تحصین.

«اللهمّ ألبسنا حلل العافية حتّى تهنينا بالمعيشة، واختم لنا بالمغفرة حتّى لا تضرّنا الذّنوب، واكفنا كلّ هول دون الجنة حتّى نبلغها برحمتك يا أرحم الرّاحمين، اللهم أعطنا من الدّنيا ما تقينا به فتنتها، وتغنينا به عن أهلها، ويكون بلاغًا لنا إلى ما هو خير منها، فإنّه لا حول ولا قوّة إلّا بك»

الڤيد دة رغم بساطة الكلام اللي فيه ولكن عمره ما فشل إنه يفوقني:))

اللهمَّ اجعل الصلاة أحبَّ إليَّ من نفسي و أهلي ومالي ومنَ الماءِ الباردِ على الظمأ

قبل كل خطوة بتخطيها في أي معصية اسأل نفسك: هينفع تدخل بيها القبر؟!

خُد بالك، الخطوة الأولى في المعصية بيتبعها خطوات؛ لأن الشيطان بياخدها معاك بالتدريج.
علشان كده ربنا حذرنا في القرآن...

قال تعالى: {يَا أَيُّهَا النَّاسُ كُلُوا مِمَّا فِي الْأَرْضِ حَلَالًا طَيِّبًا وَلَا تَتَّبِعُوا خُطُوَاتِ الشَّيْطَانِ ۚ إِنَّهُ لَكُمْ عَدُوٌّ مُّبِينٌ (168) إِنَّمَا يَأْمُرُكُم بِالسُّوءِ وَالْفَحْشَاءِ وَأَن تَقُولُوا عَلَى اللَّهِ مَا لَا تَعْلَمُونَ}.

توقُّعات 2025

مَن شاهدها للتَّسلية؛ لم تُقبل صلاته أربعين يومًا..

ومَن صدَّقهُم؛ فقد كفر.

ازاى الانسان يتخلص من ذنب بيحبه؟
وازاى نخلي يومنا مفهوش ذنوب يعني مثلا نبقى جاهزين نقابل ربنا ف اى وقت، بمعنى أصح ازاى نسعى لحُسن الخاتمه؟

http://yaqin13.sarhne.com

إيه أفضل حاجه أعملها عشان ربنا يحرم
جسدي على النار؟
ج
اللي بيصلي الظهر ربنا بيحرم عليه جهنم يوم القيامه خصوصاً ان دي هي الساعه الـ بتسعر فيها جهنم
واللي بيصلي ٤ ركعات قبل الظهر، و٤ ركعات بعد الظهر
جسمه مش هيروح ناحية النار يوم القيامة
النبي صلي الله عليه وسلم قال ( من صلى اربع ركعات قبل الظهر واربعا بعده حرم الله عز وجل جسده على النار)
فرصة عظيمة اوعي تضيعها
اللهم حرم النار على أجسامنا يارب

"إن العبد يأتي يوم القيامة
بسيئات أمثال الجبال،
فيجد لسانه قد هدمها
من كثرة ذكر الله"
- ابن القيم رحمه الله

اليومين دول أول ما الساعة تعدي ١ بالليل استغفر كدا وانت قاعد أو وانت داخل تنام حتى عشان تُكتب من المستغفرين بالأسحار..

لان وقت السَحَر هو الثلث الأخير من الليل قبيل طلوع الفجر.

أستغفر الله العظيم الذي لا إله إلا هو الحيُّ القيوم وأتوب إليه عدد خلقه وزنة عرشه ورضا نفسه ومداد كلماته.

حتى لايأتيك قبل أن تتوب 💔

تب إلى الله وانتظر الموت ....

اللهم اني استغفرك من جميع ذنوبي..
صغيرها وكبيرها، واستغفرك عدد ما طاوعتني نفسي علي الذنب،
واستغفرك عدد ايام حياتي..قبل الموت وبعده ، واستغفرك حتي يمل القمر، وحتي تطلع الشمس من مغربها، استغفرك عدد ما استغفرك المستغفرون، وعدد ما سبح المسبحون، وعدد كل صغيرة وكبيرة في الكون، استغفرك حتي تغفر لي وتدخلني الجنة

مهم

اللهُم إني احاول فأعني ، وإني اتعثر فأقمني وإني أتشتت فدلني اللهُم قوني ولا تضعفني وعوضني ولا تخيب آمالي , أنت وحدك من يعلم ما أخفي وما أعلن فيسر لي أمري ، اللهُم أرفعني عمن لا يعرف قدري وأرفعني بأخلاقي وأغنني بك عن العالمين وإجعلني بأفضل صحة و أتم عافيه يا رب .

