Mo’min.uz

#duo
Уйқуга боришдан олдин ўқиладиган дуо

بِاسْمِكَ اللَّهُمَّ أَحْيَا وَأَمُوتُ

Ўқилиши: Бисмикаллоҳумма аҳйа ва амуту.

Маъноси: Эй Раббим, Сенинг исминг билан тириламан ва ўламан.
@Muminuzm

Шайх Муҳаммад Содиқ Муҳаммад Юсуф ҳазратларининг кун тартиблари…

(Давоми...)
Кейин тушгача ишлардилар. Ўзлари учун кунда 10 саҳифа китоб таълиф қилишни вазифа қилиб олгандилар. Вазифалари тугамагунча тўхтамасдилар, не бўлмасин, уни бажарардилар. Ҳатто сафарда ҳам имкон топди дегунча ишларини давом эттирардилар.
Одатда, пешиндан кейин ҳафтанинг баъзи кунлари дарс ҳалқалари бўлар, баъзи кунлари эса сузишга борар эдилар. Шунингдек, яна баъзи кунлари шомдан кейин дарс берсалар, бошқа кунлари шомдан кейин баскетболга борардилар. Ҳафтада икки марта сузиш, икки марта баскетбол, бешта дарс ва бир нечта мажлис бўларди. Бу бардавом ва бир маромдаги тадбирлар бўлса, ундан ташқари, турли йиғинлар, сафарлар ҳам кетма-кет бўлиб турарди.
Ҳазратнинг вақтига Аллоҳ таоло барака бериб қўйган эди. Буни у киши билан ҳамнафас бўлган инсон ҳам ўз вақтидаги ўзгаришдан сеза оларди. У кишининг вақтга бўлган эътиборларидан Аллоҳ таоло у кишини бу каромат билан сийлаган бўлса, ажаб эмас. Ҳазратнинг вирдларидан яна бири – ҳар доим таҳоратли юрардилар ва ҳар бир таҳорат кетидан икки ракъат нафл ўқирдилар.
Кечқурун соат ўнда, кечикиб кетса, ўн ярим-ўн бирларда уйқуга ётардилар. Баъзан хуфтонни эртароқ ўқиб, кейин ётиш олдидан таҳоратни янгилаб, витрни ўқирдилар. Ҳазрат бирор лаҳзани ҳам зое қилмас эдилар. Вазифаларни ўтаб бўлган пайтлари Қуръон тинглар эдилар. Қуръони каримни кўп ўқир ва эшитар эдилар. Озгина фурсат бўш бўлиб қолсалар, зикр қилиб ўтирар эдилар. У киши бадиий адабиётга ҳам қизиқардилар. Илмий ишлардан бўшаган пайтлари турли бадиий асарлар билан ҳам танишиб турар, ҳикматли шеърларни ўқишни, тинглашни яхши кўрар эдилар.
Исмоил махдум қизи Фотима ҳожи она
Шайх ҳазратларининг умр йўлдошлари📲 Яқинларингизга  хам улашинг!!!
https://t.me/muminuzm - диний маърифий канай

🎙Қалбни уч нарса оқартиради

Отабек домла Мамадиев

Ўзбекистон мусулмонлари идораси
Фатво маркази мутахассиси
@Muminuzm

#Намоз_вақтлари
Музработ тумани учун
📆22.10.2024 йил,
19-Рабиъус соний ойи,Хижрий 1446
Сешанба  ҳолатида

⏳  Бомдод        06:10
⌛️  Пешин         13:00
⏳  Аср            16:30
⌛️  Шом            18:05
⏳  Хуфтон        19:40

🏞 Тонг вақти:       05:35
☀️ Қуёш чиқиши:  06:46
🌥 Қуёш ботиши:   17:46
📲 Яқинларингизга  хам улашинг!!!
https://t.me/muminuzm - диний маърифий канай

#ибрат
Онанинг кундалигидан...
(барча фарзандлар ўқисин)

Жоним болам! Шундай пайт келадики, мен қарийман. Ўшанда сабрли бўл ва мени тушунишга харакат қил...

Агар еётган овқатимни бехосдан тўкиб қўйсам, кийимларимни сенинг ёрдамингсиз эгнимга киёлмасам, «ёш боладан хам баттар» деб оғринма. Сен шундай қилсанг, юрагим оғриса хам маъюс жилмайиб эслайман: кичиклигингда сен хам шундай эдинг, буларни ўргатаётганимда қанча вақтим кетаётганини хатто хаёлимга хам келтирмаганман. Чунки ... ахир сен учун вақт нима бўпти, жонимни хам аямайман. Худди хозиргидай...

