صاحب الضويري @saheb_sad Channel on Telegram

صاحب الضويري

@saheb_sad

كون يمك جا صحت عدك دخيـل (الراحل صاحب الضويري)
للتواصل @b_2_dj

صاحب الضويري (Arabic)

هل تبحث عن مكان لتستمتع بأجمل الأغاني العربية؟ هل ترغب في الاستماع إلى الموسيقى التي تلامس قلبك؟ إذاً، قناة 'صاحب الضويري' هي المكان المثالي بالنسبة لك! من خلال قناتنا، ستجد مجموعة متنوعة من الأغاني والمقاطع الموسيقية التي تعكس جمال الفن العربي وروعته. ستستمتع بتشكيلة واسعة من الأغاني الشهيرة للفنانين المحليين والعرب، مما يجعل تجربة الاستماع إلينا ممتعة ومثيرة. تحتوي قناتنا أيضًا على مقاطع صوتية نادرة للراحل صاحب الضويري، الذي كان له دور كبير في عالم الفن العربي. إذا كنت من عشاق موسيقاه، فستجد ما تبحث عنه في قناتنا. لا تتردد في الانضمام إلينا ومشاركتنا شغفك بالموسيقى العربية. انضم إلى قناة 'صاحب الضويري' اليوم واستمتع بأجمل التحف الصوتية التي ستأسر قلبك وتجعل يومك مليئًا بالإيجابية والجمال. انضم إلينا الآن وكون جزءًا من عالم الفن العربي الرائع! تابعونا على تيليجرام عبر الرابط @saheb_sad للتواصل والاستمتاع بأجمل المقاطع الصوتية.

صاحب الضويري

13 Jan, 12:22

هلي ما كالو وليك حيدره
لا وحك الله فلا كالو هلي
وانا بالكاروك واليتك لان
هزة الكاروك كلتلي ولي
ماكو قاري واسمع قرايه عليك
الك منبر بالقلب يقره الي
بأي ولاده ليش يبجي الينولد
لأن ابن ملجم ظرب حيدر علي
تشرفت بأسمك لغتنا يا علي
لأن بيها اسمك انتصرت عاللغات
...ابو تراب انت ولأن انت بو تراب
لهالسبب جاز التيمم بالصلاة
انت مو ميت علي لا مستحيل
وانا متاكد واكو عندي اثبات
الحياة البشريه من تراب
يعني لو ميت علي ماكو حياة
انت حبك يا علي يعني الحياة
والحياة بغير حبك ما تفيد
بالوريد انت وعليك الدم يطوف
لهالسبب ظل يفتر الدم بالوريد
ومنو كال بضربتك لونك اصفر
مستحيل اتصير اصفر ندري بيك
انخطف لون الموت واصفر وجهه صار
والصفار بوجهه ظل يعكس عليك
بيش يا بو حسين اختم حجيي
بيك وحتى من اختتم تبدي الخاتمه
ليش حيدر علي سماك الآله
هذا سر يا علي محد فاهمه
حروف اسمينك علي سبعة
حروف وربك بكل حرف ثبتله سما
348
صاحب الضويري

11 Jan, 20:29

الطير المايصيد الصيده مو عار
لچن العار من تفلت من الحر
482
صاحب الضويري

11 Jan, 20:28

أنا البضلوعي دگيت البسامير
لخنچر ماحسبت حساب ذبحه
يهلبت أنتبه وآخذ تدابير
بعد يمتة أنتبه وآخذ تدابير
وأسولف عالشداد اليدي جرحه
انا ايلوموني اليدرون بالصار
وانا فوگ الملامة عاشرت مرّ
اتاعي بوصله حمرة لطير مطيار
گلت بالچن يحط واعليه يكسر
477
صاحب الضويري

11 Jan, 20:27

هــويت ومــــاعرفت اعليّه شيصـــير
ولا فد يوم أشوفن حالي وأَصْحَى
چـــبـت بــيدي الأصيــلة للنــــواعير
وأنا من ايدي الظلام الضاع صبحه
وعگب عش الحمامة والعصافير
لفاني غراب لف جنحي اعله جنحه
467
صاحب الضويري

