ملا امير البديري القناة الرسميه

ماتت اليوم العندي اغله من الهوه
شكد تمنيت اتصير موتتنه سوه
ابنص الگبور دافن النور
وطفه بعيوني الضوه

ــــــــــــــــــــــــــــــــــــــــــــــــــ

خل تصب مــــــــــن دم دمعتي وتترك آثار عله خدي
ماتت ليله الأعــــــــــزهه ويتمــــــــــتني انه ويولدي
بروحي ناصب چادر لها وابجي سكته بليلي وحدي
مو لحدها اتمنه احفره ريت انا يحــــــــفرونه لحدي

ابجي ضليت مثل المضيعله ام
يخنگ البيت شما اطبله انلچم
كلبي مكسور دافن النور
وطفه بعيوني الضوه

ــــــــــــــــــــــــــــــــــــــــــــــــــ

انه كــــــــــل شده احلها وهسه انه ابشده طايح
شدتي افـــــــراگ الزجيه زرعت ابروحي النوايح
حكي اذا راسي ألطـــــمه واوكف وكل ساعه طايح
زهرتي مهضومه مـــــــاتت وبنعشها لوحدي رايح

انه جناز ودمعتي بخدي اتهلي
علي انه وللكــــبر ماخذ علي
وجبدي مطرور دافن النور
وطفه بعيوني الضوه

ــــــــــــــــــــــــــــــــــــــــــــــــــ

انه ذاك الأسمي يــــــــــرهب اكسر ومحد كسرني
بس رحيل الـــــــزهرة عني غير ارسومي وهدمني
من وره انگابي ويبــــــــــين مايظمه انگابي حزني
بيدي لازم ضهري وامشي بياوكت هيج انه محني

ماهي سهله فـــراكها يكسر ضهر
بروحي تاكل الذكره ظلت والصور
ودمعي منثور دافن النور
وطفه بعيوني الضوه
ــــــــــــــــــــــــــــــــــــــــــــــــــ

جانــــــت ايامــــــــي زهيه حلوه والأحله الزجيه
جنت افيـــضن بالمــــــــــحنه من تباوع هيه ليه
ربي احرس واحمي حيدر تدعي جانت كل مسيه
هسه راحت وانــــــــــه ادعي ربي عجل بالمنيه


مات كلشي ويه موتت فاطمه
حته داري مــــن بعدها مضلمه
خدها مسطور دافن النور
وطفه بعيوني الضوه
ــــــــــــــــــــــــــــــــــــــــــــــــــ
بين عله ارسومي حزني ودمعي فاضحني بجفاها
ابجي حـــــــد ماعيني تطفه عليها لو نشدو ضناها
بيتي اصبح كله مضــــــــلم شالت الزهره وضواها
وانه أدعي كــــــــــون اموتن عمري ماريده وراها

شنهي ضلتي وأم الحسين وحسن
شيعتها وطــــــــــولها بليل اندفن
من ابجي معذور دافن النور
وطفه بعيوني الضوه
ــــــــــــــــــــــــــــــــــــــــــــــــــ
ياعلي ويــــــــنك حبيبي حلوه جانت من لسانج
فاطمه رجـــــــــعي دخليج زينب ابعازت حنانج
انتي اميرت روحي انتي وعد الاهج عالي شانج
مــــــــــن تفاركنه ولهسه محد يعوض مجانج

يالحنينه فركتج تدريها صعبه
من مشيتي بعيني كل الناس غربه
تبجي الحور دافن النور
وطفه بعيوني الضوه

ــــــــــــــــــــــــــــــــــــــــــــــــــ

حسين عبد الزهرة الدراجي

العنة الله على قاتليك فاطمه

ــــــــــــــــــــــــــــــــــــــــــــــــــــــــــــــــــــــ

الله يلعن مــــــن حرك باب البتول
شنهي باجر عـــذره للباري شيكول
السطر خد الزهرة شيفيده اعتذار
غير نــــــــــار الحاطمه لا ما ينول


غـــــدا بسمار اليشهد عله الصار
الحــرك باب الزهرة خنيث وعار
غــــــدا ربنه يصلب امام الناس
الشــــــعل دار العتره يشعله بنار


لعنة الله على قاتليك فاطمه

ــــــــــــــــــــــــــــــــــــــــــــــــــــــــــــــــــــــ

هل سوال مــــــــــوجه لهل العلم
ليش صــــوت الضلع رادو ينكتم
انه راح احجيها طك بطك وكول
ماخــــــــــاف وراح اذكر بالأسم


عمر هــــوه القاتل قسم بالله
وليجامل هـــــاذه يصير وياه
السكت والجاملهم تره مئثوم
غــــدا سوفه يلقا عذاب الله

العنة الله على قاتليك فاطمه

ــــــــــــــــــــــــــــــــــــــــــــــــــــــــــــــــــــــ

من عمر وتباعه انــــــــه أعلن براء
الحقيقه هــــــــاي مو شعر وهجاء
هوه اليطك حرمه هم يتسمه حيد
زلمه مـــــاحسبه وحك رب السماء


على الزلم ينــــعد فشل والله
وذكـــــــرنه بخيبر اذا ينساه
اليكلي بالحومه شجاع وحيد
ذكــــــــــــرنه بهدمه لمن ذباه


العنة الله على قاتليك فاطمه

ــــــــــــــــــــــــــــــــــــــــــــــــــــــــــــــــــــــ

الزلمه مـــــــــــــــن يهد يكابل زلمه
موش يتــــــمراجل يضل عل حرمه
الزلم تحجي افعالها بوكت الحروب
وهوه وكـــــــت الحرب ينزع هدمه


جبان وماكـــــــــــــابل علي مره
لــــــــون يشرد حكه تره انعذره
لئن يدري بحيدر ابـــــــد ميهاب
مثل شطرت خيبر علي يشطره


العنة الله على قاتليك فاطمه
ــــــــــــــــــــــــــــــــــــــــــــــــــــــــــــــــــــــ


