Қаржылық сауаттылық

💵🗓️Инвестицияны 2019 жылы бастадым

Ең алғаш 1000 теңгеге инвестиция жасап бастағам. Кейіннен, қаржылық әдет қалыптастырдым. Табысымның 10%-на тұрақты түрде инвестиция жасаймын деген. Әдет қалыптасты. Солай портфелім ақырын-ақырын ұлғая берді.

Менің мақсатым: 45 жасқа дейін капитал жинақтау. Яғни, ұзақ мерзімді инвестиция. Мені нарықтағы жағдайлар қатты алаңдатпайды. Себебі, менің инвестициялық стилім: ұзақ мерзімді.

😔 Өте көп бастаушы инвесторларды көремін. Инвестицияны қарыз жабу немесе тез табыс табу құралы ретінде көргісі келеді. Ол өте қате түсінік.
Себебі, инвестиция ұзақ мерзімде ақшаны сақтау және ұлғайту құралы. Егер, 1-2 айда табыс табамын, табысымды ұлғайтамын деп инвестиция жасасаңыз, бұл мүмкін емес.

📍Инвестиция тұрақтылық, шыдамдылық, сабырлы болуды талап етеді.
🔸Егер күте алмасаңыз, сабырсыз, шыдамсыз болсаңыз, сізге ИНВЕСТИЦИЯ жасап қажет емес.

Инвестиция бойынша ТЕГІН 12 сабақты оқыңыз. Ол үшін мына сілтемені басыңыз👇
https://t.me/qarjysayaty/134

Kaspi.kz акциясы 1 күнде 7.78%-ға өсті📈

- Кеше kaspi.kz Түркияның ең беделді маркетплейсі Hepsiburada-ның 65%-ын сатып алды. Сол себепті kaspi.kz-тің акциясы 1 күнде өсіп шыға келді.

🇹🇷 Hepsiburada - Түркияның ең беделді маркетплейсі. 2023 жылы 12 миллион жеке сатып алушыға, 100 мың серіктес-дүкендерге қызмет көрсеткен. Осы жаңалықтан кейін Hepsiburada акциялары да 1 күнде 60% өсті🤯

🔸2024 жылы Kaspi.kz-тің дүкенін 9 айда 7,8 миллион тұтынушы пайдаланған. Бұл Қазақстан ішінде. Енді Түркия қосылса, Kaspi компаниясының пайдасы да, капиталы да артқалы тұр.

_Кеше осы жаңалықты естіген бойда, нарық ашылмай тұрып "ақылды инвестор" ақылы телеграм арнамда kaspi.kz-тің өсетінін айттым. Сәйкесінше өсті.

⚠️Инвестициялық ұсыныс емес. Ақпарат ретінде жарияланған жазба. Сатып алу, сату өз құзырыңызда. Тәуекел мен табыс бірге жүретінін ұмытпаңыз.

Халал инвестиция🌙🕌

🔹Халал инвестиция – бұл ислам қағидаларына сәйкес келетін инвестициялық қызмет. Ол шариғат ережелеріне сай келуі керек, әсіресе риба (пайыз), харам (рұқсат етілмеген) кәсіптер және құмар ойындардан аулақ болуды талап етеді. 

📉Халал инвестицияның негізгі қағидаларына мыналар жатады:
1️⃣. Риба (пайыз) тыйымы: Исламда риба, яғни пайыз табу тыйым салынған.
2️⃣. Харам кәсіптерден аулақ болу: Инвесторлар алкоголь, темекі, құмар ойындар, шошқа өнімдері және т.б. рұқсат етілмеген салаларға инвестиция жасамауы керек.
3️⃣. Таза пайда мен активтерге назар аудару: Компаниялардың табысы таза және халал болуы керек, сондықтан кейбір инвестициялық қорлар (мысалы, исламдық индекстер) компанияларды тексеріп, олардың табыс көздерін және бизнесін бағалайды.

🙋🏻‍♂️Бұл тақырыпты 1 ай төңірегінде терең зерттедім. Қандай құралдар бар, қандай компаниялар арқылы халал инвестиция жасай аламыз?! Бәрін де зерттедім.
| Егер осы постқа 500 реакция жинасаңыздар, жақын күндері "халал инвестиция" тақырыбында шағын кітапша шығарамын.

- Сен сонда барлық ақшаңды саяхатқа, кітапқа, инвестицияға жұмсайсың ба?

