الشاعر علي مهدي المالكي

إِنَّا لِلَّهِ وَإِنَّا إِلَيْهِ رَاجِعُونَ
مع الحسين وآل الحسين عليهم السلام
وداعاً ابا هادي 💔
انتهت اشجع قصة من قصص البطولة الشيعية 💔

الشاعر علي مهدي المالكي pinned Deleted message

#قمرا_اوحى_للجمال
#بأنه_ليس_جميل
#واوحى_لليل_انه_نهار_بوجوده


جاء نصرُ الله للقَوم
عِندهُ علمُ القيامة
قمراً للآل والطَف
فيِهِ ليلاً لا ينامه
عبَسَت ووجهُ عَباس
مصنعاً للأبتسامة

قمراً.... يا هاشمي.. صلى الله عليك
ارخت حملهه من لفاها طوله = اسد البطولة
شيخ الرجولة = حماي الاخيام
زلزل ظهيرة عاشر المريرة = قمر العشيرة
الهيبه المنيره = ( الكافل لها قام)

من الخيم للمشرعه الدم غزر
ومشي القائد ع البساط الأحمر
ايها الناس اعلموا.. الكون من لحظة نزوله اتغير
اشتدت ووجه الشمس صار اصفر

لو لا القضى.. لمحى الوجود..بسيفه
=======================
قَمراً قَد بانَ في الطَف
مُستَمراً ليسَ غائِب ..
هلَ يُرى العَباسُ عَباس
ام عَليُ الوَجهِ غاضِب
عجبٌ يَهوى العَجِيبات
ابنُ مُظهرَ العَجائِب ..

قمراً.... يا هاشمي.. صلى الله عليك
بين ضواه من مُغرب الشجاعة = الجيش بقناعة
سمعاً وطاعة = صاحوله عباس
لمطلع من الطف قصص ثگيله = نشمي القبيلة
يحدد جبيلة = ما بين الاقواس

واليضم روحه مقابيله اخنس
محيبس اصبح لو انظم المحبس
الطف هدوء وماكو حس .. وصوت نفسه يطلع اليتنفس
وبالفرات الراس الاول سيّس

لو لا القضى.. لمحى الوجود..بسيفه
=======================
نَينوى لا تَكفي عَباس
نَينَواتُ الجَمعِ قِله
هوْ دلِيلُ الحربِ لَو جَاء
تسقطُ كُل الادله
لَمَحى الطفِ وما فِيه
لهُ سيفاً لَو يَسلْه

قمراً.... يا هاشمي.. صلى الله عليك
اسرج خياله بها أنا بوفاضل = سيف المراجل
اشجع مقاتل = عالم بالعلوم
بر وتقي والتقوه من صفاته = كافل خواته
النشمي شحلاته = وبيا علي يكوم

دارت شمال وشملت جي طبهه
وتميل رجل الفرس من يركبهه
اعجوبة مو مصنع عجب .. وهوه الطف يداور بمركبهه
راخيه وبس ابو ريشه يضبهه

لو لا القضى.. لمحى الوجود..بسيفه
==============================
حائزاً عرشَ السلاطين
وبهِ بانَ التَواضع ..
غاضباً والعَينُ بالعَين
مُلأت قَتلى المَصارِع
جَرى من جبينهِ فَيض
ماءُ نهرِ الطفِ نابع

قمراً.... يا هاشمي.. صلى الله عليك
دك هاون المعركه من خيامه = رمز الامامه
امشيم عمامه = صاغ الهوه نذور
ماهو اعتباطاً سيد الشريعه = صورة بديعه
حامي الوديعه = مستفعل النور

بالوصف ما ينوصف بحجايه
بنته وتنام اعله متنه الرايه
( جائها من ساقها ) .. من جبينه الشط امزود مايه
زلزلت زلزالها بهالاية

لو لا القضى.. لمحى الوجود..بسيفه
=============================

علي مهدي المالكي ..

https://t.me/alimahdi9x9

( لا فُضَّ فاكَ )
#لخدمة_الحسين_عليه_السلام
#ونعمة_الانتماء_والارتباط_به_واليه


بكَ فراغُ الروحِ يُملى
انتَ اللذي بَينِي وبَينِي ..
وسدرةَ المنتهى باباً
فيهِ اقف وتَمشِي عَيني ..
لا لَذ لِي عَيشاً بدُنيا
ان لَم اكُن شَخصاً حُسينِي ..

