احمد الزينبي

ميته عساج == يحيى البنداوي == #حصرياً
https://youtube.com/watch?v=l6Rt7ooLVBM&si=42l8CzBbA7R38eTc

كيد الهظم:-


بلا موعد الموت ختام البدايه
شكثر ما تعيشون بالكبور النهايه
ألا ايها الموت اخذ روحي هايه

غربه العمر لو ولفه يرحل
كلب اليحب بالفركه ينذل
هذا الصدك يا موتي اقبل علي مات

وي فاطمه يا موتي اريدك
وي فاطمه خلي ايدي بيدك
وي فاطمه رايد وعيدك علي مات

ذله العاشك ليل واداعه
شوف عيونه يصير متاعه
يشتد موجه بكسر شراعه

///////////////////////




انه الصبري ينكال مثل للحياره
جزع كلبي من شاف خليله احتضاره
صعب كلش يعيش اليموت نهاره

كون الهجر زلمه ويمرني
جا ما سلم مني وعبرني
هذا الكسر كلبي وجتفني علي مات

وي كل مسه مكسروه روحي
وي كل مسه يبجن جروحي
وي كل مسه يعميني نوحي علي مات

ليله افراكج شيب راسي
تيه بيه احبابي وناسي
بس هذا الوي حيدر قاسي

//////////////




على الحايط اثار واصدلك يبابي
يلمضيع السنين يجمرة عذابي
ردت تحمي خلي اذا حل غيابي

ذنبك ندم واعظم خساره
بيه خنت اكبر جساره
منه اقبلت تكربها ناره علي مات

فوكك اثر دم الزجيه
فوكك اثر أمان اديه
فوكك اثر نار الرزيه علي مات

يا باب الطاوع ذباحه
يل ذنبك سد باب الراح
انته السل حيدر بجراحه

////////




يمر يمي واندار هضم بيه يكتل
يموت الشهم لو يصد ثاره يجفل
جرح يكبر وأخ صبر حيدر يقل

لو يمي مر كاسر ضلعها
ترجف ادي واذكر دمعها
اسكت هضم روحي الفجعها علي مات

سيفي ارتجف ويصد عليه
سيفي ارتجف وافركها اديه
سيفي ارتجف يبجي الزجيه علي مات

يا فقاري الضل بكرابه
حيدر لا ما يكضي مصابه
ينحز نحره شما مر بايه

احمد
الزينبي

هذا الكلبي خايف منه شو صار
اغفه بين اديج وافز بالنار
جوه الباب اباوع دمج يسيل
الله يكسر ضلوعك يبسمار

يا باب اهلي حيره
زغيره امي زغيره جا ضميته حقدك

لو تتنفس يصل
ضلعها وحيلي يهدل وبدمعاتي اصدلك

يا جرح الكلب امي اعله ترب
مكسورت ضلع ليش امي بيا ذنب

مو كسرة غصن ويردها الزمن
سنبل لاحته النار ميرد لو يشب

/////////////////////////////



احط ايدي اعله ضلع امي وتفز حيل
ها موجوعه يمه شبيدي يا ويل
شنو اليرهم علاج ونكصد اعليه
شنسوي ويروح الوجع يا ليل

صوفر كلشي بينه
مجتوفات ادينه يا حيرة صبرنه

حيدر كاضي حيله
خلص كلبه ليله بدنوعه يلمنه

يعثر بالهوى وبصبره انجوه
يلوج بيده لو صد بابه بحسرته

متغير علي موش الأولي
عل حايط يسند ضهره بمشيته


/////////////


صباح النايحه ولا جايب الخير
حتى اعله شجر تبجي العصافير
ها شو ماكو حس لمي نكطع ليش
شو ياهو الانشده بصفنته يحير

بس لا امي ماتت
ومن بين ايدي راحت ها بويه دخيلك

طمني اعله امي
خل ينزال همي ها بويه دخيلك

ساكت ما حجه عل الباب انتجه
بمسح بيده راسي واعرفته اليتم

صد اعله سمه ماتت فاطمه
كلي وضاكت الكاع واظلم النجم

///////////////////////



يم باب المحطه تموت العيون
شيرجعه الصفه بجف اليغسلون
كون الكسر بيه ولا يمر بيج
وبجثتي ييمه انتم تشيعون

راحت يا حزنها
مكسوره اعله ابنها الما سامعها يمه

مات وما شبكها
الما ضايك لبنها الما سامعها يمه

محسن نعتذر منك عل الكسر
امر الله وحمد جان بينه لقدرته

هنيالك متت خويه ما عشت
جا مر طف الحسين كلبك فرهده

احمد
الزينبي

#جرح_مولاتي_فاطمه_عليها_السلام

ان ثأر الضلع قادم ثار الله مدد
بيد ضرغام الهواشم ثار الله مدد
خل تهلهله الفواطم ثار الله مدد

العجل

يا جبر السموات والسيف الامكن
خل تعله الهتافات بالكعبه اذن
يا ثار الغريبات بالدم ابشرن

العجل

رف يا راية الموت طشر شملهم
هب يا ريح الحسين وارعب زلمهم
دور بجفك السيف واكطع نسلهم

البدار يا صاحب الثار

///////////////////////////


بالقدس جبريل هلهل ثار الله مدد
نوح بالطوفان رتل ثار الله مدد
وعلي ناده اعليك اقبل ثار الله مدد

العجل
صوبك كلشي يندار باب المُحبين
ثار الطبره والنار وخيمات الحسين
دم الضاحيه الصار ولوعة فلسطين

العجل

هب يا صاحب الثار واعلنها حربك
زين بيهن الكاع روس التبغضك
هب حطنه اعلى يمناك فنه اليكربك

//////////////////





غير يمشيم الساده ثار الله مدد
غير يا قائد القاده ثار الله مدد
واكطع جفوف التماده ثار الله مدد

العجل

هل يا طارق الصوت وابرق سماها
هل يا صَرصَر الموت عجج ثراها
فوج اعليها يا حوت واكسر كفاها

العجل
يا مشكاة الحسين والسبعه بيدك
كل الدنيا تنطر راية وعيدك
فات اعله الحجي هواي ثارك يريدك

////////////////





الحاخام اعلن خريفه ثار الله مدد
واهدم اركان السقيفه ثار الله مدد
والحسن ابني مضيفه ثار الله مدد

العجل
سل يا سيف ابو تراب حك الزعامه
وكص ايده الدفع باب بيت الأمامه
خلي نلبس الرهاب ثوب الندامه

العجل
يا ثار الغريبات ما تطفه ناره
جم ليله وضعنه يرد لدياره
ولمولاتي فاطم نكصد زياره

احمد
الزينبي