Affini Media and Communication

ለጠ/ሚኒስትሩ ከቀረቡ ጥያቄዎች ዉስጥ....

- የጥላቻ ንግግሮች ያለ ሃይ ባይ ሲሰራጩ የህግ አካላት በዝምታ መመልከት የተለመደ በመሆኑ ህግ በተግባር እንዳይተረጎም ድርጊቱም እንዲስፋፋ አድርጓልና መንግስት ህግን የማስከበር አቅሙና ቁርጠኝኝነቱ ምን ያህል ነዉ?

-ዜጎች እየሞቱ እተፈናቀሉ እና እስር ላይ ይገኛሉ የፍርድ ሂደቱም እየተጓተተ ነው?

- የኢኮኖሚ ዕድገት የተዘረዘሩ ችግሮች ባሉበት እና የፓርቲው አባላት እርስ በእርሳቸው በማይተማመኑበት ሁኔታ እንዴት ሊሳካ ይችላል ? እነዚህን ለማረም ምን አይነት መፍትሄስ አስበዋል?

-ሀገር እና መንግስቶን እንዴት ሊታደጉ አስበዋል?

-በአማራ እና ኦሮሚያ ክልሎች ያለዉን የጥታ ችግር በንግግር /ድርድር ለመፍታት ለምን አልተቻለም?

-የ12ኛ ክፍል ፈተናውን ያላላፉ ተማሪዎች እጣ ፈንታ ምን ሊሆን ይችላል?

-የትምህርት ጥራቱን አስጠብቀን የተማሪዎችን ውጤታማነት ለማሳደግ እንደ መንግስት ምን ታስቧል? ከማንስ ምን ይጠበቃል?

-መንግስት በአማራ እና ኦሮሚያ ክልሎች ያሉ ግጭቶችን ለመቅረፍ በሰላም እንዲቋጭ ምን እየሰራ ነዉ?

-አለመግባባቶች ወደ ግጭት ከመግባታቸዉ በፊት ከባለፈዉ በተሻለ ምን ለመስራር አቅዷል?

[ዳጉ ጆርናል]Y

https://t.me/SBQLao/362

የጥንቃቄ ጥሪ
==========================
አፊኒ ጥቅምት 8፣2016
ሀዋሳ
ላለፉት 4 እና በላይ ዓመታት ወቅት እየጠበቁ ወጣቶችን ማሳደድ እና ማሰርን ግብሩ ያደረገው የሲዳማ ክልል 27 ወጣቶችን ለማሰር ስም ዝርዝር ይዞ እያደነ እንደሚገኝ የአፊኒ ምንጮች ገለፁ።

ላለፉት 4 ዓመታት ለህዝብ ይወግናል የሚባሉ ወጣቶችን እና የተፎካካሪ ፓርቲ አባላትን ያለወንጀል እና ያለፍርድ ቤት ትዕዛዝ ለወራት አስሮ ቤተሰቦቻቸውን አንገላቶ እና ኑሮአቸውን ማስተጓጎል ዋናው ስራው አድርጓል።

ዕውቀት ተኮር የሆነ የሀሳብ ልዩነት ለማህበረሰብ ዕድገት ያለው ፋይዳ የትየለሌ ከመሆኑም ባሻገር፣ ውስብስብ ጉዳዮችን ባዘለው በዚህ ዘመን ከማያስተማምን በአንድ እሳቤ ከተንጠለጠለ አካሄድ፣ የተሻለ አማራጭ ያጎናጽፋል።

የማንኛውም ሀገር ሆነ ማህበረሰብ ዕድገት፣ የተናጠል ወይም የአንድ ሀሳብ ባለቤት ቡድን ብቻ ሳይሆን፣ በየዘርፉ ያሉ የሀሳብ ልዩነቶችን በማስታረቅ የሚገኝ ነው። እጣፈንታው አንድ የሆነ ማንኛውም ህብረት ልዩነቶችን በማቻቻልና በማስታረቅ መፃኢ ዕድሉን በጋራ ይወስናል።