يا غريب .. فايضه العين الغريبه .. يا غريب
بالدموع .. ( انا انزلنا المصيبة ) .. بالدموع
في بيوتاً اذن الله تُرفع ..
وكلمن يسولف نحيبه .. يا غريب

( لا فُضَّ فاكَ ) يامن اتصيح حسين
( يُمناك لا شُلت ) يمن تلطمله
( وَنَم قَريرَ العِينَ ) وادعيله وكول
( اقبَل شَخص ) للخيم ربوه أهله

يا حسين .. عاشكين اسمك حبيبي .. يا حسين
==========================
ثوباً سوادُ الفيهِ طاغِي
بهِ نَعى العاشِق حَبيبه ..
ما بَينَ اوقاتِ المَجالس
تلكَ المواقِيتُ الكئيبة ..
لله نَرجع والطُموحُ
نَّرّجِعُ خِدامُ الغَريبة ..

يالحبيب .. صحبة جروحي ثكيله .. يالحبيب
ريت اكون .. ويه الدمع صاحب طويله .. ريت اكون
امن يجيب المظطر وانه مظطر
ربي خادم للعقيلة .. ريت اكون

( اسعَى وتَلقَى ) والسعي يريد احساس
( حرارتاً لا تَنطَفئ ) بيهه انحس
( مَن طَلبَ العُلى ) السهر مابي خير
( مَن طَلبَ العُلى ) يّروح لمجلس

يا حسين .. عاشكين اسمك حبيبي .. يا حسين
=========================
مشلولتاً ليتَ الليالي
ايامُكَ العَشرُ سنينا ..
لا عَشرتاً عِشرتاً انتَ
حُبُ العَزاا مَغروسُ فِينا ..
مَن ذا يُقدمْ لِْي جَوادِي
مِنها وانصاراً اتِينا ..

يا حنين .. اعصر من ارداني دمعي .. يا حنين
وبالعيون .. الما بجت حطيت اصبعي .. يا حسين
لا مو فضل انا ارد ارد فضلك انته
يا لطم يحنيلي ضلعي .. يا حنين

( الاعمالُ بالنِياتِ ) والنيه اتريد ،،
( لَيلاً نَهاراً ) ما اتبرد كلبك ..
( يا لَيتنا كُنا ) فعل مو جلمات
وحب مثل ما صاحب دمعتك حَبك

يا حسين .. عاشكين اسمك حبيبي .. يا حسين
===========================
يا مَالكاً قَلباً كسيِراً
قَلَت قُلوبٌ ناصِحاتِ
مُدلِي يداً كالذِي مَدَ
يدُ العَطاشى للفُراتِ
يا ثالثَ العَينانِ إقبَل
مِا سَبقَ وماهْو اتِي

يا هواي .. خرز سبحه وكلنه بيدك .. يا هواي
يا حسين .. بخيط خل يلمنه جيدك .. يا حسين
اي تعبنا والتعب هذا راحه
لتعبك وتعبت عضيدك .. يا حسين

( حَصن لِسانَك ) والحصانة التسبيح
( والهَج بِذكراهُ الشَريف ) ايحصن ..
( لا لَذ لِي عِيشاً بدُنيا ) ولا جان ..
عايش اذا مو شخصك اعليه يحن

يا حسين .. عاشكين اسمك حبيبي .. يا حسين
==========================

علي مهدي المالكي ..

https://t.me/alimahdi9x9

#عن_مصاب_مولاتنا_الزهراء
#بقول_ولدها_الحسن_عليهم_السلام


المتعوب انا حالي الما عرف حالي
الكبر وافراك فاطمتي ايتراوالي
العزيزه لبلضلع بسمار اجاها
وصاحت عكب عيني ياهو لعيالي

