Uworld cases

المريض عندو ارتفاعات بالعلالي على كل محيط العضلة القلبية (السفلي والايمن والخلفي)، شكلو الشريان الإكليلي الايمن كلو مسدود.
تم نقل المريض الى العناية وهاد اخر خبر المريض.

ففعلا امر ملاحظ مريض الاحتشاء غالبا مابزعبر.

انا قلت تشويش اش هالمنظر، الاقي المريض بلش يشخر. (طبعا لاتشويش ولا هم يحزنون مريض دخل برجفان بطيني)
لحقناه بالصدم. عاد قلب نظمو

هبدات الإسعاف.
مريض شاب٢٥ بدون سوابق، مدخن ٥ باكيت /سنوي، جاي بشكاية الم صدري جداري، ونازل زعبرة وعياط هو ومرافقينو (عملنالو اللازم،خططنا طبعا طبيعي وعلقنالو هيامولة وتم بعونه تعالى) بس رح ركز على نقطة الزعبرة وانو انا عبموت لحقوني.

مريض تاني عمرو ٤٠ سنة في شوية عوامل خطر، ومدخن وجاي وحاطط ايدو عصدرو الم حارق ضاغط، انا قلت المريض stemi مع علامة شاهدة القبر عكتر الزعبرة. خططنا طلع التخطيط ال طبيعي (طبعا هاد كان اسوا تخطيط بخططو في حياتي لانو كنت عبخطط بجهاز عبموت من اسوا ما يمكن، تخيلوا انو كل مسرى
بمسرى عمنسحب v1 - v2.-v3-v4...)
هون السنة التانية سال السؤال العجيب للمريض قلو عمو كني حدا زاعجك. قام المريض اخد دور الممثل البارع وسكاااات. بعدها قال لا. (انا هون ماعفت مسبة الا نترتو ياها بقلبي).

المهم منجي عالمهم. مريض عمرو ٦٠ سنة بدون سوابق باستثناء التدخين جاي عالاسعاف قال وانا عبطلع عالدرج صدري ضاق علي وعم يوجعني (المريض ما عبزعبر، بس هيئة الخوف والهدووووء المرعب متملكتو، بتحسو عم يشوف ملائكة الموت). جسيت النبض شفتو قوي، بس bradycardia شي ٤٠ نبضة بالدقيقة جبنا جهاز التخطيط لوقت مافضي والمريض هدوووء والامور تمام.
ركبت المساري من هون والا الاقي المنظر التالي:

المعضلة: هي يجب الوصول للتوازن بين تخفيف أعراض الخناق وبنفس الوقت عدم كسر معاوضة قصور القلب لدى المريض.
هذا الأمر يتم عن طريق التدرج في جرعات الأدوية وإضافتها .
- يتم هذا التدرج على مدى أشهر بحيث كل أسبوعين نضيف دواء أو نضاعف جرعته حتى الوصول إلى الجرعة الهدف.
- هذا التدرج يظهر أهمية التخصص، فالإلمام بكل دواء وتأثيراته الجانبية وتداخلاته ، وترافقه مع الاعتبارات الأخرى لدى المريض وهو مايتطلب وجود طبيب حاذق تابع على عدة أِشهر المرضى المصابين بهذا المرض ولاحظ التداخلات التدريجية التي تحدث مع الزمن لدى المرضى.

مثال: جرعة البيتا بلوكر (بيزوبرولول: المعروف باسم بيزوكور: 10 مغ)
نبدأ العلاج بجرعة 1.25 أو 2.5 حسب رؤية الطبيب، ثم نراقب الاستجابة والآثار الجانبية ونجعلها 5 ثم نراقب الاستجابة حتى نجعلها 10 مغ

معلومات قيمة حول علاج الخناق المستقر (انتبه الكلام حول الخناق المستقر وليس الاحتشاء) :
🥇العلاج الدوائي المثالي مع ضبط عوامل الخطر يؤدي إلى نتائج مشابهة لنتائج القثطرة والتوسيع.
🥈عند مرضى قصور القلب مع ef أقل من ٣٥ ٪ لا يوجد أفضلية للعلاج بالقثطرة عن العلاج الدوائي المثالي مع ضبط عوامل الخطر.
🥉 معظم مرضى الألم الخناقي عندهم احتشاء سابق وقصور قلب. كل الأدوية التي تخفف من أعراض الخناق تخفف من النتاج القلبي وهنا نجد أمامنا معضلة... يتبع

