ادبیات سئونلر

اوستاد "رحیم رئیس نیا "ایله اوزه ل دانیشیق.
ادبیات سئونلر کانالیندا
موضوع "نهنگ ها به خاک برمی گردند "کیتابینین حاقیندا
سه شنبه1403,8,1

آپاریجی:کریم قربانزاده

https://t.me/Adabiyyatsevanlar

اوستاد "رحیم رئیس نیا "ایله اوزه ل دانیشیق.
ادبیات سئونلر کانالیندا
موضوع "نهنگ ها به خاک برمی گردند "کیتابینین حاقیندا
زمان:سه شنبه1403,8,1
ساعات:9
آپاریجی:کریم قربانزاده

https://t.me/Adabiyyatsevanlar

https://t.me/Adabiyyatsevanlar

محرّم پریزاد (سورگون)

تك‌ آغاج‌
اوجا‌ داغ  دؤشونده‌  بيتَن‌ تك‌آغاج         
يئن‌ دوزه‌ گل بيزه‌، بيزيم‌ ائوده‌ بيت‌
شاختايا‌- شاخلووا‌،‌ دؤزَن‌  تك‌آغاج      
يئن‌ دوزه‌ گل بيزه‌، بيزيم ‌‌ائوده بيت‌
آياغين‌ ديرَشميش‌، هوندور‌ داغلارا‌           
دؤزوبسن‌،  ياد‌‌ ألي‌ ووران‌ داغلارا‌
دولورسان‌،  باخاندا‌  قارا‌ باغلار‌ا            
يئن‌ دوزه‌، گل بيزه‌، بيزيم‌ ائوده‌ بيت‌
يول‌‌چكن گؤزلرين‌، هاردان‌  آرالي‌؟         
چيچك‌دن‌  آرالي‌،  باردان‌   آرالي‌ ‌؟
هيجران‌ گؤزه‌ليندن، ياردان‌ آرالي‌؟           
يئنن‌ دوزه‌، گل بيزه‌، بيزيم‌ ائوده‌ بيت‌
وئريبسن‌  تالانا‌،  يارپاغي‌،  باري‌          
سندن‌ آيري‌ سالميش‌، يولداشي‌، ياري‌
گؤروم‌  تالان‌  وئرسين‌، ظاليمه‌  تاري‌      
يئن‌ دوزه‌، گل بيزه‌، بيزيم‌ ائوده‌ بيت‌
نه يئلدن‌  باكين‌ وار‌، نه‌ده   بوران‌دان       
قاراقو‌لاق‌لاردان، قاراسوران‌دان
سندن‌  اوز‌ گؤروبن‌، اوزه‌  دوران‌دان      
 يئن‌ دوزه‌،  گل بيزه‌،  بيزيم‌  ائوده‌ ‌ بيت‌
سنده  كؤلگه‌‌لَنَن،  تكه‌- توك‌  قوشلار‌    
قايغي‌سيز، قورخوسوز‌، يئريني‌ خوشلار‌
اوخويار‌، دؤش‌وئرر، كهليك‌ دوروشلار‌!     
يئن‌ دوزه‌،  گل بيزه‌،  بيزيم‌  ائوده‌  ‌بيت
گئجه‌  يولچولارا‌،  بير‌ نيشان‌،  بير‌  ايز‌         
قان‌لاري‌  اووجوندا‌  گزَنله‌،  بيريز‌
سنين‌ سنگرينده‌، كؤچمه‌سين‌، بیر‌   ديز‌!     
يئن‌ دوزه‌، گل بيزه‌،  بيزيم‌ ائوده‌  بيت‌
من‌ده  سنه  بنزر‌،  دؤزومده‌،  تكم‌            
عمل ساحه‌سينده،  سؤزومده‌،  تكم‌
سامان يوللاريندا‌، اؤزومده‌،  تكم‌            
يئن‌ دوزه‌،  گل بيزه‌،  بيزيم‌ ائوده‌ بيت‌‌‌‌
(سور‌گون) بير‌ نئچه‌ گون‌، سنه مئهمان‌دير    
 سالديغين‌  مفرشين‌  بوياسي‌، قان‌‌دير
بيزي‌ سارسيتمايان‌،  قانلي‌ پيمان‌‌دير         
يئن‌ دوزه‌،  گل بيزه‌،  بيزيم‌ ائوده‌ ‌ بيت‌.
1383,12,20