شيحمل مصيبت باب وحرگ
وجرت نفسهه الما تنشهگ
الباب اعله ثگله شما يندفع
يكسر ظلعها اشما ينطبگ

شلونج يمه شلونج
الباب امضيع حيل امتونج
شثگله يمه شثگله
اباب من اجذوع يدفعونج
====================
الهضمته الترس وجهه امبينه بعيونه
التارس ضيمه كلبه شحاله وشلونه؟
باب البيت محروگ اعله فاطم
بجف ترسه حقد عمدا يدفعونه

اه وهضيمه وخد بي دمع
وباب المواجع لاح الضلع
يكتل ونين الضيعله أم
لاخر هضيمه الون ينسمع

شلونج هسه شلونج
يا لون الظل كلفه العصره
يمه ويلاه يمه
گربت راح تموت الزهره
===================
شفتهه بمشيه تتلوه ووجع بيهه
وشفت لطمت الخد البانت اعليهه
وولدهه بالبجي يكسرون خاطر
نحيله وما اتسوي اثار رجليهه

صارت خيال بكد الضعف
وباب الظليمة استوجب عطف
ياهو اليكله شعوزك حسن
اصواب اليفارگ ما ينشگف

بكسره اه وكسره
ممروده من الباب وضيمه
گومي محلفج گومي
زينب وسفه اتصير ايتيمه
===================
اذا شاء الله والمقسوم بي ارضه
بس وجه الظليمه الحق تره يرفضه
حرمه ويا ثكل باب الاجها
وخشبت بابها بالضلع وترضه

اه الظليمه الما تنحمل
راحت زهرتي وراح الطفل
وعيوني ذبلن حسره ودمع
شما اصفن الهه ايتعب الثگل

ضيمه گلبي وضيمه
ابنج ضيّع ذيج الخيمه
راحت كلش راحت
لمت اهلي بفكد الشيمه
===================

علي مهدي المالكي

https://t.me/alimahdi9x9

#لوفاء_كافل_زينب
#قمر_النور_عليهم_السلام


عطر خيمه وقرأن وغصن ياس
والم نشرح أيه بمعنى الاقداس
رسول الله يشرح صدره جم نور
ووجه زينب يشرح صدر عباس

ابو فاضل طوله = يلوك للمكفوله
ظل يحب يسمعهه = الكافل يكلوله

قمري = ذو هيبه امشعشعه
قمري = خيال المشرعه
قمري = تخط رجله من الفرس
قمري = ( قائد ما أرفعه )

عباس = ماكو مثلك القمر ...
===========================
صلاته اتمم صله وركعه للشوك
اختنك كلبه وجفنه بدمعه مطبوك
يرب اقبل هاي الخدمة لحسين
بديه يدعي ورافع راسه ليفوك

زينب يماشيهه = برايته يغطيهه
خيمة اخته الحره = حط اخوته اعليهه

قمري = تارس روح ونظر
قمري = حب نعمه ومستقر
قمري = للكفاله انحط رمز
قمري = كافل زينب كمر

عباس = ماكو مثلك القمر ...
============================
حنان اسمه عابر اربع حروف
طفت عينه وبكلبه بقه يشوف
ضوه الساقي ايكمل للشمس نور
وعزم جفه اعدال ب اربع طفوف

هد حنين الساده = وسيد اعله القاده
يرهب بريشاته = المالهن رداده

قمري = مو كدره الطف صفه
قمري = صولاته امضاعفه
قمري = ذات الوجه الصعب
قمري = كمرت طف ما غفه

عباس = ماكو مثلك القمر ...
============================
سلام الله عل العباس بالروح
بحضن هدمه عطر المرجله يفوح
بياضه اشتد من وجناته للشيب
الحجي بصيته يطلع كله مجروح

