طلبة ذوي شهداء العراق/علي العراقي

@talabatalshohda

كل ما يخص طلبة ذوي الشهداء و لكافة قنوات القبول و للفئات الثلاثة :
1- ذوي شهداء النظام البائد .
2- ذوي شهداء الحشد الشعبي .
3- ذوي شهداء العمليات الارهابية و الاخطاء العسكرية و الجرحى المشمولين بقانون 57 لسنة 2015 ،
گروب الفيس/ طلبة ذوي شهداء العراق

طلبة ذوي شهداء العراق/علي العراقي (Arabic)

هل أنت طالب ينتمي إلى عائلة شهيد في العراق؟ هل تبحث عن مكان يجمعك مع طلاب آخرين يواجهون نفس الظروف؟ إذا كانت إجابتك بنعم، فقناة 'طلبة ذوي شهداء العراق/علي العراقي' هي المكان المثالي لك. تهدف هذه القناة إلى تقديم كل ما يخص طلبة ذوي الشهداء في العراق، بما في ذلك معلومات عن قنوات القبول والتسجيل والفرص الدراسية المتاحة لهم

تضم القناة ثلاث فئات رئيسية:n1- ذوي شهداء النظام البائد.n2- ذوي شهداء الحشد الشعبي.n3- ذوي شهداء العمليات الإرهابية والأخطاء العسكرية والجرحى المشمولين بقانون 57 لسنة 2015

سواء كنت تبحث عن دعم نفسي ومعنوي أو معلومات ونصائح حول التعليم والدراسة، فإن هذه القناة تقدم لك المساعدة والدعم اللازمين. انضم إلينا اليوم وكن جزءًا من مجتمع يفهم تحدياتك ويقدم لك العون في كل خطوة من رحلتك التعليمية

لا تتردد في الانضمام إلى مجموعتنا على الفيسبوك أيضًا، حيث يمكنك التواصل مع الأعضاء الآخرين وتبادل الخبرات والمعلومات. إن 'طلبة ذوي شهداء العراق/علي العراقي' هي المكان المثالي للطلاب الملهمين والطموحين الذين يسعون لتحقيق النجاح رغم التحديات التي يواجهونها. انضم إلينا اليوم لتحصل على الدعم والإلهام الذي تحتاجه لتحقيق أحلامك الدراسية.

طلبة ذوي شهداء العراق/علي العراقي

18 Nov, 19:36

طلاب و طالبات ذوي الشهداء من فئة النظام البائد و الحشـد الشعبي الي نقبلوا هالسنة بالمسائي الحكومي و راحوا للكليات او المعاهد
وبالتسجيل بعض من الكليات طلبوا نصف القسط رغم انه القانون الجديد نصَّ على الاعفاء بنسبة 100% الكم
ف شنو تسوون تروحون لرئاسة الجامعة قسم شؤون الطلبة او للشعبة القانونية بالرئاسة و تعترضون عدهم بواسطة هذا الكتاب الي عممته الوزارة لكافة الجامعات و تبلغوهم انه القانون تعدل و قسطنا صار مجاني وهالشي صار الزامي والقانون الجديد وصلكم من الوزارة بالاعمام الصادر المرقم (ق/ش/6238) بتاريخ 2024/10/16 وهاي نسخة منه وملزمين بتنفيذه كافة الجامعات 🤚
و اشرت الكم شلون الوزارة مسويه اشارة للمادة القانونية الخاصة بالعفاء من القسط

6,005

طلبة ذوي شهداء العراق/علي العراقي

18 Nov, 18:46

بخصوص منشوري هذا مال مسائي حكومي ذوي الشهداء مقاعد شاغرة
https://t.me/talabatalshohda/2776
المشمولين بالتقديم هم
1- الدور الثالث خريجين هالسنة و الي ما مقدمين سابقا من باقي السنوات و الادوار
الية التقديم لهم اول شي تروحون للمدرسة تسوون تأييد درجات معنون الى مؤسسة الشهداء مصدق من التربية ومن بعدها تروحون للمؤسسة وباب المؤسسة تسوون استمارة و تسلموهن للمؤسسة

2- الي قدموا بالمسائي بالوجبة الاولى و ما طلع الهم قبول هذول يكون تقديمهم فقط بالنت بدون مراجعة المؤسسة لان رمزهم مفعل بالبوابة ف تدخلون لرابط التقديم بس تختارون الكليات و بدون مراجعة

#ملاحظة المقاعد محدودة يعني بس الاقسام الي بيها مقاعد شاغرة مخلينها الكم و اذا القسم ما لكيتوا بالبوابة معناها مابي شاغر 🤚

