🥀قُنِآةّ قُصّآئدٍ وٌآلَحًآنِ خِدٍآمً آلَنِوٌريَنِ {؏ٌ} 🥀

خيرته گلبي وگتله بالـــــــــــدنيا اثنين
حب الحياة الوهم لو حــــــــب حسين
بين الصدگ و اوهام
هاجس خذاني وضلت ادموعي اتصب
ثاري الگلب واصــــــــل مراحل بالحب
ونبضاته كلهه اخيام
حسين
جرحه فزز حـواسي
ومني خالق مواسي
وابچي من كل گلبي يستاهل بچي
گلبي سابگ لســاني
بالعشگ مايـــــتاني
انته من اوداجي احبك مــو حچي

همت ليـــلي
تراتــــــــيلي
حسين وياهي مـــن كلمه
تغذينــــــــي
وتروينــــــي
عطف من فاطمه ورحمه
ابارح كـــــل
صديق وخل
واضل امصاحب الخدمه



ماكنتُ لولا فاطمه انطــــــــتني شان
واتسمه خادم عگب ماچــــنت افلان
احيتني بالنضـــرات
انه الصغير الربته الخـــــــدمه وصار
خيمه ومحـــــــرم من يهل مثل النار
يحرگ شكو عبرات
حسين
مالي غيــــر الخدامه
بيهه اشـوف الكرامه
وشفته حته اليبعد ايــرد يهتدي
ويه حبــــك مصيري
جرحك ايهز ضميري
ماغرگ چــــــف اليندبك سيدي

وحگ رمـحك
احبك جرحك
جرح عــــــــدّل موازيني
صـــرت واحد
يحـــــب زايد
والك كل دمعــي لبعيني
بخلايا الـــدم
عشگ ميـــثم
مشه ومابطــــل اونيني



حبك وجوباً عالگلب مــــــــــا احييت
مو صدفه جابتني فطــــرتي وحبيت
وحزنك وهبني اجروح
عاشورك ايهيج حـــــــــزن كل انسان
شلي ابمشــــــاعر ماتحس بالعطشان
ويم النـــــــــهر مذبوح
حسين
والعطش ضـل يكابر
كاسر اشگــد خواطر
والخيم مامرها ماي ابطيــــحتك
خلهه تجري المـدامع
كون اعيش المواجع
وانته مذبوح واخيــــتك شافتك

خلـص حيلك
مداليــــــــلك
تريدك وانــــته مو گادر
عطش لاهـب
ودمع ساچب
حيارى وتنــــطر الحاير
اذا تگـــــــدر
يبـــــو الاكبر
عليك اتميـــــل الحافر



حزنك فريد وخدمــــــــــتك ماتنعاف
مو الّه حـــب جون ارد احبك هفهاف
واختم حياتي اوياك
رازقني فرصه ومــا اريد اهوى الغير
بس ابخدمــــــــتك لاگي كل التقدير
وامشـــــــيم اليهواك
حسين
مكسب الخدمه دمعه
گلبي خلـــــــيته ينعه
عالمصاب الحــل عليكم بالفله
كل عشگ مـاله داعي
اله حبـــــــــك متاعي
تنعجن كــون اويه گلبي كربله

يجارحــــــني
سرح حـــزني
وبقيت اتخـــيل اخيامك
ينضــــــرونك
وعلى عيونك
هظم من كثرت اسهامك
تريــــــد اتهد
وعليهه اتصد
وتشوف الخيـل گدامك

خادم القصيده
شاكر الصيمري

خادمج يم الحسن حسبيني
الج فدوه تروح روحي وعيني

الج فدوه الروح يا أم الحسن
خادمج وزغير عديت المحن
هي حكها عيوني لو دم وبجن
على حسين وحكها من تدريني

خادمج يم الحسن منذ الزغر
ابجي عالمظلوم واخته ام الخدر
الضلت بلا رأي مشدوهه الفكر
يوم صاحت يمه ما تلحكيني

بخدمتج اتنومس انه أعله الخلكَ
لان حبج فاطمه ينجي الغركَ
كون وبابج أشد روحي علكَ
كون دوم بمجلسج تلكيني

كون دوم بمجلسج كاعد انوح
وحيل ألطم عالصدر ونزف جروح
تره ليهسه نحر أبنج يفوح
فدوه من يوم الفزع نجيني

كون اثبت ما يزل جدمي أبد
وما يهمني الحجي من وادم بعد
لأن ماخذ خدمتج عندي سند
فدوه خادم للحسن سميني
ل أسعد الناصري

