نشرَوان

قلبك اللطيف يستحقّ كلّ أنواع البهجة، أنتِ التي لم تتعمّدي قط إيذاء أحد ولم يكن في خاطركِ غيرُ السّلام 🌷

الحَمدُ لِلَّهِ تَعَالىٰ، وَالشُّكرُ لِلَّهِ عَلىٰ مَا أَنعَم.

يا مَن جعلَ لنا من أنفُسِنا أزواجاً،
وجعل بيننا المودّة والرّحمة،
لكَ الحمدُ ولكَ الشُّكر ولك المنّ
فزِدهُم لنا رحمةً وزدنا لهُم مودّةً.
- مَِ

إن شعرتم إنَّ البهجة سُلبت منكم، ركّزوا في تفاصيل الأطفال.. 🧡

🦋
صغيري مهدي

نرجو قراءة سورة الفاتحة تسبقها الصلاة على محمّد وآل محمّد واهدائها لأم البنين بنيّة تيسير أمر🦋

العائلة هي أساس وبداية كل شيء.. القوّة والضعف، الصدق والكذب، الحب والكره، الفساد والصلاح، الحق والباطل.

الوالدين هم أساس البناء إذا صلح هذا الأساس يصلح بعده المبنى، إذ هم غير مسؤولين عن الظروف المحيطة التي تؤدي الى تحطيم وزعزعة أجزاء منه؛ إلا أنهم يزرعون في الطفل مخافة الله وجميع القيم والمبادئ والعادات والتقاليد والصفات الحسنة منها والسيئة والعقد بشكل مباشر أو غير مباشر، وحين يخرج الطفل للعالم الخارجي تبقى مسؤولية الوالدين مراقبة تصرفات الطفل وتحذيره بالحوار والنقاش ومنحه الثقة للتجربة.

العالم سيء في الخارج أكثر مما تتصور فكر بهذا كله قبل أن تُنجب طفلًا وتتكاسل في النهاية عن تربيته بحجة أنهم سيكبرون مثلما كبرت أنت؛ فالأزمان تختلف وكل المؤشرات توضح أن الوضع أسوء مما سبق..

احترموا أطفالكم واحضنوهم حتى وهمَ نايمين، راح توصللهم طاقة حب ومودة وتخليهم اکثر انسانية، كافي صنع نماذج مشوهة، كافي تهيئون للحياة بشر مقهورين ومتحرشين وتايهين وغير مؤدبين، اغلب اليعانون بكبرهم يسولفولي ويتذكرون طفولتهم بأسى وغضب، ذاكرتهم محفورة بمئات الأمثلة من تَخَلي اهاليهم عنهم وقهرهم والتحكم بيهم بأعتبارهم ملكية خاصة لو شخص مسلوب الإرادة . شبعوا اطفالكم حب واملوهم رحمة، صاحبوهم وانطوهم من ذوات نفسكم، لا تنطوهم مبایل وپلي ستيشن، انطوهم قصص مؤثرة وحكايات اخلاقية، علموهم شلون يحترمون الأكبر منهم وشلون يحترمون الأنثى اذا كانوا اطفال ذكور ولا تخلون الانثى تحس بأنها شيء صعب ومعقد خلوها تحس أنها مقدسة نعم لكن مو بالشكل اليجعلها مغرورة ومثل العصفور بقفص من يتحرر راح ينفلت.. ويوم من الايام راح تجنون ثمرة تعبكم، كُل يوم الصبح کرر هالجملة كبال المراية : ابنك مو جماد، بنتك مو كرسي، أطفالك مو عقار ولافئران تجارب