رابط التقديم
https://evening-sh.dirasat-gate.org/

6,153

طلبة ذوي شهداء العراق/علي العراقي

18 Nov, 10:35

الان تم فتح التقديم على قناة المسائي الحكومي الوجبة الثانية ذوي الشهداء المقاعد الشاغرة
المشمولين بالتقديم خريجين الدور الثالث و بقية السنوات ، وكذلك الي قدم وما طلع اله قبول

الية التقديم اول خطوة تسوون تأييد بالدرجات من المدرسة معنون للمؤسسة و تصدقون التأييد ومن بعدها تروحون للمؤسسة تكملون إجراءات التقديم
اخر يوم للتقديم 2024/11/26
رابط التقديم
https://evening-sh.dirasat-gate.org/

7,317

طلبة ذوي شهداء العراق/علي العراقي

16 Nov, 12:41

اشارة الى هذا المنشور السابق بخصوص دورة ضباط الدفاع 115 الكلية العسكرية
https://t.me/talabatalshohda/2774
المشمولين بالتقديم فقط الصلة (الابن) يعني بس فئة شهداء ضحايا الارهاب + فئة شهداء الحشد مشمولين بالتقديم للصلة (الابن)
(الاخ والحفيد غير مشمولين)
ف نستنتج انه فئة ضحايا النظام البائد غير مشمولين بالتقديم كون هذه الشريحة لا يوجد لهم ابن هالسنة سادس اعدادي فقط لديهم (حفيد)
والحفيد غير مشمول ،
ممكن هالشي يتوافق مع قانون الكلية العسكرية لكن نفس الحالة صارت بمعاهد النفط هم ما سمحوا لهذه الفئة بالتقديم و هالشي ظلم بحقهم كونهم مربوطين بقانون أحقَّ لهم الامتيازات اسوةً بالفئات الاخرى !

8,745

طلبة ذوي شهداء العراق/علي العراقي

16 Nov, 09:09

تم فتح القديم على الكلية العسكرية دورة ضباط 115 لذوي الشهداء
لخريجين (علمي/ادبي/تجاري/صناعي/سيارات/الكترونيك/كهرباء)
امتياز ابناء الشهداء الاستثناء من شرط المعدل يعني لو معدلك 50 يحقلك تقدم والقبول مفاضلة بين ذوي الشهداء
العمر من 18 لحد 22
الصلة المشمولة بالتقديم فقط (ابن الشهيد)
الاخ و الحفيد غير مشمول بالتقديم 🤚
خطوات التقديم تسوون تأييد درجات من المدرسة ومن بعدها تقدمون بالنت ويا مستمسكاتكم
للمؤسسة ما يحتاج تراجعون حاليا لان ما مطلوب تأييد استشهاد الا من تنقبلون بالمقابلة و باستمارة التقديم بس تكتبون نعم احد والدي شهيد وهذا هو،
رابط التقديم
https://eformsmod.ur.gov.iq/

9,454

طلبة ذوي شهداء العراق/علي العراقي

14 Nov, 19:36

تم فتح التقديم على الكليات والمعاهد الحكومية الصباحية للدور الثالث قناة ذوي الشهداء
الية التقديم
1-اولا الدخول لهذا الرابط
https://try3-sh.dirasat-gate.org/index.html
و ملئ معلومات اسم الشهيد و رقم القرار ومن ثم الذهاب الى مؤسسة الشهداء لغرض تفعيل الرقم الامتحاني ببوابة الشهداء وتسليمهم المستمسكات مع الرقم الامتحاني
2- من بعد الرجوع من المؤسسة وتفعيل الرقم الامتحاني الدخول للرابط نفسه و ملئ استمارة الاختيارات وكل طالب يختار 10 اختيارات فقط
و هذا هو تنتظرون القبولات
مدة التقديم 9 يوم
#ملاحظة اي طالب دور 3 قدم بالمؤسسة سابقا ويا الدور الاول و الثاني و ما نجح بالدور الثاني و امتحن دور ثالث و نجح ضروري مره ثانية يروح للمؤسسة ويطبق نفس الخطوات لان التقديم السابق نلغى لان ما نجح الطالب وهسه نجح

