احصاء علوم طبية ( م. ياسين القماطي )

قناة الكيمياء للمهندس محمد الاندلسي 🥇
دفعة 2006 كيمياء عامة + عضوية ⭐️

https://t.me/genchemandulsi

دكاترتنا المنسبين للتخصصات ( بشري + اسنان + صيدلة ) 🙋🏻‍♂️

هادم قنوات البايو والفيسو للدكتور القدير نادر التونسي 🥇

https://t.me/nader_bio_introduction

https://t.me/nader_introduction_physio

بعون الله حتستمتعو بيهم وموفقين يارب ⭐️
معاكم مش في الاحصاء بس 😅

الطلبة اللي منتسبين اسنان ( بعد غياب للقسم لمدة طويلة )

هذه القناة خاصة بيكم وحتساعدكم ⭐️
https://t.me/+jfR8B6y-H1hlNTY0

الدكتوره اسراء حتنزل ملخصات موادكم باذن الله وحتستفيدو من نظامها ومنها حتكون قناة لنشر اخباركم 🤍

كل التوفيق ليكم يارب 🙏🏻

دكاترتنا طمونا عليكم قالو النتيجة طلعت و يارب تكونو وفقتو في كل موادكم 🤍
كم جبتو في الاحصاء 🤔

بوست الختام ⭐️

في نهاية مادة طويلة كانت متعبه وصعبه ان لم تكن الاصعب.

مسيرة سنتين بديتها مع اغلبكم من ايام الشهادة الثانوية وختمناها اليوم، كان لي كل الشرف ان أكون ولو جزء بسيط من نجاحكم واجتيازكم المادة بنجاح.

كان من اتعب السيمسترات اللي مرو عليا في تدريسها من غموض في المنهج وعدم تنسيق وسوء ادارة جامعة ومع هذا قدرنا نجتاجوها وحيقعد كله ذكريات.

كل تمنياتي بالتوفيق والسداد في باقي امتحاناتكم ومسيرتكم المقبلة ويارب نشوفكم دكاترة وتحققو جميع طموحاتكم 🤍

الشيتات والملخصات والمنهج باش وصلوكم بالشكل المنظم والترتيب هذا خدو مني وقت وجهد غريبين فمتنسوناش من دعوات الخير 🤲

في حفظ الله دفعة 2005 🫡

م. ياسين القماطي ✍️

سؤال صاير عليه هلبا جدل رقم 31 في نموذج A.

• الطالب اللي حل بالتقريب واستخدم 0.33 الناتج كان موجود في الخيارات.
• واللي استخدم العدد كامل بدون تقريب 0.3333 الناتج مكانش في الخيارات ودار جميع الاجابات خاطئة.

الزوز عندكم الحق وحلكم صح وفي انتظار المنسق شن يقول، وللامانة الحالتين تستحقو درجة السؤال لان مش موضح في ورقة الامتحان ومش كاتب باستخدام التقريب ولا لا.

السؤال رقم 30 كان موجود في نموذج قديم للمنسق دايره اختبار ذو طرف ايسر زي ماموضح في الصورة.
وكذلك في طلبة داروها من طرفين كمفهوم من صيغة السؤال.

باذن الله المنسق حيبين النقاط المبهمة هادي ويدير حل يرضي بيه الجميع وميضيعش تعب حد منكم 🤍

قداش ماكنت نتمني انه الاسئلة ميكونش فيها نقاط زي هادي وتكون نهايتنا وختامنا للمادة بصورة واضحة ومريحة.

جدا نتمني انه تحصلو كلكم حقكم وانا فقط كنت وسيلة حاولت نوضح شن صاير ونوقف معاكم وهذا كان حد جهدي.

نتأسف علي اي تقصير او تأخير بذر مني
وتمنياتي لكم بدوام التوفيق 🤍

الاجابة النموذجية للامتحان النهائي ( نموذج A ) ⭐️

عدد الاسئلة 40 وكل سؤال عليه 1.5 درجة.

اقرا رأي الشخصي في الاسئلة قبل كل شي.

اسئلة الامتحان كمستوي علمي تعتبر متوسطة اغلبها مباشرة مع وجود بعض الفقرات فيها افكار وهذا شي طبيعي 👌

ولكن للامانة تحتاج وقت في الحل وزمن الامتحان كان مقتول قتل وغير متناسب نوعا ما مع كمية المسائل الموجودة ( ساعتين وفي بعض اللجان مخدوش وقتهم بالكامل ).

كان يوجد خطأ في نموذج A في السؤال رقم 39 ومن المفترض انه تعطي درجته للجميع ✅
* يمكن حل السؤال 40 عادي ولا اعتقد يعوضوكم عليه.

السؤال رقم 30 موجود نفسه قديم للمنسق وحله اختبار ذو طرف ايسر.