بنوته مخطوبة من اربع سنين وخطيبها جاهز للجواز لاكن هيا باقي لسه السجاد والمراتب وجزء من المفروشات وهيبقي فيه فسخ خطوبة للأسف لأنهم صبروا عليها المدة اللي اتحددت، عايزين نشترك ف الخير ف ستر مسلم ولو كل شخص فينا بعت 10 جنيه هنجمع مبلغ كويس،العروسة بتشتغل ب 1500 جنيه ف الشهر ووالدها مش بيتشغل لحالته الصحيه،ومامتها بتشتغل ب 1300 جنيه في الشهر دا دخلهم فقط..

تحويل فودافون كاش 01062370787

وخلينا متذكرين :
عن أبي هريرة أن رسول الله ﷺ قال "من نفس عن مسلم كربة من كرب الدنيا ، نفس الله عنه كربة من كرب يوم القيامة ، ومن ستر مسلما ستره الله في الدنيا والآخرة ، ومن يسر على معسر يسر الله عليه في الدنيا والآخرة ، والله في عون العبد ما كان العبد في عون أخيه"🤍

اخويا كان بيسمع سورة الملك قبل النوم وانا نايم جمبه انا عارف كويس جدا ان فضلها له علاقة بالقبر، بس من ساعتها بسمعها بطريقة تانية مخلياني أربطها ان ربنا من لطفه ومعرفته بطبيعة دماغنا وحياتنا قايل لنا نقراها قبل النوم .. وقت التفكير في الدنيا بحلوها ووحشها، والقلق على المجهول والظروف .. يبقى يومك ملخبط، وفيه حاجات قاعدة تتقفل، ومليون حاجة شايل همها، ومليون حاجة حالك فيها متوقف على ناس وحاجات تانية، ف تسمع ربنا بيطمنك وبيطمن قلبك من أول كلمة..

" تَبَارَكَ الَّذِي بِيَدِهِ الْمُلْكُ وَهُوَ عَلَىٰ كُلِّ شَيْءٍ قَدِيرٌ "

ويفكرك بالحاجة الوحيدة اللي المفروض تشغل بالك كل يوم:

" الَّذِي خَلَقَ الْمَوْتَ وَالْحَيَاةَ لِيَبْلُوَكُمْ أَيُّكُمْ أَحْسَنُ عَمَلًا ۚ وَهُوَ الْعَزِيزُ الْغَفُورُ "

ويفكرك ان أي لخبطة وعشوائية قاعدة تحصل في يومك مترتبة بكل دقة من عنده لسبب دقيق انت بس لسة مش شايفه..

" الَّذِي خَلَقَ سَبْعَ سَمَاوَاتٍ طِبَاقًا مَا تَرَىٰ فِي خَلْقِ الرَّحْمَٰنِ مِنْ تَفَاوُتٍ فَارْجِعِ الْبَصَرَ هَلْ تَرَىٰ مِنْ فُطُورٍ ، ثُمَّ ارْجِعِ الْبَصَرَ كَرَّتَيْنِ يَنْقَلِبْ إِلَيْكَ الْبَصَرُ خَاسِئًا وَهُوَ حَسِيرٌ "

ويفكرك في النص ان ماحدش هينفعك بأي حاجة من غير توفيق ربنا..

" أَمَّنْ هَٰذَا الَّذِي هُوَ جُنْدٌ لَكُمْ يَنْصُرُكُمْ مِنْ دُونِ الرَّحْمَٰنِ ۚ إِنِ الْكَافِرُونَ إِلَّا فِي غُرُورٍ ، أَمَّنْ هَٰذَا الَّذِي يَرْزُقُكُمْ إِنْ أَمْسَكَ رِزْقَهُ ۚ بَلْ لَجُّوا فِي عُتُوٍّ وَنُفُورٍ"

ويرجع يفكرك انك مهما كان عندك ايه محتاج تفتكر تشكره على كل النعم اللي عندك، وتفتكر هدفك الحقيقي من الدنيا دي فتصغر أي حاجة تانية جمبه...

" قُلْ هُوَ الَّذِي أَنْشَأَكُمْ وَجَعَلَ لَكُمُ السَّمْعَ وَالْأَبْصَارَ وَالْأَفْئِدَةَ قَلِيلًا مَا تَشْكُرُونَ ، قُلْ هُوَ الَّذِي ذَرَأَكُمْ فِي الْأَرْضِ وَإِلَيْهِ تُحْشَرُونَ "

وبس .. تنام بسلام

" الحمد لله "

حملة بلاش أغاني في الأستوريز

• هي حملة للتشجيع علي إننا منزلش أغاني في أي ابليكيشن تاني لأن ربنا سبحانه وتعالي قال :
⁣{وَلَيَحْمِلُنَّ أَثْقَالَهُمْ وَأَثْقَالًا مَّعَ أَثْقَالِهِمْ ۖ وَلَيُسْأَلُنَّ يَوْمَ الْقِيَامَةِ عَمَّا كَانُوا يَفْتَرُونَ}

