HAMAS: “Arablarning sukut saqlashi Isroilning jinoyatlar sodir etishiga turtki bermoqda”
Falastinning HAMAS harakati arab davlatlari va xalqaro hamjamiyatni keskin tanqid qilib, ularni harakatsizlikda aybladi. Tashkilotga ko‘ra, bu befarqlik Isroilning G‘azo sektorida yangi jinoyatlar va ommaviy qotilliklar sodir etishiga rag‘batlantirmoqda.
Kecha e’lon qilingan bayonotda HAMAS “arablarning sukut saqlashi va xalqaro harakatsizlik” Isroilning qirg'in hujumini davom ettirishiga va G‘azoning shimoliy qismini mahalliy aholidan tozalash urinishlariga yo‘l ochayotganini ta’kidladi.
Ularning ta’kidlashicha, “sionistik dushman” sifatida tilga olingan Isroil Falastin xalqiga qarshi jinoyatlarini tezlashtirmoqda. Shunday jinoyatlardan biri G‘azo sektorining shimolida, Bayt Lahiyadagi ko‘chirilgan aholining yashash hududiga qilingan zarba bo‘lib, unda o‘nlab odamlar halok bo‘ldi, ko‘plari yaralandi.
HAMAS arab va islom davlatlari, BMT va boshqa xalqaro tashkilotlarni Isroilning ommaviy qotilliklarini to‘xtatish uchun samarali chora-tadbirlar ko‘rishga chaqirdi. Harakat bunday hujumlar davom etishi mintaqaviy xavfsizlik va tinchlikka jiddiy ta’sir ko‘rsatishi haqida ogohlantirdi.
So‘nggi ma’lumotlarga ko‘ra, Isroilning Bayt Lahiyadagi butun bir turar-joy kvartalini yo‘q qilgan havo hujumi oqibatida 109 kishi halok bo‘lgan, 40 kishi yaralangan.
https://t.me/FaIastin