خدمه اجتماعيه فرقه ثالثــــة جامعة انتساب وانتظام حلوان ❤️ Telegram Posts

الدفعه الجميله 🩷
احب اقول اني كده نزلت الملخص كله هجمعه و ابعته برضو 🩷 بعتذر عن التاخير بجد و لكن ادينا خلصنا الحمدلله ،و طبعا مش هنسي افكركوا اخر الملخص في ماسدج جميله لكل واحد فيكوا طبعا 😇
بالتوفيق ليكوا يا ناس يا جميله 🩷

Malak Hesham🦋💕

اللي سالوني علي الملخص هنزله النهارده بليل او بكره باذن الله بالكتير
و اتطمنوا الماده مش صعبه خالص و الفصول مش مليانه ♥️

شويه كده بقي و هجمع في ورقه رسمات مهمه برضو
و اغلبها مثلثات لامه المنهج و هقولك تربط المنهج ازاي ببعضه من خلالها اصلا حرفيا مش هتنسي حاجه 🦋💕

في بقي شويه معادلات كده حقيقي تحفه 🦋 هقولك عليهم برضو منا قولتلك مش هبخل عليك باي معلومه انا عرفتها 🌚 صلي علي النبي في الاول كده💕
يلا بينا

1- معادله عناصر الاداره 🦋
" عمليه التغيير "+ "المؤسسه" + "المسؤول عن احداث التغيير ."

2- معادله التدريب الاداري 🦋
المدرب + المتدرب + المحتوي البرنامج التدريبي

3- معادله المهارات الاداريه 🦋
معارف + خبرات + جوده + سرعه الانجاز + ادراك + الاستثمار الأمثل للموارد = تميز الاداء

في معلومه علي المعادله التالته دي. لو جه في الامتحان و قالك يعد فقدان المؤسسه لمعادله العناصر للاداء الجيد فقدان الاداء هيبقي" خطأ" هقولك ليه لان مش معني ان المؤسسه فقدت كل العناصر دي يبقي معندهاش اداء لا عندها بس الفكره ان اداءها مش متميز بس كده😇 فهمت بقي

Malak Hesham 🦋💕

تعالي بقي اقولك علي شويه مصطلحات للاداره هتنفعك اوي في الحل لو حاول يلغبطك 😇

قبل ما اقولك شويه المصطلحات في مصطلحين مهمين اوي عايزاك تعرفهم 🌚

-Management : مرتبط بالمسؤولين عن الخدمه
-Administration : تعني اضافه " تغيير / خدمه " 🦋🦋

تعالي بقي اقولك المصطلحات الباقيه 🦋
الاداره =👇🏼
🦋 اداء
🦋 انجاز فعال
🦋سلوك
🦋 نسق

Malak Hesham 🦋💕

ركز معايا كده 👀🐣
التمكين = القدره = المعرفه = الفهم الدقيق= القوي

تعالي نكمل مع بعض يلا 👀
-الكفاءه مرتبطه بالمنظمه
-الفاعليه مرتبطه بمتلقي الخدمه " المستفيد"
-المهارات الاداريه " مكتسبه ، فطريه"
-الجوده هو فعل ما ينبغي في الوقت المحدد علي الوجه الذي ينبغي
-المهاره لو مؤقته مش هنصل للخبره
-التهديد اصعب من المشكله " لان التهديد عنصر مفاجئ " لكن المشكله " عندي ليه استعداد
-العداله جزء من المساواه
-مقدرش احقق العداله الا بوجود الإنصاف
-بيتم توزيع الموارد بالعداله وليس المساواه
-التحليل = قدره عقليه ، عمليه منهجيه
-بكون الفكر من خلال " المعارف ، الخبرات ، المعلومات، افكار "
-الفكر مكون للانسان
-المهارات ناتج لمكون فكري
-الاصول غير الملموسه اقدر احولها ل اصول ملموسه بمعني ايه " ان الافكار شي غير ملموس صح كده لو تحولت لتنفيذ تبقي ملموسه خلاص فهمت يا صديقي 👀
-معارف ضمنيه " ما وراء الشي "
-صريحه " مباشره "
-مفاهيم راس المكال الفكري مختلفه في المصطلح و لكن المضمون واحد
-التمكين بيكون من الاداره العليا للعاملين

Malak Hesham 🦋💕

تعالي بقي اقولك علي شويه معلومات هتفيد 👀😇

-عندي (8) صفات للمدير : " الديمقراطي ، الديكتاتوري ، مش متاكد ، متاكد ، المخاطر ، يؤمن بروح المشاركه ، لا يؤمن بالمشاركه ، يؤمن احيانا ولا يؤمن احيانا