احوايجه اللي يحبهه = امصاحب يصاحبهه
وهل مصاحب سيفه = لطب حرب يرهبهه

قمري = بلن تمحوا ذكرنا
قمري = كال انه ( ها هنا )
قمري = قول اخته امطبقه
قمري = الكافل سلطاننا

عباس = ماكو مثلك القمر ...
============================
شحلاته اشتد ومضويات الاوساع
على عيونه مبينه شمحله الاطباع
بلا مهرب كض الرايه عباس
على حصانه ورجليه لايحه الكاع

اخته شمعة بيته = اللافهه بجفيته
شما بقه من الدنيا = خيط من خاجيته

قمري = ما يخله من الهله
قمري = رهاب بكربله
قمري = متوسم بالنصر
قمري = الساقي ذو منزله

عباس = ماكو مثلك القمر ...
============================

علي مهدي المالكي

https://t.me/alimahdi9x9

#لمصاب_مولاتنا_فاطمة
#خطاب_مولانا_الحسن_لابيه
#امير_المؤمنين_عليهم_السلام

استغاثت بالدموع
تعال الهه علي ضاق الفضا ولفاطمه الحگ
اعصروها ولو تشوف
يلجمهه الضلع شكد تنوجع ومخنوگه تشهگ

بين الجدار وباب يا ثگله
الما يعرف بأصله = تهضم دفعته
من الحايط المحسن سگط دمعه
من الحرگ والدفعه = الضلع وكسرته

راحت يا ذيج العشره
وظل فارغ بيت الزهره = وام البيت بتابوت
هذا انا الامشي بطولي
حسين وزينب تجولي = وياها اتمنيت الموت

حبيبتي.... يا فاطمة...... حبيبتي...... يا فاطمة
======================
حزن أمي جبير
ابن وادري تره الما عده ام تگصر حياته
وليشوف الجفوف
عله أمه بهضم باب الظلم هالدافعاته

( هل دَخَلوا ولَم يكُ استأذان)
وعصروا حرف قرأن = اباب المصيبه
( للسترِ هل لاذت وراءَ الباب)
واتجاسروا الاجناب = بدفع الحبيبه

شلون ادري بأمي شبيهه
وهسه اتراب امغطيهه = ما ينضم وجه النور
شال الخير اويه الشالت
وراحت روحي ويه الراحت = والحسره بروحي اتدور

حبيبتي.... يا فاطمة...... حبيبتي...... يا فاطمة
=====================
علي بويه تحيّر
مشت منك مره تعادل وطن والحيره حيره
ويتامه احنه نصير
بكسرهه ينسمع طگ الضلع من الاميره

طايح نبوع الدم عله العتبه
وهاي امي لمحدبه = مهشم ضلعهه
جم اخ ما سدت وجع روحي
وانا احسب جروحي = حساب بدمعهه

هذا الممحسب لحسابه
وبيت الما يندگ بابه = ومحسن يسگط بالگاع
وجلمة يمه من احجيهه
عشر جروح يطلعن بيهه = وطول الحبيته ضاع

حبيبتي.... يا فاطمة...... حبيبتي...... يا فاطمة
=======================
يبويه بلايه أم
نعيش بلا حضن وشبگة متن وبلا سوالف
بده يمشي الحزن
مثل مشيت ضوه وگلبي انجوه بكسر العواطف

فمذ رأوها عَصروا عَصره
وجا ماتت الزهره = من العصره والله
باب الجذوع ويندفع كله
وما ينشگف حمله = بجف ضايع اصله

يا دمع اتظل بعيوني
ع الگومه بسع عينوني = راح من جدامي الحيل
جم جرح الباب يعيده
واثار الدفعت أيده = تبين من يلفي الليل

حبيبتي.... يا فاطمة...... حبيبتي...... يا فاطمة
==================

علي مهدي المالكي

https://t.me/alimahdi9x9

#لمصاب_مولاتنا_الزهراء
#عن_حديث_ولدها_الحسين_عليهم_السلام


يراودني الدمع بين المعانات
بالحزن الجبير المو شويه
شاء الله ولگه البسمار الضلوع
ويدفع ثگل الجذوع الزجيه
مشت زهرة علي وتطشرت ذيج
لمت شمل اخوتي ووالديه