حسين عبد الزهرة الدراجي

#قبل #القصيدة...
هل تعلم: ان الرواية الاولى لشهادة الزهراء(ع) والتي تصادف يوم( ٨ ربيع الثاني) تصادف ايضاً
يوم اربعينية رسول الله(ص وآله)...
فكيف قضت الزهراء تلك الليالي
#القصيده #متعددة #الاوزان #والانتقالات...
..ـــــــــــــــــ ❁ ❁ ❁ ـــــــــــــــــ
بربعينك ..  خلص عمرها
بربعينك ..  اخفت گبرها
ماتت الزهره وگضن دمعاتها
يارسول الله وطفن شمعاتها
بربعينك
ـــــــــــــــــ ❁ ❁ ❁ ـــــــــــــــــ
.
يارسول الله بغيابك
                انفتح باب الدمه
حيدر انشدن چفوفه
             ونسطر خد فاطمه
.
كلها صاحت... مات ابوها
بعد ما عدها حمى
وبعتبتك  ..  عذبوها
ومحسن بدمه ارتمى..
.
من عصروها  ... الضلع اتكسر
اتلگاها...  وشوف شعدها
.
من الرفسه..  تمشي وتعثر
ينزف دمها.. ولطمه بخدها
.
تدري بيها ..  اخفت جرحها
تدري بيها  ..  مظلم صبحها
ارتجت  اركان  السمه لأنّاتها
يارسول الله وطفن شمعاتها
بربعينك
ـــــــــــــــــ ❁ ❁ ❁ ـــــــــــــــــ
.
اربعين اليوم بيهن
         بگد عمرها الي گضه
شماتشاهد دمعه من دم
             اعله خد  المرتضى.
.
تدري حيدر  ..  شمانظرها
يترس بحزنه ألفضا
.
يمه ذبلت  .. من زغرها
والضلوع مرضرضه
.
بخدها الصفعه ..  صارت زرگه
الضلع مورم... ولحد چفها
.
بعد شتخفي..  حتى الشهگه
شرحت كلشي..  ياوالدها
.
ياهضمها...  بعظم رزيه
ياهظمها  .. بهاي المسيه
طاحت وسمعت ضحك شماتها
يارســول الله وطفن شمعاتها
بربعينك
ـــــــــــــــــ ❁ ❁ ❁ ـــــــــــــــــ
.
اربعين اعليها مرن
             چن رمح بيها يفت
ألحسن يكسر گلبها
             الدمعته من تلتفت
.
امنياتي ..  يُمه گلها
العصره  بضلوعي ردت
.
منين اقبلچ..  خاف الچمچ
ريت لو دونچ متت
.
يمه بجفي .. جبت اميه
يبست روحچ ... يالعطشانه.
.
راح ارويج  .. شويه شويه
بلكي تعينچ   .. يالذبلانه
.
منچ اسمع .. رتلتي  الحروف
منچ اسمع.. عن طاري الطفوف
ياكـربله وعن كربله كلمـاتها
يارسول الله وطفن شمعاتها
بربعينك
ـــــــــــــــــ ❁ ❁ ❁ ـــــــــــــــــ
.
اربعين امصاب عدها
           ويه كل طلعت شمس
حسين ماتگدر تحضنه
         منهد ما طگها الرجس

بس تشمه  .. يجري دمها
والضلع بي ينترس
.
الريه عدها  ..  يزيد المها
بالهوه من تنلمس
.
وصت زينب ... يُمه امنيتي
اشتم نحره ...  ولثم صدره
.
يوم العاشر   ..  لو صليتي
ودعي حسين .. بآخر نظره
.
ياحزنها... بهاي الليالي
ياحزنها... بعدك يغالي
سـوره  بلباب  نسـبن آياتها
يارسول الله وطفن شمعاتها
بربعينك
ـــــــــــــــــ ❁ ❁ ❁ ـــــــــــــــــ
.
اربعين احزاني خلصت
              واربعينيات الچ
يمه يالحره العقيله
          بعدي لو ماتو هلچ.
.
من بعدهم  ..  يبدي طفچ
وي اخوچ وكافلچ.
وبذبحهم..  يجري دمعچ
وعالهزيله محملچ.
.
زينب يمه  ..  يالملهوفه
للعباس ..  بذيچ الگطعه
.
يمه الكافل .. عيني تشوفه
السهم بعينه .. يظل ميطلعه
.
يمه زينب  ..  يكثر ونينچ
يمه زينب  ..  الله يعينچ
هواي تندب فاطمه لخيماتها
يارسول الله وطفن شمعاتها
بربعينك
ـــــــــــــــــ ❁ ❁ ❁ ـــــــــــــــــ
.
من وفاتك لربعينك
           يارسول الله شكثر
ليله ليله ويه الزچيه
           خلصت بيهن عُمر
.
خل تخبرك  ..  الشريفه
عن گلبها الي انفطر
من الصحابه  ..  والسقيفه
چم رمح بيها استقر
.
وصت حيدر  ..  يخفي المدفن
حتى اعداها .. ميزوروها
.
عيون الشيعه  ..  تعرف يبچن
وسط الدمعات   ..  ايدوروها
.
هايشيعه .. اسمع بجيكم
هايشعه ..  كل يوم اجيكم
بالمجـالس   تحظـر بآهـاتها
يارسول الله وطفن شمعاتها
بربعينك.

تمت بفضل ربي وعطاء اهل البيت
.
#لابأس بذكر المدخل التعريفي للقصيده لتبيان #فكرتها للجمهور… .
.
حسن الموالي الفاطمي
.
السبت
٢٣سبتمبر ٢٠٢٣
.

#شور

يليلة دفنتچ كسرة سلف وبديرة خيرَة
يزهرة اعله الضلع كظ الچفن لازم اغيرَة

عود اعله گد طولج اجه .. شبر بشبر جايبلچ
بس من ردت شد الچفن .. صارت لزمته بضلعچ

لمن جست ضلعج .. طاحت مواليدي
انه الاصبرْ الناس .. ظليت ادگ بيدي

كسر العظم ما ينجرع
من الدفع .. طاح .. وانه السبع .. طاح
ما ينسمع .. ظل صوتچ

شيشلعة بسمار الضلع
رايد گلب… كون .. ما ينغلب .. كون
وگلبي خلص .. من موتچ
============
يشجره وميت ابطنچ غصن مخنوگة روحة
بِري الذمّة بعد صارت صدگ والروحة روحة

عگبچ يفرفاحة هله … ياهو ايعرف تفسيري
للبير اسولف كل عصر .. بس هسه گبرچ بيري

واصورچ ال بلبيت.. امسميها مگبرتي
فاتحتچ اشچم يوم… ويومية فاتحتي

واخياط اخيط ضحكتي
وية الچفن .. راح .. يم الحسن .. راح
كلشي اندفن… بفراگچ

بعزازي ارش المگبرة
يمسافرة .. ريت .. لية السرة .. ريت
بحيلي گمت .. اشتاگچ
==============
شطت شيطة جذع بابچ أنه من سولفولي
مثل نومة بخور اعله الگبر نمت اعله طولي

تابوتچ امصنّع خشب… خافن يغثچ شكلة
هذا الخشب من يا نخل .. من يا اهل يا ملّة

إمحدد البسمار ... وواصل طرف ظهرچ
شايف الف موته ... ولا شايفة بصدرچ

وي طولچ اعلة المغتسل
گلبي انكتل .. مات .. مات وعدل .. مات
وين انتچي .. لو رحتي

بماي الذهب اغسل ذهب
صبري انسلب .. راح .. بالي تعب .. راح
يل بلبگبر .. صبّحتي
==================
يكون بماي ادفنچ يم حسن لو بيدي هية
تره اتراب الگبر ما يعكس الصورة الية

امعودنة الله بكل فرض .. يم العرش نتلاگة
تسوة سبع مية قصر… بس گعدة المشراگة

يم عِشرة الحلوة .. شيسكت اولادچ
اثمنطعش شمعة .... اشعلها يم بابچ

للمحسن شأشعل حرت
والله متت .. حيل .. واتغيّرت .. حيل
ما شفتة لا .. شافاني

چن ضيعة الرطبة بعثگ
هيچي ضعت .. ليش .. امشي وطحت .. ليش
وين الوكت .. ودّاني
=============
تچفن راسي بالشيب وصفت بس عيني حمرة
رجعت وبالدرب عيني تصب عشرة اعله عشرة

طبيتة بيتچ والحسن… لازم عباتچ يبچي
وحسين من گد ما بچة .. حته حچي ما يحچي

نفسي اعله زفراتچ .. يالزهرة محبوسة
يا ليتها طلعت… امن اهمومي متروسة

اتگابلنة يم باب الكسر
وكت العصر .. نوح .. ذاب العمر .. نوح
دمعة علي .. شيظمها

واهنانة زينب فرفحت
لمن صَحَت .. اه .. اشگد دورت .. اه
بس ما لگت… وجه امها
==========
علي هادي الخزعلي