- Иә, сен ше, барлық өміріңді кредит, рассрочка төлеуге жұмсайсың ба?!

https://t.me/qarjysayaty

💵📗Осыдан 1 ай бұрын "жасыл сандықша" кітабы қолыма түсті

- Жата жастана оқыдым. Бұл оқулық емес, көркем әдебиет. Менің таңқалғаным, кітапта инвестиция, акция жайлы ертегілер бар. Өте түсінікті. Кішкентай балаға үлкен тақырыпты ертегі арқылы түсіндіру - шеберлік.

🔸10 ертегі бар кітапта. Ақшаны жинау, сақтау, оны дұрыс жұмсау тақырыптары да қамтылған.
Өзім 3 кітап жазғасын, мына кітаптың қалай жазылғанын өте жақсы түсінемін. Әсіресе кішкентай балаға қаржылық сауатты ертегі арқылы түсіндіру, оңай шаруа емес.

🔸Біз мойындасақ та, мойындамасақ та, қаржылық сауатты үйренетін уақыт келді. Сол сәтте мына қарыздың шырмауынан қоғам болып шығамыз. Сол үшін бізге осындай кітаптар қажет-ақ.

⚠️Постты ақпараттық қолдау ретінде жаздым. Бұл кітап еш жерде сатылмайды. Кітапты Ұлттық кітапханадан немесе Алматы қаласындағы желілілік кітапханалардан таба аласыз. Кітап маған сыйға келді.

Дивидендтік төлемі жоғары компаниялар📈

🔹Суретте көрсетілген компаниялар өзінің дивидендтерін жыл сайын арттырып отырған компаниялар. Тізімдегі 11 компания кеше ғана пайда болған компаниялар емес. Ұзақ жылдардан бері инвесторлардың арасында танымалдылыққа ие болған және қор нарығында көп саудалатын компаниялар.

🔸Кім өзінің портфелін дивиденттік компаниялармен толтырғысы келеді, осы 11 компанияны зерттеп көрсін.

⚠️ Инвестициялық ұсыныс емес. Ақпарат ретінде жарияланған жазба. Сатып алу, сату өз құзырыңызда. Тәуекел мен табыс бірге жүретінін ұмытпаңыз.

©️ https://t.me/qarjysayaty

Бұл кітапты екінші рет оқып жатырмын...

Бұл кітаптан үйренерім өте көп.
Баланы саналы, жомарт, ақшаның қадірін білетін қылып тәрбиелеудің сыры да жазылған.
📖Балаға қаржы сауатын үйретуге арналған нақты құрал бар бұл кітапта. Бұл біздің елдегі әрбір отбасыға қажет кітап.

🔸Еліміздегі еңбекке жарамды адамдардың 95%-да кредит бар. Бұлай болуының басты себебі: қаржы сауатының жоқтығы. Мектепте, университетте қаржы сауатын оқытпауы.
| Біз қазір өз балаларымызға, кіші іні-қарындастырмызға қаржы сауатын үйретпесек, олар да дәл осындай қиындыққа тап болады.

🔹Бізге қаржы сауаты жайлы кітаптарды жастана оқу керек. Үйрену керек. Балаңызға қаржы сауатын үйреткіңіз келсе, осы кітаптан бастаңыз!

©️ https://t.me/qarjysayaty

Инвестицияда ең құбылмалы салалар〰️

1. Технологиялар - жаңа инновациялар мен өзгерістер бірден нарықты өзгертіп жіберуі мүмкін.
2. Энергетика - мұнай, газ бағаларына геосаяси жағдайлар жиі әсер етеді.
3. Криптовалюталар - биткоин және басқа криптовалюталардың тәуекелі тым жоғары.
4. Биотехнологиялар - клиникалық сынақтар нәтижесіне байланысты.
5. Шикізат - алтын, күміс сияқты бағалы металдар сұраныс пен ұсынысқа тәуелді.

📍Бұл салаларда тәуекел жоғары болғандықтан, инвестиция жасағанда сақ болған жөн

©️ https://t.me/qarjysayaty

Инвесторларға пайдалы 5 сайт:

🔸Yahoo Finance (finance.yahoo.com)
Жаңалықтар, нарықтық бағалар, компаниялар туралы ақпарат, және қаржылық көрсеткіштерді талдау үшін өте қолайлы ресурс.
🔸Bloomberg (bloomberg.com)
Экономикалық және қаржылық жаңалықтар, сараптамалар, және әлемдік нарықтарға арналған мәліметтермен бөлісетін жетекші ресурс.
🔸Investopedia (investopedia.com)
Инвестиция, қаржы және экономика туралы кең көлемді түсініктемелер, анықтамалар және оқулықтар ұсынады. Бұл сайт бастаушы және тәжірибелі инвесторлар үшін де пайдалы.
🔸Morningstar (morningstar.com)
Қаржылық деректер, қорлар мен акциялар туралы талдау, рейтингтер және басқа да инвестициялық ақпараттар ұсынады.
🔸Seeking Alpha (seekingalpha.com)
Инвесторлар мен сарапшылардың талдаулары, жаңалықтары және пікірлерімен бөлісетін платформа. Мұнда нарықтық трендтерді түсінуге және инвестициялық шешімдерді қолдауға арналған мақалалар бар.

