الجيش الابيض👨‍⚕🩺

تعتقدون انو تحمُل المريض وعصبيته وحتى إذا توصل بي يتجاوز على الكادر (عفواً)

هذا الشي لازم الدكتور يتحمله يعني من واجباته او لا

طلع أكو أمل
عاااااااش العراق 🇮🇶🇮🇶🇮🇶🇮🇶

وهسه شنو
كُلنا ندعي العراق يفوز
ولو ماكو أمل …بس ميخالف 🇮🇶❤️

اليوم احچيلكم عن مرض او حساسيه كُلش شائعه وهي حساسيه الحنطه Celiac disease
🍞🥖🫓🥨
هي مرض مناعي immune mediate disease
يعني الشخص حيكون عنده حساسيه من الجلوتين هذا الجلوتين موجود بالحنطه والشعير والشوفان .

هسه الي ديصير شنو ؟ الشخص من حياكل شي بي جلوتين مثلا خبز …الجلوتين حيتكسر بالمعده إلى الگلايدين وينأخذ بواسطه TtG
وبعدين حتتحفز الخلايا المناعية وتسوي اجسام مُضاده …هاي الأجسام المُضاده حتروح لل microvili ( هاي تراكيب موجوده بالأمعاء مسؤولة عن الامتصاص) فهاي ال microvili راح تتدمر يعني بعدّ الامتصاص يصير قليل لذلك وحده من مضاعفات المرض الشخص يكون عنده هوايه نقص بالمعادن وهم عنده فقر دم .

هسه نجي أعراض المرض شنو :
الم بطن
إسهال ،تقيؤ ، غثيان
انتفاخ بالبطن
فقدان وزن
بالحالات المتقدمه مُمكن يسوي جفاف

هسه نجي شندز المريض حتى نشخصه :
Anti body test
Biopsy
CBC

هسه شنو علاجه :
Gluten free diet
يعني يضل للأبد مياكل شي بي جلوتين

السلام عليكم
شلونكم

كيف نفرق مابين التشنج والنوبة والصرع؟!🤔

🔹 التشنج (Convulsion):
هو بيحصل فجأة .. كتشنج (يعني إنقباض وإنبساط) للعضلات بشكل غير إرادي

🔹 النوبة (Seizure):
هو عبارة عن نشاط كهربائي غير طبيعي في الجهاز العصبي المركزي 

🔹 الصّرع (Epilepsy):
هو مجموعة تكرار ل إختلالات في وظائف المخيخ تتميز بنوبات وتشنجات..

اليوم موضوعنا كُلش لطيف
وهوايه شائع …. GERD (ارتجاع معدي مريئي )

حَشرح بالتعليقات

مجنت أصدگ من أحد يگولي القلق والضغط النفسي يأثر على المعده 😂

فَ يأثر وهوايه وممكن يسوي قُرحه ..يعني لحد يقلق بعد 🙂

حَشرحلكم على ارتفاع الضغط hypertension ب أول تعليق

حالياً منتضره الدوام يبدي حتى انزللكم شغلات جديده

يعني الأختفاء ممطول هوايه ان شاء الله

🐥 أكيد كُلنه سامعين ب أبو صفار jaundice

يصير هذا من كُريات الدم الحُمر تموت وتتكسر …راح تنتج ماده اسمها ال بلروبين هايه لونها أصفرر

البلروبين ميذوب بالماء فَ الجسم شيسوي حتى يتخلص منه … يودي للكبد فَ الكبد عنده إنزيمات راح تسوي يذوب بالماء تقريباً فَ هسه الجسم يتخلص منه عن طريق .. الأدرار.

🐣ألأطفال أنزيمات الكبد بعدها مكامله عدهم او غير ناضجه فَ الجسم مراح يگدر يتخلص منه وحيبقى يتجمع بالدم 🩸
لذلك نشوف وجه الطفل وعيونه لونهم اصفر .

قبل فَتره بالضبط شفت هيج حاله :

شخص گال انو سويت عمليه للغده الدرقية الي هي thyroectomy … وصارت عندي بحه بصوتي يعني مشاكل بصوتي
زين شنو السبب ؟؟
العصب الي يغذي الحبال الصوتية يكون قريب من الشريان الي يغذي الغده الدرقيه
فَ اكيد اثناء العمليه تأذى هالعصب
وبالتالي الحبال الصوتيه بعد ماكو شي يتحكم بيها ويساعدها على انو تنسد فَ ديصير عدنا هالصوت الغريب