الصعب وضعك سهل وضعي
الدمع نشفه الكسر ضلعي
يمه يحسين .. يمه يحسين
......
؛١
بس ضلع واحد منكسر ...من عندي بطل ادموعك
باجر اشوف ابكربله ... متكسره كل اضلوعك

ضلعي ايهون يالبلطف تضل دامي
وكل اضلوعك ايكسروهه كدامي
وما واحد يرحمك والجبد ضامي 

ظلع  أمك سهل  يبني
كسر ظلعك يألمني
طول الاسنين
يمه يحسين

......
؛؛٢
ألباب اهون من سحك ... خيل العده يوليدي
بعاشر محرم من اجي ... بلكَوه المك بيدي

ايطشرونك مثل سبحه البدي هايه
واصير اتعب ييمه ابجمعك هوايه
وتضل فوكي الحوافر رايحه وجايه

ييمه ابكل اثر حافر
دماك ودمي متناثر
واحنه ميتين
يمه يحسين
......
؛؛؛٣
الحمد لله والشكر ... هسه انه ما عطشانه
بس انت ضامي تنذبح ... واشفايفك ذبلانه

راسك عالرماح اتشيله عدواني
واظل اركض وراهم يمه بحزاني
وارد بخيبتي يم منحرك اني

اجي بكسري وألم جسمك
واخضب شيبتي بدمك
وحدي يا زين
يمه يحسين
.....
؛؛؛؛٤
نار العله لدار اشعلو  ... مو نفس نار الخيمه
عيلتي ما تطلع ركض..امن الخوف صوب الهيمه

لا طفلي بدي يبني ويذبحونه
واكَماطه يفك ويغمض اعيونه
محسن مات ما شايفته تدرونه

يعينك الله تنضرله
رضيعك منذبح كله
اه يالحنين
يمه يحسين
......
؛؛؛؛؛٥
هسه انه بيه بس جرح.. بس انته كثره اجروحك
بذاك الظهر أنظر ألك ... جم سيف موت ايلوحك

أجروحك تعبر الالف وتسعميه
ياجرح الأضمده  ابساعت الجيه
واسمع صوت بجي اسكينه وارقيه

السهام ابصدرك امطشره
اجر عشره بعد عشره
مالك امعين
يمه يحسين
......
؛؛؛؛؛؛٦
لا يوم مثل امصيبتك ... لا يوم يابو اليمه
من راسك الحد الجدم ... كلك تصير امدمه

يصير احمر ييمه امن النزف لونك
وعلى الغبره تضل وما يشيلونك
بلا غسل ودفن عاري يخلونك

على الجسم الي يتسلب
اظل اتلث ليالي انحب
يا ضوه العين
يمه يحسين
.......
✍️ كلمات موسى الخادم

يابير خل احجيلك اهمومي
                   بوداع فاطم ذبلت ارسومي

                   حيلي لمن صــــــــــار وداع 
                   ماي وتــــــــــبده عله الكاع
                     وانه علي        وانه علي
                                   0000000
              من ياجرح ابــــــــــدي  واسولف كلي
              يابير  وانــــــــــه  الشيب بأن ابضلي
              اتمنيت امــــــــــوتن وي موتت خلي
              يابير  جرح الفــــــــــركه صار ابحلي
         
                 رديت كـــــوه انكـــــل اجدامي
                 وعليه صــــــار اشثكله هندامي

                    موحكه يتــــــــــبده الحيل  
                   دافن أعــــــــــز ناسي ابليل
                     وانه علي          وانه علي
                                   0000000
             يابير  متعــــــــــجب لئن كلبي ينوح
            هوه اليفارك فاطــــمه اتضل بي روح
            من بالي طيحت محسن ابني متروح
            بالباب طايح  شفته  بس كله اجروح

             بدموعي اغـــــــرك اليل ونجومه
             مو سهله اشوف الزهره مهضومه

                     مهضومه وسفه ام حسين
                      وحمره وتصب دم العين
                     وانه علي      وانه علي
                                    0000000
              بعد لمــــــــشه ابوجهي تبين الغربه
             ويلن  لدهــــــــــرآ فــــــــــارق الحبه
             صعبه التحـــــــبه ادفنه بيدك صعبه
             راح العز مــــن كلبي روحي اتحسبه

                  اليدفـــن حبيبه ويرجع البيته
                 مثل الشــــــــــمع تنباك عافيته

                   بس  غــــــرب وراح اهواي 
                   ماتت ضحكتي عله اشفاي
                    وانه علي         وانه علي
                                    0000000  
             صار عله مد الشوف جرحي واكبر
              بيا وكـــــــت حيدر بالمشي يتعثر
              ماصايره ابمــــــــكبره اينام العنبر
              يابير مثل الجام كلــــــــبي اتكسر

                روحي اثكلت جن ثكلت اجنازه
                وجروحي صــــارن بيدي عكازه

                   من البجي صوتي مبحوح
                  وبس جسد امشي بللا روح
                     وانه علي     وانه علي
                                    0000000
             يابير من شفت  الحسن يمه ايصيح
            حالوب دمعي عله الوجن كام ايطيح
            كمت اوكع اشما حـــرك اثيابي الريح
             وروج  الوجـــــع بالعافيه كام ايزيح

                انه علي بـــــــس صرت مو انه
                شتريد حاله الـــــــفكد ريحانه

                  ضهري انكسر وانه اهديب
                 وتشــــــلبه لزلوفي الشيب
                      وانه علي    وانه علي

ــــــــــــــــــــــــــــــــــــــــــــــــــــــــــــــــــــــ


حسين عبد الزهرة الدراجي

في السيده فاطمة المعصومة

* * * * * *

أحاه يجرح البعد يالمايجيلك شفـــه
مامثل جرحك جرح ياكاصي بهل الوفه

* * * * * *

شيصير بالعاطفــــه لمن يطش الشمـل
ويصبح غريب البشر محزن عيونه أتهمل
والغربه لهل الوفه أشما كلت صعبه تمل
تحفر حفر بالكلب موسهله ماتنحمـــــل
أبلا رحمه تولي البشر تتولى عالعاطفه

* * * * * *

حال الغريب الذي بدار الغرب ويموت
ما أشد منها بعد بس حالته مبخــــوت
يوم الغريب بسنه لتظن سهل ويفــوت
عنده المحنه الهوه والشوك عنده الكوت
ظيمه سنين أشكثر ينراد لوسولفـــــه

* * * * * *

جرحچ يدار الغرب يأذي ويكصر العمر
نيشان جرحچ يظل ببنادم وللحشــــــر
آه لو وصل للعظم كسره فلا ينجبـــــر
معروف يهده الجرح بس هذا ما يستقر
سلطه ظيم الدهر عالمغترب وأكتفه

* * * * * *

أحآه يدار الغرب بينه أصوابج مضا
وظل يدي ضيم وقهر ياذينه من نعرضا
لا مارحمتي شعجب معصومه أخت الرضا
بالغربه أخذتي العمر والموت بيها حضا
وأنتي بقدرها شعجب يالغربه ما عارفه

* * * * * *

در صافي أخت الرضا ومو در فقط عالمه
ومستارثه فاطمه أم الحسن فاطمــــــه
سهم المنايا فجع أتباع حامي الحمـــه
صوب كلب كل محب هالسهم لمّن رمه
ينزف بقى ماكطع جريانه مانوصفــه  