{لِيَحْمِلُوا أَوْزَارَهُمْ كَامِلَةً يَوْمَ الْقِيَامَةِ ۙ وَمِنْ أَوْزَارِ الَّذِينَ يُضِلُّونَهُم بِغَيْرِ عِلْمٍ ۗ أَلَا سَاءَ مَا يَزِرُونَ}

بلاش أغاني في الاستوري عشان الإنسان أضعف أصلاً من إنه يتحمل ذنوبه عشان يتحمل ذنوب شخص تاني معاه

كل شوية الواحد بياخد إنذار من ربنا إنها مش دايمه وكل الجري اللي بتجريه حاليا علي الفاضي ؟

اللهم أجرني من موت الغفلة ولا تأخذني من الدنيا إلا وانت راضِ عني ولا تريني في اهلي واحبتي اي مكروه..

لو عندك تطبيق ديني علي موبايلك رشحوا وقول مميزاته
http://yaqin13.sarhne.com

كلنا عارفين إن أول حاجة هنتحاسب عليها هيه الصلاة ..

بس تعالوا نكمّل بقية الحديث :") ربنا لمّا هيحاسبك ع الصلاة هيحصل حاجتين لإمّا تكون صلاتك تامة وكاملة لإمّا تكون ناقصة .. لو ناقصة ربنا هيقول للملايكة انظروا هل لعبدى من تطوع ؟؟ يعنى هل صلّى نوافل ؟؟ فإن كان له تطوع قال رب العالمين " أتمّوا لعبدى فريضته من تطوعه " !

شوف جمال ربك ورحمته بيك بالرغم من إنك صلاتك ناقصة إلا إنه يريد إنه يخرجك من النار بأى طريقة .. وشوف كلمة " عبدى " .. نسبك ليه مع إنك مقصر :") ..

أكثروا من نوافل الصلاة " السنن اللى بتبقى قبل و بعد الفريضة " لعلها تكون المنجية ليك يوم القيامة

د /حازم شومان

” كل ما تعوز حاجه اديها لغيرك “

محتاج فلوس ، تصدّق.
محتاج دعوة ، ادعي لحد.
محتاج مساعدة ،ساعد  غيرك.
محتاج سعادة ، اسعد اللي حواليك.

﴿ هَلْ جَزَاءُ الْإِحْسَانِ إِلَّا الْإِحْسَانُ﴾

- صدق الله ورسوله.

افكار للصدقة غير المال

1_الإصلاح بين المتخاصمين
2_زيارة المريض
3_السعي في حاجه الناس
4_التبسم
5_إماطة الاذي
6_إفشاء السلام

وَمَا تُقَدِّمُواْ لِأَنفِسُكُم مِّن خَيرٍ تَجِدُوهُ عِندَ اللَّهِ هُوَ خَيراً وَأَعظَمَ أَجراً وَاستَغفِرُواْ اللَّهَ إِنَّ اللَّهَ غَفُورٌ رَّحِيمُ

أنا هصلي الفرض بس اللي عليا وخلاص كدة.. مش مهم اوي ركعتين السُنة، كدا كدا مش هشيل ذنب لو ماصليتهمش.

طب انت تعرف ان فيه حديث قدسي ربنا عز وجل بيقول فيه: ومازال عبدي يتقرب إلىّ بالنوافل حتى أحبه.

هو انت سهل عليك تكون عارف ان فيه حاجة بسيطة اوي مش بتكمل ٥ دقايق بتخلي ربنا يحبك وماتعملهاش؟

طب انت تعرف ان السنن والنوافل دي اللي يوم الحساب بتعوّض عن كل التقصير منك في الصلاة وبتزود ميزان حسناتك؟!
- ايوة بس انا طول عمري بصلي الحمدلله ومش بفوّت فرض.
طب انت ضمنت منين ان كل الصلوات اللي صليتها ف حياتك اتقبلت؟!

حتى يحبك الله حاول تداوم على النوافل وماتهجرهاش.. وادعي ربنا عز وجل يعينك على ذكره وشكره وحسن عبادته

السُنن:
الفجر ركعتين قبل
الضهر اتنين + اتنين وبعدين نصلي الفرض وبعدين ركعتين سنة
العصر مفيش
المغرب ركعتين بعد
العشاء ركعتين بعد.

- نقل.