ከዚህ በተቃራኒ በሲዳማ ክልል የሀሳብ ልዩነትን እንደ እርግማን በመቁጠር፣ በመረጃ፣ በአሳማኝ ማስረጃና ዕውቀትን ያከለ የሀሳብ ልዩነት ያለውን በረከት ወደጎን በመተው የተለየ ሀሳብ ያላቸውን ማሰርና ማሳደድ መደበኛ ስራ እስኪመስል የክልሉ መንግስት በዚህ ተጠምዷል።

በጣም የሚያሳዝነው ሁሌ የሚታሰረውና የሚሳደደው የሀሳብ ልዩነት አለው፣ የተባለ እንጂ፣ ሀላፊነቱን የማይወጣው ተሿሚ፣ ስልጣኑን አላግባብ የሚጠቀመው ባለስልጣን፣ በሙስና የተጨማለቀ አካል ወይም ህዝብን የሚበዘብዘው ባለሀብት አይደለም።

አሁን እስር ላይ የሚገኙት ሆነ ለማሳደድ ስም ዝርዝር የወጣባቸው ወጣቶች ሲቪል ሰርቫንቶች፣ ተመርቀው ስራአጥ ሆነው እየተንከራተቱ ያሉ፣ የተፎካካሪ ፓርቲ አባላና አመራሮች እና በሀሳባቸው ብቻ ብልሹ አሰራርን የሚሞግቱ በለአዕምሮ ናቸው። የህዝቡ ጥያቄማ ፍትህ፣ ልማት፣ መልካም አስተዳደር፣ የወጣቶች የስራ ዕድል፣ በየመንግሥት ተቋማት እየተንሰራፋ የመጣውን ብልሹ አሰራር ማስቀረት እና በፌዴራል ተገቢ ውክልና ማግኘት ሆኖ ሳለ ወጣቶችን ከማሳደድ ውጥን ልጠበቅ ይገባል።

የክልሉ መንግስት ወጣቶቹ የተለየ ሀሳብና አቋም መያዝ ሰው በመሆናቸው ብቻ የሚጎናፀፉት እንዲሁም ህገመንግስታዊ መብታቸው ሆኖ ሳለ የሀሳብ ልዩነትን እንደስጋት በመቁጠር ለተከታታይ 4 ዓመታት እያሳደደና እያሰረ ይገኛል። የማይመስል እና ተጨባጭ ያልሆነ ህገመንግስታዊ ስርዓትን በኃይል ለመናድ በሚል ጉንጭ አልፋ እሳቤ በእጃቸው አንዳችም ለመንግሥት ስጋት እንደሆኑ የሚያሳይ እንቅስቃሴ ሆነ እሳቤ በሌለበት አንድ ስራአጥ ወጣት እና ምሁር በመወንጀል በትውልዱ ላይ የማይሻር ግፍ እየተፈፀመ ይገኛል።

ስለዚህ በእስርና በስደት ላይ የሚገኙ፣ በየዘርፋቸው አንቱታን ያተረፉ ትላንትም ለህዝብ የሚጠቅመውን ያለምንም ስስት በማበርከት የበኩላቸውን የተወጡ፣ ዛሬም በታማኝነት በየተሰማሩበት መስክ ህዝባቸውን እያገለገሉ ያሉ፣ ነገም ባለመታከት በስጦታቸው የሚችሉትን ሁሉ ለማበርከት የማይዋዥቅ አቋም ያላቸው ባለእውቀት ወጣቶችን ማሰርና ማሳደድ ልቆም እንደሚገባ በመጠቆም የሰብዓዊ መብት ኮሚሽን፣ የፍትህ ተቋማት፣ የወጣቶች ሚ/ር፣ ዕንባ ጠባቂ ተቋም ትኩረት ልሰጠው ይገባል።

Human Rights Watch Ethiopia
Ethiopian Broadcasting Corporation
BBC News Amharic
Ethiopia Human Right Councile
Sahle-Work Zewde
U.S. Embassy Addis Ababa