يافاطمة الزهراء

سولف ياقدر* ياضلع انكسر
ياباب اندفع *أَحچي المضلمه
ياهوو الي دخل* وبداري اشعمل
راح أَكشِف وَرق* وَبدي المحكمه
--------------------------
تبدي المحكمه اهناك يم ربي اشتكيله
وحچي الصار ووياي وهمومي الثگيله
اوگفهم سره اهناك ولوگفه طويله
حگ الماله طلاب مايبرد غليله


ابدي امن الصفع* لو كسر الضلع
لو من الحرگ* لو احجي فدك
احجي محنتي *ودوست عتبتي
لو من الوئن* يادار انهتك
--------------------------
سؤالي اهناك ينعاد ومنتضره جوابه
ليش المحسن ايموت ومن دمي خضابه
ليش الضلع مكسور والدخلو صحابه
كل هذه الفزع ليش مطلوبه ابطلابه


ضميته الاثر *من جف الصطر
يم رب العرش* اكشف صطرتي
وصوابي الكلف *مابطل نزف
احجو ابياذنب *صارت عصرتي
--------------------------
سؤالي الثاني مطروح وبيافتوى هجموا
بيتي ايذكره قرأن وابلا اذن دخلوا
يعادل حطب نمرود يم الباب جمعوا
ضرمو داري بالنار وبلا رحمه حرگوا


احچي ياأمر* راح احچي العصر
من ضكني ابحقد* تيهت النفس
اچفوف اتزاحمت *وبابي ادفعت
صوتي مختنگ *وبصدري انحبس
------------------------------
كشر للحقد ناب وهل الجور هبت
اتلثميه العدد جان كلهه اعليه هجمت
سعيت او مانفع غاد اعليه الباب طبگت
ماتت جلمت انسان ورحمه الناس وشلت


سعيي مانفع * الباب اندفع
بسمار الالم *هشملي الضلع
اصرخ بت نبي * يضحك ناصبي
ماهم للجره *جملهه ابصفع
--------------------------
ايد اعله الجرح ويد اسند ضهري حدب
أخمد النار وردود ترجع بيه تلهب
محمد شفته بالدار ابصوت الناس ينسب
عجيب الصار ووياي العجب من عنده يعجب

مو دار اصبحت* بيهه اتجمعت
من هب ودب *جن ساحت حرب
المانال الضلع* وفاتاه الدفع
بسياطه اجه *هل البيه الضرب
-----------------------
علي سليم الحسناوي

الاداء ملا امجد الشغانبي

يا ابا صالح مدد *** يا ابا صالح مدد
.............................
يا مهيـمــن عـلـه گـلـوب العاشگين
وين حل بيك الدهـر يالمهـدي وين
يـا دلـيـل الـنــاس بـعـدك تـايـهـيـن
گوم و اصـرخ يـا لـثـارات الحسين

يا با صالح مدد *** يا ابا صالح مدد
🌳🌳🌳🌳🌳🌳
صـول يـلــمــوعــد خــمـد نــارك
خـل يـصـلي عـلـه الرگـب فقارك
ننـشـد و ضـاعـت علـيـنا اخبارك
تڪتـل الحسـره بـدلـيـل انصارك

يا ابا صالح مدد *** يا ابا صالح مدد
🌳🌳🌳🌳🌳🌳
شوك طگـنا و بـعـد ما نحمل هجر
خـلـص بـضـيـم انتـضارك چم عمر
سيدي و چن ندوب ضلعك ينكسر
بـعــد مــا تــنــفــع تـقـي و لا صـبر

يا ابا صالح مدد *** يا ابا صالح مدد
🌳🌳🌳🌳🌳🌳🌳
وي الـعـرش بــس انــتـه الـوصل
هاشـم و وڪت الـعرك ما تنـگبل
گوم و ابرجليك دوس عله العگل
شـيخ و مـربع تـطـالـب بالفـصـل

يا ابا صالح مدد *** يا ابا صالح مدد
🌳🌳🌳🌳🌳🌳
حـمل عـلـه صـفـوهـا و دويـها
و اخذ روس انذالها و رد بـيها
ردم خـل تذڪر عرك ما ضيها
خـلي برڪانك يـدور عـلـيــها

يا ابا صالح مدد *** يا ابا صالح مدد
🌳🌳🌳🌳🌳🌳
و شيب عدك ضال عـدك لا محال
لا صـحاري تـشيـل غيـرك لا جبال
غضب و مغيم غضب يبن الرجال
گوم و افرش گاعها بروس النذال

يا ابا صالح مدد *** يا ابا صالح مدد
...................................

