الشاعر حسين باهض الحلفي

جنين حسين بعد وكلم أمه
وصار إيسولف الهه ويشكي همه
يبني أحجيلي عنك تشكي من يا آه
نشغ نشغة أبطنهه وصاح يمه

أبنج يمه يولد والمصاب إوياه
يولد والنوايب ملكه تتلكاه
محد من خواته يمه من إيموت
يدور ناعية أتصيح أعله جسمه أحاه

أنه المضلوم أنه المذبوح أنه العطشان
أنه المسحوك أنه المسلوب أنه العريان

أنه المحد يدور أعليه حدر الخيل
أنه الشابع سحك من الضهر للليل

آنه الميت المبيوك حيل وحال
أنه الكطع أديه وخنصري الجمال
أنه السلبو قميصه وتكة السروال
يا يمه السوالف صعبه ما تنكال

آنه المتت مو فد مرة لا تكطيع
آنه الكطعوني أوصال بالحافر لحد ما أضيع
آنه الشيعو كل قطعة مني بصوب
وراسي اعله الرمح هم حصل التشييع

كلهه أتصيح هذا حسين- حنين وباله يم زينب
جروها بحبل جدامه خل تتعب
السوط السوط هلله اهواي كثرو أسياط
فوك أمتونهه خل يفتر ويلعب

كلتله أسم الله فز من هالحلم يحسين
باجر تكبر بحضني وتكر العين
يمه الباب مو وكته وأسولفلك
آنه أفديك مو فد ضلع لا ضلعين

أخلفلك أخت ما تنكسر بالشام
أبحضنهه اتنوم ابناتك وهيه اعله التراب تنام
تكصدك من تجيك الخيل وتلمك لحم وعضام

وتبجي عليك دم وتطيح منهه عيون
ويصيحون عدوانك ماتت زينب يكولون
لحد ما منك إيجرها الشمر ويكول
زينب ما يرد حسين
لا راس وصدر لا ضهر ما ضل عنده من السحك حته أمتون

حسين باهض الحلفي

أحن وبجيلج أجروح- خضره
أنتجيت اعله الصبر مال- ضهره
شفت دمعاتج وطعم الأجل ضكته
أكابر عالجرح بس موتتي أبسكته
.......................................
كعدنه وحلوه لمتنه _ الحجي جان اعله فطرتنه _ وهوانه"
الحسن يحجيلي عالنيه _ الحسين إيندي روحيه _ أبحنانه"
وزينب تحجي عالحشمه _ العبايه براس كل حرمه _ أمانه"
النوراس ما تفاركنه _ اذا ناكل تشاركنه _ أبغدانه"

نتقاسم هوه الهاب- شمه
تجينه أبشكل قرأن- النسمه
الهوه وياها كل شمه تقاسمته
أكابر عالجرح بس موتتي أبسكته
......................................
أتغير بالزمن كلشي _ وأجه ساعي الأجل يمشي _ أبمصيبه"
أندك الباب جم مره _ لجن مودكة الفقره _ غريبه"
كمت للباب أريد اطلع _ كالت ياعلي إرجع _ الحبيبه"
فديت أسمك يبن عمي _ الموت إيصيحلي ابأسمي _ واجيبه"
طلعت والنبض صاح- رجعي
إنكسر وي دكة الباب- ضلعي
إبدكة الباب أحس كلبي أسكتت دكته
إكابر عالجرح بس موتتي أبسكته
...................................
أختلف كلشي أبفرد لحضه _ الزهره أتحشم أبفضه _ تتاني"
يفضه الباب اخذ عمري _ بسماره جوه صدري _ وجواني"
أجيت وعثرتي أتجرني _ الاكثر بعد كاسرني _ وحناني"
بحبل كادوني من يمهه _ أتركتهه سابحه أبدمهه _ الأماني"

أنهضم وبجفي الحبال- تعرك
الحبيبه كبال عيناي- تنطك
أمر موقف كطع هرش الكلب شفته
أكابر عالجرح بس موتتي أبسكته
............................................
تبعتني علي أتنادي _ تتسند عله أولادي _ وعله الأه"
دمعها أبلون شيلتهه _ رماد أتصبهه دمعتهه _ وويلاه"
رجع وتجرأ إيطكهه _ أبسوطه إيديهه شككهه _ وصحت لا"
ما ضلت عله العصره _ ترس ذاني صده الصطره _ بيمناه"

الوصيه كطعت إنياط- كلبي
أكبالي يضرب الصوط- تعبي
صار المايصير وما توقعته
أكابر عالجرح بس موتتي أبسكته
.....................................
وعشنه أجروح لوعتنه _ أخير ايام عشرتنه _ والسنين"
ذبلت وردة أحلامي _ وفترت شمعة أيامي _ أم الحسين"
أراقب وضعج أبسكته _ تكطعين البجي اليمته _ وتنامين"
النحيب إيألم أضلوعج _ مسحي الخاطري أدموعج _ لتبجين"

