Simplifili Academy

السلام عليكم يا إخوتي الكرام
للأسف اليوم مكانش حصة، راني مريض
اعتذر
ما تردوش على الرسالة باه يشوفوها كامل الناس

المنشور راه هنا 😍
https://www.facebook.com/share/p/1F4jn29ej3/

⚙️ مقتطف من حصة اليوم + ملخص صغير ❤️

⭕ راني درت منشور شباب للناس لي حابة تحسن من النطق ديالها بالاستماع لل podcasts ❤️

⭕ و غدا عندنا حصة، ما تنساوش 😍

https://www.facebook.com/share/p/1BHurzc8LV/

أفضل حصة منذ بداية الدورة ❤️

⭕ راني درت منشور في الصفحة للناس لي هدفها توصل لC1 و C2 🥰
راح يعجبكم 😍

⭕ ما تنساوش الحصة المجانية ال 3 الليلة على 9:15 😍
⭕ بعدما قرينا وينتا نستخدموا ال
past simple & perfect
الليلة راح نطلعوا المستوى أكثر 🤩

الرابط نفسه كيما العادة:

Meet.google.com/zts-tqfv-qka

⭕ مقتطفات من حصة الليلة على clubhouse ❤️

من حصة البارحة ❤️

حصة اليوم كانت جميلة جدا ❤️
قرينا درس Past perfect كامل +اختصارات had و would
I'd
شكرا لكل من أتى و نلتقي يوم الأحد نفس الوقت و نفس الرابط ❤️

https://www.facebook.com/share/p/15F92q6aWp/

درس شباب و يفيدكم بزاف ❤️

لم استطع تسجيلها كاملة نظرا لضيق المساحة و التحميل يطول . كانت حصة شابة بزاااااف 😍 شكرا لكل من أتى 😁

مقتطف من الحصة 😍

سأضع فيديو هنا ايضا

جزء من حصة البارحة ❤️

🔴 تنبيه 🔴 حصص clubhouse هي حصص مجانية متوفرة دائما على مدار السنة منذ 2022
و الدورة تبدا الأحد على 9:15 ليلا

https://www.clubhouse.com/room/ARlSbDqn6oC4QNkWz:6SJj1EO5NJgxKXNZAAxZ6WqZhVrB1aHy7LKWgm-nGNI?utm_medium=ch_instant_invite&utm_campaign=0G8JXcs0x3w2Dod8uOIT6g-1612079&chs=JJyCE3dpqX%3AOcgXulLQ66RkrweyXjALm08-0HrSP5gJfsW-7I4HQv0

Voilà le lien pour rejoindre

La séance gratuite clubhouse bdat 🌸

😊 The GIfts ❤️

⭕ سمعت من قبل بعبارة
chivalry is dead? 😁

⭕أول شي: كلمة chivalry تعبر عن الفرسان و يقصد بها هنا النبل و الكرم و اللطف لي كانت من صفاتهم🌸

⭕ و التعبير هذا يعبر على فكرة أنو هاته القيم ما عادتش موجودة كما في الماضي. 🙁

⭕ مثل عبارة: دازمان كانت النية 😁

⭕ و اذا لقيت إنسان فيه هاد الصفات و فيه مظاهر الجود و العطاء و الكرم، كأنو يساعد عجوز تقطع الطريق ولا يفتحلك الباب باه تدخل، تقدر تقوله:

Chivalry is not dead apparently! 🤩

⭕ لكن واش رأيك؟ هل فعلاً النبل مات ولا تغيرت الطرق لي نظهروا بها الاحترام؟ 🤔

⭕ و ما تنساش تصلي و تسلم على النبي ❤️

⭕ راه كاين فيروس في الصين 🇨🇳 و الناس بدات تخاف؟ 🤨

⭕ دير في بالك أنو الخوف و القلق الزايد ما راحش ينقص الفيروس! 😅

⭕ صحيح أنو فيروس جديد ظهر في الصين اسمو HMPV

⭕ لكن هذا ما يعنيش بلي لازم نبداو نخزنوا ف الأكل و نحبسوا كامل مخططاتنا من الآن! 😄 (ما تخلوش الليمون يغلى plz 🙂)

⭕لهذا، الواحد لازم يكون واعي و اليوم راني جبتلكم أهم المصطلحات لي راح تلقاوهم و تسمعوهم هذه الأيام باه ما تكونوش كالأطرش ف الزفة 😁

⭕ Infection

عدوى. يعني دخول ميكروب أو فيروس للجسم وبدء انتشاره.

⭕ Pandemic

جائحة. انتشار مرض بشكل واسع في العديد من الدول والقارات بلا visa! 🌍

⭕ Emergency State

حالة الطوارئ. الإجراءات التي تتخذها الحكومة لحماية الناس من الخطر.

⭕ Outbreak

ظهور مفاجئ لمرض وانتشاره في منطقة معينة.

⭕ Quarantine

الحجر و تقييد الحركة لمنع انتشار المرض.

⭕ Symptoms

الأعراض و العلامات التي تدل على وجود مرض.

