ЙЎЛЛАР ҲАҚИДА АЙРИМ ЎЙЛАР...
Бу йўл ҳамма нарсани тезлаштиради. Ҳаракатни ҳам, иқтисодиётни ҳам, ҳаётни ҳам (Шавкат Мирзиёев)
***
Йўлга чиқ, аммо йўлдан чиқма.
***
Яхши асфальт йўлда ётмайди! (ҳазил)
***
Йўл, кўприк қуриш ва ариқ қазиш савобли иш.
***
Йўл қурилиши иқтисодиётнинг асосий аортаси
***
Йўл – халқнинг маданий сиймосини акс эттирадиган қўзгусидир (П.Б.Бобохонов)
***
Ҳаёт йўли, тақдир йўли, сомон йўли, автомобиль йўли...
***
Йўл қурмоқ савоб ...бузишчи?
***
Йўли ободнинг - эли обод (проф., А.Р.Қодирова)
***
Йўл азоби – гўр азоби (мақол)
***
Бу ҳали узоқ бир йўлнинг бошланиши...
***
Йўл ҳам бир – феномен (проф., З.Х.Саидов)
***
„В России нет дорог — только направления“ (Наполеон Бонапарт)
***
Йўлнинг эгаси халқ, бировнинг шахсий мулки эмас
***
Йўлни йўлсоз қуради, ундан халқ фойдаланади
***
Йўлнинг ҳаққини адо эт!
***
Илмнинг йўли – тошлоқ йўл (проф., С.М.Қодиров)
***
Ишингиз унсин-йўлингиз бўлсин (халқ сўзи)
***
Йўлдан чиқсанг чиқ, диндан чиқма
***
Йўл ободлиги-юрт фаровонлиги
***
Йўл қуриш садақаи жориядир
***
Йўл қурмоқ савоб, йўл юрмоқ роҳат
***
«В России есть две беды: дороги и дураки» (Н.В.Гоголь)
***
Бир қадам ташланг ва йўл ўз-ўзидан пайдо бўлади ...
***
Юрган киши йўлни ўзи ўрганиб олади.
***
Қанча ёшда эканлигингиз муҳим эмас, муҳими қанча йўл босиб ўтганлигингиздир.
***
Бу йўллардан ўтмаган ким бор...
***
Яхши йўлдош йўлга бошлар, ёмон йўлдош ёвга ташлар (мақол)
***
Бу йўллар нурафшон манзилларга элтади (Мақола сарлавҳаси)
***
Бу йўллар кўп қадим йўллардир! (Ғофур Ғулом)
***
Дили бўлак одамларнинг йўли бўлак,
Кимга бойлик, кимга обрў, мансаб керак.
Турфа йўлда турфа одам кетиб борар,
Ўз дардида бу йўллардан ўтиб борар.
Оҳ қайғуси кўп деманг сиз бу баётнинг
Оғриқ-оғриқ нуқталари кўп ҳаётнинг.
Бу йўллардан олиб кетмас кўп олган ҳам
Бу йўлларда қолиб кетмас оч қолган ҳам.
Бу йўллар, йўллар, бизларни чорлар,
Ҳам яхши-ёмони бир жойга борар.
Дариғ дунё ҳар касомат роҳ гузарат,
Илож нетки гоҳ истода гоҳ гузарат,
Бар як манзил ҳоҳ гадо ҳоҳ шоҳ гузарат,
Тақдир донат ки чорбоғки чоҳ гузарат.
(Ю.Усмонова - қўшиғи)
***
Устоз йўл кўрсатинг.....!
***
Бу йўллар обод манзилларга кўприк бўлмоқда
***
Ёмон йўлдош ёв бўлар, равон йўлда ғов бўлар (мақол).
***
Йигитни йўл боқар (мақол).
***
Йўл билмасанг, йўлчига боқ (мақол)
***
Йўл одами йўлга яхши, уй одами — уйга (мақол).
***
Йўл топгунча, йўлдош топ.
***
Йўл ўғриси бўлсанг ҳам, йўлдош ўғриси бўлма (мақол).
***
Ибратли ҳаёт йўли
***
"Бир макон, бир йўл" (Хитой лойиҳаси)
***
Йўлсозлик шундай касбки, у қаҳратонда музни эритади, саратонда қайноқ асфальтни ётқизади
***
Йўлга чиққан йўлдан топар (мақол).
***
Йўлда юрган йўл танир, чўлда юрган чўл танир (мақол).
***
Йўлдан озор берадиган нарсани олиб ташлаш садақадир
***
Инсон доим йўловчи кабидир. Дунёга келар эканмиз умр бўйи давом этадиган узун йўлга мусофир бўлиб қадам босамиз. Баъзан йўлнинг ўзидан ҳам кўра елкамизга ортган юкларимиз, зиммага олган масъулиятларимизга кўпроқ эътибор берамиз. Асл вазифамиз йўлни босиб ўтиш эканини унутиб, юкимизнинг ҳаммоли бўлишни афзал кўрамиз. Ҳатто, шу даражага келамизки, юкни ташиш эмас, унинг остида эзилишни хуш кўрамиз.
***
Йўлсоз-йўл қурилиши билан шуғулланувчи шахс, мутахассис. (Изоҳли луғат)
***
Йўл қоидаси – умр фойдаси (мақол)
***
Йўл ободлиги-кўнгил шодлиги.
***
Автомобиль йўллари – мамлакатнинг асосий қон томиридир
***
Йўл-стратегик аҳамиятга эга бўлган объект
***
Йўлдош айбини йўл очар.
***
Йўлчи йўлини билар, тегирмончи — дўлини (мақол).
***
Йўртиб юрсанг, йўл унар (мақол).
***
Олис йўл отни синар, оғир йўл мардни синар (мақол).
***
Юрган йўл кезар, ўтирган ер чизар (мақол).
***
Юрган йўлдан топади, ўтирган қайдан топади (мақол).
***
Яхши йўлда йўлдош кўп.
***
Ҳаёт йўли бир текис эмас
https://t.me/yolsoz