SunanTV | Fazliddin Shahobiddin

Hurmatli SunanTV muxlislari!
Talablarga binoan kanalning rivoji uchun moddiy qo'llab-quvvatlash tizimi joriy etildi. Endi Telegram'ning rasmiy boti orqali kanal rivojiga o'z hissangini qo'shishingiz mumkin!
Alloh yo'lida sizga qiziqarli, foydali va sifatli kontent yetkazishda davom etamiz. Bizni kuzatib boring!

#boykot #boycotte #Palestine

🌴 Xurmolar bombaga aylanmasin!

🌙 Ramazon oyi yaqinlashmoqda. Bozorlarimizdagi xurmolarning deyarli yarmi Isroil xurmosi ekanligini bilasizmi? Kim biladi xurmoni ichida nimalar bor?

🇵🇸 Ushbu xurmolardan tushgan mablag‘lar Falastindagi musulmon jonlarimizni o‘ldirishga sarf qilinadi.
Bu xurmolar bilan iftor qilasizmi?!

🇮🇱 Quyida Isroil va Amerikaga xizmat qiladigan xurmo shirkatlarining ro‘yxati:

1. Bomaja
2. Carmel Agrexco
3. Delilah
4. Star Dates
5. Hadiklaim
6. Jordon river
7. Urban platter
8. King Soloman Dates
9. Sincerely nuts
10. Anna Sarah
11. Shah Co
12. Food to live
13. Navafresh
14. Tamara.

📱 Bu nomdagi brendlarni boykot qiling.

🤎⬜️🟫

🎞 YouTube: SunanTVrasmiy
🌐 Telegram: @Sunan_TV
🌐 Facebook: fb.com/SunanTV
🌐 Ummalife: ummalife.com/Sunan

Укам 15 кунлик маъмурий қамоқдан озодликка чиқди, алҳамдулиллаҳ. Яна кўпчилик одамлар ҳам чиқибди. Биз учун қайғурган ва дуода бўлганларга ташаккуримни изҳор қиламан, раҳмат.

https://youtu.be/YMVTqjiqhZo?si=NF-YquGkkj4zSxP-

📝 Ўтган бир ҳафтадаги воқеалар қисқача тафсилоти:

- Укам Парпиев Абдуллоҳ 1 август куни “Олмазор РОВД” га чақирилиб олиб кириб кетилганича хали уни кўришга муваффақ бўлмадик.
- Халигача биз тугул адвокат ҳам укамни олдига киритилмади.
- Адвокат ёлладик ва чиқарилган суд қарорига қарши апелляция аризасини киритдик.
- Шаҳар суди томонидан апелляция рад этилди ва қарор ўзгартиришсиз қолди.
- Қарор хақиқаттан ўз ўрнида қолса 16 август куни 15 кунлик мамурий қамоқ жазосини ўтаб озодликка чиқиши керак.

Аллоҳдан барча учун офият ва озодлик сўраб қоламан, шу қатори укамга ҳам.

#Абдуллоҳ қаерда

15 сутка, дежурний статялар ва якунида хали ҳам қаерда экани номаълумлигича қолаётган укам Абдуллоҳ.

ИИБ дагилар неча йилдан бери битта принтер ишлатишади десам, текстни ҳам ўша битта топиб олган айблов матнини “copy-paste” қилиб ишлатишар экан. Буни манабу чиқарган айбловидан ҳам кўришингиз мумкин. Ўша эски сийқаси чиққан гаплар: “майда безорилик ва ходимга бўйсунмаслик”.

Укам болаларини боғчага олиб кетаётган одам “Аъло” тўйхонасини олдига бориб қолиши энг катта мантиққа зид нарса. У ходимни қўнғироғидан кейин боғчага ҳам бормасдан “РОВД” га борганини ўзи ходимни буйруғига бўйсунганига энг катта далил эмасми? Хар не бўлганда ҳам инсон фарзандларини кўз олдида уларни қўрқитиб юбормаслик учун қўпол харакатлар қилмайди. Укам гўдакларини олдида хеч қандай безорилик ҳам ходимга бўйсунмаслик харакатини ҳам содир этмаган. Нега бундай саёз ва савиясиз бир-бирига зид айблов қўйишдан уялмайсизлар? Мақсадиларга етиш учун сурбетларча хар қандай паскашликка қўл уриш шунчалар ҳам табиатингизга айланиб кетганми?

Ҳоп, 15 сутка берибсизлар, бола қаерда? Жазо муддатини қайси жазо колониясида ўтаяпти? Бола қай холатда? Унга қандай муомала бўляпти? Қаерда экани нега халигача сир сақланяпти? Унда кимни қасди бор?

Укам ва унга ўхшаган яна қанча беайб Абдуллоҳлар тақдири номалумлигича қолмоқда.

#Парпиев қаерда?

Укам, Парпиев Абдуллоҳга кеча 1 август куни эрталаб 8:30 лар атрофида иккита ходим “102-га чақирув бўлган, уйингизда жанжал бўлибди, шунга келдик” деган ёлғон баҳоналар билан укамни сўраб келишган. Аслида уйда ҳеч қандай жанжал бўлмаган.
Укам бу вақтда болаларни боғчага олиб кетган бўлган. Укамга телефон қилиб Олмазор “Ровд” га биррўвга келиб-кетишини айтишган. Укам айтилган жойга борган. Орадан бироз вақт ўтиб уйга тинтув ўтқазгани келишган. Бир дона диний қўмитанинг штамписиз брошюра- китобча топилган холос. Укам ҳеч қандай қора рўйхатда турмайди, телефонида ҳеч қандай тақиқланган материал сақламайди. Укам ўзи Ўзбекистон мусулмонлар идораси халқаро алоқалар бўлими ходими.

Энг қизиғи укам хозир ҳеч қаерда йўқ. На тириги, на ўлиги. Ҳеч кимдан ҳеч қандай маълумот олишнинг имкони бўлмаяпти, адвокатни яқинига йўлатишмаяпти. Қаерга борса, бизда бундай фуқаро йўқ деган жавоб олиняпти.

Қонун устувор бўлган мамлакатда бус-бутун одамни йўқ бўлиб қолиши, оила аъзоларига хабар берилмаслиги тўғри келадиган ишми?
Нега бу даражада ҳаммани хавотирга солиб сирли равишда ғойиб бўлиб қолишини оддий қабул қилишимиз керак?
Айби бўлса ёки бирор нимада гумон қилинса очиқлаб қўйиш шунчалар мушкул ишми?
Бу саволларга ким жавоб беради?

Қўшимчасига: Укам “тезда чиқар эканман” деган хаёл билан кўчадан тўғри айтилган жойга борган. Кейин жиянга тел қилиб болаларни олиб кетишини айтган. Жиян келиб укамга тел қилса, мошина калитини бир ходим олиб чиқиб берган. Унгача болалар қуёш тиғида иссиқда “дадам чиқмаяпти” деган паника билан йиғлаб пишиб қолишган. Укамни қизлари 6 ёш ва 3 ёш. Агар виждон бўлса ҳеч бўлмаганда шу гўдакларга рахми келиб, уларни олиб кетгани одам келгунга қадар отаси болалар билан бирга турса бўлмасмиди?
Қачондан болаларимиз ҳам арзимас, қадр-қиммати йўқ бўлиб қолди?
Бу саволлар қачон ўз жавобини топади ва қачон қонунлар инсонларнинг фойдасига ишлайди?

ИИБга саволим: Укам қаерда? У тирикми? Унда кимни қасди бор?

Пс: Илтимос, мақолани улашинг, укамни топишда ёрдам беринг.