11 Jan, 20:26

انا بهيمه وكلت مابيع ممشاي
على مباوس جذب ومصافح اجفوف
476
صاحب الضويري

11 Jan, 11:50

الكلب سلمته بيده ورده منه
وحال الشتله حالي وارده منه
اجتني بيوم صوغه ورده منه
طبت ماضل بعد كل مرض بيه
,,,,,,
538
صاحب الضويري

09 Jan, 08:15

وانه مو طبعي العتب
عالماحلاله يصون عهدي
يامناحة وحشتي
وليل الكضيته دموع وحدي
ويارخص ذاك الجدم
كون ع ياهو الجان يبدي

عريان السيد خلف
702
صاحب الضويري

07 Jan, 14:41

أكــو يعوفــك اسنيــن وچنهــا ساعــات
أكـو يعوفــك دقايــق چنهـــن سنيـــن
895
صاحب الضويري

07 Jan, 14:41

اكـــو كلشي مايملكــ عاش مرتــاح
واكــو يملك الدنيــا وعاش مسكيــن
874
صاحب الضويري

07 Jan, 14:40

اكــو بالگــبر بــس موتى عاشـــو
أكو مو بالگبـــر بس همــة ميتيــــن
أكــو ما يباوسونــك بَس يحبــّوك
أكــو رب المبـــاوس بس شياطيـــن
أكـــو چفـــّة انگطـــع بــس مــوش عبــّاس
أكــو ايذبحــة الشمــر بــس موش الحسيــن.
851
صاحب الضويري

06 Jan, 22:22

وأكـو ساكـت وحلگــة مخيــّط خيـــاط
وحچــية شگــد حلـو بنظــرات العيـــون
امــن ابزك بالحچـي لا تزعــل أرجــوك
اسمعنـي وگـول شكــراً گــول ممنــــــون
871
صاحب الضويري

06 Jan, 22:21

شــوف اصعــب وجــه تقراه العيــون
لكــن بالگــلب بَس الله يعلـــم
گلبــي گــزاز بـس اتسحگــة خســرآن
إذا هـوة انكســر إنته اتــّصدّم
853
صاحب الضويري

06 Jan, 17:55

أن چان عشرتنا تضركم
أحچو بعگل ونشيل عنكم
ونجاور غريب اخيار منكم
896
صاحب الضويري

06 Jan, 17:46

صدگ سواها وكتي بلايا ملحه


لــ محسن الخياط

اي ولله
892
صاحب الضويري

06 Jan, 09:23

الحَســب عقلــة يحــب صــدّگني يرتــاح
الحَســب گلبـــة يحــب صــدگني ينـــدم
لذلكــ .. آنه احب آدم ابــو الكــــُل
بـس ما حبـــّة ابــو التفاحـــة آدم!
928
صاحب الضويري

06 Jan, 09:22

إذا انتَ شفـت لتگول ماشــوف
تحچـي العيــن ولسانــك تلعثــــم
شـوف الفلــح من اتمــوت الورود
ابغيــر اورود هيــّة اتروح تشتـــم
بس شــوف الورد لو مــات فــلاح
من تشمـه تلگـــة ابعطــرة مــــاتم
845
صاحب الضويري

06 Jan, 09:22

يعجبني الجرح لو لاگة شمـّات
يضم روحة بحيث ايبيّن التــــــم
وتعجبـني السيـوف ابچـف السبــاع
يحمرّهــا الخجـل لو مـا لگـــت دم
806
صاحب الضويري

