الشاعر عبد الرحمن حميد الفضلي

ياهلا ياهلا .. بزوار موسىٰ والجواد
…..
فرشنه أچوادر الخدمه
علينه هبّت النعمه
يچنها .. أيام أبو اليمه ، المشي لـ أعتابه

المشي عالحُب كسر فيّه
وشعلنه الروح جمرّيه
ونشم بيها أربعينه ، يذرة أترابه

الموكب مقدس عدنه
يلمنه أكثر من أهلنه
بنص رحمته أنشملنه ، أهلنه الموكب

بي ملحة السوالف
تسكّت حچي المضايف
الأعمىٰ ودليله شايف ، دليل اللي يحب

ياهلا ياهلا .. بزوار موسىٰ والجواد
…..
طلع من الگلب نبضه
وحل ويـ المشي فرضه
ذهب حُبهُم شنو الفضه ، حنينه يجبره

شفته يمشي ومبعثر
وفضولي أستجوباني أكثر
وين ؟ لموسىٰ بن جعفر ، لعطر الزهره

ليش أبتسم ؟ أثاري
حب خدمتي وسماري
وصوتي أخذ قراري .. هلا بالزاير

عطر اليجي ونشمه
بالريه يبقىٰ ذمه
العام اليجي نلمه ، ويـ لمة الچادر

ياهلا ياهلا .. بزوار موسىٰ والجواد
…..
اليجينه ندلله بخيره
أنتباهي مالفت غيره
غربه أحنه وأبو الديره ، اليزور الكاظم

عطشنه أهواي هالمره
وطفح بينه حچي الجمره
نحب الخدمه والزهره ، ونخدمك لازم

ماعدنه مستحيله
وتأمرنه بالثگيله
الزاير علم نشيله ، نحب أنخدمه

جربنه من تجينه
يجيس الگلب حچينه
وحتى الهوىٰ اللي بينه ، عليك أنگسمه

ياهلا ياهلا .. بزوار موسى والجواد
…..
كبرنه بعالم عيونه
وغزر بينه ماعونه
الخير اللي تشوفونه ، من أدينه أنطانه

دليل اليعشگ الغُربه
تلگه بوصله بگلبه
يمشي مغمض بدربه ، ويعرّف أمچانه

مو غربه لليحبهم
الغربه للتركهم
واسع ترا دربهم ، بوسع رحمتهم

العفيه التجينه منّه
بيها متلگه منَّه
روانه من ذبلنه ، الحدم شملتهم

ياهلا ياهلا .. بزوار موسى والجواد
…..
الگلب ملك الدمع عشته
ويمه گلبي دورته
لگيته وعفته ماشلته ، نذرت جروحي

من أدگن بابه وأحچيله
وأنعي بگلبي وأبچيله
متمر عالجرح ليله ، يطيب روحي

وتوصل مشي لحضرته
ودمعك اله نگلته
وبيا حزنه وصفته ، أعله قاضي الحاجه

أتچوه بجمر حنينه
وأذكر ثگل ونينه
لله ترا السفينه ، ترد محتاجه

ياهلا ياهلا .. بزوار موسى والجواد
…..
عبد الرحمن حميد الفضلي

يابو الحسن ياحبيبي 😍👆🏻

https://youtu.be/eYIgwwa8H90?si=WLiX_Ln15IiIN_U-

جيتك أزور بدمعتي وأطلب أمرادي
بعيوني تقرأ حاجتي ياعلي الهادي

<>
تيهت يم صحرة الدنيا الزغيره
وضلت أعيوني لدمعها تريد ديره
بوصلة گلبي دمعتي الكلها غيره
جابت أجروحي لبو الرحمه الچبيره

يالتسگي الأرواح بهلا ، مهجتي وادي
بعيوني تقرأ حاجتي ياعلي الهادي
<>
مدنگ أعله أمتوني شايل حزني كله
الماله دمعه بعتبتك بدموعه شله ؟
البعض گالوا من تدنگ يمّه ذله
ويمك أستشعر بقيت الذله أحلى

ياملجئي في كُربتي دمعتي أتنادي
بعيوني تقرأ حاجتي ياعلي الهادي
<>
بگلبك أقنت ، تنگضي هالحاجه لينه
أمنيه بهالجمعه والمهدي يجينه
خل نعينه بحزنه ونخفف ونينه
كون عميه أعيونّه ولا حمره عينه

للسالمه آنه سلم ، وللعدو معادي
بعيوني تقرأ حاجتي ياعلي الهادي
<>
بيه طف بي غربه وأجروح أتعّذب
وبي أجروح أيتام وأخيام أتسّلب
هاي حاجه أطلبها منك وآنه أنحب
سيدي أدعيلي أبچي كل عمري أعله زينب

وأدعيلي أضل أبچي أذا شاهدة حادي
بعيوني تقرأ حاجتي ياعلي الهادي
<>
آنه متيقنك أذا سألوني عنك
تارس أعيونك أگلهم هذا مَنّك
رايد أسمع عفيه يامولاي منك
وردت عالطف سيدي ترزقني حزنك

أسعى بذنوبي وأنت بس تسعى بأسعادي
بعيوني تقرأ حاجتي ياهلي الهادي
<>
عبد الرحمن حميد الفضلي

يشريان الحچي اليمك يموت الهم
الهلا بضيفك الضاگ ملوحتك تنشم

حبيبي .. ياعلي الهادي
….
ياكريم ، الحمام الرافگ أعيونك يطوفك
مايخون ، منها ياكل يشبع يقبل چفوفك
ملح بي ، غزر ومات الأكل منّه ويعوفك

ياخير وأنتَ بچفك الخير
يختلف عن الخير للغير
گد مامعزب أنت مولاي
فاتح مضيفك حتى للطير

يالون الندى الصافي ولا تعتگ
ويالماضاع يمك ذره من الحگ
….
نهر بيك ، من الكرم يمعزّب أسنينك لربك
همت حيل ، وگلبي من عالم الذر طايح بحبك
أرزقني بيك ، وكون الله سيدي يرزقني قُربك

بأسمك لوَن كِل اليمرون
وعن علي الهادي هواي يقرون
تموت المجلّه الأنت تمحيك
وبس أنتَ والحبك تعيشون

گلبك واليحبه الدمع بيهُم مر
شما يشتاگ اليحبك يحب أكثر
….
مِن أجيك ، وطايح بشدّه يحن گلبك عليه
ما أروح ، لغيرك وبيك أنت روح من الزچيه
ياحنين ، والحنين يلوگ إلك ماكسر فيّه

ماكسر فيّك عاش بي روح
وعطر المحنه بهدمك يفوح
ياعلي الهادي وهاي بالضيج
متيقن أتفزز المذبوح

