دورة رياضيات || 2024

طلاب لا تشوفون ما انشر بالقناة معناها ما موجود لا اني موجود دائماً بالبوت بأي وقت تحتاجون دزوا للبوت اني اجاوبكم موجود وياكم دائماً


البوت للتواصل اي شي تحتاجون راسلو وإجاوبكم على البوت @TOPR8_bot

صباح الخير
شلونكم دفعة 25؟ شلون الدراسة و الامتحانات الشهرية؟ تحتاجون شي اساعدكم بيه
@TOPR8_bot

الف الحمدلله على كل حال
اختيار ربك هو الي بي الخير 🤍

مساء الخير
طلاب 25 موجودين؟ جاي تستفادون من القناة لو مو مفيدة الكم حالياً؟
@TOPR8_bot

المعهد و الدورات مغلقة لهذه السنة دفعة 25 مثل ما تشوفون الاسباب گدامكم

بس بالقناة متوفرلكم كلشي تحتاجونه عدكم جدول تمشون عليه و فهرست بيه كلشي من مواضيع الكتاب ملخصات امتحانات وزاريات ملازم اجوبة نموذجية بين قوسين (كل المادة بين اديكم) و بقت يمكم تعتمدون على نفسكم و على القناة من بعد اللّٰه بالالتزام و إن شاء اللّٰه الموفقية للجميع بإذن اللّٰه

دورة رياضيات || 2024 pinned «○● جدول الرياضيات دفعة 25 ●○ ك بداية تبدون شهر العاشر رياضيات السادس العلمي متكون من 6 افصل • الفصل الاول طوله من متوسط الى طويل بس بسيط بالفهم ياخذ منكم شهر 10 كامل • الفصل الثاني متوسط طوله يتكون من 3 مواضيع اساسية ياخذ منكم اسبوعين الى 3 اسابيع من شهر…»

صحيح طلاب الخارجي تسألوني احنه شلون و راح نمتحن منهج كامل؟

عادي انتو تمتحنون منهج كامل بس تحتاجون بس نجاح و درجتكم ما محسوبة إمتحان التمهيدي يمهدلكم فقط للوزاري لذلك اريدكم تقرون اول 3 افصل مع المبرهنات من الفصل السادس إن شاء اللّٰه انتو بوقتها ضامنين النجاح

○● جدول الرياضيات دفعة 25 ●○

ك بداية تبدون شهر العاشر
رياضيات السادس العلمي متكون من 6 افصل

• الفصل الاول طوله من متوسط الى طويل بس بسيط بالفهم ياخذ منكم شهر 10 كامل
• الفصل الثاني متوسط طوله يتكون من 3 مواضيع اساسية ياخذ منكم اسبوعين الى 3 اسابيع من شهر 11
• الفصل الثالث اطول فصل و شويه معقد و يرادله گعدة بالنسبة لبعض الطلاب ف ياخذ تكملة شهر 11 و شهر 12 كامل

وراها عدكم اسبوعين تكملون بيها نقوصاتكم و تراجعون قبل امتحانات نصف السنة الي هي بنص شهر 1

• الفصل السادس قصير و اسئلته معدودة بس عيبه انه حفظ و يسوي عقدة عند بعض الطلاب لذلك اريدكم تقرونه بالعطلة تبلش من بداية شهر 2 و لمدة اسبوعين راح تقرون كل يوم سؤالين منه الى ان تخلص العطلة

• الفصل الرابع هو ثاني اطول فصل من بعد الفصل الثالث و ياخذ وقت بالفهم لأن المادة جديدة لذلك ياخذ منكم تكملة شهر 2 و شهر 3 كامل و ممكن ياخذ منكم اقل

• الفصل الخامس اقصر و اسهل فصل لكن يعتمد ع الفصل الثالث و الرابع اذا ما فاهمين شلون تشتقون و تكاملون لا دخلوله و ياخذ منكم يومين الى 3 ايام گعدة يوم كامل تخلصونه

صباح الخير 💎

بدايتاََ هاي الرسالة بيها خبر محزن لهاي الدفعة وخبر مفرح للدفعة الي تجي

بالنسبة للمعهد هاي السنة مغلق ❌
والأسباب أنريد نكمل كل احتياجاتنا من ناحية المصممين والمساعدين والمصححين وباقي الأمور

ان شاء الله المعهد راح ينفتح مع دفعة ٢٠٢٦

وبكل هل وقت راح نكون سيطرنا على كل نقوصاتنا واحتياجاتنا بالمعهد وايضاً نطور من عملية التدريس الالكتروني ونأخذ جداول وأوقات وتعليمات المعاهد الخصوصية ونطرحها بشكل مجاني الكم باذن الله ✅


