قناة تلحين كروب وفاء العباس ع

نعى الأب

شيعودها ايامك ويانه
ضيم الدهر عگبك غطانه
شيعوض  الولي   وحنانه
💧💧💧💧💧
شيعوض حنانك واليالي
صارت الفراگه احا يغالي
بس الصور ضلت اگبالي
💧💧💧💧💧
بس  الصور   وايام  حلوات
ما  طولن   كلش     قليلات
بناتك بالهضم ضلن يتيمات
💧💧💧💧💧
هم ترجع يبويه  لينه و تعود
واودع الحزن  وانزع  السود
اجينه الدارك والباب مسدود
💧💧💧💧💧
وين العاشرينه وعشنه  وياه
غطانه  بحنانه  ولذت   ارباه
خلصت العشرة وهل  فگدناه
💧💧💧💧💧
وين الوجوه الݘانت مزهره
يگولون    نامو      بالمگبره
هنه  عليهم   وفلو   العشر
تمت✍خادمة أم أبيها الشاعرة أم علي الحلفي

https://t.me/gsssaads

استشهاد مولاتي فاطمة الزهراء عليها السلام



يانبع الحنان وشمعة البيت
بحضانچ عشت يمه وتربيت

🏴🏴

يانبع الحنان الماكو منّه
شمعة بيتنه وام المحنه
خيمه وبيهه ملتمين چنّه
ياذاك الزمان ابسرعه عدّيت

🏴🏴

ياذاك الزمان وذيچ الايام
ويّه امي الحنينه وسفه مادام
اريد اشكيلهه همومي والآلام
ليله وياچ نتسامر اتمنيت

🏴🏴

اوياچ الشوگ مشتهيه ارد احلّه
واحچيلچ الهم والضيم كلّه
فراگچ سووه بلدلّال علّه
ياذيچ الليالي تعود ياريت

🏴🏴


تحن لشوفتچ وتريدچ الروح
لو تدرين گلبي شلون مجروح
من بعدچ حويت الهم والجروح
جرح يلچم جرح يايمه ظليت

🏴🏴

بغيابچ ييمه متيّها الراي
چنتي شايله الهم كله وياي
اخلافچ صار مُر الزاد والماي
ولا بالنوم من عگبچ تهنّيت

🏴🏴



ام محمد الحجاج

https://t.me/gsssaads

استشهاد مولاتي فاطمة الزهراء عليها السلام



يانبع الحنان وشمعة البيت
بحضانچ عشت يمه وتربيت

🏴🏴

يانبع الحنان الماكو منّه
شمعة بيتنه وام المحنه
خيمه وبيهه ملتمين چنّه
ياذاك الزمان ابسرعه عدّيت

🏴🏴

ياذاك الزمان وذيچ الايام
ويّه امي الحنينه وسفه مادام
اريد اشكيلهه همومي والآلام
ليله وياچ نتسامر اتمنيت

🏴🏴

اوياچ الشوگ مشتهيه ارد احلّه
واحچيلچ الهم والضيم كلّه
فراگچ سووه بلدلّال علّه
ياذيچ الليالي تعود ياريت

🏴🏴


تحن لشوفتچ وتريدچ الروح
لو تدرين گلبي شلون مجروح
من بعدچ حويت الهم والجروح
جرح يلچم جرح يايمه ظليت

🏴🏴

بغيابچ ييمه متيّها الراي
چنتي شايله الهم كله وياي
اخلافچ صار مُر الزاد والماي
ولا بالنوم من عگبچ تهنّيت

🏴🏴



ام محمد الحجاج

https://t.me/gsssaads

ابوذيه

روحي الصبر ملته وملها
سنين وتنطر المنقذ وملها
غريبه تلوج بغيابه ومالها
غير الدعوه أله صبح ومسيه
..............................
أبغيابك جور دهري ﻻزماني
يظكني وما أصيحن ﻻ زماني
الصبر مر وأجرعه ﻻزم آني
لمن تظهر يبن سيد البريه
..........................
أمام الكون يالبالكون عله
تمرمرنه بغيابك بينه عله
أشتنطر واليهودي هواي عله
ونسه خيبر يبن حامي الحميه
..............................
لخادم آل البيت .عليهم الصلاة والسلام .
عبد الكريم سيد سعد . نسألكم الدعاء

