Saudiya_xayoti

{Эй мўминлар, Аллоҳдан ҳақиқий тақво қилинглар ва фақат мусулмон бўлган ҳолларингда дунёдан ўтинглар!
Ва барчангиз Аллоҳнинг арқонига (Қуръонга) боғланингиз ва бўлинмангиз!}.
(Оли Имрон сураси: 102-103).

Аллоҳ тало мўминлар Ўзидан ҳақиқий тақво қилишга ва тақво қилишда саботли бўлиб вафот этгунча бардавом бўлишга буюрди. Чунки инсон умрини қандай ўтказса ўшандай вафот этади. Ким куч қувватга тўлган, соғлом вақтида Аллоҳдан тақво қилса, Аллоҳнинг буйруқларига ижобат қилиб, доимо итоатда бўлса, Аллоҳ тало бу бандани жон бериш вақтида собитқадам қилиб, чиройли хотимага муваффақ қилади.
Ибн Масъуд розияллоҳу анҳу айтдилар :"Аллоҳдан ҳақиқий тақво қилиш :
"Аллоҳга итоат қилиб, осий бўлмаслик, Аллоҳни ёдда тутиб, унутиб қўймаслик, Аллоҳга шукр қилиб куфрони неъмат қилмаслик".

تفسير عبد الرحمن السعدي رحمه الله.

https://t.me/saudiya_xayoti

Ибн Қоййим роҳимаҳуллоҳ айтдилар:
Аллоҳнинг халқлар устида жорий қилган қазойи қонуни:
"Ким Аллоҳдан ўзгани яхши кўрса ўша яхши кўрган инсондан азоб-уқубатларга дучор бўлади.
Ким Аллоҳдан ўзгадан қўрқса ўша инсоннинг қўлида маҳкум бўлиб қолади.
Ким Аллоҳ рози бўлмайдиган ишлар билан машғул бўлса бахтсизлик олиб келади.
Ким дунёни охиратдан устун қўйса баракани йўқотади.
Ким одамларни рози қиламан деб Аллоҳни ғазаблантирса, розилигини олмоқчи бўлган инсонлар ҳам унга ғазаб қилади.

الوابل الصيب من الكلم الطيب لابن قيم الجوزية.

https://t.me/saudiya_xayoti

Давоми...

Пайғамбаримиз соллаллоҳу алайҳи васаллам: "Дийнор қули бахтсиз бўлди, дирҳам қули бахтсиз бўлди... ", деб бу нарсаларга берилиб кетган кимсаларни ўшаларнинг қули деб айтдилар.
Ҳозир одамлар дунёга қаттиқ берилиб кетган, ҳатто диндор деб билинган кишиларда ҳам дунёга берилиш қаттиқ.

Пайғамбаримиз соллаллоҳу алайҳи васаллам:
"Мен сизларни камбағал бўлиб қолишингиздан қўрқмайман, лекин сизларга мол-дунё берилиб, олдинги умматлар мол-дунёда мусобақалашиб, дунё уларни ҳалок қилганидек, сизлар ҳам мол-дунёда мусобақалашиб, дунё сизларни ҳалок қилишидан қўрқаман", дедилар.

Одамларга қарасангиз беками-кўст, фаровон ҳаёт кечиришга ҳаракат қилишади.
"Фалончининг яшаши дабдабали, фалончининг тижорати кучайяпти, фалончи ундай, фалончи бундай", деган гапларни кӯп эшитасиз.
Фалончи динни мустаҳкам ушлаяпти, фалончи кўп илм ўқибди, фалончи кўп ибодат қиляпти, деган одамларни кам учратасиз.
Бугун мана шу нарсадан қўрқилади...

Дунёни дўст тутмасликни шу кунлардан бошлайлик!!!

https://t.me/saudiya_xayoti

Муҳаммад ибн Солиҳ ал-Усаймин роҳимаҳуллоҳдан сўрашди: "Ҳурматли шайхимиз, Аллоҳ сизни Ўз ҳифзу-ҳимоясида сақласин!
Ҳозирги замонда ширкий амаллар кўпайиб кетди. Қабрларга тақорруб қилиш, қабрларга назр қилиш, қабрларга забҳ қилиш каби ширклар кўпайган. Мусулмон киши бу ботил ақидани қандай қилиб тузатиши мумкин?".