⭕ Contagious

المعدي. المرض لي يمكن أن ينتقل من شخص لآخر لأنو نتا قافز و ما حبيتش دير bavette 😷

⭕ Immunity

المناعة. لي هي قدرة الجسم على مقاومة الأمراض. كيما القوة لي عندك كي ترفض كل المغريات وتكمل ف الريجيم! (المناعة لي خاصتني 🥹)

⭕ Isolation

العزل. يعني فصل المصابين عن غير المصابين للحد من انتشار المرض.

⭕ Transmission

انتقال المرض من شخص لآخر.

⭕ Herd Immunity

مناعة القطيع. يعني حماية مجموعة كبيرة من الناس بعد أن يصبح جزء كبير منهم محصناً ضد المرض.

⭕ Incubation Period

فترة الحضانة. لي هي الوقت بين التعرض للفيروس وظهور الأعراض. يعني يقعد متخبي الداخل بلا ما يخلص الكرية 🙂

⭕ Asymptomatic

بدون أعراض. يعني شخص حامل للفيروس لكنه لا يظهر أي أعراض. و تلقاه ينقز هنا و لهيه و يغني "شمس سطعت و الجو جميل هذا اليوم" و هو يعدي ف ولاد الناس 😂

⭕ Flatten the Curve

تسطيح المنحنى. يعني تقليل عدد الحالات الجديدة إلى مستوى يمكن للنظام الصحي التعامل معه.


⭕و ديما تفكروا: ما نحتاجوش نعيشوا في خوف، لكن لازم نبقاو حذرين خاصة في اختيار الأخبار لتفادي التهويل.

⭕ تعرف واحد يحب يهدر بزاف و ينفخ الأمور فوق حجمها الحقيقي؟ 🤔

⭕ أنك تعبر عن نفسك و أفكارك شيء عادي و إيجابي!

⭕ كما يقول المثل: تكلم، لكي أعرفك.

⭕ لكن ☝️

⭕ لازم تكون صادق و ما تبالغش في الوصف يا أخي الحكيم و الرزين 🙂

⭕ لأنو المبالغة تولي تهويل! 😮

⭕ و التهويل ماشي مليح و ماهوش أصلا علامة على الذكاء أو الفصاحة 😁

⭕ لهذا في الإنجليزية، الإنسان لي يهدر بزاف و يضخم الأمور نقولو عليه:

⭕ He blows things out of proportion.

⭕ يعني ينفخ الأمور و يجعلها تظهر أكبر و أخطر مما هي عليه في الحقيقة!

⭕ و هذي العبارة غالباً تستعمل للإشارة إلى أنو شخص يحب يبالغ و يخلق دراما أو يهول الأمور غير المبالغ فيها 😱

⭕ يعني إذا سمعت إنسان يحكي على حاجة صغيرة بطريقة كبيرة و فيها بزاف تفاصيل غريبة، قوله:

Aren't you blowing things out of proportion? 🤨

⭕ يعني: مشي راك تكبر فيها؟ 🤨

⭕ و تفكر: الحكمة jamais كانت في كثرة الكلام.

⭕و خليك ديما محافظ على هدوءك و صدقك في التعامل مع الآخرين 😄

⭕ و ما تنساش تصلي و تسلم على النبي ❤️

⭕ شكون يقدر يقولي كيفاش نقولوا لهاد الشي في بالدارجة عندنا؟ 😁 عندنا عبارة عليها 🐁

⭕ مش كل حاجة راح تبداها ف حياتك، بالضرورة راح تنجح فيها❗

⭕ بعض التجارب في حياتك راح يكون الهدف منها أنك تتعلم درس لي راح يفيدك في مراحل متقدمة من حياتك 😄

⭕و ممكن الشيء لي بديت فيه ما خططتلهش مليح 🤷‍♂️ و لازم تعاود تدرسه

⭕ و الاستمرار (في النشاطات أو المشاريع) بعض المرات يكون أكثر خطرا من التوقف!

⭕ لهذا لازم تتعلم أحيانا:

⭕ To pull the plug!

⭕ أنك تنحي الپريزا (ترجمة حرفية)

⭕ و هي عبارة لي المعنى تاعها أنك ما تخليش شيء يستمر. يعني تحبسو.

⭕ كي شغل نحيت الپريزا تع télévision 📺 باه خوك الصغير يروح يقرا شوية 😁

⭕ و راح تلقى النطق ف أول تعليق 😍

⭕ إيماجيني تخسر أكثر من 100 مليار دولار فقط لأنو احتقرت نفسك أو الفرصة! 😰

⭕ الأهم من ذلك، كيفاش نقولوا لهذي الغلطة؟ 🤔👇

⭕ شركة Blockbuster، في سنة 2000، ارتكبت خطأ لي راح تعقل عليه مدى الحياة!

⭕ في ذلك العام، شركة Netflix كانت في ضائقة مالية! و كان لشركة Blockbuster فرصة ذهبية أنها تشري Netflix ب 50 مليون دولار فقط!

⭕ فقط (كي شغل قلنا 50 دج 😂)

⭕ لكن Blockbuster رفضت الفرصة و 👇

⭕ Missed the boat. ⛴️

⭕ فاتتها الباخرة.