يامذبوح بس عايش ضوه بهندس
وتطشر ضوه عالخلگ ماتحبس
….
ماتموت ، أنت صوت وتدوي بأذآن المنابِر
ياثگيل ، ماتهِزّك سِلسِله والسِجَن عابِر
يمر خريف ، بگلبك من يمر على أذن ضهر عاشر

يمك مسير طافح الويل
ومابيك من أمصايب الحيل
يجبل على بالك شكو ارمارح
وبأذنك ترد تسمع ركض خيل

بگلبي هالسؤال الضال يكابر
على صدرك يمر ليليه چم حافر ؟
….
مو خيال ، وهم كل السجن بس أنت حقيقه
يارفيق ، بكِل درب ضايع بقى بلايه رفيقه
بالضريح ، عمُر تسوىٰ الگعده بألطافك دقيقه

تسوىٰ شكثر بس هيَ لحظات
ياعايش وعطفك ولا مات
يمعطش أعيون اليزورون
ويمگصر دروب المسافات

ما أختملك أنت ماختمت الحُب
يالمطلع اليصيح بأسمك من الجُب ..
….
عبد الرحمن حميد الفضلي

شلون أردلچ ؟ 💔

سيأتي النريده ونقيم إلها مأتَم
وقريب لقبرها ، نسّوي مُخيم

لكُل مُعزّي هديه
أنهُرٌ كوثريّــه ..

نسّوي مُخيّم
…..
فطرة الحُب عقيده ، واليحب يرفع أيده
حتى يأتي النريده ، وقبر الزهره المخفي نشوفه

نعمة الزهره نعمه ، گمره يم كلشي عتمه
كلشي إلها أصله خدمه ، هوىٰ درب الزهراء مانعوفه

درب بي كلنه عشنه
ورثناه من أهلنه
لعزه الزهره أنجذبنا .. هوينه من الزّغر

أعله حُبها ثبتنه وعرفنه الحقيقه
بعزاها تساوي سنين الدقيقه

هذا حق الزچيه
انهرٌ كوثريه

نسوي مخيم
….
حچي للشيعه مُسنَد ، مثلاً نبني مرقد
بصف مدينة مُحمد ، ويشع نور الزهره من أبوها

تجي إلها الكواكب ، على هيئه مواكب
غصباً أعله النواصب ، وبمكّه الخدمه أينصّبوها

الخدم غيرتها فارت
العجايب بينه حارت
الارض شيعيه صارت ، بدربها لفاطمه

صدى بنص صحنها يحير العوالم
فـ اهلاً وسهلاً بـ زوارِ فاطم

لشيعتي الرافضيه
أنهرٌ كوثريه

نسوّي مُخيّم
….

ياحزن لايگ إلنه ، بي سوالف محنه
هيچي عزيات اهلنه ، أُمنه الزهرة وإلها البواچي

ماهفتنه احنه جمرة ، واليعادينه مرّه
مافتح يمنه ثغره ، وبس للشيعه تلوگ المحاچي

تشوف الخدمه رايه
الخدامه إلنه هوايه
البچي بيها احلى غايه ، طهاره للجفن

الدمع عدنه واجب ليالي عضيمه
هدتنه الزچيه لخدمها احلى خيمه

مجالس توعويه
أنهرٌ كوثريه

نسوّي مُخيّم
….
دوله وحدها لازم ، وتحكم الدولة فاطم
بيها عدل الله قائم ، تحكمها الروح الفاطميه

بـ سَلام إدخلوها آمنين اگصدوها
بالدمع كلموها ، ما أعظمها أمصيبه ورزيه

الدمع يعني وسيله
للارواح العليله
الضلع حزنك بديله، يّجّبر المنكسر

دمعتك قنوتك للتحب توصلك
كمالك ليالي الزچيه تكملك

لدمعتك بالعزيه
أنهرٌ كوثريه

نسوّي مُخيّم
….
احنى مو بس سوالف ، احنى ملح الطوايف
تشهد النه الموقف ، ولد اليوم وولد المجالس

الخدمه ماعدنه مظهر ، مظهر وعدنه جوهر
الواحد تشوفه أسمر ، شمس الحُب أمسويته عابس

زلم والخدمه عدها
جمر بس ما تهدها
بوطن فاطم وعدها ، الصدق دين الخدم

منايرها باچر تضوّي المدينه
وشمسها الحنينه تشّع حُب علينه

تضوي فوگ الثُريّـه
أنهرٌ كوثريه

نسوّي مُخيّم
…..
عبد الرحمن حميد الفضلي

همت بيك وهيمتني
وماشفت اقرب من عيونك قريب
…..
فضل جفك يبو فاضل على كلشي تشظّه
فكل شيءٍ نابضاً وجودك يعني نبضه
العلى السانه تمر انت لصلاة الحب توضه
هوى بشبكه اللّي ميحبك شنو تاليه فرضه

نهر حُبك والشرب لو گطرة
اسمك يضل دوم تارس ثغرة
ابو فاضل وانت باب اعله الحسين
واليحبكم يرضي گلب الزهرة

اتسائل بنفسي اتجاهك
ليش افرح لو بدة اعليك النحيب
….
يسور المرمر اليرهب يـ للمبعد وسيله
ثكيل وهدتك كلفه بالايام الثكيله
ابو الأكبر ترك بنته وترك يمها خليله
خليله اسم (ابو فاضل ) حرز گلب العليله

ياحرز والخايف اطمئنانه
ياكمر واملوحته بذرعانه
لو گمت بمجانك ايعيش الربيع
الناس كلهت ما تترسه امجانه

عاش گلبي بماي وجهك
وانه كلبي يروى من ماي الحبيب
.....
يكاسر حاجز المبهم واصل كل الحقيقة
الطرق كل التعب بيها الحلو بحبك طريقه
يساوي عالم الدنيا الحلم بيك دقيقه
آنه عن نفسي يوم ابلايه ذكرك مااطيقه

شنو يكملك وانت دينك كامل
شجاب علمك يم رماد الجاهل
فقهك يغطي الأرض خيرك چبير
موش صعبه الصعبه عند ابو فاضل

انت موبس بالقصيده
ياوسيله للعبد عند المجيب
.....
يبيرغ ماتهزة الريح ابو فنون العتيجه
كلف ماصاد المطوفه الكلف بس للغميجه
منوة خله غير اسم الحسين ايروي ريجه
ابو فاضل والينكرة حياته اتضل حريجه

اول انت وماصرت بالتالي
ياشهم عند الحسين الغالي
ياثكيل ومايلوحك ناصي صيت
ابلا مهر وانت ابو فاضل عالي

