قناة للقصائد ||شعراء اهل البيت ||ع

قصائد شهادة مولاتي فاطمة ع مع الألحان فقط أضغط على اسم القصيدة 👇👇👇


1.قصيدة فزاعية (عظم الله لك الأجر علي)

2.قصيدة رئيسية (كسروا للزهره ظلع عاجل)

3.قصيدة فزاعية ( آه واويلاه ماتت فاطمه)

4.قصيدة نـزلـــة ( فـاطـمـه مـولاتــي )

5.قصيدة رئيسية (يـذبـحـنـي الـفـراگ)

6.قصيدة شور (ويلاه ويلاه يالهادي ويلاه)

7.نعي لــلأم (يمه مكبرتنه اتخون)

8.قصيدة نزلة (يـا فاطمه يافاطمه)

9.قصيدة رئيسية ( يا زهرة الكواكب )

10.قصيدة رئيسية (من عـالمـچ ألـيـة)

11.قصيدة گعدية (ردت ام الحسن ترضا عليه)

12.قصيدة رئيسية (ناذر مولاتي يافاطمة)

13.قصيدة رئيسية (يازهراء يادخيل اعيونچ)

14.ابو ذيات (بمجالس فاطمه هالبدن تربه)

15. قصيدة رئيسية (يزهراء فاطمة)

16.قصيدة ثلاث دگات (كلمن كسر بالباب)

17.قصيدة رئيسية (دافع هالباب فاسق كذاب)

18.قصيدة رئيسية (مرتين شفت انه عاشر)

19.قصيدة گعدية (فاطم قتلتها الاحزاب)

20. قصيدة فصحى (حيرى يا إمامي)

21.قصيدة رئيسية (امي ياشمس الأمان)

22.قصيدة فتحة عزاء ( يازهراء يازهراء)

23.قصيدة نزلة (الزهره تحضرها المجالس)

24.قصيدة رئيسية (من غربت هالدار)

25.قصيدة جديدة. (صحيفة موت واخطار)

26.قصيدة جديدة (طاريچ يا بعد العمر)

27.قصيدة اهوازية (كون بكسرتچ موجود)

28.فتحة عزاء أو نزله (فاطمة يزهراء)

29.قصيدة رئيسية (سلسبيل الحيات)

30.نعي للزهراء (ام المحنّه شلون بيها)

31.قصيدة موشح (فاطمه حبچ سكن وجداني)