خطوات التخفيف من أعراض الذبحة (من مرجع current) 🤓
1⃣نتروغليسيرين قصير الأمد (تحت اللسان عند الحاجة)
2⃣حاصر بيتا
3⃣ إضافة او استبدال بحاصرات الكالسيوم (أميلوديبين ، فيراباميل)
4⃣ إضافة او استبدال النترات طويلة الأمد
5⃣ إضافة أو استبدال الرانولازين، ايفابرادين، او تريماتيزيدين.

في حال عدم وجود استجابة نلجأ إلى القسطرة 🫀

مريض خناق صدر مستقر أو غير مستقر stable angina أو unstable angina
هاد المريض مشكلتو الأساسية هي الألم الصدري وخط تخفيف الأعراض عند هاد المريض هو النترات (إما قصير الأمد تحت اللسان؛ يدعى نتروغليسيرين، أو طويل الأمد يدعى إيزوسوربيد دينترات) . بالإضافة لحاصرات بيتا. في حال عدم تحمل المريض للنترات أو عدم الاستجابة ما هي الخطوة التالية للتخفيف من أعراض المريض؟

اشرح ماستفعله للمريض.

دائما في الإسعاف، يضطر الطبيب لإيلام المريض بشكل او بآخر (لتقييم غلاسكو مثلا، لسحب تحليل، لإجراء بعد الاختبارات السريرية مثل فحص البطن عندما تكون مؤلمة). هذه العملية إن قمت بها بدون شرح ماستفعل للمريض فتوقع ردة فعل سيئة جدا، وهذا الأمر الطبيعي. أما عندما تشرح للمريض ولمرافقه الشيء الذي تفعله، سيساعدونك ما استطاعوا، ويقابلون ما تفعله بكل تقدير.

من واقع المشاهدة: الكثير من الخلافات التي تسمعون عنها تحدث بسبب عدم وضع المريض ومرافقيه في الصورة الكاملة.

١. التشخيص الارجح: التهاب عضلة قلبية فيروسي.
هاد المرض كارثة بكل ماتعنيه الكلمة من معنى: متخيلين انو شب بعمر ٣٠ سنة صار معو عجز، وللاضافة: هي الحالة ليست غير شائعة.

طبعا لتاكيد التشخيص بشكل دقيق بدنا خزعة بس مابتنعمل لانو النتيجة مارح تغير شي. والرنين القلبي كمان حاليا مساعد جدا

٢. التدبير هو تدبير قصور القلب الحاد acute décompensated heart failure. وهو بينقسم لقسمين:
١. تدبير وذمة الرئة LMNOP
٢. تدبير الصدمة في حال صار هبوط ضغط شديد وهون منستعمل الدواعم noradrenaline, dobutamine

٣. وصفة المريض: وصفة مريض قصور القلب بتتضمن أربع عناصر.
أ. ACEI/ARBs والأفضل حاليا هو المشاركة بين الفالسارتان مع الساكيوبتريل.
توضيح: الساكيوبتريل بفكك الرنين.
ب. حاصر بيتا اذا ضغط المريض بيتحمل
ج. معاكسات الالدوسترون: متل سبيرونولاكتون
د. ادوية السكري اللي بتنتهي بغليفلوزين، وافضل واحد لقصور القلب هو الداباغليفلوزين
توضيح: هدول الأدوية بيشتغلوا على تقليل المقاومة للانسولين عن طريق تعديل الانزيمات داخل الخلايا. مامنستعملها بهالحالة لعلاج السكري، بس منستعملا لانو احصائيا وجودا انو بتحسن البقيا.

ماهو التشخيص المرجح للحالة.؟
ماهو التدبير في المشفى لهذه الحالة؟
ماهي الأدوية التي يجب تخريج المريض عليها؟

مريض عمرو ٣٥ سنة ، بدون سوابق مرضية مهمة اتى للاسعاف بشكاية زلة تنفسية وتعب عام. بتفصيل شكاية المريض: الزلة من الدرجة IV (على الراحة) بدات بشكل تدريجي منذ عشرة أيام. ذكر المريض قصة أعراض تنفسية علوية (رشح، غريب 🤧) منذ أسبوعين.