10,350

طلبة ذوي شهداء العراق/علي العراقي

14 Nov, 11:26

تم تمديد التقديم على الكليات الاهلية لذوي الشهداء لغاية يوم 2024/11/22 ،

و تم فتح التقديم للدور الثالث للكليات الاهلية الصباحية و الاهلية المسائية ويوم غد تصل بياناتهم من وزارة التربية الى وزارة التعليم و دخولها بسستم منظومة التقديم ،
و من يوم الاحد بامكان طلبة ذوي الشهداء الدور الثالث مراجعة مؤسسة الشهداء لغرض تفعيل قناة الشهداء بحساب الطالب واخر يوم لهم هو 2024/11/22
خطوات تقديم الاهلي
https://t.me/talabatalshohda/2726

9,862

طلبة ذوي شهداء العراق/علي العراقي

14 Nov, 09:43

الدور الثالث ما ناسيكم
راح ينفتح الكم تقديم صباحي حكومي قناة شهداء اسبوع الاخر و كذلك مسائي حكومي قناة شهداء هم ينفتح الكم و كذلك الاهلي الصباحي والمسائي هم ينفتح الكم بقناة الشهداء ايضا ،
و الكم امتيازات ذوي الشهداء نفسها ،
تابعوا الكروب اي شي ينفتح جديد يخصكم ابلغكم
وحاليا لا تراجعون المؤسسة كلشي ما مفتوح الكم بالوقت الحالي

11,215

طلبة ذوي شهداء العراق/علي العراقي

13 Nov, 20:44

الاجور الدراسية لذوي الشهداء للطلبة الجدد
سوف تكون الاجور مجانية بنسبة 100% لكم في الكليات والمعاهد المسائية الحكومية ولكافة فئات ذوي الشهداء(بائد/حشد/ضحايا ارهاب) و للطلبة الموظفين والغير موظفين ،

اما الكليات الاهلية الصباحية والاهلية المسائية تكون نسبة التخفيض 50%نصف القسط ولكافة فئات ذوي الشهداء(بائد/حشد/ضحايا ارهاب) للطلبة الموظفين و الغير موظفين

بشرط ان يكون قبولكم بقناة الشهداء و ليس العامة 🤚

12,437

طلبة ذوي شهداء العراق/علي العراقي

13 Nov, 20:05

تصريح اليوم من قبل رئيس لجنة الصحة النيابية حول تعيينات الصحة
سبق وان اشرت لكم ان الطلبة الي يلتحقون هالسنة بالكليات والمعاهد الصحية الحكومية والاهلية سوف لن يكون لهم تعيين مركزي عند تخرجهم ،
و تعيينهم يكون حسب الحاجة 🤚🤚
و وزير الصحة فسر حسب الحاجة شنو و كال احتاج الطب العام و التمريض و الاشعة فقط
لكن التخدير اصبح فائض جدا ولا حاجة له ،
وخصوصا الاهلي لا تقدمون عليهم ترى بس صرف فلوس وخصوصا الاسنان و الصيدلة ،
منشوري الاول عن تعديل قانون التعيين
https://t.me/talabatalshohda/2459
منشوري الثاني حول كليات طب الاسنان و الصيدلة و بالاخص الاهلية
https://t.me/talabatalshohda/2648

10,668

طلبة ذوي شهداء العراق/علي العراقي

13 Nov, 13:00

الية تسجيل المسائي الحكومي الي نقبلوا اليوم وما هي المستمسكات المطلوبة ،
1-اول خطوة تروحون للمكتب تسحبون الورقة الي بيها اسمكم ثلاثة نسخ لان المدرسة تريد نسخة و المؤسسة تريد نسخة و الكلية تريد نسخة
هذا رابط الاسماء كل طالب و فئة مالته
https://t.me/talabatalshohda/2760
مثل هالصورة ☝️بس الورقة الي بيها اسمكم

2-وراها تروحون للمدرسة تسوون تأييد بالدرجات معنون لجهة القبول والمدرسة ياخذون نسخه من ورقة القبول وتاخذون ورقة احاله فحص طبي من المدرسة للمركز الصحي و تسوون فحص طبي هم

3-وراها تروحون لمؤسسة الشهداء الي من ضمن محافظة الي طلع بيها قبولكم يعني المؤسسة القريبة من المعهد او الكلية
تسوون تأييد استشهاد معنون لجهة القبول ايضا و المؤسسة هم تريد نسخة من ورقة القبول (حتى موظف التأييدات الي بالمؤسسة يعنون التأييد بشكل صحيح لجهة قبولكم)

تجهزون هذني تأييد درجات و فحص طبي و تأييد من مؤسسة الشهداء وياهن مستمسكاتكم و مستمسكات الكفيل و الكفيل يسوي كتاب استمرارية بالخدمة من دائرته و تروحون للكلية او المعهد الي نقبلتوا بي و تسجلون
مدة التسجيل اسبوع ،
باجر كملوا المتطلبات اعلاه و الاحد راجعوا الكلية او المعهد

