Publicaciones de Telegram de شعِر و شعٌور

للصباحات القديمه جيت كلّي
‏جيت افتش عن صباح لي مهيّل

‏ فيه غصن ذابل وشعر وتجلي
‏ وفيه قلبٍ مايمل وضحك عيّل

‏كل ماضاقت بي الأيام قلّي
‏ليه أغمض وأنطق أسمك وأتخيّل

مثواك الجنه يا وجهٍ .. ولهته

جيت محتاجك وفيني كلامٍ ما يقال
‏اتعزّز وارفع الصوت وامشي واعدي

حطّني في وجه حضنك من صدوف الليال
‏تايهٍ لا اخطيت من ضمّتك وين اغدي؟

‏بقـى ذنب واحد من ذنوبي عجزت أنساه
‏بعد ما هداك الله يا قلبي على التوبه

‏لك الشوق .. يا ذنب تركته لوجه الله
‏عسى سيئات الشوق ماهي بـ محسوبه

‏تجاهلت سنّ الطيش وانا بـ سن الطيش
‏ أجل لاكبرت .. وش عاد يرضي قناعاتي ؟

‏يصبرني على ثقل الليال إنْ الأمل ما زال
‏ينسيني شقى النفس ويضوي لي متاهاتي

‏أغيب بلا سبب ! وبلا سبب يربكني الترحال
‏واعود للمكان إللي يضم أربع .. تجاهاتي

‏مع إني هادي وجه وحكي لو ضاقت الاحوال
‏يجي هذا الحزن صخب ويلازم فكرة أبياتي

يعجبني غرورك اللي منعك تكلمني بس جبرك تراقبني

‏جعل يفداك القصيد اللي يثير اعجابك
‏تدري ان ذكراك بين الذكريـات ازينها

‏حافظك بـ اصغر تفاصليك و ادقّ اسبابك
‏و معتبرك اجمل توافيق القدر و أثمنها

‏ماجيتك ألعب بالمشاعر وأخليك
‏وماجيتك لأجل أستغفلك وأستغلك

‏گيف أنشغل عنك؟ وأنا منشغل فيك
‏ليت الشعور اللي بقلبي وصلك

‏تغريني أشيائك ، وأتوه بمعانيك
‏وأقرا تفاصيلك وبعضك وكلك

‏طموحي أستحوذ على كل مافيك
‏أنا معاگ أشعر بـ حب التملك

‏غديت اودع المقفي ولا آحب اسمع التبرير
‏أشوف ان التفاصيل الكثيره ما لها داعي

‏فـ انا يا اللي تظن اني بدونك ما احسن التدبير
‏هجرتك واشتعل نور الحياه و زانت اوضاعي

‏فلا شكراً على وقتك ولا اعذرني على التقصير
‏انا من يوم فارقتك تلاشت معظم اوجاعي