قصيده + لحن

صارت مدارس يافاطمه
هاي المجالس يافاطمه
___
من مجلس الزهراء كلشي اتعلم
اشلون امشي واشلون البس واتكلم
ماكو بمجالسنه شخص مايفهم
معقوله مايفهم يجي للماتم

وابلا منافس يافاطمه
هاي المجالس يافاطمه
___
بمجلس عزائج فاطمه تربينه
ولد المجالس احنه افضل طينه
طلابج احنه وانتي التعلمينه
بمدرسة حبج فاطمه سجلينه

اشگد بيها واهس يافاطمه
هاي المجالس يافاطمه
__
من زغري واني عايش بهالخدمه
من الله صارت هالمجالس رحمه
يافاطمه خدمتكم اكبر نعمه
سواني هالمجلس يفاطم زلمه

واستاذي عابس يافاطمه
هاي المجالس يافاطمه
__
راح احجي قصه واني بيها الشاهد
هاي المجالس خرجت جم قائد
حتى بفلسطين الرجال اتجاهد
صح نختلف بس الهدف ضل واحد

اتخرج فوارس يافاطمه
هاي المجالس يافاطمه
___
مولاتي نظره للمجالس هايه
وفقينه يوميه نسوي قرايه
هاي المجالس بسمج امسمايه
واسمج كتبناه فوگ وجه الرايه

للخدمه حارس يافاطمه
هاي المجالس يافاطمه
___
✍️احمد علي البغدادي

داحي الباب وسفه يحترگ بابه
بختهم بالوصيه الوصلو اعتابه
........
بختهم بالوصيه الجتفت حيدر
جا سوه القيامه بسيفه والمحشر
وخلاهه الزلم بالزلم تتعثر

مو بالسيف يذبح كام اكرابه
داحي الباب وسفه يحترگ بابه
.....
دخن ظهر حيدر صوت ظل يسمع
بويه ارخصني من ظهرك اريد اطلع
ابو فاضل غضب شيقنعه لو يرجع

طفحت غيرة العباس بصلابه
داحي الباب وسفه يحترگ بابه
.......
كبل الطف علي خل اطلع الليله
اليوصل بابنه ويحرگه يا ويله
الصاير زلمه يعصر فاطمه بحيله

اخلي الدنيا كلهه اتحير بصوابه
داحي الباب وسفه يحترگ بابه
.......

إذا واحد وصل للباب عاتبني
خليك بوصيتك وانه كلفني
بعدك بالكلايف ما مجربني

حطني بيمنتك لو عندك طلابه
داحي الباب وسفه يحترگ بابه
......

ماينطيني كلبي الزهره انظرهه
أشباه الزلم بالباب تعصرهه
الشابع بالحرب صطرات يصطرهه

تاريخ اسود من اتكلب اكتابه
داحي الباب وسفه يحترگ بابه
......

غير انت الگلت للشده اريدنك
بويه الطف بعيد وهسه افيدنك
ميت بالقهر يابويه احسنك

هل موقف ابد ما حاسب احسابه
داحي الباب وسفه يحترگ بابه
......
الخادم موسى البطلي

خالد البديري:
بالقيامه،،،هيج ارفعلك إديه
بالقيامه،،،ارتجي تباوع عليه
انته يحسين الشفيع
والله لوتتركني أضيع

الله باچر يرضه عني دام حبك شايله
لان بسمك دوم أحچي وبيك اتقرب اله
وياحسين تعيش بيه وبيه عاشت كربلا
ولان گايل انته نهجي وهل نهج مابدله

الله يدري........شگد الك بيه عشگ
الله يدري....،،،عاشگك وحچي الصدگ

انته باب الله الوسيع
والله لو تتركني اضيع


والله ابد ماعندي غيرك چنت أگولن لوحجيت
وجنت اتصور وفاتي وانته اشوفنك اجيت
ياحسين بصوتي اصيح ودنگت راسي وبجيت
بايع الدنيه واهلهه وحبك الغالي اشتريت

يا أمامي،،،،حاير بذنبي الچبير
يا أمامي،،،،انه بس بيك استجير

انه لجلك روحي ابيع
والله لوتتركني اضيع

لو گرب موعد وفاتي وابتدا يوم الحساب
يا حسين ادعي وأصيح وادري بالدعوا تجاب
دمعتي الباچيهه لجلك باچر تهون المصاب
ونار ماتدنه يمي وبيه من عندك تراب

باچر انه...نار ماتدنه ليه
باچر انه...اندبك هون الرزيه
وابجي للنحر القطيع
والله لو تتركني أضيع