11,823

طلبة ذوي شهداء العراق/علي العراقي

13 Nov, 10:50

#عاجل الان
اليكم قبولات ذوي الشهداء المسائي الحكومي
https://t.me/talabatalshohda/2760

11,522

طلبة ذوي شهداء العراق/علي العراقي

12 Nov, 17:23

بخصوص المرحلة الثالثة بالتقديم الاهلي اختيار الكليات ،
طلاب و طالبات ذوي الشهداء التقديم يكون فقط بقناة الشهداء و لا داعي للتقديم على القناة العامة لان الي يقدم قناة شهداء و يقدم قناة عامة سوه
هنا ممكن الكلية بالقبول تثبت اله القناة العامة وصار هالشي سنوات سابقة
واذا الكلية تثبت الكم العامة مباشرةً قناة الشهداء تنحذف من الحساب و يروح تعب التفعيل والمراجعة بالمؤسسة و كل هالتعب يروح وما تستفادون منه 🤷‍♂️ ،
لذلك الي قدم عامة خلي يحذفهم ويبقي فقط قناة شهداء لان العامة مابيها لا درجات الكم ولا تخفيض 50% و تخفيض العامة فقط 10% انتبهوا ،
الي قدموا مباشر بالكلية الاهلية بلغوا الكلية لا يختارون الكم عامة 🤚 فقط شهداء

قناة الشهداء 2 اختيار فقط
و يصير تختارون بس 1 هم يصير وماكو اي اشكال
و بالاختيارين تنقبلون بنسبة 100% عدا الطب العام بي منافسة البقية مابيهم منافسة

13,746

طلبة ذوي شهداء العراق/علي العراقي

11 Nov, 16:34

الكليات الاهلية ذوي الشهداء
تم انطلاق المرحلة الثالثة والمرحلة الثالثة هي اختيار الكلية و القسم بقناة الشهداء من بعد ما كملتوا بالمؤسسة
اول شي تدخلون لهذا الرابط
https://student.pe-gate-app.org/login
ومن بعدها
بصورة رقم 1 تدخلون على الاستمارات الالكترونية
بصورة رقم 2 تضغطون على التقديم
بصورة رقم 3 تختارون قناة الشهداء و القناة تظهر من بعد ما تروحون للمؤسسة و تسلموهم الاستمارة الخاصة بالقناة
بصورة رقم 4 تختارون الجامعة و الكلية و القسم ونوع الدراسة شنو تريدون صباحي او مسائي و اذا الكلية مو جامعة بحقل الجامعة تختارون الكليات الاهلية
و تضغطون تقديم الاستمارة معناها نرسل التقديم
و اذا تريدون تضيفون قسم ثاني او كلية ثانية تكررون نفس الخطوات ،
بصورة رقم 5 حتى تتأكدون من اختياركم نرسل تضغطون معاينة
بصورة رقم 6 معناها تقديمكم صحيح بقناة الشهداء

ومن بعدها تنتظرون المرحلة الرابعة والمرحلة الرابعة هي القبولات تطلع بعد 10 يوم وحاليا ما يحتاج مراجعة الجامعة لان المرحلة الثالثة فقط بالنت 🤚

13,250

طلبة ذوي شهداء العراق/علي العراقي

04 Nov, 10:33

انطلاق المرحلة الثالثة بالكليات الاهلية
المرحلة الثالثة ( اختيار الكلية و القسم )
يعني الي سوه حساب بالمرحلة الاولى و ملئ بيانات بالمرحلة الثانية مع استمارة المؤسسة و راح للمؤسسة سلم الاستمارة
هنا ينتظر يوم يومين لما تتفعل عنده قناة الشهداء بالحساب و من تتفعل القناة يدخل يختار الكلية والقسم و ينتظر القبولات

5,010

طلبة ذوي شهداء العراق/علي العراقي

03 Nov, 18:17

بخصوص منشوري السابق عن تقديم الاهلي
#تنويه للسهولة للطلبة
بخصوص الاهلي ذوي الشهداء
المؤسسة ما تحتاج تأييد مصدق من التربية
ويكون من المدرسة فقط ،
يعني ختم ادارة المدرسة يكفي هذا هو ،
و عنوانه يكون الى مؤسسة الشهداء ،