አፊኒ_ሚዲያና_ኮሙኒኬሽን
#Affini_Media_Communication
ትኩስ እና እውነተኛ መረጃዎችን ለማግኘት ይከታተላሉ
ዩቲዩብ:https://youtube.com/channel/UCzxVCZUtW-XmosukNkCXZEA
telegram:https://t.me/affinimedia
https://t.me/affinihasaaw

ዛሬም በሲዳማ ክልል የወጣቶች አፈሳና እስር እንደቀጠለ ነው።
=========================
አፊኒ ጥቅምት 06፣2016
ሀዋሳ
ሰሞኑን የሲዳማ ክልል ሰላምና ፀጥታ ቢሮ እና የክልሉ ፖሊስ ኮሚሽን በጋራ፤ በክልሉ ወስጥ ማህበራዊ ሚዲያን በመጠቀም፤ የመንግስት አመራሮችን ሌብነትን ብልሹ አሰራሮችን የሚያጋልጡ እንዲሁም፥ የህዝቡን የልማትና የመልካም አስተዳደር ጥያቄዎችን በሚጠይቁ ወጣቶች ላይ የጅምላ አፈሳ፤ ያለፍርድ ቤት መጥሪያ እስር ተጀምሯል።

በዛሬው በዛሬው ዕለትበፖሊስ የተያዙት የከፍተኛ ትምህርት ጨረሰው በሥራ አጥነት እየተሰቃዩ ከሚገኙ ወጣቶች ናችው ወጣት ኤርምያስ ቢልሶ እና ከማክ።
ተወስደው የት እንዳሰሩት ግን ለማወቅ አልተቻለም።

በፖሊስ የተያዙ ወጣቶች፤ በሲዳማ ክልል ሸበዲኖ ወረዳ ጫንጌ ተብሎ በሚጠራው የወታደር ካምፕ ውስጥ ተወስደው እየታሰሩ ያሉ ሲሆን፥የተለያዩ ሚዲያዎች ሽፋን የሰጡበትን የወጣቶቹን እስርና ማሳደድ፥
የክልሉ መንግስት እንዳልፈጸመ ለማድበስበስ ሲሞክር እየተስተዋለ ነው።

የክልሉ ከፍተኛ አመራሮች አጋጣሚዎችን በመጠቀም፣ “ጠላቴ” ብለው የፈረጇቸውን አካላትና፤ የአመራር ሌብነትንና ብልሹ አሰራሮችን የሚተቹ ወጣቶችን በእስር ሲበቀሉ ይስተዋል።

በአሁኑ ጊዜ የፌደራል መንግሥት ብሔራዊ የእርቅ ኮሚሽን አቋቁሞ ሀገራዊ አንድነት ለማመጣት እየሰራ ባለበት ወቅት ወጣቶቹን ያለ ምንም አይነት ወንጀል ማሳደድ እና ማስፈራራት የሰዎችን ሰብአዊ መብት የሚጋፋ በመሆኑ መቆም እንዳለበት እንገልፃለን።

የሲዳማ ህዝብ በአጠቃላይ እነኚህ ህዝባዊነት የጎደላቸው፤ ኢ-ሞራላዊና ህገወጥ ተግባራትን ሆን ብለው ሥልጣናቸውን በመጠቀም የሚፈፅሙ አካላትን ልያወግዙአቸውና ባገኙት የሚዲያ አማራጭ ሁሉ ድምፃቸውን እንዲያሰሙ ያስፈልጋል ።

አፊኒ_ሚዲያና_ኮሙኒኬሽን
#Affini_Media_Communication
ትኩስ እና እውነተኛ መረጃዎችን ለማግኘት ይከታተላሉ
ዩቲዩብ:https://youtube.com/channel/UCzxVCZUtW-XmosukNkCXZEA
telegram:https://t.me/affinimedia
www.tiktok.com/@affinimediaofficial