تهيدين أمن الونين- يمته
مسيل أدموعج أيكول- ميته
الأجل خيم عله اعيون الضوه أعرفته
أكابر عالجرح بس موتتي أبسكته
...................................
مر طعم الهو أبريتي _ وماتت بيه عافيتي _ ابحزنهه"
مشت والسطره أشاهدهه _ بعدهه أمبينه أبخدهه _ وجفنهه"
بسمار الصدر حافر _ كلب مدري ضلع كاسر _ لي منهه"
عافتني جرح يكبر _ تمنيت اغفه وتدثر _ أبجفنهه"

راحت والورد مات- عطره
قرأن العشك ضاع- ذكره
اليفارك نبض كلبه أتموت سالفته
أكابر عالجرح بس موتتي أبسكته
......................................
خادم رقية ع
حسين باهض الحلفي

مقتل الحسين عليه السلام

طلعت امن الخيم مدهوشة من صاحو ذبحناه
الدرب من الخيم للمذبح أبعثرة ركضناه
ندور حسين وين ابيا كتر طاح
بعده بي نفس بس يشخب بدمه لكيناه

اعله ضلوعه--كاعد الشمر
متربع--فوك الصدر
وبنحره--يذبح ويجر

وبن امي--موسد الثره
جف إيده--مضيعه خنصره
والسيف أبنص منحره

أوصاله ترس الحومة
ومسلبات أهدومه
يبن أمي يا خويه ياخويه
@@@@@@@@@@@@@@@
صحت عالشمر ما بسك تراه أمهدم الحيل
يصيح امن الصبح عطشان وجروحه دمه تسيل
يشرك بالتراب ويختنك وبنفسه محتار
تاليهه اعله صدره أترد حقد وتلعب الخيل

ما شفته--يصرخ العطش
وتطبره--بمنحره أثنعش
يا صدره--أبحافر انفرش

وبكتره--أرقيه تنضره
وتصيحك--عوفه منحره
تدفعها--اتذبهه ليوره

من صدر ابوها أتجرها
براس الرمح تزجرها

يبن أمي ياخويه
@@@@@@@@@@@@@@@
أكبال عيني يبوك بيك السيف والخنجر والرماح
يا تارس الكاع أوصال منك جم كتر طاح
باكو خنصرك جدامي يا مكسور الأضلاع
ونص كلبك بوصلة سهم تحت الفرس راح

عطشوك--وصابو الكلب
وأصبحت--للفرس درب
مو هيجي--شيمة الحرب

تتسلب--أعمامة وي هدم
وتتقاسم--سلبك الزلم
وبوصالك--زينبك تلم

لا عدل ونتجيله
امن الخيل ردنه أنشيله

يبن أمي يا خويه
@@@@@@@@@@@@@@@
امن المذبح أجر بحسين والحافر يجر بي
يدورونه عله الوجهين حد ما كطعو إيديه
تروح اترد يوسفه وتسحكه الخيل
درب والناس صارت تعتنيه وداست عليه

يا وسفه--وحذوة المهر
جدامي--،بضلعه تنكسر
الخيل أتجر--وآنه بي أجر

الطف خلص--ونتهه الذبح
وبنحره--خلو الرمح
يسبونه--أعظم جرح

حضرو هزلة الناكة
وضيم الحبل وشباكه

يبن أمي يا خويه
@@@@@@@@@@@@@@@

حسين باهض الحلفي

ذبح الحسين من قفا واويلاه
ذبح الحسين من قفا واويلاه
@@@@@@@@@@@@@@@
النار والدخان آه--حسين ذبحوه من كفاه
طاح ما بين الخيول--والشمر يفتر وراه

إيطيح إيطيح يرد يكوم ويطيح
ويصيح يصيح علي ياخوية يصيح
عطشان مجروح بقه اعله الغبرة يلوج
وجه الله حسين دماه عالغبرة يسيح

ركضتي اعله طولي مبين العساكر
دفعني حنيني وخذتني الحوافر
حبيبي اشوفه تكطعه البواتر--حسين

حنين الحسين وعزيزة حياته
وسافة الترايب تخرب صفاته
يذبحونه وعيونه تربي الخواته--حسين

ذبح الحسين من قفا واويلاه
@@@@@@@@@@@@@@@
الجيش للفرهود صاح--يله لحكو حسين طاح
للخيم طبت الخيل--حسين مات الحيل راح

بالخيمة النار تشب يا ذل الحال
نركض حفاي علينه العسكر مال
عثرات وخوف ودور ونداريت
من وسط النار الم نسوان وطفال

بناتك يالحسين يسلبون حليهن
المعاضد خذوهن من جفوف أديهن
لهيب المخيم يحرك عبيهن--حسين

طلعنه وندور عليك بألمنه
ترسنه الصحاري وتركنه خيمنه
تطشرنه الخيول والسياط تلمنه-حسين

ذبح الحسين من قفا واويلاه
@@@@@@@@@@@@@@@
وين طاح حسين وين--اعله الدواره امنيلي عين
اصعدت فوك التل وصيح--الحك انه يالحنين