عله هاي المصيبه = وفكد الحبيبه = بجينه
عله حزني الجبير = بضلع الكسير = التقينه
عله كلمة ( وأن) = وگلبي اليحن = لونينه

وتجاوز الحد لطم الخد..
بنار انكسار الما تبرد..
شكد من حزن لمفارگ بي
والدفعوا امه حزنه شگد؟

يا دمعتي.... ويا لوعتي.... الجابت مماتي
فاطمتي.... كل دنيتي .... وراحت حياتي
====================
الكاسر خاسر المكسور ليفوز
اول انكسار يعيش ذكره
احتراماً للحجاب الباب ستار
لاذت صح واجه البسمار كسره
اندفع وانسحب وانرد اندفع هيج
الباب اندفع جم مره اعله زهره

اجه محني ضلعهه = وهذا وضعهه = ودمعها
النفس اللي تجره = يلجمهه مره = بضلعها
علي ممشاه غريب = وتنزف نحيب = وسمعها

جذوع الثگال بدفع الباب
كسرن ضلع للتحمي احجاب
الباب ودفعته تشگفه بأيد
وأيد بضلعهه الصار اصواب

يا لوعتي.... ويا كسرتي.... ويا ضيم ذاتي
فاطمتي.... كل دنيتي .... وراحت حياتي
=======================
يرب حسين اجب مظطر تره حسين
هوّن يا الهي الفرگه تهضم
اتصيح اشما اتجر النفس يا ناس
وجي گدامنه بلجماتهه اتضم
گبر محطوط بين اربع حياطين
اليعيش ايام عمره بلا دفو الام

ضمه فكد الحنان = الجانت امان = الهوتنه
عله حزن العيون = بلا ام تكون = ونستنه
هضم اه ومصاب = الدافعها باب = الجفتنه

اه وتعب وجروح وموت
ويمر علي محني التابوت
الصوت اليصيح اسمي شمحلاه
ماتت زهرتي وضاع الصوت

من نشأتي .... وكل اخوتي .... وداعت خواتي
فاطمتي.... كل دنيتي .... وراحت حياتي
===================
نحلت والهوه لو مرها تندار
وليدفعه الهوه ماخوذ حيله
البسمار اتجاهه گبال الضلوع
ما غير مساره وماله ميله
وضمت ايدها من اثار الحروگ
وصارت فاطمه كلش نحيله

بده يطلع حرگهه = وعافت عشگهه = وزلمهه
مشه محسن گلبهه = وناجته ربهه = بألمهه
عله اخ الدموع = وماكو رجوع = بحلمهه

قصه انتهت بيد البسمار
بذاك الحديد الكلش حار
واتهشم الضلع المكسور
وفاجعني بمي باب الدار

من دعوتي.... وهم غربتي... ودمعي بعباتي
فاطمتي.... كل دنيتي .... وراحت حياتي
===================

علي مهدي المالكي

https://t.me/alimahdi9x9

#لبسالة_مولانا_كافل_زينب
#عليهم_السلام

خط شهامه = ورايه بيضه
اتلولحت بالسابعه
والهواشم = ساده كلفه
حگوگهم ما ضايعه
والمُقدم = كافل اخته
ابو عيون الواسعه

الريشه انحسبت علويه
چـي لاحـتهه الـچـفـيــه
دگ جدمه بملعب صيده
شيكـض اخـوان العلويـه

رمشه رف = وحطله چف
بخد جبيله وسطره بيهه احروره
رد هتف = بالله وحلف
ومحله طوله اعله الفرس بالصوره
رد نشف = بجروفه جف
وبـالنهـر سـوت خـزرتـه امـروره

عباس جف بيده الماي
=============================
والعشيره = البيهه مثله
تهابهه شكد وادم
عده سيف = بعركه يروي
اعدال فُطرت صايم
زم فقاره = وحط جربته
وصال بيرغ هاشم