በሲዳማ ክልል ውስጥ ያለው የአመራር ሥርዓት አልበኝነት፤ መፍትሔ እንደሚያስፈልገው ምሁራን ተናገሩ!
°°°°°°°°°°°°°°°°°°°°°°°°°°°°°°°°°°°°°°°°°°°°°°°
አፊኒ ፣ መሰከረም 21፣2016
ሀዋሳ
በሲዳማ ክልል አሁናዊ የፖለቲካ አካኼድ፤ የገዢው ፓርቲ ብልፅግና የሚከተላቸውን የአስተዳደር ዘዴና መርህ የተከተለ እንዳልሆነና፥ በክልሉ ወስጥ የተዘረጋው የአመራር ስርዓትም፤ ከጅምሩም ቢሆን፣ ህዝብን ያማከለ አለመሆኑን፤ በሀዋሳ ዩንቨርስቲ የህግ ምሁራን ለአፊኒ ሚዲያና ኮሚዩንኬሽን ተናግረዋል።

ምሁራኖቹ አክለውም፤ “ሲዳማ ራስን በራስ የማስተዳደር ጥያቄ፤ በመዋቅር ደረጃ ተመልሶ፤ ህዝቡ በአንድነት የጠየቀው ጥያቄ ምላሽ ወዲህ የመጣው የአመራር ስርዓት፤ የህዝቡን የመልማትና የመልካም አስተዳደር ጥያቄዎችን ከመመለስ ይልቅ፤ ለፌዴራሉ መንግስት እንደክልል ሳይሆን፥ ተላላኪና ተልዕኮ ፈፃሚ የአመራር ሥርዓት ዘርግቷል። ይህም የፌዴራሉ መንግስት በክልሉ ውስጥ ያሉ ፖለቲካዊና ሶሺዮ-ኢኮኖሚያዊ ጉዳዮችን በትኩረት እንዳይመለከት አድርጎታል” ብለዋል።

“ሲዳማ ክልል ሆኖ ራሱን በራሉ እንዲያስተዳድር የጠየቀው፤ በገዛ ልጆቹ እንዲተዳደር፤ የራሱ ህገደንብ እንዲኖረውና፥ ከዞን የተሻለ የመልማት ዕድል እንዲያገኝ ሆኖ ሳለ፥ ከክልሉ ወዲህ በተለያዩ ዘርፎች እያሽቆለቆለ መጥቷል” ብለዋል።

በተለይ ከሐምሌ 2011 ዓ/ም ወዲህ፤ በሲዳማ የሚታየው የአመራር ሥርዓት፤ ሀሳብን የማፈን፤ በሥራ ይልቅ በገፅታ ግንባታና ለበላይ አመራር የማሸርገድ፤ ህዝብን የመርሳት ሲሆን፥
የዚህ አመራር ሥርዓት ውጤትም፤ ክልሉን ለከፋ የመልካም አስተዳደር ብልሽት፤ ለተደራጀ ዘረፋና ቡድንተኝነት እንዲስፋፋ ምክንያት ሆኗል።
ይህ ብቻ ሳይሆን፥ አመራሮቹ ህዝብ ለማገልገል ያገኙትን ሥልጣን በመዘናጋት፤ በማንአለብኝነት ህዝብን መበደል፤ የቁጥጥርና የተጠያቂነት ሥርዓት ሳይኖር፣ ወጥ የሆነ የአንባገነንነት ባህሪያት እያሳዩ ኖረዋል።

ሲዳማ በአመራር ስርዓት መበላሸት ምክንያት፤ ከገባበት ቀውስ እንዲወጣ፥ የሀገሪቱ ገዢ ፓርቲ ብልፅግና ከላይ እስከ ታች ያለው አመራር መፈተሽና ማንም ባጠፋው ጥፋት መጠን ተገቢ ህጋዊ እርምጃ እንዲወሰድ ያስፈልጋል ።
አፊኒ_ሚዲያና_ኮሙኒኬሽን
#Affini_Media_Communication
ትኩስ እና እውነተኛ መረጃዎችን ለማግኘት ይከታተላሉ
ዩቲዩብ:https://youtube.com/channel/UCzxVCZUtW-XmosukNkCXZEA
telegram:https://t.me/affinimedia
www.tiktok.com/@affinimediaofficial

Sidaamaho Hiittoo Massagaanchi Hasiisanno ?
Gafa Lame
===============================
𝙖𝙛𝙛𝙞𝙣𝙞 21/2016
Hawassa