أسال من الله التوفيق وقبول الأعمال

https://vt.tiktok.com/ZS2qNSssp/

عراقية عراقية
هاي الفزعه شيعية
كلشي يهون يا لبنان
ابشري الشده مگضية

--------------------------------

علي ويسند علي
المواقف كلهه الي
اثور وانتفض
اذا الفزعه لهلي

انه الكاسر گفه العايل
كلام الذله ما گايل
انه اليعدل حچي المايل
عراقي ورافضي

آنه التاريخ والثايه
اجتكم يا هلي الرايه
فزعتي لاهل الولايه
عراقي ورافضي

بيهه انفاس ثورية
هاي الفزعه شيعية
كلشي يهون يا لبنان
ابشري الشده مگضيه

------------------------------------------


يلبنان السمى
نتشارك بالدمى
اذا جاسچ عطش
يأذيچ الضمى

نمد الماي وجروفه
وتجيچ بحيلهه الكوفه
الفرات بمايه وچفوفه
هلا ومية هلا

عوائلكم تطب داري
واعزب انه وي جاري
اهل ما گلت خطاري
هلا ومية هلا

يأهلآ بالحسينية
هاي الفزعه شيعية
كلشي يهون يا لبنان
ابشري الشده مگضيه

-------------------------------------------

اجيناچ بزلم
تموت وما تهم
تعزب بالنحور
والشروگي الاسم


احط نيشان بالملگه
معلم چفي علتفگه
الشرد من عندي ما الحگه
تعود ينهزم

ما يبقى اليمس گاعي
انه الراعبهم ذراعي
التخاذل ما اله داعي
تعود ينهزم

هذاك الگال شعليه
هاي الفزعه شيعية
كلشي يهون يا لبنان
ابشري الشده مگضية

--------------------------------------------

مواقف للعرب
عجب كل العجب
يوالون اليهود
يجمعون الحطب

قديمة السالفه العدهم
الخيانه التمشي وي دمهم
قطعآ ياهو والدهم
نقارن بالفعل

گبل هم بَخنّ گالوهه
وتالي سوايه سووهه
هايه اليوم عادوهه
نقارن بالفعل

شحچي ونارهم بيه
هاي الفزعه شيعية
كلشي يهون يا لبنان
ابشري الشده مگضية

-------------------------------------------


انتوحد ننتصر
نتفرق ننكسر
بعد كف الكلام
ذبحناه الشمر


چفي بچفك وخلنه
عرفنه الناس التضدنه
(اليذم بينه ) ( اليساعدنه )
وضح كلشي بعد

اليوالي المرتضى وآله
التعرفه بدينه وافعاله
انصره واحفظ اعياله
وضح كلشي بعد

البقيه الروس محنية
هاي الفزعه شيعية
كلشي يهون يا لبنان
ابشري الشده مگضيه


كلمات الشاعر / رعد الفريجي
25/ ايلول / 2024

https://youtu.be/1aShQRpzUrE?si=gGbWrGV8xBvXDQPV

مولاتي زينب عليها السلام بعد طف كربلاء تأتي إلى قبر رسول الله (ص) في يوم شهادته فتشكي له ولسان حالها يقول


مابين اجروحك واجروحي طف اشكبره
غـدروك بـسـم وذبـحـوني بـبـن الـزهــره

چـم آه بــ. آه ........ يـا جـد ويـلاه
====================
جيت اسألك.. واشتكيلك..
بالدموع الحاره أبـدي بسؤالي

صعبه صعبه.. شوف حالي..
شنهو ذنبي حتى افگدها الغوالي

يا جد مسني حيل العوز صرت بحاجة الحامي
من يوم الرحت لليوم گلبي اعـله الأهـل ضامي

من ساعـة موتـك وعـيوني تجـري العبره
من كسر اظلوع المحنية بصدري الجمره

ظليت انعاه ..... يـا جـد ويـلاه
====================
مرمرونــي.. عـذبــونـي..
بكلمة (اليهجر) بدت أول مراره

من السقيفه.. هـالجـرالـي..
بـعـدك الـدار احـرگـوهـا يا خساره

شفت امي تون وتنوح بويه الگوم آذوني
كسرة خاطر الزهراء بيها اهواي كسروني

حزنانه وكل هذا العالم صـار اعـلـيّـه
شتموني وهزّل هم جابوا هم مسبيه

ناديت أحّـاه ....... يـا جـد ويـلاه
====================
اتصح صحابه.. صح عصابه..
مـا رعـوا حـرمـة حـبـيـب الله ونـبـيـه

لكـن ابطف.. هاا يجدي..
اتــوذروا عـن لا يـگـودونــي سـبـيــه

فرق كلش چبير اوياك بين اصحابك وصحبه
انته اصحابك الغدروك بـس هـوّه حِـزم جنبه

صحبان حسين اهل الغيره واهل الشيمه
والحرگوا باب الله انفُـسهم حـرگوا خيمه

گلبي الأذّاه ........ يـا جـد ويـلاه
====================
وسفه بالسم.. رحمة الله..
ايموت ما يلگه اليدفنه يا عجيبه

دنيا غمه.. بيها صارت..
تحكم المويمها والناس الغريبه

تـاخذ ويـن الـمـعـتـبر دنـيا الـمـالـهـا صـاحـب
والعاداهه يعني الموت من عدها صبح شارب

الماكو اعظم منه بهالوسعه راح بسرعه
يا ناس وهجر احمد يوجع ياهو يجرعه

ياريت اوياه ........... يـا جـد ويـلاه
====================
آه يروحي.. لو تشوفه..
حسين سحگنه الخيول الأعوجيه

راح مني.. راعي بيتي..
راسه فوگ الرمح بس عينه عليه

هيچ اليفگد اهله ايگوم يتحسر على الفرحه
دنيا امخاويه الغدار موش الملـتـهي بجرحه

مابـيـن اجـروحك ياطه جرح العاشر
وحسينك ظل بلا ناصر داسه الحافر

أشلون أنساه. .......... يـا جـد ويـلاه
====================
29/8/2024 يوم الخميس
24/ صفر الخير 1446 هـ
#الشاعر_الميرزا_محمد_الساعدي

للأستماع للحن القصيدة ((أضغط هناا))

