𝕤𝕒𝕟_𝕤𝕚𝕟𝕥𝕖𝕞_𝕒𝕙💙

Ас хьан амал хала йешна,
лоьрийн йоза санна.
Ас хьан йелар бlозза дешна,
тера доцург цхьаннех...

Суртдиллархо со вацахь а
кхачош дийнна къолам,
кехата тlехь къайллах ди ас
хьан бlаьргашна къола.

И хьан «бlаьрхи-жовхlар» дерриг
къайладаккхал кlорга
хьан бесни тlехь кlаг бу, берриг
дашо болуш, горга.

Суна тов хьан оьгlазалла —
тlаус, кlайн бос болу.
Цуьнца йу-кха шен хазалла
бlаьргаш lехор болуш.

Амал йеша, суртдилла со
говза хиларх, амма
хьоьга «йеза» аллал говза
ма ца хили со-ма.

Минцаев lальви  21.06.2022 шо

Буьйса дика хилла шу,канал хьа диллина ду ц1ачунна)

http://wa.me/+79292747973
В личку связе йала луъчун)

Къеда-йуьртара КЪОНАХ.

Хьан кхалхар дазделла х1оьттина дохк,
Орцаха белира хьан Нана-Мохк.
Йахь гойтуш г1аьттира вайн нохчийн къам,
Хоуьйтуш бийра буйла Къонахчун хам.

Динца хьан гергарло массарна гуора
Мискачух, буоберех къинхетам буора.
Комаьршо йара хьан доцуш шен доза
Доьналла дийца хьан, тоьур дац йоза,

Шиъ вовшех къастинчохь бора ахь барт
Сатуьйсург дацара ахь дарж долу г1ант
Дацара хьуна т1ехь цуьрриг а ант,
Вара хьо хьайн мехка йахь йолу к1ант.

Цундела орцаха бевлира нах
Мохь бетташ - "Къонаха кхелхина бах"
Йовр йоцуш йити ахь дегнашчохь лар
Дозалла хеташ хьо вовзар а, гар.

Барх1 дахар дити ахь некъ бан шайн беха,
Х1оранна дегнашчохь Къуръан а деха
Эрна ца йаьккхи ахь дуненчохь хан
Хьо Деле воьхуш ду дерриге къам.

http://wa.me/+79292747973

Цхьа де догIур ду, цхьа де хир ду-кх и,
Маьлхан сирла бIаьрг лаьтта кхетале,
Карзахбуьйлучу хьайн синкхетамехь
Ахьа лоьхур ю геннахь йисна и.
Цхьа де догIур ду, цхьа де хир ду-кх и,
Дуьне Iабийна, малх чубузучохь,
Дохковаларо дог хьайн дузучохь,
Ахьа лоьхур ю уллохь йоцу и.
Цхьа де догIур ду, цхьа де хир ду-кх и,
Айхьа диначу къаьхьчу гIалатан
Дагах хьаьрчира шийла гIаларташ,
Ахьа кхойкхур ю цкъа хьайх тешна и.

Цхьа де догIур ду, цхьа де хир ду-кх и,
Сино бIарзвина, яларх хийла хан,
Дуьхьалтесча цкъа мацах хаьдда гIан,
Ахь сатосур ду юха гаре и.
Цхьа де догIур ду, цхьа де хир ду-кх и,
Дезарш дицдина, хьайн сатийсамехь,
Хьаьгна безаман хила йийсарехь,
Хьуна езар ю цкъа хьо везна и.
Цхьа де догIур ду, ма де хир ду-кх и!
Дагахьбалламо неIарш йиллича,
Кхин гур йоцучух дог ахь диллича,
ТIаккха кхетар ву, и хьайн ирс хиллий.

Арсалиева Люба

Live stream finished (4 minutes)

Live stream started