1) Fedeeralete mangiste ledo heerawonke xaadoshshi Mootichunna borojjichu xaadooshshi gede ikkikinni, Mangistenna Mangistete xaadooshshe ikka noosi. Togo yinaayi wooyite, FDRE baayiridi seeri garinni, Federaaleno umise biiloonyunna loosu
qeechi noose, qoqqowu mangisteno hatto. Konni daafira baayiridi seeri garinni massagamanna xawashsho wodho heedhuro federaalete Mangiste hasidhu gede borcidhaawoki qoqqowi mangistte ikka dandiinemmo. Ledoteno, Federaalete Mootiima beehaachinkke daganke kiironna shiqinsheemmo jiro hattono daganke hasatto mereersinohanna, garunni riqiwonke buuxisiisanno massagaanchi hasiisanno.

2) Wolootu qoqqowi ledo heeranno xaadoshshi xalala ikka hasiissanno. Halamme loonsayi hajubba noo gede heedheenna, yanna yannatenni ka’anno dannunna woloota hajubba daganke aayirnyenna hasatto xalalino garinni aayirisawo wodho garinni
massaganno massagaanchi hasiissanno.

3) Durreeyyenna Gashshootu xaadooshshe.
Qoqqowu giddoodi ikko gobbaadi
dureeyyee, gashootu woyi gashshootu bissa ledo heerawonssa xaadoshshi bikkiweelo woy wodhoweelo ikkasinni ka’nohunni hasiissannokki kakkalo baantanni afammeemmo. Tini ikkito bero waajjishawo kakkalo baaxxite gobaadi kadaanonni
wolaphitu daga, techo giddoodi kadaanora reqecci assitinota ikkiteewo. Togoo ikkito ha’ne dangummo doogo marro qolitaawonke daafira addintta qoropha hasiissawo.
Gobbaadi dureeyye xawo ikkeewoki garinni, gobbaadi diini sokko wonshitara dandiitanno ikkituwa heedhano daafira, gashshootunna durreeyete xaadooshi faro,
affanteewotana wodhote aana safanteewota (principle based) ikkase buuxisiisanno massagaanchi hasiisanno.

4) Quchumunna baadiyyete latishshu xaadooshshe; baadiyyetenni quchuma timibiliqanno loosu hasatto harancho mereerima ikko seeda yanna mixo amadatenni quchumubbatenna baadiyye taalo (even) lopho/latishshi heedhanno gede assa
hasiisanno.

Wedellunita loosu hasatto kassi assitawo, xalala wodhonna mixo amande loonsanni hee’noonikki daafira wedellu quchumaho ikko baadiyyete babbaxewo deerri jaddo giddo e’anni hattono roduuwinke(aja dume) wolewa higge darantanni
edderantanni afantanno. Jawa looso hoogge noota quchumahono ikko baadiyyete heedhano rosseewonna rosseewoki wedellira (productive) hala’lado loosu kaayyo kalaqa dandiitanno mixo afi’no massagaanchi hasiisanno.

5) Sidaamu qoqqowi mootimmanna Diyaaspooru hajo; Babbaxitewo kaliqete golira batinye Sidaamu qansaano heedhanno. Tini Qansaanno qoqqowu sharro aana assitewo assooti dhagge dihabbannoho. Tini noo gede heedhena, konni ka’ira heedhawoti
diyaspoorunna qoqqowinke xaadoshshi wodhotenni gaxammoha ikka noosi.
Korkaatuno babbaxitewo gobbara heedhawo diyaaspooroti addi addi wolqa, egennonna jiro afidhewo daafira, noonssa dhukki baalunni dagansa horaameyye assate hajo ajinshshe la’naayita di’ikkitewo. hattono inssa ilantewo dagansa wiini
babbaxitewo irkko hasidhanno yannara wiinamunni qolatenna ledoteno insa wiinni babbaxitewo amaale afirate wodhotenni massagama hasiisawonke. Hedote
badooshshi heerara dandaanoha nafa ikkiro, hedote badooshshe dagate horo aana hosiisate, mimmito aayrinssaninna maccishshamanni loosa dandaanno massagaanchi hasiisanno.

