الصديق الصالح أو الصحبه الصالحه منو هو هالصديق الصالح تعرفون ؟ هو اللي ينبهنا اذا سوينا غلط او شي حرام وينصحنا هو اللي ينصحنا بالقرب من الله هو اللي يقول لنا " هذا حلال و هذا حرام " هو الشخص اللي يهمه رضا رب العالمين يعني مثلاً يذكركم بالصلاة ودايمًا يذكركم بذكر الله وقراءة القرآن وينبهكم بأغلاطكم اللي غافلين عنها ، عندكم هالصديق ؟ اذا لا كونو انتو هالصديق الصالح اذا شفتي ربيعتج منزله صورتها مثلاً والكل يقدر يشوفها ما تروحين تمدحين وتعززين لها لان لو انتي صدق تخافين عليها مستحيل مستحيل تخلينها تسوي جي صح بمدحها بس بعد لازم انصحها وها اهم شي تخافين عليها وتنبهينها ان الدنيييا فانيه وكلنا نهايتنا تحت التراب ف لازم نسوي شي ينفعنا بالآخره مب المعاصي وبشكل عام مب بس الصور حتى حتى الاغاني واذا شفتو ربعكم في علاقه محرمه او يسوون شي ما يرضي ديننا ولا رب العالمين انصحوهم قولو لهم ان هالشي حرام وغلط الموت ما يستأذن اي شخص والله توبو لله الدنيا فانيه هالشي بأيدنا وباب التوبه دوم مفتوح نروح نعصي رب العالمين عشان شي بنستمع فيه شوي وبيروح ؟ " الصاحب ساحب " ساحب للجنه او النار وها الشي انتو تقدرون تتحكمون فيه ف عشان جي لازم نختار الصح انصحوهم عشان يبقون معاكم بالدنيا وبالآخره ، كيف الصاحب ساحب ؟ يعني مثلاً لو هي تسوي غلط وانتي تعرفين انه غلط ولكن مستمره وياها " ما نصحتيها او شي " مع مرور الايام انتي بتشوفين ان هالشي عادي وصدقيني صدقيييني بتصيرين نفسها او بتسوين اللي هي سوته اختارو الصحبه اللي يبقون معاكم في الآخره ويسحبونكم لطاعة الله مب للمعاصي وانصحوهم مره ومرتين وثلاث عشان ربي يجمعكم في اعلى مراتب الجنهو ترا الصحبه تؤثر على 3 اشياء تعرفون شو هي هالأشياء ؟ اول شي تؤثر على علاقتك بالله وثاني شي تؤثر على علاقتك بمن حولك
وثالث شي تؤثر على مستقبلك ترا الصديق الصالح من أعظم وسائل الثبات وبه تنال الشفاعة ورزق من ربي لكم واخر شي اقولكم انتبهو واختارو الصح واللهم اجعلنا من خير الاصحاب لأصحابهم وارزقنا الصحبه الصالحه فالدنيا والاخره
وثالث شي تؤثر على مستقبلك ترا الصديق الصالح من أعظم وسائل الثبات وبه تنال الشفاعة ورزق من ربي لكم واخر شي اقولكم انتبهو واختارو الصح واللهم اجعلنا من خير الاصحاب لأصحابهم وارزقنا الصحبه الصالحه فالدنيا والاخره