و كذلك الي عنده نسخه سابقة هم ترهم حتى لو مو اصلي بس استنساخ هم يكفي ،

السبب المفاضلة ماتكون من المؤسسة بالاهلي عكس المسائي الحكومي جانوا يطلبون الا مصدق اما هنا المفاضلة تكون من تطبيق التعليم الاهلي والمجموع والمعدل يطلعن بشكل برمجي من الرقم الامتحاني و تصير المفاضلة بيهم

6,491

طلبة ذوي شهداء العراق/علي العراقي

03 Nov, 14:00

تم فتح التقديم على الكليات الاهلية الصباحية و الاهلية المسائية قناة الشهداء 2025 ،
(الصباحي والمسائي نفس الخطوات)
امتياز الطلاب الهم 5 درجات على المعدل(بالطب العام و الاسنان و الصيدلة)(و 8 درجات على المعدل بالهندسة والتمريض و التخدير و التربية و القانون و البقية) ،
(الدرجات يكونن فارق قبول من القناة العامة) ،
و القسط تخفيض نصف القسط 50% صباحي و مسائي ،

خطوات التقديم الذهاب للاعدادية واخذ تأييد بالدرجات بدون تصديق تربية معنون لمؤسسة الشهداء ومن بعدها
تروحون للمؤسسة تكملون الاجرائات
خطوات التقديم
1- انشاء حساب للطالب عبر تطبيق peas
شرحت بهذا المنشور
https://t.me/talabatalshohda/2704
2- ملئ البيانات + ملئ استمارة مؤسسة الشهداء
شرحت بهذا المنشور
https://t.me/talabatalshohda/2723
الضوابط وصلت المؤسسة من باجر ابدوا قدموا
مدة التقديم 20 يوم ،
هذا 👇 شكل نموذج الاستمارة الي تسلمونها للمؤسسة وياها تاييد درجات و جنسية الطالب و قاعدة بيانات او رقم القرار او شهادة وفاة تسلمونهن للمؤسسة ومن بعدها تنتظرون تنفتح المرحلة 3 حتى تختارون الكلية بقناة الشهداء الي فعلتوها

6,975

طلبة ذوي شهداء العراق/علي العراقي

02 Nov, 11:37

هذا شكل الاستمارة الي تودونها و تسلمونها للمؤسسة لغرض تفعيل قناة الشهداء بحساب الطالب الي يقدم كليات اهلية صباحية و اهلية مسائية ،

من بعد التسليم تتفعل عنده قناة الشهداء بالحساب و يحصل امتياز 5 درجات للطبية و 8 درجات لبقية الاقسام و التخفيض 50%
و الي ما يسلم هاي الاستمارة للمؤسسة ما يحقله اي امتياز ولا يحقله تخفيض ✋
و هاي الاستمارة تنسحب من حساب الطالب
و نشرت الكم خطوات التقديم
1- خطوات انشاء الحساب
https://www.facebook.com/share/p/14G5RHUPh5/
2- خطوات ملئ البيانات واستمارة المؤسسة
https://www.facebook.com/share/p/15Cepn1Nh9/
ومن يروح للمؤسسة وراها بيومين ثلاثة ينتظر تتفعل القناة و يدخل للحساب يختار الكلية و القسم
الية التقديم سهله بالموبايل او الحاسبة تكدرون تقدمون و الي ميعرف يروح مكتب استنساخ يسوها اله و ما يحتاج تراجعون الكليات الاهلية لان التقديم الكتروني + مراجعة المؤسسة
#ملاحظة من يوم الثلاثاء ابدوا راجعوا المؤسسة لما توصل الهم ضوابط وباجر لحد يراجع ما واصله ضوابط

8,401

طلبة ذوي شهداء العراق/علي العراقي

01 Nov, 15:20

المسائي الحكومي ذوي الشهداء تم اغلاق التقديم
القبولات ان شاء الله هالاسبوع تكمل
من تنشرها الوزارة اسحبها و انشرها الكم قوائم pdf بقناة التلكرام https://t.me/talabatalshohda