#Gafa_Sase_Suffano.

አፊኒ_ሚዲያና_ኮሙኒኬሽን
#Affini_Media_Communication
ትኩስ እና እውነተኛ መረጃዎችን ለማግኘት ይከታተላሉ
ዩቲዩብ:https://youtube.com/channel/UCzxVCZUtW-XmosukNkCXZEA
telegram:https://t.me/affinimedia
www.tiktok.com/@affinimediaofficial

በሲዳማ ክልል ያለው የአመራሩ የተቀናጀ ሌብነት አሳሳቢ ደረጃ መድረሱ ተነገረ፤
°°°°°°°°°°°°°°°°°°°°°°°°°°°°°°°°°°°°°°°°°°°°°°°°°
አፊኒ መሰከረም 18፣2016
ሀዋሳ

በክልሉ ውስጥ ሀይ ባይ ያጣ፤ በፌዴራሉ መንግስት በዝምታ የሚታይ፤ በመናበብ የሚዘረፍ የህዝብ ሀብት፤ የተቀናጀ ሌብነት መበራከቱን የተለያዩ የህብረተሰብ ክፍሎች በምሬት ይናገራሉ።

ከደሃው ማህበረሰብ መቀነት መዝረፍ፤ በቅርቡ ደግሞ የአርሶአደሩን የአፈር ማዳበሪያ ስርቆት፤ በክልሉ ውስጥ ቁጥጥር የሌሌው የተቀናጀ ሌብነት ምን ያኽል እንደተበራከተ አመላካች ነው።

በክልሉ ውስጥ በሌብነት የሚጠረጠሩ አመራሮችን፤ በተገቢው በህግ አለመጠየቅ ብቻ ሳይሆን፥ ማበረታቻና ሌብነት መሸፋፈኛ የሚሆን ሌላ ተጨማሪ ሹመት መስጠቱ ጉዳዩን አሳሳቢ ያደርገዋል።

ለአብነት ያኽል፤ በቅርቡ በተመሠረተው የሰሜን ሲዳማ ዞን ዋና አስተዳዳሪ አቶ አዲሱ ቃሚሶ፥ በክልሉ ውስጥ ከበላይ አመራሮች ጋር በጣምራ በስመ-ኮንስትራክሽን ክልሉን ካራቆቱ ግንባርቀደም ዘራፊዎች ስማቸው ይነሳል።
አቶ አዲሱ፤ የህዝብ ተወካዮች ምክርቤት አባልነትን አሳብበው፤ በክልሉ ውስጥ ከፍተኛ ገንዘብ የሚፈስባቸው ጨረታዎች ያለተወዳዳሪ በመበዝበዝ፤ የፖለቲካ ሥልጣን ተገን በማዳድረግ ያልተጠበቀ የህዝብ ገንዘብ እንደሚበዘብዝ ለማወቅ ተችሏል።

በክልሉ ውስጥ በጉቦና በትውውቅ የሚደረግ የአመራር ሹመት፤ አሁን ቁጥጥር ከሚደረግበት በላይ መሆኑ ብዙዎች የሚስማሙበት ሲሆን፥ ከላይ እስከታችኛው መዋቅር፤ ኔትወርክ ተዘርግቶ የሚደረግ የተቀናጀ ሌብነት፤ በሲዳማ ውስጥ የብልጽግና ተሿሚዎች የደረሱበት የሌብነት ጥግ አመላካች ሆኗል።

የፌዴራል መንግስት በክልሉ ውስጥ የተንሰራፋውን ሌብነት በትኩረት እንዲያይን እንዲቆጣጠር እያልን፤ የክልሉ ህዝብ በእውነትና በመረጃ ባገኙት አጋጣሚ ሁሉ በተለያዩ ሚዲያዎች፤ የህዝብ ሀብት የሰረቁ አመራሮች ማጋለጥ፤ መተቸት፤ ጥቆማ መስጠትና መታገል እንደሚገባው እናሳስባለን።

