මේ තියෙන්නෙ මීට දින කීපයකට කලින් 2026 සිද්ධාන්ත පන්තියේදි ළමයෙක්ගෙන් ආපු chit එකක්. මේ ළමයා 2025 උසස් පෙළ විභාගයට ලියන්නෙ. හැබැයි, මුල් පාඩම් ටික හරියට ආවරණය කෙරිලා නැහැ කලින් සහභාගී වෙච්ච පන්තියේ වරදක් නිසා. 2025 සිද්ධාන්ත පන්තිය ආරම්භ වෙලා මේ වෙද්දි අවුරුද්දයි මාස කිහිපයක් ගත වෙලා ඉවරයි. නිකමට හිතලා බලන්න, තමන්ගෙ ජීවිතයේ වැදගත්ම කඩයිමක් වෙනුවෙන් වැඩ කරන මේ කාලෙදි අවුරුද්දයි මාස කිහිපයක් වැරදි පාරක ගියාම කොහොම වේවිද කියලා. හැබැයි, ඇත්ත තත්වය තේරුම් අරගෙන, තමන් මේ යන්නෙ වැරදි පාරක කියලා තේරුම් අරගෙන, හරි පාර තෝරගන්න තරම් මේ ළමයා බුද්ධිමත් වුණා. හැබැයි, අවාසනාවකට තවමත් අනන්තවත් ළමයි ඉන්නවා තමන් මේ යන්නෙ වැරදි පාරක කියලා දන්නෙවත් නැති. නොතේරුම් කම නිසා හෝ, තමන්ගේ වාසිය වෙනුවෙන් සමාජගත කරපු බොරු කට කතා පිළි අරගෙන හෝ තමන් මේ කපා ගන්නෙ තමන්ගෙම වල කියලා නොදන්න අහිංසක ළමයි ගැන ඇත්තටම තියෙන්නෙ ලොකු දුකක්.
මේ සටහන සමාජගත කරන්නෙ අපේ පන්ති එන්න කියලාවත්, අපේ පන්තියේ විතරයි විෂය හරියටම කරන්නෙ කියලාවත් කියන්න නෙමෙයි. කොතන, කොහේ පන්ති ගියත් සිසුන් විදියට ඔබ බුද්ධිමත් වෙන්න හරිම පන්තියට සහභාගී වෙන්න. නිකං යන්නම් වාලේ පන්ති වලට යන්න එපා. තමන්ගේ අනාගතය වෙනුවෙන් ප්රතිඵල පෙන්නපු, වගකීමෙන් වැඩ කරන, සැලැස්මක් සහිත ගුරුවරයෙක් තෝරගන්න බුද්ධිමත් වෙන්න. ඔයාලට කලින් පන්ති ඇවිත් වෛද්ය, ඉංජිනේරු පීඨ ගියපු අක්කලා අයියලගෙන් අහලා දැනගන්න හොඳම මොකක්ද කියලා. මොකද, ආරම්භය වැරදුනා කියන්නෙ හරි පාරට එන්න හරිම අමාරුයි. ලොකු කැප කිරීමක් කරන්න වෙනවා.
ඉතිං, ඔබ වැරදි පාරක යනවා නම් දැන්වත් වෙනස් වෙන්න. ඔබට තවමත් කල් තියෙනවා හැදෙන්න. ඔබ ඉන්නෙ හරි පාරෙ නම්, සතුටු වෙන්න ඔබ ජයග්රහණය කරා යන නිවැරදිම මාවත තෝරගෙන තියෙන්නෙ කියලා. ❤️❤️❤️