8,100

طلبة ذوي شهداء العراق/علي العراقي

01 Nov, 11:48

الاهلي ذوي الشهداء صباحي+مسائي اهلي
تم انطلاق المرحلة 2 ملئ البيانات وملئ استمارة المؤسسة لغرض تفعيل قناة الشهداء
(هالسنة لا يوجد دفع رسوم لانشاء الحساب يعني زين كاش ما يحتاج الحساب صار مجاني)
الي كمل انشاء الحساب بهذا المنشور
https://t.me/talabatalshohda/2704?single
هسه يجي هنا يكمل الخطوة الثانية
اول شي تدخلون لهذا الرابط
https://student.pe-gate-app.org/login
تسجلون دخول بالحساب الي سويتوا بالتطبيق
بصورة رقم 1 تختارون جهة تخرجكم من الاعدادية
خريج تربية يعني خريج سادس وكلمن حسب سنة تخرجة من السادس والمهني تختارون حقلكم
بصورة رقم 2 تكتبون رقمكم الامتحاني
بصورة رقم 3 تطلع بيانات الطالب
بصورة رقم 4 تكملون المعلومات
بصورة رقم 5 تكتبون الرمز السري مال مدرسة
بصورة رقم 6 تختارون القنوات الخاصة قناة الشهداء
بصورة رقم 7 تكتبون معلومات الشهيد مع رقم القرار ومعلوماتكم
بصورة رقم 8 تضغطون طباعة

راح تطلع الكم استمارة مثل صورة رقم 9
تسحبونها بالورقة و تسلمونها للمؤسسة مع تاييد درجات مع مستمسكات الطالب
وراها تتفعل قناة الشهداءبالحساب ومن تتفعل تدخلون تختارون القسم وبدون مراجعة الكلية الاهلية ✋
سهله و كل طالب يكدر من موبايله يكمل هالخطوات او حاسبة ومن يضغط طباعة يختار نوع الطابعة حفظ pdf و يسحب الpdf من اقرب مكتب استنساخ و يسلمها للمؤسسة

احتفظوا باستمارة رقم 9 حتى من يبدي التقديم بالمؤسسة ابلغكم و الاحد لا تراجعون المؤسسة خلي توصل ضوابط

8,710

طلبة ذوي شهداء العراق/علي العراقي

30 Oct, 20:47

#عاجل
للطلبة المسائي الحكومي الي نقبلوا العام السابق وهسه حاليا همَّ مرحلة ثانية فقط
(لفئة البائد و الح-شد)
و العام انطوا نصف القسط و هالسنة انطوا نصف القسط ،
عليكم مراجعة الكلية او المعهد لغرض استرجاع القسط الي دفعتوا بالمرحلة الاولى و الثانية هالسنة ،
وزارة التعليم يوم امس بتاريخ 10/29 ارسلت كتاب بذلك و اشارت الى الكتاب الي نشرته الكم سابقا لتؤكد على الاعمام السابق والعمل به

11,820

طلبة ذوي شهداء العراق/علي العراقي

29 Oct, 20:23

استحداث اكثر من 35 قسم جديد مسائي حكومي لذوي الشهداء و بامكانكم التقديم عليهم
اخر يوم للتقديم الخميس 10/31
والي مقدم يكدر يعدل و يختارهم
منشور كيفية التعديل
https://t.me/talabatalshohda/2660
و التعديل بس بالنت بدون الذهاب للمؤسسة

3,446

طلبة ذوي شهداء العراق/علي العراقي

25 Oct, 12:11

طريقة التقديم للكليات الاهلية صباحية و مسائية ذوي الشهداء والعامة 2025،
اول خطوة تنزلون تطبيق اسمه peas و التقديم من خلاله حصرا
رابط التطبيق
1-اندرويد
https://pe-gate.mohesr.gov.iq/peas.apk
او نشرته بالقناة بس تثبتونه رابط
https://t.me/talabatalshohda/2698

2- لنظام الايفون ios
https://apps.apple.com/us/app/peas/id6683306567

من بعد ما نزلتوا التطبيق
تجون تسوون حساب كل طالب لازم من موبايله و ورقمه والية انشاء الحساب سهله
صوره رقم 1 تضغطون انشاء الحساب
صورة رقم 2 تختارون اسم مستخدم وكلمة مرور جديدة
بصورة رقم 3 تضغطون ع دائرة
هنا تصوير حي للبطاقة الموحدة الاصلية لان اذا استنساخ مرات ميفتح ف تحضرون الموحده يمكم الاصلية و بغرفة إضاءة جيده تصورون بطاقة وطنية وجه وانوب الظهر وانوب صورة لوجه الطالب
و صورة رقم 4 تحتفظون باسم المستخدم وهذا هو انتهت عملية انشاء حساب الطالب ولا تراجعون الكليات الاهلية ولا تقدمون ورقي لان التقديم الكتروني اضمن الكم ولا تحتاجون مكتب لان التقديم سهل ب موبايل

لهنا تتوقفون لما تبدي الخطوة الثانية وهي ملئ البيانات من بعدها تراجعون المؤسسة لتفعيل قناة الشهداء ومن تبدي ابلغكم