الفحص السريري:
التأمل: المريض يظهر عليه الزلة التنفسية
الإصغاء: خراخر ناعمة في الساحتين

الحيويات: bp: 90/60
Heart rate :100
Spo2 90%
Extremeties: bilateral edema.

ECG : nonspecific t wave changes.

Cxr:

اخوتي اللي خلصوا سادسة.
انا بعتذر بانو ماعرفت اوصل الفكرة صح، وعتبي انو ما حدا حمل الكلام اللي قلتو عمحمل جيد.

انا اخطأت بالأسلوب باني قلت (على كلامهم)، ورح صحح ووضح الفكرة.

انا بالرسالة ما توجهت لنقاش فكرة انو الاسئلة صعبة او سهلة ،صحيحة او خاطئة، مناسبة او غير مناسبة (وجعكم وانتوا ادرى فيه).

وفعلا أمر صعب أنك تشوف أسئلة مالك متدرب عليها قبل.
بس للاضافة لمعلوماتكم (بعرف هالتشبيه تشبيه اش جابو يايا بو) بس في فكرة مهمة.
هل تعلم انو اخر سنة أسئلة الستيب٢ عم يجي فيها اسئلة خلافية لا يوجد مرجع لها (ومعظمها يندرج تحت الإجابة الأكثر صحة) ،وبسببها سكورات اللي عم يقدموا ستيب ٢ حاليا فيها انخفاض ملحوظ (طبعا هنيك عم يدفع هديك الحسبة وعم ياكلها) 😁 طبعا ما عم قول انو انتو ما عم تتحملو، ولا عم برر للي كتب أسئلة ضعيفة علميا خطؤو

ولكن لنوضح الفكرة اكتر.
مين احسن: الواحد يجيب ٩٠ وترتيبو ١٠٠، والا ٨٠ وترتيبو ٥٠.

بالنسبة للطلاب هي مفاضلة، وترتيب ،وبالأخير تريبك هو اللي بيحكم.


توضيح تاني: سؤال بدي جواب منصف عليه: هل عدد الاسئلة الخلافية اكتر من ٢٠٪ من الاسئلة؟

اكيد ما هيك، وبالتالي النجاح بالدراسة والتحضير الجيد امر مضمون.

توضيح تالت: اعني بكلمة الاتزان النفسي هو قدرة الشخص على تحمل الظروف الصعبة المفاجئة. من الأمور المسلم فيها انو العلامات بتتكون من جزئين (دراسة+ ضبط نفس بالفحص). في grand master بالشطرنج بقول كلمة انو واحد من اهم الأمور المهمة بألعاب الشطرنج الخاصة بالمسابقات هو الحفاظ على الحضور. عدم التفكير بالنتيجة وقت اللعبة. لا فوز ولا خسارة، فقط التركيز على اداء ماتعلم.

توضيح رابع: وهو الأهم والملخص وهو كلشي كنت عم احكيه. هل الطالب اللي اجتمعت عندو مكونات التفوق الدراسي، بهالفحص خسر ترتيبو بين رفقاتو؟.
صراحة جواب هالسؤال بكرا بالنتائج ببين (بس انا متوقع انو اللي كان ترتيبن عالي بسنين الدراسة، رح يضل ترتيبن عالي بالوطني الصعب) طبعا في استثناءات في عالم بتتفوق على حالها وبيطلع ترتيبها، وعالم بتتكاسل او بيصير عليها ظروف وبينزل ترتيبها.

ياجماعة انا بعتذر اذا حدا فهم كلامي إساءة، بس الحقيقة اللي مافيها خلاف.
ما كل شغل سيؤدي الى نتيجة.
ولكن الشغل المستوفي الشروط اكيد رح يؤدي لنتيجة.

وكل ما كنت عم تزيد هامش الأمان تبعك باتقان المعلومة والتدرب على ضغط الامتحان فماحدا رح يطلعلو معك. وكل تقصير بتعملو او عملتو من بداية دخولك للكلية، رح يندفع تمنو (اما ببذل جهد زائد منك، او بعلامتك).


