Nursing With Ahmed Bakry

🔘 خلي بالك:_


🔵 من الMV Basic Concepts حاجتين مهمين حاجه اسمها

🔲 ال Volutrauma:_

🔶 Pulmonary infiltration due to high tidal volume.

🟡 دى ظاهرة بنشوفها لما يكون حجم الهواء اللى داخل للرئة كبير جداً فبيخلى الـ alveoli يحصلها infiltration
وتتكون الPulmonary Edama.

🔷 سببها هو زيادة الـ Volume.



🔲 الBarotrauma:_

🔷 Rupture of alveoli and production of air leaks due to high inflation pressure.

🟣 دى ظاهرة بنشوفها لما يكون ضغط الهواء اللى داخل للرئة كبير جدا فيخلى الـ alveoli يحصلها rupture وبالتالي يحصل air leak.

🔶 سببها هو زيادة الـ pressure.

🟠 وبنشوفها دائماً في حالات الـ COPD وكمان ف حالات الARDS.


⚫ باختصار، الـ Volutrauma يتعلق بزيادة حجم الهواء داخل الرئتين، بينما الـ Barotrauma يتعلق بتغيرات الضغط وتأثيرها على الرئتين.


◼️ MV / Mechanical Ventilator

◼️ COPD / Chronic Obstructive Pulmonary Disease

◼️ ARDS / Acute Respiratory Distress Syndrome


متنساش تعمل لاڤ🫣♥

ومتنساش تسأل عن الكورس بتاعنا اللى شارحين فيه كل ده وكل حاجه ف الVent😉❤

🔘 خلي بالك:

🔵 لما تيجي تغذي العيان بتاعك لازم تخليه في وضع ال"semi-fowler position" يعني من 30 لـ 45 درجة وده علشان ميحصلش للعيان بتاعك Aspiration.

🔘 خلي بالك:

🔵 واحنا بنسحب تحليل الABG لازم نهبرن السرنجه الاول عشان الدم ميتجلطش ف السرنجه...

🟤 هتسحب حوالي نص ملي كده من الHeparin وتمشيه في السرنجه كلها وع جدران السرنجه وبعدين تفرغه من السرنجه تاني عشان ميأثرش ع نتيجة التحليل...


🔲 احنا عندنا 3 انواع من الHeparin:


الHeparin calcium
الHeparin sodium
الHeparin Lithium

🟠 بنستخدم افضل نوع فيهم اللى هو الـHeparin Lithium لانه مش بياثر علي الـElectrolytes الموجوده ف الدم ولا هيأثر ع نتيجة التحليل كمان...


متنساش تعمل لاڤ😉♥

🔘 عاجل:

الدولة تدرس تطبيق الجيش على الابن الوحيد لأبيه مؤقتاً تحسباً لأي طوارئ داخل البلاد الفترة القادمة على أن يتم تطبيقه بداية من السنة الحالية... 🙂

🔘 حبيت افكركم ان اخر يوم للتظلمات النهارده ان شاء الله والموقع هيقفل

http://mhealthmobnya.cu.edu.eg

🔷 التظلمات للناس اللى كتبت رغبات بس اللى هم فني صحي..

🔶 اللى مكتبش رغبات زي فني تمريض بعد ثانوي عام ملوش تظلم بيعملوا طلب تعديل تكليف ورقي ع طول...

بالتوفيق 🫣❤

جماعه لو فيه حد ف معهد فني تمريض بني سويف ورايح المعهد بكره يكلمني بس عشان هيسألي ع حاجه خاصه بيا ف الشئون

لو حد رايح بكره يبعتلي هنا

@AhmeddBakry

للأسف الإنسان لما يُبتلى بكونه شخص حساس وبيفكر كتير ويتحسس تجاه أي موقف هو بيبقى في ابتلائين ..
الأول إنه أصلا دماغه مش سايباه وبيدقق في أبسط المواقف والكلام اللي بيتقاله ممكن يأثر في نفسيته
والتاني إن حتى اللي مضايقُه مش بيقدر يعبّر عنه لأن دايمًا بيواجه كلمة "انت مكبر الموضوع" فيضطر يطلّع مبررات ملهاش لازمة لزعله غير الأسباب الحقيقية ..

إن شاء الله نؤجر على الصبر على الحاجات اللي ملهاش ملامح واضحة نقدر نحكيها وتتقدّر لكن بتاخد حيّز كبير من تفكيرنا، ويجعلنا أقوى في مواجهة الحياة كل يوم ويرزُقنا قوة التحمُّل ووضع الأمور في موازينها الطبيعية. ♥

لو فيه معهد عندهم محاضره صعبه اتشرحتلهم ومش فاهمينها حد يبعتهالي واشرحهالهم بكره ان شاء الله لله❤

🔲 ازيكو يولاد عاملين اي 👀❤

🔘 انا كل ترم بحب انزل البوست ده عشان افوقكم شويه وتبدأوا تذاكروا من البدايه

🔵 حبيت افكرك ان ده اخر ترم دراسي ليك يسنه تانيه معهد ف بص بقا 👀


🟠 مينفعش تشيل اي مواد ف سنه تانيه معهد وخصوصاً الترم ده وده لانك لو شيلت اي مواد ف سنه تانيه معهد هتتأخر ف حاجات كتيره زي:


🔷 هتأخر شهرين ف الامتياز ف بدل ما تبدأ ف 10 مع زمايلك هتبدأ ف 12....

🔷 هتأخر ف استلام شهادة التخرج وشهادة الامتياز وبرضو زمايلك هيستلموا قبلك...

🔷 هتأخر ف استلام كارنية النقابة ومزاولة المهنه لانهم مرتبطين بشهادة التخرج وشهادة الامتياز وهتأخر انك تشتغل برايفت كمان..

🔷 هتأخر ف استلام التكليف اللى هو اهم حاجه مش هتعرف تستلم مع زمايلك وحوارات بقا وتأخير من الوزاره لان الدور الاول بيستلم الاول وبعدين الدور التاني بيأخر من شهرين لتلاته....

🟤 كل ده انت ف غنى عنه وزمايلك هيستلموا التكليف قبلك وهيبقوا اقدم منك وهتلاقيهم شغالين قبلك وهتلاقيهم Charge عليك برضو لانهم استلموا قبلك 😅

🔶 اه وفيه حاجه كمان للاسف لو هتكمل كليه مش هينفع تكمل ف نفس السنه ولازم تستنى السنه اللى بعدها عشان ينزلك كود ورقم سري وتروح تجيبهم من مكتب التنسيق وبتتحاسب بتنسيق السنه الجديده مش بتنسيق السنه بتاعتك🙂

◼️ف أنت حاول متشيلش مواد ف سنه تانيه عشان انت ف غنى عن كل التأخير اللى ملوش لازمه ده...

🟡 زمان كنت بقولك لو مش هتكمل كليه مش مهم تجيب تقدير كفايه انك تنجح لان كده كده التكليف كان دايم وموجود...

◼️ انما دلوقتي الوضع اتغير خالص التكليف بعد كده هيبقى بالاحتياج طب والاحتياج؟!
هياخد الاعلى ف التقدير

‼️ ركز كده:

_عشان تتكلف بعد كده هتحتاج تقدير
_عشان تكمل كليه هتحتاج تقدير
_عشان تكمل تخصصي محتاج تقدير
_عشان تكمل كليه خاص هتبقى محتاج تقدير

🔶 اذن من هنا ورايح التقدير بقا مهم ليك عشان هيساعدك ف حاجات كتيره...

⁉️ ف مش هينفع تضيع كل ده من ايدك صدقني!!!

🔷 الخلاصة الترم ده صعب ورخم ووقته قليل جداً للأسف ومواده كتيره ورخمه ف انت شد حيلك بدري بدري عشان متأخرش ف الامتياز او التكليف وبرضو عشان لو هتكمل كليه..

🔘 اخر حاجه اعمل اللى عليك بدري بدري والله هتندم لو معملتش اللى عليك الترم ده🙄

🟢 احنا كمان بنعمل كورسات ع التيلجرام وبنشرح المواد الصعبه لسنه تانيه وسنه اولى كمان ف متنساش تسأل عن الكورسات بتاعتنا عشان نقدر نساعدك👀❤


خليك فاكر انا نصحتك من دلوقتي عشان هترجع تتسوح بعدين والاختيار ليك😉

أن نعيش بسلام يا الله
فلا نؤذي ، ولا نُأذىٰ
أن تسّكن الطمْأنينه قلوبنا
أن تكّفينا شْر الدُنيا ومصائبها

أمين♥

🔲 ازيك عامل اي🫣❤

🔘 ما تيجي نتكلم عن تحاليل السكر؟! 👀❤


_ RBS (Random Blood Sugar)
ده اسمه السكر العشوائي

_ FBS (Fast Blood Sugar)
وده اسمه السكر الصائم

_ GPP/PP (Glucose Post Prandial)
وده اسمه السكر المفطر او الفاطر

_ HBA1C (glycosylated Hemoglobin)
اما ده اسمه السكر التراكمي


🔵 تعالى بقا اعرفك النسب الطبيعية لكل تحليل منهم؟!🙂👀


🔷 RBS (Random Blood Sugar)

🟠 ده بيتعمل فى اى وقت من اليوم ولكن بنبعد عن الفترات الخاصه بتحليل السكر الصايم والفاطر واللى هنعرفهم كمان شويه ولكن من عيوب السكر العشوائي انه (مش دقيق اوي) عشان الشخص اللى بتعمله التحليل ممكن يكون واكل حاجه فيها سكريات كتير وتيجى تعمل التحليل تلاقيه level عالى جداً وفوق ال Normal range بمراحل كمان ولكن يعتبر مهم جداً وخصوصاً ف حالات الطوارئ...

🔶 Normal Range: 70 - 140 mg/dl



🔷 FBS (Fast Blood Sugar)

🟠 التحليل ده مهم جداً عشان من خلاله بتقدر تشخص بعض الأمراض خصوصاً أمراض ال diabetes والشخص فى التحليل ده لازم يبقى صايم ع الاقل من (6-8 ساعات).

🔶 Normal Range: 70 - 110 mg/dl



🔷 GPP/PP (Glucose Post Prandial)

🟠 التحليل ده بيتطلب مع السكر الصايم وبيتعمل گ التالي الشخص بيصوم عدد الساعات المطلوبه وبعد كده يروح المكان اللى هيعمل فيه تحليل بعد كده بنطلب منه ان يأكل اى وجبه ونجيبه بعد ساعتين من الأكل عشان يقدر يسحب عينة الدم بعد كده يشوف استجابة جسم المريض للأكل اللى تناوله بالنسبة للسكر الصايم

🔶 Normal Range: 140 - 180 mg/dl



_ HBA1C (glycosylated Hemoglobin)

🟠 التحليل ده بيقيس كمية السكر المرتبط بال Hemoglobin اللى موجود فى كرات الدم الحمراء وزى ما احنا عارفين ان عمر كرات الدم الحمراء 3 شهور ف بالتالي بقدر اقيس نسبة السكر على مدار 3 شهور فاتوا وعشان كده بنسمية (السكر التراكمي) ويعتبر من التحاليل المهمة فى تشخيص ال diabetes.

🔶 Normal Range: 4 - 5.6


استفدت اعمل لاڤ ♥
مستفدتش اعمل Skip وخلاص 🫣

الجو برد ف كل مكان ف مصر
ماعدا تمريض بني سويف اي الصهد ده يولاد🫣😂

🔲 ازيك عامل اي🫣❤

🔘 ما تيجي اكلمك عن السته vital signs


🟡 من أهم الحاجات ليك كممرض لازم تكون عارفها كويس جداً إن أي حالة تدخل الإستقبال او حتى لو addmission لازم تأخد ليها السته vital signs فوراً قبل اي حاجه..

🔵 اوعى تتهاون فيهم او تفبركهم عشان ممكن فعلاً حاله تdie بسبب الفبركه دي😅


🟠 تعالى اقولك هم اي:


🔷 الضغط BP :وممكن يبقى العيان ضغطه عالي أو واطي أو مظبوط

Normal 120/80


🔷 النبض Pulse :وممكن يبقى tachy أو brady وممكن يبقى منتظم وغير منتظم

Normal 60 : 100 beat/min


🔷 ال R.R : ممكن يبقى العيان جاي ب tachypnea زي حالات الAsthma
والcopd والpulmonary edema وغيرهم كتير من امراض التنفس..

Normal 12 : 20 C/min in adults


🔷 درجة الحرارة temperature : وبتعلى دايماً في حالات الinfection والالتهاب..

Normal 36.5: 37.2 C


🔷 الO2 sat : بنقيسه بواسطة جهاز ال pulse oximeter وبيبقى واطي في أمراض الlung زي الasthma exabration
والpulmonary edema

Normal 95% : 100%


🔷 الRBS السكر العشوائي :وتخاف من ال hypoglycemia غيبوبة السكر المنخفض وممكن يبقى السكر عالي أوي ويبقى العيان DKA...

Normal 70 : 140 mg/dL



🔴 القاعده بتقول ان أي عيان لازم تاخدله ال vitals ومينفعش تتهان فيها خالص لأنها هتوصلك بنسبة كبيرة للى انت عايزه وهتعرفك حالة العيان عامله ازاي عشان لو ضغطه عالي او ضربات قلبه عاليه او سكره عاليه تعرف تتعامل ازاي 😉❤

#vitals_signs


متنساش تسأل عن الكورس بقا 👀❤

اللهم لك الحمد 🥰💙
الحمدلله كلية تمريض جامعة الزقازيق كسبت مركز أول في المسابقة
وكسبوا (أنشودة محترمة لحفل التخرج خالية من الموسيقى والمخالفات) وبرومو لحفل التخرج مجاناً
باسم كلية تمريض الزقازيق 🥰💙
وباسم كل التمريض
حقيقي فخور بالمكسب ده 🫣♥
فخور بالمجهود اللي عملناه اوي عاش ليكم يشباب♥
فخور اننا كنا سبب الحمدلله ندخل حاجة محترمة زي دي الكلية وتكون قدوة لكل الدفعات بعد كدا
وان شاء الله هتكون حفل تخرج مشرفة لكل التمريض 🥰♥

وشكراً لكل المحترمين وحبايبنا الغاليين اللى دعموا ووقفوا معانا
"دفعة الخير" 💚
#دفعة_28_تمريض_الزقازيق

بوست ف #حب_الزقازيق 🫣❤

عيد ميلادي طلع النهارده وانا معرفش!!🫣
23 سنه 😅❤

الف مبروك ل مس / هناء شعبان مدير تمريض مستشفى جامعه بنى سويف
لتكريمها من قبل
الاستاذ الدكتور / خالد الحديدي عميد كليه الطب ورئيس مجلس إدارة المستشفيات الجامعيه ببني سويف
الاستاذ الدكتور / عماد البنا المدير التنفيذي لمستشفيات جامعه ببني سويف
متمنين لها دوام التقدم والازدهار ❤

من عقوبات المعصية
أن يسلب الله منك التوفيق
فتسهر بلا فائدة
وتنام على معصية
وتفوتك صلاة الفجر
وتستيقظ متأخراً
ثم تستقبل يوم كئيباً مليئاً بالمشاكل !

المعاصي كالأغلال على الأعناق.🖤

لو حد عرف اسماء استف التمريض اللى كانوا موجودين ف الطوارئ ف الوقت ده عشان حابب انزل اسمائهم 🫣❤❤

من لا يشكر الناس لا يشكر الله حابب أقدم كل الشكر والتقدير والحب لدكتور هاني جميل طبيب مقيم الاطفال بمستشفي جامعه بني سويف ومعاه كل الشكر والحب لاستف تمريض طوارئ اطفال مستشفي بني سويف الجامعي..