~ Бұл сайттар инвестиция туралы білімді тереңдетуге, нарықтағы жағдайды бақылауға және сараптамалық материалдарға қол жеткізуге көмектеседі.

©️ https://t.me/qarjysayaty

Суретте 2024 жылы миллионерлердің әлем бойынша миграциясы көрсетілген. Жасыл түспен көрсетілген елдерге миллионерлердің көшіп келуі болжанған, ал қызыл түспен елден көшіп кетуі көрсетілген.

✅Миллионерлердің көптеп көшіп келуі болжанған елдер:
1. Біріккен Араб Әмірліктері (UAE) — +6700
2. АҚШ — +3800
3. Сингапур — +3500
4. Канада — +3200
5. Австралия — +2500

⭕Миллионерлердің ең көп көшіп кетуі күтілетін елдер:
1. Қытай — -15,200
2. Ұлыбритания (UK) — -9500
3. Үндістан — -4300
4. Ресей — -1000
5. Оңтүстік Корея — -1200

Бұл картада миллионерлердің қай елдерге көшуді жоспарлайтынын және қай елдерден көшіп кететінін көруге болады.

Менің жариялап жүрген жазбаларымды түсінбесеңіз не істеу керек❓

S&P 500 индексін тікелей иелене аламыз ба❓

S&P 500 индексіне инвестиция жасауға мүмкіндік беретін бірнеше танымал ETF-тер бар.
Cолардың ең кең таралғаны:

🔹SPDR S&P 500 ETF (SPY)
Бұл ең танымал және ең алғашқылардың бірі болған S&P 500 ETF. Ол 1993 жылы құрылды және кеңінен танымал. SPY нарықтық капитализациясы бойынша S&P 500 индексінің көрсеткіштерін қайталайды.
🔹Vanguard S&P 500 ETF (VOO)
VOO - бұл Vanguard компаниясының ETF-і, ол да S&P 500 индексін қайталайды. Оның басқару төлемі (expense ratio) төмен және ұзақ мерзімді инвестицияларға қолайлы.
🔹iShares Core S&P 500 ETF (IVV)
IVV - бұл iShares компаниясының S&P 500-ге негізделген ETF-і. Ол да төмен шығындармен және жоғары өтімділікпен ерекшеленеді.

Осы ETF-тер арқылы S&P 500 индексіне инвестиция жасай аласыз.

©️ https://t.me/qarjysayaty

S&P 500 дегеніміз не?

Бұл сөзді инвестициямен айналысатын әрбір адам білуі керек. Егер білмесе, өзін инвестормын деп санамасын🤭.

S&P 500 (Standard & Poor's 500) – АҚШ-тағы ең ірі 500 компанияның акцияларының бағаларын қамтитын қор нарығының индексі. Бұл индекс АҚШ экономикасының жағдайын көрсетеді және әлемдегі ең танымал индекстердің бірі болып табылады. Инвесторлар S&P 500-ді нарықтағы трендтерді бағалау және ұзақ мерзімді инвестициялар үшін пайдаланады.

S&P 500-дің негізгі ерекшеліктері:
🔹Индекске енгізілген компаниялар әртүрлі салаларды қамтиды, соның ішінде технология, қаржы, денсаулық сақтау, тұтыну тауарлары, өнеркәсіп және энергетика сияқты салалар.
🔹S&P 500 индексі АҚШ экономикасының денсаулығын көрсетеді, бірақ ол сонымен қатар жаһандық экономикаға әсер ететін көрсеткіш ретінде де қарастырылады, себебі көптеген ірі халықаралық компаниялар осы индекске кіреді.
🔹S&P 500 индикатор ретінде пайдаланылады, ол инвестициялық қорлар мен зейнетақы жоспарларын басқаруда, сондай-ақ жеке инвесторлар арасында нарықтағы трендтерді бағалау үшін қолданылады.

S&P 500 индексі инвесторлар үшін маңызды, өйткені ол АҚШ-тың қор нарығының жалпы өсуін немесе құлдырауын көрсетеді және ұзақ мерзімді инвестициялар үшін пайдалы көрсеткіш болып табылады.

😔Қазақтар жіберетін қаржылық 6 қателік...