https://t.me/Adabiyyatsevanlar

اوخویور: "عالیم قاسم اوف " ستارخان‌


https://t.me/Adabiyyatsevanlar

دانیشیر:" محمد صبحدل "
موضوع:آذربایجانین ساییلیب ، سئچیلیب، سئویلمیش شاعیری"حبیب ساهیر" حاقیندا
.
https://t.me/Adabiyyatsevanlar

چرچی ،سایانلارین نئچه سین تانیرسان ؟
نئجه سین گوروبسن ؟


https://t.me/Adabiyyatsevanlar

هرنه اکریک اونو دریریک...

https://t.me/Adabiyyatsevanlar

روزبه صمدی" نیراوغلو"

واردی بیر کس آلا یازدیخلاریمی بیر لاواشا؟
عؤمرومو شعر و غزل چالدی داشا چیخدی باشا

لوح تقدیر ایله تندیسلری ارزان ائله دیم
چوخ اوجوز هر بیری دؤرد بئش قوروشا، بیر لاواشا

شاعیرین پارتی اگر اولماسا وئل معطل دی
سیندیغی یئردن اینان قویمیاجاخلار قوراشا

شعر و صنعتده چکیر سون نفسین هاممی بیلیر
قورخورام اؤلدو دئسم چوخلاری منلن ساواشا

ایندی شعر اهلی فقط بیر بیرینه شعر اوخویور
دیل داماخ یوخدو جماعت هنره چوخ یاناشا

هر زامان ارشادیدا دیندیریسن بودجه‌سی یوخ
بو جهتدن یئری واردیر کی کتاب خیردالاشا

بسدی سانسورچی داداش سؤزلریمی قئیچی لمه
یاراماز شاعیره بیر کس بئله ناحق دولاشا

بابا والله هنری سالدی سیاست گؤزدن
پیسلرین قایداسی دیر یاخشینی گؤرسه ساتاشا

هنرین ذاتی بولاخلار کیمی چوخ دوپ دورودو
بو رسالتدی قلم ظلم ایله دایم دالاشا

شاعیرین شعری گرک ظلمتی گون میثلی یارا
نه کی شاعیر پارا پول گؤرجگی موم تک سولاشا

یوخسا گول بولبولی تعریف ائلینلر نه کی چوخ
سؤز گرک گون کیمی پارداخلانا، گؤزلر قاماشا

بسدی دای چوخلو اوزون بوللا گئدیرسن شاعیر
قورخورام گئت گئده دای قافیه لر ساختالاشا

ایستسه شاعیر اگر یازدیغی دیللرده گزه
هم گرک ساده یازا، همده گرک اوستالاشا


آروادا قوربان اولوم گونده بو جور تکلیف ائدیر
یا منیم دؤرمه خط چک، یادا گئت شعری بوشا

وئردی تک بیر خالا حافظ نئچه شهرین کلیدین
منده وئررم نیری اؤز دلبریمه گر یاراشا
۲۲مهز۱۴۰۳
https://t.me/Adabiyyatsevanlar

علی رشتبر قاییب

سسیمیز جینقیریمیز چیخمایاجاقدیر دؤیه لر ده،
گؤز اؤنونده آتامیز قبرینی  تئز تئز سؤیه لر ده،

داها کؤینک غمی یوخدور بیزیم اربابین الهی
سؤزوموز یوخ دریمیزدن نئچه کؤینک گئیه‌ لر ده.

او قدر کی‌ باشیمیز دانلاق ایچینده کئیه‌لیبدیر،
بیزی توتماز نه ده قارقیش ائده لر یا اؤیه لرده.