قناة للقصائد ||شعراء اهل البيت ||ع pinned «https://vt.tiktok.com/ZS2kn9KUd/»

https://vt.tiktok.com/ZS2kn9KUd/

وين الگه خيالن سبوگن يسبگ الهاب
ويلگد مهرتو من اسلم بيدو الكــــتاب
،،،،،
يلگه ثنايه اهلي وسيعه وريحت الهيل
من ادلالهم تضهر يشمها نجم الزهيـــــل
لوشاف شابن لو حچه محچاه ترتيـــــل
معناهو الاكبر هذا لُه دلالي منصـــــــــاب
،،،،،،
خليت بالگرطاس دمعاتي وبچي وشوگ
ولوعة وحيدن حالو حال بدارو محــروگ
من يصل لهلي طافحن والنفس مخنـــوگ
اهلي ايتلگونه بهله من بطن الطـــــــــناب
،،،،،،
عندي احاسيسن تگلـــــــــــــــي مايردون
الچانو مصاحف بالنزل لمن يصــــــــــلون
من گد حنيني لهم ذبلت حته الجفــــــون
هيّن بوجنتي للدمع سوين مـــــــــــحراب
،،،،،،،
يامن لهم في گلبي شوگ ودار ومچـــــان
ويامن لهم نارن سناها يحرگ ابـــــــــــدان
حالي عليهم حال في صحراء عطشــــــان
ورگض وره مضعونهم لگنهو اســــــــــراب
،،،،،،،
وين الگه مهيوبن عفيفن يگطر احساس
ياخذ كتابي الوالدي ولعمي عــــــــــباس
خيّگلهم البلدار ضلت مابها انفـــــــــــاس
ميته عسنها بدونكم روحي يالطيـــــــاب
،،،،،
خيگلهم الكم والها عفتوها بالبيــــــــــــت
لاهي من الاحياء لاهيّه من الميــــــــــــت
فرض المنيه الوحدّي عل روح صليــــــت
بس چفن عوزي وگبر ونطم تحت التراب
،،،،،،،
عد والدي مگصود لمن عافني هـــــــــناه
وحمّل بناته وما اخذني الكربله ويـــــــاه
راوف بحالي رادني ماشوفن ادمـــــــــــاه
من ارسوم وجه حسين ابوي مبينه الاسباب
،،،،،،
لخادم الحسين ع
محمد الفهداوي

موشح لمولاي الحسن ع


ناحت السبع الشداد الهل مصاب
عزوا جسام الشهم شيخ الشباب
=====================
عظم الله اجرك يجاسم بالجره
والـدمـع للـمجـتبى الليـلة جـره
انقيـم هـذا الـعـزه اليوم الآخره

والحزن للخدمتك صاير خضاب
=====================
دارت اعـليه النوايـب والمـحن
والحضرته سيدي انوح بشجن
إلخـيانـه والـغـدر لـيـه اوصـلن

چبده من السم وسف ياحيف ذاب
=====================
شلون حال ام الخدر يـوم الهجر
شلون حال حسين گلبه من جمر
الما يـعزي المصطفى مـالـه عـذر

خـل يحـضر للـنبي باچـر جـواب
=====================
گوموا لطموا عالصدر يهل العزاء
انّـصبت الليله الفواتـح بـالسـماء
بـيـهـا الــيـعـــزبـون كـل الأنـبياء

كلها تبچـي يا كبـر هـذا الصِواب
=====================
باتـت الدمـعه عـلـى خـد الايتـام
كافي زينب من وراچ انوب شام
عـالإمـام المجـتبـى اللـيله سـلام

الله لا يجـعل غـداً دونـه حجاب
=====================
ذكره حي سيد شباب اهل الجنان
اليوم منصوب الـعـزاء بكـل مكان
ندعي من الله وعلي راعي الزمان

يظهر ويبدي عصـر يـوم الحساب
=====================
غصباً اعله اخشوم ذيچ الحاقده
ويّــه ابـو صـالح انـشـيّـد مرقـده
والزيـاره اتصـيـر بـاچـر حـاشـده

گلب كل شيعي وموالي يُستطاب
=====================
12/8/2024.يوم الاثنين
7/صفر الخير 1446 هـ
#الشاعر_الميرزا_محمد_الساعدي

قصائد شهادة مولاي الحسن المجتبى ع مع الألحان فقط اضغط على اسم القصيدة


1.قصيدة فزاعية ((مسموم مولانه))