باجر لموتي من أسافر مايهم هول الگبر
اشلون أخاف وياحسيني انه كاتب ع الصدر
ومن يسألوني بحسابي وشجنيت من العمر
خادم حسين اگلهم وهوه للخادم ذخر

شگد ضلامه...وانته التنور اللحد
شگد ضلامه..ومن أذكرك انسعد
انه احلفك بالرضيع
والله لو تتركني أضيع


عاشرك عاشر لساني وياحسينا والسلام
وللگبر وياي اخذته وماخذ اشواگ وهيام
ومنكر أهناك اسمعه يگلي يالخادم سلام
شلون احساب وانته عطرك ريحه من حرك الخيام

حسين أمامك...أنته أصلا لا تخاف
حسين أمامك....حبه شلته ع الجتاف
النضر لجلك دميع
والله لوتتركني أضيع
بالقيامه

((زلزليتي))


زلزليتي اعروشها الدنيا منچ خايفه
الزهره أم العافيه
زهره .. زهره
"""""""""""""""""""""""""""""""""""''''''''''

فاطمه اعله چفوف اديها
داير بكبره الزمان
التايه الماعنده ديره
بروحها يلگه مكان
رغم بيها جروح كلفه
لكن تنگط حنان
اليلگه مثلج یالزجیه
اعلیمن یدور جنان

المایعرفچ وآهم نبعةّ الله الصافيه
الزهره أم العافيه
زهره .. زهره
"""""""""""""""""""""""""""""""""""''''''''''

شما ارسمچ بالدفاتر
وبالقلم من اختلي
ارسم الظل العباتچ
الگه یمچ ظل علي
توگف أقلام الحقيقه
فكري صاير مو ألي
الماعرف رسمچ خطيه
حزن بي ماينجلي

رسمچ بنص عيني وروحچ شگد دافیه
الزهره أم العافيه
زهره .. زهره

"""""""""""""""""""""""""""""""""""''''''''''

تذبل شفافي واذكرچ
چني بالماي ارتشف
ما نعرفچ بالمعاني
وما نعرفچ بالوصف
ياملاذ الروحه خافت
فاطمه رب العرف
بدمعتي ادري نجاتي
لاچن ابچیلچ اسف

يا قصيدة روحي هوه اسمچ قافیه
الزهره أم العافيه
زهره .. زهره
"""""""""""""""""""""""""""""""""""''''''''''

تنزف أفكاري اعله حبچ
وانفجع بالصوره
وجنتچ جنةّ محمد
حمره اضن مسطوره
ضلعچ الورده وغصنهه
الورده شو مكسوره
أشم عطاب اعله بابچ
وین صار أبخوره

الحمامه شبيها والبلابل غافيه
الزهره أم العافيه
زهره .. زهره

"""""""""""""""""""""""""""""""""""''''''''''

اسمع ابيتچ بواچي
هاي ياهي النايحه
صوت أطفال وهضيمه
والملائك صايحه
اسمع مناشغ زغيره
تگول امي رايحه
فاطمه العاشر تقدم
هذا طف شو طايحه

زادت بنيرانها تركض وشو حافيه
الزهره أم العافيه
زهره .. زهره

عبد زينب
محمدالابراهيمي

قصيدة - الرمحُ فوقَ القنا
————

من الخيم جيتـك ركــض
جبت انه الك طاست ماي
اصغيرة مالــــــوحك انه
عالرمح عالي انـتَ اهواي
امفطر اشفافــك عطـش
توجعني نضــــراتك هاي


بويــــــه .. من تنظـــرلي بعــيونك
بويــــــه .. ابچي بكلمـــة اشـلونك
بويــــــه .. عنـي لا يبــــــــعدونك

تعّبت أيدي وانه المـــاي شايلته
وگلب الطفله مايتحـمل السكته
يالمعود رقيه ابطــولك اتـلاگيك
موش اعلى الرمح والماي جايبته

باباحسين بابا حسين

——————
يالانتَ مو مـالت ذبــــح
مالـــت شبگ بيــن روح
يالعالي راســـك عالرمح
نسمة عطر فوگ اتفـوح
ماچنت آنه اتصور اشوف
عطشان انتَ ومــــذبوح

بويــــــه .. احچي ومـــاتجاوبني
بويــــــه .. هيه السكته تهضمني
بويــــــه .. يالـــرايح نفس منـي


يالفوگ الرمح والــرمح كاشخ بيك
يابويه ومعزتك مــايلـــوگ اعليك
جبتلك ماي بس نحرك عليه ابعيد
آنزل خلي چفي الــمنچوي أيرويك