م ابرام وجيه
م احمد ذكي
مس ايمان عاطف
مس دينا ربيع
مس حسناء خالد
مس فاطمه احمد.

و اللى كانوا سبب ف انقاذ طفله من انها بلعه مسمار وكان سادد مجري التنفس وتم استخراجه والبنت الحمدلله بقت كويسه وخرجت بالسلامه تسلم ايدكم❤😍

عمل المرأة من حيث هو لا تمانع منه الشريعة الإسلامية؛ والأصل فيه أنه مباحٌ ما دام موضوعه مباحًا، ومتناسبًا مع طبيعة المرأة، وليس له تأثير سلبي على حياتها العائلية، وذلك مع تحقق التزامها الديني والأخلاقي وأمنها على نفسها وعرضها ودينها حال قيامها به.
فالعمل حقٌّ من حقوق الأفراد، ولكل واحد الحقّ في ممارسة ما شاء من أنواع الأعمال المشروعة؛ ليُحَصِّل نفقتَه وينفع مجتمعه ويمكنه العيش بكرامة.

والشريعة الاسلامية لم تُفَرِّق بين المرأة والرجل في هذا الحق؛ فقد قال تعالى: ﴿لَيْسَ عَلَيْكُمْ جُناحٌ أَنْ تَبْتَغُوا فَضْلًا مِنْ رَبِّكُم﴾ [البقرة: 198]، وروى مسلم عن جابر بن عبد الله رضي الله عنهما أنه قال: طُلِّقَتْ خالتي، فأرادت أن تَجُدَّ نخلها؛ أي تحصد تمر نخلها، فزجرها رجل أن تخرج، فأتت النبي صلى الله عليه وآله وسلم، فقال: «بلى فجُدِّي نخلك، فإنك عسى أن تَصَدَّقِي، أو تفعلي معروفًا».
والله سبحانه وتعالى أعلم.

عاملين اي👀❤
بتمنى البوست يوصل لنفس عدد الريأكتس والشير عشان كل الناس تشوفه
كنت نشرت بوست كده من كام يوم گ نوع من انواع الكوميك والبوست لقيته عدى ال11K ازاي معرفش😂🫣

واللى اكتشفته من خلال الرود بتاعة الناس ف الكومنتس ان احنا عندنا ناس ف مجتمعنا تفكيرها عقيم جداً لابعد الحدود

الست هي نص المجتمع ودورها مهم جداً ومنقدرش نستغنى عنها اطلاقاً وفيه حاجات مش هينفع تبقى موجوده من غير وجود الست فيها زي المجال الطبي كده بالظبط!!!

مينفعش بجد الستات ميبقوش ف المجال ده حتمياً لازم

حقك تتجوز واحده مبتشتغلش انت حر ف اختيارك!!
دي حياتك ومشيها زي ما انت عايز...

بس اللى مش من حقك انك تقول الست مكانها المطبخ او انها مينفعش تشتغل عشان انت مش ف المجال الطبي ومش هتفهم ده بسهوله أبداً

نفس الشخص اللى بيقول انا مش عايز اتجوز واحده ف المجال الطبي هو هو نفس الشخص اللى لما بيدخل الطوارئ او المستشفى عموماً بيجعر ويعلي صوته انا عايز دكتوره تكشف ع مراتي انا عايز ممرضه تركب كانيولا لمراتي!!! 😂😂

شوفت التناقض!!! سبحان الله!!!

هرجع اقولك تاني حقك تتجوز واحده مبتشتغلش انت حر بس مش من حقك تفرض ده ع المجتمع وتقول ان الست اخرها المطبخ او انها مينفعش تشتغل أصلاً

لاني زي ما قولتلك بالظبط فيه مجالات مينفعش تبقى من غير ستات زي المجال الطبي!!!

تيجي نتخيل؟!

هنفترض ان الست مبتشتغلش ماشي يعم؟!

مراتك عايز تكشف نسا؟!!
عايزه تولد؟!
عايزين نقسطرها!!!! ابحث عنها كده!!
عايزين نعملها كير وهي محجوزه ف الرعايه؟!!
عايزين نعملها ECG مثلاً!!!؟

تخيلت؟! نرجع تاني من الاول
اذا كنت انت أصلاً رافض ان مراتك تشتغل عشان متحتكش بحد وبتغير عليها وده حقك عادي مفيهوش اعتراض

هتعمل اي وهي بتكشف قدام رجل؟!
وهو رجل بيعملها ECG او بيركبلها قسطره مثلاً؟!

اعتقد ان دي اصعب من دي بكتير جداً جداً

الخلاصه لو انت عايز واحده مبتشتغلش ف هم كتير وقولتلك ان ده حقك وبراحتك بس مينفعش تقول ان الست اخرها المطبخ او تقول ان الست مينفعش تتشغل أصلاً لاني قولتلك ان فيه مجالات ملزمين ان الست تكون موجوده فيها عشان ضروري جداً وجودهم ف المجال ده والدين والشرع محرموش ان الست تشتغل...

اتمنى تكون الفكره وصلت!!!

ازيك عامل اي🫣❤

بص الصوره دي كده 👀

🔘 شوفتها كتير ع الفيس بوك النهارده

والسؤال كان هنستخدم معاها كمادات ميه بارده ولا ميه دافيه؟!!!


🔵 تعالى الاول اقولك الفرق بين كمادات الميه البارده وكمادات الميه الدافيه!!!

🔷 الكمادات الباردة بتقلل من تدفق الدم والتورم، والاحساس بالالم والتورمات والتشنجات العضلية...

🔷 بتستخدم في أول 24-48 ساعة من وقت الاصابة او الكدمه...

🔷 بتخفف من الالم المصاحب للالتواء والاجهاد او تورم او كدمات او تشنجات نتيجة الاصابات رياضية عشان كده اول ما تلاقي لعيب كوره اتخبط ف رجله بيحطه كمادات ميه بارده زي ما بنشوف...

🔷 متسيبهاش اكثر من 20 دقيقة ع الجلد كده...

🔷 متحطهاش ع الجلد بشكل مباشر...

🔷 بص ع الجلد كل 5 دقايق لعدم تعرض الجلد للحرق البارد..


🔶 اما بالنسبة للكمادات الدافيه ف دي بتزود من تدفق الدم وتوسع الأوعية الدموية وبتخفف من الالم والتشنجات العضلية...

🔶 تسخدم بعد من 48 ل 72 ساعة من وقت الاصابة ولما بيبدأ يخف حجم التورم...

🔶 بتخفف من الم المفاصل واسترخاء العضلات والصداع والتوتر ومفيدة . للألم المزمنة والاصابات القديمة وكمام مفيدة لالم الظهر بشكل كويس...


🔶 متسيبهاش اكثر من 20 دقيقة ع الجلد...

🔶متحطهاش ع الكدمه لو لسه حديثة خاصة للالتهاب والتورم...


⁉️طب الصوره اللى قدامنا دي هنتصرف ازاي بقا يمستر😂😂

🟠 من الواضح كده انها الكدمه لسه جديده وده باين اوي من الصوره ف التصرف الصح كالاتي:_


🟤 هتعمل Cold compression اللى هي كمادات ميه بارده الاول لان ده بيعمل Vasoconstriction ف البتالي كمية الblood هتقل وال Flow هيقل وبالتالي Hematoma هتقل وتوقف hemostasis وممكن كمان تحط مرهم زي ال Hemoclar دهان للكدمات....

🟢 وبعد 48 او 72 ساعه بتبدأ تعمل كمادات مياه دافيه( warm compression ) عشان تعمل vasodilatation وبالتالي هتعملActivation لل Circulation وكمان هتقلل الpain والinflammation...


متنساش تعمل لاڤ ده مش بفلوس😂😂

ومتنساش تسأل عن الكورس بتاعنا🫣😉

@AhmeddBakry

⁉️ تفتكر اي اللي ممكن يحصل لو مريض ضغطه 190/100 وخد حقنة كلكسان؟!!! 🙄


🟠 اول حاجه كده 👀

🔘 زيادة خطر النزيف: وده لأن الضغط العالي جداً بيزود الضغط على الأوعية الدموية، وحقن الكلكسان ممكن تزيد من خطر حدوث نزيف داخلي، زي نزيف المخ أو الجهاز الهضمي.


🔘 كمان لو المريض عنده مشكلة في الأوعية الدموية زي تمدد الأوعية (Aneurysm)، الضغط العالي مع أدوية السيولة ممكن يؤدي لانفجار الوعاء الدموي...


🔵 فخلي بالك قبل ما تدي حقن الكلكسان، لازم تقيس ضغط الدم كذا مره وتتأكد ولو لقيته عالي استنى لحد ما يتظبط...


اعمل لاڤ يسطا ده مش بفلوس😂♥

متنساش تسأل عن الكورس
لو حابب تطور من نفسك 😉♥

والف مبروك لكل اللى استلموا التكليف ♥

التفاصيل من هنا

@AhmeddBakry

ازيك عامل اي 👀♥

قبل ما ابدأ حابب اقولك ان احنا هنا ع البيدچ اخوات واصحاب انتو مش followers بالنسبالي انتو اخواتي واصحابي♥

ف لو انت متأكد اننا نقدر نساعدك ف اي وقت اوعى تتردد احنا معاك دايماً♥


المهم النصيحه اللى انا هفضل اقولهالك طول ما انت بتدرس ذاكر واجتهد وهات تقدير عالي..

هات تقدير كويس عشان تتكلف ف مكان كويس وانت اللى تكون مختاره بنفسك..

هات تقدير كويس عشان تكمل كليه حكومي...

هات تقدير كويس عشان تكمل كليه خاص..

هات تقدير كويس عشان تكمل تخصصي..

زمان كنا بنقولك ان التقدير مش مهم ومش ضروري طالما مش هتكمل حاجه بس دلوقتي الوضع اختلف اوي وكل مره الموضوع بيتصعب وبيبقى اصعب ف هات تقدير عشان نفسك وعشان متندمش ف الاخر ♥

لسه عندك فرصه من دلوقتي استغلها كويس واجتهد وذاكر عشان نفسك عشان التكليف بقا حسب الاحتياج...

احتياج الاماكن والمجموع😉♥

للمرة الثانية والثالثة والمليون…

شكلك ولبسك وتعليمك وفكرك وإنجازاتك العلمية والعملية، مجموعها صفر لو اجتمعت بقلبٍ قبيح، ونوايا سيئة.

إنَّما المرءُ بقلبه!

(إِلّا مَن أَتَى اللَّهَ بِقَلبٍ سَليمٍ).. فإن سلِمَ القلب سلمَت الصُدور والنَّوايا، وصَلُحَ سائر الجسد كله.♥

هي بعد ما درست 3 سنين تمريض بعد اعداي واتنين معهد و3 كليه ومعاهم سنه امتياز

وانت رايح تتقدملها وتقولها مفيش شغل و هتقعدي في البيت تربي العيال:

https://www.facebook.com/mostafamekky99/videos/8716863725103691/?mibextid=rS40aB7S9Ucbxw6v



ازيكو عاملين اي 🫣❤
الشير ده ف حب اخواتنا كلية التمريض جامعة الزقازيق ❤
انا گ أحمد بحب الزقازيق وبحب اي حد يحب الزقازيق ❤
هتدخل ع البوست من جوه وتعمل لاڤ وشير❤
احنا 7000 ع البيدچ عيب لو ضاعت مننا ❤

انا عايز الفيديو يبقى 15000 ريأكت دلوقتي
اعمل منشن لاصحابك كده ونروق ع اخواتنا😂❤
يلا بينا احنا مش قليلين😉❤

🔵 الحالة كما تظهر في الفيديو تسمى Flail chest و يتم تعريفها بالأتي :

🔶 حدوث Traumatic chest injury مع حدوث كسر في الاضلاع ( ثلاث اضلاع او اكثر متسلسلة ) consecutive ribs يرافقه عادة حدوث استراوح رئوي pneumothorax او حدوث نزف hemothorax..

🫁 اذا كان الكسر في الاضلاع 1 و 2 او 3 ⬅️ قد يسبب ضرر في الابهر Aorta او لل brachial plexus ...

🫁 اذا كان الكسر والضرر في الاضلاع 9 و 10 و 11 و 12 يحدث ضرر داخل البطن ( عادة للكبد hepatic والاكثر شيوعا الطحال Splenic injury ...

🫁 الاضلاع من 7 الى 10 هي الاكثر شيوعا بالكسر والضرر ....

🔷 حدوث Paradoxical respiration يعني خلال الشهيق Inspiration يحدث ( Sink in ) حدوث ما يشبه الحفرة في المنطقة وخلال الزفير expiration يحدث توسع Expansion للصدر ( عكس التنفس الطبيعي)..

بينما انت تلهو وتهدر الوقت
احدهم بيطور من نفسه عشان يكون شخص ناجح وبيعمل قيمة لنفسه👀❤


تفاصيل الكورس من هنا

@AhmeddBakry

🔘 ازيكو عاملين اي؟!
بتمنى تكونوا بخير 👀❤


للأسف مش قادر اطلع لايڤ عشان تعبان شويه ادعولي كتير🙂


🔵 تعديل التكليف لازم يكون بسبب يعني عندك سبب تعدل تكليف عشانه زي:

_حاله صحيه
_واحده متزوجه
_حالات انسانيه واجتماعيه
_محافظة السكن بعيده عن مكان التكليف

🟡 البنات اللى بتعمل تعديل تكليف ورقي علشان ترجع محافظتها بيتقبل ان شاء الله..

🟠 لازم يبقى فيه سبب لتعديل التكليف مش هتروح نقول لإدارة التكليف انا المستشفى دي مش عجباني غيروها...

🟣 بص ع الصوره دي كده👀👇

🔶 دي صوره عشان لو حبيت تعمل تعديل تكليف ورقي اعمل زيها وشوف السبب اللى هتعمل عشانه..


يلا سيبوا اسئلتكم بقا عن التكليف وهنرد عليها ان شاء الله 🫣❤

هو انتو گ فيميل تمريض مش ف الاخر كده كده هتتجوزوا برضو؟!!

ما تتجوزوا من دلوقتي واعملوا تعديل تكليف بقسيمة الجواز خلي التعديل يتقبل ونرتاح من وجع الدماغ ده🙄🫣🙂

🔘 تقدروا تدخلوا تعملوا تظلم دلوقتي

🔵 التظلمات مفتوحه لحد يوم 16/2/2025

من هنا

http://mhealthmobnya.cu.edu.eg

🔷 التظلمات للناس اللى كتبت رغبات بس اللى هم فني صحي..

🔶 اللى مكتبش رغبات زي فني تمريض بعد ثانوي عام ملوش تظلم بيعملوا طلب تعديل تكليف ع طول...

بالتوفيق 🫣❤

🔘 حابب اتكلم عن "التمريض المكثف"


🔶 التمريض المكثف معتمد وليه تكليف..

🔷 الفكره انهم بيدرسوا مناهج التمريض بشكل مكثف ومضغوط..

🟣 بيدرسوا 3 سنين:

🔷 سنتين دراسه 24 شهر مكثف بيبقوا 6 ترمات بدون فواصل وفيه فصل كده تمهيدي..

🔶 وسنه امتياز 12 شهر تدريب فعلي زي سنة امتياز كلية التمريض الحكومي والخاص والاهليه والتخصصي..

🟠 المجلس الأعلى للجامعات معتمد البرنامج بشكل رسمي.

🟢 وزارة التعليم العالي معتمدة البرنامج رسمي.

🔵 وزارة الصحة كمان معتمده خريجين التمريض المكثف وبالفعل كمان بيتكلفوا ف المستشفيات الحكوميه...