* * * * * *

مدفنها أصبح ثغر لهل العلم يبتســـــم
قم مو مدينه أصبحت عاصمه لهل العلم
من يدخل ألها المحب عطر الزجيه يشـــم
وبس يكبل أعلى الصحن عالخد دمع ينرسم
تكصدها شيعة علي زوار متلهفــــــــه

* * * * * *
                                  سلام المشعل

انه زينب زغيره اشكبره همي
افز بليل واشتم ريحة امي
يمهيمه يايمه
___
انه زينب عالهجر كلش زغيره
زغيره اني بس مصيبتنه جبيره
شلتي انتي ومني جن شالت عشيره
ديره مابيها انتي ماتتسمه ديره
°°°°°°°°°°°°°
ييمه اخلاف عينج وحشه هالدار
اليطب للبيت يسمع بس بجي ازغار
يمه_يمه__يايمه
____
يمه من رحتي الحزن قرر يجينه
بيتج اظلم محد يسير علينه
نبجي يايمه ومنو اليسمع بجينه
والفگد امه ييمه الله يعينه
°°°°°°°°°°°
يايمه البجي ميرجع الراح
اشلون الفاگد امه يعيش مرتاح
يمه_يمه___يايمه
___
امي راح ابجي العمر كله عليها
امي دفنوها وبقت محترگه اديها
والله عتبي اعلى الزمان شسوه بيها
امن الالم تحجي وفلا نسمع حجيها
°°°°°°°°°°°°°
نبجيلج ييمه وننحب اشلون
والله امن البجي خلصنه العيون
يمه_يمه__يايمه
___
يمه نشعر بالالم لمن تونين
يمه بس يصد عليه يبجي الحسين
راحت امي يگلي يازينب تعرفين
وانتي رحتي ومااضن ليه ترجعين
°°°°°°°°°°°°°
بجينه اشگد بجينه وماسمعناج
اذا متي ييمه اخذينه وياج
يمهيمهيايمه
__
يمه والعاشر اذا يطلع عليه
يعني اخوتي تنذبح وانه سبيه
راح اصيحن يمه احضري يالزجيه
يمه عينني بليالي الغاضريه
°°°°°°°°°°°°°°°
ييمه مصاب باجر ياخذ البال
‏حسينج ينذبح واني بالحبال
‏يمه_يمه__يايمه
‏_
✍️احمد علي البغدادي


‏
‏


يافاطــمه يافاطمـــه
گلبي انكسر يافاطمه
____
انـــــه علي
وانتي هلي
بعدچ عشت عمري بغربه
من انـــــسئــل
دمعي يـهــــل
يافاطــمـــه كلش صعبه
لا موسهل
ماتنحِمل
صعبه علي يدفــن گـلـبه
ابدفنچ متت
واتعـذبـــــت
وياي الزمن اعلـن حـربـه

حتى السمه حتى السمه.. لجلچ بچت حتى السمه
يافاطمـــه يافاطــــمه .. گلبي انــــكسر يافاطــمه
____
هذا الجـــــــرح
يــذبح ذبـــــح
ابالي تجي عينچ حمره
بروحي حچــــي
ودمعه وبچــــي
بچاني دم صوت السطره
الخد انصفــــــع
محسن وگــــع
وانه الچنت دوم انتظره
بـــهذا الـوضـع
وكسر الـضـلـع
بعدچ علي الله يصـــبره

يبچي دمه يبچي دمه.. بعدچ علي يبچي دمـــــه
يافاطمه يافاطمه.. گلبي انكسر يافـــــــاطـــــــمه
____
يم الــحــــسن
لـــيش الزمــن
مني خذچ ياضي عينـــــي
يازهرتــــــــي
يافرحتـــــــــي
مشتاگ الچ بـس حاچـــينـي
من غيبـــــتچ ومصيبتچ
يافاطمه وحشه اسنيني
ياعشرتـــــــچ
وسوالــفـــــــچ
حلوه واحسها اتداويــــنـــــي

متألمـــــــه متألـــــــمه.. روحي تره متألمه
يافاطمه يافاطمه.. گلبي انكسر يافاطمه
____
ليـــــل اليــــــمر
وحتى الفـــجر
دمعه وسهر يخلص ليلي
وبالمگبــــره
روحي تره
ومحد يجي ويتــچيلــي
ليش اختفه
يم الوفــــه
صوتچ علي فدوه احچيلي
وحشه العمر
مُر الـــــصـبر
فگدچ جــــرح ويهـد حــيلي
ياعالمه ياعالمه.. ظهري انحنه ياعـالـــمه
يافطمه يافاطمه.. گلبي انكسر يافاطمه
____


واتيـتـــمت
بتـچ بقــت
زينب تحن واتهل دمعه
صار الجِـــــفن
غيمة حــــزن
وذابت صدگ مثل الشمعه
تريـــــدچ سنـد
وكـــت الشــدد
وبكربله تريد البضعه
باچر تـــــــــره
يالطاهـــــــره
توگف على التل وتنعه

تبچي دمه تبچي دمه ..ياام الحسن تبچي دمه
يافاطمـــــه يافاطــــــمه ..گلبي انكسر يافاطمه
__
كلمات
حيدر بشار الدراجي
احمد علي البغدادي

مريم تهموها _بس ماعصروها
وبالخد ماسطروها بس فاطمه
_
ماانتقص من المها مريم امنه ونفتخر
بس مصيبة امنه فاطم ماكو منها بالعمر
°°°°°°°°°°°°°°°
مريم اتهز جذع نخله اتساقط اعليها رطب
وفاطمه بدفعة الباب اتساقط اعليها الحطب
°°°°°°°°°°°°°°
اليدعون اصحاب ابوها حرگو الدار
بعده ماغمض عيونه وشبو النار
°°°°°°°°°°°°°
ماتت وحدها___وحيدر وسدها
دمعتها ابنص خدها بس فاطمة
__
مريم اتشاهد ابنها يكبر وبي تنسعد
ومحسن اباب الزجيه ميت بعمر الورد
°°°°°°°°°°°°°
فاطمه رادت المحسن يكبر ويبقه ذخر
‏من يضل حسين وحده يطلع المحسن فجر
‏
‏ °°°°°°°°°°°°°°°
‏فاطمه اتطشر حلمها ابدفعة الباب
‏اهلال من بيت النبوه اگبالها وغاب
‏ °°°°°°°°°°°°°°°
‏ينظر طيحتها___ويسمع ونتها
‏وضل يبجي لحالتها بس فاطمه
‏___
‏امن انصلب عيسى ابن مريم امه ابد ماشافته
‏ولاتهشم صدر ابنها وماكو خيل الداسته
‏ °°°°°°°°°°°°°°°°
‏وفاطمه شافت حسين اشلون نحره ينذبح
‏ونصلب مو مثل عيسى راسه مصلوب برمح
‏ °°°°°°°°°°°°°°°
‏شافت حسين اعله جثته تسحگ الخيل
‏وبقت يم جثته تون حد ما اجه الليل
‏ °°°°°°°°°°°°°°°°
‏شافت خياله____تسحگ بعياله
‏ام تنظر هالحاله بس فاطمه
‏___
فاطمه السر الالهي موجريمه تنظرب
‏بت نبي ولازم نجلها مو ندخلها بحرب
‏ °°°°°°°°°°°°°
‏فاطمه من مريم افضل محد بحقها اعترف
‏الهجمو اعله الدار ذوله بلايه غيره ولاشرف
‏ °°°°°°°°°°°°°°
‏ذوله مو اسلام لاتحسبهم اسلام
‏بس محمد مات رجعو عبدو اصنام
‏ °°°°°°°°°°°°°°°
‏فاطم اذوها____لامارحموها
‏وبس تبجي يضربوها بس فاطمه
‏___
‏اني عندي شغله وحده بيها يبرد خاطري
‏من اشوف المهدي يطلع رايته تسر ناظري
‏ °°°°°°°°°°°°°°°
‏باجر المهدي يجيكم بيده شايل رايته
‏ويالثارات الزجيه كاتب اعلى اعمامته
‏ °°°°°°°°°°°°°°°
‏واعله شجره يصلب الي حارگ الباب
‏باجر يبرد گلبنه ابن ابو تراب
‏ °°°°°°°°°°°°°°°
‏ياخذ ثاراته ____وننظر اياته
‏ومكتوب براياته بس فاطمه
‏___
✍️احمد علي البغدادي