2.قصيدة شور ((يامولاه))

3.قصيدة اهوازي ((فاتحة سبط النبي))

4.قصيدة نزلة ((حيوا الحسن))

5.قصيدة رئيسية ((الغالي شيرجعه))

6.قصيدة رئيسية ((بعدك نوحي))

7.قصيدة رئيسية ((الزمن غدار))

8.قصيدة موشح ((عزوا جسام))

نسأل الله القبول والسداد
للأستفسار👈 ((@Mirza_Al_Saadi))

(مولاي الحسن ع) طور اهوازي



فاتحة سبط النبي نحييهه
فاتحة سبط النبي نحييهه
==============≈==============
جينه امحزمين احزام يالمجتبى بهالليله
المتعني العزائك راد يامولاي تدعيله
عالمسموم خل انوح من دم كون نبچيله
نعش الكرم يا هالناس عالهامات خنشيله

عزي بصوتك الزهره وعيد بنوحك العشره
كل يوم اليمر عاشور عدنا مأتمك بيهه
فاتحة سبط النبي نحييهه
==============≈==============
ياخدام اصيح بصوت وسچب عالولي العبره
وعندي معتقد والله اسمي بدفتر الزهره
بومحمد عزه وءآهات وبگلبي أله حسره
وابقه عمري كله انحب عالداسوا على صدره

دمعاتي تهل كل عام هاي الساده والعوام
تنحب لجل سيدهه مامخفيه نحچيهه
فاتحة سبط النبي نحييهه
==============≈==============
يحچون بكرم حاتم وعدنا احنه بن حامي الجار
هذا الحسن ياهالناس عزب روحه للخطار
لا حاتم ولا ميه توصل رابع الأبرار
بأوصافه وصدق نيته هذا الفلك كله اندار

ألطم صدرك بهمه وانزع للولي العِمه
يستاهل أمام الكون لجله الروح نفديهه
فاتحة سبط النبي نحييهه
==============≈==============
گالوا المن اتلطمون بطلوا اللطم ياشيعه
هذا معتقد عدنا بلطم اصدورنا انطيعه
يالتطلب اعوف حسين وتريد الولي انبيعه
مانترك نهجنه هذا كل يوم اليجي انذيعه

هيچ اتزعجه لطميتي واترك راد شخصيتي
ماعوف الأسد حيدر واصبح نار تاليهه
فاتحة سبط النبي نحييهه
==============≈==============
عنوان الحسن واضح بالخدمه الحسينيه
يستقبل تره الزوار وين الصافي النيه
اويا جاسمنه والموروث حمزتنه ومراثيه
وعبد الرضا ناده بصوت متهمنه الوهابيه

ويه المجتبى نقره آه يمصيبة الزهره
عز الله هالشيعه محمد غاد يحميهه
فاتحة سبط النبي نحييهه
==============≈==============
يالعندك حوائج گوم اليوم الحاجه مگضيه
حلف الحسن بالمجروح البي ألف وتسعميه
حتى الما أجه الليله بس ينخاه يوميه
يگضيله الطلب مولاي هذا الكله حنيه

اليدعي ويسچب العبره واليلطم على صدره
ينطي طلبته بيده والكلفات يگضيهه
فاتحة سبط النبي نحييهه
==============≈==============
10/9/2021 الجمعه
#الشاعر_الميرزا_محمد_الساعدي


https://t.me/Mirza_M_Al_Saadi/9124

#گعديه_للسيده_رقيه_ع


عاهدت الگلب ما لحظه ينساچ ويقيم العزيه
چم آه ومصيبه شفتي چم آه عديلي الرزيه

من حرگوهه الخيام والقرطين والشام
عديلي الرزيه
===============≈=============
يارقيه شفتي چم طف وشجره وصار المسيه
حسين ابوچ مسلبينه وداسته خيل اعوجيه
شصاير بحالچ يحره بفزع يوم الغاضريه
النار وصلت للعبي
والأهل گالوا تنسبي
گليلي مات اشچم نبي
والمن انقدم عزيه

من هول الجره والصار ياناس مچتوفات اديه
شفت حسين واگع والله هيهات واتنوح الأبيه

ياهم ياحزن صار هم فزعولچ انصار
عديلي الرزيه
===============≈=============
صاح هل من ناصر النه ماشفت فازعله ناصر
والدي وحاطته كلهه اوحيد باقي بيوم عاشر
والأشد ياناس اسمعوا عيوني شافت هالمناظر
شفت الأبو فوگ الثره
وچفين سبع الگنطره
وهذا الحبيب ومنحره
علي الأكبر چنه حاير

