شعِر و شعٌور Telegram Gönderileri

‏لا هاج موج البحر واحتار مجدافي
‏من لي عوينٍ على الشدات غير الله

‏- بدر بن عبدالمحسن

‏تخيّرتك وأنا ماني بـ جاهل وجهك ومبداك
‏أشوفك ديرةٍ ضمَّت مداي ونصف من روحي
‏- محمد السلطان

‏معك كل الدروب ميسره وموفقه توفيق
‏وبسماتي ملت وجهي وترحابي وضح فيني

‏لقيتك للدروب الموحشة ذخر وللضياع رفيق
‏وعقب رمضى العمر وياك تو تزهر بساتيني

‏عليك الله وامانه من ليالي البعد والتفريق
‏وسوء الظن لا يدخل حبيبي بينك وبيني

‏كُل البلايا على الإنسانِ هيّنةٌ
‏إلا فراقُ عزيزٍ ضمّه الأجلُ

- ماجد عبدالله

‏البلا لا صرت
‏« أعرف أشتاق ، بس ما أعرف انادي »
‏و الموت في
‏« لا أنا أتبع المقفي ، ولا أحب فرقاك »

‏اللي خلق في مشاعرنا من البعد خوف
‏خلق لنا نعمة النسيان في غيرها

‏تموت الأحلام دايم في يدين الظروف
‏وتعيش الآمال وتواصل مشاويرها

‏في ليلةٍ تاهت الخطوه وطال الوقوف
‏هي نفسها الليله اللي شرها خيرها

‏جيت ومعي قلبً يحب ويحن ويروف
‏ورحت ومعي قلب أقسى من معاذيرها

‏جيتك وأنا نعمة مْن الله وبتزول
‏لوّ ما حمدْت الله عليّ وشكرته

‏- عبدالرحمن بن جزا

‏أشفق على ضحكته وأشفق على ضمه
‏وأموت منه إن جفا ، وإن جاني أحياني

‏إن كان درب الشقى .. بيمر من يمه
‏والله أني " معه معه " إن الله أحياني

‌‏والحاصل أنيّ كل ليلة أهرب من ضجيج الناس
ويلاحقني ضجيج أفكاري ، هذي والله البلشة

‏على سكة متاهات المشاعر واخر المشوار
‏خذتني لهفة اشواقي على ذكرى بداياتي

‏غريب استوطن اعماقي وسبب حالة استنفار
‏وضيع كل تفاصيلي بعد ما شتت شتاتي

‏نطق حرف ونزف جرح وتحرر عقلي المنهار
‏وكتبتك لـ السكوت اللي تكلم عن متاهاتي