Med students ( Nuha Alwahdy) @premedical2021 Channel on Telegram

Med students ( Nuha Alwahdy)

28 Dec, 18:20

الحمدلله الذي وفقني و يسر خطاي و بلغني مرادي و حقق مناي🩷🩷
و لله الحمد قد تخرجت من كلية الطب البشري و الجراحة💎✨
تذكروا رغم كل التعب و الالم و المصاعب و السهر و لعراقيل التي توجهنا في دراستنا بانها ستتوتج بتخرجك يوماً و بإنك ستصبح طبيباً يحمل أسمى المهن
عقبالكم جميعاً ربي يفرحكم بتخركم💗💗

557

Med students ( Nuha Alwahdy)

10 Oct, 08:06

تبوا الحق بعد شفت تعبكم في ثالثة نشكر ربي أني قريتها في الكورونا😅😁

1,509

Med students ( Nuha Alwahdy)

27 Sep, 19:45

Don't worry; every thing you have lived and suffered during your medical school and clinical attachment will contribute to your experience and who you are going to be in the future

Dr.Mahmoud Elsawihli

1,605

Med students ( Nuha Alwahdy)

26 Sep, 13:01

من البريد:-
https://t.me/+4EjI4SIpOco0N2Zk

هذه قناة نشرح في منهج اناتومي مجاناً لسنة اولى بشري للدفعتين 52 و 53 بعد يبدو إن شالله

1,548

Med students ( Nuha Alwahdy)

26 Sep, 12:52

Don’t give up, remember you have goal 🤎🩶

1,351

Med students ( Nuha Alwahdy)

06 Sep, 20:34

🥲😂😂

1,684

Med students ( Nuha Alwahdy)

01 Sep, 16:16

مساء الخير #ثالثة_بشري بنغازي
كيف حالكم؟و شن جو أول يوم في ثالثة؟👀

1,537

Med students ( Nuha Alwahdy)

26 Aug, 22:13

#سرت
#عملي_الفسيو
موفقين في إمتحانكم🤍✨

2,184

Med students ( Nuha Alwahdy)

22 Aug, 16:16

و طبعاً نصيحة أخت الأسبوع هذا خودوه رااااااحة و اشبعوا نوم و أي هواية أخر تحبوها خودوا غايتكم فيها الأسبوع هذا
لأن حرفياً من أول يوم تبدوا فيه يبدء فيه الضغط و تراكم المنهج
مش تخويف لكم بس حتى ما تنصدموا بالواقع
و خاصة أنكم مش متعودين على جزئي أول و جزئي تاني ف ممكن اللقطة هذه تزيد تضغطكم بس في صالحكم أنكم تجمعوا درجات أكتر

1,746

Med students ( Nuha Alwahdy)