عالي انت يابو فاضل
والحلو العندك يشوفونه مهيب
.....
بكثر مانضرتك راحه وترهبه اللي تنضرة
اذا هيجي يابو فاضل يعين الله التخزرة
صوّرك مو رسم عابر صورك عندي حضرة
اذا فقرة احنه بوجودك يريت نموت فقرة

يافقير العنده مثلك قائد
ابلا شبه خلاك ربك واحد
حار راسك يااربات ام البنين
بكثر ماانت شجاع وزاهد

گمر انت بكربلائك
وحتى لو تطلع شمس هم ماتغيب
……
عبد الرحمن حميد الفضلي

يالتسأل لطول السنه .. إلمن تجازين ؟
أمجازاتي لليومه گضى يخدم بالحسين

ولدي الخدم كلهم
گلبي أحن من امهم

عليهُم ..
……
من گال ميفيد البچي ؟ لكل شخص ما تبچي العين
كل البچي مابي نفع بس الصدگ يم حسين
بلا خدمه أسأل عالعمر بنادم يگضّي چا وين
يگضي أشحلاته بخدمته مره العمر مو مرتين

عمر مابي بس الالم
شنو نفعه بلايه الخيم .. وبواچي عليهُم

أنه الجرحي بي چم جرح
أعله ذاك الضل فوگ الرمح .. وسياط وسبيهم

ماتلتم اجروح اليحب دمعه بالعيون
شگد حلوه لو بس من صدگ كل اليحبون

حتى الهوى يشمهم
گلبي احن من امهم
……
ماناسيه العاش العمر ماطافي مثل الجمره
أعله أدموع اليون كل مسه تطلع تدور الزهره
والعنده الحسين الصدگ مو عَشره بالحب عِشره
ماينحسب عمره عمر الـ عالخدمه ناذر عمره

الخدم من گلبه بالدمع
ترا يجبر مني الضلع .. ويجبّر حنيني

والينام وگلبه أنثلم
وللحسين بروحه ألم .. أعرفه الحُسيني

مينام البروحه وجع وايسحب اهواي
ويم كل شمس تلگه الدمع يتگاط افياي

بكل لحضه أنه يمهم
گلبي احن من امهم
……
شما أشوفكُم تبچون أجي بلهفه عليكُم أركض
وما غمّض عيوني أبد عاليسهر وميغمّض
مشكور سعيه الكل ضهر بعينه محرم يعرض
واليرض صدره من عرف الخيل اعله صدره تركض

أجازيكم بالدنيا أنه
وأعيشن كل طول السنه .. أباهي بدمعكم

حچي موبس راد العشگ
فعل والدمعه من الصدگ .. يشيعتنه أودكُم

دمعه وفعل هيچ اليحب .. مابين الاحساس
والي يريد يطب اله من باب عباس

بنص روحي اشوفنهم
گلبي احن من امهم
……
صح تنتهي أيامه لچن شهر الحزن ضل دايم
بس هي فرص والصدگ فرصة الدنيا الخادم
لهل الدمع كون الدمع شيفيد يم الوادم
اهل الوسيله احنى ترى اليگصدنه ميرد نادم

الندم يوحي الى درب
رجعته تسوي احبى حُب .. وتِسعى لوجودك

الضمه ياخذ جرحك اله
اخذ گلبك يم كربله .. وگله اعلمودك

سلّم عشگ ماينصعد بالهيّن يريد
والينجرح بي ينولد بإحساس الـ أبعيد

بشمس التعب فيهُم
گلبي احن من امهم
…..
بالدنيا كلشي ينتهي والخدمه بس التبقى
الصفقات كلها بالعدم وتعيش هاي الصفقه
البير بي مي يعني حُب ينقاس حُبه بعُمقه
الحوهر حلاته لو طلع بالخدمه كون تطبقى

التجاره وياه ما تكتمل
الگلب يفرق عن العَقل .. ولا اكو خسائر

تأمل هو والحرم
اعلمود تعيش انت انظلم .. ورسم جرحه عاشر

مو عاشر وبس الاسم عاشر للدموع
هاي العديه للخدم للتلطم ادموع

لابني فدو دمهم
گلبي احن من امهم
……
عبد الرحمن حميد الفضلي

https://youtu.be/b9nHAZOHcUE?si=RZwBPgEG1sAzDa3w

لسان حال مولاي أمير المؤمنين

عمري جبت أبچي أعله مبچاچ
خايف أيطوّل عمري بجفاچ
يالزهره رايد أبقى وياچ
…..
هاي ، أول أيام أكسرتني
ترافگت عيني ويـ ردني ، وذبلت سنيني
وين ، التمسح جراحي بدمعها
هسه كسرتني بضلعها ، وجرّحت عيني

تكسرني التجبرني بكسري
أخذت گلبي وروحي وعمري
أشلون أعليها اتحلى بصبري

جرحي العلى الزهره يصير يسوه
قالع باب خيبر گام گوه

يادمع اليسولف بالعيون
والكاسرينك شو يشمتون
خلافچ يهنيال اليموتون
…..
ليش ؟ المرتبط عُمرّي بعُمرها
ترس إذني أسمع كسرها .. ريتني وياها
هاي ، الماردتها تصير مرّه
تحترگ ؟ مو هيَّ زهره ؟ .. وينطفي أضواها

ذاك اليمشي بطول وهيبه
هذا الباب مطلّع شيبه
يرد بحسره وحسره تجيبه

المثل الزهره ماتندفع بالباب
الكاسر أبو تراب يهيل التراب

آنه علي وكل جرح اليصير
الله يعرفه ودمعي والبير
من ياجرح تبدي وشنو تحير
…..
هنا ، أول أسباب الرزيه
ومُفترق للغاضريه ، وهظمة الغُربه
هناك ، بدل بسمار وحزنها
حافر أيمر أعله أبنها ، ويثبت بگلبه

يمشي بوجهه مبين حزنه
ركضاته شگد أيعطشنه
والموش لگلبه يسحگنه

دم بلحيته وشيبه تخضّب
الخيمه المنها راح شلون تنطب

هذا الشبه مابين الأثنين
ضلع الزچيه وصدر الحسين
بين الضلوع وسطرة العين
…..
هناك ، العصره مو نفس الزچيه
العصره جوّه الأَعوجيّه .. بمغرب العاشر
وينطبگ مو باب حزنه
ثگل مثل الأرض چنه .. طبگة الحافر

مو بس بالرض أيعذبونه
من أيرضونه يذبحونه
عاري أعله الصحره يخلونه

أخاف الحافر من أيدوس صدره
يمر من صدره ويروح أعله نحره

ينخطف لونه وهو متعوب
ويسلبونه بكربله الثوب
وتنسبي زينب وكت الغروب
…..
آه ، هناك محسن بس مكانه
يصير عبد الله بزمانه .. ويتخذ صبره
العطش غادي غير شكله
اليعطش يقدموله نبله .. وتلتقي بنحره