05 Jan, 23:15

جمالك بالكلب والروح طرفاي

شعرك في جبينك نور طرفاي

احذرك لاتجي ودور طرفـــــي

اوج كلي وطرف مايظل بيه.
835
صاحب الضويري

05 Jan, 17:09

أنه خشبه و وگفت بوجه منشار



لــ رحيم المالكي
890
صاحب الضويري

04 Jan, 17:47

ﺍﻧﺖ ﺑﺤﻀﻨﻲ ﺑﺲ ﺍﻋﺘﺒﺮﻙ ﺑﻌﻴﺪ
ﺍﺭﻳﺪﻥ ﻫﻴﺞ ﻛﻮﻥ ﺍﻧﺎ ﺍﻧﺨﺒﻂ ﺑﻴﻚ
ﺍﺑﻴﺎﺷﺎﺭﻉ ﻣﺸﻴﺖ ﻛﺒﺎﻟﻲ ﺍﻟﻜﺎﻙ
ﺍﺩﻭﺭ ﺑﻐﻴﺮ ﺷﺎﺭﻉ ﺣﺎﻓﻲ ﺍﻟﻜﻴﻚ
ﺍﺭﺩ ﻟﻠﺒﻴﺖ ﻛﺒﻠﻲ ﺍﻟﻜﺎﻙ ﺑﺎﻟﺒﺎﺏ
ﺍﻃﺐ ﻛﺒﻠﻲ ﺗﻄﺐ ﻭﺗﻜﻠﻲ ﺍﺗﺎﻧﻴﻚ
ﺗﺎﻟﻲ ﺍﻟﻠﻴﻞ ﺍﻛﻠﻬﻢ ﺑﺎﺟﺮ ﺍﻧﺴﺎﻙ
ﺍﻓﺰ ﻣﻦ ﻏﺒﺸﺔ ﺍﻟﻠﻪ ﻭﺍﺣﺠﻲ ﺑﺲ ﺑﻴﻚ

ﺑﻐﻴﺮﻙ ﻓﻜﺮﺕ ﺣﺘﻰ اكدر ﺍﻧﺴﺎﻙ
ﻃﻠﻊ ﻏﻴﺮﻙ ﻳﺸﺒﻬﻚ ﻓﻜﺮﺕ ﺑﻴﻚ

ﻋﺒﺪ ﺍﻟﺤﺴﻴﻦ ﺍﻟﺤﻠﻔﻲ
881
صاحب الضويري

04 Jan, 17:46

سهله اعلى العرس كثره اليزفون
بس جيب اليروح وياك جنّاز
533
صاحب الضويري

02 Jan, 21:41

كبرنه وماحسبنه اهدومنه ازغار
وعلى كد الردن كصينه ادينه
اشما مرنه الفرح ماجنه موجود
مثل طبع الرمش متشوفه عينه
اقصور الناس تبني بساعة العوز
وبنينه امالنه وطاحت علينه
صحنه وحسبناهم مايسمعون
وطلع جف الوكت يخنك حجينه
غركنه ابحر همنه ولمنه الاشراع
ونذب الصوج بيهم مدري بينه
خلينه الذنب بمعاكس الروج
وطلع سكران قبطان السفينه

الضويري
754
صاحب الضويري

02 Jan, 21:40

المثلك يحس بيه عيب اشكيلك

عقيل العرد
676
صاحب الضويري

02 Jan, 19:54

زين وناس اكو وماعندك عيون
اني اعيون عندي وماشفت ناس
كبل عباس اكو بس مالكه اجفوف
هسه اجفوف اكو بس ماكو عباس


اكو باقين بس عن كلبي راحو
واكو راحو بنص الكلب باقين
غلط كل ادمي اسمونه انسان
وجريمه كل علي اسمونه ابو حسين

عبد الحسين الحلفي
789
صاحب الضويري

31 Dec, 16:00

من جار الوكت رحنه الهذولاك
اجوا عالصوت رأسا وانتخوله
صحيح احنه خلصنه من هذولاك
نصيح المن ونخلص من هذوله
913
صاحب الضويري

31 Dec, 15:39

اللهم آتنا شعور هذه الآيه

(ثُمَّ يَأْتِي مِن بَعْدِ ذَلِكَ عَامٌ فِيهِ يُغَاثُ النَّاسُ)

اللهم غيثاً من الخير والمسرات لقلوبنا المُتعبه

يارب يكون عام خير وبركه عليكم احبتي..💜
876
صاحب الضويري

27 Dec, 07:16

صبحكم الله بالخير

جمعه مباركة عليكم احبتي..🖤
1,261
صاحب الضويري

28 Nov, 17:07

مساء الخير عليكم احبتي..