1️⃣. Кредитті пассивті дүние үшін алу. Той жасау, смартфон алу т.б
2️⃣. Ауқымды сатып алуды алдын-ала жоспарламау. Үйге керек техникалық жабдықты алдын-ала жоспарламай, тығырыққа тірелгенде кредитке ала салу.
3️⃣. Қаржы жинамау. Еліміздің 2.2%-да ғана депозит бар. Әлі де ел тұрғындары жеткілікті деңгейде қаржы жинамайды.
4️⃣. Тез табыс табу көздерін іздеу. Ылғи тез табыс табу көздерін іздеу арқылы алданып қалады. Ең ішің ашитын жағдай: 1 рет алаяққа алданған адам, екінші рет қайта алдану фактісі өте көп.
5️⃣. Инвестициямен айналыспайды. Ұзақ мерзімде инвестиция жасау мүлде ойына кіріп шықпайды. Өзінің болашағына, отбасына қаржы жинау былай тұрсын, жеке басын алып жүре алмайды. Қарызға кіріп, счеттарын блокқа жіберген.
6️⃣. Қаржылық сауат тым төмен. Жоқ десе де болады. Үйренуге, білуге ұмтылмайды.

©️ https://t.me/qarjysayaty

Кітабым не болып жатыр?

Кітабымды толық жазып аяқтадым. Инвестиция саласында жүрген 3 кәсіби маманға кітабымның электронды нұсқасын жібердім. Ол кісілер кітапты оқып, өз бағасын береді. Идея қосып, әртүрлі пікір білдіреді.
🔹Содан кейін кітапты дизайнерге жіберемін. Дизайнер толық әрлеп біткесін, баспаға жол тартады.

🗓️Кітап шамамен қыркүйектің аяғы немесе қазанның басында шығады. Күтіп жүргендер бір-бір реакция қалдырсаңыздар

#инвесторбол

2024 жылы ең қарқынды өсіп жатырған саланың бірі ол - жасыл энергетика саласы...

Жасыл энергетика: жаңартылатын энергия көздері, әсіресе күн және жел энергетикасы, әлемдік тенденцияларының арқасында қарқынды өсіп келеді🌱
Жасыл энергетикаға инвестиция жасаудың бірнеше жолы бар:

📈Акциялар:
▫️NextEra Energy (NEE) – АҚШ-тағы ең ірі жаңартылатын энергия өндірушісі.
▫️First Solar (FSLR) – Күн панельдерін өндіруші компания.
▫️Vestas Wind Systems (VWDRY) – Жел турбиналарын шығаратын әлемдік көшбасшы.

✅ETF-тер:
▫️iShares Global Clean Energy ETF (ICLN) – Әлемдегі жаңартылатын энергия компанияларының акцияларын қамтиды.
▫️Invesco Solar ETF (TAN) – Күн энергиясы секторына бағытталған.
▫️First Trust Nasdaq Clean Edge Green Energy Index Fund (QCLN) – Таза энергия саласына бағытталған компаниялардың акцияларын қамтиды.

Бұл ETF-тер және акциялар жасыл энергетика саласына инвестиция жасауға мүмкіндік береді. Ұзақ мерзімде инвестиция жасайтын инвестор үшін таптырмас саланың бірі.

©️ https://t.me/qarjysayaty

Маған табыс 5 жерден түседі...

Табысты әртараптандыру - әрбір адамға қажетті дағды. Бойыңдағы бүкіл қабілетті пайдаланып, оны табысқа айналдыру қажет💵

Менің табысым 5 жерден түседі:
1. Ютуб парақшам
2. Жеке кәсібім [кітап сатамын]
3. Тик-ток
4. Инвестиция
5. Копирайтинг [әртүрлі телеграмдарға пост жазамын]

| Негізгі осы 5 саладан табыс табамын. Кейде ол 7-ге дейін жетеді. Қосымша: инвестиция бойынша [тек оффлайн] консультация жасаймын және кітап сату бойынша ақыл-кеңес беріп тұрамын.
📍Бұл саланың барлығы менің негізгі және қосымша табыс көзім болып саналады.

©️ https://t.me/qarjysayaty

Жаңадан😍

| Алдағы 2 айда жаңадан инвестиция жайлы 20 сабақтан тұратын ТЕГІН сабақ жазамын.
Бейнесабақ+жазбаша+график.

0-ден бастап, бәрін бүге-шүгесіне дейін түсіндіретін сабақ болады. Ол сабақтың бәрін де осы жерге жариялаймын!

✅Арнаны міндетті түрде бақылап, достарыңызды қоса жүріңіздер!