الشاعر زيد الهاجري @zaidalhajry Channel on Telegram

الشاعر زيد الهاجري

17 Jan, 21:52

وأذا وازتك الفرگة !
چا مو كلهن تلمهن

عوفلنه وجه ينشاف
هلبت عين مو عينك ، ولو ماظن
تندار لملامحنه

عوفلنه دمع ينكَال
وين الله وأصابع مو أصابيعك ، ولو ماظن
تسمعنه

أذا لميتهن كلهن ، شيضوكَون من عدنه ؟

دخيل الله
شيجيبلنه شمّه وندري مو منك ، وتلوكَـ أعله ريّتنه ؟

1,967

الشاعر زيد الهاجري

15 Jan, 21:17

آنه مشكلتي المسافة
والوجود المادي
چا هسه جيتك

عندي أحلى من سياج الجنة لون سياج بيتك .

2,576

الشاعر زيد الهاجري

26 Dec, 12:19

خاف چانت عايزة اكتملتلي بيك.

4,349

الشاعر زيد الهاجري

20 Nov, 20:11

شما ألم البيه وأتدفى بوحدتي
تجيسني برودة فركَتك

شما أتوب من الحنين اليلبس ضلوعي أعله كيفه
تركض ببالي ضحكتك

شما أكَولن كافي مو كَد مشتهاتي
ألكَه طاريّك لذيذ
وألكَه روحي منين ما چان أشتهيك

آخ يا عيني شّيكضها

آنه بالكَوه كَدرت أغفى أعله عرفي
وكَوه لميت بحلاتك خاف تندل وتجيك

وخاف ما خاف وعبر طيفك عليها
وخاف چانت عايزه أكتملتلي بيك

7,012

الشاعر زيد الهاجري

20 Nov, 19:54

لا تفههْ
هواي وجوه جاي تزاحمك بيهم
صفنتك ما تجيب عيونهم يمك ، روحلهم

ودوّرهم
لا تبقى أعله هلبت والله ويرجعون
الشته لو عنده صيف يفكَده مايبرد

ولا تنطي مساحه الفركَه مثل النار
أذا ما تختنكَـ بالملكَه ما تخمد

• روحلهم

وأحچي سوالفك كلهن
و راوي أغصانهم طيرك

ليش تجازف بكَلبك ؟
شنو اليضمنلك يظلون يذكرونك ؟

باچر عكَـبه كلشي يصير
ويحلى بعينهم غيرك

5,746

الشاعر زيد الهاجري

20 Nov, 19:51

وأذا وازتك الفرگة !
وأذا حاچين كل سنينّه بأذنك !
وأذا طيّحنه كل ضحكاتنه بحضنك !

• چا مو كلهن تلمهن

عوفلنه وجه ينشاف
هلبت عين مو عينك ، ولو ماظن
تندار لملامحنه

عوفلنه دمع ينكَال
وين الله وأصابع مو أصابيعك ، ولو ماظن
تسمعنه

أذا لميتهن كلهن ، شيضوكَون من عدنه ؟

دخيل الله
شيجيبلنه شمّه وندري مو منك ، وتلوكَـ أعله ريّتنه ؟

4,427