يعني المُلخص الحبال الصوتيه راح تبقى مفتوحه لان العصب انضرب

شايفين انو من نشرب لبن 🥛 نحس بخمول ونُعاس زين ليش ؟

☑️الألبان تحتوي على Tryptophan هذا يتحول داخل الجسم إلى الميلاتونين او نسمي هرمون النوم

فلهذا نحس بالنُعاس

معلومه ثانيه اخذناها هالسنه وأتذكرتها هسه

اكو عَضله بالساق اسمها Soleus هايه يسموها .. القلب الثاني للأنسان
هايه العضله من نمشي احنا راح تتقلص ومن تتقلص تسوي ضغط على الأورده الموجوده بالأطراف السُفليه….
فَ من تسوي ضغط الدم حيندفع من الأسفل ويروح ب أتجاه القلب .
فَ دائما الشخص من يتعرض لحادث او شي وهايه المنطقه تتأذى تصير الشغله خطره.

🔺مَعلومه
Voluven solution
محلول الفولفن _ الهستريل

هو من المَحاليل الوريديه الغرويه …يعني يُبقى فتره طويله داخل الوعاء الدموي بهالحاله راح يرفع ضغط الدم ،ليش ؟
لانو مكوناته صوديوم وكلوريد
زين شوكت نستخدمه هذا المحلول ؟
نستخدمه لتعويض حجم الدم 🩸بحاله النزيف الشديد ، ويستخدم لمعالجة نقص السوائل بالجسم ،ويستخدم لتعويض بلازما الدم .


نستخدمه بحذر ليش ؟
لانو زيادته تسبب وذمه رئويه pulmonary edema .
🔹يُمنع استخدامه بحالات نزيف الدماغ Intracranial haemorrhage
🔹يُمنع استخدامه بحالات تعفُن الدم الشديده Sever sepsis

#معلومة_طبية 💉💊🔬

-🔬 هل يمكن #حقن_الفولتارين_عن_طريق_الوريد 💉!؟؟
=الإجابة : لا ..،لا يمكن ذلك !! ⚠
-طيب ..ممكن اعرف السبب !!؟
=طبعا .... الاسباب عديدة وهي :
▪اولا : لان الفولتارين عبارة عن ديكلوفيناك صوديوم وحط خط احمر تحت كلمة صوديوم لأن الصوديوم كما نعلم يزيد من انقباض الاوعية الدموية وبالتالي يسبب ارتفاع مفاجئ لضغط الدم !!
▪ثانيا: كما هو معروف لدينا جميعا ان كل حقنة وريدية يلزمها فحص حساسية وفي حال كان المريض عندة حساسية للفولتارين او احد مكونات فممكن في هذه الحاله يحدث للمريض (shock) ويروح فيها لا سامح الله !!
▪ثالثا : اثبتت دراسات ان الفولتارين يزيد من مخاطر حدوث تخثر في الدم وباالتالي جلطات وفي الوقت نفسه قد يزيد من مخاطر النزف عند المرضى اللي يستخدمون ادوية لمنع التخثر !!
- معلومات حلوة .. بس مرة شفت وصفة طبيه فيها فولتارين انفيوجن يعني مع مغذي !!!!
الفولتارين مع كل هذا يمكن اعطائه وريديا بالحقن البطيئ جدا ( iv by slowly infusion )
ولكن ... لا يعطى لمرضى الضغط او اللي عندهم مشاكل في سيولة الدم !!
لكن مع كل ذلك ينصح بعدم اعطاءه وريديا مطلقاً

☑️اليوم حَ احجيلكم عن جرثومه المعده وشلون تصير :
احنه نعرف انو المعده عدها عصارات هاضمه وتكون حامضيه
هم سألتو نفسكم ليش هايه الحامضيه متأذي المعده ؟
الله سبحانه وتعالى خلقها بصوره رائعه انو حطلها غشاء مُخاطي قاعدي حتى يحمي خلايا المعده وجدرانها من العصارات الحامضيه .

🔺حكمل الشرح بالتعليقات

#فقره_سؤال_وجواب

" لماذا لايهاجم الجهـاز المـناعـي الخلايـا السرطانيـة في الجـسم " ✅


•┈┈┈❈••✦✾✦••❈•┈┈┈•
The white army✨💫
#الجيش_الابيض 👨‍⚕🩺🩸
https://t.me/m_medicaI ✔

الجواب: ال ACE inhibitors بشكل عَام تسبب dry cough لأنو هايه الأدويه تمنع ال metabolism مال bradykinin ، فيزيد ال bradykinin بالدم ويسبب ال cough

زين ليش بالتحديد يسبب cough لانو يسوي sensitization للرسبترات مال cough الموجوده بال lung .

☑️سؤال :
أكو علاقه بين ال Chronic cough وحبوب الضغط ؟