🟡 بيشتغلوا برايفت كمان ف مستشفيات كبيره وفيه اماكن بتمسكهم اشراف باعتبارهم بكالوريوس..

🟤 ده كمان فيه ناس منهم بتسافر تشتغل تمريض برا مصر.

⚫ خريج المكثف بيتخرج اخصائي تمريض ع الدرجه التالته وبياخد مزاوله مهنه وكارنيه نقابه...

🔲 المكثف برنامج معتمد 100% وانت بتاخده من جامعة حكوميه ف مش عايزين حوارات كتيره واسئلة ملهاش لازمه..

🔴 المكثف موجود ف اغلب جامعات مصر موجود ف المنصورة وطنطا واسيوط وعين شمس دمنهور ومحافظات تانيه كتيره

🟣 بالنسبة للسعر بيختلف من جامعة لجامعه ولكن هو غالي شويتين بس يستاهل لانك بتتكلف..


🔘 التمريض المكثف ليه شروط ومتنفعش لاي حد كده وخلاص:

🔷 ان يكون الطالب حاصل على شهادة الثانوية العامة من علمي علوم او رياضة أو ما يعادلها من شهادات داخل او خارج جمهورية مصر العربية..

🔷 ان يكون الطالب حاصل على بكالوريوس او ليسانس بتقدير عام مقبول او(D) بواقع 60%

🔷 ان تكون اللغة الاجنبية الأولى الحاصل عليها الطالب هي اللغة الإنجليزية..

🔷 اجتياز الكشف الطبي على ان يكون الطالب خالي من اي اعاقة جسديه او عقليه (لائق) وهو شرط دخول اختبارات القبول.

🔷 اجتياز اختبارات القبول وفقا للمعايير التي تقرها الكلية.


🟠 بالنسبة لامتحان القدرات بقا:

🔶 اختبار انجلش بطريقة ال MCQ عن (Grammar ) بيبقي سهل متقلقش منه بيبقي عبارة عن اسئلة في حاجات انتا اخدتها قبل كدا زي قاعده if والازمنة وهكذا... هتحتاج تراجع القواعد قبل ماتروح الامتحان وتحفظ شوية مصطلحات بسيطه كده..

🔶 اختبار السمات الشخصيه والتفكير الناقد، بيقيسوا فيه سرعة البديهة بتاعتك وقوة التركيز وشكل الاسئله زي مواقف وانت تختار ( أوافق او لا أوافق)..

🔶 بتبقي المقابلة او ( interview )
بيقولك قدم نفسك بالانجليزي
بيسألوك فية اسئلة زي اسمك طب انت ايه هدفك من الكلية وهكذا.... اسم وزيره الصحه اهم انجازات وزيرة الصحه ف الفتره الاخيره.


⁉️ طب انا عشان أنجح لازم اجيب درجه معينه؟!

🟢 شرط القبول انك تنجح بس يعني تكون معدي ٦٠٪ في كل اختبار..

🟤 وعلشان تنجح بقا لازم لو انت ولد تقص شعرك وضوافرك متلبسش سلاسل ولا حظاظات لبسك مكوي عندك ثقه بنفسك افرد ضهرك وانت قاعد كده ومتخافش..

🔵 لو بنت بلاش مكياچ لبسك يكون منسق بلاش دبله الا لو كنتي مخطوبه او متجوزه الكلام ده بيحصل عندنا مش عارف اي الدنيا ف باقي المحافظات نادراً اما حد بيسقط متقلقوش..

⁉️ اللى بيسقط ليه حق يعيد الامتحان تاني؟!

🔴 للأسف الل بيقسط ملوش حق يعيد الامتحان تاني وبيستبعد من الكليه حتى لو كانت بتنطبق عليه باقي الشروط..


⚫ انا عموماً مش ضد المكثف طالما الوزاره معتمده وكمان المجلس الاعلى للجامعات...

🟣 طبعاً التمريض المكثف بفلوس مش ببلاش زي الكليات الخاصه والاهليه والتخصصي..

🔘 انا فيه ناس بتكلمني عشان تدخل المكثف خريجين صيدله وعلوم وبيطري وتربيه وكليات كتيره تعتبر كليات قمه وكليات مهمه وده لو دل ع حاجه ل يعرفك ان مجال التمريض مجال كبير وليه كيان ومهم اوي..


🟠 الأوراق المطلوبة للتقديم عند القبول في البرنامج بعد اجتياز الكشف الطبي واختبارات القبول:

🔶 أصل شهادة الثانوية العامة او مستخرج رسمي منها..

🔷 أصل شهادة البكالوريوس او الليسانس..

🔶 أصل شهادة الميلاد.

🔷 شهادة تأدية الخدمة العسكرية بالنسبة للذكور او موقف نهائي من التجنيد.

🔶 عدد (٦) صور شخصية حديثة خلفية بيضاء مكتوب عليها اسم الطالب.

🔷 صورة بطاقة الرقم القومي.

🔶 طلب الالتحاق عند تقديم الملف بالكلية مطبوع من الموقع.

🔷 ملف شفاف بكبسولة عليه بيانات الطالب (الاسم) - الرقم القومي - رقم تليفون عليه واتس).

المكثف مينفعش ليك كخريج معهد بس موجود "بكالوريوس التمريض التخصصي" وينفع تشتغل وانت بتدرس ومعتمد..

🔲وتقدر تعرف معلومات اكتر من هنا

https://www.facebook.com/share/p/1B9FHNa5Vg/


متنساش تعمل لاڤ عشان انا تعبت ف البوست بجد ♥


#Nursing_With_Ahmed_Bakry

ما تيجي تحفظهم معايا 😉👀


🔵 لو عندك عيان Hypertensive:

_بلاش ياخد محلول ملح
_ياخد رينجر او جلوكوز


🟠 لو عندك عيان Diabetic:

_بلاش جلوكوز او ringer lactate
_ياخد محلول ملح او ringer acetate


🟣 لو عندك عيان diabetic hypertensive:

_بلاش جلوكوز او محلول ملح
_ياخد ringer acetate


⚫ لو عندك عيان Hepatic:

_بلاش محلول ملح او رينجر
_ياخد جلوكوز


🟤 لو عندك عيان Renal:

_بلاش رينجر
_ياخد محلول ملح او جلوكوز


🔴 لو عندك عيان Hyperkalemia:

_بلاش رينجر
_ياخد جلوكوز


🟡 لو عندك عيان Hypokalemia:

_بلاش جلوكوز
_ياخد رينجر


🟢 لو عندك عيان dehydration:

_بلاش جلوكوز
_ياخد محلول ملح او رينجر


بصمجهم واعمل لاڤ بقا 😉♥

عايز أطمنك إن كل حاجة لها وقت وهتتحقق يمكن الدنيا متلخبطة معاك دلوقتي أو حاسس إن مفيش أي تغيير..

لكن ربنا شايلك الأحسن بس لسة مجاش الوقت المناسب، اعمل اللي عليك وسيب الباقي على ربنا

وأحب أبشرك.. كل اللى جاي خير ان شاء الله ♥

مبارك ع نزول قبض امتياز معهد فني تمريض بني سويف 🫣😂♥

🔘 قواعد التظلمات من حركة التكليف وشروط تعديل التكليف..

البقاء لله وحده زميلنا هشام احمد توفى لرحمة الله💔😢

احنا دلوقتي كنا مستنين نتيحة الرغبات تظهر تعالى بقا نشوف الفرق بين مشاكل الولاد والبنات بعد ما نتيجة التكليف ظهرت


الولاد كل مشكلتهم انهم عايزين يستلموا قبل الجيش عشان يعملوا حفظ وظيفه دي كل مشاكل الولاد...

تعالى نشوف البنات بقا

1- واحده مش عايزه تستلم عشان التكليف مجلهاش هي وصحبتها مع بعض مع ان الفرق بين المستشفى دي ودي ربع ساعه انا مش هستلم يمستر الا اما تجبولي صحبتي معايا
كأن ابويا اللى ماسك ادارة التكليف...

2- واحده تانيه انا مش عايزه استلم يمستر عشان بخاف من المستشفيات والمرضى بيصعبوا عليا

طب بتدخلي تمريض من الاول ليه؟!

3- واحده تالته جالها الرغبه الاولى يمستر انا مش عايزه الرغبه اللى جتلي
يبنتي ليه؟! ما انتي اللى كتبتيها!!!

يوه بقا يمستر صحابي اللى قالولي انا مش عايزه الرغبه دي شوفلي حل..

4- واحده رابعه يمستر ينفع يأجلوا التكليف لحد بعد العيد عشان انا مش جاهزه دلوقتي وهتخطب كمان اسبوع

5- واحده خامسه يمستر هو ينفع انا وحموديي نستلم ف قسم واحد او ينفع انا انقل عنده او هو ينقل عندي

6- واحده سادسه يمستر هو مينفعش نأجل التكليف اصل انا هتجوز العيد والايام دي بعمل skin care وحاجات تبع شعري


7- واحده سابعه يمستر انا مش قد حياة الكبار دي انا لسه صغنون رجعوني الدراسه تاني وتعملي الايموشن ده🥺🥺🥺

هو اي ده؟!
انتي كده هتصعبي عليا!!

8- واحده تامنه انا مش هستلم التكليف غير اما تجبولي البيست فريند معايا وف نفس القسم

متستلميش يختي🙄🙄

وغيره وغيره وغيره والضغط بقا عندي 160/100 ارحموني بقا 🙂

خلصانه ♥

محدش يبعتلي برايفت عشان مش هعرف ارد ومحدش يزعل مني

الا لو من المنصوره بس...

🔘 ازيكوا يعيال عاملين اي
يارب تكونوا بخير 👀♥


🔵 دلوقتي باقيلكم "قرار التكليف"

🟤 بمجرد ما يتم التصديق عليه ويطلع من تاني يوم تقدروا تروحوا المستشفى اللى جتلكم وتستلموا ع طول ان شاء الله ♥

⁉️ طب القرار هيطلع امتى يمستر احمد؟!

🔲 المفروض الاسبوع ده العادي بتاع كل سنه
القرار كان بيطلع ف نفس اسبوع ظهور التوزيعه...

◼️ ف انا صراحة السنه دي عشان سنه غريبه ف مش عارف هيأخر ولا لا بس ان شاء الله هيطلع قبل ما التظمات تبدأ يعني قبل 2/2/2025

🟠 دلوقتي انت عشان تستلم التكليف محتاج شوية اوراق كده عشان تبقى موظف وابدأ جهزهم من دلوقتي واكسب وقت بحيث لما
قرار التكليف يطلع يبقى ورقك جاهز ع طول

⚫ لو فيه اي ورق معتمد ع قرار التكليف سيبه وخليه للاخر لحد ما القرار يطلع..

🟣 ده الورق اللى هتحتاجه عشان تستلم:

1- شهادة التخرج الأصل وصورتين

طب لو ممعكش اصل روح المعهد بتاعك وطلع اتنين وخليهم معاك

2- شهادة ميلاد برقم ثلاثي ويستحسن تكون حديثه وصورتين

3- اصل شهادة الامتياز وصورتين

4- اصل ترخيص مزاولة المهنه

5- اقرار ذمة ماليه وده هتجيبه من مكتب البريد

6- صور كارنيه النقابه صورتين

7- صور البطاقه صورتين

8- 8 صور شخيصه بخلفية بيضا

9- برينت تأميني من التأمينات ف المركز بتاعك

10- ملف مصوغات التعيين وده هتلاقيه ف المكتبه اللى جنب المستشفى اللى هتستلم فيها

11- استمارة الكشف الطبي "استمارة 111"

12- فيش جنائي موجهة للمستشفى اللى تكليفك جه فيه ف لو مثلاً تكليفك جه ف مستشفى بني سويف الجامعي

الفيش بيكون موجه لمستشفى بني سويف الجامعي وهكذا لاي مستشفى بقا

13- قرار التكليف لما يطلع وصوره صورتين

14- هتجيب اسمك من ع موقع التكليف وتطبع الصفحه اللى اسمك فيها صورتين

15- هات 7 دمغات فئة 1 جنيه

16- دوسيه كرتون ودوسيه بلاستيك

17- موقف من التجنيد ده بالنسبة للولاد سواء لو معاك

_ اعفا
_ تأجيل
_ موقف لمن يهمه الامر

⁉️ طب لو انت ف الجيش دلوقتي وتكليفك نزل هتعمل اي؟!

🔷 هتجيب اثبات تجنيد من الوحده بتاعتك موجهه للمستشفى اللى تكليفك جه فيها وف اول اجازه هتنزل تستلم التكليف وتعمل اخلاء طرف وبعدين حفظ وظيفه وخلص الموضوع...

🟫 فيه بعض المستشفيات بتطلب حاجه اسمها:

كعب عمل او كارت كورونا وتحليل مخدرات وحاجات كده يعني ولكن اللى ذكرته فوق هو الشائع يعني 😂😔


ان شاء الله هانت وتستلموا ع خير يولاد♥

امال العيال اللى كانت عماله تقول التكليف ف شهر 3 واللى كان بيقول التكليف ف شهر 7 راحوا فين؟!
احنا مش سامعين صوتكم ليه؟!!!!!! 🙄😂

لما يبقى خلاص تكليفك هينزل وتلاقي البلد كلها عندك متقدمينلك وعايزين يخطبوكي عشان الوظيفه!!

عقلك:

ازيكو عاملين اي 👀♥
فيه حاجه مهمه اوي حابب اتكلم فيها وياريت تسمعوني
من كام يوم نزلت ان نتيجة الرغبات هتظهر واهي ظهرت ولقيت اغلب كومنتات البوست ده هبد المصدر اي؟! وغيره يعني

وبرضو ف وقت تسجيل الرغبات قولت انها هتفتح وان فني تمريض خريجين معهد فني تمريض هيتكلفوا ع طول ومفيش رغبات ليهم وبرضو الناس قالت ده هبد والمصدر اي؟! 😂

وقد كان يعني وصدقت ف الاتنين ف وقت تسجيل الرغبات ووقت نتيجة ظهورها النهارده الحمدلله

كل ده مش مهم بالنسبالي أصلاً اللى انا عايز اقولهولك اي اللى هستفيده لو نزلت حاجه ملهاش لازمه او هبد؟!

لو فكرت شويه هتلاقيني مش مستفيد ولا حاجه ولا الريتش ده بيدي فلوس يعني 🙂🙂

ف انا مش مسامح اي حد قال ف حقي اي حاجه مش صدق❤

التكليف جالكم فين؟!
وجالكم الرغبه رقم كام؟!! 🫣♥

http://mhealth.cu.edu.eg/Tamred/ResMaahd2025/index.htm



ناخد الRisk😂😂♥

بالغلط يولاد

Tic Tac🫣♥

🔘السبت ١٨ يناير ٢٠٢٥

تم بدء دبلومه الجوده الدفعه السابعه والدفعه الرابعه من دبلومه مكافحه العدوى
بشهادات معتمده وامكانيه توثيقها من الخارجيه

متاح الحجز للدفعه رقم ٨ جوده والدفعه رقم ٥ مكافحه عدوى♥

لو ركزت مع ألاعيب إبليس هتلاقيه في معركة يومية معاك عشان يلهيك بالحزن والقلق، بيحاول كل يوم يدوّر على أي حاجة يخليك تقلق عليها
بيتفنن إزاي يكبّر مخاوفك ويقنعك بإن كل اللى جاي سيء جداً ويدعو للخوف والحزن وعدم التفاؤل

الشيطان أدرك - قبل ما ناس كتير تدرك - حقيقة إن سوء ظنك بالله ممكن يشكّل خطر حقيقي على مستقبلك ويخلي مخاوفك تتحقق لمجرد إنك إعتقدتها وآمنت بحدوثها

الشيطان عرف - قبل ماناس كتير تعرف - إن حزن المؤمن هو أكتر حاجة بتعطّله وتكتّفه وترجّعه 100 خطوة لورا

قاوم نفسك وحاول تحوّل مخاوفك لإحسان ظن بالله عشان ماتقعش في مصيبة سوء الظن بالله وإنتظار تحقق مخاوف قادمة لا محالة إن أنت بها ظننت وأيقنت وآمنت.

