﮼قروب ﮼شعر ﮼للمتذوقين ﮼

الا ياوجودي وجد من ضامته دنياه
‏على واحدِ قفى وزادت بي طعوني .

يضحك ليا صكت عليه الطوابير
طير السعد قلبه من الخوف خالي

مصير الأيـام ترضي من زعل منا
‏ويبقى مكانه مكانه يوم هو خابر

على الله يا حب طواه الزمان و راح
وعلى الله يا درب مشيته وضيعني

‏في شرع أبن حنبل و تأكيد ابن باز
‏معرُوف راعي الحب قلبه هشاشي

نطوي مع الأيام عـام ٍ ورا عام
وتمر ساعات الفـرح فـي دقايق

‏أيام راحت بالعمر مثـل الأحلام
يوم ٍ بهـا زعـلان وأيـام رايق

‏درست من دنياي وأتعبت الأقدام
وبدلت عن بعض الطرايق طرايـق

‏وكفخت بأفكاري كما الطير لا حام
وما عاقني عن ماكـر العـز عايـق

‏يا صاحبي خذني معك سيف وحزام
وياك في وقت الرخـا والضوايـق

‏وترى البشر يا خوك منقسمه أقسام
بين الردي والطيب شفت الحقايـق

‏لقيت من صلى وزكى ومن صام
ولقيت من هو لأقرب النـاس بايـق

‏ولقيت من قلبه حقـود ٍ ونمّام
ولقيت من قلبـه يعـز الرفايـق

‏ولقيت من يبني الأمل فوق الأوهام
واللي يموت ولا يعـرف الاالعوايـق

‏ولقيت من يملك بساتيـن وانعام
واللي من الحاجة ينـام متضايـق

‏الله خلق هالخلق سـادة وخدام
ذي دبـرة الرحمـن رب الخلايـق

‏وآخرك يابن آدم ترى قطعة الخام
أمراً أكيـد وما يبيلـه وثائق

‏يالله عسى ما أكون قطاع الأرحام
وعساي من عقب القبر في حدايـق

‏جاك الكلام وخذ معه بصمة إبهام
إن العمـر كلـه مجـرد دقايق

‏⁧ #مطلق_الثبيتي⁩ رحمه الله