باباحسين بابا حسين

——————
ماينعرف أســــم الرمح
انعــرف من راسك شال
حنيه ينگــط منـــحرك
ويلمع ابعطرك من سال
وبحّالتك شـوفي انجرح
وداعت البـويه التنـگال


بويــــــه .. حيل المــــــايظل بيه
بويــــــه .. الترجعـــــــــها ايديه
بويــــــه .. اليمك واگـــــفه ارقيه

سكوتك حيـــل طــول ماتـصورتك
رقيتك مـــادرت خــافــن امزعلتك
مني الماي بس اشرب يبويه حسين
ماينطيني گلــــبي ومــامشـــربتك

باباحسين بابا حسين

——————

طالت صفنتك عالرمح
عينك تصـــــد العيني
حچيّ النظر ماينفهم ؟
يالنظــــــرتك تاذيني
السكته مــو الرقيتك
ابعازتك تـــــــدريني

بويــــــه .. قصتنـــه انتهت سكته
بويــــــه .. وظعك گبــل ماشفتـه
بويــــــه .. بهل حال الحزن عشته


اريد اسمع رقيه ابصـــــوتك الدافي
وأسمي اشگد احبــه ابنبرتك صافي
أنه رقت اچفوفك گلـبي حيل اشتاگ
وين ايدك يبـويه التشبــــكَ اچتافي

باباحسين بابا حسين

——————
اللهم عجَّل الوليِك الفرج

السيد عبدالرحمن الموسوي

الرباب عند قبر الحسين ع 

رجعت حسين من ذاك السفر البعيد 
روحي مدولبه ولكــــــــــــبرك تريد 
انه ام بيتك اكعــــــــد يا ابو البيت 
كوم وكعد ويــــــــاك ابنـي الوحيد 
يخيمتنه 
شبساع وكضت ايام عشرتنه،، يخيمتنه
يخيمتنه 
ماجتي عله بالي هاي فركتنه،،، يخيمتنه
ولا مرت عــلى بالي 
انوح وكبرك كبـالي
يفارس حلمي يالغالي 
ـــــــــــــــــــــ
اه يحسين اه يحسين 
ــــــــــــــــــــ

حسين شلونه ابنــي الجـان حلــــــــمي 
هم يبـــــــجي وينشــــــــــدك وين امي 
وانه بالدرب كل لـــــــــــــيلة كل يـوم 
كمت اتخيلة كالــــــــــــــــــساعه يمي 
انشدنك 
روه من العطش لو بعده عطشان... انشدنك 
انشدنك
زغيره بعده لو هسه ابني كبران.... انشدنك 
مشتاكه شكثر حضنه 
وهيج بحضني المنه 
لان منك اعشـــكنه 

ــــــــــــــــــــــ
اه يحسين اه يحسين
ــــــــــــــــــــ

اشيل تــــــــراب كــــــــبرك بيدي وشتمه 
دمع لو طاح من العين جيب اليكدر يلمه
انه الهاضمني كله بهل الســـــبي يحسين 
الشمر يوكف كبالي وراســــــــك يشـتمه 
يهضموني 
اذا يحسين اسمعهم يشتمونك.... يهضموني 
يهضموني 
كبالي عله الرمح قصدا يشيلونك،،،، يهضوني 
ادري بغيرتك ادري 
بس انه حرت بامري
يحسين انسلب خدري 

ــــــــــــــــــــــــــــــ
اه يحسين اه يحسين
ــــــــــــــــــــــــــــــ

اه يحسين اصـــــيحن من كلب مجروح 
فتحت عيـــــــــنهه الدنيه بعشك مذبوح 
عهد مني الك يحــــــسين حــــد ما موت 
لا سكف اليلـــــــــــــــمني ولا ابطل نوح 
ماانساكم 
يااحله ايامي واحلامي العشت وياكم،،،، ماانساكم 
ماانساكم 
كلما غمض عيني بجفني صوره الكاكم،،،، ماانساكم 
وداعت ذيج لمتنه 
وكعدتنه وسوالفنه
ماانسه ابد حبنه 