اللهم اغفر لى ذنبى ڪله دقه وجله علانيته وسره ما علمت منه وما لا اعلم

بحُكم اننا لسه فـ أول الشَّهر وأغلبنا قبَض مرتبُه، فـ بفكَّرك بالصَّدقة
ياريت تعتبرها من أساسيّات حياتك وترتّب لها مقدار مُحدَّد شهريًا زيها زي الجمعيات والاقساط والدّيون والأوردرات الأون لاين
بل هيَّ أهَم منهم، وكمان سُبحان اللّٰه بتلاقي بركة في بقيَّة المُرتّب غير طبيعية!

ممكن تكون ١٠ج وأقل وممكن ٥٠ج وممكن ١٠٠ج وأكتر عادي
حسب اللي تقدر تداوِم عليه وتدفعه شهريًا من مُرتبك أو مصروفك

-علشان انت اللي محتاج تتصدَّق، مش فَضل منك نهائي-

إيه الفرق بين الذنب والسيئة !؟
= أعتقد الاتنين واحد !!

لأ مش واحد ..
طب ليه بندعي ونقول " اللهم اغفر لنا ذنوبنا وكفر عنا سيئاتنا ؟ ومش بنقول :
" اللهم اغفر لنا سيئاتنا وكفر عنا ذنوبنا !؟

وليه ربنا عزوجل قال :
إن الحسنات يذهبن السيئات ، ومقالش الذنوب !؟

وليه ربنا عزوجل قال :
انه يغفر الذنوب جميعاً ومقالش يغفر السيئات جميعاً !؟

ليه بقي ..

لأن الذنوب هو اللي بضُر بيها نفسك أنت ، وبيكون فيها حق من حقوق ربنا ، زي مثلاً
الصلاة ، الصوم ، الزكاة ، الحج
وأي حاجة بينك وبين ربنا دي إسمها إنك عملت " ذنب " ..!

والذنب ده ربنا بيغفره لما بتستغفر ، وتتوب إليه ، وتعزم إنك لا تعود للذنب ده مرة أخرى ..

.. قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ ..!

أما السيئة بقي :
هي اللي بضر بيها أي مخلوق من مخلوقات الله ..
مش شرط انك تضر إنسان بس !!
لأ ده " إنسان ، حيوان ،، نبات ، جماد ، هواء
زي مثلاً :
الغيبة ، النميمة ، الإعتداء ، التلوث ، السرقة
وأي حاجة ممكن تضر غيرك دي إسمها " سيئة " ..!

والسيئة تغتفر بثلاث حاجات :
يا إما تروح تعتذر للي اذيته ويسامحك ،،
يا إما اللي اذيته يسامحك من نفسه ..

يا إما تعمل أعمال صالحة " الحسنات " مقابل " السيئات " عشان ربنا يكفرها عنك ..

" وَأَقِمِ الصَّلَاةَ طَرَفَيِ النَّهَارِ وَزُلَفًا مِّنَ اللَّيْلِ ۚ إِنَّ الْحَسَنَاتِ يُذْهِبْنَ السَّيِّئَاتِ ۚ ذَٰلِكَ ذِكْرَىٰ لِلذَّاكِرِينَ "..
اذكروني بدعوه من قلبكم ولكم مثلها

السلام عليكم ورحمه الله وبركاته
لما تعمل ريأكت على بوست ديني، بوست مفيد
البوست بيترفع وغيرك بيشوفه بسببك وغير إن إيدك هتشهد عليك يوم القيامة وتبقى صدقة جارية ليك.

﴿يَومَ تَشهَدُ عَلَيهِم أَلسِنَتُهُم وَأَيديهِم وَأَرجُلُهُم بِما كانوا يَعمَلونَ﴾

غير بقى لما تعمل ريأكت على بوست موسيقى أو بوست مغننين أو بوست فيه الألفاظ مُسيئة وإلخ
البوست هيرتفع بسببك وغيرك هيشوفه وإيدك هتشهد عليك يوم القيامة وغير ذنوب جارية ليك.

"وَ لَيَحْمِلُنَّ أَثْقَالَهُمْ وَأَثْقَالاً مَعَ أَثْقَالِهِمْ وَلَيُسْأَلُنَّ يَوْمَ القِيَامَةِ عَمَّا كَانُوا يَفْتَرُونَ."

السلام عليكم ورحمة الله وبركاته 💗

فيه بنت كانت بتحكي إن مامتها كانت قاعدة تعمل محشي وأذان العصر أذن فقامت تصلي قبل ماتكمل المحشي وماتت وهي بتصلي

البنت لما بصت على حلة المحشي بعدين اكتشفت إن مامتها كان باقيلها آخر سطر بس وتخلص الحلّة وكانت متأثرة جدا بإعتبار إن آخر سطر في حلّة المحشي بتبقى الواحدة عايزة تخلصه وتخلص بقى من وجع الدماغ بتاع المحشي وتغسل إيدها كده وتفوق

البنت بروزت فكرة البوست في نهايته بطريقة تهزك، إن لو مامتها كانت قررت تخلص المحشي الأول وبعدين تصلي كانت ماتت وهي بتعمل محشي، فرق شاسع بين الموتة دي ودي، فرق شاسع لما تبعث على ما ماتت عليه

البوست ده يعلّم مع أي حد
إنك ممكن تمر بمواقف زي دي كتير جدا وماتلفتش نظرك أصلا..