ياعبد الله وحزن المحسن
عطشان بحضن حسين يون
ماكو الرحمه بنص گلبه يحن

طفل متعوب طاح بأثر بسمار
وطفل عطشان شمروا والده حجار

جرح الطفل وأهواي تعبان
عطشان صار بحضن عطشان
باب الزچيه يفك بيبان
…..
عبد الرحمن حميد الفضلي

لهم فاطِمه ألطُم
أُمي ونعم الأُم
توگفلي بالتهظُم .. وتسترلي خلواتي

غير أُمي ياهيَ ؟
الزهره تهِم بيّه
خادم كُبرّ فيّه .. وكل خيري دمعاتي

أنه الـ بس يمها يلگه هيبته وروحَه
أنه البس عالزچيه تكبر أجروحه
أنه العايش حياته بدمعته كاشخ
عايف كل شبابه وعايش بنوحـه

عايش شبابي دمعه
ويتمنى كاسر ضلعه .. لأم الحسن

آنه اليگضّي ليله
وجروحه تشتكيله .. وبيها يوّن
….
الكون وعُمق طرحه
تتحكمّه بـ رحّه
أصل النجم سبحه .. تسبيحة الزهرّه

طيش العُمر كسره
وآنه الكُبرّ عُمرّه
بنص عالم الزّهره .. وهالعالم شكُبرّه ؟

رغم كل هذا عاشت هيَ مكسوره
منو الأمه گبر ماعدها ويزوره ؟
غشيم المايعيش ألها مثل فضه
ويخلي أدموعه برداناته منذوره

ماعدها حظره فاطم
ولابد يجيها قائم .. يهدم جرح

أبهر دليله رايح
يبچي بدمعته نايح .. ش گد ينذبح
…..
الماعنده كل مأوى
وبالغُرّبه يتچوه
خـل بيها يتگوى .. وتحلّه موضوعه

ردد لها ماجاء
يارَبِ بالزهراء
تحلوا لها الأسماء .. في حُبها موسوعه

عمت عيني عليها طولها ناحِل
المايعرف قدرها ينحسب جاهل
من گد ما حنينه الزهره بينتها
مو بس للحسين أم حتى أبو فاضل

وأحنه تره بزغرنه
شفنه شكثر محنّه .. من فاطمه

اليعطش بچي يجيها
تروي جرح بديها .. وينسى الضمه
…..
الله ليحرمني
منها ويضل حزني
مُغرم وسط جفني .. ودمعي يصبّح دم

گلبي أنغمس بيها
وراح أبقى أتانيها
أُمي ، أحن ليها .. وكل همي بس هالـ هم

تفز أجروحي كلما ( وأن ) أسمعها
وأنه المايدري ياشوغه اليطلعها
من ذيچ السنه الهاي السنه أدموعي
أضل أذكر مصيبتها وأجمعها

المكسوره مِنْ جبرها ؟
وذاك الجذع عصرها .. بحايط هظم

بس تبقى بأنتظاره
خاطر تتاني ثاره .. يشيل الظلُم
…..
عبد الرحمن حميد الفضلي

ياملح الخيم يبني يمضويلي كل عتمه
ندى وليدي بلهيب الصيف بين بي حليب امه

موعد شروقك بالفجر
ارجع يالمحلي العمر
….
موعد خريف بكوكبك ماچان
موسم ورد وانت گبالي ذبلان
ياراوي گلب امه وباقي عطشان

مالاگ الفگد _ مناطرتك ترد
اللحظه تنولد _ سنين
من عني درت _ بلحضتها متت
واحجيلك صرت _ وين

من روحي أعله روحك كون هاي شويه ريت أكثر
وليد مو فقط عالگاع نسمه بريّتي وتفتر

أمك خاطرها ينكسر
يبني يالمحلي العمر
.....
صارت اگبالي وماحسبت لهاي
مصدر المي وتعطش اعله الماي
ياگمر بس ادور اعله فياي

من عندي انسلب
وليدي والتعب
يامحلى العتب _ اااه
يالب الگلب
حضني مو ترب
هالنوقف صعب _ اااه

يامحلى التعب وياك تعبي فدوة لعيونك
ورد تنزف عطر كلما اجو رادوا يذبحونك

وعطرك على انفاسي يمر
يبني يالمحلي العمر
......
ياضاوي والدنيا عگبك أغروب
مشهد شفت يمه الدليل يذوب
متعوب يركض يحضن المتعوب

وكاسرهم الم
بي خط القلم
حاچوا البالخيم .. راح

ضوه عيني طفى
وكل حلمي اختفى
وكل دمعي أنچفى .. أجراح

ياعيني الاشوفن بيك واتباها على الدنيه
مو حالت وداع وياك عوف اوداعك شويه

وگلبي انكسر ماينجبر
يبني يالمحلي العمر
.....
بالخيمه عطرك ضل يجي ويروح
عايش تضل بيه حتلوا مذبوح
الحب حلاته لو بدأ بجروح

لو صار العشگ_ ويبدي من صدك
بالدم ينسبگ _ تشوف
دربك كله حب_ ومحلاته الدرب
من اتلوح الگلب _ سيوف

الحب مستوى كل انسان يفدي دم لليحبه
واليعطش عشگ يرويه عشگه العايش بگلبه

فدوة للزنود السمر
يبني يمحلي العمر
.....
من تنشد الدنيا تنتهي وين
محلى الختام الينتهي وي حسين
وهي المواقف كلها دين بدين

موقف للملا _ بي شانك عله
يسوى بكربله _ يصير
عفته الوحدة _ ضل بين العده
يومك موعده_ يحير

يمحلى الموقف وي حسين تخلص دنيتك يمه
ولو عندي ولد غيرك فدوة لعين ابو اليمه

وهايه نهاية كل صبر
يبني يمحلي العمر
….
عبد الرحمن حميد الفضلي

عِندما رّجعت مولاتي زينب ص مع الضعن الى المدينه رأت مولاتي العليله واقفه ملهوفه على باب الدار قالت ..