للمرة المليون: انا ماني بنقاش مستوى الاسئلة، ولكن بنقاش ماذا يجب أن أفعل.

هلق منبلش بالرد على سؤال اجاني من شخص مجد، عندو طموح وهمة عالية، وبنفس الوقت حس انو هلق صار لازم يفهم الطب، لانو ال كشكشة والدورات لحالهم مابتطعمي خبز (طبعا هاد مو شي جديد، وهاد موجود بكل السنين وبكل مجالاتك الطبية المستقبلية).
فحب يسال حدا مر بالتجربة سابقا.
اسف انو الرد على هالسؤال طوييل وطويل كتير، بس عزيزي القارئ خليك معي، لانو عندك ٢٥٠٠ صفحة بدهم دراسة هالسنة.

١. على ذكر ال٢٥٠٠ صفحة بالاضافة للبنوك، عزيزي الطالب قبل ماتفكر تفتح اي شي خارجي، حسوب بالورقة والقلم كم صفحة خسكارك اليومي، وهل عم يخلصوا معك؟؟؟؟.
الجواب عند المعظم (اذا كان بلش يخطط ويقسم) لا. هي عداك عن القسم الاكبر ومابلش يعد كم يوم عندو.

طالب يتسائل: دكتور مو بكير؟؟؟ ؟ لسع ما ريحنا.
صالح برد: انت وانت بس بتحدد انو بكير او لا، بانك تحسب الايام والصفحات، بالورقة والقلم والجداول، اي اي عم احكي معك. سنة السادسة هي فرصة فخمة كتير بشرط حسن الاستغلال، اما بدون استغلال وتخطيط فهي ابشع من سنين الكلية (على الاقل بالكلية في خطة وفحوص مقسمة مفروضة عليك، اما هون الايام بتركض ركض)

٢. اذا كان جواب السؤال الاول انو ما عم لحق، او ماحسبت، فنصيحتي لااااااتبلش شي خارجي، خصوصي انو مانك مبلش من قبل. بدك تتسلى بوقت الفراغ تسلى، بس بعد ماتكون خلصت الاولوية اللي غالبا رح تلتلحق لحقة.

٣. اذا كان جواب السؤال الاول اي، وبدك شي خارجي، فانت لازم ترتب اولوياتك. هل هي المانيا، بريطانيا... ، اما انت ناوي تضل هون. اذا ناوي تضل هون فالشي الوحيد المطلوب منك هو انك تعرف تقرا بالانكليزي.
كيف فيني اعمل هالشي (ببساطة medscape مثلا) كل يوم المرض اللي درستو بالعربي اقرؤو بالانكليزي او امبوس مثلا. اما الاستفاضة بالدراسة والشروحات ما وقتها هلق ومابتلزم كتير، ودوبك تلحق كم موضوع ما اكتر.

٤. اذا هلق بدك تبلش بطريق الستيبات، فيفضل تبلش فيو بخط مستقل عن الوطني بأنك تجيب كتاب ال First aid ،وتمشي معو فيديوهات bnb. (هالشي بفيدك اذا حاطط في بالك السفر وعرفت الخطوات، اما من باب الفضول فما هالفرق الكبير) وبالمصادر البسيطة وغوغل بتوصل للمعرفة المطلوبة (هاد حكي واحد ختم مناهج الستيب وجاب علامات عالية بفحوصهم)

٥. الدورات والفقرات: ياعمي هدول بضلوا للابد، بتحل دورات الوطني وبتثبت الفقرات، زاد وقت بتحل اللي بتحسنو من دورات الجامعات،،،، ،ما تحرق حالك، المهم تفهم وتتدرب. واللي بقول جابوا من برا. اي جابو ٣٠ من ١٢٠ برا الفقرات كليا (طبعا الرقم اقل من هيك، بس معلش) وهدول عالكل نقصو، ففحص الكل صار من ٩٠ مو من ١٢٠ فماتوتر حالك كتير.

٦. حاول تنزل بالمشفى تدرس مرض وتشوف مريض عندو هالحالة (بتبلش بورقة المشاهدة بالاضبارة، وبتركز الشكاية ،وشلون وصلنا للتشخيص) وسال طلاب الاولى غالبا بكونوا متعاونين.

