فل عباس مهره وابن اخوه فله
طلابه وعد بني هاشم تخيله
النسر ضل َمايدور جثث فوك الكاع
المنكاره الجثث عباس وصله
مثل صوت السعف من ينشرك نصين
هيج الجمجمة ينسمع صوت اله
صحنا اعلئ ابو الرايه الرايه نزله
الحك كام سيفه مايلحك اله
الركاب يعوفهن عالنص بقئ العباس
ويصيح ابن اخوي النشمي كمله
ثنين وكلمن بجفه الحرب ميزان
من تميل وحده الثاني يعدله
الأكبر سوره الدخان رتله
وابو فاضل قرأ الزلزله وزلزله
وصارت كربلاء بيت الحسن تنور
الأكبر يحط جيمه وعمه يشعله
هلكد مابقيت مجتف من الخوف
انا تشيع ردت بس حتئ اسبله
ابوفاضل كل اللأكبر لا نطوله
من نطول ترئ زينب اشتاقله
العسكر بيدهم ضل قطره قطره يطيح
ورقه وتوك من الماي شايله
خير ردنا عطوه يجيب ويحله
بس سبعينه خير منين اله
هيه السالفه المعروفه ع العباس
يطيح بلزلم بس مايطيحله
باجر لو تشابيه القضيه تصير
الله يساعد الناس التمثله
الشاعر سعد شميل