كل مازاد خوفك زوّد وردك من القرآن وحارب الخوف بالقيام والاستغفار واللجوء لله بالدعاء والصيام..♥

لو فاكرين اننا فاضيين ومش لاقيين حاجه نعملها بعد ما اتخرجنا تبقوا غلطانين..

احنا بنحاول نذاكر ونجتهد عشان نسافر ونروح لمكان احسن 😂♥♥

ال breast cancer واحد من اكثر انواع الأورام شيوعا بين النساء
فيه اسباب كتيرة وعوامل خطر كتيرة تساهم في ظهور هذا النوع من السرطانات
ولكن أيضا هناك عوامل بتحمي وبتقلل فرصة حدوثه زي الرضاعة وانقاص الوزن والحمل اكتر من مرة

بس يا ترى ازاي الرضاعة تعتبر احد العوامل اللي بتحمي من ال breast cancer؟!

اختصار وفي الحقيقة الموضوع مش مرتبط بالرضاعة نفسها إنما مرتبط ب modification of breast during pregnancy وهذه ال modification اللي بتهيئ ال breast عشان يكون جاهز الرضاعة بعد الولادة
وأساس هذه ال modification هي جينات بيحصلها epigenetics وهذه التغيرات اللي بتحصل في الجينات بتفضل موجودة
على سبيل المثال هناك جين يسمى Tph1 واللي بيحصله upregulation أثناء الرضاعة وأثناء الشيخوخة ( علما بأن ال aging يعتبر risk factor لحدوث ال breast cancer)
فكرة اصلا ان هذا الجين حصله modification أثناء الرضاعة واللي بتنعكس بعدين أثناء الشيخوخة فده يعتبر مهم جدا انه يقلل فرصة تكوين atypical cell وبالتالي منع حدوث كانسر

ولكن الاغرب ان نوع الجنين اللي female بتكون حامل فيه بيفرق
بمعنى ان لما الست تكون حامل في ذكر معدل الحماية ضد السرطان بيختلف عن لما تكون حامل في أنثى...

طيب ازاي الكلام ده؟!

بإختصار احنا اتفقنا ان ال breast عشان يكون جاهز للرضاعة بيحصله modification أثناء الحمل وهذه التعديلات بتحصل بشكل كبير في الشهور الأولى من الحمل وفي الشهور الأولي من الحمل بيكون وقت حدوث ال differentiation of cell في الذكر بيختلف عن الأنثى وبالتالي ده هيعمل feedback على الرحم وبالتالي على ال breast وبالتالي معدل التعديلات اللي هتحصل في الثدي هتختلف

نقطة تانية ان نسبة مكونات اللبن اللي بيتكون للذكر بتكون مختلفة عن اللبن اللي بيتكون للأنثى وهذه النسب بتعتمد على ال modification اللي حصلت في ال breast واللي بتعتمد على epigenetics اللي حصلت أثناء الحمل وبما ان مكونات اللبن للذكر بتحتوي على casein protein بشكل اكتر فهذا يعني ان الجين اللي كون هذا البروتين كان overexpression في الذكر عن الأنثى
واللي يعتبر عامل بيحمي ضد السرطان

ومن هنا نستنتج ان المرأة الحامل بالذكر بتكون عندها حماية ضد سرطان الثدي اكتر من انها تكون حامل بأنثي..

ازيكوا عاملين اي❤👀


بتمنى انكم تكونوا بخير وكويسين
عارف انه متأخر بس غصب عني بقا

من 3 ايام صدر قرار من رئيس الجمهوريه بتعيين الدكتوره/ حنان الزبلاوي عميد كلية التمريض جامعة بني سويف وطبعاً الف مبروك لحضرتها تستحق وتستاهل كل خير ❤

وانا حقيقي مبسوط جداً جداً ان حد خريج تمريض يوصل لمكان كبير ومرموق ومهم زي ده هو ده اللى نستحقه بجد ❤


احنا مش قليلين يجماعه ولا مجالنا قليل بس هي بعض المفاهيم الهبله لبعض الناس ف مجتمعنا....

انا جاي اقولك انك تقدر وتقدر توصل اعلى من كده كمان ان شاء الله ❤

صدقني انت مش قليل انت محتاج يبقى عندك هدف وطموح لنفسك وتقدر تحقق اللى انت عايزه طالما بتسعى ربنا هيقف معاك ❤

مجال التمريض مش قليل بالعكس عندك دبلومات زي الجوده والاداره والInfection ودبلومة التغذيه ودبلومة التحاليل وزمالات زي الارواء القلبي وزمالة الاطفال وزمالة مكافحة العدوى.. وعندك اكاديمة الشرطه اللى بتتخرج منها ملازم اول اخصائي تمريض واللى بالمناسبه شوفت بنات معايا وصلوا لرتبة مقدم وعقيد ف المستشفيات العسكريه وماسكين مناصب كبيره وفروع مهمه جداً وعندك كمان الماجستير والدكتوراه ❤

مجالك واسع وكبير ومش بيعتمد بس ع كونك هتتخرج وتشتغل ممرض فيه حاجات تانيه كتيره انت مش شايفها😉❤

اييي يولاد دي رسالة قبول ف تدريب عادي
مش قبولك في اكاديمة الشرطه ولا ف زمالة الارواء القلبي😂🫣

السَّلام عليكم وعلىٰ أفئدتكم يا أحِبَّة.

لا تَكُفُّوا عن المحاولة؛ عبء المحاولة -مهما ثَقُلَت عليكم- أخفُّ من عبء النَّدم، المحاولة تُجدي وإن كانت كمِثقال ذرَّةٍ، والنَّدم لا يُجدي ولو وُزِن بالسَّمٰواتِ والأراضين، ولأنَّنا نُدرِك أنْ ليس للإنسان إلّا ما سعى؛ فاِسْعَ حقَّ السَّعي؛ لإرضاء ربِّك، لا لإشباع ضميرك أثناء صَحْوَتِه.

إنّما نحنُ أيَّامٌ ونَمضي، فلا تجعلها تمضي مرور الكِرامِ
-إن كان مرورك بدون سعيٍ مرور كِرامٍ من الأساس-.

والسَّلامُ على من أدرك غايته فَهَمَّ ووَثَب لِيُرضِيَ ربَّه؛ فأرضاه حقَّ الرِّضا.

قُم! اقرأ وربُّكَ الأَكْرَم.♥

ازيك عامل اي؟! 👀♥

شوفت بوستات كتير ع الفيسبوك والتيك توك وغيره من المنصات بيتكلموا عن تدريب كده اللى كله عمال يقول حلم ومش حلم

حلم اي يلا؟! 😂

يحبيبي التدريب ده مصلحه هو أصلاً مش مجاني الغرض منه انهم يلموا فلوس وخلاص

هو انت فاكر انك هتنزل مستشفى؟!

لا

طب هتروح أصلاً مستشفيات؟!

برضو لا

طب امال اي اللى هيحصل يمستر؟!

انا طبعاً مخدتش الحاجات دي ولا اهتميت بيها
بس سمعت انهم بيأجروا قاعه ف الجامعه البريطانيه وبيعلموك شوية اسعافات اوليه وبتاخد شهادتين ملهمش اي لازمه....

كده كده انت هتاخد الاسعافات الاوليه دي ف بداية الامتياز وهتاخد شهادة BLS معتمدة من المستشفى اللى هتاخد فيها الامتياز ف بداية الامتياز....

هتدفع 1700 جنيه ليه!!!!!! 😂

ما أصلاً كله بيتقبل ف التدريب ده

طب اي المعايير او الشروط اللى بيقبلوا عليها الطلبه أصلاً؟!🫣😂

كل ده ملوش لازمه صدقني ومش هيفيدك بحاجه خالص...

لو انت طالب وعايز تتعلم ف انزل تدريب ف مستشفى سواء برايفت او حكومي دي الحاجه الوحيده اللى هتخليك تتعلم...

ولو انت خلصت امتياز او متكلف وعايز شهادات كل الحاجات دي هتلاقيها ف النقابه الفرعيه ف محافظتك دورات تدريبيه منها الطوارئ والرعايات وكله ودول بقا من النقابه ومعتمدين كده كده 🫣♥

وكمان بعد ما تخلص الامتياز وتروح تاخد الكارنيه والمزاولة من النقابه فيه محاضرات مهمه هتحضرها ف النقابه وبتاخد عليها شهادات معتمده من النقابه ومختومه كمان...

طالما انت كده كده هتدفع فلوس ف ادفعها ف حاجه افيد بمعنى فيه مستشفيات برايفت او حكومي بتخليك تنزل تدريب وانت بتدفع ليهم زي كده ف ده الاحسن ليك...

وبعد ما تخلص بتاخد شهاده انك اتدربت عندهم وبتتختم بختم المستشفى...

انا مش جاي احبطك او اضايقك بس اللى عايز اقولهولك ان ده سبوبه ومش هتستفيد منها أصلاً ولا هيضيفلك حاجه ولا ليه لازمه ف الCV وصدقني هم بس عايزين يلموا فلوس وخلاص...

وفيه مكان مشهور ف مصر اسمه

ZMK Courses

وده بيدي شهادات مهمه زي الBLS وطبعاً معتمده ولكن بتكون غاليه جداً والشهادات دي بتكون ليها فترة صلاحيه معينه وبعدين بتنتهي ف لو حبيت تاخدها خدها قبل ما تقرر تسافر او انك رايح تقدم الCV بتاعك ف مستشفى كبيره حابب انك تشتغل فيها....

انا مش ضدك ومش ضد انك تتطور من نفسك بس لما اشوف حد بيضحك عليك مينفعش اسكت صح!؟ 🫣😂

وعموماً فيه طرق تانيه كتيره تقدر تطور من نفسك فيها وتتعلم حاجات جديده زي الكتب اللى مليانه معلومات انتنسفست ونيرسولوجي وNeonatal nursing book او انك تاخد كورسات اون لاين تتعلم منها وبيكون مشروح فيها الVENT, ECG, ABG والتعامل مع حالات الطوارئ واختصارات الامراض وادوية الCrash cart ولو قعدت اتكلم من هنا لبكره مش هخلص😂🫣🫣

تقدر كمان تتابع قناة ايجي نيرسولوجي ع اليوتيوب وقناة مستر محمد قنير شارح فيها كتاب neonatal nursing book وحاجات تانيه كتيره للناس اللى مهتمه بمجال الحضانات...

انك توفر الفلوس دي وتشتري بيها الكتب دي وتقرأ فيها وتنزل تدريب وتتابع الناس اللى قولتلك عليها دي ده عندي احسن 1000 مره من الهبل ده....

وف النهايه الاختيار ليك انا هنا عشان اوضحلك اللى انت مش شايفه وبس🫣♥

ازيكوا عاملين اي👀❤
بتمنى انكم تكونوا بخير

انا جاي اتكلم مع اخواتي واصحابي اللى مستنيين التكليف
دفعة 2023

بص يسطا الاتحاد دايماً قوة ده ربنا سبحانه وتعالى قال كده

لما يبقى ليك فلوس عند حد ويلاقيك مطنش ومش بتطلب بيها بيطنش هو كمان وبيريح دماغه طالما صاحب الحق نفسه مبيسألش هو هيتعب نفسه ليه؟!!

موضوع التكليف كده كده بوخ وخد اكبر من حجمه
وانا شايفكم ساكتين مش كلكم طبعاً بس الاغلبيه ساكت عموماً

يبني ده حقك وتعبك لازم انت اللى تطالب بيه
سيبك من الفيسبوك عشان مفيش تريندات بتطلع من ع الفيسبوك
التريندات كلها بتطلع من ع تو.. يتر

عايز تعمل تريند ومصر كلها تشوفه يبقى ع تو.. يتر وبهشتاج واحد بس عشان يتشاف ويطلع

بلاش الكلام اللى عمال يتكتب ورا بعضه ده وخلاص مش هيصه!!

مش عايز حد فيكم يبعت لاعلاميين وبتاع دول عايزين شو وتفاعل وبس واي زيطه
هم اللى هيكلموكم زي ما حصل ف موضوع القدرات قبل كده وغيره من المواضيع...

لما الموضوع بيطلع تريند ع تويتر مصر كلها بتشوفه وكل الصحافه والاعلام بيشوفوه وبيتصدر كل المنصات

لازم تمشوا ع هشتاج واحد كلكم مع بعض
ولازم تتفقوا ع ميعاد كلكم مع بعض ف وقت محدد

وليكن هتتفقوا بكره الساعه 10 وكلكم تنزلوا تو. يتر وتطلعوا بالهشتاج ده #تكليف_فنيين_تمريض_2023_فين

ده مثال وكله بنفس الهشتاج محدش يغير
ولازم كله ف نفس الوقت

طب وبعدين اي اللى هيحصل
هوب هتلاقي الموضوع بقا تريند والصحافه والاعلام عايزين يتواصلوا معاكم ويعرفوا مشكلكتم
ماهو تريند بقا كله عايز ينشر اخبار
ده هيبقى حديث اليوم زي موضوع القدرات كده ف السنه بتاعتنا

وطبعاً المفروض كل الpages بتاع التمريض تقف معاكم وتدعمكم زي ما بتدعموهم.

انا اولاً البيدج بتاعتي تحت امركم انا عاملها عشانكم اصلاً وعشان اساعدكم ومعنديش اي مشكله واول واحد هنزل تويتر واساعدكم بس ف ايام هبقى فيها ف الجيش ف مش هبقى موجود للاسف...

دي حياتك وانا وضحتك الطريق والمفروض تمشي ازاي وتتحرك ازاي وهي دي الطريقه الوحيده اللى هتجيب نتيجه...

ده شغلك وانت عارف المفروض تعمل اي🫣

اعمل ريأكت عشان البوست يظهر لزمايلك ومنشن ليهم واتفقوا مع بعض وان شاء الله تستلموا ع خير ❤

حد بعتلي السؤال ده وبيقولي عشان مختلفين ع الاجابه!!!!!


السؤال واضح ومباشر وصريح ومفيهوش لف ودوران😂


مش عارف السؤال ده تاعبكم ف اي😂
ده انا مخلص من زمان ولحد دلوقتي لسه فاكره

ده السؤال أصلاً معناها تعريف ال Jaundice

الإجابة الصح هي اليرقان (Jaundice)

الJaundice: هو #اصفرار الجلد وبياض العينين نتيجة تراكم مادة تسمى البيليروبين في الدم. البيليروبين هي صبغة صفراء تنتج من تحلل خلايا الدم الحمراء القديمة.

اما الAnemia: هي نقص في عدد خلايا الدم الحمراء أو كمية الهيموجلوبين فيها، مما يؤدي إلى #شحوب البشرة وليس اصفرارها.

اما بالنسبه لباقي الاجابات ف هي مستبعده اصلا😂

🔘 ازيك عامل اي 👀♥

🔵 لو لقيت مريض بياخد اي ادوية من ادوية ال (Nasal Decongestants) زي ال Otrivin وال Oxymet وال Rhinex عرفه انه لازم يستخدمها لمدة (4 او 5 ايام) بس حتى لو الاحتقان والرشح فضلوا موجودين ومخفش!!؟

⁉️ طيب وهيفضل كده تعبان وعنده احتقان وسيلان ورشح؟!!؟؟؟

🔲 لا طبعاً بعد ما يوقف ادوية
ال(Nasal Decongestants) هيكمل
بحاجه اسمها (Oral Decongestants) زي ال Congestal وال Cometrex...