مو كل شخص حزين اونفسيته تعبانة ويمر بوضع سيء بسبب الحب! الأنسان في حياته يعيش مئات الأشياء في البيت مع العائلة،في الشارع،في الدوام،مع نفسه،مع صحته،الحياة مليئه بالمحطات الحب ليس المحور الاساسي لها أبداً

واعتذر ع أطاله
315
صاحب الضويري

28 Nov, 15:08

چان خيط الود
كتر عندي وكتر عندك حبيبي

ومن ردت گربك لگيت  الخيط سايب
ليش يا تالي الحبايب

لـ عريان  السيد خلف
352
صاحب الضويري

27 Nov, 16:14

الـگـاطـع
477
صاحب الضويري

26 Nov, 18:23

ردّي، مليت الصبر
ومگاطر الدمعة على خدّي
وآنه خلاني الوكت ناعور
بس أترس وأبدّي
يالهويتي بلا وچاد
النوبة من تهوين وَچدي
چوّرت ليل الصبر
وعجزت عنه وهذا حدّي

لــ عَريان السيد خلف
547
صاحب الضويري

18 Nov, 17:02

40 دقيقة من تناغم الخياط
1,024
صاحب الضويري

18 Nov, 17:00

تعدلهه بحلاتك ياضوه وترخص
يالمشيك سباني بمشيتك تركص


الراحل محسن الخياط 💔
991
صاحب الضويري

18 Nov, 17:00

نمـت وكفه شكـف عن لجم الاصفاح

محسن الخياط
962
صاحب الضويري

18 Nov, 16:54

الذكرى السنوية الرابعة لرحيل الشاعر الكبير #محسن_الخياط ٢٠٢٠/١١/١٨

محسن الخياط....شاعر المستحيل

ذلك الشاعر الذي ضرب خراطيم المفردة الجزلة حتى قالت لا شاعر إلا أنت.. محسن الخياط ليس شاعراً فحسب وإنما كتلة عظيمة من الوعي والثقافة والادراك والاصالة والنبل والمبدأ الحقيقي والرفض الأحق... محسن الخياط( شاعر المرحلة الصعبة في زمن كل مراحله صعبة)محسن الخياط تلك النخلة العراقية العصية التي ترفض حتى الماء اذا لم يكن من دجلة والفرات.. قضى عمره يُغرد من قفص المنفى وفي روحه حرية الطيور المهاجرة... عندما يتوغل القارئ الحاذق في قصائده وما ورائياتها يجدها تضج بالرفض الصاخب للظلم الاستبداد ومبللة بدموع الحيارى وحسرات المحرومين.. ولا يكل من الرفض المستمر حتى قال (مثل الخيط كلما ينگطع يطلعله راس اجديد) وهو منهك إلى درجة (انه عطش كربله وصوابي خط كوفي) وبين هذا وذاك كان عصياً إلى حد ال (يريد يضوگني الزنجار حسباله الذهب زيفه) كيف لا وهو من أسس بمغزله الذهبي المبدأ الراسخ (انا بهيمه وگلت مابيع ممشاي) وهذا آتٍ من اصالته المتجذرة (انا الكلما تحصده يردله سباح). كان مدركاً للمستقبل في زمن الطاغوت وشحة الناطقون حيث قال (چذب لليل ادنگ والصبح جاي) وواعياً جداً (مهي الشالت عنگها بچيحة الماي اذا ينشف تلمه وتزحف زحوف) إنه شاعر المستحيل. وبين المستحيلان من عشراته (نمت وگفه شگف عن لچم الإصفاح )( ارگص وياي من الحزن نص وگفه اوگف وازحف) أدرك مستحيل التثمين وهذا ديدن العظماء كما قال جبران خليل جبران (العظماء يولدون قبل زمانهم) ونعى عظمته (ذهب من زيج حلوة وبالدرب طاح) وبين كل هذه المنعطفات الوعرة يفترض أن يقل الوفاء بديهياً لكن كل ما يحتويه الخياط يأبى ذلك وبقي حتى رمقه الأخير على صدق الحُب العتيد (لهسه وما عشگت عليك وانت الطوگ والمحبس) ... وعندما ادرك بحالتهة وحس بوحدته قال ( انة المامش وراهة جنازتي صياح)
عذراً لتطفلي أمام الملهم الخياط وامامكم أحبتي


الراحل...ارقد بــسلام
964
صاحب الضويري

06 Nov, 03:36

اليوم تَمر علينا ذكرى رحيل هذا الشاب الجميل الشاعر علي رشم تغمده الله بواسع رحمته

2014 / 11 / 6
1,478
صاحب الضويري

04 Nov, 02:35

ثنين جانو الك ..
وماكو بحياتك فقط !
انه ونظر عينك ، وعينك درتها ورحت
ولاچني منك چنت ، وبكل سهوله خسرت واحد من ثنينك ..