#الشاعر_المرحوم_ميثم_التميمي

ماطابت دنيـــــا ابلا علي
وحســـين العشــگ الازلي
مايملكني كل حب جديد
عباس الحــــــــب الاولي

اعيش   خادم لجمل اســـــامي
اعيش   وهمه الرفعو مقــــامي
اعيش   يومي ابذكــر الهواشم
اعيش   ويكبر حبـــي وغرامي

مقامي ومنــــزلتي   يا ابا عبـــد الله
سؤالي واجـــوبتي   يا ابا عـــبد الله
انه الماحب غيرك    عبدك ومملوكك
يرب كل عاطفـتي    يا ابا عــبد الله


سبحان الرب ومــــــاخلق
من نور الزهــــــره ماطرق
يا اجمل تحفه من السماء
ياضـــــــــي للعالم وانفلق

لكيت   انتي الحــجه الچبيره
لكيت   بيدچ حــط الله خيره
لكيت   عبدچ طالـــب شفاعه
لكيت   رافع ايده وضمــــيره

امان الكل خــائف   فاطمه مــــــــولاتي
والبحگـــج عارف   فاطمه مــــــــولاتي
جمره ثارج عنده   ومثل عطف عيونچ
دخيلج ماشـايف   فاطمه مــــــــولاتي




يانون الحــــــــب وياقلم
يالحارگ بجروحي الخيم
يحسين واقراك ابشـــجن
ياحزنــــــي الاول والاهم

غريب  واقرب واحـــــد علينه
غريب   منك متـــروسه ادينه
غريب  واملفــــــــينه ابعباتك
غريب  يا اجمل مـــــــاهوينه


امير الحب انته    يا ابا عبـــــد الله
بدايه وخاتــمته   يا ابا عبــــــد الله
انه الباع الدنــيا   واشتراها اعيونك
يگلبي وسـالفته   يا ابا عبـــــد الله



ياروحي اعليــــــهه اتغربي
وخل يحدي الزينب مركبي
بالشـــــــــــام الماذبله دمع
ماشـــــــــايل اسم الزينبي

دموع     لو طاحتـــــــلج قليله
دموع     عندي ابصحن العقيله
دموع     تربطنــــي ويه زينب
دموع    وياصــــــــبرج دخيله


يتوفيقـــــي الدائم    زينب وماغيرج
امـــــيرة ال هاشم     زينب وماغيرج
تشرفنـــــي الدمعه    والعليج ابجيهه
واضل عندج خادم    زينب وماغيرج

خادم القصيده
شاكر الصيمري

ملا عمارالديباجي الحسيني

لـ الزهراء ع

اتـضـــيـع شــردتـهــا الـزلـم بالـغــاضريه
الــمـحــسـن و عبــاس لــو كــبرو سويـه



رايــــتـيـن اگـــبـال زيـنــب بالـخـيـام
ماتـفـوت عـلـه الخـيم حتـه الســهـام
مو سـيــوف هـنــاك ما يـطـلـع كــلام
اتــراب فــوگ الـگــاع مايـــگـدر ينام

اولاد حــيـدر شــالـو اســيــوف المنـيـه
المحـســـن و عبــــاس لو كبـرو سويـه


لو تـحـشـم زيــنـب وعـطـشانه مـاي
اتصيح صوب اخوانها ومضيعه راي
المحسـن ايگل لبـوفاضـل يـمي هاي
خويه حاضر عالــمـتـن شـايـل لواي

هســه اجــيب الشاطي لـلـخيـمه باأديه
الــمــحـسن و عــــبـاس لو كبرو سويـه


رايـتـــيـن ودنـگــت كـلـهـا السـيوف
مو اثنين اچـفـوف لا اربع چــفــوف
زينب العـباس والــمـحـسن تـشـوف
اثـنيـن هــمـه وشـردو كــل الألـوف

اثـنـيـن بس اثـنـيـن من حامي الحميه
الــمــحـســن و عبـاس لو كبرو سويـه


يااخـيام الــــتـحــتـرگ وتـمـسـها نار
المـحـسن وعـباس چنـهـم ذو الـفـقار
اليـوصـل الخيـمـه يـرد مثـل الـشرار
اثـنــيـن ويــسـوون عالعسكر حـصار

الـزلـم مــــو بالكــثره تـحـسـمـها القـضـيه
المحـســن و عـــبـاس لو كــبــرو ســويــه


بلا نـگـاب اوجــوهـم معـروفـه زيـن
مبين من ابعيد البروحـه الــحـسـيـن
مـــاطــيـح الرايــه واطـيـح الأديــن
بالـحـرب واحدهـم وگــلـبـه حـنـيـن

ايفكـر بزيـــنـب يـضـــل وقــت الأذيــه
المحـســن و عبـــاس لــو كبــرو سويـه

لـ #حيدر العماري