🟠 طب وليه التوهان ده كله يعم 😂
بمعنى اي اللى هيحصل لو العيان فضل يستخدم ادوية Nasal Decongestants طول ولمدة طويله؟!!!!!!!


🟣 في الحالة دي ي هيحصل حاجة اسمها:

🔷 Rebound_Congestion

Or

🔶 Rhinitis Medicamentosa

◼️ وده معناه ببساطه إن النقط دي هتقلب بنتيجه عكسية وتزود الاحتقان والرشح والمريض بيبقي مش قارد يستغني عنها....
وبيوصل لحالة من #الإدماااان...


⁉️ طيب لو أنا أعرف مريض بيستخدم الOtrivin باستمرار ومش قادر يستغني عنها اعمل اي!!!! او أنصحه إزاااااااااي؟!!!!


🟤 ف الحاله دي مينفعش نوقف استخدام ادوية الNasal Decongestants مرة واحدة... لا اطلاقاً

⚫ هنقوله يوقفها بالتدريج.... يعني هيحط في فتحة الأنف اليمين بس ومش هيحط في الشمال.... مده 3 أيام مثلا وفي ال 3 أيام دول يستخدم بردو ال Oral decongestant... وبعد 3 أيام يبدل.... يحط النقط في فتحة الأنف الشمال ويوقف اليمين ويكمل بالأورال عادي .. بعد 5-4 أيام يوقف خالص ولو لسه فيه حاجة يكمل بالأورال بس...


اعمل لاڤ بقا ♥

لازم تعملوا تريند ع تويتر كلكم بحيث ان الموضوع يطلع تريند وكل مصر تشوفه والاعلام يتكلم عنه ويبقى فيه ضغط عليهم...

اللى ببحصل ف التكليف السنه دي عبث بجد!!

طب الناس اللى مخلصه امتياز من 30/3 دول وضعهك اي دلوقتي!!!!!!!!!

التكليف لما كان بيتأخر كان اخره 15/10 والناس كانت بتستلم وتريح دماغها!..

طب حد يطلع يرد؟!!!
طب نتيجة الرغبات امتى!!!!
طب التكليف امتى؟!!!!!
طب الدور التاني وضعه اي!!!!
طب التكليف ف السنين الجايه هيبقى عامل ازاي!!

علامات استفهام كتير مش لاقيين ليها اي اجابه ولا حتى حد بيرد ع الناس ويطمنهم!!!

‏معلومة نفسية:

ألم الرأس، آلام العضلات و العظام، آلام الظهر، آلام المعدة وغيرها من الآلام و الامراض هي رسالة من جسدك، تخبرك أن حالتك النفسية سيئة بسبب أفكارك ومشاعرك السلبية

عندما تتعب النفس يتحدث الجسد !.

ازيك عامل اي👀♥


من كام يوم فيه بنت كلمتني وبتحكيلي مشكله معاها وانها ادت حقنه لطفله 9 شهور ورجلها ورمت جامد يعني وان اهل الطفله كانوا عايزين يعملوا محضر ضدها ده طبعاً بعد ما كانوا عمالين يتحايلوا عليها تدي للبنت الحقنه!!

بس عموماً الحمدلله الورم خف والبنت بقت كويسه بعد العلاج ومعملش خراج ولا حاجه..

دي الخلاصه يعني عشان منطولش ع بعض
واظن انك سمعت عن قانون المسئولية الطبيه..

ف القاعده الاولى هنا واللى المفروض من هنا ورايح تمشي حياتك بيها هي

Your safety comes first

ف حافظ ع نفسك بقا❤


لو نقدر نساعدك ف اي حاجه مش هنتأخر وتقدر تكلمنا ف اي وقت♥🫣

السنة دي علمتني إن كل حاجة بتيجي في وقتها المناسب بالثانية، أوقات بنبقى مستعجلين وعايزين الحاجة دلوقتي حالاً ومش قادرين نصبر ونكتشف بعدين إنها لو كانت حصلت بدري عن معادها مكانتش هتنفع!

توقيت ربنا مبهر وترتيباته تفوق توقعاتك وتخيلاتك، حقيقي الواحد بيتأكد كل يوم إن لو كل حاجة مشيت زي ما هو حاسب ومختار؛ حاجات كتير أوي كانت هتبوظ وتتكركب.

الحمد لله أن لنا مَن يُدبّر الأمر وإليه يرجع الأمر كله ♥️

ربّنا يقبّل مُحاولاتكم ويقبّل قليلكم،
ربِّنا يباركلكم في الوقت والجُهد ♡))♥

مساء الخير..

احذر من عدوك مرة ومن "مش هذاكرها أكيد مش جاية في الامتحان" ألف مرة

🔘 ازيك عامل ايه 👀❤

🔵لو لقيت اي حد بيستخدم الادويه دي زي:

🔶 Captopril as Capoten Captopril, Angiopress

🔶 Enalapril as Ezapril, Ezapril Co

🔶 lisinopril as Zsetril

🔶 Quinapril

🔶 Ramipril


⚫ الادويه دي تبع عيله اسمها (ACEI)

🔷 Angiotensin-Converting-Enzyme Inhibitor

◼️ اللى بتستخدم في علاج مرض ال"Hypertention"

⁉️ انا مش جاي اقولك الMechanism بتاع الادويه دي لا اطلاقاً...

🟤 انا جاي اقولك:

🟠 ان الادويه دي لازم تتاخد على معدة فاضيه وده عشان الادويه دي بتتأثر بالأكل..

🔲 Food decrease the absorption of ACEI from GIT..

وبالتالي ال"bioavailability" هتقل وكمان ال"Action" هيقل وكمان ال"Activity" بتاع الدوا هيقل....

🔴عشان كده ادوية ال"ACEI" لازم تتاخد ع الريق وقبل الأكل بساعه ع الاقل اصل فيه ناس عندهم ع الريق دي يعني قبل الاكل بربع ساعه او 10 دقايق وده غلط طبعاً ع الريق لازم ساعه ع الاقل عشان الدوا يشتغل وياخد وقته...

🟣 وعموماً كل ادوية الضغط بتتاخد ع معدة فاضيه وقبل الاكل وف الاغلب ع الريق...


🔘 بس كمان انا حابب اقولك حاجه مهمه ان من اشهرال(Side effects) بتاع ادوية ال"ACEI" انها بتعمل
_ Dry Cough
_ Hyperkalemia

🔵 وال"Hyperkalemia" معناها زياده نسبة البوتاسيوم ف الدم ولما تزيد نسبة البوتاسيوم في الدم بتأثر على القلب بشكل كبير وبتعمل حاجه اسمها:
_ Irregular heart beat

◼️ كمان المفروض ننصح العيان اللى بياخد ادوية ال ACEI انه ميكترش من الأكل اللي فيه بوتاسيوم كتير زي:

(الموز، البطاطس، الفصوليا، التمر، البرتقال)

⚫وكمان يبعد عن الموالح والحوادق والمخللات وكل الحاجات اللى بترفع الضغط..

🔲عشان كده بنقولك لو حد كبير ف السن سألك وقالك عندي كحة ناشفه وشديده..

اول سؤال تسأله؟!

هل حضرتك بتاخد ادوية ضغط من نوع
ال ACEI ولا لا!!!


قولي بقا استفدت بكام معلومه من البوست؟!


متنساش تعمل لاڤ❤


#Nursing_With_Ahmed_Bakry

إن الله إذا كلّف أعان
فلا تنظُر لثُقل التكليف، وانظر لقدرة المُعين..

"لا يُكلّفُ اللهُ نفسًا إلا وسعَها"

كل مسؤولية ألقاها الله على عاتقك أنتَ لها،
فاستعن بالله ولا تعجز.❤

🔲 حبيت اقولك لو لقيت عيان قدامك وانت عارف انه مريض (Asthma) وبيستخدم بخاخات فيها كورتيزون زي: Vental comp او Seretide او Flixotide لازم تقوله انه لازم يغسل بوقه كويس جداً بعد استخدام البخاخة علشان ميحصلش التهابات وقرح في الفم اللى هي "Mouth Ulcers" نتيجة الإستخدام المتكرر للكورتيزون....

🔘 لو شوفت اي واحدة حامل "Pregnant" بتاخد أي مسكن من عيلة ال NSAIDs قولها ده ممنوع وغلط عليكي!!!!

🔵 واختصار NSAIDs هو

🔶 Nonsteroidal Anti-inflammatory Drugs

◼️ زي ال Aspirin والBrufen


طب لييييييه؟! 👀

🔲 قالك لسببين:

🔷 السبب الاول إن المسكنات دي ممكن تعمل Pulmonary Hypertension للجنين..

🟤 السبب التاني ان الNSAIDs هتقفل
ال Ductus arteriosus ويتحول الجنين للتنفس عن طريق الرئتين بدلاً من الحبل السري وهو لسه في الرحم وده ممكن يوصل إن الجنين يموت...


🟠 عشان كده خليك في الأمان وانصح بال "Paracetamol" عشان ده يتعتبر أمن مسكن في الحمل وغير الحمل...

ازيك عامل اي🫣❤

🔘 تعالى اقولك شوية معلومات مهمه بخصوص الجروح ال"Wounds"

⚫ إزاى تغير على الجرح؟!

◼️ طبعاً اول حاجه لازم تتأكد ان الجرح مفيهوش نزيف داخلي ومش محتاج غرز..

◼️ لو فيه فيه نزيف يبقى وقف النزيف الاول وبعدين نخيط الجرح كويس..


🔴 الغيار إزاي بقا؟؟

◼️ نغسل الجرح كويس جداً جوا الجرح والمنطقة اللي حواليه بمحلول ملح وبعدين مية أكسجين وبعدين بيتادين..

◼️ممكن نضيف كمان مرهم مضاد حيوي زي (fucidin) ونحط الـ dressing وشاش وبلاستر..

🔵 اي حد جاي متعور باي اله حاده ملوثه لازم ياخد حقته تيتانوس لو سنه فوق الـ 10 سنوات بعد ما نعمله اختبار حساسية طبعاً..

🔶 لو الشخص المتعور ده سنه اقل من 10 سنوات مبياخدش تيتانوس لانه already هو خد التطعيم بتاعه اول ما اتولد وبيفضل ف الجسم لحد 10 سنين...


🟤 المريض وقتها بياخد علاج كالتالي:

◼️ مضاد حيوي عشان ينشف الجرح..

◼️ مضاد للالتهاب والتورم عشان طبيعي اي جرح هيعمل التهاب بسبب العدوى اللى دخلت...

◼️ مسكن عشان يسكن الالم عند اللزوم...


🟠 هل اي شخص مجروح المفروض ياخذ التيتانوس ولا لا؟!

◼️ التيتانوس مش بيتعطي لكل شخص مجروح إنما بيعطى للأشخاص اللي احنا شاكين أن الجرح بتاعهم اتلوث مثلاً مسمار مصدي او ازاز ف الارض وفيه بكتيريا او موس مثلاً ف الارض او غيره..

◼️ اما لو كان الجرح جاي من حاجه احنا متأكدين انها مفيهاش اي تلوث ولا حاجه ف مفيش اي داعي للتيتانوس...


🟣 هل اي جرح لازم يتخيط؟!


◼️ الاجابه لا
الجروح اللى بتبقى بسبب عضة الحيوانات مش بتتخيط وبنكتفي اننا نغسلها بالميه والصابون..


🔲 لازم وانت بتغير ع الجرح تبص حواليه وتتأكد ان مفيش صديد او اي سوايل جوه الجرح عشان متزودش الالتهاب والالم..

🔷 ولو لقيت حوالين الجرح صديد او سوايل بتجيب قطن وعليه محلول ملح وبتضغط ع الجرح من الجوانب عشان يخرج كل الصديد ده وينضف وبعدين بتمسح ببيتادين...

🔘 #خد_بالك لو واحد اتعور وعدا اكتر من 6 ساعات ع الجرح وقتها الجرح مبيتخيطش ومبقاش ينفع يتخيط اصلاً ف بنكتفي ب اننا ننضف الجرح ونعقمه وندي المريض علاج ويغير ع الجرح كل يوم او يوم بعد يوم...


اي المعلومه اللى عرفتها ف البوست ومكنتش تعرفها قبل كده 👀😉

متسناش تعمل لاڤ يعم❤

🔲 ازيك عامل اي🫣❤
عارف اني بعيد بقالي فتره بس الجيش وعمايله والله🥲🙂


🔘 تعالى اخدك جوله خفيفه كده عن خلط الادويه اللى هي ال Drug mixing

⁉️ تفتكر ليه احنا بنخلط الحقن مع بعضها؟!


🔵 عشان نقلل عدد مرات الحقن وبالتالي نقلل الألم ومنفضلش نشك العيان كل شويه ومنها نوفر سرنجات برضو 😂


🔲 تعالى اقولك بقا على قواعد خلط الأدوية:


🔷 القاعده الاولى بتقول ان كل حقنة تتاخد في سرنجة لوحدها عشان ميحصلش حاجه اسمها drug interactions..

🔶 خلط الحقن في مصر عبارة عن trial and errors يعني قلب علي بعضه وانت ونصيبك

🟠 القاعدة الذهبيه بتقول ان أي دوائين هتخلطهم مع بعض ويتكون راسب ابيض أو يحصل أي تغيير في لون الحقنة ما ينفعش تديها للعيان وارميها ع طول...

🟣 لو شكيت1% ان الحقنه مينفعش تتعطي لان حصل interaction اوعى تديها عشان شكك بنسبة 99% بيكون صح..

❌ ممنوع خلط أي حقنه colored مع حقنه تانيه...

🟤 معظم أنواع ال vitamins لا تخلط مع أدوية تانيه...

❌ ممنوع خلط أي حقن هرمونات مع بعض...

❌ ممنوع خلط أي دواء oil مع أي دواء تاني...

🔴 حقن ال spasmofen لا تخلط مع أي دواء ماعدا ال Dexamethasone...

⚫ يفضل عدم خلط حقن ال danset or Zofran مع أي دواء تاني...



🔵الادويه دي من الافضل انك تديها لوحدها ومتخلطهاش مع حاجه تانيه زي:

Lasix
Garamycin
Neuril
Spasmofen
Spasmocure
All vitamins
Danset or zofran


🟤 ينفع نخلط ال Zantac مع كل الادويه دي ف سرنجه واحده زي:

Dexamethasone
Visceralgine
Primperan
Buscupan
Diclophenac
Flumox
Fortecorten
Cortigen B6


❌ اوعى تخلط ال Zantac مع اي حاجه من دول ف سرنجه واحده زي:

Bisolvin
Spasmocure
Spasmofen
Danset
Zofran


🔲 فيه ادويه بيسموها أدوية #سيئة_السمعة خلى بالك وانت بنديها لازم تعمل Allergy Test زي:

Alpha chymotrypsin
Tetanous toxoid
Penicillin
Ceftriaxone

🔶 الادويه دي الأفضل انها تتاخد في المستشفى عشان الحساسيه بتاعتها خطيره جداً..

🔴 لازم في كل مرة العيان بياخدها يعمل اختبار الحساسيه وكمان ممكن الحساسية تحصل من أول مرة وممكن تاني مره وممكن تحصل بعد كده...


ابقا اعمل لاڤ عشان هبقى اضيف شوية حاجات كمان واعدل البوست❤

جاي اقولك قبل ما تنام.

كل ما ربنا يمنع عنك حاجة كان نفسك فيها؛
افتكر حاجتين بس

"فخشينا أن يُرهقهما."