-ركز علي القاعده دي كويس " كل قائد مدير وليس كل مدير قائد " و هقولك ليه مينفعش العكس لان القائد ليه الاولويه داخل المؤسسه علشان كده ممكن يبقي مدير و مينفعش المدير يبقي قائد فهمت 👀

-الانسان ده نسق لان داخله عده جوانب زي " عقلي ، نفسي ، مهاري .. الخ "

-في اختلاف يين البيانات و المعلومات و المعرفه

-داخل الاداره قياده وليس العكس

-الاداره " مكتسبه ، فطريه "

-المقوم هو الاساس في نجاح الاداره

-الاداره عمليه دائمه

-القياده اهم جزئيه فنيه في الاداره

-الساسيه العامه عندي بتترجم لبرامج و خطط و مشروعات

-العمليات الاداريه اقدر اقول عليها وظائف لانها في وظائف الاداره

-التخطيط الاجتماعي و التخطيط الاداري بينهم توافق في الشكل فقط و لكن يختلفان في المضمون

-متي تنشأ المشكله ؟ مع وجود البدائل " ممكن تستغرب و لكن عايزه اقولك طول ما عندي بدائل كتير ده هيشتتني ف هيعمل مشكله " 🌚

-عايزاك تفتكر ان العمليات الاداريه مترابطه و عايزه الفت نظرك لحاجه لو خدت بالك في اخر كل عمليه هتلاقي اسم العمليه اللي بعدها
بمعني ايه الكلام ده تعالي اقولك 👀 يعني في عمليه التخطيط اخر حاجه خالص فيها في عوامل النجاح هتلاقي كلمه تكامل و تنسيق بين كافه الجهود " خدت بالك من تنسيق 🌚 التنسيق ده تاني عمليه في العمليات الاداريه 😊 خدت بالك انا قصدي ايه 🌚 "

-التنظيم = واجبات و حقوق

-يكون التنسيق غير فعال عند عدم الالتزام بالمقومات
-الاتصال نوعين " رسمي و غير رسمي "
-الرسمي " راسي و ده بيكون مباشر "
-غير رسمي " افقي و ده غير مباشر "
الرسمي " الرئيس بالمرءوسين "
غير الرسمي " العاملين ببعضهم البعض "

-باستخدم الأسلوب العلمي لتجنب " الازدواجيه ، التكرار "

-التنسيق = ترتيب
-التنظيم= توزيع

-عمليه الرقابه عمليه تصحيح الخطأ وليست تصيد الاخطأ

-لجنه المتابعه هي المسؤوله الاولي عن عمليه الرقابه الاداريه داخل المنظمه

-المعلومات لازم تبقي كافيه و محدده و حديثه و دقيقه

-التفتيش " بيكون من المدير او جهه رقابيه"

-القياده الاداريه " وظيفه اداريه ، ناتج عمليه التدريب الاداري "

-الجوانب العلميه و الفنيه ليست هي هي الاحتياجات الاساسيه للعاملين

-كل قائد مؤثر

-التخطيط جزء من الاداره

-الاداره اعم و اشمل من التخطيط

-عوامل نجاح المنظمه " التخطيط الاداري ، قائد اداري "

-السلوك هو ممكن يكون ايجابي او سلبي

-لو معنديش مهاره يبقي معنديش قائد

-المهارات الاداريه مرتبطة ببعضها البعض

-التدريب يصاحبه القياده
-القياده يصاحبها القرار

-التأقلم او التكيف لا يعني التقيل

-اتخاذ القرار هو جزء من صنع القرار

👀 ركز اوي بين الجملتين دول 👇🏼

-اخر مرحله من مراحل صنع القرار "اتخاذ القرار "

-اولي مراحل اتخاذ القرار "صنع القرار "

-صنع القرار و اتخاذ القرار " كلا منهما يكمل الاخر " وجهان لعمله واحده " 🦋

-القرار الرئيسي بيكون لفتره طويله
-القرار الرئيسي مبيتحققش الا لما بيتحقق القرار الروتيني

-قرار عدم التاكد = اخطر انواع القرارات

دعواتكوا 💕 وادعوا لوالدي بالرحمه💕
Malak Hesham💕🦋

ياريت تذاكروا المفاهيم وتعرفوا أسماء العلماء لكل مفهوم
وتعرفوا الفرق ف المفاهيم لكل عالم حدد المفهوم

وياريت كمان تركزوا كويس ف الأهداف والاهمية والمبادئ وعوامل النجاح او متطلبات النجاح وتكونوا مركزين كويس ف العناصر المحددة ف العمليات الإدارية

ده كلام دكتور عمرو منصور