قبل ما توفرون الاحتياجات المادية للطفل، خلوا علىٰ رأس القائمة الحاجات العاطفية.
وفرله الحُبّ الّي يخليه مكتفي ومُتزن عاطفيًا، وفرله الأمان الّي يخليه ما يتردد من يضوچ أو تصيرله مشكلة يخاف يصارحك بيها، وفرله مساحة آمنة بعيدة عن منزلة الأب والأم بدور الأمر الناهي، مساحة يگدر يشرح بيها نفسه ويحچي بطبيعة داخله مو لسان الخارج من رسمية ومجاملة بخوف.
إذا مقررين إنجاب طفل فَ ..
تثقف وأهتم بهذا الجانب مثل ما تهتم بمجال شغلك وأناقتك وسيارتك وفريقك المفضل.
وخليچ علىٰ وعي كامل بالمسؤولية الّي عليچ علمود تربين طفل خالي من العقد النفسية، اهتمي بتربيته وسمعي واقري وبحثي عن الطرق السليمة للتربية مثل ما تهتمين وحريصة علىٰ جمالچ وتنسيقاتج وآخر الأصدارت والماركات الجديدة واهتماماتچ الخاصة.
وصراحة محد مجبور يجيب أطفال إذا هوَّ مو حمل هيچ مسؤولية! خليكم علىٰ وعي بهالموضوع وأبتعدوا عن الحچي الروتيني والاهتمام بيه بس علمود تسكتون المقابل، محد راح يشارككم بحياتكم الخاصة غيركم ومحد راح يتعب غيركم فَ لا تخلون أحد يدخل ويقرر عنكم!، كلما كان الوعي والتصرف الصحيح موجود كلما كان الاحتواء وفهم الطفل أوضح.
+ طفلك مو ورقة تشفي بيها غليلك وترجع أطبق تربية أهلك عليه، إذا چنت من الّي أهلهم ما انطوهم المشاعر الكافية ولا وفرولهم الاحتياجات الطبيعية، فَ خليك أنت العوض لنفسك ولطفلك، وفرله الّي ما توفر ألك حتّىٰ لا تعيد الّي صارلك وياه وتخلي الدائرة تستمر بنفس الروتين.
وكلّ شخص راح يفهم الموضوع من منظوره ويفسره علىٰ كيفه، هالشي راجع إله بس رجاءً خليك واعي ومسؤول يلا تفكر، أنت ما راح تسوي عائلة بس ولا راح تضيف حفيد جديد للأهل، أنت راح تكون جزء من مشروع جيل جديد لمجتمع بعد كذا سنة طفلك يكون جزء منه، لخاطر هيچ لحظة ولوقت الّي يكون طفلك شاب، وفرله التربية الّي ما تخليه بيوم يگول "علىٰ شنو جبتوني للدّنيا إذا انتوا مو گد تربيتي ولا موفريلي الشعور المعنوي قبل المادي." لا تخليه بيوم يفكر لو انتوا مو أهله ويتمنىٰ عائلة غيركم، لخاطر هيچ لحظات وكلمات تحز بالگلب، خليكم واعين مُدركين وصيروا النسخة الّي أبنائكم يحمدون الله ويشكروا عليها.

تقىٰ

‏بإذن الله رح أحرص علىٰ إنّي أحضن أطفالي دائمًا وبشكل مستمرّ؛ حتّىٰ ما أسمحلهم يكبرون وهمّ مو متعودين يحضنوني، ويجي يوم يتمنّون يحضنوني بس ميگدرون؛ لأنهم يستحون وما تعوّدوا.. ما رح أسمح لهذا الشعور يجيهم أبدًا..

صغيرة علىٰ أن أكون أُمًّا، ولكن ربّما أعلم ما يجب أن تفعله لتكون حنونًا علىٰ أبنائك.. 🧡

صغيري مهدي

"نِعمٌ كَثيرةٌ تُحيطُ بِنا، وَلِهذهِ النِّعَمِ حَقٌّ عَلينا،
أَن نَعرِفَها، أَن نُقدِّرها، أن نُحافِظَ عَليها،
وَأن نَشكُرَ مَن وَهبنا إِيَّاها عَلى جَميلِ نِعَمِهِ وَكَرَمِه"..

| الحَمْدُ لله 🤍

سبحانك.. وكم من غمٍّ أزحته عنّا بزيارة عاشوراء، وكم نجّيتنا بآهات كميل، وانتشلتنا بدعاء التوسّل، وانبلجت بفضلك همّة في كلّ صباحٍ من دعاء العهد.. 🤍

لَا تُعجبنِي فِكرة الكِتابَة فِي القناة إنَّنِي بِحاجَة لِلدُعاء، لكِن بِما إنَّنِي أُشارك هُنا بَعضُ ما أُحِب، أسألُكُم بَعض الحُب وَ هُوَ يَصلُونِي بِدُعائِكُم إليَّ.. أسألُكُم الدُعاء..

يخلص ضياعي بنظرة عطف من عينك...
يا علي.🤍

كُلّ الوِدّ لمَن بقِيَ هنا رُغم تقلّب فصول القناة وقلّة النّشر فيها.. 🤭

نرجو قراءة سورة الفاتحة تسبقها الصلاة على محمّد وآل محمّد واهدائها لأم البنين بنيّة تيسير أمر
🦋

بينما كنت أقرأ اليوم، وصلت عند آية:
‏{ فلا تعلم نفس ما أخفي لهم من قرة أعين }
‏فاستوقفني معنى " قُرَّة أعيُن " وبحثت عن معناها، فكان: هو الدمع البارد الذي يخرج ويفيض من العين مع شدة الفرح...
اللّهم قرّ أعيننا بأمنياتنا ودعواتنا واثلج قلوبنا باستجابتك، فإنّك قادر على كلّ شيء..