Муҳаммад ибн Солиҳ ал-Усаймин роҳимаҳуллоҳ шундай жавоб қилдилар:
"Менимча, бизнинг замонамизда одамларнинг дунёвий тушинчалари ўсиб, қабрларга бориб ибодат қиладиганлар, қабрлардан сўрайдиганлар ҳозир кам учрайди, фақат қандайдир тайини йўқ одамлардагина қолган.
Ҳозир одамлар ўзларини тўғри, ҳақ йўлда бўлишларини ўйламасалар ҳам, лекин онглари баланд. Ҳозир, менимча, қабрларга ибодат қилиш кам, лекин ҳозирги кунда бошқа бир ширк кўпайган. Бу ширк дунёга бўлган муҳаббат. Одамлар дунёга берилиб кетган, дунёга шўнғиб кетган. Дунёга муҳаббат қўйиш ширкнинг бир туридир (яъни, ўз ўрнига қараб катта ёки кичик ширк бўлиши мумкин).

Давоми бор...

https://t.me/saudiya_xayoti

#Qiyomat kuni holim nima bo‘lar ekan?!

Имом ибн Абдулҳадийнинг аёллари Абдуллоҳнинг қизи Булбула ўз асрининг энг фазилатли аёлларидан эди.
Ибн Абдулҳади аёллари Булбулага ӯз китобларини ривоят қилишга ижоза берган эдилар.
Булбула вабо касалига чалиниб вафот этганларида Ибн Абдулҳади аёллари ӯлимидан тасирланиб, у ҳақида "Лақту сунбула мин ахбари Булбула" китобини ёздилар.
Бу китобда аёлларини шундай тарифладилар: "Барокатли, диндор, яхши аёл эди. Иккита фарзанд туғиб берди.
Бирга ӯн йил яшадик, бирор мартта уйдан кӯчага чиқмаган эди".

https://t.me/saudiya_xayoti

Мусулмонлар бир мушт кабидир.
Улар бир бирларидан узоқда бўлишлари мумкин, баъзи камчилик ва хатолари ҳам бўлиши мумкин. Лекин улар мусулмонга зарар бўладиган ўринда -гарчи у бидъат аҳлидан бўлса ҳам- кофирга ёрдам бермайдилар.
Мусулмонларнинг бўлиниб кетиши душманнинг кучайишига энг катта сабабдир.
Душман доим мусулмонлар орасида адоват қўзғаб, бир-бирлари билан овора қилиб қўйишга ҳаракат қилади.

https://t.me/saudiya_xayoti

Кӯпчилик одамлар Аллоҳнинг каломини тадаббур қилиш ўрнига, қорининг ширали овози билан машғул бўлишгани сабаб, Қуръони карим баракатидан бебаҳра қолишади, қалблар Қуръон билан завқланишидан маҳрум бўлишади.

https://t.me/saudiya_xayoti

Яхшилик қилган одам агарда кофир бўлса ҳам яхшилик билан жавоб қайтарилади.
Лекин одамларга яхшилик қиладиган кофир мусулмондан юқори қўйилмайди, гарчи мусулмон гуноҳкор бўлса ҳам.
Чунки Аллоҳнинг ҳаққини адо қилиш, махлуқотлар билан чиройли муомала қилишдан юқори.

عبد العزيز بن مرزوق الطريفي

https://t.me/saudiya_xayoti

Умар ибн Абдулазиз роҳимаҳуллоҳ волийларидан бирига мактуб йўллаб шундай дедилар:
"Ҳақда собит тур.
Одамлар орасида фақат ҳақ билан ҳукм қилинадиган кунда, ҳақиқат сенга аҳли ҳақлар сафидан жой олиб берур".

حلية الأولياء - أبو نعين الأصبهاني

https://t.me/saudiya_xayoti

Ҳасан Басрий роҳимаҳуллоҳ айтдилар:
"Аллоҳга қасамки! Қуръонни тафаккур қилиш ҳарифларини ёдлаб, буйруқ – қайтариқларини бажармай ташлаб қўйиш эмас.
Қуръонни ёдладим, деб айтишади, уларнинг хулқида ҳам, амалида ҳам Қуръонга амал қилаётгани кўринмайди".