هخلص آخر حبة محشي وأقوم أصلي
هكمل آخر ورقة في الملزمة وأقوم أصلي
هبعت الإيميل ده بس وأقوم أصلي
هغير للبيبي وأقوم أصلي
هكمل كوباية الشاي دي وأقوم أصلي

الموقف دا كفيل إن كل ما تسمع الأذان استوعب خطورة الاختبار، فتسيب اللي ف إيديك وتقوم تصلي فورا..

رب اجعلني مقيم الصلاة ومن ذريتي ربنا وتقبل دعاء

السلام عليكم ورحمة الله وبركاته

في حالة تبرع لطفل عمره 14 عام من دمنهور مريض سرطان، ووقف نمو لأعضاء جسمه.

محتاج حقنة يوميًا لمدة 6 شهور،
تكلفة الحقنة لليوم للواحد 350 جنيه.

قال النبي ﷺ ﴿الصدقة تطفئ غضب الرب وتدفع ميتة السوء﴾
اللي يقدر يساعد بأي شئ ميتأخرش فضلًا، وساهموا بنشر الحالة في كل مكان"!
 
رقم الكاش← 01026706467
متوفر انستا باي علي نفس الرقم.

موقع إب_.احي نشر تقرير لم انخفضت نسبة المشاهدات عنده من الدول العربية خلال شهر رمضان..
التقرير ده كان فيه جملة بتقول :"أنتم عبيدُنا؛ إيمانكم ضعيف، وستعودون رُغمًا عنكم".

بعيدًا عن الإباحية -وإن كانت التقارير بتقول إن نسب المبتلين بيها أعداد فعلًا كبيرة جدًا-.
ولكن أنا عايز أوجه رسالتي أكتر للناس اللي بتجاهر بالذنوب في الجامعة أو في طريقنا للجامعة او في حياتنا عموما!
الولد اللي بيشتم وبيشرب سجاير!
البنت اللي بتلبس لبس ضيق ومبين جسمها وبتطلع بميكاب!
الولاد والبنات اللي بيتصاحبوا!
أو أي حد -ولد أو بنت- بيجاهر بيأي ذنب أيًا كان هو إيه..

مش ملاحظ إن فعلًا الجملة دي بتنطبق عليك؟
إنك فعلًا عبد لشهواتك، وبترجع للذنب غصب عنك رغم إنك عايز تتوب؟

مش كفاية غفلة وذل وإهانة لنفسك بقى!؟
ولا هتعمل نفسك مش شايف حقيقة ذُلَّك للمعصية؛ وتكمل عليها وانت عارف انك بتحور على نفسك؟
هتحور على نفسك لحد امتى!؟ لحد ما نبقى جزء من الوفيات اللي بتحصل فجأة حولينا؟
مش كان فيهم طلبة وشباب زيك ؟

نُقل

يُفضَّل تعمل حساب اليوم اللي هاتسيب مَكانك الحالي فيه بدون رَجعة

بإذن اللّٰه هاتتخرَّج من كلّيتك وسُبُل الوصال بينكم هاتنقطع تمامًا .. لكن اللي مش هاينقطع هي الذُّنوب اللي عملتها في الكلية، الدَّكاترة او الناس اللي ماتعرفهومش اللي اتريقت عليهم واغتبتهُم غَيبة صريحة، كل مرة سِمعت وسَمّعت اصحابك فيها أغاني، وهكذا..

كذلك شُغلك، هاتسيبه فـ يوم من الأيام وبإذن اللّٰه تروح شُغل أفضل
الذُّنوب اللي حصلت منك في شُغلك الأولاني ما زالت في كتابك!

فاكر كمان أيام اعدادي؟ أيام الرَّوشنة؟
الذُّنوب اللي حصلت في الفترة دي سواء لاصحابك أو لمُدرّسينك في المدرسة علشان تثبت لهم أد إيه انت جامد وتُحفة = انت نسيتها

ويمكن تكون افتكرت دلوقتي ذنب أو اتنين، بس للأسف حابَّة افكَّرك ان الفترة دي لو كانت فترة بلُوغ = فـ هيَّ إلى الآن لَم تُغفَر لك
مادُمت لا توبت ولا استغفرت ولا ردَدت المَظالم ولا استسمَحت اللي اغتابتهُم..