"فأردنا أن يبدلهما ربهما خيرًا منه."

واعلم دائمًا أن المنع إذا كان من عند الله فهو قمة العطاء :))♥

﴿وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا﴾.. عظمة عبادة زى الصبر، وفي نفس الوقت صعوبتها في إنك بتسلم بكره باللي فيه بكامل إرادتك لربنا بدون ما تكون عارف توقيت نهاية صبرك ده هيكون إمتى.. لكنك ورغم كده مطمئن.. ليه؟.. لإن ربنا طمنك بـ ﴿فَإِنَّكَ بِأَعْيُنِنَا﴾.. هتحتاج إيه تاني!..

عملت اللي عليك، وماقصرتش، وحاولت؟.. يبقى ضيف على المعادلة شوية "صبر".. مفيش حاجة بتيجي متأخرة.. كله بـ يحصل في أوانه، وتوقيته الأنسب حتى لو ماكُنتش شايف ده في لحظتها!.. "شمس التبريزي" قال: (كل شيء يأتي بوقته عندما تكون ناضجاً، وجاهزاً، كل شيء يأتي عندما تستحقه).❤

اخر مسدچ ع صراحه تقدر تبعتلي برايفت وان شاء الله اقدر اساعدك..

‏تبقى قاعد عادي فـ حد يقولك إنك أشطر حد في الدنيا فتحس إنك أشطر حد في الدنيا فعلًا مع إنك كنت عارف بس ساعات بتحس إنك محتاج حد يفكرك حتى لو عارف، وطلع فعلًا الكلام الحلو بيأثر حتى لو متأكد منه."))

ف انا جاي اقولك انك اشطر حد ف الدنيا وهتوصل انا واثق فيك❤

أرجو مِن الله..
ألا ينعدم شغفي في شيءٍ ادخرتُ له لهفةً كبيرة، أو يموت بداخلي حُلمٌ أعددت له أملًا طويلا، ألا تتوه خطوات طريقي أبدًا، أو أنكسر في لحظة ضعفٍ تخونني فيها ثقتي بقوّتي، ألا أكون كالذي عاش يقاوم من أجل شيءٍ يُسعده ويكون سببًا في شقائه وتعاسته، أن يُنيرَ لي بصيرتي، ويُصحح لي مساري في بصري، ويُوقظ لي ضميري إن هممت بزللٍ أو خطأ..❤

مبيصعبش عليا ف موضوع التكليف ده قد الولاد والله هوب سنتين معهد هوب 6 شهور امتياز تستنى التكليف اول ما ينزل متلحقش حتى تشتغل شهرين تلاته وهوب الجيش سنه ونص ضايعين كده ف الفاضي🥲🙂

الله يعين الشباب بجد!!! 😅😅

🔘 بص كده الجهاز اللى انت شايفه ده اسمه جهاز المونيتور "Monitor"

🟠 من خلال ال "Monitor" بنقدر نراقب حالة العيان عن طريق العلامات الحيويه زي النبض وضغط الدم ومعدل التنفس ودرجة الحرارة ونسبة تشبع الأكسجين في الدم وكمان لو حصل اي تغير ف حالة المريض زي لو دخل ف Cardiac arrest مثلاً...


⚫ المونيتور دا بيكون فيه 4 او 5 حاجات بتختلف من نوع لنوع تاني فيهم ارقام كل رقم فيهم بيعبر عن حاجه معينه:

🔷 اول حاجه زي ما انت شايف ف الصوره كده فوق خالص بتكون معدل ضربات القلب اللى احنا بنسميها الHeart Rate

🔵 معدل ضربات القلب الطبيعي من 60 لـ 100 في الدقيقه الواحده..

🔶 ولو زاد عن 100 يبقى Tachycardia ولو قل عن 60 يبقي Bradycardia


🟣 الحاجه التانيه ف الصوره دي بتكون لـضغط الدم اللى بنسميه
ال Blood pressure

🟤 ضغط الدم الطبيعي بيكون من 80/120 وهسيبلك صوره ف الكومنتس هتعرفك امتى نقول الضغط عالي وامتى نقول انه واطي وامتى نقول انه طبيعي..


◼️ رقم 3 ودي الـ Spo2 نسبه الاكسجين المعدل الطبيعي بيكون من 95% لـ 100%


🔲 رقم 4 ودي بتاعت معدل التنفس اللى بنسميها Respiration rate

🔶 المعدل الطبيعي بيكون من 12 لـ 20


🔴 رقم 5 بتاعت الـ temperature اللى هي درجة حرارة الجسم..

🔷 المعدل الطبيعي بتاعها بيكون
من 36.5 لـ 37.5


🟫 الرسومات اللي بتكون عالشاشه دي الـ ECG ودي بتوضح حالة المريض ووضعه اي..


#اجهزة_الICU

Look👀❤

الجيش مخلي الواحد مش عارف يشرح كورسات🥲💔

"جاي أقولك قبل ما تنام "

ربنا بيعوض ، بيعوض لدرجة تخليك خايف تكون مقصر في شكره

بيعوض لدرجة تخليك تزعل إنك زعلت على كل حاجة راحت منك قبل كده

هتكتشف إن المليون باب اللي اتقفلوا قبل كده اتقفلوا علشان توصل لشيء أفضل.

عوض الله اذا احل أنساك ما فقدت، أبشروا..❤

الحمل أكثر شيوعاً عند الإناث.

Dr. Ali Haseeb

ازيكوا عاملين اي
يارب تكونوا بخير 😂❤

لاحظت كده كل يوم الاقي واحد او واحده منزلين بوست وكاتبين كده:

لا الدارُ دارى .
ولا التخصص اختياريِ .
ولا الرفاقُ رِفاقى .
ولا المكان يعرِفُنى .
ولا هي من أحببتُ ان اكونٓ.
("عبثتُ بديارٍ لست املكها ").🥹💔

اي يحبيبي مالك؟! 😂😂
حد عندكم توفى ولا حاجه!!

انا هقولك ع الحل السهل من الطبيعي والبديهي ان لو فيه حاجه مش عجباك او انت مش متقبلها او شايفها مش مناسبه ليك تبعد عنها ده البديهي والمنطقي يعني!!!

نفس الموضوع بالظبط طالما التمريض مش عاجبك يبني حول ده حقك عادي متخافش واحنا هنحاول نتخطى انك مش هتبقى موجود معانا ف المجال وهنعمل حداد ونقفل المستشفيات اللى ف مصر كلها 10 دقايق 🥲

طريقة التحويل بقا عشان نرتاح من بعض🫣

هتروح لمكتب شئون الطلبه ف كلية التمريض بتاعتك او المعهد عن مس اسماء وهتقولها بكل ذوق واحترام انا عايز الملف بتاعي انتو ناس وحشين وانا مش عايز اكمل معاكم هيدولك الملف بتاعك وفوقه بوسه يعم وتقدر تروح تقدم ف اي كليه تانيه مجموعك جايبها من السنه الجايه ان شاء الله وبالتوفيق بقا ❤

شوف سهلت عليك الموضوع ازاي؟! 👀😉

التمريض مش هيقف عليك يعني ولا المستشفيات هتقفل من بعدك مثلاً!!

انت اللى محتاج التمريض مش التمريض اللى محتاجك والله..

بس هسألك سؤال بسيط وبتمنى انك تحاوبني عليه؟!

اي اللى انت حققته ف التمريض؟!

اتخرجت واجتهدت واتعينت معيد
عملت ماجستير وحضرت دكتوراه؟!
عملت زماله او دبلومه من الدبلومات المهمه؟!
مسكت رئيس تمريض ف مستشفى؟!
اتعينت مُدرس ف مدارس التمريض؟!
بقيت نقيب تمريض؟!

انت بقيت اي؟!
حققت اي ف المجال عشان تحكم عليه!! 😂

معندكش رد صح

الخلاصه ان دي طبيعة الانسان
الانسان بطبعه نمرود ومبيحمدش ربنا ومش عايز يرضى باللى هو فيه ولو روحت سألت بتاع طب هيقولك ياريتني ما دخلتها ولو سألت بتاع علوم هيقولك مش لاقي شغل بعدها ولو سألت بتاع هندسه هيقولك نفس الكلام وبتاع تجاره واداب وغيره وغيره...

التمريض كمهنه كويس بس مش واخد حقه ف مصر زي كل حاجه ف مصر!!

لو كان وحش مكانش الناس دخلت مكثف
ب80 الف وكليات خاص ب50 الف وتخصصي ومعاهد خاص ودفعوا كل الفلوس دي..

لو كان وحش مكانش بتوع الاكاديميات مستعدين يدفعوا اي فلوس عشان يتكلفوا او شهادتهم تبقى معتمده ويقدروا يسافروا بيها او ع الاقل يشتغلوا ف مستشفيات كويسه..

الموضوع كله معتمد عليك انت وبس...
انت اللى ف ايدك تطور من نفسك وتحقق حاجه لنفسك بس انت أصلاً ماشي عشوائي ومعندكش هدف ف عشان كده هتفضل كده 😂

اشتغل ع نفسك من دلوقتي طور معلوماتك عندك كتب كتير جداً مليانه معلومات تخليك موسوعه وليك قيمه..

طور اللغه بتاعتك عشان هتحتاجها لو قررت تسافر ودي مهمه جداً جداً جداً..

انا شرحتلك والاختيار ليك..


#Nursing_With_Ahmed_Bakry

ازيكو عاملين اي؟!
بتمنى تكونوا بخير ❤

عارف اني مقصر معاكم شويه بس ده بسبب الجيش والله معلش..

عشان فلوس الامتياز وكده فيه معاهد كتيره بتاخد زي بنها مثلاً وفيه معاهد نزلها من كام يوم زي المنصوره مثلاً...

الموضوع كله بيتلخص ف انك كده كده ليك فلوس وده حقك والفلوس موجوده بس هم لما مبيلاقوش حد بيدور ف بيكبروا دماغهم...

ده حقك ع الاقل مواصلاتك ف الشهر وانك تخفف ع اهلك شويه...

هحكيلكم موضوع فني تمريض بني سويف ف سنة دفعتي وبالمره اشكر الشخص اللى كان السبب ان الفلوس دي تجيلنا عشان مشكرتوش

وقتها قعدنا فتره كبيره مبناخدش فلوس وكل ما نطالب بحقنا شوية توهان مع شوية حوارات

وقتها واحد زميلنا قام بالواجب وعمال شكاوي ومذكرات وتعب بصراحه لحد ما اخدنا فلوسنا

الفلوس جتلنا بعد ما خلصنا الامتياز ب6 شهور تقريباً يعني احنا خلصنا الامتياز 30/3 الفلوس جتلنا ف شهر 10 كنت وقتها ف الجيش..

انت متخيل قعدنا نطالب قد اي؟!!

طبعاً كل الشكر لزميلنا مستر / محمود مختار اللى كان السبب بعد ربنا اننا ناخد الفلوس دي وهو اكتر واحد سعى ف الموضوع بجد..

الخلاصه: دي فلوسك وانت اولى واحق وبيها ع الاقل تشيل مواصلاتك وتشيل مع اهلك شويه وتخفف عنهم❤

وخليك فاكر مفيش حد بيضيع طالما بتدور عليه انما طول مانت سايب حقك مفيش حاجه هتجيلك...


#Nursing_With_Ahmed_Bakry

" إذا وقعت عليك ذُبابة فـ سل الله أن يرفعها "

للدرجة دي ؟!

أه، لأن ممكن قبل ما تمد ايدك علشان تبعد الدبانة دي عنك، لا قدر الله نقطة دم فقط تتخثر في دماغك فـ يحصلك جلطة متقدرش ترفع ايدك تبعد الدبانة دي عنك .

أنت ممكن تكون بتفكر في فكرة متلحقش تكملها في ذهنك حتى !

لما بنشرق بنشرب ماية، و في نفس الوقت في ناس بتموت بسبب شرقة و هو بيشرب الماية!

قمة الضعف، متقدرش تبعد عن نفسك دبانة ولا تقدر تكمل فكرة لولا المدد الرباني، المدد اللي بيخليك بتقرأ الكلام ده دلوقت، و تفكر، و تغمض و تفتح، و تنام و تقوم، و تتكلم،

أنت ممكن تصلي في يوم تلاقي نفسك نسيت أيات في الفاتحة ! مع إنك حافظها ..

إحنا لولا مدد ربنا هنضيع و هنهلك، متفرحش بخبرتك ولا شطارتك ولا شكلك ولا قوتك البدنية، أنت لا حول ليك ولا قوة حرفيًا إلا بالله، حتى الربع جنيه اللي في محفظتك هو اللي أهداه ليك، عن طريق كرمه و رزقه، بإختصار " أدرك عجزك " لأنك لما تدركه، لا هتخاف من حد، ولا هتشوف حد بيرزق غيره، ولا هتغرك نفسك مهما أداك، و الأهم :

هتعرف إن لا ملجأ لك في هذه الحياة ولا منجأ إلا اليه، اليه وحده.❤

كده كده أمر الله نافِذ، فمهما حصل خلي حياتك كلها مبنية على الجملة دي "عسى في الأمرِ خيرًا"

مهما كانت أمورك مش مُيسّرة، ومهما كان حظك قليل ف أي أمر من أمور الدنيا، خليك دايمًا راضي.

سيدنا عمر قال؛
"ستمضي أقدارك على كل حال، فاجعلها تمضي وأنتَ عنها راضٍ؛ فَلَرُبما ثوابُ رضاك يُرضيك".♥️

الله يمسيها بالخير دفعتي دفعة السنه اللي فاتت أما التكليف اتأخر عملنا اي عشان نلحق نستلم قبل الجيش
واستلمنا 1/10/2023 😂😂😂

الدفعة دي فيها حاجه غلط بجد يا اما عاقلين بزياده يا اما مش عايزين التكليف دلوقتي 🙂🙂😂

بتتعاش مرّة واحدة، دوّر على راحتك.

أجمل حاجة ممكن تقدمها لنفسك إنك تعمل بالنصيحة البسيطة دي، إنك تشوف راحتك فين ومع مين وفي إيه وتعمله، وتبعد عن أي حاجة هتستنفذ طاقتك على الفاضي!

فالمكان اللي ترتاح فيه خليك فيه، والناس اللي ترتاح بينهم خليك معاهم، مش مهم تكون فين ولا مع مين، ومش مشكلة خالص لو بقيت لوحدك، المهم إنك تبقى مرتاح، وراضي عن نفسك وعن تصرّفاتك واختياراتك.
سلامك النفسي وراحة بالك أهم من أي حاجة ومن أي حد!

دوّر على راحتك.♥

مرحبًا، أيًّا كانَ الوقت الذي ستقرأُ فيهِ رسالتي: أتمنّى أن لا يُصبحَ لونُكَ باهتًا، وأن لا يُصبكَ سُمَّ الإعتياد، أتمنّى منكَ أن تكونَ بخير، وتكونَ كما عهدتُكَ تُقاومُ وتتجاوَز.

- دعنا نجعَل هذا إتفاقًا بيننا، حسنًا؟
ابتسم مِن أجل ذاتِك، لا يَجدُر بكَ التذمُر..
لا تحزَن أبدًا، أُريدُ إخباركَ: أنّ الحُزنَ لا يدوم، ورحمةُ ربّكَ أوسَعُ مِن خيالي وخيالِك. ♥

🔘 تم الاعلان رسمياً: الأعلى للجامعات الغاء نظام امتحانات mcq في الجامعات المصرية واستبداله بنظام يجمع الاسئلة
(المقاليه و mcq).

من الInterview questions وانت رايح تشتغل ف مستشفى 🫣♥


The deference between Stable angina Vs unstable angina ?