يالمنتظره أبوچ أباب الجروح وبگليبچ جرح حاط
چبيره الفاتحه واليلطم يطيح بدينه تعيش السياط

أسمعي يالعليله الخبر موزين
أجينه بس بقى مذبوح الحسين
___
أسولف مقتل أحلامي قنوتي بنبره من الويل
دعيت من الخيم للتل وأجاني حسين ويه الخيل
شافوها الگبل چانت ماشايفها حتى الليل

لمّن فگدته وسافر الراي
ميت حسين وگام وياي
ينزف عطش وآنه أركضت ماي

ولگيته من الخيول هواي تعبان ردت أسگي بالدموع
بس مايشرب المي ميت حسين أبوچ هواي موجوع

موبس النحر گطعوله چفين
أجينه بس بقى مذبوح الحسين
_
ركضت وحيلي مابي حيل وأخ من الگلب هدّت
أطلعت مثل الضوه بنص ليل وصاحوا بت علي طلعت
أخيول الأعوجيه هواي وكلها بصدره أجت عثرت

الباقي ثلثتيام عطشان !
بطوله الخيول تسوي نيشان
حسين مغطي گلبه شفت تربان

الحرمه التنولي حرمتها تنهاب بس تذبحها الجروح
صوتي ماطلع أبچي بلا صوت بس أگليبي مذبوح

مقتل كامل أحچيلچ تسمعين
أجينه بس بقى مذبوح الحسين
__
خذونه من الهوه للموت وصعدونه أعله ضهر النوگ
مچتوفات أدينه بنار وكل چف حرمه ضل محروگ
الماتدخل مضيف الدار أخت حسين طبت سوگ

السوگ وأحنا ماكو مقياس
سألوني كِلهم أسمع الناس
زينب وحيده وينه عباس ؟

يعمه وحگ عينچ ضيجة السوگ وحدها أطلبت ثار
تخيلي أحنه نسوان وتجي الناس علينه تشمر أحجار

خافن أحچي ألچ عمه وتموتين
أجينه بس بقى مذبوح الحسين
_
بعد ما كلشي صار أرماد ماضلت علينه أخيام
بعد عدنه بواچي هواي والحادي علينه شضام
وصلنه الكوفه گلناله وين نروح ؟ گال الشام

طحنت اضلوع حسين الخيول
بس آنه كسرت گلبي الطبول
لهاي المصيبه منهو مسؤول ؟

من شافوا ضعن بي تمشي نسوان وشافوا زينب أم عون
ركضوا كلهم من أبيوتهم نار شو گاموا يصفگون

بعد هذا الحچي تگليلي تحچين
أجينه بس بقى مذبوح الحسين
__
أشبگيني أعله گد الشوگ بروحي كلشي بالطف مات
وداعة كل حرف بأسمچ ثگيله الغربه بس شمات
الثواني تمر علينه أسنين من بوابة الساعات

مبينين كل أحنه عناوين
طبت قصرهم صارت أسنين
مو فصل وأنطيح بدواوين

ومشيت بنص ألم وتشيّب الروح وأموتن آنه كلساع
بس وداعة أسمچ يم الجروح بالطف صايره أشراع

والطف صاير أعله أم عون طفين
أجينه بس بقى مذبوح الحسين
__
عبد الرحمن حميد الفضلي

يالتسأل لطول السنه .. إلمن تجازين ؟
أمجازاتي لليومه گضى يخدم بالحسين

ولدي الخدم كلهم
گلبي أحن من امهم

عليهُم ..
……
من گال ميفيد البچي ؟ لكل شخص ما تبچي العين
كل البچي مابي نفع بس الصدگ يم حسين
بلا خدمه أسأل عالعمر بنادم يگضّي چا وين
يگضي أشحلاته بخدمته مره العمر مو مرتين

عمر مابي بس الالم
شنو نفعه بلايه الخيم .. وبواچي عليهُم

أنه الجرحي بي چم جرح
أعله ذاك الضل فوگ الرمح .. وسياط وسبيهم

ماتلتم اجروح اليحب دمعه بالعيون
شگد حلوه لو بس من صدگ كل اليحبون

حتى الهوى يشمهم
گلبي احن من امهم
……
ماناسيه العاش العمر ماطافي مثل الجمره
أعله أدموع اليون كل مسه تطلع تدور الزهره
والعنده الحسين الصدگ مو عَشره بالحب عِشره
ماينحسب عمره عمر الـ عالخدمه ناذر عمره

الخدم من گلبه بالدمع
ترا يجبر مني الضلع .. ويجبّر حنيني

والينام وگلبه أنثلم
وللحسين بروحه ألم .. أعرفه الحُسيني

مينام البروحه وجع وايسحب اهواي
ويم كل شمس تلگه الدمع يتگاط افياي

بكل لحضه أنه يمهم
گلبي احن من امهم
……
شما أشوفكُم تبچون أجي بلهفه عليكُم أركض
وما غمّض عيوني أبد عاليسهر وميغمّض
مشكور سعيه الكل ضهر بعينه محرم يعرض
واليرض صدره من عرف الخيل اعله صدره تركض

أجازيكم بالدنيا أنه
وأعيشن كل طول السنه .. أباهي بدمعكم

حچي موبس راد العشگ
فعل والدمعه من الصدگ .. يشيعتنه أودكُم

دمعه وفعل هيچ اليحب .. مابين الاحساس
والي يريد يطب اله من باب عباس

بنص روحي اشوفنهم
گلبي احن من امهم
……
صح تنتهي أيامه لچن شهر الحزن ضل دايم
بس هي فرص والصدگ فرصة الدنيا الخادم
لهل الدمع كون الدمع شيفيد يم الوادم
اهل الوسيله احنى ترى اليگصدنه ميرد نادم

الندم يوحي الى درب
رجعته تسوي احبى حُب .. وتِسعى لوجودك

الضمه ياخذ جرحك اله
اخذ گلبك يم كربله .. وگله اعلمودك

سلّم عشگ ماينصعد بالهيّن يريد
والينجرح بي ينولد بإحساس الـ أبعيد

بشمس التعب فيهُم
گلبي احن من امهم
…..
بالدنيا كلشي ينتهي والخدمه بس التبقى
الصفقات كلها بالعدم وتعيش هاي الصفقه
البير بي مي يعني حُب ينقاس حُبه بعُمقه
الحوهر حلاته لو طلع بالخدمه كون تطبقى

التجاره وياه ما تكتمل
الگلب يفرق عن العَقل .. ولا اكو خسائر

تأمل هو والحرم
اعلمود تعيش انت انظلم .. ورسم جرحه عاشر

مو عاشر وبس الاسم عاشر للدموع
هاي العديه للخدم للتلطم ادموع

لابني فدو دمهم
گلبي احن من امهم
……
عبد الرحمن حميد الفضلي

نحر وعيون روحي اتلاگت بروحي
وبجينه اثنينه اعله اجروحه واجروحي

من أول مرّه شفته
كلشي أگباله گلته
___
گتله اشلونك وآنه اعرف شلونه
شفت الشيب جازي حاجب عيونه
شما حاچيت أخوي أشكيله عن الصار
علـى أعـنادي الرمـح ركضـوا يهزونه

ضحكوا يمي وكل الديره أحضروها
وصاحوا هاي الگطعنه أچفوف أخوها

مثل جيّت ضوه أتعنوا علي ناس
شما ينشال سوط يموت عباس

شفت نزلت دمعته
كلشي أگباله گلته
___
مشّونه بدرّب بي ماتطُب النوگ
الماتدخل مضيف الدار طبت سوگ
طفلهُم بيده ماي وحار يچوي الگاع
ويرشّه أعله كلمن عنده چف محروگ

لمن باوع من يم رمحه عليه
درت عيوني وگتله زينب سبيه

حتى ألطفل عدهم حجر بچفوفه
ومن أطفالهم بينه أصبحت خوفه

السبي تكتل غربته
كلشي أگباله گلته
____
على رمحه وشكيت وشاب كِل شعره
ذاك الشاب شفته صاير أشكبره
لمن گتله شلعت گلبي طبت السوگ
مو گصته أعرگت لا دم نزف نحره

ما شِفت آنه شط طاح أعله راگه
ونفس الطيحه طحت بهزله ناگه

الحيره تدير فوگي وشنهي من حيره
أهل الديره ضلوا مالهُم ديره

اخوي أدري ولچمته
كلشي أگباله گلته
_
خذونه بليله ضلمه وبالدرب ضعنه
حرم كثره وعلي السجاد زلمتنه
ولأن هو أزلمتنه وبالضعن أول
أذا طاح العليل أنطيح كل أحنه

والهظمتني كلمن شافاني أنحب
واحد گال لواحد عالهزله زينب

محد گال عني هاي تعبانه !
الناگه أشربت ماي وآنه عطشانه

حتى المر جرعته
كلشي أگباله گلته
_
أنتهى كلشي وتفارگنه أعله كل لچمه
والنور اعله شاطي ضوّه چم عتمه
من گد ماحنين بوكتي أبو فاضل
يتقاسمها چان وياي كل نسمه

من گالوا عالكافل شاف الحنينه
خاف يشوفوني بعينه طفّى عينه

ياهي العدها مثلي زلمه يبراها
حتى وهو ميّت راسه وياها

سبي الغربه حملته
كلشي أگباله گلته
__
عبد الرحمن حميد الفضلي
،ً

https://youtu.be/1TFsm-iTgL8?si=SAM6fY78oPvtzUEj

ماروينه
بمستحى يمكم لفينه
الوادم تباوع علينه ، ماروينه

شگد متاعب بينه صارت
ومثل رحّى الدنيا دارت

ماروينه
…..
ماكو ليل وبي نهوّد ولو نهوّد ما ننام
يا أقصور أتلمنه وأحنه أمعودات أعله الخيام
الحرم لو طبت مضايف تقره عالدنيا السلام
ناس من تذبح وسيله بدمهم يعيش الحرام

يجي الليل وأبد مانغفى بالليل
نغمض لچن ترجع بينه الآهات

وتمر المواجع حتى نبچيك
من نسمع أركضوا حسينكم مات

شگد تعبنه
وأنلچمنه من المتاعب
هسه چا بيمن نعاتب ، شگد تعبنه

الوادم شگد بينه جارت
ومثل رحّى الدنيا دارت

ماروينه
…..
الگلب مالاگي اليقنعه وضال ينشد بلّه ليش ؟
يامره بطرگ العبايه والعليل تلاگي جيش
كون اليذبحون أهلها لحضه وحده ماتعيش
چانت تلوذ بخيمهم هسه بله تلوذ بيش ؟

التاكل بالگلب وتهيج الجروح
ولهسه كل گلب من عدها محروگ

وصلوا مرحله بينه يشمتون
نعطش ليش أحنه وترتوي النوگ

شگد بچينه
اعله الجرح توگع مدامع
والدمع من المواجع ، شگد بچينه

وزينب بيا ضيم حارت
ومثل رحّى الدنيا دارت

ماروينه
…..
لا يضيعون السبايه ويه الضعن أمشي سريع
كون أباريهم بروحي ، وخايفه أنوب آنه أضيع
أنسدت البوب بوجهنه وأحنى باب الله الوسيع
والسبي حچايه ثگيله وبالعرب زحمه تشيع

أهواي أحنه لچن شماتنه هواي
وزحمه حيل أسمنه يمهم أنجاب

ماسدينه باب بوجه أنسان
بس بوجوهنه يسدون الف باب

لچمه بينه
من أهد ذي البواچي
وعلى الگاع أهل المحاچي ، لچمه بينه

ارواحنه من التعب فارت
ومثل رحّى الدنيا دارت

ماروينه
…..
تمتمت بينه البواچي وخوف ياخذ خوف صار
الحادي بارد گلبه حيل وگلب زينب چنه نار
مدللات أبيت أهلنه وهسه شفنه الإنكسار
بيا وكت يا آل هاشم يعيش بالصحره الخضار

بسنه اللحظه علينه تصير يحسين
ونخلص أيامنه بدموع الجروح

مو بس اليذبحه السيف متعوب
اليعوفونه هله هم أسمه مذبوح

تعز علينه
أرواحنه يم الشماته
حسين مسبيه بناته ، تعز علينه

بالسبي كلها تمادت
ومثل رحّى الدنيا دارت

ماروينه
…..
أمصيبه ما أعظمها هايه مصيبه كلش ما تهون
أنسد مسامعنه بدينه الغربه بينه أيشتمون
كون والكون أشحلاها أبلا سبي ردينه كون
ياوفاء العاش بيكم روس ويانه تجون

هنا يهل الوفه المامنكم أحد
ولا واحد اويانه وگلبه مرتاح

ماعفتونه صح اجسادكم غاد
بس انتم ويانه فوگ الارماح

ليش أدينه
أتچتفت بالغربه صحنه
ما أنگادت من أهلنا ، ليش أدينه

أرواحنه شگد بيها ناحت
ومثل رحّى الدنيا دارت

ماروينه
……
عبد الرحمن حميد الفضلي

همت بيك وهيمتني
وماشفت اقرب من عيونك قريب
…..
فضل جفك يبو فاضل على كلشي تشظّه
فكل شيءٍ نابضاً وجودك يعني نبضه
العلى السانه تمر انت لصلاة الحب توضه
هوى بشبكه اللّي ميحبك شنو تاليه فرضه

نهر حُبك والشرب لو گطرة
اسمك يضل دوم تارس ثغرة
ابو فاضل وانت باب اعله الحسين
واليحبكم يرضي گلب الزهرة