فـ اعمل حسابك من دلوقتي انك هاتسيب المكان اللي انت فيه حاليًا، وهاتنسى كل الذُّنوب اللي حصلت منك
فـ حاول بقدر الإمكان ماتعملش ذنوب (بقول حاول)

وكمان ماتعملش لنفسك ذنوب جارية فيه (زي انّك تسمَّع حد أغاني)
واذا حصل وعملت أي ذنب، حاول تتراجع عنه بسُرعة قبل ما تنساه
وكل ذنب لُه طريقة الرُّجوع منه -بإذن اللّٰه الغفَّار-

بس ركّز.

في ناس ناموا امبارح بالليل صحيوا ميتين،، وفي ناس امبارح الثلاثاء ده ماتوا،، إحنا لما ربنا ادانا الأربعاء ده اداهولنا ليه؟
مِنّةٌ منه سبحانه وفضل من الله أنه امهلنا،
وانت لو كنت واحد من الناس اللي ماتوا إمبارح كان زمانك قاعد تبكي وتعيط فالقبر وتقول يا ناس طلعوني يوم واحد بس...صح؟

طب أديك انت ف الأمنية...

"الشيخ سمير مصطفى فك الله كربه"

لو بتسال نفسك ازاي احسن من نفسي في الصلاه؟
محتاج تسال نفسك الاول ايه اللي بعمله قبل الصلاة؟
من اول ما المؤذن يقول الله اكبر لحد ما انت تقول الله اكبر،
الفتره دي بيتحدد علي اساسها جزء كبير من حالتك في الصلاه.

فمحتاج في الفتره دي تتخفف من حاجتين
١/من الدنيا
٢/من الذنوب
من الدنيا:_
اول ماتسمع المؤذن بيقول الله اكبر ابعد اي تفاعل ليك مع الدنيا توجه تفكيرك وكلامك ناحيه الصلاه والذكر،
وعشان تتخفف من الذنوب محتاج تراجع السُنه
وتكرر ورا المؤذن
وبعدين جه ف صحيح مسلم ان اللي يقول بعد الاذان
اشهد ان لله اله الا الله، واشهد ان محمد رسول الله
رضيت بالله ربا وبالاسلام دينا وبمحمد صلي الله عليه وسلم نبيا ورسولا غفر الله ذنبه..
فتتخفف اكتر واكتر

وبعدين تروح تتوضأ وتستشعر انك بتوقع ذنوبك مع الوضوء
فتتخفف اكتر واكتر
وبعدين تروح كل خطوه وانت رايح تصلي
خطوه ترفعك درجه وخطوه تحط عنك خطئيه
فتتخفف اكتر واكتر

وبعدين نقف ونقول دعاء الاستفتاح
اللهم باعد بيني وبين خطاياي كما بعدت بين المشرق والمغرب

وبعدين تدخل الصلاه وانت بعيد تماما عن الدنيا وعن الذنوب

عن أبي هريرة رضي الله عنه أن رسول الله صلى الله عليه وسلم قال: (إن لله تسعة وتسعين اسما مائة إلا واحدا، من أحصاها دخل الجنة)

رواه البخاري ومسلم

مش عارف تبطل ذنب معين؟!
- استثمره !!
- نعم؟؟ .. أستثمره؟؟ .. إزاى؟؟
ابن تيمية بيقول "و كم من ذنب أدخل صاحبه الجنة"
شوفت ذنب كان سبب فى تغيير حياة ناس .. إيه دة إزاى؟!
بص يا سيدي كل مرة تعمل ذنب خلى التوبة أعلى من المرة اللى قبلها .. طيب يعنى ايه؟؟
يعني أول مرة تعمل الذنب .. استغفر الله ..
تانى مرة تعمل الذنب .. استغفر الله و طلع صدقة ..
تالت مرة .. استغفر الله و طلع صدقة و صلى ركعتين لله ..
رابع مرة .. استغفر الله و طلع صدقة أكبر شوية و صلى ركعتين ..
خامس مرة .. استغفر الله و طلع صدقة أكبر بنية تطهير قلبك و صلى ركعتين و صوم يوم تطوع...
مع الوقت هتلاقى نفسك بتتأدب و هتبطل تعمل الذنب إياه
و الشيطان هيلاقى إن الذنب بيزيدك قرب لربنا أكتر و أكتر و عمال بيزودك حسنات .. ف هيبطل يشجعك على إرتكاب المعصية.
اللهمَّ طهر قلوبنا

تخيّل أنك تدل صديقًا أو قريبًا على فضل
[ سبحان الله والحمدلله ولا إله إلا الله والله أكبَر ]