22 Aug, 16:03

مساء الخير دفعة 50 #بشري ✨️
هذا بوست طويل نوعاَ ما عن سنة ثالثة
معظمكم متخوف من سنة ثالثة المتعارف عليها لدى جميع طلبة البشري بمقبرة الطب
ف مبدئياً من خلال اللقب النزيك طبيعي ح تخافوا منها بشكل كبير
ح نحكيلكم بكل واقعية عن سنة ثالثة بشري حتى تكونوا من الاول عارفين تنظموا أموركم لأن الوقت من البداية كل ثانية عندكم بحسابها
أول شيء قبل ما نحكي على المواد ب نقوللكم هي مش سنة مستحيلة بس منهج سنة ثالثة دسسسسسم جداً(نقدروا نقولوا أكتر من منهح الأعداد و اولى و تانية كلهن مع بعضهن)
لذلك مفتاحها الأساسي هو الدراسة أول بأول لأن كمية المنهج الهائلة مع الوقت شبه غير متكافئات لذلك من أول يوم تبدوا فيه أستغلوا كل ثانية فيه و أقروا أول بأول ما تخلوا شيء يتراكم عليكم قدر الإمكان (ح تلقى روحك تقرا و أنت زعلان و انت مضايق و أنت نعسان و أنت منهك و أنت متعب و أنت محبط مهما كان وضعك ما ضيعش و لا ثانية لأن يلي تفوتك صعب جداً تلحق تلمها )
✨️فيه حاجة مهمة نبهكم عليها سنة ثالثة اكتر سنة معتمدة على شيتات و عطاء دكاترة الجامعة لذلك نصيحة اخت لكم تابعوا مع الجامعة و الجزئية يلي ما تفهموها اسمعوها من اي دكتور بعد تروحوا✨️
موادكم:-
1️⃣الباثولوجي:- من اكتر المناهج دسامة تدرس علم الأمراض بالتفصيل مقسمة إلى جزئين جنيرال و هو يلي ح تبدوا به في ممكن 12كورس على حسب ما أذكر و سستمك و القسم كويس في الشرح و العطاء تابعوا معاهم و في الإمتحانات يبو نفس ما هم كاتبين بالحرف
عن نفسي كنت الجنيرال قريته قبل ما تبدء الجامعة مع د.محمد العقوري و بعد بدأت الجامعة كنت نحضر في المحاضرات و شرحهم كويس
اما باقي المنهج كنت نتابع مع الجامعة و الجزئية يلي ما نفهمها كنت نسمع د.منذر الفسي شرحه كويس و عندكم سلسلة فيديوز الباثوما
فيه توا كذا مصدر لها و ممكن السنة نشرحها لكم في قناة على التيلي
2️⃣الفارماكولوجي:-تدرس علم الأدوية بكل تفاصيلها و علاقته بالجسم و الأمراض و علاقة الأدوية ببعضهن و طريقة شغلهن و أعراضهن الجانبية مادة ممتعة
و القسم هذا يعتبر احسن قسم في الجامعة من ناحية الشرح و تعاملهم و تطويرهم لطرق التدريس قسم يعجز لساني عن وصفهم
و توا من حظكم د.خديجة الزليتني هي رئيسة القسم
مصادر دراستها :-شرح الجامعة لا يُعلى عليه في بعض الجزئيات ممكن تبي حد يشرحهن لكم ممكن عندكم فيديوز د.عبدالمتعال (دكتور مصري مبدع و يشرحلكم بأقل وقت)
في د.أيمن الدقوالي شرحه ممتاز بس طووويل و أنتم ما عندك وقت
عن نفسي كنت مع الجامعة و بعض الجزئيات مع الدقوالي أو عبدالمتعال
3️⃣الميكروبايولوجي:-تختص بدراسة البكتيريا و الفيروس و الفطريات بصراحة مادة نوعاً ما ثقيلة و احسن دكتور في القسم كان دكتور إبراهيم الفقي رحمة الله عليه (ادعوله بالرحمة)
عن نفسي كنت نحضر مع الجامعة و نسمع في تسجيلات د.محمد العماري
4️⃣الباراسيتولوجي:-تختص بدراسة الطفيليات و الديدان و الحشرات و كيفية إنتقالهن و كيف يسببن امراض للإنسان
عن نفسي كنت نسمع في تسجيلات د.أحمد الزليتني
بس نصيحة لكم احضروها في الجامعة و تابعوا مع الزليتني
و طبعاً دائماً نقوللكم مصدركم الأول و الأخير شيتات الجامعة مهما كان الدكتور يلي تابع معه
و كذلك ما دوخوش روحكم بكثرة المصادر لأن ح تخلبطوا رواحكم و وأنتم أساساً وقتكم ضيق
و من المفاتيح الذهبية للنجاح هي إنكم تصكروا أذانكم عن أي كلام محبط و سلبي حتى لو اضطريتوا تختصروا تواصلكم بزملائكم السلببين لأنها أكتر سنة ممكن تتعرضوا فيها لسترس
و هي مش سنة مستحيلة هي بس محتاجة تنظيم و حسن إستغلال للوقت و الدراسة أول بأول
و ربي يوفقكم جميعاً🤍🤍

1,799

Med students ( Nuha Alwahdy)

18 Aug, 19:05

#سرت
#عملي_الفسيو3

2,084

Med students ( Nuha Alwahdy)

18 Aug, 19:05

#سرت
#عملي_الفسيو 2

2,038

Med students ( Nuha Alwahdy)

18 Aug, 19:04

#سرت
#عملي_الفسيو1

2,158

Med students ( Nuha Alwahdy)

28 Jul, 09:55

هناك طلّاب لا يقرأون إلّا الصفحة السّابعة والعشرين من الكتاب ، وفي لجنة الامتحان لا يكون هناك إلّا سؤال واحد من الصفحة السّابعة والعشرين...
أمّا تُعساء الحظّ على شاكلتي ، فهم إذا حفظوا الكتاب غيبًا ، ونسوا أن يحفظوا السّطر العاشر من الصفحة التّسعين ، كان معنى هذا أن الامتحان قد تحدّد : اكتب السّطر العاشر من الصفحة التّسعين!
ــ أحمد خالد توفيق

2,096

Med students ( Nuha Alwahdy)

10 Jul, 18:18

⭐️⭐️

2,265

Med students ( Nuha Alwahdy)

04 Jul, 17:56

طمنونا شن صار في نتيجتكم؟

2,431

Med students ( Nuha Alwahdy)

30 Jun, 10:04

شن جو إمتحانكم؟

2,643

Med students ( Nuha Alwahdy)

29 Jun, 18:21

شن دايرين مع البايو؟👀

2,596

Med students ( Nuha Alwahdy)

29 Jun, 12:44

#ثانية_بشري_بنغازي
#aminoacid5b
و لله الحمد بذلك نكون كملت شرح الأمينوأسد بالكامل في ساعتين و نصف(كأني في سباق😂)من شيت الجامعة و بكل المعلومات
و نعتذر على أي تقصير بدر مني
و بذلك نكون وصلت معاكم لأخر مسيرتكم في سنة ثانية
و ربي يوفقكم و ييسرلكم دربكم و نشوفكم في ثالثة إن شاءالله و نكملوا مسيرتنا في ثالثة
و ربي ما يضيعلكم تعب و نفرح بنجاحكم كلكم🤍🤍🤍

2,992