نــخــل الــشـط زاح ورَده
بسعفـه وشـارد مـن عنـده
جـر خيلك واشـرد صـارت
الــكافــل لــو هــد شـيّـرده

ايده سد = وعينه رد
وريشه ترهب بيهه كوكب غيره
بطوله هد = لله وسجد
امصلّه عينه وطفهه ركعه يديره
واستعد = شاف العدد
وكل كتيبه بعينه چومه زغيره

عباس ينشاف هواي
=============================
من اسمه تبدي = شكد مراجل
ترهب احروف اسمه
الغيمه سوده = ووجهه الابيض
يحيـر ياهـو يرسمه
مـن جـبينـه = يـتـرس الــشـط
وهيـج طبـع الزلمه

بي چم زينه من ابديهه
سـنتيـن نسـولــف بيهه
التاريـخ امـخلـص بيـده
عـبــاس اولـهه وتـــاليهه

بسيفه جَر = طرف النهر
ومايه ناشف چي گعدله الكافل
بطوله مَر = هيبه الگمـر
وحگه ينجن من صفاتـه العاقل
بــي اثـر = طولـه مطـر
وتِعدل ايده الماله تچوه ومايل

عباس دواس الراي
=============================
ع المخيم = ناصب الحد
الخيمه ظمهه بروحه
امعود يطگ = طوله يخنگ
الحرب طب اجروحه
لباخر الحد = واگف ورد
شمــا يهد يلوحه

كلفـات اعــلومـه التســوه
يــا ثــلــث انعــام وتگــوه
خلصهه وراح بطرف ايده
ايـده يمدهـه لايـد الخــوه

حگ حكم = والحرگه ضم
بصدر اهلهه وكربله امدمايه
وانهضم = شاف الخيم
والبيهه تعطش جر المسنايه
رد ردم = شــال العلم
وبمتنه يرهب من رفيف الرايه

عباس ضهضاب وجاي
=============================

علي مهدي المالكي ..

https://t.me/alimahdi9x9

#رجز_لمولانا_امير_المؤمنين
#علي_عليه_السلام

من خطابات العقول
لنا ثبت يا الهي....
قدمَ صدقاً على نهج البتول
قائمٌ مأتمنا فيه نقول
بسم كشاف الكرب فحل الفحول.. يا علي
_________
من اقاويل مفاتيح الجنان
زينوا المجلس بالذكر الامان
يا علي ويا علي لما نقول
بغضتاً اسمونا كفار الزمان... يا علي
_________
كل من لامنا يسمع مايلي
لنا سلطاناً حبيباً آزلي
ربكَ علاك فوق العالمين
و عشقناك اميراً يا علي.. يا علي
______
مددي من ضاف فوق الطين طين
مددي مآوى العباد التائهين
مثلما للبيت ربٌ قد حماه
لنا ذكراً يحمي كل العالمين... يا علي
______

https://t.me/alimahdi9x9

الشاعر علي مهدي المالكي pinned «#خطاب_الحسين_لامير_المؤمنين #بعد_استشهاد_الصديقة_فاطمة_عليهم_السلام شالوا عزازك وانت ظليت ، ، اتنوح ونحيبك تارس البيت ، للگبر خوش ام بيت وديت ، ، اول مره اشوفك هيج بچفيتك اتلم دمعك ، نحيبك تارس المحراب بثالث حجره ونسمعك - تشيل ايدك ، وتلطمهه ع…»

صفات الكافل ما تنعد
اميري ومَن مثله محد
رمـز للنـاس الــوفـايـه
شجاع الغيره اليتجدد

ايها الناس = انا مملوك عبد ريشات الراس
قول الاحساس = قالها الرب الجليل اعله الناس
معنى قرأن = كلُ حزباً بلّي عدهم فَـرِحُون
ايها الناس = انا مجنون اميري العباس

الامامه وجماله .. جاذبية حبي اله
العقيدة المديده .. گلبي هوه كافله
الشجاعه المهابه .. الترس بيهن كربله
===============================
امان وحرز اسمـه ايمدنه
امـلنـه وحـبنـه وسيـدنـه
وحــق كـافلهه المـكفولـه
يـضـيـع بـدونـه واحـدنه