ـــــــــــــــــــــــــ
اه يحسين اه يحسين
ـــــــــــــــــــــــــ

الشاعر 
مصطفى الحسني 

گوم شيل الرايه ▪️▪️طبو المشايه
هلا بيهم▪️▪️▪️▪️هلا بيهم
‏🏴🏴🏴🏴🏴🏴🏴🏴🏴🏴
‏المواكب هايه ◾️التخدم المشايه
‏اخذ منها احجايه◾️تخدم بطول العمر
‏والي رايد رفعه ◾️هالخدامه اترفعه
‏بالقيامه اتنفعه◾️وجهه ابيض بالحشر
‏باجر اعلى الجنه ندخل خادم بصف خادم
‏والترك هاي الخدامه باجر يضل نادم
‏حسين يعرف ناسه▪️▪️والخدم بحساسه
‏هلا بيهم▪️▪️▪️▪️هلا بيهم
‏🏴🏴🏴🏴🏴🏴🏴🏴🏴🏴
‏يلا يابو الغيره ◾️لاتضل بحيره
‏گوم فزع الديره◾️موسم الخدمه رجع
يلا خف اجدامك◾️گوم شد احزامك
‏هيه هاي ايامك◾️الحاقد اگبالك ركع
اخدم الزوار وانته هامتك مرفوعه
ذوله محسوبين مسلم وانته دارك طوعه
الخدمه موت اعليها▪️▪️يستحق راعيها
‏هلا بيهم ▪️▪️▪️▪️هلا بيهم
‏🏴🏴🏴🏴🏴🏴🏴🏴🏴🏴
‏واليزور حسينه◾️والله يخدم دينه
‏هذا گرة عينه◾️اسمه زاير ينكتب
‏خل يعد خطواته◾️وترتفع راياته
‏امن العمر ساعاته◾️وينبض حسين الگلب
‏يلا يلمشاي ضبها واسرع بخطواتك
‏برتفاع الغيم خلها ترتفع راياتك
‏هله بولد العاشر ▪️▪️زاير يحب زاير
‏هلا بيهم▪️▪️▪️▪️هلا بيهم
‏🏴🏴🏴🏴🏴🏴🏴🏴🏴🏴
‏وابوفاظل حاضر ◾️يرحب بكل زاير
‏وتجي زينب باجر◾️هيه تتلگه الخدم
‏تصيح ياحياكم◾️حيدره وياكم
‏من النجف ناداكم◾️ياهلا بأهل الشيم
‏هلا بزوار الحسين الكل سنه مشايه
‏امسجله الاسماء عندي بدفتر الوفايه
‏انتو منه وبينه ▪️▪️انتم افضل طينه
‏هلا بيهم ▪️▪️▪️▪️هلا بيهم
‏🏴🏴🏴🏴🏴🏴🏴🏴🏴🏴
‏المهدي يمشي بعبره◾️ويه امه الزهره
‏سهل الله امره◾️تدعي امه فاطمه
‏واحنه هم ندعيله◾️بالفرج هاليله
‏وبالمشي نهديله◾️هالدعاء من خادمه
‏ربي عجل بالفرج للمهدي هاي الليله
‏باربعين حسين اجينه لكربله ندعيله
‏دعوه من الزاير▪️▪️كون يطلع باجر
‏هلا بيهم ▪️▪️▪️▪️هلا بيهم
‏🏴🏴🏴🏴🏴🏴🏴🏴🏴🏴
‏✍️احمد علي البغدادي
‏https://t.me/baggda
‏
‏
‏
‏
‏
‏

نعم نعم. شيعتك وفايه
نعم نعم. ماتطيح الرايه
_______________________
كل سنه ابيوم اربعينك سيدي هذا وعد
لو يگطون المناحر نوصل انجدد عهد
ازيارتك اعظم زياره هذا عدنه معتقد
ولو تعب زاير حسين يصيح ياحيدر مدد

على الوعد. واحنه عدنه احچايه
نعم نعم. ماتطيح الرايه
_______________________
نحسبلها هالزياره كل سنه لمن تمر
سيدي ونعيش بيها اجمل ايام العمر
نعرف بدم المناحر هالشعيره تستمر
واحنه صرنه لهلزياره سيدي كلنه نذر

بده المشي. وانته كل الغايه
نعم نعم. ماتطيح الرايه
________________________
سيدي يبن الزچيه انت عايش بينه
نعطش وننتظر عام ازيارتك تسگينه
نقسم اعليك برضيعك يمك اتخلينه
نضيع مولاي ابدونك وانت الدلينه

هاي الخدم. لجلك امسوايه
نعم نعم. ماتطيح الرايه
________________________
يلا ياخادم الموكب گوم شد احزامك
اربعين حسين هايه يعني هاي ايامك
گوم جدد عهد گله سيدي خدامك
كلشي احنه الي نملكه سيدي گدامك