⭕ و هي عبارة نستخدموها مين نحبوا نحكوا على شخص (أو شركة) لي ما يستغلش فرصة ذهبية و تفوته. لأنو ما استغلهاش ولا كان بطيء جدا ف اتخاذ القرار.

⭕ for example:

They could have owned Netflix, but they completely missed the boat!

⭕ و النطق راهو هنا هنا 🤩

⭕ علاش بعض المرات الإنسان لي يكون عزيز و كلامو عندو قيمة عندنا هو نفسو لي يزعفنا 😤 و ينارفينا 😡

⭕ اليوم راح نعلمك كيفاش نقولولها بالإنجليزية، و راح تعجبك! 😁👇

⭕ في اللغة الإنجليزية عندنا عبارة جميلة تعجبني بزاف 🤩

⭕ لكن ☝️

⭕ هي عبارة ذو حدين!

⭕ عندها معنى إيجابي و معنى سلبي، و الفرق يكمن في نبرة كلامك و سياق الكلام!

⭕ يعني: إذا كان السياق إيجابي و النبرة إيجابية : المعنى عسل 🍯

⭕ و اذا النبرة و السياق لا يبشرون بالخير : المعنى سلبي 😁

⭕ و العبارة هي :

⭕ To get under someone's skin.

⭕ أنك تدخل تحت جلد أحدهم

⭕ و المعنى الأول، الايجابي، هو أنو شخص أو شيء يأثر على إنسان (بالكلام أو التصرفات أو فقط وجوده) لدرجة أنو يتأثر بيه بزاف و يرجع معجب بيه 🤩

⭕ و المعنى السلبي، أنو نفس الشخص أو الشيء يقلق و يغضب إنسان آخر بكلامه و تصرفاته ( مثل كثرة التعليق، أو أنك تحبسلوا الهدرة بزاف مين يكون يتكلم، أو كثرة الحركة) 😤

⭕ يعني بالدارجة ديالنا، يلعبلوا على المورال

⭕ و قادر يطلعلو المورال 🤩 و لا بنارفيه و يقلقو 😡

⭕ و راح نحطلكم النطق و أمثلة بالإنجليزية في فيديو هنا! 🤩👇

,مقطع من حصة البارحة clubhouse

⭕رسلنا الهدايا لأكثر من 320 فرد من عائلة Simplifili ❤️
⭕اذا عجبوك قولنا ف تعليق واش عجبك 😁
⭕ و اذا مازال اكتبلي ال email تاعك هنا ف تعليق 🌸

⭕ و شكر خاص لكل واحد اتصل بي و اعطاني رأيه على الهديتين 🌸

⭕ إن شاء الله رب العالمين نزيد نقدملكم أكثر و أكثر و يكون فيها هدايا أفضل 😁

لقد تم إرسال الهدايا 😍

⭕ البارح، وعدتكم أني راح نعطيكم هدية اليوم 😁
⭕ لكن في الحقيقة: راح نعطيكم 2 هدايا مش وحدة! 😍
⭕ أهبط أهبط 👇

⭕ بزاف الناس يحبوا يصنعوا شيء في حياتهم ✨

⭕ من أعظم نجاح لي هو الفوز بالجنة رزقنا الله و إياكم 🌸

⭕ إلى أصغر شيء لي يقدر أي واحد فينا يديروا

⭕ لكن كاين مشكلتين!

1️⃣ إما الوقت ما عندناش ( و راني جبتلكم حل أنا شخصيا نطبقو في حياتي و ساعدني بزااااااف! )

2️⃣ أو ما نعرفوش واش الخطوات لي لازم ناخذوها ( وراني أيضا جبتلكم ليها 😁)

⭕ لهذا مين نعطيك الهدايا اليوم، راني حابك توعد نفسك أنك راح تستخدم على الأقل واحدة منهم، لأنو راح تراطي بزاف لوكان ما تستخدمهمش 😁

⭕ لأنو MJ Demarco قال:
Execution is King
التنفيذ هو الملك

⭕ يعني اذا تعرف معلومة ولا عندك أداة تسوى مليون دولار، و ما تستخدمهاش، كأنك ما عندكش!

⭕ لهذا أول هدية لعائلتي هي: customized planner راح يساعدكم على تعلم و التمرن على اللغة الإنجليزية، يمكن استخدامه طوال الشهر و على مدار السنة 😍

⭕ راح تلقاو فيه واش لازم ديروا من خطوات، الوقت، الأيام، و راح تلقاو جداول للتقييم، فراغات لتسجيل أخطائكم، و أماكن لتدوين التقدم ديالكم، و أيضا أسئلة للتفكير ❤️

⭕ و الهدية الثانية هي ال:

2025 Blank Calendar 🗓️

⭕ و هي أداة ما تخطيش الغرفة ديالي و تخليك تستفاد من كل ساعة ف الأسبوع و تخليك تكون أكثر إنتاجية بنسبة كبيرة بإذن الله تعالى على مدااااار السنة 🤩

⭕ لهذا، ما نطولش عليكم، اذا حبيتوا تاخذو الهديتين، فقط تفاعلوا مع المنشور و إما تكتبوا ال email ديالكم هنا في تعليق ولا تبعثوهلي ف رسالة للصفحة 🌸

⭕ و راح شخصيا نرسلك الهديتي🎁

⭕ لكن تفكر: قيمة الهديتين تزيد مين تستخدم الأداتين و تلحق أهدافك بإذن الله تعالى.