አፊኒ_ሚዲያና_ኮሙኒኬሽን
#Affini_Media_Communication
ትኩስ እና እውነተኛ መረጃዎችን ለማግኘት ይከታተላሉ
ዩቲዩብ:https://youtube.com/channel/UCzxVCZUtW-XmosukNkCXZEA
telegram:https://t.me/affinimedia
www.tiktok.com/@affinimediaofficial

የሲዳማ ክልል አመራሮች፤ የሲዳሚኛ ቋንቋ የፌደራል ተጨማሪ የሥራ ቋንቋ እንዳይሆን እየሰሩ እንደሆነ ታወቀ፤
=======================================
አፊኒ ፣ መሰከረም 12፣2016
ሀዋሳ
የኢፌዴሪ ህገመንግስት፤ እንዲሁም አለም አቀፍ ህግ ብሔሮች በቋንቋቸው እንዲማሩ፤ የሥራ ቋንቋ ሆኖ እንዲገለገሉበት እንዲሁም፥ ማንነታቸውን፤ ባህላቸውን በቋንቋቸው እንዲያሳድጉ መብት የሰጠ ሲሆን፥
በተለይም በብልፅግና ዘመን ተጨማሪ የፌደራል ተጨማሪ የሥራ ቋንቋዎች እንዲጨመሩ ተደርገዋል።

ቋንቋ ለአንድ ማህበረሰብ ከመግባቢያነት አልፎ የሥልጣን መገለጫ ፣ የማህበረሰቡ ሁሉንተናዊ ዕድገት የሚወሰን መሰረታዊ እና አንጡራ ሀብታም ነው።

ይሁንና የሲዳማ ክልል አመራሮች፤ የሲዳሚኛ ቋንቋ የፌዴራል ተጨማሪ የሥራ ቋንቋ እንዲሆን ይቅርና፥ ቋንቋው በክልሉ ውስጥ ጭምር የስራ ቋንቋ እንዳይሆን እየሰሩ እንደሆነ ታውቋል። በዚህም የተነሳ በርካታ የክልሉ ተወላጆች በክልሉ ውስጥ በቋንቋው የሚሠራ ተቋም ባአለመኖሩ ስራአጥነት እንዲስፋፋ አንዱ ምክንያት ሆኗል።

ብልፅግና ፓርቲ የሁሉም የክልሎች ቋንቋ ማለት በሚቻልበት ደረጃ ኦሮሚኛ፤ ትግርኛ፤ አፋርኛ፤ ሶማልኛ ቋንቋ ጭምር የፌዴራል ተጨማሪ የሥራ ቋንቋ እንዲሆን ባደረገበት፥ በክልሉ ህገመንግስት ሲዳሙ-አፎ የክልሉ የሥራ ቋንቋ እንዲሆን የደነገገ ሲሆን፥ የክልሉ አመራሮች ግን ቋንቋው የሥራ ቋንቋ አድርገው ለአገልግሎት ለማብቃት መቸገራቸው ግርምትን ፈጥሯል።

በኢትዮጵያ ቴሌቪዥን፤ ክልሎች የራሳቸው ፕሮግራም ወጥቶላቸው በቋንቋቸው ፕሮግራም ሲያስተላልፉና ሲናገሩ፤ የሲዳማ ክልል አመራሮች ግን ክልሉ የዚህ ዕድል ተጠቃሚ እንዲሆን መስራት አልቻሉም። በዚህም ቋንቋው እንዳያድግ ምክንያት ከመሆኑም በላይ፥ በቋንቋ የሰለጠኑ ባለሙያዎች የሥራ ዕድል ተጠቃሚ እንዳይሆኑ ምክንያት ሆኗል።

ሲዳማ ክልል ከሆነ ወዲህ፤ ሲዳማን ለማስተዳደር በታሪክ አጋጣሚ እንደዕድል ሥልጣን የተቆናጠጡ ቡድኖች፥
ሲዳማ ባለፉት ሶስት ዓመታት በማህበራዊ፤ ኢኮኖሚያዊ፤ ፖለቲካዊ ጉዳዮች እንዲያሽቆለቁል ከማድረጋቸው በላይ፥መነካት የሌለባቸው የሲዳማ ዘመን ተሻጋሪ ዋና ዋና እሴቶች እየሸራረፉ መጥተዋል።
ይህም አሁን ያለው ትውልድ ብሎም የሚመጣው ትውልድ የሚጠይቀው አንገብጋቢ ጉዳይ መሆኑ ተገልጿል።