فكلما قالها غُرِسَت لهُ شجرة في الجنّة، وغُرِسَت لك مثلها

فربما كنتَ نائمًا أو تتناول طعامك أو مُنهمكًا في عمل، والله يغرس لكَ في الجنّة بسبب أقوامٍ دللتهم وذكَّرتهم فتفطَّنوا للذكر

النهاردة بالصدفة ظهر قدامي فيديو لواحد كان بيقرأ الآية دي: "قُلِ اللَّهُمَّ مَالِكَ الْمُلْكِ تُؤْتِي الْمُلْكَ مَن تَشَاءُ وَتَنزِعُ الْمُلْكَ مِمَّن تَشَاءُ وَتُعِزُّ مَن تَشَاءُ وَتُذِلُّ مَن تَشَاءُ ۖ بِيَدِكَ الْخَيْرُ ۖ إِنَّكَ عَلَىٰ كُلِّ شَيْءٍ قَدِيرٌ"

كان بيقرأها بانكسار مشوفتش زيه قبل كده لدرجة إني بكيت! يمكن أنا قرأت الآية دي كتير قبل كده، وسمعتها من شيوخ، وكمان قرأت تفسيرها، ويمكن أكون تدبرتها! بس الإحساس اللي وصل ليا من الفيديو ده محستش زيه قبل كده!


يمكن وقتها منلاقيش الانكسار اللي بنشوفه في عيون الناس ده، ويبقى الكل حاسس إنه قادر يساعد غيره حتى لو بحاجة بسيطة، ودي في حد ذاتها نعمة.

ايه رأيك تبتدي من النهاردة وتعمل صدقة ولو بحاجة بسيطة؟ ممكن تعمل الآتي:

🖋 تفتح الفون بتاعك وتبعت لأي مؤسسة خيرية وتتصدق حتى ولو بعشرة جنيه.

🖋 تنزل الشارع وتشوف الناس اللي بيكونوا على الأرصفة والكباري وشكلهم محتاج وتديهم اللي فيه النصيب.

🖋 تشوف البائعين اللي موجودين في السوق ولو حد منهم باين عليه الحاجة فعلًا ساعده باللي تقدر عليه.

🖋 تشتري أكل لحد محتاج.

🖋 تفتح الدولاب بتاعك وتشوف ملابس عندك شكلها حلو ونضيفة بس مبقتش تلبسها وتشوف أي حد محتاج وتهاديه بها.

🖋 لو حد بيبني مستشفى أو مدرسة، ممكن تشارك ولو بمبلغ صغير حسب مقدرتك.

🖋 لو فيه عروسة بتتجهز، ممكن تساهم في جهازها.

🖋 ناس كتير بيكون عليها دين ومش بيبقوا عارفين يتصرفوا ازاي ممكن تساعدهم.

🖋 فيه قرى كتير بتبقى فقيرة ومش عندها مياه، تقدر تساهم في عمل وصلة مياه لهم.

كل دي مجرد أفكار وفيه غيرهم كتير، تقدر تعمل أي حاجة فيهم حسب مقدرتك، وبجد الخير مبيقلش، وربنا بيبارك في كل حاجة بتطلع منك بنية صافية.

منقول

تحس ان المنشاوي قاعد في الجنه وبيوصفلك المشهد سبحان الله .

عارفين ان اللي بيقول اللهم اغفر للمؤمنين والمؤمنات المسلمين والمسلمات الاحياء منهم والاموات

بياخد اكتر من اتنين مليار حسنه وشويه عدد المسلمين علي وجه الارض وكل لما حد زياده يقولها بسببك بيتضاعف الاجر ليك

عاوزين افكار حلوة للخبيئة
( عمل صالح سراً مع الله )
مستوحاه من قصص حقيقية

http://yaqin13.sarhne.com

- إتنين راجعين من الكلية ، واحد راجع باآلاف الحسنات والتاني لأ !
- إتنين بيزوروا قرايبهُم ، واحد اتكتبله صِلة رحم والتاني لأ !
- إتنين بيناموا نفس عدد الساعات ، واحد بيصحى وهو واخد ثواب والتاني لأ !

_ طب ليه؟ وإيه الفرق بينهم!
الفرق بينهم آية واحدة بس واحد طبقها وعاش بيها والتاني لأ..
{ قُلْ إِنَّ صَلاتي وَنُسُكِي وَمَحيَاي وَمَمَاتي لِلَّهِ رَبِّ العَالَمينَ }

- يعني إيه ؟
= يعني حاجة اسمها " الإحتساب "

" على الهامش "
١- إيه هو الإحتساب ؟
إنك تستحضر نيتك قبل اي عمل مهما كان صغير ودنيوي وجه الله..
- حتى لو أكل شرب نوم .. أي حاجة مهما كانت صغيرة ودا كان من أفعال الصحابة رضي الله عنهم -
سَأل أبو موسى الأشعري معاذ بن جبل قال: كيف تقرأ القرآن؟
قال: أنام من الليل فآخذ حظي من النوم ثم أقوم بالقرآن فأصلي به ما شاء الله أن أصلي، فأحتسب نومتي كما أحتسب قومتي.

