شعراء وذواقين الشعر الشعبي

@she3r_shabe2

قناة لكل المتابعين الكرام ❤❤
قصائد شعر 😊
تجدون هنا كل القصائد كتابة
التي يتم نشرها في بيج( شعراء وذواقين الشعر الشعبي )
تابعونا أول بأول 💜💜💜💜

شعراء وذواقين الشعر الشعبي

22 Oct, 16:35

.
صاير ما تحن كلش هالايام
وحيل تغيرت بيك المودة
تجر گلبي وتحبسه بطرف الرموش
لا عينك تشبكه ولا تهدة
رد كلمن يحبك جنحه مكسور
بس مكسور خاطر لا تردة
.
.
#شعراء_وذواقين_الشعر_الشعبي
#نائل_المظفر
#ابو_تراب

651

شعراء وذواقين الشعر الشعبي

21 Oct, 21:23

يبين على اليحبون
سواد الجوة العيون
علامات السهر
شسولفلك على الفراك
تضل لكلشي تشتاك
اذا جرحك كبر
يا گلبي وتسأل تريد
بعد عافوك شيفيد
شنو يفيد العذر
.
.
#شعراء_وذواقين_الشعر_الشعبي
#منقول
#ابو_تراب

1,156

شعراء وذواقين الشعر الشعبي

21 Oct, 18:16

ها يالخسرتك من وكت ها يالخسرتك
على الفركه ليش استعجلت لا لا اعلى بختك
لو بس الك جيه وتجي
ليل ونهار ابقى ارتجي
صدكني لو مية سنة جان انتظرتك
ها يالخسرتك
.
.
#شعراء_وذواقين_الشعر_الشعبي
#منقول
#ابو_تراب

1,215

شعراء وذواقين الشعر الشعبي

21 Oct, 15:53

منو يسأل علينه احنا البعيدين
ومنو يسأل علينه لمن نغيب
احنا المحد النا ومدري منين
مكتوب بجناسينه غريبين
وين اهلي علية ما دكوا الباب
ترى صحتي علية وگلبي موزين
خلصنه عمرنا بالمطارات
سفر وبيوتنه انباعت يا طيبين
غنينه وعلينه ألتمت الناس
وانا وصاحبي ما نعرف الناس
وبعنه عقولنه بسوك المجانين
.
.
#شعراء_وذواقين_الشعر_الشعبي
#الكاطع
#ابو_تراب

1,394

شعراء وذواقين الشعر الشعبي

19 Oct, 22:01

يا حبيبي
الليل حلفني بضحكتك يلا نمته
مرة كتلي الدنيا شنهي ؟
وكتلك انت
.
.
#شعراء_وذواقين_الشعر_الشعبي
#باهر_الجنديل
#ابو_تراب

1,832

شعراء وذواقين الشعر الشعبي

19 Oct, 20:44

الليلة گلبي يموت سكته
وحتى محد يدري بيه
فراك وجهك عذباني
وعذبتني المغربيه
اثنينهن حيل يردن
فراكك وچلمة خطيه
انت وحدك تسوى دنيا
هواي انت و مو شويه
.
.
#شعراء_وذواقين_الشعر_الشعبي
#منقول
#ابو_تراب

1,831

شعراء وذواقين الشعر الشعبي

19 Oct, 18:11

.
وين الخلل بالزمن ؟
مدري الخلل بالبشر
محد يفسر هاي
الكبر خياله الضوة
ما اشوفه نفس الحجم
غيري اليشوفه هواي
.
.
#شعراء_وذواقين_الشعر_الشعبي
#سمير_صبيح
#ابو_تراب

1,822

شعراء وذواقين الشعر الشعبي

19 Oct, 18:08

تعال من السفر كافي من الفراك
كلت يومين لكن صارن سنين
ما هزك حنين ويوم تشتاك ؟
ولا گلبك يسألك صاحبك وين ؟
صرت كلي حزن من راسي للساك
تعال احسبها منه وجيتك دين
اريد اشبك الروح بروحك اشباك
واريد انگلب كلي ل شوفتك عين
.
.
#شعراء_وذواقين_الشعر_الشعبي
#رحيم_المالكي
#ابو_تراب

1,601

شعراء وذواقين الشعر الشعبي

19 Oct, 15:47

.
انت يا كل شي حلو بالدنيا هاي
يا ضوة عيوني وشريك رويحتي
يا ربح عمري وتعب ذيج السنين
يا نشيدي وموطني وكل غيرتي
ما تحن شعطلك انت حنين
انت يا الشالع گلب محبوبك
والله زحمة الليل لو ذكرني بيك
هاي هم محسوبة من ذنوبك
انت مدري منيلك هذا البرود
يا الجنت من ازعل تغنيلي
مرة كتلي الدنيا هاي شنهي عود
وانا كتلك مثلك شتعنيلي
.
.
#شعراء_وذواقين_الشعر_الشعبي
#عزام_الشمري
#ابو_تراب

1,791

شعراء وذواقين الشعر الشعبي

19 Oct, 15:31

انتهت الله وياك ما نصطلح دوم
بالجنه لو شفناك بس تكعد نكوم
.
.
#شعراء_وذواقين_الشعر_الشعبي
#منقول
#ابو_تراب

