💊 Փորձաշրջան՝ առանց վարձատրության
Կազմակերպության գործունեությունն ուսումնասիրելու համար աշխատանքի հայտարարությամբ գնացի հարցազրույցի, ընկերությունում փորձաշրջան անցա եւ ասացի, որ ուզում եմ աշխատել։ Job.am հայտարարությունների հարթակում աշխատանքի համար ռեզյումե ուղարկելուց կես ժամ չէր անցել, երբ զանգահարեցին և հրավիրեցին հարցազրույցի։
5 օր այս ընկերությունում պրակտիկա անցնելուց հետո պետք է անցնեի աշխատանքի, գրանցվեի, ունենայի վճարովի արձակուրդ։ Ընկերության մարդկային ռեսուրսների կառավարման մասնագետ Հասմիկ Կիրակոսյանի խոսքով, իմ գործը զանգեր անելն ու վաճառք ապահովելն է, ինչքան շատ վաճառեմ, այնքան շատ գումար կաշխատեմ։ Բոլոր մարդիկ, ում պետք է զանգահարեինք, նախկին հաճախորդներ էին կամ պարզապես հետաքրքրվածներ, որոնք իրենց անձնական տվյալները՝ անուն, ազգանուն, հեռախոսահամար, տրամադրել էին ընկերությանը։
«Մենք սառը զանգեր չենք անում, բոլորը մեր հաճախորդներն են, կայքերում գովազդ ենք անում, գովազդով անցնում են, տվյալները լրացնում, հետո մեր աղջիկները զանգում են իրենց»,-ասում էր Հասմիկը։
Մանրամասները կարդա՝
Ինչպես են մարդկանց համոզում գնել անօգուտ բուժամիջոցներ