من جيته وگصدته بويه عيناك خليهن عليه
يا حر الفزع ياهو التلگاك ما رد الشفيه

أسمع أنّة انحور گالت والدمه اتفور
عديلي الرزيه
===============≈============
بعد ماشفت العجايب أعجب المر هم علينه
الگوم گادونه سبايه والعليل امگيدينه
والشمر ظل سوطه نازل وماكو عباس اليجينه
ويسب غده بالعايله
واصعب بعد من هالبله
عالهزّل المتمايله
زينب الأمست حزينه

لاحتنه مصايب عدة أيام وأصعبهه الأذيه
من طبت على ابن زياد ياناس الحره الهاشميه

مامتعلمه تنجار شصار بذيچ الامصار
عديلي الرزيه
===============≈=============
الحدث بارض الغاضريه انعاد بس بغيير صوره
طبت المجلس يزيد وعاينت بالطشت نوره
عمتي وشافت الرايه طبع چف وبان دوره
بالحچي سوّة مجزره
خلت عقول محيره
لبوة علينه القسوره
وضحت للخلگ جوره

لكن من وگع شوفي اعله عيناه چن ينظر اليه
وچن ايگلي بويه شبيچ چم آه يابنتي رقيه

ردة اشبگه وانعاه واغفه واذكر الجاه
عديلي الرزيه
===============≈=============
جابوا الراس واجوني هذا ابوچ التندّبينه
شفته بس شلون شوفه عمت عيني امعذبينه
واصرخة والزهره يمي تصرخ بونه الحزينه
وهم أجه يمي حيدره
ياجدي شوف الي جره
المحبوب حزوا منحره
شاف راسه شايلينه

گتله جدي ماظل امشي وياك راووني المنيه
فجأة وشفت ابوي حسين عناي دمعاته جريه

طفچ كربله انعاد والهم والحزن زاد
لمصيبة رقيه
===============≈=============
14/9/2020 الاثنين
#الشاعر_الميرزا_محمد_الساعدي

للأستماع للحن القصيدة ((أضغط هناا))

رقـيـه مـن البچي ما تگدر اتـنام
وفوگ الدمعة ضجت بيها الآلام
طـفله وگامـت اتلوع
شافت راس مگطوع
======================
شـوفــوهـا رقـيـه شبـيـهـا يـا نـاس
صاحوا واجت تركض كومه حراس
گَــلـولــه الـلـعـيـن اتــريــد ابــوهــا
گـلـهـم بـالـطـشـت ودولـها الــراس

واجوا جابوا طشت ما تعرف شبيه
والـنــســوان صــاحــن لا تـخــلـيــه
صرخه وصوت مسموع
شـافـت راس مـگـطـوع
======================
طـبـينـه ودمـوع الـشوگ والآه
نـزلـن چـن ينادن وآ حـسـيـناه
تلگتنه اشـكثر بالحـضره أيتام
والــزوار صــرخــت آه ويـــلاه

هاجت كل مصايب عيلة حسين
لـمـصيـبـة رقــيــه زاد الــونـيـن
گلب چم طفله مشلوع
شـافت راس مگـطـوع
======================
داخـل حـضـرتچ واسمعها الاصوات
ونـيـن اسـمـع يـگـول حسين مامات
حـور الـعـيـن يـبــچـن حنـن اهـواي
يـنـعـن مـن ضـريحـچ تـطـلع آهـات

حسرات وجفن مولاتي ما هـاد
مـتّـي وگـام ينـحـب زين العباد
وجه بالسوط مصفوع
شافـت راس مگـطوع
======================
رحـلـه مـن العـمـر وام الميامـين
بالمرقد شـفـت مذبـوح الحسين
شاهدت التراچي ولحظة النـوح
الطف انعاد واتصـيـحـين لاويـن

سوالف شام ترست گاع العيون
اريـدنـكـم عـلـى گـبـري تمـرون
صدر بالحسرة ملچوع
شـافـت راس مگطوع
======================
وعلي ياناس هظمتنه چبيره
رقية زغيره مو مالت أسـيره
الجبتلها سـلام من الأمـامـين
سبيه شـلون گادوها الأمـيره