‏
‏

صارت مدارس يافاطمه
هاي المجالس يافاطمه
___
من مجلس الزهراء كلشي اتعلم
اشلون امشي واشلون البس واتكلم
ماكو بمجالسنه شخص مايفهم
معقوله مايفهم يجي للماتم

وابلا منافس يافاطمه
هاي المجالس يافاطمه
___
بمجلس عزائج فاطمه تربينه
ولد المجالس احنه افضل طينه
طلابج احنه وانتي التعلمينه
بمدرسة حبج فاطمه سجلينه

اشگد بيها واهس يافاطمه
هاي المجالس يافاطمه
__
من زغري واني عايش بهالخدمه
من الله صارت هالمجالس رحمه
يافاطمه خدمتكم اكبر نعمه
سواني هالمجلس يفاطم زلمه

واستاذي عابس يافاطمه
هاي المجالس يافاطمه
__
راح احجي قصه واني بيها الشاهد
هاي المجالس خرجت جم قائد
حتى بفلسطين الرجال اتجاهد
صح نختلف بس الهدف ضل واحد

اتخرج فوارس يافاطمه
هاي المجالس يافاطمه
___
مولاتي نظره للمجالس هايه
وفقينه يوميه نسوي قرايه
هاي المجالس بسمج امسمايه
واسمج كتبناه فوگ وجه الرايه

للخدمه حارس يافاطمه
هاي المجالس يافاطمه
___
✍️احمد علي البغدادي

يافاطــمه يافاطمـــه
گلبي انكسر يافاطمه
____
انـــــه علي
وانتي هلي
بعدچ عشت عمري بغربه
من انـــــسئــل
دمعي يـهــــل
يافاطــمـــه كلش صعبه
لا موسهل
ماتنحِمل
صعبه علي يدفــن گـلـبه
ابدفنچ متت
واتعـذبـــــت
وياي الزمن اعلـن حـربـه

حتى السمه حتى السمه.. لجلچ بچت حتى السمه
يافاطمـــه يافاطــــمه .. گلبي انــــكسر يافاطــمه
____
هذا الجـــــــرح
يــذبح ذبـــــح
ابالي تجي عينچ حمره
بروحي حچــــي
ودمعه وبچــــي
بچاني دم صوت السطره
الخد انصفــــــع
محسن وگــــع
وانه الچنت دوم انتظره
بـــهذا الـوضـع
وكسر الـضـلـع
بعدچ علي الله يصـــبره

يبچي دمه يبچي دمه.. بعدچ علي يبچي دمـــــه
يافاطمه يافاطمه.. گلبي انكسر يافـــــــاطـــــــمه
____
يم الــحــــسن
لـــيش الزمــن
مني خذچ ياضي عينـــــي
يازهرتــــــــي
يافرحتـــــــــي
مشتاگ الچ بـس حاچـــينـي
من غيبـــــتچ ومصيبتچ
يافاطمه وحشه اسنيني
ياعشرتـــــــچ
وسوالــفـــــــچ
حلوه واحسها اتداويــــنـــــي

متألمـــــــه متألـــــــمه.. روحي تره متألمه
يافاطمه يافاطمه.. گلبي انكسر يافاطمه
____
ليـــــل اليــــــمر
وحتى الفـــجر
دمعه وسهر يخلص ليلي
وبالمگبــــره
روحي تره
ومحد يجي ويتــچيلــي
ليش اختفه
يم الوفــــه
صوتچ علي فدوه احچيلي
وحشه العمر
مُر الـــــصـبر
فگدچ جــــرح ويهـد حــيلي
ياعالمه ياعالمه.. ظهري انحنه ياعـالـــمه
يافطمه يافاطمه.. گلبي انكسر يافاطمه
____


واتيـتـــمت
بتـچ بقــت
زينب تحن واتهل دمعه
صار الجِـــــفن
غيمة حــــزن
وذابت صدگ مثل الشمعه
تريـــــدچ سنـد
وكـــت الشــدد
وبكربله تريد البضعه
باچر تـــــــــره
يالطاهـــــــره
توگف على التل وتنعه

تبچي دمه تبچي دمه ..ياام الحسن تبچي دمه
يافاطمـــــه يافاطــــــمه ..گلبي انكسر يافاطمه
__
كلمات
حيدر بشار الدراجي
احمد علي البغدادي

لا لا يباب :: چاليش كاسرلك ضلع
لالا يباب :: ومحسن وگع من الدفع
0000000000 000000
چنه نتصابح سوه   يا صباح العافيه
الشمعه البيتي گبل هسه أمست طافيه
چانت تأذن عشگ   و السوالف دافيه
هسه من گد الوجع غافيه وما غايفه

من يمها افوت :: الزهرة يلچمها الهوه
من يمها افوت :: خاطري يكسره الدوه
لالا يباب..
0000000000 000000
مگابلك وانزف عتب.   خيبتلي اضنوني
انه المعلي السمه.   مدنگ ايشوفوني
من عسه بعيني العمه.    وموت سد اعيوني
الغيري زهرة عمري أفا.  صيحت سندوني

لفضه تصيح :: واني اسمعها ابهضم
لفضه تصيح :: الچلمه حزت بالعضم
لالا يباب...
0000000000 000000
زينب اتروح وترد    بويه گوم ويانه
وگلبي يوجعني امن اصد.   عيونها التعبانه
اشايفه ابنيتي و اجت.  هل كثر ذبلانه
المحسن مأذيها اضن. أشرت لمچانه

گالت اخوي :: ردته يصبح ليه سد
گالت اخوي :: تبچي وتروح وترد
لالا يباب..
0000000000 000000
عمري ما باچي ابهضم    ها يلـ امبچيني.
شصار بضلوع ام حسن.  يالخشب حاچيني.
طشرت كلشي حلو. . وطشرتها اسنيني.
عالي چنت اعله الخلگ. هسه عالي اونيني

اتمنه اموت :: گمت بفراگ ام حسن
اتمنه اموت :: امنيتي دفان او چفن
لالا يباب..
0000000000 000000
علي ميران

حنينه امي
مثل ماي العذب تنضاگ طيبتها
وهاي الطيبه مدري منين جابتها
تغطي الراس امي حته من تنام
بحلم خاف الغريب يشوف شيبتها