10,042

طلبة ذوي شهداء العراق/علي العراقي

25 Oct, 11:58

تطبيق الكليات الاهلية اندرويد

8,378

طلبة ذوي شهداء العراق/علي العراقي

25 Oct, 11:45

تعليمات التقديم على المنحة المجانية
96 شرط الاصلي للطب العام
93 اسنان و صيدلة

و نسبة 90% من ذوي الشهداء ما يحتاجون المنحة
السبب الي معدله 96 نقبل طب عام حكومي بقناة الشهداء و 93 نقبلوا صيدلة و اسنان ف بقوا نسبة قليلة يحتاجونها
ف ما الها داعي الكم رغم انه الكم امتياز بيها و هي نقاط مفاضلة للمعدل
7 نقاط اذا جان الطالب ابن او بنت الشهيد
5 نقاط اذا جان الطالب اخ او اخت الشهيد
3 نقاط اذا جان الطالب حفيد لفئة البائد و الحشد

التقديم بعده ما مفتوح قريبا ينفتح والمنحة المجانية هي دراسة الطب و الاسنان و الصيدلة بالاهلي مجاني

8,572

طلبة ذوي شهداء العراق/علي العراقي

24 Oct, 19:01

#تنويه
طلاب و طالبات ذوي الشهداء
الموازي مابي اي امتياز الكم يعني درجات ذوي الشهداء الـ5 و الـ7 درجات ما ينضافن على المعدل بالموازي ،
يعني ترجعون لمعدلكم الاصلي
لذلك الموازي ما يفيدكم و ما يحتاج تقدمون عليه اصلا و محد يحتاجه منكم لان قناة الشهداء تغنيكم عنه

8,483

طلبة ذوي شهداء العراق/علي العراقي

24 Oct, 13:53

وزارة التعليم العالي ارسلت قانون مؤسسة الشهداء التعديل الجديد 23 لسنة 2024 الى كافة الجامعات
و ابرز الذي سوف يتم تطبيقه لهذا العام هو اعفاء ذوي الشهداء من اجور الدراسة المسائية الحكومية بنسبة 100% و لكافة الفئات ،
من بعد ما جانت 50% لفئة البائد و الحشـ.ـد والان اصبحت الاجور مجاني بشكل كامل (موظفين وغير موظفين)

8,528

طلبة ذوي شهداء العراق/علي العراقي

24 Oct, 10:49

توضيح مع #تصحيح الية التقديم لقناة الاعتراضات الصباحي المركزي قناة الشهداء
طلاب و طالبات الاعتراض يشمل :-
1- الي معدله 75 واعلى ونقبل معهد
2- الي قدم و ما طلع اله قبول وظهرت اله عباره ليس لديك قبول والسبب مختار كليات اعلى من معدله

3- الي قدم وطلع قبوله قناة عامة مو شهداء بغض النظر عن المعدل
4- الي ما قدم سابقا او جان عنده تحديث بيانات هسه يحقله يقدم

#الية التقديم
نقطة رقم 1 و نقطة رقم 2 ما يحتاج تروحون للمؤسسة ✋ لان ارقامكم الامتحانية مفعله من قدمتوا بالمؤسسة اول شي و هسه بس تدخلون للقناة وتختارون اختيار واحد او عشرة و تضغطون ارسال وهذا هو ،
بالنسبة لنقطة رقم 3 و رقم 4 يحتاج مراجعةا اول خطوة تروحون للمؤسسة
تسحبون استمارة معلومات من هذا الرابط
https://bachstudies.alshuhadaa.gov.iq/
وتسلمونها للمؤسسة لغرض تفعيل الرقم الامتحاني ومن بعد التفعيل تدخلون للقناة تختارون اختيار واحد او عشرة اختيارات واستمارة الاختيارات المؤسسة ماتريدها وهذا هو تنتظرون القبولات
قناة الاعتراضات
https://objection-sh.dirasat-gate.org/

واضح شرحي ؟

8,868

طلبة ذوي شهداء العراق/علي العراقي

24 Oct, 10:16

وزارة التعليم وبشكل رسمي تعلن الايقاف عن العمل بالجنسية القديمة بالتقديم على الكليات الاهلية
يعني اي طالب عنده جنسية قديمة ما يكدر يقدم ع كليات اهلية
والي عندة بطاقة موحدة يكدر يقدم