አፊኒ_ሚዲያና_ኮሙኒኬሽን
#Affini_Media_Communication
ትኩስ እና እውነተኛ መረጃዎችን ለማግኘት ይከታተላሉ
ዩቲዩብ:https://youtube.com/channel/UCzxVCZUtW-XmosukNkCXZEA
telegram:https://t.me/affinimedia
www.tiktok.com/@affinimediaofficial

ስለ እውነት ነፍሳቸውን መስዋዕት ያደረጉ መታሰቢያ ሊቆምላቸው ይገባል ፤
=======================
አፊኒ መሰከረም 11፣2015
ሀዋሳ
በባሌ ተራሮች በ2007 ዓ.ም ሰደድ እሳት ተከስቶ ነበር ፣
ተከስቶ ነበረውን ሰደድ እሳት ለመከላከል ሲታገል የነበረው የፓርኩ ባለሙያ በሰደድ እሳቱ ህይወቱ ቢያልፍም ስሙ ከመቃብር በላይ ውሏል

በባሌ ተራሮች ብሔራዊ ፓርክ አካባቢ አንድ የማይረሳ ስም አለ። ቢኒያም አድማሱ የሚባል። በዘመናት መካከል ላይረሳ ተከትቧል። ቢንያም እስከ ሞት የመታመን ምልክት ነው። የምድር ቆይታው 33 ዓመታት ብቻ ነው። በጅምር የቀረው የዕድሜው ዘመን በከንቱ ያለቀ አልነበረም። ከዚህች ጥቂት ዓመት ውስጥ ረጅሙን ዓመት ፓርኩን በማገልገል ያለፈ ነው። ይህ ሰው ብሔራዊ ጀግና ነው። ስለ ጀግንነቱም ሐውልት ተቀርፆለታል።

የመንዝ ጓሳን ፓርክ ከአቋቋሙት መካከል ነው። የአካባቢ ተቆርቋሪ ነበር፤ የኢኮ ቱሪዝም ባለሙያም ጭምር። የፓርክ ሥራው በባሌው ፓርክ ብቻ አልተገደበም። የሰሜን ተራሮች ብሔራዊ ፓርክንም ያስተዋውቅ ነበር። በፍራንክፈርት የእንስሳት ጥናት ማኅበር ውስጥ ሠርቷል።

ቢንያም ለተፈጥሮ እጅ የሰጠ ባለ ብዙ ተስፋ ወጣት ነበር። ወጣቱ ለቀይ ቀበሮ የነበረው ፍቅር ይታወቃል። ይኸው ፍቅሩ እስከ ሞት አድርሶታል። ስሙ አካባቢውን የሚያፈቅር ወጣት ስም ነው። ባለ ስሙ በሞቱ እናቱን ያስከተለ ለቤቱ ያጎደለ ነው። ወላጅ እናቱ መሠረት ስሜ ይባላሉ። ሀዘኑን መቋቋም አቅቷቸው በሞተ በዓመቱሞተዋል።

ቢንያም ቢያልፍም ስሙና መልካም ሥራው ለዘለዓለሙ ህያው ነው። የባሌ ተራሮችን ብሔራዊ ፓርክ የጎበኘ ሁሉ ስለቢንያም መስዋዕትነት እንዲሰማ ታርክ ያስገድደዋል።

አፊኒ_ሚዲያና_ኮሙኒኬሽን
#Affini_Media_Communication
ትኩስ እና እውነተኛ መረጃዎችን ለማግኘት ይከታተላሉ
ዩቲዩብ:https://youtube.com/channel/UCzxVCZUtW-XmosukNkCXZEA
telegram:https://t.me/affinimedia
www.tiktok.com/@affinimediaofficial