https://t.me/gsssaads

.
قصيدة... مات الضلع...  متعددة الأوزان
.
................والمستهل ...........
.
مات الضلع بالعصره...خدي انذبح بالسطره
ظل گلبي ملهوف
يالمرتضى لاتنعى ... اگطع نزيف الدمعه
فكر بالطفوف
وداعاً    ...  وداعاً يا علي
.
ـــــــــــــــــ ❁ ❁ ❁ ـــــــــــــــــ
.
عود الورد مني ذبل ..
ذبحوني قربان الهُبل
اهل السقيفه ابلا وجل .... ولوني
.
طبع الاصابع والاثر ..
يروي الك ذبح النظر
يالمرتضى برفس الظهر...... سِبوني
.
بضلوعي بسمار انغرس
                  ظل يگطع انفاسي
كل شهگه چن حافر فرس
                   تسحگ أعز ناسي
مسبيه صرت ابحضرتك
                    تنظرني حراسي
ياروحي امسح دمعتك
                 لا تجرح احساسي
لا تجرح احساسي
.
بس هالمسيه وينگطع حبل الوصيه
فكر يروح المصطفى بالغاضريه.  .. بالغاضريه
.
يل بلترب تدفني.. لا تترك حسين ابني.
.ايظل بلا اخوان
عمرك گصير وتدري .. لتخلي وردة خدري ..
تهظمها الاحزان
ونيني .   عليهم يعتلي
.
ـــــــــــــــــ ❁ ❁ ❁ ـــــــــــــــــ
.
هاي الأمانه ابرگّبتك ..
إنشد يحيدر أخوتك
عن حره تكفل عترتك... أبيّه
.
ذاخر الك رب السمه ..
زوجه عظيمة وعالمه
حره واسمها فاطمه.... وفيّه
.
وكت الغروب ابعتبتي
                   الشمعه تشعلها
سبعه المثاني الغربتي
                     تنعى وترتلها
حوريه من جنة عدن
                     الباري أنزلها
تصبر على مُر المحن
                 حره وتعد الها
حره وتعد الها
.
أم البنين  الطاهره الله اصطفاها
هاي التي نذرت الي منزف دماها
منزف دماها
.
الگبري من تجيني .. بماي الورد ترويني
تندبني وتنوح
يالزهره لترديني .. اربع ولد انطيني
بلسم للجروح
.
همومي...بذكرها تنجلي
.
ـــــــــــــــــ ❁ ❁ ❁ ـــــــــــــــــ
.
راح ابقى اندب بالگبر ..
وسط اللحد دمعي يدر
للباري الهج وانتظر .... بلانفاس
.
موعوده من واحد أحد ..
اسمع خبر شبل الاسد
يالزهره هاليوم انولد ... العباس
.
من يبتسم وسط المهد
                  آنه الي ناغيته
من يگطع اگماطه ويشد
                    يعني تنخيته
بعيونه لو هل دمعته
               بحسيني وصيته
يعني أمه هيه الولدته
                 وآنه الي ربيته
.وآنه الي ربيته.
.
أبو الفضل من ينولد انت تشوفه
قبلي عينه ياعلي وقبل چفوفه
.قبل چفوفه
.
هذا البطل انتظره. ياخذلي ثار العصره
بيمينه بتار
اهداني ربي الردته .. نشمي وتكفل أخته
واخوانه ابرار
ندائه... يگاعي زلزلي
.
ـــــــــــــــــ ❁ ❁ ❁ ـــــــــــــــــ
.
أم البنين املوعه..
تجمع ولدها الاربعه..
المدمع بخدها نعه.....يشجعان
.
احفظو يمه اوصيّتي ...
البضعه جمّرة دمعّتي
هاليوم اشدّن شيلتي .. للميدان
.
يمه يشيال اللوه.
          من فــدوه لسنينك
يايمه لاتشتم هوه
             يم رية احسينك
اشبع عطش لاترتوي
            عيش ابميادينك
ثابت تظل ماتلتوي
           لو صوبوا عينك
لو صوبوا عيني .
.
علة وجودي وهيبتي يمه الزچيه
خلوني بيكم افتخر يوم المنيه ..
يوم المنيه
.
نعم الذكر ذكرها ... اعظم خدر خدرها
حره اوديعه
يوم الحشر والمحنه .. يمه تلمنه كلنه
هيه الشفيعه
.
يقيني....وجودي الأولي
.
ـــــــــــــــــ ❁ ❁ ❁ ـــــــــــــــــ
.
مذبوحه عمري 18 
دمي على العتبه انفرش
چن زينب ابليل 11   .. سبيه
.
لو انته بالهامه انصبت
الچبده تنظرها ابطشت..
يعني يحيدر اعلنت ...منيه
.
انظرها وانظر عتبتي
               واتخايل اخيامي
بدمعتها انظر عترتي
              وامراكض ايتامي
يم بابي ما اذرف دمع
             لو الها ظل حامي
ماينكسر منها الضلع
            من تندب الظامي
من تندب الظامي
.
الفضه ما اندب أبد لو عندي خوان
كثر ولد زينب تره وراها عدوان
وراها عدوان
.
ترباتي فاهم درسه .. خيط الخدر يحرسه
لو دمه مدرار
يعني الشمر انظره .. اينادي طلعوا الزهره
وحدها بالدار
.
سلامي.   .. الى اكرم ولي
.
ـــــــــــــــــ ❁ ❁ ❁ ـــــــــــــــــ
.
انطيني ايدك ياعلي ..
خلني اعله چفك انتچي
مطلب الي عندي وحچي ... اسمعه
.
ماتنسى ردتك كربله ..
يوم السبي والعايله
غربة شبابي بالفله .. ارد انعه
.
ارد اندب وانعى وأون
               هاليــــله من داري
وي دمعتك يابو الحسن
                ارد ارتجي الباري
انظر ظهور المنتظر
              لجل الدمه الجاري
والشيعه بسمه تنتصر
               من تطلب ابثاري
من تطلب ابثاري
.
كل يوم اشوفن شيعتي وسط المجالس
صارت يحيدر دمعتي الهم مدارس
الهم مدارس
.
هذا الكلام الگلته.. بچف يمنتك دونته
هاليله تذكار
ابمصحفي اذكره ... ذخر لختام العتره
كل كلمه اسرار
.
وفاتي....هاليله تبتدي
.
.تمت ... بفضل ربي وعطاء اهل البيت عليهم السلام
.
.