لـ جبار رشيد
1,408
صاحب الضويري

03 Nov, 02:25

عل عله ابد ماا طحت
بينه الذنب بالهوه
من كلمن لوحده تمشي الدقيقه عمر
ومثل السهم لو سوه

لــ سمير صبيح
1,597
صاحب الضويري

03 Nov, 02:14

شليّ بأخبار الحبيبة الماتَحب
وشليّ بعيون الوسيعة ..
الما تشوف بعيني نضرات المحب ..

لــ كاظم اسماعيل الگاطع
1,409
صاحب الضويري

02 Nov, 03:23

مَحد لـ حِزنك حَزين


لــ مظفر النواب
1,402
صاحب الضويري

02 Nov, 02:34

من گتلي ارد اذبحك باچر بسيف
اجيت من الصبح جايب رگبتي

لــ علي نجم
1,491
صاحب الضويري

01 Nov, 16:19

المطر شم الورد من دنگ اعلى الگاع
وراح يبوسه من دنگ
صبح كلك صبح
وارموشك مرايات
وانگوط وربيع بطولك معلگ
للمك والتم انه وياك
والتف بيك واطبگ
واشوفك شوفة القداح
لمن من يريد ايطيح
والتف لف جگاره عليك واشبگ

لــ محسن الخياط
1,694
صاحب الضويري

01 Nov, 16:16

يالبصحتك حبيبي شالو الكوس
على النگاط فوت اشلوحك ودوس
چوالي تگابلن والنهر متروس
من كثر الهموم إعليك معفوس
حجل مسچّي ، غبچّ غرنوگ طاووس
يحلوين الجرح لمو على الروس
مهي الغاگه التبيّض لازم تحوس
انه قصة هذاك البالع الموس

لــ محسن الخياط
1,453
صاحب الضويري

01 Nov, 16:09

يـا روحـي الـحـزن حِـنّـة وتـوالـم وي  حـيـاطـيـنـچ


لــ عقيل العرد
1,369
صاحب الضويري

31 Oct, 18:50

آسف على قسمتي _ وعمري الگضيته سدى
خان الفرح طيبتي _ وانحاز لاهل الردى
الصوت مو مثل امس _ هذاالتسمعه صدى !
گلهم اذا يوم اجوا _ شيّب گبل موعده
وهمومه صحره تره _ وافراحه گد الندى
آنه الزرعت الشمس _ وببيتي مامش ضوه
لـ أهل الحظوظ الرطب _ واحنه سهمنه النوى !!


لــ كاظم اسماعيل الكاطع
1,220
صاحب الضويري

31 Oct, 18:39

هذا مو مُجرد ذوق لا هذا يمثلني كله
1,393
صاحب الضويري

31 Oct, 18:37

لا يا طبيب اتوهمت و الجرح ما شخصته
من كال انه احتاج الدوه دخذ الدوه الوصفته
مو هذا جرحي بالجسد بيه جرح ما شفته
رافكني وربينه سوه لاااا عافني ولااا عفته
بيه حجي الما ينحجي
وبيه بجي الما ينبجي
وبيه سوالف معلمه أعله السكته
لا يا طبيب اتوهمت والجرح ما شخصته
لا ياطبيب وقصرت وتكلي كاتبلك عمر
عمريش هو العشــــــــــــــــــــــــــــــته
وأألمــــن تهمك حالتي ما شايف الي شفته
ضيم وخلاف وقصر وأقرب شخص ضيعته
لا يا طبيب اتوهمت والجرح ما شخصته

لــ كاظم اسماعيل الگاطع
989
صاحب الضويري

31 Oct, 18:31

وتسافر  بليل الحزن
جذاب حلمك
والجفن
وبعده الصراع ويا الزمن هو صعب
وانت مرن
ليش الحزن رباك صايرلك
ابو ...وليش برضاتك صاير لحزنك ابن ؟