يعني بيحستب نومه - أنه كي يتقوى على القيام وعلى طاعة الله - زي ما بيحستب قيامه لليل بالظبط !

وقال عمر بن الخطاب رضي الله عنه ” أيها الناس : احتسبوا أعمالكُم ، فإن من احتسب عمله كُتبَ له أجر عملِه وأجر حِسْبته “

٢- إيه الفرق بين اللي محتسب حياته لله واللي لأ غير الأجر؟
المحتسب حياته مهما ضايقه الناس في عمله هيتقن فيه لأنه عشان ربنا..
ميفرقش معاه الناس عرفت انجازاته ولا لأ .. هو نيته الثواب ورضا ربنا وبس.
يعني بالفعل صلاته وعبادته ونسكه وحياته ومماته لله رب العالمين فقط!

جرب تحتسب كُل فعل وتخليه لله
حتى أنكار المُنكر والأمر بالمعروف
أعمل كُل حاجه ..
كُل حاجه! لله
واحتسب الأجر

شباب بتكسب فلوس من الربا -أبليكيشن المراهنات-
وشباب بتكسب فلوس من الأغاني على التيك توك
وبنات بتكسب فلوس من العُىري والتبرج

بيكسبوا فلوس ويخسروا الآخرة ..

قال -ﷺ-: «لَيَأْتِيَنَّ علَى النَّاسِ زَمانٌ لا يُبالِي المَرْءُ بما أخَذَ المالَ، أمِنْ حَلالٍ أمْ مِن حَرامٍ».

-بعد ما بتخلص قراءة قرآن بتقول إيه!؟
-‏= بقول صدق الله العظيم.
-‏-بس دي بدعة!
-‏= بدعة
-‏-اه بدعة وليس لها أصل في السُنة.
أكثر الناس اعتادوا علي قول صدق الله العظيم بعد قراءة القرآن الكريم ، وده مش من سنن النبي ﷺ.

-طب المفروض بقول إيه بعد قراءة القرآن ، وتكون من سنن النبي ﷺ!؟
= نقول : سبحانك اللهم وبحمدك ، أشهد أن لا إله إلا أنت ، أستغفرك وأتوب إليك

وكده تبقي طبقتِ سُنة من سنن النبي ﷺ🕊️

فتح مكبر الصوت في مكالمه من دون علم الطرف الآخر،
الحلف بالنبي و الأم والأب لا يجوز الحلفان إلا بالله
تأخير الصلاة عن وقتها
التنمر وكسر خاطر الأشخاص وبهدف بس انك تضحك اللى حواليك
التلامس في فترة الخطوبة
الأفراح المختلطة إل فيها رقص وموسيقى
خروج المرأة من بيتها متعطرة
لبس الرجل للسلاسل والبناطيل المقطعة
حفلات الفان داي والتخرج إل مصحوبة بالاختلاط و أغانى
الأفلام والمسلسلات والاغاني

احذر شر الفيديوهات القصيرة [ الريلز ]

‏هذه الفيديوهات القصيرة في كل شبكات التواصل الاجتماعي تسير وفق خوارزميات تحاول جرّك في دوامة لا يمكن الخروج منها وإبقائك متصلًا بالموقع لأكبر وقت ممكن، ولن تسلم وقتها من:

‏- سماع الموسيقى.
‏- رؤية المتبرجات والعري.
‏- رؤية المخالفات الشرعية المختلفة.

‏ثم ماذا؟

‏سيعتاد قلبك، ويصبح غض البصر شيئا من الماضي، وترتاح إلى القليل من الموسيقى -وربما لا تنكر كثيرها-

‏فعن أبي هريرة عن النبي ﷺ قال: إنَّ المؤمن إذا أذنبَ كانت نكتةٌ سوداءُ في قلبه فإن تاب ونزع واستغفر صقلَ قلبُه فإن زاد زادت فذلك الرّان الذي ذكرَه الله في كتابِه:﴿كَلَّا بَلْ رَانَ عَلى قُلُوْبِهِمْ مَا كَانُوا يَكْسِبُونِ﴾

‏وأعظم شيءٍ يحصل هو أن تُحرم الأُنس بالله!!.

بيقول بقالي أسبوع بصلي علي النبي ب الصغية الابراهيمية واتحققلي حلم بقاله ٣ سنين ، الصلاة على النبي بتعمل معجزات..