🌹🌹🌹🌹🌹🌹🌹🌹🌹
48 _ نجی غزل
مستفعلن مفاعل مستفعلن فعل
گئرچک حدیث ایمیش
بو کی خوبون وفاسی یوخ
کیم سئودی خوبو کیم،
دئدی خوبون جفاسی یوخ!
عشقین بلاسی یوخ دئییبَن
عشقه دوشمه، وار
کیم عاشیق اولدو کیم،
دئدی, عئشقین بلاسی یوخ!
آنین کی حجّ اکبری
ای جان! سن اولمادین
بّیت الحّرامه وارمامیش
آنین صفاسی یوخ
شیطان دیر اول کی
صورتینه قیلمادی سجود
دوشدو بیر اینجه درده کی
هرگز دواسی یوخ
شول جان کی سندن اؤزگه
طلب قیلمادی موراد
هیجرینده یاخماغین آنی هردم
رواسی یوخ
عینین خطاسیز ای بُت چین
توکدو قانیمی
تورک ختادیر اصلینه واریر،
خطاسی یوخ
فانی جهانا باخما،
کئچر عومرو سئومه کیم
عومرون زوالی وار،
جهانین بقاسی یوخ
یارب نه شمس ایمیش
بو مهین یوزو کیم آنین
یوزو قاتیندا شمسُ ضُحی نین
ضیاسی یوخ
گل _ گل کی قامو صوم و
صلاتین قضاسی وار
سن سیز کئچن زمان و
حیاتین قضاسی یوخ
بیمارا جان وئره ر
سنین ای جان لبین ولی
مُنکر سانیر کیم
اول سایریلیغین شفاسی یوخ
یارین گلیر همیشه
جفاسی نسیمی یه
سن سانما کیم نسیمی یه
یارین عطاسی یوخ
#مولانا_امیر_سید_عمادالدین_نسیمی
@nasimi771