ماكو مثل امي الحنينه
حساسها يسولف علينه
حلم بس الحلم يگضي
وراحت الطيبه امن ادينه

جم گلب ناح ناح نبضه راداها
جم حلم راح راح امي وياها
اخ يمه اخ يمه
،،،،،،،،،،،،،،،،،،،،،،،،،،،،،،،،،،،،،
حنينه امي
طيبه وكل وكت تلگاها محشومه
تشور بالمطر من تدعي مهمومه
اكبر من سلفنه هاذه گلب امي
ماتت والعمر ماخلص ابيومه

اكبار بس انحن عليها
الراحه من نشتم اديها
الدنيه متعوضها صعبه
ياهو اليعوض حجيها

راحت وصار صار كلشي مايسوه
والدمع حار حار راحت التجوه
اخ يمه اخ يمه
،،،،،،،،،،،،،،،،،،،،،،،،،،،،،،،،،،،،،
حنينه امي
راحت وانه روحي عليها عطشانه
وضل فارغ سلفنه ابلايه ديوانه
اي صح الأبو يسمونه سگف البيت
بس غير السگف سنده اعله حيطانه

ياسند عمري الجفاني
ماخذ ابوجهي المعاني
الموت قصر من اجاها
والله كون انه الأجاني

باگت الروح الروح دمعت الفرگه
ياگلب نوح نوح روحي مختنكه
اخ يمه اخ يمه
،،،،،،،،،،،،،،،،،،،،،،،،،،،،،،،،،،،،،
حنينه امي
الله ايساعد الفاگد حضن أمه
ماي امطشر وياجف اليلمه
بنادم بالعمر هم ينحسب ميت
لو بشفافه ماتت جلمت اليمه

الفاگد الطيبه بحياته
تصوفر اوراق امنياته
بجلمت اليايمه والله
ابنادم ايبلل الهاته

ياعمر وين وين امي اريدنها
صاير سنين سنين مبتعد عنها
اخ يمه اخ يمه

العبد ابوفايز الرافضي
الفاتحه على روح والدي

يافاطمه انه علي يافاطمه انه علي

ــــــــــــــــــــــــــــــــــــــــــــــــــــــــــــــــــــــ

حركو كلبي الحــــــــــركو بابج
بضلوعي اتشب نـــــار اصوابج
يابعد اليعمن مــــــــــن دونج
الموت أهــــــــــون من اغيابج


المتعود يــــــــــوميه يشوفج
مايكدر لــــــــــو لحضه يعوفج
حيدر ميت نبــــــــــضه بفكدج
ويحيه مـــــن يلمسنه اجفوفج

من بعدج ماتت ضحكتي
من بعدج كبرت حسرتي
من بعدج عاشت دمعتي


يافاطمه انه علي يافاطمه انه علي

ــــــــــــــــــــــــــــــــــــــــــــــــــــــــــــــــــــــ

انه المـــــــحد يكـــــــــدر حيلي
وهسه ابني حسين يتــــــجيلي
بــــــــاوع حـــالي حسين ودنك
ويصـــــــبر بيه ويبــــــــــجيلي


كبالته وكتــــــــله انــــــــه بعبره
كسرو ضـــــــلع امـــــك بالعصره
جنت مـــــــــن ادخل بيتي ادنك
وتخــــــفي عليه آثــــــار السطره

انهد حيلي مـــــن باوعتها
انهد حيلي تبـــجي شفتها
انهد حيلي السطره لمتها


يافاطمه انه علي يافاطمه انه علي

ــــــــــــــــــــــــــــــــــــــــــــــــــــــــــــــــــــــ

نعشج مــــــن شلته عله امتوني
ماسكــــــــــتن يالزهرة عيوني
مايـــــــدرون اشــــــــصاير بيه
مـــــــــن ابجي الناس يلوموني

من كبرج حــــــــــد عتبة بيتي
بين شــــــــــيبي بنص الحيتي
وثكـــــلت روحي وميت حيلي
ونكــــــــــعت بالمدمع جفيتي

يازهراء مـــــحد يعوضج
يازهراء موش انه نبضج
يازهراء مـــــوتني بعدج


يافاطمه انه علي يافاطمه انه علي

ــــــــــــــــــــــــــــــــــــــــــــــــــــــــــــــــــــــ

انه الماصح طـــــــــب الصوابه
انه الميــــــــضم حـــــــزنه انكابه
انه الســـــــطرو خـــــــد ام بيته
وياحيف انـــــــه الدفـــــــعو بابه

صارت غصه بصدري من احجي
وكاعد وحـــــــدي بيتي وابجي
ماتت زهــــــــــرت روحي اليله
ياهو اليسمعني مـــن رد اشجي

ياروحي عيشي المصيبه
ياروحي بعد الحـــــبيبه
ياروحي صــرتي غريبه

يافاطمه انه علي يافاطمه انه علي

ــــــــــــــــــــــــــــــــــــــــــــــــــــــــــــــــــــــ

حسين عبد الزهرة الدراجي

وي كل جرة انفاس .. يلچمها ضلعها
تشهگ شهگة احساس .. و تموت ابوجعها
وكل ليلة التمرها .. تاخذ من عمرها
_
يعين الله كلمن ينلچم كلما يجر انفاسه
كل لحظة مُر الموت اظن يتوارد ويه احساسه
كون ابّخت كلمن رضا ينكسر غصن الياسة
بوكت المراجل وشلت و السيف مو عد ناسه
بگلبي هواي لچمات .. شحچي ياهي منهن
و اكثار المصيبات .. و الزهرة وطنهن
و الحيرة بأمرها .. تاخذ من عمرها
__
المكسور ضلعه المشكلة يختلف كلش حاله
نعيش احنه من شم الهوه و هوه الهوه چتّاله
هم سامعين ابت نبي ناسين كل افضاله
خلوها مكسورة ضلع بعيونها الهمّالة
بس تتنفس الام .. خلوها الزچية
كتبت عنها الاقلام .. اول رافضية
وأقلام التضرها .. تاخذ من عمرها
__
اسم الله اعله جرح ام الحسن بس الله يدري شكبره
كلما يخضر بالوجع تذبل معاني الزهرة
اهاتها تسولف حزن كسر الضلع و السطرة
يا ويلي صارت فاطمة مرأة بملامح حسرة
ترست بيت الاحزان .. من كوثر دمعها
يا وسفة الزمن خان .. و اتغير وضعها
و الدمعة التدرها .. تاخذ من عمرها
__
مكابر تعيش ويه الألم عَلّا تألم حيدر
وطبع الوجع من ينكبت يتضاعف أكثر وأكثر
ليمت تضل تصرخ صبر و مغطية خدها المحمر
ليلية تدعي بكل شغف أمّن يُجيب المضطر
تهمس بالدعاء صوت .. ياربي أمنياتي
عجل سيدي الموت .. ما اريدن حياتي
تعبها صبرها .. ماخذ من عمرها
__
اليوجع گلبها اكثر بعد فوگ الضلع و دمومه
باذن الزچية يرد صده چلمة (و إنْ) مسمومة
من هايه لسه ام الحسن ماتت قهر مهضومة
وهاي المصيبة اتلخصت ابليس وكتل معصومة
ما يستاهل تعيش .. مثل الزهرة عدهم
وادم هالوكت ليش .. ما عافو حقدهم
انحرمو من گبرها .. ماخذ من عمرها
___
عباس حسن السوداني