٧. اخيرا وليس اخرا. وهي النصيحة الاهم.
الحياة هي تراكمات صغيرة، مي درجات كبار. والوطني مو نهاية العالم في الف طريق وطريق. بس انت المهم انك تكون عم تعمل اللي عليك، وبكفاءة واتقان.

٨. مالي خلق عالدراسة؟؟؟
سؤال مالي خلق اجاوب عليه 😘😁

٩. ما عم افهم ،عم حاول بس ما عم استوعب.
ياعمي اللعبة لعبة حرب وتيبيس راس وتكتيكات. بكل بساطة استعين برفقاتك اللي بتعرفهم شاطرين. سآل، ثم سآل ثم سآل. في احصائية وجدت انو الطلاب المتفوقين هنن اللي بيعرفوا يسالوا. ،،،، عيد الفقرة مرة وتنتين وتلاتة....خلص الفصل كاملا بعدها رجعلها..... ما مشي الحال جرب خلص المادة كلها ورجاع عيد مرة تانية رح تلاقي الامور اسلس. اللي وصلوا ما وصلوا وهنن لافين اجر عاجر، وكل واحد الو صعوبة وتحدي لازم يجتازو لحتى يوصل.



بعد كل هالجريدة كالعادة يتبع في حكي لسع ماعرفت شلون رح اكتبو

عزيزي طالب/ة السادسة اللي هلق بلشت تحضير للوطني.
تحية طيبة وبعد
وبدون مقدمات اكتركم مهستر من تجربة الوطني تبعية السنة الحالية اللي تحطمت على اثارها امال الكتير (على كلامهم) وتفاجؤوا باسئلة من المريخ (كمان على كلامهم) بالاول وبالاخير انا مراقب خارجي لا الي ولا علي. بس في شغلة وحدة متاكد منها وبعرفها. انو الشخص اللي درس كويس، وكان عندو اتزان نفسي كمان كويس، وفهمان اش معنى فحص وطني، ومستوعب المفاضلة،وعندو خطة منطقية عم يمشي عليها، ما تأثر بكل اللي صار.

لانو الاسئلة وان كانت صعبة، فما رح تاثر لانو عالكل، واذا ماوصل للنجاح، فالسبب في ٩٩٪ من الحالات بكون عدم تحضيرو، او عدم اتزانو النفسي بالامتحان والتنين مصيبة. وبالاخير ماحدا بياخد غير قسمتو ،بس هو كطبيب الفحص الوطني يعتبر نقطة في بحر الضغط اللي رح يتعرضلو بالمستقبل.

https://t.me/MrCourseApp
رابط قناة مستر كورس.

✨حابين نخبركن دكاترتنا عن كورس فيزيولوجيا القلب من سلسلة شرح كتاب kaplan physiology

✅مين بيستفيد من الكورس؟
🔹انت كطالب طب رح تفوت عالسنة الرابعة وخصوصا القلبية وحابب تراجع فيزيولوجيا و ترمم وتركز معلوماتك الطبية اللازمة من افضل مصادر المراجعة للامتحان الطبي العالمي USMLE
🔹طالب ترفعت عالسنة ثانية أو الثالثة وحابب تمشي بالفيزيولوجيا صح وتقوي لغتك الطبية الي هية لغة الطب
🔹في حال كنت حابب تبلش ستيبات وتركب الطريق الصح

✅فاكيد انت بحاجة...
✅لكورس الدكتور محمد صالح يونس✅
🔹مقيم القلبية في مشفى حلب الجامعي
🔹وحاصل على علامة 96% في امتحان '' ifom1 '' المعادل لامتحان '' Step 1 ''
🔹صاحب قناة '' uworld cases ''

✅محتويات الكورس:
١. التخطيط والنشاط الكهربائي للقلب.
٢. فهم ديناميكية الدوران الدموي
٣. فهم كيف تعمل العضلة القلبية وأهم الأمراض المتداخلة بآليات عمل العضلة القلبية
٤. تأسيس وتبسيط لكيف تعمل الأدوية القلبية (الأدوية بتفصيلاتها لها موضع آخر)
٥. أمراض القلب الصمامية والأصوات القلبية.


✨الاكواد ستكون متوفرة اعتباراً من الغد في مراكز البيع 💚💚