⭕ و كاين شيء: راح تلقى رسالة خاصة مني لك في آخر صفحة من ال Planner 🤫

⭕ و إذا حبيت تساعدني و تشكرني على هذه الهدية، أطلب منك انك تشارك هذا المنشور مع أصدقائك و أحبابك لي تحبهم ينجحوا معاك و تحققوا أهدافكم مع بعض 🤩

⭕هيا أكتب email ديالك و كن من أوائل الناس لي يستلموا الهدية 😁

ال cadeau راه واجد 😁
+ معاه surprise صغيرة إن شاء الله 🤩
اليوم بعد الظهر إن شاء الله رب العالمين

⭕ راني جايبلكم غدا هدية مجانية 😍 راح تعجبكم!
⭕ تفاعلوا مع المنشور باه ما يفوتكمش ال cadeau 🎁 غدا على 1:20 بعد الظهر! 😁

⭕ كاين زوج صوالح معروف بهما ديسمبر ✌️:
▪️الناس كامل مقلقة و la grippe 🤧
⭕ و بما أنو انت مقلق، راح نعلمك 30 كلمة ف 30 ثانية حول la grippe و مشتقاتها 😁

⭕ قبل لا نبداو، راح تلقى كلمات جدد عليك

⭕ و ننصحك أنو مين تلقى كلمة ما كنتش تعرفها، اكتبها على الأقل في تعليق باه تزيد من فرص أنك تتذكرها و تتذكر كيف تكتب 😄

⭕ و كلما كتبتها و نطقتها أكثر، كلما زاد احتمال أنك تتذكرها 😁

⭕ و إذا احق المنشور 150 جام، نديرلكم فيديو حول كيفية نطق كل كلمة 😍

⭕ نبداو :

1. Flu - الإنفلونزا
( هي la grippe و هي حادة أكثر و تأتي أعراضها فجأة 🥶)
2. Cold - الزكام
(هي le rhume و هي أقل حدة و تأتي أعراضها تدريجيا 😣)

3. Paper tissue - منديل ورقي
(أشري paquet 🙂 يدير غير 20 دج. بركا ما تلوث ف المحيط 🙂)

5. Fever - حمى

6. Cough - سعال

7. Sneeze - عطس
(تفكرت المنديل الورقي لي شريته؟ أعطس فيه 🙂)

8. Runny nose - أنف يسيل
( زيد اشري paquet 🙂)

9. Stuffy nose - أنف مسدود
(علابالك مين يكون انفك مسدود تكون عندك accent شابة 😂)

10. Sore throat - حلق ملتهب

11. Headache - صداع

12. Fatigue - تعب

13. Chills - قشعريرة

14. Muscle ache - آلام العضلات

15. Weakness - ضعف

⭕ علابالك بلي تقدر تلقى أفضل المعلومات على الصحة و الرياضة في فرع الصحة تاعنا Sportifili 😍 ننصحك ما تفوتكش!

16. Sinus Infection - إلتهاب الجيوب الأنفية

17. Contagious - معدي

18. Immune system - جهاز المناعة

19. Medicine - دواء

20. Treatment - علاج

21. Prevention - الوقاية

22. Vaccine - لقاح

23. Rest - راحة

24. Hydration - ترطيب
(يعني أشرب الماء بزاف مش حمود بوعلام مين تنوض ف الليل 🙂)

25. Symptoms - أعراض

26. Nasal Spray - بخاخ الأنف

27. Check-up - فحص طبي

28. Recovery - الشفاء أو التعافي

29. Antibiotics - مضادات حيوية

30. Mucus - المخاط

⭕ و في الأخير ما تنساش ديما تدعي: اللهم رب الناس اذهب الباس و اشف أنت الشافي، لا شفاء الا شفاؤك. شفاء لا يغادر سقما.

⭕ و صل وسلم على النبي ❤️

⭕ إذا كان ال past يتحدث عن الماضي، و ال future عن المستقبل، مالا ال present يتحدث فقط عن الحاضر؟

⭕ إذا كان إجابتك 'نعم'، أعرف بلي راك غلطت كيما بزاف الناس! و درك نقولك علاش 😁👇

(عندي cadeau ليك ف الأخير 🤫)


⭕ أول قاعدة نعلمها للطلبة لي يتعلموا معايا الإنجليزية انو ال tenses/الأزمنة مش مسار مستقيم من A - - - إلى - - - B ❌

⭕ صحيح أنو كل tense يقع إما ف الماضي الحاضر أو المستقبل ✅

⭕ و صحيح أنو ال present أغلب استعمالاته في الحاضر ✅

⭕ لكن لازم دير في بالك أنو يمكن استعمال tesne معين في غير زمنه العام في بعض الحالات 😁

⭕ على سبيل المثال: ال present simple نقدروا نستعملوه لل future في حالة معينة: مين نحبوا نتكلموا على المستقبل مين يكون عندنا:
fixed plan ( usually by a higher authority)
مثل :

⭕ School starts at 7:30 tomorrow.