انعم الله = على الخدام كفيل بعينه النور
گلبي مولاه = هو العباس واسمه بروحي يدور
سيد الكون = شاء من شاء ومن لا شاء يظل
انعم الله = اسمه تاريخ حقيقه يظل مذكور

حبيبي ومجيبي .. المضطر يجيبه الگمر
وصاله ودلاله .. غيمه تمطر ع البشر
اميري ومجيري .. حامي اذا يوصلني شر
===============================
نبوع الغيره من چفوفه
بـسهـر ومـَدلل بطيـوفه
يباء وسين وعـيـن الله
طواف العاشگ بحروفه

ظهر الحسين = نور الاخيام كفيلي ولاله ثنين
منبع الروح = وترتوي بشوف صوّره هاي العين
صرنه خدام = وتكفل ارواح كفالة ساقي الروح
شكد عناوين = ايد حيدر گمر زينب ظهر الحسين

اسيره وجبيره .. خدمته سيد النهر
امامه وكلامه .. مبدء لكل البشر
عظمته وجربته .. تروي عطشان النظر
===============================
كفيل الروح المتعوبه
طموحي اصبح محبوبه
يعون ايمد بي خدامه
مددنه ريشاته وثوبه

بثوبه ايات = تحمي خدام عقيدة جده بخير
مسكن الروح = بمتنه يرتاح امان يحس الطير
هو عباس = گمرة الليل ضـواها الما منحور
اشهد بهاي = اله والله گلبنه ومو للغير

الشهامه الامامه .. يلوگن لمتنه فده
نخدمه ونحشمه .. بحد مماته ومولده
گمرنه وعلمنه .. الگلب هوه سيده
===============================

علي مهدي المالكي ..

https://t.me/alimahdi9x9

#سفينة_الخدمة
#للخدام_وخدمتهم_لساداتهم_عليهم_السلام


اتحركت وشراعها صوب النجف
شما مشت يابس وراها الماي جف
اندلت المرسى ورست يم ابو اتراب
بحيل حيدر تمشي ما گايدهه چف

سفينة الخدمة مشت
صوب الامير اتوجهت
ماكفت ابحر النجف
بس يم علي رأسن رست

انـــا تــوجـهــنــا بــــكَ
بچلمات اهلنه ياعلي بتسيارك
استشفعنه عند الله بكَ
انت الشفيع الما اتخيب جارك

ربانهه هالمره مو زلمه مره
ام البنين القادت السفينه
صاحِبت اول موكب اتوزع ولد
بخدمتهه نخدم فاطمه بدينه
=========================
هوه الخدمه الگادهه وشالت خَدم ، ،
البالسفينه اصعدوا تـربـات الخيّـم ،
هيـه شالت مـاي مـا شايلهـه مـاي
وچنهه جـربه بـس ولا طگهه السهم

سفينة الخدمه بتعب
من ادموع صارت مو خشب
متميزه عن باقي السُفن ،
چانت تمشيهه ام وهب

صار النداء اعله الخدم
قيّـل بـسـلام وكـل امن ركبوهـا
وچانوا حبيب وصحبته
ادوار الخـدم بيديهـم يـوزعـوها

مرساها الاول چان يم گبة علي
ودعهه حيدر وابتده مشيهه
ثاني المراسي والرحال لكربله
ذب صايته الكافل ستر عليهه
============================
بـلـطـم حـار وچـان ذاك الجـو هـوه
وهيـه تمشـي والخـدم صاحوا سـوه
فـمـن للعشـاق غـيـرك يــا حـسيـن
گلـوب مرضـه وحاسبين اسمـك دوه

سفينة الخدمه الصدگ
اتطَشَرنه لمتنه بعشگ ،
تمشي وتحاميهه السمه
يم كل جرف ما تنطبگ

يا قبلة اليطلب رزق
كلنه صعدنه اعله السفينه بطلبه
راجين عطفك سيدي
واسمك على هدوم الخدامه نكتبه