ليش؟

لــ كاظم اسماعيل الكاطع
922
صاحب الضويري

31 Oct, 18:22

ودي
اغافل ليلهم وابحر
واذب گلبي بشريعه
ودي ابوگن جسمي وابعد
ودي افك باب السنين السودة واشرد
ودي
لكن شدو برجلي جرس يشهد عليه
وبس اشيلن خطوتي الحراس تگعد


لــ كاظم اسماعيل الكاطع
993
صاحب الضويري

30 Oct, 16:02

ماكو اسهل من الموت گل لليخافون
محد وصف لياه شافنه العيون




لــ صاحب الضويري
1,165
صاحب الضويري

30 Oct, 16:00

مشتهي بحضن المكابر كون انام

هناك يم حيدر اون واشكيله

وريت عزرائيل يهمس بذني صوت

يكلي باجر موعدك تانيله
حتى ابوس امي

واكلها بمشتهاي
الليله اموت الليله اخر ليله





لــ كاظم اسماعيل الگاطع
869
صاحب الضويري

29 Oct, 16:27

متحبني واحبك والمصيبه انوب

اريدك وانهزم من اليريدوني

لــ جبار رشيد
868
صاحب الضويري

29 Oct, 16:14

زعلانة گالوا لاتمرها بحلم
گلولي دمعچ ع الجفن ماعثر
اشتموا فراگچ بيه من سولفت
مريتي سيف وصار خلگي نحر
يظفرون وجهي وتنثر عزتي
بعيوني تطفه وجوه كل البشر
شخليتي بيّه وصدري فارغ طلع
شعاف الندى من آثار فوگ الصخر
دبريلي ملگه بروحي وحشة حضن
شگد ناس زغرت من فراغچ كبر
شجريتي منّي وما انجر النفس
ظل الحلم بعيوني يطبع أثر
رحتي وخيالچ لا غفه ولا مشه
لا عاف روحي ولابعيني استقر
أربع مواسم ظل خريفچ يجي
طاحت ملامح وجهي مثل الشجر !
كل خطوه ريّة الگاع تاخذ نفس
وآنه أختنگ لو مني جدمچ عبر
شباچ وجهي شگد رسايل بقت
محد قراهن چنت ألوم القدر
خيط عليه الليل وجه وگفه
يعثر بنيته الگدّر وماگدر !
وديلي كلشي الچان من ريحتچ
مشتاگلچ مرسه وشراع وبحر
ماغسل وجهه من الضوه البي تعب
شگد انعكس بالماي وجه الگمر
عيني بگفه اليمشون صارت وشم
خطواتهم ظلمه وضواهم گصر
ذكروچ يمي ودمعتي استعجلت
هزوا صفنتي وطاح وجهچ تمر
ترسوا عيوني ملاگه مابينوا
ما أدري من عفتيني بيه شزغر
تانيت جيتي وين ماينمشي
وشلت جدمي اعله الدرب والنظر
جمرة بخور الذكره لمن تمر
تورث حسرتي وبيه تمشي بحذر
يعرفون جرحي الحبوا وفارگوا
ويدرون جفني شچم حلم بي خسر
الصبخة چنت ارويها من گصتي
يتشابه بعين العطش والمطر
ذيچ انتي وآنه بغيبتچ موصدچ
تعبتي جدمي وساعتي من السفر
بي حيل هجرچ وآنه وشلة خلگ
ذبّلن وجهي مناطرچ والسهر
يعجبني ذوقچ مثل ذوق البلم
متعافي ياخذ راحته بأي نهر
نتشابه آنه وياچ من نفترگ
ويختلف وجهي وروحتچ بالصور

لــ علي رشم
898
صاحب الضويري

26 Oct, 03:26

صبحكم الله بالخير والعافية..🖤
60
صاحب الضويري

25 Oct, 17:38

لــ الراحل سريح حمزه الزريجاوي
208
صاحب الضويري

25 Oct, 17:08

ولله يا ابو وسام حتى اني البرد سمى بارزة كلش بحياتي
225
صاحب الضويري

25 Oct, 10:14

جمعه مباركة عليكم احبتي..🖤
284
صاحب الضويري

24 Oct, 18:32

خلينه هسه انسولف بحالنه
وخلينة هلبت نسكر من الخمر

لــ صاحب الضويري
368
صاحب الضويري

24 Oct, 04:41

صباح الجوري عليكم..🖤
427
صاحب الضويري

23 Oct, 17:18

طبعي گهوة شما تعضني النار حيل
أكسب من النار محمود الصفات
روحي ابوها الظيم وامها المستحيل
هية وسنين الگحط ولدن خوات