الخيل الخيل شفتهه اتدوس اعليك
مذبوح مسحوك تطشرك وتلم بيك
ما خلو حال عليك ولا ضل ثوب
كبل الخيل وذبحك كطعوها إيديك

صرت يا وسافة طعم للخناجر
تنثرك عله الكاع هضيمة الحوافر
جروحك تحشم ألا من مناصر--حسين

ولا واحد اعليك يهزه ضميرة
ألوف او ولا واحد براسه غيرة
التطشره الحوافر تلمه الحصيرة--حسين

ذبح الحسين من قفا واويلاه
@@@@@@@@@@#@@@@
الخاطر الله حسين مات--اشمالجن ما هايدات
اتساوه وين لون التراب--رايحات ورادات

يا ناس حسين تسحكه الخيل شلون
ابن امي الحيد تساوه ضلوع متون
صوت التكسير وصل فيات الخيام
ميدان يصير وسف وعليه يصولون

اليشم نحره جدي ويضمه اعله صدره
تجول الخيول وتدوس اعله ثغره
الشمر يرتقي أعليه ويحز بيده نحره--حسين

مصيبة وتهز الرواسي بحزنهه
اذا شافت الزهرة مذبوح أبنهه
ضلعها تلطمه وتدمي جفنهه--حسين

ذبح الحسين من قفا واويلاه
@@@@@@@@@@@@@@@
حسين باهض الحلفي

العليلة ع

ينسمات الهوه--خذي مرسالي إله--عله إشفافي الهله--ماتت
ينسمات الهوه--بعيدة كربلة--دمعتي الهاملة--طاحت
@@@@@@@@@@@@@@@
أنه التخنكني كلش ذكرياتي
أنه الطيرة الأسيرة بأمنياتي
أنام ومن تفز بيه جروحي
إشارة بكربلة فزن خواتي

أسكتهن-وهدأهن-وواسيهن
وأرد أنعي--إلهي أدعي--تأمنهن

هلي البعدو-إذا سلمو-إذا رجعو
تره نذري-أطش عمري-فده الهن

إنتضار الما يرد--يفت روح وجبد--دمعتي امن البعد--سالت
الحسين يرد مته--حبيب أبنيته--شعجب شو سفرته--طالت
@@@@@@@@@@@@@@@
ترست الدنيا أسأل عن خبرهم
أعله كلبي أرسم وعلكهن صورهم
حنينة وكلشي بيه يحن عليهم
ذبحني وما رحم بيه سفرهم

أكللهم-وعاتبهم-وسائلهم
هلي الغربة-تره صعبة-أعله البنية

دمع عيني-يجويني-ويأذيني
ونه طفلة-الهجر ذلة-ويفت بيه

صعب كلش صعب--إذا حن الكلب--مسافات ودرب--صعبة

دمعتي بناضري--كسرتي بخاطري--تبان أبمضهري--الغربة
@@@@@@@@@@@@@@@
تجيني أخبار منكم ماهي زينه
أهل ذيج الكتب كلبو علينه
هلي ودولي طارش كلبي يمكم
متتحمل هجر روحي الحنينة

بنبض كلبي-وألم تعبي-ونضر يربي
يماي العين-يبوية حسين-أتانيكم

الوعد يمته-الترك بته-يرد وأنته
فلا رديت-يعطر البيت-أحن ليكم

الفكد يكسر ضهر--معانات وقهر--يطكات الدهر--مرة

عيوني اعله الدرب--سهم حجي الغرب--نبت وسط الكلب--حسرة
@@@@@@@@@@@@@@@
أحن وشتاك لمسامر رقية
يتعبهه الركض باجر خطية
تطيح امن الهزل لو صعدوها
جبيرة وما تلمهه الغاضرية

حرك خيمة-وركض هيمه-الذبح ضيمه
يعذبهه-يتعبهه-وهي طفلة

يسلبوها-يطكوها-ويجروها
وتصيح حسين-حنانك وين-البعد ذلة

تكوم وتنهطر--أعله خدهه تنسطر--يأذيهه الشمر--جفه

سطرها اعله الجفن--وكسر منهه المتن--وجرح بيهه الاذن--نزفه
@@@@@@@@@@@@@@@
أنه أدري بكربلة تكسر خواطر
يطيح أقدس نحر بين الخناجر
ضحكهم يترس الدنيا بذبحته
أعله صدره تجول وتدوس الحوافر

يتعبونه-ويذبحونه-ويسحكونه
إيتطشر ليش-يسحكه الجيش-بعد ذبحه

عزيز أمه-أنطحن عضمه-الفرس ضمه
شرب دمه-وشرك بسمه-وفتح جرحه

الحوافر تزدحم--صفه بس الهدم--بقه امن حسين أسم--كلفة

إيتكلب عالثره--جبدته مطشرة--أبسهم متوزرة--وسفه
@@@@@@@@@@@@@@@

حسين باهض الحلفي

السيدة رقية ع

أتجر بالفرس عمتي الك
شو رايح وتارك هلك
وبنيتك ما ودعتهه
تبجي وتكض بيك أتركتهه
@@@@@@@@@@@@@@@
يرايح وين شو دمعاتك أتندي
مو من عادتك ما بوست خدي
إذا ما تبطي يابعد أهلي أخذني وياك
مو طبعك تحير تجيب وتودي