اتسائل بنفسي اتجاهك
ليش افرح لو بدة اعليك النحيب
….
يسور المرمر اليرهب يـ للمبعد وسيله
ثكيل وهدتك كلفه بالايام الثكيله
ابو الأكبر ترك بنته وترك يمها خليله
خليله اسم (ابو فاضل ) حرز گلب العليله

ياحرز والخايف اطمئنانه
ياكمر واملوحته بذرعانه
لو گمت بمجانك ايعيش الربيع
الناس كلهت ما تترسه امجانه

عاش گلبي بماي وجهك
وانه كلبي يروى من ماي الحبيب
.....
يكاسر حاجز المبهم واصل كل الحقيقة
الطرق كل التعب بيها الحلو بحبك طريقه
يساوي عالم الدنيا الحلم بيك دقيقه
آنه عن نفسي يوم ابلايه ذكرك مااطيقه

شنو يكملك وانت دينك كامل
شجاب علمك يم رماد الجاهل
فقهك يغطي الأرض خيرك چبير
موش صعبه الصعبه عند ابو فاضل

انت موبس بالقصيده
ياوسيله للعبد عند المجيب
.....
يبيرغ ماتهزة الريح ابو فنون العتيجه
كلف ماصاد المطوفه الكلف بس للغميجه
منوة خله غير اسم الحسين ايروي ريجه
ابو فاضل والينكرة حياته اتضل حريجه

اول انت وماصرت بالتالي
ياشهم عند الحسين الغالي
ياثكيل ومايلوحك ناصي صيت
ابلا مهر وانت ابو فاضل عالي

عالي انت يابو فاضل
والحلو العندك يشوفونه مهيب
.....
بكثر مانضرتك راحه وترهبه اللي تنضرة
اذا هيجي يابو فاضل يعين الله التخزرة
صوّرك مو رسم عابر صورك عندي حضرة
اذا فقرة احنه بوجودك يريت نموت فقرة

يافقير العنده مثلك قائد
ابلا شبه خلاك ربك واحد
حار راسك يااربات ام البنين
بكثر ماانت شجاع وزاهد

گمر انت بكربلائك
وحتى لو تطلع شمس هم ماتغيب
……
عبد الرحمن حميد الفضلي

ماهمني سبيكم لا تهمني أحبال
جبل والحبل مايگدر يچتف أجبال

أنا زينب أنا زينب
…..
أنا بِنت الستر والستر حج بيّه
أنا زينب أنا الحُرّه الحُسينيه
منو سابي منو ويا قصّه مرويّه
سبيت أجيوشكُم مو آنه مسبيّه

ضل من عِندي بيكُم كِل گلب محروگ
أنا كعبة ستر صرت أعله ضهر النوّگ

أنا زينب
…..
ندنّگ مو طبعنه أگبال كِل عاذل
شلون أتدنگ العدها أبو فاضل
الجهل ماخذكُم لحد قمّة الباطل
وأنا بنت الصدگ ما أسمع الجاهل

تضل بإحلامكُم زينب تدنگ الراس
مره مو بس عبايه براسها العباس

أنا زينب
…..
عِطشَت گِلتوا وآنه للحياه مصدّر
نسيتوا بأمّي نزلت سورة الكوثر
أرتفعتوا وبالأصل هاماتكُم تگصر
أنا من الله جبل ، ما أصعد المنبر

من الطف بقىٰ بگلوبكم نيشان
أصلكُم نار تالي النار بس دخّان

أنا زينب
…..
چبيره أقصوركُم ، بس بالأصل هيمه
وعندي ماتساوي لحضه بالخيمه
فشلكُم باچر تبيّن مراسيمه
و عن شمس الحقيقه تِبعد الغيمه

متهم القصور وبيها ناس أتدوخ
تسوه أقصوركم گعدة ستر بالكوخ

أنا زينب
…..
حرمه وبـأخوتي أعله أرماح أتقوّه
أنا الـ إلا جميلا لغيري مو حلوه
الحُب جمره والما ينچوي شيسوه ؟
اليحب حسين كون بناره يتچوّه

أمامي وشنو اليأمرني إله حاظر
بحياته حسين ما كاسر إلي خاطر

أنا زينب
…..
وِرِد صار الحسين بريتي وأنفاسي
ماكو تاج غيره شايله براسي
أذكركُم إذا بيكُم شخص ناسي
حُسينيّه الشموخ وعزمي عباسي

قدوه إسمه إليه وإسمه ترّسْ العين
محد تاج راسي تاجي بس حسين

أنا زينب
…..
الصبر من شاف صبري صار إلي يُنسَب
أضُم دمعي أنا ويم زلِمه ما أنحب
أنا لذاك الشموخ أسمي صُبح مذهب
ومثل ما گلت بالمطلع أنا زينب

ما أنكسر حتْى لْو ينخطف لوني
حرز شلت أسم أخوتي آنه بعيوني

أنا زينب
…..
عبد الرحمٰن حميد الفضلي

https://youtu.be/Lsg8rx9JRyY?si=eBymKi0j70pERfph

https://youtu.be/UWlZl7ITklg?si=qiqxWJPy6bKf7MBC

#لمولاي_القاسم_سَ

وصفه گالولي وگـلت
اعجـز اشما حاولـت شي عجيب

نـوره نـــور اربعـطعش
ضحكته اتنسي العطش شي غريب

تشـوفه بـ عينه حب
بطـل وكـت الحرب شي عجيب
…..
نزل بيه الهوا يغازل ، بوجهه شگد لطف شايل
أجاه عن لا يحسدونه ، باسه بخده أبو فاضل

من الخيمه بدر ضاوي ، يسطع نور البخده
حمره الشمس بالطف ليش ؟ ، لأن خجلانه من عنده

من بطن الخيام طلع وأتنشر أم عون
إني أعوذُ يرب من اليحسدون

ياجماله وبسمته
زينب من أتلگته . بكربلاء

عيونه ضوّت كربله
بكربلاه ما أجمله .. كـ البهاء

يحبّه كل گلُب
بطل وكت الحرب .. والسلام
…..
ارتجل والزعل بيّن بي ، وصمصامه تبسّملَه
گالوا عطش والقاسم ، أشما يعطش يصير أحلى

يروي بوجهه كل عطشان ، بوجهه عايشه فاطِم
من يعطش حسين يگوم ، يروي گلبه بالقاسم

كلما ضمه گلبه يروي بشوفته العين
من چان موجود أبد مايعطش حسين

ماعطش عمه بزمن
بي يشوف أبن الحسن .. چنه ماي

يگله يبني ومهجتي
ياكشختي وفرحتي .. ياهواي

رسم يم كل درب
بطل وكت الحرب .. والسلام
…..
زغير بعمره وأشعظمه ، من الدم سيفه ميفطمه
شسوه القاسم وگالوا ، بي غزر حليب أمه