🟠 Stable angina:


🔷 stable angina (more common) - attacks have a trigger (such as stress or exercise) and stop within a few minutes of resting

🔷 The pain usually lasts seconds to minutes and resolves quickly with rest.

🔷 Common triggers include physical activity, emotional stress, heavy meals, and extreme temperatures.

🔷 Rest, nitroglycerin, or a combination of both usually relieve symptoms within about 5 minutes.

🔷 It feels like pain in the chest that may spread to the jaw, neck, arms, back, or other body parts.

🔷 Some people may describe it as feeling like heartburn or indigestion.


🔵 Unstable angina:


🔶 unstable angina (more serious) - attacks are more unpredictable
(they may not have a trigger) and can continue despite resting

🔶 The pain lasts longer a few minutes.

🔶 It can happen while the pt. are resting.

🔶 The pt. Cannot relieve it with rest or nitroglycerin.

🔶 The pt. Notice sudden chest pain he did not have before.

🔶 The episodes may get worse with time or occur at night.

"كل ما الواحد بيكبر بيزيد يقينه في حاجة واحدة بس؛

{يقُولونَ هَلْ لَنَا مِنَ الأَمْرِ مِنْ شَيْءٍ قُلْ إِنَّ الْأَمْرَ كُلَّهُ لِلَّهِ}

كل حالك من توفيق ورزق وهداية وبركة لله
كله لله.. بإرادة الله.. بقدر الله.

ليس لك من الأمر شيء، ما عليك إلا السعي،
وما شاء الله كان، وما لم يشأ لم يكن."♥

https://www.facebook.com/share/p/18tizUmK15/


ربما يفيدك👀♥

لو حد يشتري😂♥



Iphone 16 submarine 128g Indian version sealed box

🔘 ما تيجي اقولك شوية حاجات رايقه كده عن المحاليل😉🫣❤

🔵 ف البداية كدة عاوزك تعرف التقسيمة بتاعة المحاليل ..

🟠 المحاليل بتتقسم ع حسب حاجه اسمها ال"permeability" درجة نفاذيتهم للخلايا بتتقسم لحاجتين:

◼️ حاجه اسمها (Crystalloid) :- ودي بتكون حجم جزيئاتها صغير و نفاذيتها اعلي نسبياً فبتهرب من جوه جدار الاوعية الدموية لخلايا او انسجة الجسم...

و دول زي :
_Ringer
_Normal Saline
_Glucose

◻️ والنوع التاني هو ال(Colloid) :- و دي بقي بيكون حجمها كبير فمبتقدرش تهرب من جدار الاوعية و يدخل جوة الخلايا.. فبالتالي هتلاقي انها بتاثر ع الضغط الاسموزي و بتعمل ع زيادة ال osmotic pressure فتبدأ تسحب سوائل من برة الاوعية وبكدة تعمل على زيادة حجم الدم علشان كدة من اهم استخدامتها ال Expansion of blood volume ودول زي:

_Mannitol
_Aminoleban
_Albumin
_Volven
_Panamine G


🔵 محلول الـ Ringer مش بيقدر يدخل جوه الخلايا وبالتالي تركيزه ف الـ BI. Vessels اعلي هينفع اكثر ف حالات الـ Bleeding

عشان كده دايماً بنقول 🫣👀

"رينجرنا راجلنا وقت النزيف"😂😂

🔶 محلول الـ Glucose بيقدر يهرب ويدخل جوا الخلايا وبكدة يبقي تركيزه في الدم قليل مش هينفع في حالات الـ Bleeding...

❌ ممنوع تضيف الRinger مع حقن Ceftriaxone Amp : وده بسبب وجود الـ Ca في الRinger اللى بيرسب كريستلات من الكالسيوم و دي ممكن تروح للرئة أو الكلي و تعمل مشاكل صحية .. و ممكن تكون مميتة خاصة مع الاطفال حديثي الولادة...

❌ ممنوع تدي الRinger مع عيان بينقل دم لانه بيتفاعل مع Ca Citrate اللي موجود في الدم...

❌ ممنوع الRinger مع اي مریض كلي Renal لانه ممكن يعمل له Hyperkalemia...

🔲 ال Normal Saline هو الوحيد اللي ممكن نديه مع الـ Blood product يعني لو انت مركب Packed RBC و هتمشي معاها محلول يبقى Normal Saline ... بتمشيهم الاثنين مع بعض في كانيولا واحه بوصلة ثلاثية Stopcock و تطبط بقي أقل معدل من الملح مع أعلى معدل من الدم...

🟤 احياناً ممكن نستخدم الNormal Saline في غسيل عدسات العين .. بدلا من المحاليل المتخصصة لانه ارخص شوية...

🟠 خلي بالك:

◼️ في حالات زيادة البوتاسيوم Hyperkalemia... العيان بياخد جلوكوز او ديكستروز

◻️ في حالات نقص البوتاسيوم Hypokalemia... العيان بياخد محلول الملح Normal Saline....

🔵 فيه عندنا أدوية بالنسبة لنا كـ ICU Community مش بنحلها على محلول ملح زي:
_Amiodarone
_Nor adrenaline (levophed)
_Amphotericin B
_Valium
_Sodium Nitroprusside
_Oxaliplatin

🔶 الأدوية دى فيه معظمها بيتحل على محلول ملح عادي أو جلوكوز ولكن الـ stability بتاعتها مع الجلوكوز بتبقى أفضل من الملح عشان كده بنحلها علطول على جلوكوز 5%


🔷 الادوية التالية تضيفها ع محلول ملح
افضل من الجلوكوز كل حقن الحديد طبعاً زي الSacrofer والFerosac ومعاهم:

_Penicillins
_Lasix


#متنساش_تسأل_عن
#كورس_الICU_والطوارئ

https://www.facebook.com/share/p/17zxRCrBFf/


لخريجي المعهد التكنولوجي للتمريض ف بني سويف

بعد ما وضحتلك الفرق بين كل الجهات الموجوده ف رغبات التكليف اللى هم

1_ مديريات الشئون الصحيه
2_ التأمين الصحي
3_ المستشفيات الجامعيه
4_ المستشفيات والمعاهد التعليميه
5_ المستشفيات التابعه للامانه العامه للمزاكر الطبيه المتخصصه
6_ منظومة التأمين الصحي الشامل

ها قررت هتختار اي؟! 😂🫣🫣

https://www.facebook.com/share/p/12B7StkzFCy/


اخر جهة ف رغبات التكليف

منظومة التأمين الصحي الشامل

https://www.facebook.com/share/p/17C6GsByza/


المستشفيات الجامعيه
والمستشفيات والمعاهد التعليميه

https://www.facebook.com/share/p/1BCQtfudu2/


المستشفيات التابعه للامانه العامه للمزاكر الطبيه المتخصصه

المستشفيات المتاحه لخريجي المعهد التكنولوجيا للتمريض ف بني سويف ع موقع التكليف...

⁉️ تفتكر الكركديه بيوطي الضغط ولا بيعلي الضغط؟!

🔘 عايز اقولك ان الكركديه فيه مادة اسمها (anthocyanin) أنثوسيانين واللي بتتأثر بالوسط (PH) وكمان فيه فيتامين سي واللي بيتاثر بالحرارة...

🔵 الكركدية بيوطي الضغط سواء كان سخن او حتى بارد..

🔶 الكركدية المغلي هتقل الفايده بتاعته عشان مادة (anthocyanin) هتتكسر بسرعة وكمان فيتامين سي هتقل فاعليته بس في الآخر فايدة الكركدية في انه يوطي الضغط هتكون بسيطه بس مش فعالة اوي زي لما يكون الكركدية بارد...

🟠 الخلاصه:

🔲 الكركدية بيوطي الضغط سواء سخن او بارد لكن الاختلاف ان:

🔷 السخن فعاليته قليلة ف تأثيره ضعيف انه يوطي الضغط...

🔷 انما البارد فعاليته عالية ومؤثره ف هتخلي الضغط يوطي معاك بسرعة...

🔘 لما تلاقي حد بياخد برشام ال "Alphintern" او ال "Ambezim"

🔵👀 متنساش انك تقوله لازم تاخد الدوا ده على معده فاضيه إما قبل الأكل بساعة أو بعد الاكل بساعتين..


⁉️ طب ليه؟!!!!!

🔶 قالك لأن الاثنين دول مادتهم ال"Chemotrypsin"

🔲ودي ماده معروفه انها بتقلل حجم الورم وبتعمل على كسر الروابط الببتيديه فتؤدي إلى تحلل البروتين وسهولة هضم الورم الناتج عن الكدمات (تجمع دموي) او التواءات المفاصل أو الخبطات.

🔷 والورم ده اصلاً بيكون عباره عن بروتينات ميتة...

⚫👀 نيجي بقا لو اتاخد مع الأكل هيشتغل ع البروتينات اللي موجوده في الأكل ومش هيشتغل ع الالتهابات والورم والمريض مش هيخف!!

‼️ عرفت ليه بقا لازم ع معده فااااضية ...!!

◼️ فيه ناس كتير مبتخدش بالها من الحتة دي
ويقولك قرص كل ٨ ساعات وخلاص.

والمرء لا يُريد سوى أن يعيش أيامًا هادئةً،
تخلو مِن نوبات الحزن المفاجئة،
وأن يُحقق أحلامه التي يسعى من أجلها،
وأن تمضي الأيام في سلام.❤

🔘 ما تيجي نتكلم عن اول Drug من ادوية
الIcu Drugs وهو ال"Adrenaline"

🔲 عم الناس وعمي وعمك بيقولوا عليه
ال"Life Saving drug"

🟣 ليه اكثر من اسم تجاري زي:

_ادرينالين (Adrenaline)
_ايبيبين (EpiPen)
_ابينفرين (Epinephrine)

🟠 فئة الدواء (Drug Class)
منشط من مستقبلات الفا وكمان
بيتا (Alpha Beta agonist) فبنستخدمه في تقليل رد فعل الجسم للحساسية...

🟤 الـ Action بتاعه انه بيقلل الحساسية عن طريق تنشيط مستقبلات الفا وبيتا....

🔶 الفا: لما الأدرينالين ينشط مستقبلات الفا - بيحصل تضييق في الأوعية الدموية وتقليل نفاذيتها -- فبيرفع الضغط معانا ويمنع فقد السوائل....

🔷 بيتا: لما مستقبلات بيتا تنشط بتعمل ارخاء في العضلات الملساء (Smooth Muscle) في القصيبات الهوائية وبالتالي يقل التشنج الناتج عن الحساسية....

◼️ موجود في شكل امبولات بتركيز 1 مليجرام / 1 ملي - بيتحقن عضل ووريد وتحت الجلد وممكن يتعمل جلسات كمان

◻️ شغال ف كل حاجه ما شاء الله 😂😂😂

⚫ بيستخدم كمان في حالات

_Allergic Reaction Anaphylaxis
_Cardiac arrest
_To prolong local anesthetic effects

🟠 بنستخدمه عشان نعمل Management لامراض الجهاز التنفسي
وهي (Reversible Airway Disease)
اللي بتحصل نتيجة الربو (Asthma) وال COPD...

❌ ممنوع استخدامه في حالات زي:

_Hypersensitivity to Drug
_Cardiac Insufficiency
_Cerebral Arteriosclerosis
_Breastfeeding


👀🔲 بيستخدم بحظر مع حالات زي:

_Hypertension
_ Hyperthyroidism
_ Diabetes
_Pregnant patients

🔴 بعض الـ (Side effect) اللي ممكن تظهر على المريض لما ياخد ال"Adrenaline"

◻️ الجهاز العصبي المركزي (CNS)

_Headache
_Restlessness
_Tremor

🟤 الأوعية الدموية (CV)

_Angina
_Arrhythmias
_Hypertension
_Tachycardia

🔵 الجهاز الهضمي (GI)

_Nausea
_Vomiting

🟣 الجهاز التنفسي (Respiratory)

_ Dyspnea
_Urine Retention
_Decreased Urinary Output

⚫ ممكن يسبب بعض المشاكل اللي تهدد حياة المريض زي_

_Ventricular Fibrillation
_Shock
_Cerebral Hemorrhage


🔘 Dosage and method of administration

🟠 في حالات الحساسية "Anaphylaxis"

🔷 عضل بندي من 0.1 الي 0.5 ملي وممكن ندي جرعة ثانية بعد 10 دقايق حسب استجابة المريض #بمعني اننا هنحل الأمبول ال 1 ملي ب 9 سم محلول ملح وندي المريض من 1 سم الي 5 سم في المرة الواحدة حسب الحالة...

🔶 لو وريد بندي من 0.1 الى 0.25 ملي ونحقن ببطئ على مدار 5 دقايق وممكن ندي جرعة ثانية بعد 10 دقايق حسب استجابة المريض #بمعني اننا هنحل الأمبول ال 1 ملي ب 9 سم محلول ملح وندي المريض من 1 سم الي 2.5 سم في المرة الواحدة حسب الحالة...


🔲 في حالات السكتة القلبية اللى هي ال"Cardiac arrest"

◻️ بندي من 1 الى 0.5 ملي وريد وممكن نعيد الجرعة كل من 3:5 دقايق...

◼️ لو مفيش استجابة بندي من 3 الى 5 ملي وريد وممكن نعيد الجرعة كل من 3:5 دقايق...

🟣 في فرق جوهري كده مهم جداً لازم تكون عارفه بين الأتروبين والأدرينالين...

🟤 ال"Atropine"
مش بيشتغل غير لما يكون في electrical activity للقلب لازم يكون فيه كهرباء...

🔴 ال"Adrenaline"
مش شرط يكون فيه electrical activity علشان ال effect بتاعه يظهر ودي حاجة تميز الأدرينالين وتخليه رقم #واحد ف علاج
الcardiac arrest

🔘 ممكن يحصل تداخل مع بعض الأدوية
زي ال Beta blockers هتشتغل ضد الأدرينالين وتلغي تاثيره...


#متنساش_تسأل_عن
#كورس_الICU_والطوارئ

@AhmeddBakry

موقع كتابة الرغبات هيفتح النهارده ان شاء الله او بكره بالكتير ياريت نهدأ شويه 🙄

ازيكو عاملين اي؟! 👀❤


🔘 عشان الهبد والحوارات الكتير وانا بدأ يجيلي الضغط والسكر منكم

🔵 نفرق بين الكلمتين دول

"التخصصي" و "التخصصيه"


🔶 التخصصيه اللى اتلغت

🔷 التخصصي متلغاش ومش هيتلغي

ياريت نقرأ الخبر كويس قبل ما ننقل 🙄

🔘 عايزك تركز معايا كده عشان هقولك شوية حاجات مهمه بخصوص الحقن العضل
ال" IM Injection "


⁉️ تفتكر ليه يفضُل إعطاء الحقنة العضلية في الربع الخارجي الأعلى من العضلة؟!

‼️ ما كانوا ممكن يختاروا اي اي مكان تاني عادي ليه اختاروا المكان ده بالاخص!!

🔵 قالك يفضُل إعطاء الحقنه ف الربع العلوي الخارجي بالتحديد لسببين:_

🔷 السبب الأول: لأن المكان ده بعيد عن تجمع الأعصاب عشان كده مش هيكون فيه خطر إصابة العصب وأيضاً تكون الإبرة أقل ألماً لأنها تخترق الجلد في مكان بعيد عن الأعصاب الحسية....

🔶السبب التاني: ان المكان ده غني بالشعيرات الدموية اللى بتسرع عملية امتصاص الدواء.....

🟤 كمان عايز اقولك ان الأطفال اللى عمرهم أقل من 3 سنين مينفعش نديلهم حقن ف العضله الخلفيه عشان ده بكل بساطه ممكن يسببلهم شلل!! طب ليه؟!!!!