كسرة أبخاطرك--ويهل ناظرك--يا بابا أشجره
الزينب نضرتك--وعله أبنيتك--حس كلبي تره

عالفرس مايل منحني
للموت جنك معتني

دمعات عينك نزلتهه
تبجي وتكض بيك أتركتهه
@@@@@@@@@@@@@@@
مشيت وكلشي ميت جان بعيونك
تكلك عمتي لا تمشي يذبحونك
درت وجهك رحت والعبرة خانكتك
كسرتك واضحة من ميلة امتونك

ها يابو علي--لحظة إنزل ألي--أشتم منحرك
ما ترجع أحس--من جرت النفس--جاي اتصورك

يابو الهله شبيك أسكتت
حي وأحسنك متت

عبالي روحك فاركتهه
تبجي وتكض بيك أتركتهه
@@@@@@@@@@@@@@@
ساعة وشبت النار بوسط هدمي
ومن ذاني الطرف رجلي يصب دمي
خدي الجان وجهك تجي تشوفه عليه
امرايه اتكسرت هيج انطعج لحمي

جراني وصحت--طكاني وطحت--وحضنت الترب
فر بيه الارض--وانه برجله أكض--شبعني ضرب

أبنية حسين آنه وصرخ
بوجهي وطرف إذني ملخ

ترجيتي وي إذني أشلعتهه
تبجي وتكض بيك أتركتهه
@@@@@@@@@@@@@@@
أجيتك وانته مو كلك على بعضك
مكطع ما أميز طولك وعرضك
تارسلك مجان إيقارب الميدان
دم تترس اجفوفي منين ما اكضك

الحافرهم أصد--بي قطعة جبد--ورجع بالنضر
اهدوم مسلبه--أوصال أمجلبه--امن ضلوع الضهر

اتوسلتك وعندك عذر
ساحكتك الخيل أشكثر

حد ما اعضامك طشرتهه
تبجي وتكض بيك أتركتهه
@@@@@@@@@@@@@@@
راح أمشي بطرك روحي بدون أنته
ولو أنته نفس بالرية عاشرته
اذا سألن بنات أزغار عن حالي
اكلهن والدي بالخيل ضيعته

إيشوفن حالتي--يعرفن قصتي-- بشكلي وهيئتي
طبعات السطر--صابيع الشمر--أمبينه بوجنتي

موعد الي بطشت الذهب
أنسه الهضم وانسه التعب

موتتي اهناك يحل وكتهه
تبجي وتكض بيك أتركتهه
@@@@@@@@@@@@@@@

حسين باهض الحلفي

تعب حيلي وطحت ضامي
درت وجهي عله أخيامي

ما رحموني--أشكد طعنوني

درت وجهي عله أخيامي
@@@@@@@@@@@@@@@
أطلعت وخوان ما عندي ويخون الحيل
عطشان وسواد اشفافي شبه الليل
وراي أشكد تعب ضرب السيوف إيريد
ما ترحم الخيل الطايح امن الخيل

فاكد أصحابي وخوتي--وطالع متعني الموتي--أبكل آهاتي

من خلفي تصيح أمرية--وطلعت تبعتني أبنية--أمن أبنياتي

تكلي بكسرة الخاطر
يتاركني الهجر كاسر

أتغير لوني--أشكد طعنوني
درت وجهي عله أخيامي
@@@@@@@@@@@@@@@
أدخلت والحومة ما يوسعها شوف العين
كلهه أتصيح هذا حسين إطعنو حسين
آلاف السهام وعندي أدين أثنين
جروح البيه وصلت بالعدد ألفين

ما ضلت همة بروحي--محتار بنزف جروحي--وعيني أربية

عسكرهم هد عالخيمة--أبناتي يركضن بالهيمة--إيحشمن بيه

الناس أتجمعت يمي--تريد الجائزة أبدمي

ويذبحوني--أشكد طعنوني
درت وجهي وطحت ضامي
@@@@@@@@@@@@@@@
أتنفس سهم وشهك رمح مكسور
غواش عيوني خله الدنيا بيه أتدور
أنفطر جبدي وحق جدي النبي عطشان
يطب تراب ريته المنحره منحور

المثلث زيد تعبي--،من ضهري أمطلع كلبي--وشكك ريتي

طكوني حجارة براسي--الدم اتبده اويه أحساسي--فوك ألحيتي

أسيوف أنكسرت بجسمي--الخناجر طشرت دمي

ما رووني--أشكد طعنوني
درت وجهي عله أخيامي
@@@@@@@@@@@@@@@
تكطع جسمي من ثكل الخيول إيلين
تغط بيه الحوافر جن تدوس بطين
أدفع بالسلبني من تجيه الخيل
وأكله انه التسحكونه الحنين حسين