نتمنالكم كل الخير والتوفيق ♥️
نعتذر على الخبر بس بهاي الخطوة ان شاء الله راح نحقق هواي أمور تفيد طلبتنا مستقبلا 🔥


#معهد_TOP_التعليمي

مساء الخير
طلاب 25 شلونكم؟
شنو محتاجين و شلونكم ويه المدارس؟
@TOPR8_bot

شگد ما ضاقت بيك الدنيا و شگد ما انسدت الابواب بوجهك بس تدعي و تنخي بس يجي الوقت المناسب تسهل الامور و تتيسر، دوم خلي رب العالمين بوجهك بس تضيگ بيك
الف الحمدلله على كل نعمة

﴿إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾

اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى إِبْرَاهِيمَ وَعَلَى آلِ إِبْرَاهِيمَ إِنَّكَ حَمِيدٌ مَجِيد ، اللَّهُمَّ بَارِكْ عَلَى مُحَمَّدٍ وَعَلَى آل مُحَمَّدٍ كَمَا بَارَكْتَ عَلَى إِبْرَاهِيمَ وَعَلَى آلِ إِبْرَاهِيمَ إِنَّكَ حَمِيدٌ مَجِيد.

الحمدلله على كل حال
هذا الي الله راده النا و إن شاء اللّٰه بيه كل الخير النا

قصة قصيرة حلوة كلش و بيها كمية تحفيز حلوة اقروها ع السريع تاخذ منكم دقيقتين الى 5 دقايق بس

بس يبقى بالتضحية و بالجهد الي تبذله انت طالب علم و طالب العلم مكانته عند الله كلش جبيرة ف توكل على اللّٰه و هو بيده كلشي صدگني بعدين تحمد اللّٰه الف مره لأن صارت هل ظروف بذاك الوقت و تگول لو ما صار كل هذا جان اني بغير مكان (مو زين الك) لأن ربك يختار بس الطريق الزين الك و هو يحدد طريقك

و فجأة ظروف الدنيا كلها تجي ما تعرف منين تجي و شلون و ليش صار كل هذا الشي هواي ظروف (مرض او اعراس او موت عزاز او ظروف صعبة مادياً او تنتقلون لبيت جديد او مشاكل تواجهكم و ناس مو زينين او خذلان بالدرجات) راح تگول شنو هذا حظي و الا من دخلت سادس صار هذا كله

وانت رايح للمدرسة بأول يوم
لازم تتذكر وتخلي ببالك قاعدة ثابتة

" مو سهلة وعمرها ما راح تصير سهلة ، الي يريد شي لازم يقدم تضحيات علموده هواي "

شوف روحك شگد تگدر تقدم تضحيات شگد تگدر تتعب بقدرها راح تحصل

راح تشوف اساتذة ما يناسبوك
امتحانات صعبة
رزايل هواي
طلاب مو زينين

كل هذني تگدر تتحملهن عاشت ايدك فرصك بالحصول على معدل عالية

ما تگدر تتحملهن اعذرني راح تتعب روحك وتتعب اهلك

صدگني " لولا المشقة لسادَ الناس جميعاً"
لوما التعب والصعوبات چان كل العالم صارت علماء !

تعلّم تضحي هواي يا بطل ❤️

اعرف راح يجون هواي ما عدهم كادر و هواي ما يحبون المدرسة او انتساب و هواي ما يفهمون شرح المدرسة و هواي خارجي و اساسياتهم ضعيفة و يطلبون مني دورة الهم بس... ما في اليد حيلة

يلا هي هم طاحت براسي طلع ماكو دورة ل25 (رغماً عنا هذا الشي لأن احنه الاغلبية العظمى دفعة 24 و عدنه امتحانات و ماكو مشرفين هواي حتى يتقاسمون بينهم الشغل ف اعذرونا) يلا الي تحتاجونه اني موجود صدگ بليه مكابر و بلا مشغول و ما ارد و هاي السوالف اني يمكم و ح ابقى وياكم بهاي القناة الي تحتاجونه بس دزولي و إن شاء اللّٰه شنو تريدون اوفرلكم
@TOPR8_bot

هسه يگولون شماله ما عنده دوام شنو بس احنه نداوم
اريد اگلكم اني من جماعة 24 دور ثاني (المعلگين) لا يدرون ناجحين حتى يقدمون جامعات ولا يدرون معيدين حتى يداومون مدارس 😂

ياخي شگد الكم وحشة 24
تعودت عليكم كل ما الزم الجهاز الگا رسالة على البوت هسه ماكو شي ابقى وحدي اتصفن 😅

يسعد صباحكم