من يوم السبي ليهسه الجروح
نضرت عالـثره العباس مطروح
طشت بدموع منگوع
شـافت راس مگـطوع
======================
3/3/2024 يوم الأحد
21/ شعبان المعظم 1445 هـ
#الشاعر_الميرزا_محمد_الساعدي

للأستماع للحن القصيدة ((أضغط هناا))

موكب الشيبه الكريمه.. طالع ايعزي الزچيه
الـف هـنـيـاله اليـقـدم.. هـالعزاء بصافي نيه
======================
من طلعنه بهمه صحنه ياعلي و يافاطمه
ويانه طالع لـلعـزيه اليبچي مصباحه دمه
خـدمة الـعـتره يـوآدم بيـها بـاچر مرحمه
هالدرب درب الله واضح يهنـياله اللازمه

موكب العز والكرامه.. يـعـلن بهاي العزيه
الـف هنيـاله اليـقـدم.. هالعزاء بصافي نيه
======================
باچر اتشكره اليشارك زينـب بـيـوم الحشر
مو شرط ويانه حاضر حتى تكتب مَن يمر
والله مولاتي طلعنـه مـو لجل شهره وأجر
للـرضـا نطلب ونـضـره مـنـچ بـيـوم العسر

إدعو وياي بسلامه.. غداً ننصرها القضيه
الف هنـياله اليقدم.. هـالعزاء بصافي نيه
======================
كـلـهـا مـتعـنيه الـعـزاكـم اتـريـد نَـيـل الـغـانـمـه
مـن صـدگ هنـيـالـه هـذا الـتـرضـا عنـه فاطـمه
نـخـدم اصـحـاب المـعـالي شـيبـه لـكـن عـازمـه
ندعي كون اويانه تحضر بت علي حامي الحمه

هاي طلعتنه رساله.. يا عـظم هـاي الـرزيـه
الف هنياله اليـقدم.. هالعزاء بصافي نيه
======================
بهاي الايام الأليمه ندعـي والطـول الدهـر
يمته نسمع أبـو صـالح يـلـه يا وادم ظـهـر
نخدمه بذيـچ الليالي ونكتـب اويـاه القدر
يمته وينادي المنادي دين ابو اليمه انتصر

يـله يصحاب العزيه.. خـدمة الـحـر زينـبـيه
الـف هنـياله اليـقدم.. هالعزاء بصافي نيه
======================
4/8/2024 يوم الاحـد
28/ محرم الحرام 1446 هـ
#الشاعر_الميرزا_محمد_الساعدي


للأستماع للحن القصيدة ((أضغط هناا))

#قصيدة_للأمام_زيد_بن_علي_ع
#الشاعر_الميرزا_محمد_الساعدي


زيد الشهيد ابهاليوم
للطف هده كل عمره
===============≈=============
عابد مثل ما چان ابوه بيومه
طشت على الأمصار كل اعلومه
بفيض النحر هم غرگوهه هدومه

الهذا الأمر گلبه جمر
بدم الشهاده منتصر
حب جده بگلوب الناس خله حراره وجمره
===============≈=============
صولة علينه رجِعاهه الصولّه
كل ساعه اله بجيش ال اميه جوله
حيرهم بفطنة دهائه وعقله

ثار وجعل بذرة أمل
بعالم نست ذاك الحصل
بيوم الذي صاح حسين ابنچ فده يالزهره
===============≈============
راية نبينه بثورته علاهه
وزمرة يزيد ابن الدعي ذلاهه
للزهره ابو يحيى الشهم عزاهه

بدم النحر للذل قهر
آل النبي صاح وجهر
حگ والطلع باچر غاد ضدنه انتوله أمره
===============≈=============
بأسطر زبور الحكمه حط خيماته
وألي انسبن بالطف تره عماته
دمع الحزن غطه ابوجل وجناته

واسه النبي بحرگ العبي
وظل يحچي للناس السبي
العل نخله هذا الخلاه شنهي المحمد عذره
===============≈=============
نفسه الكريمه ابن الكرم صلبوهه
اربع سنين اعله الجذع خلوهه
بعد الحدث أهل الحقد حرگوهه

هم منگطع راس الشمع
فايض يظل لجله الدمع
ابنك يسجاد ارماد اصبح بيادي قذره
===============≈=============
عجل الفرج يابو الفرج هالليله
شفت الجره انته سيدي ابهالعيله
هذا الموالي شال الك زنجيله