حسن الموالي الفاطمی
https://t.me/gsssaads

#قصائد_شهادة_فاطمة_الزهراء_ع

🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ

قصيدة بحق المحسن سقط الزهراء عليهما السلام


يالمشيت ازغير دللالي انمرد
يبني لا ناغيت لا نمت ابمهد
------------------------------------------------
احسب حساب الليالي وانتظر
كَلت من تصير افرح وابــــــــتشر
صابك البسمار وي ظلعي ابغدر
من زغر ياحــــيف شو راح الولد
------------------------------------------------
چانــــت ابالي اناغــــــــيك ابــــــفرح
صدري لو ناغــــــيت يايمة انشرح
رحت يالمحسن ودلالي انــجرح
طير جــــــنة وراح للباري وصعد
------------------------------------------------
اكَعد اتصــــــور تجيني وي اخـوتك
وتترس البيت وتسرني بظحكتك
ما تــــــــمر عالبال يبــــــــني روحــــتك
عــــــني راح بعيد وبــــــساع انــــفكَد
------------------------------------------------
حســــبيت اتعيش وأخــوانك سوة
ويالحسن وحسين صيرولي دوة
كَلــــــــبي من النوح يايــــــــــــــمة خوة
ما تهنــــــــــيت ابفــــرح لحظة ابــــــــــد
------------------------------------------------
توكَف لزينب حماية عنــــدي ظن
بجالكم ماتهتم ابجــــــــــــــور الزمن
لچن بعد ايام عــــــــمرك ما بــــــــدن
ورحت لا صرتلها تچوة ولا سند
------------------------------------------------
صارت احلامي رماد وبالهــــوة
لا عشــــــت وياي لا كَلبي ارتوة
من طحت للكَاع دلالي انچوة
يبني الله وياك ما شوفك بعد
------------------------------------------------
ريت كَاضي وياك يايمة العمر
والله لفراكَك بعد ماظل صــبر
وصل لجدك سلامي من تمــــر
كَله بــــــــــــس ايام ظلها عــــــــــدد
------------------------------------------------
راح اعيش ايام وانطر موتتي
يمة يالمحسن قريبة جيـــــــــتي
يبني علة موت هاية علــــــــتي
كَلبي لجل الموت يايمة استعد


أسالكم الدعاء رائد الاسدي


https://t.me/gsssaads