و الوزارة وضعت تطبيق الكتروني مبرمج على البطاقة الموحدة او جواز يلا يفتح التطبيق والتقديم يكون حصرا عن طريق التطبيق ,
والتقديم الورقي بالكليات الاهلية غير معترف به
رابط التطبيق
للاندرويد
https://pe-gate.mohesr.gov.iq/peas.apk
لنظام ال ios
https://apps.apple.com/us/app/peas/id6683306567
نزلوا التطبيق يمكم بالموبايل
منشوري الاخر اوضح الكم طريقة التقديم ع الكليات الاهلية و كيفية انشاء حساب الطالب

8,028

طلبة ذوي شهداء العراق/علي العراقي

24 Oct, 08:58

الحاقا بمنشوري هذا
https://t.me/talabatalshohda/2686

اي طالب من ذوي الشهداء وقدم صباحي حكومي مركزي بالمؤسسة و طلع قبوله قناة عامة
ضروري يرجع يقدم على قناة الشهداء الاعتراضات مفتوحه هسه بغض النظر عن معدله وقبوله بالعامة حتى تنحسب اله امتياز الدرجات 5 و 7 ،
وينقبل قبول اخر بقناة المؤسسة
اخر يوم للتقديم هو الثلاثاء القادم

7,652

طلبة ذوي شهداء العراق/علي العراقي

24 Oct, 08:33

المسائي الحكومي ذوي الشهداء
تم تمديد التقديم لغاية يوم 2025/10/31

7,431

طلبة ذوي شهداء العراق/علي العراقي

24 Oct, 08:24

قانون مؤسسة الشهداء التعديل الجديد رقم 23 لسنة 2024 ادخل حيز التنفيذ بكافة الوزارات
و اول ما عملت به هي وزارة التعليم لتؤكد ان ذوي الشهداء مستثنين باحتساب الشهادة من القوانين النافذة و منها قانون اسس تعادل الشهادات رقم 20 لسنة 2020

8,752

طلبة ذوي شهداء العراق/علي العراقي

23 Oct, 18:25

تم فتح التقديم على الكليات و المعاهد الصباحية قناة الشهداء ( الاعتراضات )
المشمولين بالتقديم
1- الطلبة الذين لم يقدموا على استمارة القبول المركزي
2- الطلبة الي قدموا و ما طلع الهم قبول
3- الطلبة الذين معدلاتهم 75 و ظهر لهم معاهد
مدة التقديم 6 يوم
رابط التقديم
https://objection-sh.dirasat-gate.org/

#ملاحظة نقطة رقم 1 يراجع المؤسسة اول خطوة لغرض تفعيل الرقم الرقم الامتحاني ومن بعدها يدخل يختار الكليات بالرابط
نقطة 2 و 3 ما يحتاج مراجعة المؤسسة
گبل يدخل للرابط و يختار 10 اختيارات فقط و شنو تختارون اول شي يطلع الكم لان هاي الاستمارة تكون مبرمجة عالمعدل بس الي يقبلك يطلع الك والي ميقبلك ميطلع الك و استمارة الاختيارات ما يحتاج تودونها للمؤسسة

7,336

طلبة ذوي شهداء العراق/علي العراقي

23 Oct, 06:41

اليكم الحدود الدنيا للقبولات في الكليات الاهلية الصباحية و الاهلية المسائية 2025
#امتياز ذوي الشهداء ينطوكم 5 درجات على المعدل لطب العام و الاسنان و الصيدلة و 8 درجات ينطوكم لكلية التمريض و التحليلات و التخدير و الهندسة و التربية و القانون و الرياضة والبقية والتخفيض 50%
(الدرجات يكونن فارق قبول وليس اضافة على المعدل )
مثلا معدل الطب يقبل 95 لذوي الشهداء 90
طب اسنان و صيدلة 85 لذوي الشهداء 80
كلية التمريض تقبل 70 لذوي الشهداء 62
كلية الهندسة المدني 63 لذوي الشهداء 55
علوم حياة 57 لذوي الشهداء 50
القانون 65 لذوي الشهداء 58
هالمعدلات للصباحي الاهلية والبقية بالصور شوفوهن الي ع يسار مسائي و الي ع يمين صباحي
و اكو جبر كسر هم مثلا الي معدله 89.5 يحقله يقدم طب اهلي

بالاهلي كل الطلاب تنقبل عدا الطب العام يكون منافسة بين ذوي الشهداء و الطب عدنا 5 كليات اهلية بالعراق للطب ( العميد/وارث الانبياء/طهران هذول بكربلاء) (و العين ب ذي قار )(و الكفيل بالنجف ) (واشور ببغداد )
التقديم بعد ممفتوح هالايام ينفتح

7,558