لـ عطا السعيدي
459
صاحب الضويري

23 Oct, 17:15

ولا تحسب سهرنه وي الشعر ونسه


لــ كاظم أسماعيل الگاطع
461
صاحب الضويري

23 Oct, 17:09

هواي بيه وماعرفهن
يمته اطلعهن واموت

واخ بيه شجم صدى مفاركله صوت
منين مادبرلي يونس
يطلع بنص روحي حوت

لـ عقيل العرد
455
صاحب الضويري

23 Oct, 17:04

مطار ياغيم الجفن
ليليه افيض واسبح بمي عيني

لــ كاظم إسماعيل الگاطع
452
صاحب الضويري

23 Oct, 17:03

وحته شارعهم نشدني.

شوكت چا ترتاح
شو كلسا تمر مشيك سحلني

گتله يا شارع  انه المچتول
مو حگي من أدور عالچتلني

لــ كاظم خبط
448
صاحب الضويري

23 Oct, 16:06

الفرق بين الرجل والمرأة بقضية التفائل، هو ما يلي :
نجاة الصغيرة بعد مامرغلتها الحياة، اتفائلت وگالت (ممكن زماني يصالحني بعد العداوة).

عمنا كريم منصور أول ما الحياة داستله على طرف، ماخلاّ مكان للتفائل، خصمها بمقطع بؤس وگال (زماني يريد كوه طلابة وياي).

واذا تسمع (شو بس عليه اتلملمن) تحتار منين تتلگاها
442
صاحب الضويري

22 Oct, 17:04

دخن ،،
و لو چـبد اليدخن يسلّ
واشرب مع البيگ التشربه جمر

واشرب
ولو طبع اليدامن يذل ،،
اشرب ذليل الماسكر بـ الخمر

سم الشراب وعلته يا هلي هو اليداوي المبتلي بالعلل

ومثلي بزماني ماشفت مبتلي انه الغريج الما يهمه البلل

كل ليلة احث إعله السفر محملي
واخذ متاعي من الشراب بعجل

أَصبح
واصبّح لنّي وسفة عدل
واردود ارد مكابر ويه العمر

وكل ساعه لني مبتليلي ابـنذل
يضحك واكـابر واضحك اعله الصبر

لــ صاحب الضويري
545
صاحب الضويري

22 Oct, 03:15

"ينعاد الزمن بس انتَ ماتنعاد"

في مثل هذا اليوم من عام 2021/10/22 انتقل الى جوار ربه الكريم الشاعر "سمير صبيح" الذكرى الثالثة
578
صاحب الضويري

21 Oct, 18:58

نعم أنا أعترفلك صرت خواف
شفت الخوف يرجف كاتلة الخوف
درب حُبك ضياع وامشي والتاف
ترى اليسمع سمع مو مثل اليشوف

لــ سمير صبيح
655
صاحب الضويري

21 Oct, 18:57

فراشات و ورد وطيور
تشوفك لهفتي وشوفي

وصحراء وعطش ورمال
تشوفك عزتي وخوفي ..

شجاني وصدگت بالشوف ؟!
شجاني وجذبيت الخوف ؟!
شجاني وأمنت بالشوگ ؟!

جان الشوگ عاميني ….


لــ سمير صبيح
637
صاحب الضويري

21 Oct, 07:28

ويـن أنت ملـينه النشد
والنـاس گامت ماترد
لــ جبار رشيد 
721
صاحب الضويري

20 Oct, 15:22

الدنيه وين انه سارح بالظنون
وين عهد البي اسولف ويــــنه
هاي تاليه نظل بالچا شلــــون
شلون بينه يا الاهي شــــبينه

لــ صاحب الضويري
801

2025 All Right Reserved

Disclaimer: The content displayed on this website is solely provided by the respective Telegram channels. We hold no ownership or responsibility for the content shared by these channels.