بس الجثث من هالحدث
سنّاهه كل باغي خنث
أظهر يمولا الأكوان والحبكم أظلم عصره
===============≈=============
19/9/2020 السبت
#الشاعر_الميرزا_محمد_الساعدي

مـيـمـر الأربـعــيــن


مضرب مثل هذا السيل صدّر وفه المعموره
=====================
مـن البـحـر حد النـحـر مشـايـه
الهذا الوفـه رايــه تـدگ بـرايــه
من كل بقاع الكون اجت عنايه

بسفرة حبيب المختار كل البشر مغموره
=====================
ألـتـاجـر الفلاح يمـشـي بصـفه
أحسين بين الكل يساوي طفه
هنـياله كلمن گلبه يبدي ينظفه

الظالم اويه الاحرار ما يلتقي بأي صوره
=====================
مـن هـالخدامه هالخلگ مذهـوله
الخادم لجل هالدرب لاعب جوله
بـجاه النبي هـاي الخـدم مقـبوله

وام الحسن تكتب عاد كلمن يأدي دوره
=====================
من البيشه تمشي ام الخدر ويانه
جـمره بگلبنه مـن الـجـزع تلگانـه
هـذا الحـسيني الـزينـبي عنـوانـه

خادم صدگ لآل الله خدمة شرف منذوره
=====================
درب السلامه يـل مشـيت بهـمه
أم عون بالمحشر تعوفـك زحمه
خادم حسيني من صدگ تتسمه

كلمن نكر ذاته وگام بي كربله مسروره
=====================
حيا الله كل خادم بذل مجهوده
مـاخذ مـن العباس خيره وزوده
ياربـي تـرزقـنـا فـضـلها الـعـوده

في كل سنه يا رحمن وفقنا نخدم نوره
=====================
أهـلاً وسـهلاً والزحـف مليونـي
وبشوفة الزوار كحل اعـيـونـي
وخويدم الـكل گاموا ايسموني

گمت افتخر بين الناس يم الحسن مشكوره
=====================
7/8/2024 يوم الأربعاء
2/ شهر صفر الخير 1446 هـ
#الشاعر_الميرزا_محمد_الساعدي

(للمشايه)

يله شد الرايه ونادي يامشاية طف كربله
حيدره يرعاكم الزهره تمشي وياكم طف كربله
ساچب أبقه للعبره عالطايح على الغبره بطف كربله
==============≈======================
خادم صدگ كونك انته وعندك محاسن رحيمه
صفيهه نيتك يغاتي وخلي النوايه سليمه

صبح زلمه اليشد عزمه بمناهلنه العفيفه
علم تصبح تره تربح اذا نيتك نضيفه
وحگ عابس تظل لابس خدامتنه الشريفه

هذا الخدمهم ملك أصبح تالي
وبين الخلگ راسه وحقك عالي
ابالي الخدامه لا هيه كل بالي

حيي أهل الغيره اربات هاي الديره الكلهه خدم
منهم الوفايه والي دگوا ثايه الكلهه خدم
والگلبه صبح جمره عالطايح على الغبره بطف كربله
==============≈======================
يالتسأل أعليّ أجاوب أنه الوفه والسماحه
خادم حسيني كحمزه عايش تراثه بصراحه

أنه العاشر انه الماذر يخاف امن امنياتي
صرت دمعه ودرت شمعه احترگ گاضي حياتي
بمجالسنه بمئاتمنه وعلي أضمن نجاتي

خلنه نگول احنه الصفينه النيه
ورسمنه عزه بنص هالحسينيه
شيب وشباب ابعزه الفاطميه

ملا بينه وشاعر واللطم عالحافر فاز وعلي
عاگدين احزامنه واليگول ايامنه فاز وعلي
والمحتار شيصبره عالطايح على الغبره بطف كربله
==============≈======================
مفتوحه بيبان اهلنه أهلاً وسهلاً يزاير
شگ گلبي بات ابدليلي هالليله ماتبقه حاير

رسول الحب اجانه ايصب موده هاشميه
عشت غربه لچن دربه حلاته بهالقضيه
تجي يمه وبعد شمه تشمه امنه الزچيه

