Соллаллоҳу алайҳи васаллам
📗 Аллоҳ таоло айтади: “...Ва унга эргашинг, шоядки, ҳидоят топсангиз...”, Аъроф сураси, 158-оят.
Дунё ва охиратдаги ишларингизда ҳидоят топиш, тўғри йўл тутишни умид қилган ҳолда Набий соллаллоҳу алайҳи васалламга у зот Роббиси азза ва жалладан келтирган нарсада эргашинг. Барча диний ва дунёвий ишларингизда “...унга эргашинг, шоядки, ҳидоят топсангиз”. Чунки, у зотга эргашмас экансиз, катта адашувда адашиб кетасиз. (“Мухтасари тафсири Саъдий”дан).
Кимки хос ёки умумий, тезда келувчи ёки кейинроқ келувчи ҳидоят, тўғри йўлни истар экан, ишончли далиллар билан келган Ҳабибул Мустафо соллаллоҳу алайҳи васаллам(нинг суннати)га эргашишни лозим тутсин. Бугун ўзимизга савол берайлик. Ҳидоят йўлидан қанчалар узоқлашиб кетдик?
Изоҳ: Оятнинг тўлиғи: “Сен: «Эй одамлар! Албатта, мен сизларнинг барчангизга осмонлару ернинг подшоҳлиги Уники бўлган Аллоҳнинг Расулидирман. Ундан ўзга илоҳ йўқ. У тирилтиради ва ўлдиради. Бас, Аллоҳга ҳамда Унинг Расули – Аллоҳга ва Унинг калималарига иймон келтирадиган уммий Набийга иймон келтиринг. Ва унга эргашинг, шоядки, ҳидоят топсангиз», – деб айт”, Аъроф сураси, 158-оят.
•┈•┈•┈•┈•❁✿❁•┈•┈•┈•┈•
☝️ДЎСТЛАРИНГИЗГА ҲАМ УЛАШИНГ!!!
⬇️Линкни босиб каналга обуна бўлинг!⬇️
https://t.me/+HqBivXb1iwRhYTcy
https://t.me/+HqBivXb1iwRhYTcy