عموما سواء لحقت علي الاسئلة كاملة ام لا اليوم افتخر بالشي اللي قدمته لانك حطيت كل جهدك وتفكيرك في المادة وهده الدرجة هي اللي كتبها الله ليك والحمد الله مع النصفي حيكون المجموع مرضي ومشت المادة علي خير 🫡

سامحوني مش حنقدر نحل الا نموذج واحد لطول الاسئلة ونتاسف مرة اخري وكل التوفيق ليكم يارب 🙏🏻

بعد صلاة فجر اليوم المنشود ⏰

" اللهم لا سهل الا ماجعلته سهلا فأجعل الامتحان سهلا "

مهما كنت واصل في مراجعة المنهج خليك واثق انه ربي مش حيضعلك تعب 🤍

مبخلتوش بأي جهد والكل شاهد عليكم وحتكونو ابطال معركة اليوم باذن الله.

وصلنا للختام the end.
في حفظ الله ودعواتي معاكم مستمره 🤲

ملخص كل قوانين الاحصاء جزئية النهائي بطريقة منظمه 👌

كل دعواتنا معاكم 🤲

اضافة جزئية الاحتمالات ( منهج النصفي ) الي كورس النهائي ✅

* اللي قاريه مليح قبل متضيعوش وقتكم بيه هلبا، ركزو علي فيديو القوانين والباقي فقط شوفو الصبورات ومنها تذكرو الافكار.

مهم جدا ‼️
الرد علي اسئلتكم واستفساراتكم 🌪

دكاترتنا 🙋🏻‍♂️

امتحانكم الاحصاء بعون الرحمن حيكون ثاني امتحان في جدولكم ف اسمعو مني بعض النصائح :

• جزئية ماقبل النصفي لازم تراجعوها لانها تمثل جزء من اسئلة الفاينل واقرو دروسها اللي هما ( قوانين الاحتمالات ونظري الاساسيات الخاص بيهم ).

• لو كنت مكمل منهجك ومزال تبي اتبت وتراجع فقط، حاول في قرايتك خلال اليومين هادم انه تحل بايديك مسائل قدر الامكان وتعود روحك ع السرعة في الحل واستخراج النتائج من الجدول.

• لو قاعد مكملتش المنهج متتوترش مزال عندك وقت ويسدك باذن الله غر وانت تقرا لازم كراستك جنبك وتكتب ملاحظاتك والافضل تحل تمارين الكلية بروحك وبعدها تتاكد من الشيت.

• جزئية الفاينل لما تكملها حتشوفها مش صعبه و اغلبها مباشره، صعوبتها تكمن انه القوانين عددها كبير وزمن الامتحان يبي طالب يحل بسرعة.

• طريقة الاسئلة حتكون قريبة جدا من اسئلة السنوات الماضيه اللي حليناها في النماذج وبنفس الافكار ف الامور تمام باذن الله.

—————————————————————-

المنهج يعتبر مكتمل ومتاح للجميع ( شيتات + تسجيلات القناة بشكل مجاني + منصة اكاديميا )

حنكون معاكم اليومين هادم لاي مساعدة وموفقين يارب 💛

تخفيض علي كورس الفاينل ⛔️

وكورس جديد للطلبة اللي يبو جزئية المراجعة واسئلة سنوات فقط ✅

اي طالب معنداش القدرة يتفضل يراسلني علمسنجر
▶️ yaseen gaumati ⬅️

اول واهم نصيحة مني وبالذات للطالب اللي مش عارف من وين يبدا ⭐️

تفرج علي هذا الفيديو ضروري فيه كل قوانين الفاينل حيرتبلك افكارك ومن بعده تبدا عارف النقص اللي عندك وين بالزبط والجزئيات اللي متعرفهاش وتبدا فيهم وحده وحده بالفيديو لين تتمكن منهم.

الدرس متقولش كملته لين تحل ورقة التمارين متعه كلها بروحك وهكذا ..

ومنها تتعود علي السرعة في الحل

مهم جدا ‼️

تم اضافة اخر 4 فيديوات جدد للمراجعة النهائية.

• الاول ملخص لجميع قوانين الفاينل وجدا مفيد حيرتبلك قوانينك ويذكرك بكل شي ويخليك تفرق مابينهم.

• الثاني فيه كل النظري المهم من شيتات الدكتور جمال اندير.

• الثالث نماذج ومسائل مختلفة ومتوقع يجي منها في الامتحان للدكتور المنسق .

• الرابع دالة التوزيع التراكمي.

المقرر في الامتحان النهائي للاحصاء 📊

اولا بالنسبة للشيتات :

• من جزئية النصفي ( الشيت الثاني - الاحتمالات - ) فقط ماعدا طرق العد وركزو علي نظرية بييز والاحتمال الكلي سؤاله مضمون.

• من جزئية النهائي ( من الشيت السادس - المتغيرات العشوائية ) الي ( الشيت العاشر - الاضافات ) كله مقرر ماعدا جزئية المتصلة اللي فيها التكامل اقروها كنظري فقط.

دالة التوزيع التراكمي ساهلة اقروها علخفيف للاحتياط افضل.

وبالنسبة للمنهج :

الدروس المقرره نفسها كما وضحنا في بوست سابق يعني اللي نازل في المنصة كله مقرر من الاحتمالات الي اخر درس.

خلال دقائق حينزلو فيديوات جدد للمراجعة حنعطيكم تفاصيلهم 💪