او قدر خدمت ائدیبلر کی قارین یاللی قوشوبدور
نئچه جور قاخ  یئدیریبلر قاداسی یومییه‌لرده.

نه نوخود واردی چوبان تیلتا پیشیرسین شامی اؤترو
نه ده آرپا کی یئیه بوز قویونو یاش په‌یه‌لرده

چکیبلب جان شیره‌میز،هئی سوزولوب شرم اوزوموزدن،
نه گزیرسن داها یوخدور شیره بو بامیه‌لرده.

او‌ غرور سرویمیز اولموش قارا مفتول کیمی اینجه،
نه قیریللیق نه ده‌سیننیق ایکی اوچ قات ایه‌لر ده.

ائله اؤیرندیک عزیزیم بیزه «یوخ»کلمه‌سی یاددیر،
چکه‌ریک بوینوموزا فیل‌‌ یوکونو یوکله‌یه‌لر ده.

دئسه مدّاح ،حسین جانی قاییب احوالیمیزدان،
مسجیدین دام دیواریندان قان آخار مرثیه‌لرده.

https://t.me/Adabiyyatsevanlar

زرین رزندی(طناز)

پاییز گونوتک تئز باتانام،آزجا دا قال گئت
سوُز وئر گئدلی،قوللارینی بوینوما سال گئت
گلدین گله لی،دای هولا قوشدون نکیواره
یابیر کره اوُخشا بوُیوما،یا دیلی لال گئت
لعنت کوُنه زه،هئی باریشیب ،هئی ده کوسورسن
گئتمک سه آماج،باشقا سایاق دوت گیلن حال گئت
سئوگیله شیرین گونلریمی زهره چئویردین
گل قوی مزارا،حالوامی یئ،آغزیدا بال گئت
اهدا ائدیرم اعضالاری کیمسه یه لازیم
هدیه م سنه قلبیم،گل آغا سهمینی آل گئت
ایسترسن اوره ک آرخایین اولسون ایزال اولدوم
سال اوُز الیویله لَشیمه بیرقارا شال گئت
دای قبره نه لازیم چالاسان داش-تاتاتاخ تاخ
وار آدرسیم الده،قاپیما چاخ چاخا چال گئت.

