وتعرفني التكتلَك و الحَجي مصدگه
شجرة ومو بديه تدري وَكتك ريح
وتحَملني ذَنب من طيحة وَرگة
خلك ساتر ولك سويت خلك وياك
شگد موت وجثث ماضيجت خلگه
مو مِن صالحَك على الجرف تزرع عود
ماتدري على ساعه يفيض ويغرگه
"ومن شفت الخناجر خذت دور السيف
گلت ياروح صيّري بهل وَكت دَرگه"
وتسألني شسوه وَكتك بيك ؟
شسولف لك شگلك تكتل الحرگه
ذَبني بـ بير بيده وگال اكلني الذيب
ورسم للذيب صوره وجثتي بحلگه .
سمير صبيح: