پست‌های تلگرام شعِر

بس همزين
ما صار النويته
الله انطاني
احلى من الدعيته
لاگاني الأعز
والأغلى عالروح
من عافني
واندار الاجيته
الچنت أتذكره
وينساني بالضيم
صاير يذكر واني النسيته

العمر مابي ضمان
شلون كلب انسان
ادري وغلطه
من أنطيتك سنيني
الوعد مثل الشرف
من ينكسر ينعاف
عذرك ميفيدك
شفتك بعيني
أنازع بشتياقي
وغيري يمشي وياك
تجي بيا باب
تكلي وافيني
كلي فلان حبني
وسد وراك الباب
فاتح بابي
أناطر لا تخليني

إضوي بصورتج
لو صار ضلمه البيت

هاي بوسة وشيلي دمعچ
والحزن فدوة يروح
خاف روحچ ميته كلش
گولي واني انطيچ روح
بس اريد اعرف بعطرچ
شو بوكت الفرح زاهي
وبالحزن نفسه يفوح

اكبر من احّلامي اشوفَك
حيرتي المايمها حيرة
منين ما تندار احبَك
بَحر ويحاوط جَزيرة

ماتجين عدنا شوك
وعدنا خاطر مشتريچ
مزاعلتنا وليش من عدنا
العشك ماتشترين
ماتجين ؟

جاي بچم نهر
تعبرني
رايح وين
مثل ما عابرك
ذني اني عابرهن

نرتاح شوكت
والعمر ماله حدود
خاب التعب ضل ينشاف
حتى بسوالفنه
بلا بيا بخت
نكضي العمر حسرات
الفرح ما مر عليه
الحزن صاحبته
لا يغرك شكلنا
وتكول ذوله كبار
صغيره اعمارنه
والوكت شيبنه

كلبي گام بصدري يحچي
وخضر بروحي الخضار
الدنيا جانت ظلمة عندي
شطلع بوجهي النهار

هسه روحي تغيرت
من صرتي يمي
صارت تحب الحياة
وجنت افك عيني
وأحسدها
من اسمع برجال مات
حصلت من مايكم
ماي اعله مايي
وهاي اعله الأمنيات
وهسا حاير من اصلي
وانتي عندي شرايد
اطلب بالصلاة ؟