ما يخجل يكطع صبعي--والخيل أترض أبضلعي--أكبال أخيامي

لجل المحبس سلبني--إيكص ابصبعي وعذبني--وأصرخ ضامي

فرحان وشمت بيه--ورد كطعهن إيديه

أشكد سحكوني--أشكد طعنوني
درت وجهي عله أخيامي
@@@@@@@@@@@@@@@
خلصت السلب والخيل والذباح
جابو راسي خلوه اعله روس أرماح
الجيش أبكل وجوده اعله الخيم صفوه
من الخيمة زينب خلي تطلع صاح

صاحو زينب طلعوها--والما طلعت جروها--أمن أمخيمهه

شدو احبال بأيديهه--وحركوها الخيمة اعليهه--وسبوها أمها


طلعوهن سبي الخدر--وكلشي أبكربلة أتطشر

أكبال عيوني--أشكد طعنوني
درت وجهي عله أخيامي
@@@@@@@@@@@@@@@

حسين باهض الحلفي

هي هاي الدنيا بابا
من دلالك للترابه
عفت عمتي اتطفي بهدوم الحرم
وجبت بذيالي اثر نار الخيم
من دلالك للترابة
@@@@@@@@@@@@@@@@
انترس وجه الخيم دخان مدري تراب
وركضنه ونفسنه اتعتعت أنجره
الخيل الهدت اعله الخيم مثل الليل
اعيون أمطشرة وجروح منتثره
بنات ازغار نكسر خاطر الكيعان
ندور عالدرب ما نندل العثرة
يكسرنه الهوه ونطيح طيحة ماي
ويلمنه الخجل وتبين الكسرة

النار هم تركض ورانه
وتاكل وتسري ابكفانه
والألم ما ينوصف بابا الالم
وجبت بذيالي أثر نار الخيم
من دلالك للترابة
@@@@@@@@@@@@@@@@
ها بابا أشعجب شابك الكاع أشباك
هنياله التراب استورح بعطرك
نايم عالوجه مذبوح ما مذبوح
ها بابا العفو ما ميزت نحرك
انته اعله الضهر كلبوك من ذبحوك
لذلك ناسيه وما اباوع الضهرك
طبع سحك الحوافر تجز منه الروح
بحيث انته الحسين وصاير أشزغرك

كلبي بجفوفي لزمته
كلي انته حسين انته
هو هذا الكلشي منه ما سلم
وجبت بذيالي أثر نار الخيم
من دلالك للترابة
@@@@@@@@@@@@@@@@
جوجيت اعله جثتك والهموم اثكال
عجوز وضهري محني وبيدي عوجيه
ها يمه الجرح كتال مو كتال
ما أميز اجروحك الف لو مية
اشويه اسنين عندي وانته كومه اجروح
اي حكه آنه بتك تذكر أرقيه
جنت اتكلي جنج امي من تمشين
وهسه احسبني امك هيئة أبنيه

ها يبابا أوليدي انته
امك انه ماني ميته
آنه احس بالذي من أمه انحرم
وجبت بذيالي اثر نار الخيم
من دلالك للترابة
@@@@@@@@@@@@@@@@
هاي اجروحك اتريدلهه كون اضماد
هذا الجرح ينزف ما كطع لسه
هذا الجرح يشبه هذا يشبه ذاك
مدري اهو المسحته وما كطع نفسه
اهنا طعنة رمح وهناك كوم اسهام
ولكيت اعله صدرك جم أثر رفسه
خسف بضلوع صدرك احط ايدي تغوص
شمسوي بضلوعك حافر الفرسه

اتطشرت يا بابا يمك
اتلمني مدري انه المك
حيلي يمك كله حسيته انهدم
وجبت بذيالي اثر نار الخيم
من دلالك للترابة
@@@@@@@@@@@@@@@@
يا بابا انتهينه وجلمة الله اوياك
يراد الهه حيل اجمعها وأحجيهه
عنك رايحة بس انه ماني بخير
هاي اولهه ما ادري بتواليهه
اي ياريت واليا ريت كون اتصير
روحي اتصير دمعه ابجيهه وكضيهه
النفس مثل الرمح والشهكه طف اسهام
هيج اخلاف وجهك روحي تاليهه

اجروح البجسمك ابكلبي
انته تعبي وضاع تعبي
انضرب كلبي وكلبك بنفس السهم
وجبت بذيالي اثر نار الخيم
من دلالك للترابة
@@@@@@@@@@@@@@@@

حسين باهض الحلفي

واحسين واحسين واحسين
@@@@@@@@@@@@@@@@
نبضات كلبي امرافس الخيل
اكرهنه النهار اندور الليل
والحيل راح ابكربله الحيل

ابكربله صارت شحة احساس
ماتت ضمايرهه تره الناس
صارت اسباع اخلاف عباس

آه-- بدو حلمنه
وحركو خيمنه
وذبحو زلمنه--أبطف كربله
آه--نار بخيامي
وغاب المحامي
وبن امي ضامي--وليه انوله