⭕ و اذا تحب نمدلك طريقة تساعدك في تعلم الأزمنة + تطبيق راه يساعدك يزاااااااف 😍، أكتب 'ابعثلي' في تعليق، أو أرسلي رسالة للصفحة و راح تشوف! 😁

⭕ و في الأخير، ما تنساش تتفاعل مع المنشور و تشاركه مع صحابك

⭕ و خذلك tranche 🍕 و صل وسلم على النبي ❤️

⭕ إذا كاينة حاجة تجمع كامل الجزائريين هي أنو ما نحبوش الظلم و الحڤرة ❤️

⭕ و اذا لقينا المظلوم، نوقفوا معاه حتى يرجع حقه، ولا على الأقل نساعدوه يفوت هاد المرحلة

⭕ لهذا كاينة عبارة شابة بزاف و احتمال كبير أول مرة راح تسمع بيها

⭕ و اذا صح أول مرة، ما تنساش تتفاعل مع المنشور و تشاركه لعل و عسى ناس آخرين يتعلموها معاك أيضا

⭕ و العبارة هي:

Like a bridge over troubled water

كالجسر فوق المياه المضطربة.

⭕ و المعنى ديالها أنك توقف مع إنسان يكون يمر بمرحلة صعيبة و توفرله الدعم، و المساعدة (مادية او معنوية) و تخليه يحس ببعض الاطمئنان في وسط كامل هذا الضغط

⭕ يعني تكون المساعدة ديالك هي "الجسر" لي بيه يعبر هذاك الإنسان "المياه المضطربة" لي تمثل الوضع لي راهو فيه

⭕ لهذا ديما كون إنسان مصلح ف هذه الدنيا 😄

⭕ لأنو ما علابالكش بواش إنسان راهو فايت. و ممكن كلمة طيبة تكون سبب في تغيير حياة إنسان

لهذا قل خيرا او اصمت

⭕ و إذا تركت بصمة، تكون بصمة خير 🌸

⭕ و خذلك tranche 🍕 و صل وسلم على النبي ❤️

⭕ هذا سموه cylinder block 👇 و على الرغم أنو شي ناس و السياقة خطان متوازيان لا يلتقيان، لكن اليوم راح نعلمك شيء أفضل 😁👇
⭕ المحرك يحتوي على جزء مهم يدعى ال cylinder. "سيليندر"

⭕ و كيما أنت عندك المعدة لي يتم فيها احتراق ال tranche 🍕، ال cylinder (الاسطوانة) يتم فيه احتراق الوقود 😊

⭕ لكن اليوم ما راحش نقريك درس على الميكانيك، لالا 😁

⭕ اليوم راح نعلمك عبارة راح تعجبك أكيد و ننصحك تستخدمها ف لغتك

⭕ لهذا خذلك tranche 🍕، صل وسلم على النبي، و تبع معايا 😉

⭕ ف اللغة الإنجليزية، كاين عبارة جميلة نقولوها على الإنسان لي يكون يخدم بأداء جيد و فعالية تامة

⭕ و هذه العبارة هي:

⭕ To be firing on all cylinders.

⭕ و لي المعنى ديالها أنو تكون تعمل بفعالية تامة و تحقق نتائج جيدة مثل المحرك لي يكون يحرق ف الوقود على كامل اسطواناته و يحرك السيارة بسرعة 🤩

⭕ لهذا، مين تلقى إنسان يعمل بفعالية، تقدر بكل بساطة تقول :

1️⃣ الله يبارك (لأنو العين كاينة منها)

2️⃣ و تقول :

He/She is firing on all cylinders. 🤩

⭕ و اذا عجبك درس اليوم، ما تنساش تتفاعل مع المنشور و تشاركه مع صحابك لعلك تكون سبب في تعلم أحدهم ❤️

⭕ واش العلاقة بين العرق و الرصاص؟ اذا ما علابالكش، اليوم راح تتعلم شيء جميل 😁
⭕ أنو الواحد يعرق 💦، شيء طبيعي، و هو محاولة الجسم أنو يهبط من حرارتو

⭕ مين دير الرياضة تعرق، في نهار تع صيف تعرق، و نهار l'affichage تعرق و يعرق معاك département كامل 😂

⭕ و بما أنو الدخول الجامعي راهو على الأبواب، اليوم حبيت نعلمكم expression جميلة راح تتفكروها كل ما يكون عندكم affichage او délibération 😁

⭕ To sweat bullets. 😰
⭕ ان تتعرق الرصاص

⭕ و هي عبارة نستخدموها مين نحبوا نحكوا على إنسان يكون مقلق و متوتر بزااااااف بشأن شيء ما

⭕ على سبيل المثال:

⭕ Results will come out tomorrow. He's probably sweating bullets right now.

⭕ النتائج ستظهر غدا. على الأرجح أنه (يتعرق الرصاص) حاليا.