فاطمه الليله..اتودع العيله..بدمع جاري
حيدربروحه.ايشيع اجروحه..وتشب ناري
فركة الخل الخليله
مو دمع لا دم يسيله
بروحه
......................................
مو سهل جرح اللي فاكدله حبيب
عمره يخلص اه واونين ونحيب
بعز شبابه تشوفه ويذبحه المشيب
يكتل احساس اليحس روحه غريب
فاطمه وينج صحت..يالعليج اتعلمت..ليش مو انه المتت..اموت
روحي ماتحمل بٌعد..ياورد مات الورد..انطيج عمري مستعد..سكوت
من على العتبه..فاطمه تكتبه..حرك داري
الأخر انفاسه..عايش احساسه..يضل ثاري
الوالدي رحت اشتكيله
فركة الخل الخليله
بروحه
........................................
من بدت ام الحسن تقره الوصيه
عاينت زينب تغطي احبال اديه
كلتلها اتقربي يمه عليه
يمه اوصيج بليالي الغاضريه
من يمر بيج الشمر..ديري بالج عالخدر..اهناكه خدج ينسطر..مثيل
الحرك بابي والهجم..يرجع ويحرك خيم..لا كفيل ولا علم..قتيل
ومحسن اسم الله..مثله عبدالله..يحرمونه
والده ايحزمه..ضامي وايقدمه..ويذبحونه
وبالسهم يروي عويله
فركة الخل الخليله
بروحه
............................................
اتوجهت لحسين واتأشر اعله نحره
وكامت تشمه وتخلي ايده اعله صدره
تكله مثلي الخيل هم باجر تكسره
الفاكد تعرفه يخلي ايده اعله ضهره
يمه وي شمس الضهر..احزام ضهرك ينكسر..يقدم الزينب عذر..جفوف
وانته تبقه الوحًدك..ماكو واحد يسندك..يمه والكل كاصدك..تطوف
وللخيم ترجع..تعثر وتوكع..بلا رايه
وتسألك سكنه..وينه كافلنه..اجه ابمايه
وينكسر كلب العقيله
فركة الخل الخليله
بروحه
..........................................
أسودت الدنيا وكمت اوكف واطيح
وفاطمه تصبرني بالموت استريح
ابيش اقنَع روحي لو كلبي الجريح
فاطمه الأخر نفس مضلومه اصيح
حيدر انه بيا زمن..بعيني اشوف ام الحسن..والضلوع اتكسرن..واحير
لولا الوصيه فاطمه..اترس السبعه دمه..كونج انتي سالمه..تصير
زهرة اسنيني..الفركه تاذيني..وتهد حيلي
يا حلم عمري..ينكسر ضهري..بفجر ليلي
وحشه وانفاسي عليله
فركة الخل الخليله
بروحه
............................................
فاطمه باخر نفس ضلت تنوح
وأشرتلي ياعلي خليني اروح
زينب امن البجي ماضل بيها روح
ايشيب الخاطر تره دمع الجروح
طفله واباول حلم..لبست اثياب اليتم..سمعت السب والشتم..عجيب
شافت امها تنعصر..وخدها احمر يتسطر..ركضت وداست جمر..لهيب
وطاحت بحضني..رادت تضمني..لجن خافت
مسحت ادموعي..وسندت اضلوعي..وعلي طاحت
ورادت المحسن تشيله
فركت الخل الخليله
بروحه
........................................
بليل نعش الزهره شلته اعله المتن
وضاكت الدنيا وحلم يطبك جفن
التموت اعزازه يتنفس حزن
شالت ام بيتي وبعد ما ينسكن
ما مصدك راحله..وماتت الجلمة هلا..وانتي باءالبسمله..اكيد
يا ملح طعم الهوه..روحج وروحي سوه..للكبر ننزل سوه..اريد
خايف الضلمه..ضلهج تلجمه..اجي شمعه
لو بجه المحسن..ولو عليج يحن..منو يسمعه
عالاقل اكدر اشيله
فركة الخل الخليله
بروحه
..........................................
خادم خدمة الحسين
الشاعر
محمد الموالي

#شور

#بعدَ_شهادة_ابيها_وقفت_على_قبرهِ_قائلة



گلبي أعله فگدك محترگ والناس حرگت بابي
تموت بعتبْتي لو شفت بالضلع صار اصوابي
بمتني ادفع اجذوع الوكت واجفوفي فوگ احجابي
ما غزرت ملحت أمس اليوم اجو لعتابي

نكروا الخير يركضون اجوني بالحطب
شرد اگلك على الصار وشنو بيا  انضرب
مو حرب هاي واجتني ركض كل العرب

ـــــــــــــــــــــــــ
شفته الضحك بجنازتك يم بابي سرفن جفه
گالوله فاطم رد وأن وبالضلع حيل اتشفه
بابي طفت بس الگلب ناره ابد ما تطفه
من غمضت عيونك شفت  بويا العيون الصلفه

اول انسان تكتله أنا جلمت وأن
وبلا موعد تجيله مواعيد الحزن
بويا بچفاك ولوني وقرح دمعي الجفن

ـــــــــــــــــــــــــــ
افراگك كسر خاطر واجه الظالم كسرلي اضلاعي
يالودعت زينب ترا گرب وياها اوداعي
ناعِيتك اني من متت وريتك الليه الناعي
ساعي الدمع ليل الهجر ما وصل منك ساعي

هذا يا نوم يمرني وطفه بجفي الجمر
يوصل الليل والعيون يفز بيها الكسر
گلبي وي حايط الباب صفه نفس الفطر

ــــــــــــــــــــــــــــــ
عاده يبويا بالعرب لو نار شافت تفزع
حتى النسه تحشم الزلم والديره لا ما تهجع
ليش بوكت ذاك الحرگ ما رضى واحد يطلع
الميت سمع صوت الضلع معقوله محد يسمع


حتى من راحت النار ولا واحد اجه
وجنت اسمع يگولون ابنها ما نجه
وكتب دخاني بسماي الرجه يهل الدرجه
.
ـــــــــــــــــــــــــ
بجف واحد ادعي يالابو وادموعي تاكل خدي
ما اشتكي گبال الأهل بالحجره اونن وحدي
گد ما يعت گلبي الالم والدمع فطر خدي
يصير النهار اظلم عليّ والموت يحضر عندي

روحي تتوازه عالموت ويمر بالي خبر
انت گتلي تموتين واجي بقرب سفر
شوكت امضيله لگبري وعلي يسد النظر


عبدالله الشويلي الشويلي

شور كعده

راحت فاطمه 
راحت فاطمه
٠٠٠٠ ٠٠ ٠٠٠٠
البس ثوب الحزن بيتي
راحت مني عافيتي
اودع فاطمه بياحال
يروحي الروحي دفنيتي

أودعها يناس شلون وروحي معلكه بيها
زهره والهضم گلبي بتراب انه غطيها
انه الماخفت فد يوم هسه خايف عليها

اخاف من الثره يلجم ضلعها
راحت تشكي للباري بدمعها
مضلومه مشت ومحمله جروح
يريت نشلت اجفوفه الدفعها

علي ماصاحت الحكني
ابو الحملات تعرفني
من شفت الجرح صبريت
وصيه عندي كضتني

راحت فاطمه 
راحت فاطمه
٠٠٠٠ ٠٠ ٠٠٠٠
التراب شلون اهيلنه
وعز ناسي ادفننه
عشره وتنتهي بلحضات
الصبر امنين اجيبنه