هنياله واهب للولي شخصيته
وتبيين الزهره الوفه منطيته
عالم خدامتنه الخدم تزكيته

ماي عيني وروحي للولي مذبوحي حسين السبط
هوه الينجينه بهالفعال الزينه حسين السبط
منك رايد النضره عالطايح على الغبره بطف كربله
==============≈======================
علم الناس الخدامه وخل عندك انته رساله
سيدنا مات بكرامه ونمشي بمساره وخصاله

أبو اليمه بحر رحمه أهيم بتضحياته
أخذ عالم وگع هاشم ممهتم بحياته
ولا ناصر حضه بحافر مسه منه مماته

نادوا نداء ابهمه رافضيه
ماعدنه غيره اعله الكره الارضيه
والنصرته بيوم الحشر محميه

هذا كل احساسي بالعشگ عباسي حر زينبي
دنيتي وآمالي ردت بس يبرالي حر زينبي
عينك خل تظل حمر عالطايح على الغبره بطف كربله
==============≈======================
3/9/2021 الجمعه
#الشاعر_الميرزا_محمد_الساعدي

للأستماع للحن القصيدة ((اضغط هناا))

https://youtu.be/eW9ngmSTdfk?si=cD8aTC9o5AMux_OG

هد والجيش من شافه تخردل
بـالـعـبـاس چـان الـحـيد الاول
======================
طبها والميدان لايگ ليه أبن سـيد المله
فارس السبع الشداد اتلوگ لسمه كـربله
عازم اعليها المنـيه لكـن الحال انـقـضـه
لو بقه بيهم يجول ايصدر الطف عاجله

مـا ظـل بـيه غـير آلك يهاشم
چان ازماط مـو مـنـه اليسالم
((هَد بيها اتگول الكافل))
======================
عطش الخوف بثنيته والحـرب منـه بچت
هذا سجاد المعصيه الگاع من زوده حچت
راشها وتنحب جعلها يـوم مـن عنـده دنت
جاب حتى الماي كسّر رگبة الباطـل رچـت

طر والجيش خايف من وسامه
يـاهـو الگال مـا شـارك حسـامـه
((صمصامه ايرد بالفروا))
======================
هـذا ابـو محمد الباقر يعـني سـركال الحـرب
يوم طب سوح الحرايب نادت الغوث الغرب
بـذرت العز والكرامـه بالـوغـه اسـتاذ الصعب
عـالمنافـق يـوم طبـها سـد علـى الكـل الدرب

بـذرة خير بن سيد البريه
الـباطـل ذاك راواه المـنيه
((طباها انته الحر ابنك))
======================
ما دخل ميدان گـالوا هـاي تـحتـاج الـفَـهم
قاتل ولو ما جروحه چا وهب عمره الشهم
جـاهد ودرب المـنايه يعـشـگه بهـمه وعـزم
حين راد حسين نـاصر گام مرضه ما يـهـم

الحـد خـلاه ودمعـتهـم جـراها
والخيـمات مـن كـل شر حماها
((بچاها الچانت تزمط))
======================
شمرة الحر حين طبـهم چنها شـمرة حيدره
عسعس الطف والبواسل داخت بذاك الجره
زيـن عـبّاد السماء اتگول نـازل بـس غضـب
عـاد صفـين ويمـينه اتـلوح ويـن المـفـخره

طخ كل راس وبسيفه خذاهم
مـا هـم گـيـد وبـصـبره ولاهـم
((حلاها الطف من غيم))
======================
24/7/2024 يوم الاربعاء
17/محرم الحرام 1446 هـ
#الشاعر_الميرزا_محمد_الساعدي

للاستماع للحن القصيدة ((اضغط هناا))

رباطات لمولاتي زينب ع


وينك يبعد اختك صحت ... والنار وصلت لينه

يا ناس مـن بعد الأهـل ... ما ظل ولي اليحمينه

هذا الحسين الوحّده ... والخيل عشره اتدوسه

شفت الجره بذاك الظهر ... من ذبّحوها اخواني

طريت درب المشرعه ... وشفت الكفيل اعليها

مگطوع راسه ابن الشهم ... عباس سهم بعينه

يوم المشيت اميسره ... سوط العده بمتوني

يا ساتر الله من رحت ... هجمت عَلَيّ خياله

أم عون بت حيدر علي ... ما گدروا ايذلوها

راوتهم انجوم الظهر ... أخت الكفيل اكحيله



20/7/2024 يوم السبت
13/ محرم الحرام 1446 هـ
#الشاعر_الميرزا_محمد_الساعدي