رواه ابن أبي حاتم رحمه الله. تفسير ابن كثير

Шайхул ислом ибн Таймия айтдилар:
"Қуръон ўқишдан ва уни ёдлашдан мақсад маъноларни тушуниб, амал қилиш. Қуръон ёдлаган инсоннинг мақсади шундай бўлмаса у инсон аҳли Қуръон, аҳли илм бўлмайди".

مجموع الفتاوى: 23\55

{Биз Китоб ато этган зотлар уни ҳақиқий тиловат қиладилар.}
Абдуллоҳ ибн Масуъд "ҳақиқий тиловат қилиш" калимасини тафсир қилиб шундай дедилар:
"Қуръон ҳалол қилган нарсаларни ҳалол деб, ҳаром қилганларини ҳаром деб, Аллоҳ нозил қилгандек тиловат қилишади, маъноларини ўзгартиришмайди ва нотўғри таъвил қилишимайди".
Абдуллоҳ ибн Аббос оятни тафсирида шундай дедилар:
"Қуръонга чинакам эргашадилар".

تفسير القرآن العظيم لابن كثير

https://t.me/saudiya_xayoti

Ибн Ражаб роҳимаҳуллоҳ айтдилар:
"Эй одам боласи! Сен ўзингни қанчалар қадри буюк эканлигингни билганингда эди, бунчалар ўзингни гуноҳ-маъсиятлар билан хорламаган бўлар эдинг.
Сен эмасми барча махлуқотлар орасидан танлаб олинган?!
Жаннат сен учун тайёрлаб қўйилмаганми?!".

لطائف المعارف: (183)

https://t.me/saudiya_xayoti

Ушбу Қуръон Биз (эй Пайғамбар) сизга нозил қилган муборак Китобдир.

Бу китобда кўпдан-кўп яхшиликлар, чексиз илм, ҳар-қандай дардга шифо бор.
Бу китоб зулматларни ёритувчи нур бўлиб, залолатда бўлган инсонларни тўғри йўлга бошлайди.
Бу китобда бандаларнинг эҳтиёжи бўлган ҳамма ҳукм бор, ҳар-қандай саволга очиқ-ойдин жавоб бор.
Аллоҳ таоло оламни яратгандан бери нозил бўлган китобларнинг энг улуғи.

Оятларини тафаккур қилишлари учун ва ақл эгалари эслатма-ибрат олишлари учун (нозил қилдик).

Бу оят Қуръон нозил қилинишидан бўлган мақсадлардан бирини баён қилади.
Бу мақсад инсонлар Қуръон оятларини тафаккур қилиб, ундаги илм – асрорларини тушиниб етишларидир.
Оят – Қуръонни тафаккур қилишга тарғиб қилгандан кейин, бу Китобдан ибратланиб, фойдаланадиганлар ақли расо инсонлар эканига ишора қилиб:
Соғлом ақл эгалари Қуръон оятларини тафаккур қилиб, ундаги илмдан эслатма-ибрат олишлари учун ва буйруқларига ижобат қилишлари учун нозил қилингани айтилди.

من تفسير عبد الرحمن السعدي رحمه الله بالتصرف.

https://t.me/saudiya_xayoti

Кунлардан бирида Абу Ҳанифа роҳимаҳуллоҳ ҳуфтон намозини масжид муаззининг орқасида ӯқиди. Муаззин намозда "залзала" сурасини ӯқиди. намоз тугагач, одамлар масжиддан чиқиб кетишди, масжидда эса Абу Ҳанифа роҳимаҳуллоҳ ва муаззиндан бошқа хечким қолмади.
Муаззин аӣтади:
-Абу Ҳанифа роҳимаҳуллоҳга назар солдим, у киши чуқур нафас олиб, тафаккур қилар эди, ӯзимга ӯзим :
- мен билан қалби машғул бӯлиб қолмасин (безовталанмасин) мен тураӣ, дедим. Ёғи оз қолган мойчироқни қӯӣиб, масжиддан чиқтим. Бомдод намози вақти бӯлгач, масжидга кирдим, Абу Ҳанифа роҳимаҳуллоҳ ҳалиҳам ӯтирар ва шундаӣ дер эди:
" Эй Роббим, Сен заррача яхшиликни яхшилик билан мукофотлаӣсан!, заррача ёмонликни ёмонлик билан жазолаӣсан! Ӯзинг, банданг Нуъмонни дӯзахдан қутқар! Чексиз раҳматинга дохил қил!", деб дуо қилар эди.
Муаззин аӣтади:
- ичкарига кирдим, ёғи оз қолган мойчироқ ҳалиҳам ёнар эди.
Абу Ҳанифа роҳимаҳуллоҳ ҳалиҳам ҳуфтон вақти деб ӯӣлаб:
- Чироқни олишни ҳоҳлаӣсизми? деди.
Муаззин :
- бомдод вақти бӯлди, эӣ Имом!, деб аӣтдим.