الفارس طگته وحده تصير ، وهوَّ طگتّه أمربع
كلمن حاول يلاگيه ، إلا لضهر أبو يرجع

من شردوا أگباله كلها گالت الناس
القاسم أذا هيچ ؟ إذن شيسوي عباس ؟

أمه صاحت ياهلي
وليدي بي غيرة علي .. شگد حنين

مارجف بالحومه قَط
هو يتنفس فقط .. بالحُسين

رغم دمّه يصُب
بطل وكت الحرب .. والسلام
…..
دنگ راسه گالو خاف ! ، والجيش أرتبك كله
وهو قصده كل الحيش ، مايسوى شسع نعله

عِنده الحرب شربة ماي ، بالقاده ولا يهتم
ندىٰ فزعته بريج حسين ، بالحومه أنطى حگ العم

مايعطش اليروي ياهو الگال عطشان
سبعين الف مو زلم سبعين نسوان

مو زلم يمه بقت
بالحومه كلها أشردت .. من يطُب

ما يشمون الهوىٰ
كلشي يگربله أنچوى .. بالحرب

چوه حتى الترُب
بطل وكت الحرُب .. والسلام
…..
من حاچاه عمه حسين ، گله يابعد عمّك
أحچيلي الموت شنهو وگال ، أحلى من العسل يمك

من أبعيد ويصيح حسين ، عفيه وليدي يالقاسم
وتوجه لعمه وصاح ، أبشر عمي أنه خادم

من ياجرح يبدي هوَّ وينتهي أبيش
ماقصر القاسم وحط علّه بالجيش

منهو يدناله بعد
وأنتخاه عمه الولد .. للنزال

هذا أبن خير العمل
قاهر أگلوب الجمل .. بالقتال

وصِدَر بيهم كتب
بطل وكت الحرب .. والسلام
…….
عبد الرحمن حميد الفضلي

https://youtu.be/t2DO-5CtFpU?si=5Ocmh_dQc_oJiJoF

https://youtu.be/g9oAFaAd9l8?si=GEqqXvGdyjR3ZqBh

گضيت الطف لطم ، والطف يبچّيك
متت هسه أنت ياهو اليلطم أعليك

الخيم طاحت علينه
يالحسين أنولينه
…..
صعبه ماترهم الي منين أرد أجيها .. شگد چبيره
أطلع من الخيمه لو أحترگ بيها .. شلون حيره
آنه المبچينها وضمت بچيها .. بيها غيره
درب بي خيا وزلم يصعب عليها .. شلون ديره

هذا الصار صار وما أدري شلون
أول تالي بين الوادم أم عون

سوه خويه من أجينه
يالحسين أنولينه
…..
خويه ماتندل أخيتك وين صاير .. شلون بيّه
گلت أجيلك قبل لا ويه الحوافر .. تجي أعليه
رحت عطشان وبقى گلبي يناطر .. أبلا أميه
لأن عطشانه أدري ماشارب تكابر .. تحن أليه

عطشان وهضيمه تبقى عطشان
العطش صاير بچبدك خويه نيشان

أنچفى الماي من أدينه
يالحسين أنولينه
…..
جيت وأتمنيت ميته كون كترك .. مو أحسابي
چا عدل والخيل تركض فوگ صدرك .. يا أصوابي
أنطبگ طبگت جفن صدرك ويه ضهرك .. شنو أجوابي
الناس مارايدتك إنه ليش أخسرك .. وأفك بابي

أفك بابي على حزنك يمجروح
منو يقبل حسين يموت مذبوح

اليحبك مالگينه
يالحسين أنولينه
…..
أرد أحضنك والسهم يبعدني عنك .. شلون تالي
حسين لتون گطع گلبي هذا ونّك .. أنت غالي
ماردت أسمع حچاية ردي منك .. تهد حالي
گلي آنه أرجعلچ تقنعني چنك .. حچي أگبالي

گلي آنه أرد حتى أقنع ألگاك
لو متگول أموتن خويه وياك

بعد هوّد بچينه
يالحسين أنولينه
….
هسه أرد وين الخيم محترگه بينه .. گبال عيني
أخلافك الغربه تضل تفرض علينه .. ماتجيني
خويه أذا متگوم معناها أنسبينه .. بسبي أسنيني هسه خويه من صدگ هيچ أنولينه ‏.. ياحنيني

هذا أول سبي وفاگدتك أهواي
عطشت أعليك ماعطشانه للماي

الخنصرك فدوه أدينه
يالحسين أنولينه

يالأكبر ، ياعلي
--------
من طبهم وصارت رعب مختلفه كل النيه
لبسهُم ابدال الخوُذ بوجووهم بوشيّه
گالوا اجى طه بعد صارلهم اسوء جيه
خيال صاعدله فرس ويهوس بخاچيه

صاحوا   علي هذا تعنه
صاحوا    زلمه ماضل عدنه
__
هذا علي بهيئة علي والنصر كل أحسابه
الموت صح واحد لچن ابن الحسين أسبابه
صاير سؤال بنص حرب محد يعرف اجوابه
الراد منه الحل يجي دنگ وباس اعتابه
سيفه    هالرگب حصلها
سيفه     للسمه وصلها
__
اهنانه صارت ملحمه والزلم بس تشكيله
وبراسه ريشات الگمر والريحه مثل الهيله
والتفت يم صوب الخيم شاف امه بس تدعيله
حاچاها من صوب الحرب غزر حليبچ ليله
أمه    وليدي هذا أشايل
أمه    غيره من الكافل
____
عزريل محتار وصفن گلاله انه شبيّه
عطشانه كل هاي الزلم انطيها بس آميه
خلصت بالجيش العدد خليلي بس شؤيه
گله علي طاحوا لچن لعيون اخيتي ارقيه
اخته    الوحي بچفها صله
اخته    وبشرت عبد الله
_
الزلم ماتت بالحرب لمن علي الاكبر صال
الدم وصل يم الخيم صاير عليهم شلال
اتوسط بنصهم علي وردد احچاياته وگال
من كربله لحد كربله ماشفت بيكم رجال
شافوا   خزره من عيونه
شافوا    أبتشر لو يدنونه
_
فدوه لكشخته وهيبته بس لا تحسده الشمات
عطشان الله أيساعده بس هو مصدر بسمات
حلوات كلهن يم علي وهذا محمد مامات
وجهه حلو ولونه ذهب متروسه روحه أبأيات
أيه    أبتشرت بترتيله
أيه     علي بعده بحيله
___
لخادم علي الأكبر
عبد الرحمن حميد الفضلي