو فرص دام الله موجود ، انت سوي الي عليك والباقي عليه ، مهما يصير لا تستسلم! أما الي عادوا فصراحة شفتوا السادس وجربتوه وعرفتوا السلبي والايجابي وعرفتوا نقاط الضعف الي صارت فلا تعيدون نفس الغلطة ، حاولوا تصلحون الي غلطتوا بيه بالسنة الاولى وشدوا حيلكم وضاعفوه بالسنة الثانية تذكروا محد يفيدكم غير شهادتكم ومُعدلكم ، خوب لذة النجاح والانتصار شحچيلكم عنها ؟؟؟ لحظه ولا أروع!! ، ترفعون راس وتكسرون عيون ، تحس نفسك إنسان عظيم وسويت إنجاز عظيم! التعب بنظرك يروح! وكأنما ما تعبت! يلا شدوا حيلكم عَ مود هاي اللحظة! وتذكروا محد يدوم الكم ، ابنوا نفسكم بنفسكم ، خليكم أقوياء وقاوموا لاتخلون الظروف تهزمكم ، انتوا هزموهاا؟ أبطال عسى ربي يوفقكم وتنالون مرادكم ولا يحرمكم من الفرحة والمعدل العالي ♥️♥️.

"الحمـدلله حَتى يبلغ الحـمد مُنتهاه" .

وبهـاليـوم الحـلوو ، أحب أگول الف الف مبروك وعَ الخير للي خلصتوا من السادس رسَمي وحققتوا أحلامكُم وان شاء الله نشوفكُم بأعلى المراتب ، والي مأجل مَواد ويحس فرحته ناقصه ، هم احب أگلك فرحتك تكمل وفوگها زود ، ان شاء الله الدور الثاني اسهل وانتَ گدهها + انا هم أجلت فيزياء وفرنسي يعَني بعدني ما خلصت من السادس وما اگدر اگول حققت حلمي "الطب" لأن وراي دور ثاني بس الف الحمدلله فرحان لأن تعبي ما ضاع وأملي بالله چبير ، والي طلعتوا إكمال صدگوني هالشيء خير من الله ، وان شاء الله تعوضون بالدور الثاني ترا مو نهاية العالم وتنجح وتطلع بالمعدل الي تريده ، كلكُم أبطال والله ، عسى ربي يفرحكُم ويجبر بخاطركُم ويوفقكُم وما يضيع تعبكُم ♥️♥️.

#ذڪـرى لاتموت 2024/7/22 .

البوت مَالتي : @DanDoh_1bot

‏﴿ فَلَا تَعْلَمُ نَفْسٌ مَّا أُخْفِيَ لَهُم مِّن قُرَّةِ أَعْيُنٍ ﴾

ثق بالله ولا تيـأس ، "لعـلها قريَـبة" .

"ومادام من الله فَـ هوَ خيـر" ،