Абу Ҳанифа роҳимаҳуллоҳ :
- Мендан кӯрганингизни ҳечкимга зинҳор айтманг, яширинг! деб аӣтди.

Абу Ҳанифа роҳимаҳуллоҳ хуфтон намозидаги таҳорати билан икки ракъат намоз ӯқиди ва биз билан бомдод намозини бирга ӯқишлик учун ӯтирди.

Муаззин :
- "Бу қиссани Абу Ҳанифа роҳимаҳуллоҳ вафот топкунга қадар бирор кишига сӯзламадим", деб қиссани якунлади.

"Тарих боғдод" (13-муж, 355-б),
"Ал-вафи бил-вафаят" (27-муж, 91-б).


https://t.me/saudiya_xayoti

‏لا اله الا الله

Росулуллоҳ соллаллоҳу алайҳи ва салламга жума куни саловот айтиш бошқа кунлардаги саловотлардан афзал бӯлгани каби жума кечасидаги саловот ҳам бошқа кечалардаги саловотлардан афзалдир.
Пайғамбаримиз соллаллоҳу алайҳи ва саллам : "Жума куни энг афзал кунлардан бӯлиб, у куни менга саловотни кӯпайтиринглар", дедилар.

https://t.me/saudiya_xayoti

Имом Ибн ал-Қоййим роҳимаҳуллоҳ айтади:
"Шайхул Ислом ибн Таймия роҳимаҳуллоҳ жума намозига кетар чоғида уйида топган нон ва бошқа нарсаларни олиб чиқиб, йӯлда яширинча садақа қилаётганига гувоҳ бўлар эдим".

Зодул маъод (1-муж,395-б)
Мифтаҳ дар ас-саъадаҳ (2-муж, 33-б)

https://t.me/saudiya_xayoti

Қуръон нурдир.
Ҳидоят Қуръонда, деб билмаган кимсанинг ақл кӯзини парда қоплабди.
Кӯзи ожиз киши қуёш нурини кӯролмаганидек, қалби кӯр кимса Қуръон нуридан баҳраманд бӯлолмайди.

Ва Биз сизларга равшан нурни нозил қилдик
(Нисо сураси: 174 оят)

https://t.me/saudiya_xayoti

Қуртубий роҳимаҳуллоҳ айтдилар:
"Қай бир ўлкада ушбу тўрт нарса топилса, бало-офатдан омонда бўлади, дейдилар:
1. Зулм қилмайдиган адолатпеша ҳоким.
2. Тўғри, ҳидоят йўлида собит турган олим.
3. Яхшиликка буюриб, ёмонликдан қайтарувчи ҳамда илму Қуръон таълимига тарғиб этувчи домлалар.
4. Иффат билан ҳижобларини ӯрайдиган, аввалги жоҳилият очиқ-сочиқлигидек зийнатларини кўз-кўз қилиб юрмайдиган аёллар".

الجامع لأحكام القران: (49/4)

https://t.me/saudiya_xayoti

Гоҳида инсонни шайтон васваса қилмаса ҳам залолатда давом этаверади, чунки айрим инсонларнинг нафси шайтонлардек бӯлиб кетади. Бундай кишиларга рамазон ойида шайтонларнинг кишанланиши ҳам таъсир қилмайди, гуноҳ қилаверади.
- Унинг яқини (бўлган шайтон): «Парвардигоро, уни мен туғёнга солганим йўқ, лекин унинг ўзи (ҳақ йўлдан) йироқ залолатда бўлди», деди - (Қоф сураси 27 - оят).

https://t.me/saudiya_xayoti