Агар сен билан сухбатлашиб ўтирганимизда, битта гапни минг марта такрорласам, эзмаликда айблама, мени эшит. Кичкиналигингда ухлашинг учун битта эртакни минг марталаб ўқиб беришимга тўғри келарди, хар гал жон деб тинглардинг. Менинг хаёт эртагим охирлаб боряпти, қачондир надоматда қолмаслигингни хохлайман, шунинг учун хозирча мени эшит...

Рўзғордаги янгича буюмларга тушунмасам, айбга буюрма, тушуниб олишимга бироз вақт бер. Ахир сенга тўғри ейиш, чиройли кийиниш, хаёт ташвишларига қарши қандай курашишларни ўргата олгандим, буни хам эплай олишимга ишонаман. Шундан кўнглим тўқ, ахир сен ёнимдасан...

Агар қачондир ниманидир эсдан чиқариб қўйсам ёки сухбатлашиб ўтириб, нима демоқчилигим эсимдан чиқиб қолса, койима. Агар эслолмасам, қайғурма. Ахир энг асосийси, гапираётганим эмас, сен билан биргалигим... Ёдингдами, кичиклигингда мендан бир зум хам нари кетишни истамасдинг...

Агар хориган оёқларим менга хизмат қилишдан, суянч бўлишдан бош тортса, қўлларингни узат. Худди қачонлардир илк қадамларингни ташлаётганингда сенга қўлларимни узатганим каби...

Қариётганимга қараб хафа бўлма, ўзингни ожиз хис қилма. Ёнимда бўл, мени тушунишга ва менга ёрдам беришга харакат қил. Худди қачондир эндигина хаётингни бошлаганингда мен сенга ёрдамлашганим каби...

Менга яшашда давом этишимда, хаёт йўлим якунига мехр-мухаббат ва тоқат билан етишимда ёрдам бер. Бунинг учун сени табассумим, хеч қачон сўнмаган, охири йўқ мехрим билан тақдирлайман...

Сени яхши кўраман, жоним болам!...
https://t.me/muminuzm

#tabrik
Давлат раҳбари ўзбек тили байрами муносабати билан Ўзбекистон халқига табрик йўллади

Батафсил: https://muslim.uz/e/post/40466-o-zbekiston-xalqiga-bayram-tabrigi-7

✅ Ўзбекистон мусулмонлари идораси Матбуот хизмати

🌐 MUSLIM.UZ GA 📲 OBUNA BO'LING ✅ VA ULASHING🗣

▶️ YouTube | 📷Instagram | 🔵 Facebook

Шайх Муҳаммад Содиқ Муҳаммад Юсуф ҳазратларининг кун тартиблари…

Мендан ҳазратнинг вирдлари ҳақида кўп сўрашади. Ҳазратнинг асосий вирдлари илм эди. У киши: «Оддий мўминнинг вирди зикр, қорининг вирди Қуръон, толиби илмнинг вирди талаби илм, олимнинг вирди илм тарқатиш», деб қўярдилар.
Кун тартибларига келсак, ҳазрат қишин-ёзин саҳарлаб турардилар. Бироз таҳажжуд ўқиб, сўнгра ишга ўтирардилар. Бомдод вақти кирганда намозни ўқиб, вирдларига ўтирардилар. Вирдлари суннатда келган тонгги зикрлар, Ёсин тиловати ва ўзлари ихтиёр қилган муайян зикрлардан иборат эди. Воқеа сурасини ҳам ҳар куни ўқирдилар.
Кўпинча эрталаб соат 7 ларда маросимга боришлари керак бўларди. Ҳазратни олиб кетгани келган кишининг келганини хабар қилиши ёки дарвоза қўнғироғини чалиши ҳазратнинг наздларида катта беодоблик ҳисобланарди. Улар айтилган вақтга келиб турар, ҳазрат ҳам келишилган вақтга ташқарига чиқардилар. Маросимга олиб кетадиган машина 6:30 га яқин келарди. Ҳазрат 3 дақиқада кийимларини алмаштириб, роппа-роса 6:30 га ташқарига чиқардилар. Вақтни тежаганларидан кийимнинг тугмасини ҳам йўл-йўлакай тақиб борардилар.
Маросимдан келибоқ, яна ишга киришардилар. Сўнгги бир йилдан бери парҳезда бўлганлари учун кўпинча маросимдан келиб, уйда чой ичардилар. Чой ичишлари узоғи билан 15 дақиқага борарди. Кейин ...
(Давоми бор...)
Исмоил махдум қизи Фотима ҳожи она
Шайх ҳазратларининг умр йўлдошлари
https://t.me/muminuzm