1,676

شعراء وذواقين الشعر الشعبي

19 Oct, 14:37

.
هي الكارثة من تحب بلا اسباب
الكدامك يحس بيك سلعه
من تشوف نفسك عادي تنباع
من واحد عليه عمرك تدفعه
هذا انت بكثر ما بيك حلوات
انا بكل كتر من عندي وجعه
مثل ما الله رصعه بوجنتك حاط
هيج انت اعلى گلبي مخلي رصعه
.
.
#شعراء_وذواقين_الشعر_الشعبي
#رائد_ابو_فتيان
#ابو_تراب

1,689

شعراء وذواقين الشعر الشعبي

18 Oct, 21:23

.
شكد عن عزتي تدنيت
شكد بلا وعي تعنيت
شكد زعلان بس حنيت
.
.
#شعراء_وذواقين_الشعر_الشعبي
#علي_مهدي
#ابو_تراب

1,856

شعراء وذواقين الشعر الشعبي

18 Oct, 20:22

اذا تتوقع انا انسى لا تتوقع
بعدني بأنتظارك يمتى ما ترجع
رسايلنه القديمة من يجيني الليل
اطبلها بسهولة وبصعوبة اطلع
.
.
#شعراء_وذواقين_الشعر_الشعبي
#حسين_السعيدي
#ابو_تراب

1,854

شعراء وذواقين الشعر الشعبي

18 Oct, 20:18

من ذكرتك سكت كلشي
وعاند الصفنه وبقى يصب الدمع
ومن ذكرتك مدري شنهو الصار بية
رفس گلبي وراد يشلعلي الضلع
وصحت شو محد سمعني
وللعلم لمن ذكرتك جان ليل
وصوت دخان الجكاير ينسمع
.
.
#شعراء_وذواقين_الشعر_الشعبي
#جليل_الكعبي
#ابو_تراب

1,840

شعراء وذواقين الشعر الشعبي

18 Oct, 17:59

.
فحطت خلگي وبعد زعلك طويل
ودرب الملاگه علية شبعدة صار !
روحي ما بيها عشك خلص عليك
و بسما جروحي حنينك كله طار
فرفحت روحي ونكت جفوفي حيل
من سمعت بواهس يم غيري صار
.
.
#شعراء_وذواقين_الشعر_الشعبي
#علي_رشم
#ابو_تراب

1,801

شعراء وذواقين الشعر الشعبي

18 Oct, 16:10

.
عافتني حقها ما لكت حل عندي
ما جنت اليناسب حلمها الوردي
جانت تحبني وحاولت تبقى وياي
بس الظرف اجبرها توكف ضدي
مو مشكلتها ايامي كلهن صعبات
يومية تسمع همي وبحيره تبات
على الحلوة والمرة اتفقنا نضل دوم
بس الصدك يا حلوة كلهن مرات
.
.
#شعراء_وذواقين_الشعر_الشعبي
#احمد_المرشدي
#ابو_تراب

1,872

شعراء وذواقين الشعر الشعبي

17 Oct, 20:59

.
هم عبرت الساعة اثنعش هم اجى الليل بدونك ؟
وما ادري وين انطي الوجه من تجي ابالي عيونك
ما اعرف شضل من رحت
ما اكول عن روحي طحت
بس جنت اهز ايدي اذا واحد يكلي شلونك
شسويت بية من درت وجهك بأخر نظرة ؟
ضليت واكف مستحي مثل البيوت الفقرة
ومن عدها ضليت افتهم
ليش المفاركله محب من يمشي يلزم ظهرة
يال على الرسايل ما ترد
لو تعرف احساسي شنو من اكتب وما تقرأ
.
.
#شعراء_وذواقين_الشعر_الشعبي
#احمد_عاشور
#ابو_تراب

2,078

شعراء وذواقين الشعر الشعبي

17 Oct, 20:01

.
نسيت وصدكت كلت انا ناسيك
اول ما نسيتك فكرت بيك
شلتك من لساني
اتصلت بشخص ثاني
كلت حاجيت غيرك ثاري احاجيك
.
.
#شعراء_وذواقين_الشعر_الشعبي
#صباح_الهلالي
#ابو_تراب

1,873

شعراء وذواقين الشعر الشعبي

17 Oct, 19:24

ما فكرت بية ؟
ما صار عندك نقص
من فجأة تترك شخص وياك يومية
من توكع بمشكلة
ما ترجع الذاكرة وتحتاجني شوية
هسة انا خل نفترض ايامي تنساهن
ما عندي يمك صور بالصدفة تلكاهن
.
.
#شعراء_وذواقين_الشعر_الشعبي
#حسين_السعيدي
#ابو_تراب

1,863

شعراء وذواقين الشعر الشعبي

17 Oct, 18:42

.
انتهينه
وانتهى الما ينتهي وخلص حجينه
انتهينه وبقت كطرات الوفى المذبوح تتناثر علينه
وبقت للمجفين كومه اسرار عد روحي الامينه
وكون نستاهد عتبنه يفيد بيهم عاتبينه
وكون يسوون البچي جا ب اثنعش ناظر بچينه
.
.
#شعراء_وذواقين_الشعر_الشعبي
#الكاطع
#ابو_تراب

1,990