⭕ و ف الأخير ما تنساش تصلي و تسلم على النبي ❤️ و خذلك tranche 🍕

⭕ و اعتذر عن الإطالة. فقد مررت بمرحلة صعبة بعض الشيء مؤخرا، فلا تنسونا من صالح دعائكم 🌸

⭕ و اذا عجبك منشور اليوم ،ما تنساش تتفاعل و تشاركه مع صحابك لعلك تكون سبب في تعلم أحدهم ❤️

⭕ أحد أكبر الأخطاء لي يرتكبها المبتدأ مين يتعلم الانجليزية هي انو يدير في بالو أنو ال tenses (الأزمنة) تستعمل فقط لتحديد زمن الفعل (متى حدث الفعل) ❌

⭕ و هذا خطأ 😐

⭕ صحيح أن tenses تسمح لنا بمعرفة متى حدث الفعل

⭕ لكن ☝️

⭕ عندها وظيفة مهمة أخرى!

⭕ و تلك الوظيفة هي: تحديد المعنى المراد إيصاله للمستمع أو القارئ

⭕ على سبيل المثال:

⭕ Zoheir eats an apple everyday. (Present simple)

⭕ Zoheir is eating an apple. (present continuous)

⭕ زمن حدوث كلا الفعلين هو present (الحاضر - المضارع)

⭕ لكن الأول يستعمل للتكلم عن عادة

⭕ بينما الثاني يستعمل للتكلم عن شيء يحدث الآن و يستمر لمدة من الزمن

⭕ زمن واحد، لكن وظيفتين مختلفتين 😊

⭕ الآن، واش هو الفرق بين السؤالين لي طرحتهم الفوق؟ 🤔

⭕ خذلك tranche 🍕 ، صل وسلم على النبي ❤️ و تبع معايا 😉👇

⭕ أول شيء:

What did you do today?
هو ال past simple، يعني الفعل (do) حدث في الماضي

⭕ و
What have you done today?
هو ال present perfect

⭕ و هنا، الفعل أيضا حدث قبل الآن (الماضي أيضا يعني) 😁

⭕ إذن كلا الفعلين في الماضي؟

⭕ نعم، لكن مختلفين عن بعض أيضا 😁

⭕ و درك نفهمك الاختلاف 😊

⭕ عندما تقول:

What did you do today?

انت تسأل عن ماذا فعل المستمع/القارئ في وقت سابق من اليوم. بحيث ما فعله قد انتهى في الماضي أيضا و ليس له اي نتيجة او علاقة او تأثير على الخاضر.

⭕ التركيز على الفعل في حد ذاته %100 كونه حدث و انتهى في نقطة زمنية معينة من الماضي، و انتهى في تلك النقطة. لا نسأل على النتائج و لا على علاقة ذلك الفعل بالحاضر.

⭕ لكن عندما نستخدم ال present perfect و نقول:

⭕ What have you done today?

⭕ نحن نسأل عن الفعل (do) الذي حدث قبل الآن من نهار اليوم الذي له علاقة التأثير و النتيجة التي ألاحظها الآن في الحاضر present

⭕ جاتك صعيبة أنك تفهمها؟

⭕ ما تتقلقش 😁

⭕ هاك tranche 🍕 و خداخر و تبع معايا 👇

⭕ مين تستخدم past simple، راك تقول (هذا الفعل هذا في الماضي و انتهى و ما نحتاجش نعرف عن نتيجة الفعل او تأثيره علىى الحاضر)

⭕ I ate an apple.
⭕ أكلت تفاحة.
حدث الفعل و انتهى. نقطة.

⭕ لكن مين تستخدم ال present perfect
⭕ راك تحكي على فعل حدث قبل الآن و تاثيره و نتيجته على الخاصر

(ركز راني ديما نقول قبل الآن، لأني راني ديما نربطه بالحاضر، و الماضي لايهم إن كان قريب او بعيد - ماكان لاه يجي عندكم واحد و يقوللكم وحدق ماضي بعيد و وحدة ماضي قريب 😐 )

⭕ يعني اذا دخلت لغرفة و لقيتك شعلت النار في Tapis و راني نشوف ف tapis الأبيض تاعي رجع أسود noir corbeau، نقولك:

⭕ What have you done?
⭕ يعني واش درت في نقطة من الماضي لي راني نشوف في النتيجة امامي الآن في الحاضر (Tapis محروق و رائحة زكية 😐)

⭕ تذكر:

past simple :
فعل حدث و انتهى في الماضي و نقطة

present perfect:

فعل حدث قبل الآن و راني نشوف في النتيجة الآن أمامي

⭕ و اذا عجبك منشور اليوم، ما تنساش تتفاعل مع المنشور و تشاركه مع أحبابك
⭕ هذه المنشورات تدي وقت و مجهود باه نكتبها و نشرحها بهذه الطريقة

⭕ لهذا تفاعل صغير، بعد توفيق من الله، يخليني نزيد نكتب و نشارك معاكم محتوى هادف يفيدكم في حياتكم ❤️

⭕ و اذا وصلت هنا نتمنى أنك تشري قارورة ماء باردة و تمدها لإنسان محتاج في هذا الحر، لعل الله يحدث بعد ذلك أمرا و تكون سببا في دخولنا الجنة بلا حساب ولا سابق عذاب.