يابوعلي. هايه زلمك هايه
نعم نعم. ماتطيح الرايه
________________________
احنه من نمشي يقيناً حيدره ويانه
وفاطمه ام العزاء وهيه تتلگانه
والامام المهدي عينه بالدرب ترعانه
وبالقيامه حسين باچر والله ماينسانه

يوم الحشر. تربح المشايه
نعم نعم. ماتطيح الرايه
_________________________
احمد علي البغدادي
محرم الحرام 1445هـ

‏مقطع صوتي من اللهم صل على محمد وال محم

بلا حمايه / بلايه رايه / هذا حالي
سافر والدمع صاحبني/جاخوي اشعجب فاركني
هذا حالي / هذا حالي
@@@@@@@@@@@@@@@@@
سند يبقه الاخو لخته اذا جار الوكت بيه
تتنومس ترى ابخوته و من يجاسر اعليه
واذا راح الاخو ياناس راحت كل امانيه
تظل مكسوره حد الموت وتترجه يرد ليه
رد ياكافل / لهل ارامل/ بهل ليالي
بعمره ياخلك ماردني/جاخوي اشعجب فاركني

********
عليه اتحزمت دنياي من سافر خليل الروح
مو وكته السفر عباس رد ياخويه وين انروح
ظاكت كربلا ابعيني وكلبي انترس كله اجروح
من شفتك يابو الغير موذر على ارض مطروح
خويه اشوفك /ابلا جفوفك// الون حلالي
من زغري الدمع رافكني/ جاخوي اشعجب فاركني
******

مراوداع اخوي اشلون حنظل بالله شي جرعه
وانه بغربه وغريبه الناس ودعي ابليلة الجمعه
ياربي ترد عباس وادري ابدمعتي اتوجعه
نشف ريج الفرات اعليك يلطم روجه صب دمعه
بلا خليلي /بلا كفيلي/ بلايه والي
المافارك صعب يفهمي/جاخوي اشعجب فاركني


******



ماشفت الفرح ياناس حتى وجنت انه ازغيره
كبرت وكلت راح ارتاح بجالك خويه ابو الغيره
انه شبيدي على امر الله اطلع ديره اطب ديره
مسبيه اورحت لشام تالي عمري وبحيره
حيرتني / مرمرتني / ياهلالي
كونك حاظر اوتسمعني جاخوي اشعجب فاركني


*******
وافتني المنيه هناك كلت اي هسه انه ارتاحيت
ميته ومن يشيعني وحدي ابلا اهل ظليت
حاير ظل علي السجاد يون وينوح وسط البيت
حشم بس يحشمن ياخويه اشعجب ماجيت
انه زينب ميته ونحب / اه ياغالي
رتك حاظر اتشيعني/ جاخوي اشعجب فاركني


********

الشاعر
حسين الزيدي

‏مقطع صوتي من اللهم صل على محمد وال محم

          ياابا عبد لله  يا ابا عبد لله
@@@@@@@@@@@@@@@@
هم يجي يوم اربعينك      وارفع الرايه
سيدي خافا اموتا            للسنه الجايه
راح اعد ايام واحسب        بيهن اهوايه
كون عايش لربعينك         وامشي مشايه 
@@@@@@@@@@@@@@@@@
ياالم ياحركه اعيشا           ياهظم يوحي
من يفلشون المواكب             تنمرد روحي
دمعتي اتفيض على     خدي ويرتفع نوحي
موقف ايهز المشاعر        يلجم اجروحي
@@@@@@@@@@@@@@@@@@
خادم حسين انه اسمي       وهاذا يكفيني
والله من تكضي خدمتك      تختنك عيني
كون كل ايامي خدمه       اوممشه لحسيني
لو رحت يحسين عنك         كلبي ياذيني
@@@@@@@@@@@@@@@@@@
من اصد عيني واشوفا     راحت الوادم
ابق افرك بس بديه هواي     اظل نادم
خاف قصرت ابخدمتي   وانه الك خادم
خاف ماموجود اخدمك   موسم  القادم
@@@@@@@@@@@@@@@@@@@
عايف اهلي اوكل حلالي    اوجيت اخدمنك
اقبله ياحسين الزياره         اوخل اشوفنك
والله لو بيدي             ياغالي مااعوفنك
ماتمر ليله ابحياتي            مااذكرنك
@@@@@@@@@@@@@@@@@@@
سيدي خدامك احنه     اوباسمك النادي
سيدي تفزع نريدك        بالكبر غادي
عليك امشي زينب     اختك وابنك الهادي
كلهم امخلص حياته      ابخدمة اولادي
@@@@@@@@@@@@@@@@@@@@


الشاعر
حسين الزيدي