يريت الموت ياخذني وموتن كون وياهه
مثل فاطم فلا موجود وحده والله سواهه
اقنع الروح ماكدر جفي شلون دفناهه

اميره عله نسه وبت سيد الكون
عله طاري فراكهه شيگض العيون
تغرگ بالدمع لو شافت الباب
عمر اكضيه مدري شلون وشلون

الفرح لا مايمر بيه
اهل دموع ليليه
ياخيمه وعمودالبيت
راحت ونهدم فيه

راحت فاطمه
راحت فاطمه
٠٠٠٠ ٠٠ ٠٠٠٠
انه الماينوصف حزني
راحت فاطمه وابني
عاين بيتي وبياحال
بشوفتها يذكرني

بوسط بيتي وحس غربه شلون سنيني اكضيها
ميته الدار اشوفنها وبعد ما ينسكن بيها
من اشوفن زينب على امها ماتسكت بواجيها

اساعده وتساعدني عله النوح
حاجي الباب ويسولفلي الجروح
هناشبعت هضم وسفه ام الحسين
هناه خده نصطر وطلعت الروح

بهاذا الباب ياذكره
مسمار واثر عصره
تمنيت المنيه بهاي
گبل مامات الزهره

راحت فاطمه
راحت فاطمه
٠٠٠٠ ٠٠ ٠٠٠٠
بخيالي صفيت اعثر
مني راحت الكوثر
واسمعه الشماته تكول
طفينه ضوه حيدر


رجعت من الدفن بالاخ وعيني الزينب تناظر
التروح امه يعيش اشلون يظل بكسرت الخاطر
الشايل  باب خيبر ذاك الشيل جدامه ماگادر

يريت الموت وي فاطم خذاني
يوادم حال زينب شيباني
وين أمي تصيح وهدت الحيل
انه الماشفت راحه بزماني

حرت اشلون اسليهه
ذبحتني بنواعيهه
زغيره عله اليتم زينب
امها وغاليه عليهه

راحت فاطمه
راحت فاطمه
٠٠٠٠ ٠٠ ٠٠٠٠
خادم اهل البيت ع
فلاح طالب الماجدي

آهاتــــي .... آهاتــــي
آه يام حسين آهاتـــي
حسراتي .... حسراتي
فاركنه البين حسراتي
يمفتاح الصبر      ولا يسوه العمر
حسراتي
.................................
يا دمــــع العين        من وين الوين
جرح أفراك الزهرة أمتاني
طيـــــــــر ومذبوح       أمن العصره أينوح
ومثل أهلال أمشي خلاني
من باب الباب         عرش ومحراب
أرسم صورة باب أحزاني
يا ريته....يا ريته
يلفيني الموت يا ريته
تانيتـــه....تانيتـــه
دمعه وتابوت تانيته
مثل شمعة أنتضر       ولا يسوه العمر
حسراتي
...............................................
معقوله وجان      نار ودخان
الخانك ريتي أباب الزهرة
واقع لو طيف      محراب السيف
كدامه أتطيح أسنين العشرة
ما هزه الصوت       من شاف الموت
ياخذ روحه ويجري العبرة
بحساسي...بحساسي
كل جرحي انشاف بحساسي
أنفاســـي...أنفاســـي
ديرة وتنعاف أنفاسي
جزع مني الصبر      ولا يسوه العمر
حسراتي
.............................................
عشت بلا راي     شاطي بلا ماي
وشل دمعي وشيب راســـي
من شفت النار     واباب الدار
الجانوا صحبة وجانوا ناسي
أيحركون الدار      جن عدهم ثار
وباكوا حلمي وملح أحساسي
بعيوني...بعيوني
شفته يسب فاطم بعيوني
يدروني...يدروني
أموصيني ولازم يدروني
بعد هذا الكسر    ولا يسوه العمر
حسراتي
..............................................
ويلي بيا حال    فاطم من كال
شيخ الزمرة الوأن تسمعها
من خلف الباب     عفه واحجاب
والداني بكل قوته يدفعها
بيديها النار     وجان البسمار
يجويها وكسًر منها أضلعها
من طاحت...من طاحت
طاح المحسن من طاحت
وشصاحت ... وشصاحت
وي طبك الجفن وشصاحت
والخد المنسطر        ولا يسوه العمر
حسراتي
.............................................
صوت اليا ويل     وي صوت الليل
شيع نعشي وشيع حلمي
أمشي خطوات      واعثر مرات
وينهد حيلي وينحل جسمي
وأسمع لاوين       ها يابو حسين
بويه أعليك أمي رد أمي
أطفالي .... أطفالي
جوني يركضون أطفالي
والحالي....والحالي
كاموا يبجون والحالي
وحفر دمعي الكبر      ولا يسوه العمر
حسراتي
................................................
خادم خدمة الحسين
  الشاعر
محمد الموالي

قصيدة الاستشهاد فاطمه الزهراء ع…


يازهراء  عشتي العمر مظلومه
يازهراء  من محسنچ محرومه
                           
المحسنچ ونيتي -- ابطيحته اتأذيتي -- نون وياچ
ماتجف دمعاتنه -- نندب ابعبراتنه -- ما نسيناچ
ظلمه صارت دارچ -- فارگت انوارچ -- صعب فرگاچ
يلي عشتي ابلوعه -- امن الظلم موجعه -- نبقه ننعاچ
          يم حسـين كل شيعتچ ملچومه
          يازهـــراء عشتي العمر مظلومه
                     
ضلعچ امن اتكسر -- علي ضل يتحسر -- والفكر تاه
يمسح ابدمعاتچ -- يون وي وناتچ -- عاش بل آه
حيدر ابكل ليله -- فگدچ ايهد حيله -- وداعچ اذاه
زاد لجلك نوحه -- انتي شمعت روحه -- ونور عيناه
         ليل انهار يبچي وثچيله اهمومه
         يازهــراء  عشتي العمر مظلومه
                       
مانسينه امصابچ -- ولي حرگو بابچ -- فاطمه ابنار
لعنت الله اعليهم -- غيره ابد مابيهم -- كلهم اشرار
والخلافه اخذوهه -- من علي قصبوهه -- ونكرو الصار
يمته سيف القائم -- ينسل اعله الظالم -- ياخذ الثار
           ماننساه ثارچ يزهره اويـــومه
           يازهراء  عشتي العمر مظلومه
                  
وحق عتبت بابچ -- مايطيح احجابچ --بين الأجناب
انتي زهرة طه -- بين اديه رباهه -- يم الحجاب
گامو ايضربونچ -- ورموهه امتونچ -- بلايه اسباب
حيل ياذي اصوابچ -- كسر گلب حبابچ -- هذا المصاب
          واويــــلاه يافاطمه المهظومه
         يازهراء  عشتي العمر مظلومه
                     
حسين تجري ادموعه -- وزينبچ مفجوعه -- ذابت الروح
كسروها اضلاعچ -- والحسن بوداعچ -- گلبه مجروح
يوم نظرو حالچ -- چم حلم لطفالچ -- طاح مذبوح
حتى فضه وقمبر -- اگلوبهم تتحسر -- ضلو ابنوح
        بالاحزان كل شيعي يخلص يومه
        يازهـــــراء عشتي العمر مظلومه
                
         الخادم
    كامل السعيدي