واحسين واحسين واحسين
@@@@@@@@@@@@@@@@
هي الخيول تريد حيلين
تسحك اخواني وهم ميتين
افترن وداسن صدر الحسين

ردن علينه والخيم نار
اترسنه الصحاري والرمل حار
جا هذا حك الجار عالجار

وين--جا وين أخوتي
اتهزهم نخوتي
وبعالي صوتي--الهم صحت
وين--طشن بناتي
وسلبو خواتي
ريت بحياتي--لا طولت

واحسين واحسين واحسين
@@@@@@@@@@@@@@@@
شالفايده اشما صحنه ونصيح
وفوك الثره اخواني مذابيح
نعثر ابحبل الخيمة ونطيح 

يهل المحنه اتصيح نسوان
كل وحده عدهه احزام خوان
للخيل صار حسين ميدان

طاح--سور الفواطم
شيخ الهواشم
عالغبره نايم--يا للألم
طاح--والخيل اجتنه
ولية ولتنه
أشكد روعتنه--وسحكت حرم

واحسين واحسين واحسين
@@@@@@@@@@@@@@@@
بالطف ركضنه والحمل مال
يحسين خويه اجروحنه اثكال
اهموم العلينه اتهد الجبال

ابضرب السياط اشكد يلحون
حد ما تروت دم المتون
كلهه تصيح الطاحت ام عون

طاح--حيلي ونكلته
طولي وسترته
بسوط الشكفته--جفي انكسر
طاح دمعي اعله طولي
من باوعولي
اشكد أشرولي--اخت الكمر

واحسين واحسين واحسين
@@@@@@@@@@@@@@@@
يحسين صحنه ابعازتك كوم
مسلوب خويه اضلوع وهدوم
اعله الخيمة صار العسكر يحوم

العسكر سلبنه ونومه الحيود
انمردت مهج يحسين وجبود
جابو احبال الخشنه وكيود

هان--صوط الضربني
بس الهضمني
لمن شتمني--وسبني الشمر
هان--طعن الخناجر
سحك الحوافر
بس وسفه باجر--طبت القصر

واحسين واحسين واحسين
@@@@@@@@@@@@@@@@

حسين باهض الحلفي

يا مصعب درب يسري يمره
ضعن والحادي جم ديرة يمره
يو مرة الهزل توكف يمره
لجل ترتاح مو تعبت رقية

جنين حسين بعد وكلم أمه
وصار إيسولف الهه ويشكي همه
يبني أحجيلي عنك تشكي من يا آه
نشغ نشغة أبطنهه وصاح يمه

أبنج يمه يولد والمصاب إوياه
يولد والنوايب ملكه تتلكاه
محد من خواته يمه من إيموت
يدور ناعية أتصيح أعله جسمه أحاه

أنه المضلوم أنه المذبوح أنه العطشان
أنه المسحوك أنه المسلوب أنه العريان

أنه المحد يدور أعليه حدر الخيل
أنه الشابع سحك من الضهر للليل

آنه الميت المبيوك حيل وحال
أنه الكطع أديه وخنصري الجمال
أنه السلبو قميصه وتكة السروال
يا يمه السوالف صعبه ما تنكال

آنه المتت مو فد مرة لا تكطيع
آنه الكطعوني أوصال بالحافر لحد ما أضيع
آنه الشيعو كل قطعة مني بصوب
وراسي اعله الرمح هم حصل التشييع

كلهه أتصيح هذا حسين- حنين وباله يم زينب
جروها بحبل جدامه خل تتعب
السوط السوط هلله اهواي كثرو أسياط
فوك أمتونهه خل يفتر ويلعب

كلتله أسم الله فز من هالحلم يحسين
باجر تكبر بحضني وتكر العين
يمه الباب مو وكته وأسولفلك
آنه أفديك مو فد ضلع لا ضلعين

أخلفلك أخت ما تنكسر بالشام
أبحضنهه اتنوم ابناتك وهيه اعله التراب تنام
تكصدك من تجيك الخيل وتلمك لحم وعضام

وتبجي عليك دم وتطيح منهه عيون
ويصيحون عدوانك ماتت زينب يكولون
لحد ما منك إيجرها الشمر ويكول
زينب ما يرد حسين
لا راس وصدر لا ضهر ما ضل عنده من السحك حته أمتون

حسين باهض الحلفي

انولينه ومحد أمن الناس يا عين
ادور حسين راح الشوف ياعين
الحوافر للضلوع أشتهن ياعين
كلن صدره حوافر الاعوجيه