#муфтий_минбари
🌙 ИНСОНЛАР НЕГА БИР-БИРЛАРИГА ИШОНМАЙ ҚЎЙДИЛАР
🎙 Шайх Нуриддин Холиқназар ҳазратлари
🌐@Muminuzm

#ҳикмат
Аллоҳ зикри қийинчиликни енгиллаштиради, мушкулни осонлаштиради, машаққатни камайтиради. Аллоҳ зикр қилинар экан, қийинчилик борки, енгиллайди, мушкул борки, осонлашади, машаққат борки, камаяди, шиддат борки, арийди, бирор ғам‑ғусса борки, бартараф бўлади. Албатта Аллоҳ таолони зикр қилиш қийинчиликдан кейинги кушойиш, машаққатдан кейин енгиллик ва ғам‑ғуссадан кейин шодлик (сабаби)дир.
https://t.me/muminuzm

📹Фолбинни тасдиқлашнинг дунё ва охиратдаги жавобгарлиги

🎤Ёрқинжон домла Жумабоев
Ўзбекистон мусулмонлари идораси
Фатво маркази етакчи мутахассиси
🔗 @Muminuzm

Ҳайвон сўйишнинг одоби ва тасмия
Басмала айтиш вақти

Басмала айтиш вақти сўйиш вақтидир. Агар басмала айтгандан сўнг бошқа бир амалга киришса, киришган амали сув ичишга ўхшаш ё бирор инсонга жавоб беришга ўхшаш оз бўлса, басмалага халал бермайди ва сўйилган ҳайвон ҳалол бўлади. Агар басмаладан кейинги амали кўпайиб кетса, яьни таҳорат миқдорича чўзилса ҳалол бўлмай қолади. Ётқизилган қўйга басмала айтилса, сўнгра қўй ўрнидан туриб кетиб бир муддатдан сўнгра яна ўша қўйни сўйиш учун ётқизилса, ҳалол бўлиши учун басмалани яна айтиш шарт бўлиб қолади. Ҳайвонни сўйиш олдидан айтилган басмала шу сўйилаётган ҳайвонга хос бўлади. Ов қилишда эса овнинг асбобига хос бўлади. Шунга кўра бир қўй ётқизилиб унга басмала айтилса, сўнгра ўша басмала билан бошқа қўй сўйилса ҳалол бўлмайди. Аммо басмала айтиб нишонга олган ов асбоби билан нишонидан бошқа овни овласа ҳам ҳайвон ҳалол бўлади. Агар қассоб бир қўйни ётқизиб басмала айтса сўнгра қўлидаги пичоқни қўйиб бошқа пичоқ билан сўйса ҳалол бўлади. Чунки баён қилинганидек басмала сўйиш асбобига эмас балки, сўйиладиган ҳайвонга айтилади.
Басмала лафзи
Қассоб "Басмала"ни "Бисмиллаҳ, Аллоҳу акбар" деб айтади. Агар Аллоҳ исмига бошқа исмни атф қилиб айтса, сўйилган ҳайвон ҳаром бўлиб қолади. Масалан: “Бисмиллаҳи ва Муҳаммадир Расулуллоҳ” деса, яьни Муҳаммад исмининг эьробини жар қилиб айтса, сўйилган ҳайвон ҳалол бўлмайди.
Агар Аллоҳ исмига бошқа исмни атф қилмасдан, орқасидан келтирса макруҳ бўлади. Масалан: Қассоб “Бисмиллаҳи ва Муҳаммадан Расулуллоҳ” деса яни Муҳаммад калимаси эьробини насб қилиб ёки “Муҳаммаддур Расулуллоҳ” деб раф қилиб, ёки “Бисмиллаҳи Аллоҳумма тақоббал минний” деса ҳалол бўлади, лекин сўйишда Аллоҳ исмининг орқасидан бошқа исмни келтиргани учун макруҳ бўлади. "Басмала" айтишдан ва ҳайвонни ётқизишдан олдин айтилган дуолар "Басмала"га халал бермайди.
Сўйишда кесиладиган томирлар
Ихтиёрий ҳолатда ҳайвон кўкраги ва ҳалқумининг орасидан сўйилади. Зарурий ҳолатларда имкон етган жойни жароҳатлаш билан сўйиш ҳосил бўлади. Ихтиёрий ҳолатдаги сўйишда кесилиши лозим бўлган томирлар тўрттадир:
Ҳалқум яъни нафас юрадиган кекирдак, қизил ўнгач ва иккита қон томир. Ушбу тўрт томирдан қайси учтасини бўлсада, ҳайвоннинг тириклигида кесилса, ҳалол бўлади. Бу Имом Абу Ҳанифа раҳматуллоҳи алайҳнинг қарашларидир. Имом Абу Юсуф раҳматуллоҳи алайҳ эса, ҳалқум, қизил ўнгач ва иккита қон томирнинг бирини кесилишини шарт қилганлар. Чунки қон томирни кесишдан мақсад қонни оқизиш ҳисобланади. Қон оқизиш эса, икки қон томирнинг бирини кесиш билан ҳосил бўлади. Иккаласидан қайси бири кесилса ҳам дуруст бўлаверади. Имом Муҳаммад раҳматуллоҳи алайҳ эса ушбу кесилиши лозим бўлган тўрт томирдан ҳар бирининг кўпроғи кесилса, ҳалол бўлади деганлар. Агар кўпроғи кесилмаса ҳалол бўлмайди дейдилар.
📲 Яқинларингизга  хам улашинг!!!
https://t.me/muminuzm - диний маърифий канай