سلمتُ آمري لمايهه لبي كل امن
تاخذهه روجة حب علي بسلامه
صاعدهه واكف بيهه كلش مطمئن
چا غير ليمشيهه چف امامه
==========================
تمشـي بينـه ومـانحـس بس بالامــان
چنهه چف ينگط وفه وچف بي حنان
عـايشيـن بـخـيـرهــا اتغطينــه جـيـل
چف نجاااا للچـان غـارگ مــن زمـــان

سفينــة الخـدمه الامــل
تمشي بعمل خير العمل
بيـهه التقــرب مـن علـي
اليصعد نجه يضيع النزل

نـعـمـة الـدنيـا واخــره
بيهه اليريد يضحــي كلشي بروحــه
ماضن يوصفهه الحچي
صارت ملاذ العشك واصل جروحه

والخير المغطي السلف منهه ابتده
صارت مثال الخادم المؤدب
يخبل مشيهه بكل وفه ابحر العشگ
وچف الخدم راسم عليهه مذهب
============================

علي مهدي المالكي


https://t.me/alimahdi9x9

بعد المصرع كأني بالحسين
بحديث قلبه مع اخته الحوراء زينب
عليهم السلام


عيني الخيامي التحترگ يا كربله يا كربله
وماعندي صدر الينشبگ يا كربله يا كربله
شويه وتجي خيل السحگ يا كربله يا كربله

انهبنه انسلبنه .. وخيام البنات احرگوها
يزينب رقيه .. اشبگيهه اذه تريـد ابوهـا
الولوني بغربتي .. خيام الفواطم ولوها

لا ظـل علـم لا فَـي علــم
اسمع دوي بصوب الخيم
اصراخ العلاوي من الالـم = حسين
===============================
بهاي الصحاري القاحله يا كربله يا كربله
حان التعب يمدلله يا كربله يا كربله
خدر الله ظل محد أله يا كربله يا كربله

امانه انتي عندي .. وامانة علي عندي صعبه
يزينب اعذري .. اخوچ العزيزه اعله گلبه
تشيله وترجعه .. الخيول اعله وجهه تگلبه

هـذا الـوداع اخـر كلام
من الناگه وديلي سلام
اتعرفيني من كثر السهام = حسين
===============================
يعينچ عَلي يمخدره يا كربله يا كربله
باچر مشيچن مو سره يا كربله يا كربله
تركض مره وتعثر مره يا كربله يا كربله

يخويه اذكري .. من اجينه انتمشه سوّيه
افترگنه وولوني ..  وترجعين ولكن سبيه
اعله ناگه رجعتچ .. اليصعدچ تره موش اديه

راح الدلال الچان الچ
وياهو اليباري محملچ
لابو علـي ولا كافلــچ = حسين
===============================
بشام الغرب بالي يّهم يا كربله يا كربله
طبت القصر منهه انلچم يا كربله يا كربله
من اتطب اخت بين الزلم يا كربله يا كربله

الهضمني يزينب .. گبل يمي چانت وگفتچ
الاميره واخوها .. بغربتي بده هَم غربتچ
بگلبنه حچينه .. شصعبهه اعله ناگه ركبتچ

بسوك المصايب سولفت
بكد جرحي جرحچ حَسبت
وطيحت غرب لمن طحت .. = حسين
===============================
ومودعه من گلب اخو يا كربله يا كربله
گلب الطفاه سهم العدو يا كربله يا كربله
يمعدله ويا بت ابو يا كربله يا كربله

خذتنه النوايب .. ويفارگ دلالچ حنيني
مشيتي بهزيله .. واتاني يخويه تجيني
وتلمني الحصيره .. ويطولچ يظل اعله عيني

لو من هلج واحد الچ
چا كلت الچ ردي لهلچ
راحوا حماچ ومحملچ = حسين
===========================≠===

علي مهدي المالكي ...

https://t.me/alimahdi9x9