⭕ اذا راك داير في بالك أنك تعرف الانجليزية، تقدر تقولي الفرق بين:
⭕ What did you do today?
و
⭕ What have you done today?
ما تقوليش الأزمنة فقط، قولي الفرق في المعنى 😁👇

⭕ العديد من الناس حابين يستغلوا العطلة الصيفية لتعلم اللغة

⭕ لكن ☝️بدون توجيه، تلقاهم يضيعوا الوقت و ما يكملوش مشوراهم لأنو ما يشوفوش النتائج لي كانوا حابينها

⭕ و الأسوأ من ذلك، يبداو يأمنوا أنو الانجليزية صعيبة ولا هوما فيهم مشكل ما قدروش يتعلموها مثل الآخرين

⭕ لهذا، اليوم راح نبينلك 3 من أكثر الأخطاء الشائعة لي يرتكبوها المتعلمين باه تربح الوقت و تشوف النتائج على أرض الواقع بإذن الله تعالى 😁

⭕ لهذا، صل وسلم على النبي ❤️ و خذلك tranche 🍕 و تبع معايا 😉

❌ أول و أكثر خطأ يوقعوا فيه الناس لي حابة تتعلم الإنجليزية هي انهم ما يديروش امتحان تحديد المستوى 🤦🏽

⭕ لازم تفهم انو امتحان تحديد المستوى شيء مهم لأنو بهذا الامتحان، راح تعرف وين راك واصل ف الإنجليزية و واش لازم تراجع و واش لازم تقرا

⭕ يعني مثل الخريطة 🗺 لازم تعرف موقعك قبل لا تتقدم في اي اتجاه

⭕ و راح نحطلكم رابط أسفل المنشور اذا حبيتوا تشوفوا مستواكم في اللغة الإنجليزية 😁

❌ ثاني خطأ يطيحوا فيه المتعلمين هو: التعلم فقط دون تطبيق

⭕ يعني، ما يرتقي بعلمه، ما يريح عقلوا. غير يعمر فيه بمعلومات لي بدون تطبيق راح ينساها يوما بعد يوم

⭕ الانجليزية تتطلب: التطبيق + التعلم من الأخطاء

⭕ هذا ماشي كتاب راك تقرا فيه من أجل المطالعة و المتعة

❌ أما ثالث خطأ (و هو خطأ انا نديروا في مجالات أخرى 🙄) لي هو جمع المصادر و عدم الرجوع إليها

⭕ لقيت منشور شباب = حفظ 🤌

⭕ لقيت فيديو شباب = تحميل ( عندك 64 جيڤا علاه تخليها فارغة؟) 🤔

⭕ لهذا، تعلم تكون إنسان مسؤول و واعي

⭕ تعلم الإنجليزية ليس بالشيء الصعب أو المتعب

⭕ لكن يتطلب أنك تكون انسان يعرف صلاحو

⭕ و اذا احتجت توجيه، راني في الخدمة، ننصحك و نوجهك و نبينلك الطريق 😊

⭕ لعل و عسى تعرف واش لازم دير و نكون سبب صغير في تعلمك الإنجليزية 😁

⭕ 5 أخطاء! ننصحك أنك تتفاداهم إذا راك حاب ترفع من مستواك في اللغة الإنجليزية في أقرب وقت

⭕ و اذا عرفتهم كامل، راك في الطريق الصحيح 😁

⭕ في اللغة الإنجليزية، التناغم يسمى harmony و التكامل هو complement

⭕ لكن ☝️كيفاش نقولوا على شخصين او طرفين يخدموا بتناغم و تكامل؟ 😁

⭕ إذا لقيت شخصين أو طرفين يعملون مع بعض بتناغم و تكامل نقولوا:

⭕ They are working in a harmonious and complementary manner.

⭕ إنهم يعملون بطريقة متكاملة و متناغمة.

⭕ لكن اليوم، راح نعلمك عبارة أفضل بكثير و تبين أنو عندك رصيد لغوي ثري 😁

⭕ و العبارة هي:

⭕ hand and glove.

⭕ يد و قفاز 🧤

⭕ و هي عبارة تستخدم اذا حبينا نحكوا على طرفين يعملون بصورة متناغمة و متكاملة مثلما يكمل اليد القفاز 🧤.

⭕ على سبيل المثال:

⭕ The marketing and sales team are working hand and glove to increase sales.

⭕ فريق التسويق و فريق المبيعات يعملون جنبا إلى جنب (كاليد و القفاز) لزيادة المبيعات.

⭕ و اذا لحق منشور اليوم تفاعل شباب، راح نزيدكم عبارة تكمل عبارة اليوم و لها ذوق رهيييب 🤩

⭕ لهذا، اذا عجبك منشور اليوم، ما تنساش تتفاعل معاه

⭕ و كالعادة، خذلك tranche 🍕 و صل وسلم على النبي ❤️

⭕ من الثروات الطبيعية في الجزائر هو: الإنسان لي يعرف ف كامل المجالات. ال Mr. Know It All

⭕ و اليوم راح نعلمك واش نقولوا مين نلقوه ما فاهم والو في مجال و ينصح و يوجه في إنسان كثر منو 😂
⭕ في اللغة الإنجليزية، عادة ما نلقى عبارات تعجبني، و منها:

⭕ Know something about everything, and know everything about something.