Ӯзингизни ислоҳ қилинг.
Ҳаётда сизни хафа қилувчилар кўпайса, демак, кечиришни унутибсиз. Кечирувчан, раҳмдил бўлинг, шунда хафа қилувчилар камайганини кўрасиз. Йиғган молу-давлатингиз қўлдан кетдими, демак, қалб бойлиги тўплашни унутибсиз. Энди қалб бойлигига эришиш йўлида сабр йиғиш вақти келди. Бошингиз қарздан чиқмай қолдими, демак, шукурни унутибсиз ёки Яратганнинг амрига хилоф иш қилибсиз. Атрофингизда сиздан хафа бўлувчилар кўпайса, билинг, дилозор ва такаббур бўлиб қолибсиз. Ақл-ҳушингизни йиғиб олинг, кибр-ҳавони йиғиштириб, дилларга меҳр улашинг, ана шундагина ҳаётингиз ўзгаради. Фарзандингиз қайсарлик, ўзбошимчалик қила бошласа, билинг, ўзингиз шундайсиз. Ўзингизни ўнгланг, чунки фарзанд ота-она учун кўзгудир. Лавозимингиз ошдими, билинг, атрофингизда лаганбардорлар кўпаяди. Эътиборли бўлинг, бундай ёлғон «дўст»ларни чин дўстларингиз билан алмаштириб қўйманг!

«Қалбга таскин битиклар» китобидан
https://t.me/muminuzm

#Намоз_вақтлари
Музработ тумани учун
📆18.10.2024 йил,
15-Рабиъус соний ойи,Хижрий 1446
Жума ҳолатида
🕰  Бомдод        06:10
🕰  Пешин        13:00
🕰  Аср           16:35
🕰  Шом           18:10
🕰  Хуфтон        19:45

🏞 Тонг вақти:       05:32
☀️ Қуёш чиқиши:  06:43
🌥 Қуёш ботиши:  17:51
📲 Яқинларингизга  хам улашинг!!!
https://t.me/muminuzm - диний маърифий канай

Ассалому алайкум ва раҳматуллоҳи ва барoкaтуҳ
Бугун жума
— 18 октябрь 2024.
—15 робиъус сони 1446.

🤲Аллоҳим,  агар бизни нафсимизга ташлаб қўйсанг, у бизни яхшиликдан узоқлаштиради, ёмонликка яқинлаштиради. Биз фақат раҳматингга ишонамиз. Шубҳасиз, Сен ваъдангга асло хилоф қилмайсан.
https://t.me/muminuzm

🎙Эрнинг мулкини сўрамай ишлатиш гуноҳми?

Устоз Ҳикматуллоҳ домла Тоштемиров

Ўзбекистон мусулмонлари идораси
Фатво маркази бош мутахассиси,
@Muminuzm

🌙 ДУНЁ УЛАМОЛАРИ ҲАКИМ ТЕРМИЗИЙ ЖОМЕ МАСЖИДИДА ПЕШИН НАМОЗИНИ АДО ҚИЛДИЛАР

🕌 Халқаро анжуманда иштирок этган турли мамлакатлар муфтийлари, таниқли уламолар, исломшунос тадқиқотчи ва диний соҳа вакиллари нуфузли тадбирдан сўнг Термиз шаҳридаги Ҳаким Термизий жоме масжидида пешин намозини адо қилдилар.

📖 Намоз сўнгида Қуръони карим оятларидан тиловат қилиниб,  азиз авлиёларнинг руҳи покларига бағишланди. Шу билан бирга, фазилатли уламолар юртимиз ва бутун дунёда тинчлик ва фаровонлик ҳукм суриши, динимиз ривожи ва Ислом олами халқлари тинчлик ва эзгулик йўлида доимо ҳамкор бўлишини сўраб хайрли дуолар қилдилар.

Telegram |Facebook | Termiziy.uz | Instagram | YouTube

https://t.me/surxonmuslimuz