حسين باهض الحلفي

يم متون محروكة
الشام امتعبج سوكه
اجيتي أحبالج تكودج
اجتاف وركبه مشبوكه
مو معقوله--بت حيدر فرجه الخلك الله
مو معقولة--تعثر محد كلهه اسم الله
مو معقولة--غربه الشام وما تندله
غريبه زينب محد من اخوتهه وياها
غريبه زينب بحجار الشام اتلكاها
آه أه واويلاه عليهه
@@@@@@@@@@@@@@@@@
تعرج بيهه ناكتهه
فشله اهناك طيحتهه
الهوه امن يهب يأذيهه
اذا مالت عبايتهه

اتميل الناكة--تشلع كلبج يا ميلتهه
اتميل الناكة--وتشكي الحال الروس اخوتهه
اتميل الناكة--والكل تتنطر طيحتهه

غريبة زينب--بماي الحار امن يشمروها
غريبة زينب--كوه امن الناكة يطيحوها

آه أه واويلاه عليهه
@@@@@@@@@@@@@@@@@
مالت دنيتج ميله
عالت بيج أشد عيله
عباتج تحترك بالنار
وتوصل طارف الشيلة

شو محنية-- حدب ضهرج لو خجلانه
شو محنية--من الهضمه لو تعبانه
شو محنية--متعوبه وروحج خلصانه

غريبة زينب-- ليش اعله السوك يطبوها
غريبة زينب--بطبول وصفكة اتلكوها

آه آه واويلاه عليهه
@@@@@@@@@@@@@@@@@
باب القصر مو كدرج
يماشيج اللي مو عمرج
عجوز وحانية ضلوعج
الجهال احجارها اتشمرج

لو طبيتي--القصر والناس مو ناسج
لو طبيتي--الجلمة اتفلش احساسج
لو طبيتي--الهضمه اتدنكه الراسج

غريبة زينب--تصيح البالقصر كلهه
غريبة زينب--عكب عيون كافلهه

آه آه واويلاه عليهه
@@@@@@@@@@@@@@@@
حسين البالطشت نحره
العود ايكلب بثغره
إيزيد ويشمت بذبحة
ويشتم فاطمة الزهرة

إيكلج زينب-- الحال شلونه ابدون حسينج
ايكلج زينب--مذبوح اتشوفينه بعينج
ايكلج زينب--وحبالج طبعن بيدينج

غريبة زينب--وين الباطل غيره يسبهه
غريبة زينب--قصر ايزيد اشكد تعبهه

آه أه واويلاه عليهه
@@@@@@@@@@@@@@@@@

حسين باهض الحلفي

لوعتهه وغربتهه اتفت الصخر
والحادي الماشاها كلبه حجر
يم الروس يسبهه ويبجيهه
وفوك الناكة زينب مكسورة ضهر

هيه زينب--هذا الدرب ما لايك الهه
هيه زينب--وحدهه جا وين الكفلهه
هيه زينب--فوك الهزل ياهو العقلهه

محد من اخوتهه يرد العياله
تتخطى بناكتهه اكبال الخياله
يامه الدنيا وياها صلفه ومياله

اخت الكمر غريبة
@@@@@@@@@@@@@@@@@
مجتوفه اعله الناكة ويجوي الحبل
جابرها السابيهه اصعود الهزل
من تعثر ناكتهه تشوف المنية
وجدامهه يطيحون جم طفله وطفل

حشمتهم--وين أخوتي وين الغيارة
حشمتهم--نسوانكم راحن أسارة
حشمتهم--ونضربن بسوط وحجارة

فزعولي يخواني السوط مأذيني
يهز راس حسين ويقهرني السابيني
يتعمد جدام اخواني يبجيني

اخت الكمر غريبة
@@@@@@@@@@@@@@@@@
علوية ومو عدله اتماشي الغرب
طلعتهه اوي الحادي كسرة كلب
درب البر ايتعب وهيه نحيلة
حته النوك إيهدهه هذا الدرب

يا لوعتهه--فوك الرماح اهل الحمية
يا لوعتهه--ابلايه حمه تطلع سبية
يا لوعتهه--اتبجيهه من تبجي رقية

ما جانت عالبال بهزل مجتوفه
وطول المحد شافه خلك الله تشوفه
تفتر ابراس حسين وجسمه تعوفه

اخت الكمر غريبة
@@@@@@@@@@@@@@@@@
كل ديرة التدخلهه اتشوف الألم
نضرات الشماته بطعم السهم
يهضمها اليسألهه وين الكفلهه
متكطعات جفوفه حامي الخيم

صاحت خويه--اختك عله الهزل سبوها
صاحت خويه--بسوط وزجر وليه ولوها
صاحت خويه--هاي انه اختكم خلصوها

مسبيه بلا هودج لا يمي خواني
وحاديكم ما يرحم وليه اتولاني
حشمت اهلي ومحد منكم حاجاني

اخت الكمر غريبة
@@@@@@@@@@@@@@@@@

حسين باهض الحلفي

مشتاكين--يابو علي يابو علي ياخويه
مشتاكين--يابو علي يابو علي يا خويه
@@@@@@@@@@@@@@@
عنك مشينه بهضمه من مشينه
أخذينه حزنه والحبل بدينه
أنخلص الهيمه وندخل المدينه
خدام أهلنه أتفرجو علينه

