Postagens do Canal التحليل الفني والزمني للبورصة المصرية

سؤال عن ليسكوا

سؤال عن شهر رمضان والاسهم اللي بتنشط
والله يا اخي في كلام دارج ان قطاع الاغذية هو بينشط في رمضان
لكن ما فيش تاكيد
كل اللي نقدر نقوله
اولا اللهم بلغنا رمضان 🙏
ثانيا لما يجي نبقى نشوف الشارت
وكما قال الشاعر
السيف اصدق انباء من الكتب
في حده الحد بين الجد واللعب

بلتون
من اوائل الاسهم اللي دخلت منطقة عرضية في منتصف 2023
مش عايز اتكلم على تاريخه
خلينا ولاد النهارده
السهم حاليا اسبوعيا نازل بوتد هابط
وعامل نموذج ايجابي اسمه دبل بوتوم
او قاع مزدوج
المهم ما يكسرش 2.38 اغلاق اسبوعي
طيب علشان ما تهش مع الراجل
ارسم معايه المستطيل الاخضر ورص معايه الياردات وخلي بالك الارقام اسبوعي
منطقة الدفاع 2.38-2.74

خط الوسط 3.57-3.94
منطقة الهجوم 5.13-5.50
طيب عايزين ارقام اصغر للملعب اصل مدرسة الدفاع هي المسيطرة والمصريين غيروا القوانين لما راحوا كاس العالم 😅
خد يا سيدي
قلنا السهم ما يكسرش 2.38 باغلاق اسبوعي
وهو حاليا قريب منها بس قفلة قبل الاجازة احتمال بتقول كلام اول اشارة ان حارس المرمى صد الهجمة انه يطير الكورة فوق 2.58
وقتا يا سيدي ممكن نعمل هجمة مرتدة سريعة الى منطقة خط وسط قريبة عند 2.99-3.15
ومع تشجيع الجماهير والحماسة تشتعل في المدرجات ممكن نوصل لحد منطقة 3.50-3.66
لو عديناها شوف الارقام الاعلى
وفي انتظار الكابتن ماجد 😅

سؤال عن قاهر ال 💕
بلتون

نكمل باليل الرد على الاسئلة
طيب حد هيقول في نفسه هو بيرد على اسئلة مين؟
برد هلى اسئلة الناس المفعلة الاشعارات واللي امبارح شافت الاشعار وبعتت اسئلة لما فتحت التعليق للاعضاء
نلتقي هذا المساء للتكملة باذن الله

كيما ايضا اتجاه عرضي
وهو حاليا قرب الدعم
طيب ارقامه؟
جنوبا 6.91-7.20
شمالا 9.05-9.39
وخط النص 7.97-8.30
يلا حط خطتك والعب الماتش ادي منطقة الجزاء للمشتري ومنطقة الجزاء للبياع
حضر روح الجوهري اللي جواك 😅

سؤال عن كيما الكريمة

التحليل الفني والزمني للبورصة المصرية pinned «https://youtu.be/jIl146L5lj8»

https://youtu.be/jIl146L5lj8

تم رفع كورس الكلاسك يوتيوب للمنتسبين يوتيوب مستوى فضي
مساهمة مني لنشر العلم بمبلغ رمزي للغاية