⭕ اعرف شيئا عن كل شيء، و كل شيء عن شيء.

⭕ لكن يا اخي الصالح و الموهوب، ما تتحمس و تردها

Know everything about everything. 😂

⭕ اعرف كل شيء عن كل شيء. 😂

⭕ لأنو في هذه الحالة، مين يجي عندك انسان محتاج النصح، و تعجبك الحالة و تبدا توجه فيه، راح تلقا روحك في وضعية تسمى:

⭕ The blind leading the blind.

⭕ الأعمى يقود الأعمى.

⭕ يعني كل من الناصح و المنصوح ما علابالهمش واش راهم يديروا و وين راهم رايحين.

⭕ لهذا، لازم تتعلم أنك تقول: ما نعرفش / ما عنديش اجابة لهذا السؤال / الله أعلم

⭕ و اذا حبيت تعجب نسيبك، تقدر تقوله: ما نعرفش، لكن نقدر نوجهك عند إنسان يعرف ف هذا المجال.

⭕ لهذا خذلك tranche 🍕 و صل وسلم على النبي ❤️

⭕ و اذا عجبك واش قريت اليوم، ما تنساش تتفاعل مع المنشور و تشاركو مع الناس لي ممكن يعجبها المحتوى 😁

⭕ كان علابالك أنو "few" عندها معنى مختلف عن "a few"؟
⭕ و اذا ما تعرفش الفرق، اليوم راح تتعلم درس شباب 😁

⭕ قبل لا نتعلموا الفرق بين few و a few أول شيء لازم نعرفوه أنو كلاهما يستعمل مين نحبوا نقولوا أنو عندنا عديد قليل من شيء ما.

⭕ يعني:

few bottles :
عدد قليل من القارورات
a few bottles:
عدد قليل من القارورات

⭕ و هنا يأتي السؤال:

⭕ يا زهير، مادام few و a few عندهم نفس المعنى، علاش قلتلنا أنو هناك فرق بين الاثنين 😒

⭕ لأنو صح هناك فرق 😁

⭕ لهذا ، صل وسلم على النبي ❤️ خذلك tranche 🍕 و تبع معايا 😉

⭕ الفرق بين few و a few يكمن في المعنى المراد إيصاله للمستمع أو القارئ ديالك.

⭕ إذا استخدمت few في جملة مثل:

⭕ few people attended the meeting.

⭕ عدد قليل من الناس حضروا الاجتماع.

⭕ راك تقول للمستمع أو القارئ أنو حضر عدد قليل من الناس

⭕ لكن ☝️باستخدام 'few' راك أيضا تقول أنو العدد كان قليل بصفة: غير كافية و غير مرضية.

⭕ لأن 'few' تستعمل من أجل: الإيحاء السلبي (-) و تمد صورة: أنو شيء قليل بصفة سلبية و غير كافية و غير مرضية.

⭕ لكن ☝️

⭕ مين تقول:

⭕ A few people attended the meeting.

⭕ راك تقول أيضا: عدد قليل من الناس حضروا الاجتماع.

⭕ لكن باستخدام 'a few' راك تمد في صورة أن: ذلك العدد القليل من الناس كان كافيا و مرضيا. 👌

⭕ هذا لأن 'a few' تستعمل لإيصال معنى: قليل بصفة كافية و مرضية.

⭕ و نزيدك طريقة Bonus لأنك تابعت القراءة حتى هنا حتى تتفكر الفرق بين الإثنين . 😁

⭕ عندنا few و a few

⭕ مادام few ناقصتها a يعني ( - ) يعني تمد معنى ناقص و سلبي : قليل و غير كافي و غير مرضي

⭕ و مادام a few فيها a إضافية يعني ( + ) يعني تمد معنى إيجابي: قليل لكن كافي و مرضي

⭕ و إذا عجبك منشور اليوم، ما تنساش تتفاعل مع المنشور و تشاركه مع صحابك لعلك تكون سبب في تعلمهم شيء جميل. 🤩

⭕ لكن كامل علابالنا أنو الجميل هو أنت: أيها الصالح و الموهوب 😁

⭕ تقدر تعرف الصح من الخطأ بين:
⭕ He has been to Mecca.
و
⭕ He has gone to Mecca.
⭕ اذا ما تعرفش، ممكن تتعلم حاجة شابة اليوم 😁👇

⭕ في الحقيقة، كلا العبارتين صحيحتين ✅

⭕ لكن ☝️ هناك فرق صغير بين العبارتين 😁

⭕ مين تقول :

⭕ He has been to Mecca.

راك تقول أنو الشخص، كان في مكة المكرمة في نقطة معينة من الزمن و هو ليس هناك الآن (في الأغلب قد عاد) و قد عاش التجربة

⭕ أما عبارة:

He has gone to Mecca.

⭕ تعني أنو الشخص ذهب إلى مكة المكرمة و لازال هناك الآن.

⭕ و إذا تعلمت شيء اليوم ، ما تنساش تتفاعل مع المنشور. 😁

part 3 ❤️