خويه-هضموني وصحتك
خويه-أتفطر كلب أختك
خويه-هالكد حشمتك
متعوبين--يابو علي يابو علي يا خويه
مشتاكين--يابو علي يابو علي ياخويه
@@@@@@@@@@@@@@@@
آنه العظيمة زينب أخت أخوتي
بلوة بناتك هم مثل بلوتي
أتشمت الحادي من سمع نخوتي
يا روحي موتي امن النواعي موتي

صعبه-ماهانت صعبه
صعبه-سبونه الغربه
صعبه-يلشام ودربه
مهضومين-يابو علي يابو علي يا خويه
مشتاكين-يابو علي يابو علي يا خويه
@@@@@@@@@@@@@@@@
ردينه والهضمه أبكبر جرحنه
درب السبي يابو علي ذبحنه
يا اهل الله كومو استقبلونه صحنه
أعله كبوركم دمعه اعله دمعه طحنه

أبناتك-هدن فد هده
أبناتك-شدتهن شده
أبناتك-تنقصهن وحده
مو زينين--يابو علي يابو علي يا خويه
@@@@@@@@@@@@@@@@
يالبالكبر تسمعني من أحاجي
طبع الأخت لخوتهه من تشاجي
والله شبعنه امن الهضم بواجي
وحر الشمس غير تره المحاجي

بيدي-راسك جايبته
بيدي-وشكد أحضنته
بيدي-أشكد وجهي الطمته
متغربين--يابو علي يابو علي يا خويه
مشتاكين--يابو علي يابو علي يا خويه
@@@@@@@@@@@@@@@@
لسه الرماد أمجلب بعباتي
من حركو الخيمه وشلت بناتي
مو زينب انه اتغيرت صفاتي
أشكد أنتضرته وما حصل مماتي

ميته-وجروحي اتكابر
ميته-من شفت الحافر
ميته-وبكسرة خاطر
ما باقين--يابو علي يابو علي يا خويه
مشتاكين--يابو علي يابو علي يا خويه
@@@@@@@@@@@@@@@@
مشتاكه الك كد شوكك الرقية
يابو علي أتأخرنه مو بديه
هي أشبديهه التنوخذ سبيه
غير الحبال وسوط ال أميه

جيتك-للطف مشايه
جيتك-ويتامي اويايه
جيتك-من جم اولايه
مكسورين--يابو علي يابو علي يا خويه
مشتاكين--يابو علي يابو علي يا خويه
@@@@@@@@@@@@@@@@

حسين باهض الحلفي

يا كلبي موت - موت بحسرتك
ياكلبي موت - وكطع نبضتك
……………
التحبهم تعبوك اهواي - ياكلبي خضارك مات
هالكد الهجر أذاك - ميرجعون الك هيهات
إنكسارك والحزن والأه - أهمومك والوجع دمعات

أشكد تانيت - حنين ومحد يفكدك
أشكد حنيت - وماضل كل امل عندك
خافنهم نسوك أبغربتك وحدك

اكبر عذاب - أتعيش أبغربتك
ياكلبي موت - وكطع نبضتك
……………..
صارت شوفة الأحباب - حسره وروحي مختنكه
يتحرك وصد للباب - الهوه جذاب ما اصدكه
كافي أمن الهجر مليت - أبروحي تاكل الفركه

إي مشتاك - كلبي وحالته حاله
كافي أفراك - الحنين الهجر كتاله
واليفكد أعزازه أتموت أماله

ياكلبي لا - أتبين كسرتك
ياكلبي موت - وكطع نبضتك
……………..
ليليه أنتضاري إيطول - وكعد ونكسر كلش
غير أدموعي والصفنات - ذكرى بخاطري مامش
أسولف همي للحيطان - أبكلبي حسرتي أتفلش

أشلون ارتاح - والدمعه أبطرف عيني
ماينزاح - همي ودمعي وونيني
أولا واحد بكه عندي ويسليني

أشكد عاتبت - ترجعلي ردتك
ياكلبي موت - وكطع نبضتك
……………….
أنه ادري الطريق أبعيد - آ يا كربله وهمهه
أمك باقيه أتانيك - هجرانك يألمهه
أحط اهدومك ابحضني - المهه الصدري وشتمهه

إي مليت - وملت روحي من عندي
أشكد أبجيت - حد ما طيحت خدي
ما أكدر أعيش أبغربتي الوحدي

أتهد الدليل - وتكسر فركتك
ياكلبي موت - وكطع نبضتك
…………….
إذا ما جان الك نيه - ترجع والوكت غادر
والدنيا أزدحام خيول - حافر يصفك أبحافر
أفراكك فتت أضلوعي - وحالي يكسر الخاطر

مو مليت - وملت روحي المتانه
أشكد تانيت - أخبرك روحي خلصانه
مو طبع الحنين إيحن عله أوطانه

لا ما تهون - وتخلص سفرتك
ياكلبي موت - وكطع نبضتك
………………

حسين باهض الحلفي