https://t.me/Adabiyyatsevanlar

یالقیز

غزل

مني بو حاليده دينديرمه پريشاندير چوخ افكاريم

يامان آشفته دير فكريم پوزولموش سانكي پرگاريم

ياتير قلبيم چيخير جانيم كشاكشدير وجودومدا

دولوب غمله وجوديم يوخدور اما بيرجه غمخواريم

سيخينتي آز قالير بوغسون اوره ك چيرپينمادان دوشمور

بو جان مولكونده وور – هاي دير، كي الدن گئتدي دلداريم

يوروش ائتدي سپاه غم آليبدير دؤوره مي محنت

امان وئر مير تاپام فرصت توكندي صبريم اينجاريم

يئنه بوندان بئله جانا اوميديم وار يئتم وصله

نه قدري جاندا جانيم وار سنيله واردير ايلقاريم


بو دوزدور بؤرجلويام يارب سنه بو جاني مهلت وئر

منيم ده واردير انصاف سيز مروت سيز بدهكاريم

منه گونده اؤلوم ايستير بوگون ناكس بدهكارلار

فقط ساغليق – سلامتليك منه ايستر طلبكاريم
https://t.me/Adabiyyatsevanlar

خبر
کیتاب تورنی ادبیات سئونلر عائیله سینده
بوگون مهر آینین 1403,7,27 تبریزده تانیمیش شاعیرکریم احمدیان «شاهید» جنابلارینین اوچونجو کیتابی'شهری گولوش آلاجاقا"کیتاب تور نی قید اولدو .بو تورن ساعات 6دا  ادبیات سئونلرین آدمینی کریم قربانزاده نین اجراسی ایله باشلاندی سونرا اوستاد دوکتور "ارشد نظری" رسمی اولاراق تور نی آچدیلارو" شاهید "جنابلارینا یازدیغی شعری اوخودولار،شهری گولوش آلاجاقین تور نی شهرتلی طناز اوستادمیزا شهرکین، اوستاد دوکتور عزیز پورجنابلارینین طنز اوخوماغی ایله دوام تاپدی،
ادبیات سئونلر گلن گونلرده بو تورنی سایین کانالداشلاریمیزا تقدیم ائده جک.
بو کیتابین محتواسی  دادلی دوزلو غزل لر،دوردلوک لرو سربست شعیر لردن عبارت دیر.
شَهری_گولوش_آلاجاق
(شعر مجموعه¬سی) 
یازان :  کریم احمدیان"شاهید
اؤن سؤز: یوسف-حسنی اعظمی
گرافیست: آتابای تیکان‌تپه‌لی
نشر:  پارلاق قلم ۱۴۰۳
قطع: رقعی ۹۴ صفحه
قیمت: ۱۱۰ مین تومن

ادبیات سئونلر1403,7,22

https://t.me/Adabiyyatsevanlar

سایین شاعیرلر،یازیچی لار
لوطفن یازیلارینیزی بیزه گوندرین.

https://t.me/Adabiyyatsevanlar

صیاد_زیادپور

سحر-سحر دؤی قاپیمی
آچیم یوخولو-یوخولو
عزیزله‌ییب اربابیمی
قوجوم یوخولو-یوخولو

قولاغیما اینجه سسین
آخیب آدیمی سسله‌سین
گلمیشم باریشاق دئسین
اوچوم یوخولو-یوخولو

ائنی بوْیو قدر یوْل دؤی
ائویمین هر کۆنجۆنه دَی
قاباغینجا هئی سۆزۆم هئی_
قاچیم یوخولو-یوخولو

بارینیب نوروندان اوْردا
اؤز روْلومو تاپیم نوردا
اؤزۆندن اؤزۆنه، نور دا-
ساچیم یوخولو-یوخولو

آی یؤنۆ اوراغا دوْغروم
هر گئجه قان اوْلور باغریم
دؤنمه‌سن اۆزه‌جک آغریم-
آجیم یوخولو-یوخولو


https://t.me/Adabiyyatsevanlar

فاطمه_عبدی_کؤنول
تبریز

قوینوندا نننی قور، یاتیم دینجه لیم
سن منه لایلا چال من سنه تبریز
اوخشا تئللریمی بیر آنا کیمین
سن منه لایلا چال، من سنه تبریز


کؤنلومده سئوگینی دوزوم، دوزومه
گؤیندن اولدوزلار یاغسین اوزومه
سئوگین یوخو کیمی دولسون گؤزومه
سن منه لایلا چال، من سنه تبریز

گولومسه ، اوزوندن چکیلسین دومان
بورون آی شالینا ،  ایشیغا بویان
بورون آی شالینا ،  ایشیغا بویان
سن منه لایلا چال، من سنه تبریز


آنا تک (کؤنوله) ناغیللار اوخو
اوشورسم، سئوگیندن بورونجک توخو
بیر سن اول، بیرده من، بیر شیرین یوخو
سن منه لایلا چال، من سنه تبریز

https://t.me/Adabiyyatsevanlar

عجب شئرلی حسن

قیشین سویوغونا عادت تاپمیشدیق
یاز گلدی آچیلدی گول لر ،چیچک لر
داریخماق بیلمیردیک اوزون گئجه لر
بیزی باشا سالدی شوخ  کپنک لر

آتدیق اوءزوموزو آلاوا ،اودا
یانماقدان قورخمادیق ابدا ،اصلا
بیلمزدن ندنسه دوشدوک اویونا
آلداتدی کروانی ساری اینک لر

ایندی تووبه ائدیب قاپی باغلیریق
هر نه یی بوشلایب تکجه آغلیریق
آریق دان آریغی یامان یاغلیریق
بیزی قوجاقلاییر کوهنه دیرک لر

https://t.me/Adabiyyatsevanlar