🟠 قالك لان العضله الخلفيه ف الاطفال اللى اقل من 3 سنين بتكون غير مكتملة النمو بشكل كامل عشان نحقن فيها واحتمال كبير جداً انه يحصل مضاعفات....

⚫ف الحاله دي بنحقن ف عضلة الفخذ، بنقسم
عضلة الفخذ 3 أقسام وبنحقن ف الجزء اللى ف النص بزاوية 90 درجه

🟣 كمان من الأخطاء الشائعة جداً استخدام سرنجات أطفال للكبار 🤦🙂

🔺الهدف من السرنجة إنها توصل الدواء لمنطقة العضلة اللي علي الشمال خالص دي ،والسرنجة ف طريقها بقا بتمر بطبقة من الدهون " المنطقة الحمرا اللي في النص دي.

🔸من الصورة واضح إن سرنجة الأطفال موصلتش العضلة أصلاً ويادوب استقرت في منطقة الدهون ودا بقا هيعمل إيه ؟!

⚫ أولاً مش هيحصل امتصاص للدواء وتقريباً مش هتستفاد من الحقنة حاجة وخصوصاً لو حقنة منع حمل أو حقنة للتبويض أوحقنة حديد فالموضوع محتاج توعية

⚫ ثانياً بقا الحقنة هتكلكع وممكن توصل إنها تعمل خراج لا قدر الله

◼️ كمان مفيش سرنجه مش بتوجع والألم معتمد على نوع الدواء نفسه زي حقن الVitamins تلاقيها دايماً بتلسع....

🔲 ولكن يقال انك ممكن تخلي فتحة السن لفوق ده ممكن يقلل من الالم شويه...

🔴 طبعاً الناس النحيفة واللى وعندها طبقة دهون قليلة ممكن تاخد بسن أطفال كلامنا هنا بالنسبة للناس اللي جسمهم طبيعي مش نحيف وطبعاً لو الوزن زاد طبقة الدهون بتكون أكبر فلازم نعمل stretch للجلد عشان تبقي طبقة الدهون أقل سمكاً ونقدر نوصل للعضلة بشكل كويس...


#متنساش_تسأل_عن
#كورس_الICU_والطوارئ

#حبيت_افكركم

🔘 بكره ان شاءالله هيتم فتح موقع تسجيل الرغبات الخاص بتكليف شعبة تمريض عام دفعة 2023 دور أول وفترة تسجيل الرغبات من يوم الجمعة الموافق 8/ 11/ 2024 حتي يوم السبت
الموافق 23/ 11/ 2024..

🔶 وبعدها هتتفرز الرغبات وتستنوا قرار التكليف ان شاء الله ❤

كل ما تحس إنك تعبت أو صبرك قَل افتكر مقولة سيدنا عُمر بن الخطاب : "لو عُرِضَت الأقدار على الإنسان لاختار القدر الذي اختاره الله له"

حقيقي جُملة مُطمئنة لأبعد الحدود، كل إنسان فينا واخد رزقه كامل، حتى في الابتلاءات ربنا بيدّينا على قد طاقتنا وتحمّلنا مهما حسينا إن الحِمل زيادة علينا ومش قادرين.

طبع الإنسان إنه دايمًا عايز أحسن حاجة وبيألَف النعمة مع إنه لو بص حواليه هيلاقي إنه أحسن من غيره بمراحل وعنده نِعَم كتير جدًا في حياته مش حاسس بقيمتها وكان بيطلبها قبل كده.

لو في حاجة هنتمناها طول العمر هتكون "الرِضا"
الرضا بقضاء الله في المَنع قبل العطاء :))♥

بإذن الله كل اللى جاى رضا، وخير، ورزق، وتيسير، وراحة بال، وجبر على قد الصبر، ونتيجة قد السعى.. ده العشم في الكريم الرحيم..

فرهدة السعى على قد ما هي متعبة على قد ما هي ممتعة وبتحسس الواحد بالرضا وإنه بيعمل اللي عليه للنهاية سواء في شغل أو علاقة أو خطوات وهو متيقن إن النتيجة خير..

ما كان مقدرًا لك سيأتيك ولو كان بين جبلين وما لم يكن مقدرًا لك لن يأتيك ولو كان بين شفتيك وما كان مقسوماً لك سيأتيك رغم ضعفك وما لم يكن لك لن تناله بقوتك.❤

وما عليك إلا حُسن السعي، ويسدد الله لك ما يشاء.

اعمل كل اللي تقدر عليه وربنا هيدبرلك اللي مش هتقدر عليه.

وافتكر دايمًا إنك مسؤول عن السعي مش النتيجة. ♥

فيميل تمريض ربنا رزقها بكليه كل ما تسمع عن مجالاتها الكتيره زي دبلومة الInfection او زمالة الارواء القلبي او انها هتحضر ماجستير او دكتوراه او بس هتحس انها هتقبض ال6200 بتحس بنفسها انها
بقت Strong Independent woman وهتكرس حياتها للcarrer ده وهتسافر وتقبض بالدولار...
بس اول ما تقعد ع الكتاب وتشوف المحاضره وتعد صفحات الكتاب ف ثانيه الا ثانيه بتقتنع ان الست ملهاش غير بيتها وجوزها وانها اتسرعت لما دخلت المجال ده
وحاجه ف منتهى الانفصام😂😂😂🙂🙂

Remember that:
جبت مقبول.. جبت جيد... جبت امتياز
بقيت الاول ع العالم الاول ع السبع قارات.. ماذا بعد؟!!

الشاطر اللي يعرف يجيب فلوس في الآخر وبما ان التكليف بقا حسب الاحتياج فقوم ذاكر يهبل عشان تعرف تتكلف😂🙂

🔘 ازيكو يعيال عاملين اي👀♥

🔵 من كام يوم شوفت واحده منزله بوست وبتقول انها قدمت ف التخصصي وبعدين رجعت سحبت الملف ومقدمتش عشان فيه ناس قالولها ده مش معتمد وملوش لازمه😂

⁉️ سألتها ممكن تجيبي الناس دي اتعرف عليهم عشان اعرف بيجييوا الكلام ده منين؟!

مفيش رد😂🙂

⁉️ طب الناس دي شغاله ف الوزارة؟!

مفيش رد برضو 🙂😂😂

⁉️ طب اما الناس دي لا شغالين ف الوزارة ولا مصدر بنصدق كلامهم ليه؟!

مفيش برضو رد😂😂

🔲 نيجي للكلام المهم احسن ونبطل عبط وننضج كده وبلاش نخلي لكلام الناس قيمه ف حياتنا طالما الناس دي مش مصدر ولا حاجه

🟣 يعني واحد فاضي وعبيط وقاعد مش لاقي حاجه يعملها بيقول ع بكالوريوس معتمد ونازل من الوزارة والشروط بتاعته محطوطه ومتصدق عليها من المجلس الاعلى للجامعات ويقولك ده مش ملوش لازمه!!!! 😂😂😂

⁉️ قولي بقا مستني اي من واحد عبيط بيقول ع حاجه ملهاش لازمه وهو نازل اساساً من الوزارة!!!!!!!!

🔷 انا مش جاي اقنع حد يدخل التخصصي اصلاً سواء هتدخل ده لنفسك او مش هتدخل ده لنفسك برضو...

‼️ هو انت لو دخلت انا هاخد فلوس!!! 🙄😂

🟠 متدخلش يعم وخليك قاعد ومتطورش من نفسك هو ده ليا انا؟!

◻️ كله لنفسك ولمستقبلك انت😂😂

◼️ افضل قاعد وضيع ف وقت لحد ما تلاقي نفسك كبرت ف السن ولسه معملتش حاجه ولا طورت من نفسك ولا اتقدمت كله لنفسك برضو

⚫ خليك قاعد لحد ما سنك يكبر ومفيش ولا جامعه ترضى تقبل انك تكمل فيها ده لنفسك برضو 😂😂

⚪ نرجع لموضوعنا البكالوريوس التخصصي ده معتمد ومتاخدش كلامي ثقه انا كمان اعتبر يعم اني بضحك عليك 😂😂

🔶 بس تقدر تروح الوزارة وتسأل بنفسك وتتأكد يحبيبي ماهم طالما موجود ف جامعه حكوميه يبقى الوزارة اللى منزلاه زي التقني لما كان موجود والمكثف وغيره

⁉️ برضو يعم احمد انت بتضحك عليا؟! 😂

🟤 يعم انا كداب الوزارة مش هتضحك عليك هي كمان يعني ولا الجامعه الحكوميه فروح اسأل وطمن قلبك ايوه بحبك وريح نفسك❤


🔵 ولو خدت التخصصي من جامعة القاهره او عين شمس او المنصوره نفس الختم والامضا اللى هيتحطوا ع الشهاده بتاع كلية التمريض الحكومي هم هم نفس الختم ونفس الامضا اللى هيتحطوا ع شهاده البكالوريوس التخصصي 😂♥♥

🔷 الفرق ف التخصص بس والتخصص ده حاجه ممتعه ميعرفهاش غير الناس الفاهمه قيمة التخصص وبس😍♥♥♥

🟠 كمان التخصصي تقدر تعمل بعده دراسات عُليا من ماجستير ودكتوراه وزمالات ودبلومات
وادخل هنا هتلاقي كل اللى انت عايزه

https://www.facebook.com/share/p/Y2dCDwBzC7WF1uzw/

🟣 الخلاصه متسمعش كلام اي حد وخلاص عندك الجهات المعتمده تقدر تروح تسأل فيها وتتأكد وتطمن عادي عشان ده حقك بكل بساطه♥

⚫ التخصصي هو احسن اضافه ليك بعد المعهد لو مكملتش كليه حكومي وخليك فاكر البوست ده عشان لو ضيعت الفرصه هتندم♥


#متنساش_تسأل_عن
#كورس_الICU_والطوارئ

🔺خلي بالك 😉❤

🔘 كل حقن الحديد تُحل علي محلول الملح فقط ولا تستخدم مع:_

🔶 الGlucose: لأنه بيعمل irritation of veins وممكن يعمل thrombophlepitis....

🔷 الRinger : لأن الكالسيوم هيتفاعل مع الحديد ويقلل تأثيره....

🟠 الأفضل عدم إعطاء حقن الحديد عضل لأنها بتعمل خراجات في العضلات و muscle necrosis....


❌ لا تعطى حقن الحديد في حالات ال bacterial infection لان البكتريا بتعتمد عليه ك nutrition وبالتالي هتزيد الانفكشن...

🔵 أقصي جرعة لحقن الحديد في اليوم 300 مجم يعني 3 امبولات فقط، كل حقنة تحل علي ١٠٠ سم ملح وممكن تحل ال3 حقن علي محلول ملح كامل....

🟤 أفضل الأنواع من حيث قلة الحساسية والأمان sacrofer و ferrosac...


#متنساش_تسأل_عن
#كورس_الICU_والطوارئ

🔘 خلي بالك:

🔵 لما تيجي تقيس السكر لأي حد لازم تمسح بقنطه او كحول وده بساطه عشان لو معملتش كده القراية هتطلع غلط بنسبة كبيره جداً
ف لازم قبل ما تقيس السكر تمسح المكان سواء بقطنه او كحول وبعدين تشك العيان...

🔘 وخلي بالك:

🔷 اول نقطة دم تطلع بتمسحها وبتاخد النقطه التانيه ع جهاز السكر ودي اللى هتديلك القراية الصح ان شاء الله...

🔶 دايماً حاول تشك العيان من جنب صباعه او لو متاح قلم الشكاكات يبقى احسن لان ده بيقلل الالم شويه...

⚫ متاخدش الموضوع باستهتار عشان بجد النتيجة هتطلع غلط وحاول ع قد ما تقدر تستخدم كل طرق وانواع تقليل الالم مع العيان عشان انت مش مكانه ومش هتحس بيه...

🟠 ارمي الشكاكه ع طول بعد ما تشك العيان
واوعى تشك نفسك مهما كان....

🟤 اخر حاجه بعد ما تاخد القراية متنساش تضغط ع صباع العيان لمدة نص دقيقه عشان توقف الدم...

#متسناش

Normal range of Random Blood Sugar 70 to 140


#كورس_الICU_والطوارئ

تقدر تبعتلنا هنا للتفاصيل وتلحق تطور من نفسك قبل فوات الاوان😂♥♥


@AhmeddBakry

#كورس_الICU_والطوارئ

Ask Me About Nursing pinned «🔘 ازيكو يولاد عاملين اي 😍❤ يارب تكونوا بخير ♥ 🔺 هكلمكم النهارده عن كورس مهم جداً عملته قبل كده وخلص من شهر والناس اللى ملحقتش طلبته مني تاني وهتطلع منه بكمية معلومات رهيبه وهتفيدك جداً ف شغلك وف حياتك عموماً ❤ 🔵 "كورس بيتكلم عن الICU عموماً وحالات الطوارئ…»

🔘 ازيكو يولاد عاملين اي 😍❤
يارب تكونوا بخير ♥

🔺 هكلمكم النهارده عن كورس مهم جداً عملته قبل كده وخلص من شهر والناس اللى ملحقتش طلبته مني تاني وهتطلع منه بكمية معلومات رهيبه وهتفيدك جداً ف شغلك وف حياتك عموماً ❤

🔵 "كورس بيتكلم عن الICU عموماً وحالات الطوارئ وازاي نتعامل معاها ♥

⁉️ لو سألت اي حد من زمايلك اللى ف الامتياز

‼️ اي اكتر حاجه ندمت انك معملتهاش؟!

◻️ هيقولك اني مطورتش من نفسي وانا طالب وخصوصاً ف المعلومات

🔶 هيقولك انه نزل الامتياز وشاف كل زمايله عارفين كل حاجه وبيشتغلوا بايديهم وشاطرين وهو قاعد مضايق مخنوق مش عارف يعمل اي حاجه وده لانه مطورش من نفسه وهو بيدرس كان بيكسل مش مهتم!!

‼️ اللى بيقولك هتتعلم ف الامتياز ده بيضحك عليك؟!

🟣 انت اه هتتعلم بس مش هتتعلم كل حاجه
هتشوف الحاجه قدامك وهتعرف تعملها عادي
بس فين بقا المعلومات اللى عندك؟!!!!!

⚫ف متعملش زي زمايلك دول والحق نفسك من البدايه وطور من نفسك ومن معلوماتك♥

🔘 عشان تبقى شاطر ف مجال التمريض ده قدامك حاجتين مهمين جداً جداً!!

الحاجه الاولى هي:

🔷_انك تكون شاطر ف العملي اللى هو الشغل نفسه ❤

الحاجه التانيه هي:

🔷 _انك يكون عندك معلومات كافيه وكتيره عشان تقدر تنفذ شغلك صح ❤

❌ مينفعش حاجه من غير التانيه وهديلك ابسط مثال ع الاتنين!!!

🔴 لو انت عندك معلومات كتيره وقرأت كتير ودماغك مليانه معلومات بس مبتعرفش تشتغل عملي وتنفذ ده يعني مبتعرفش تركب كانيولا او تقيس الضغط او توصل العيان ع المونيتور او تعمل ECG او تسحب ABG او اي شغل من الشغل العملي

⁉️تقدر تقولي اي الاستفاده؟!
عندك علم بس مش عارف تنفذه!!!!
ولا اي حاجه انت كده برضو مش مؤهل للشغل

🔲 بس طالما انت عندك المعلومه هتعرف تنفذها صح....

🔴 التنفيذ هيبقى صح طالما عندك المعلومه بشكل كويس♥

◼️ المثال التاني لو انت بتعرف تشتغل وبتعرف تسحب وتSuction وتدي علاج بس معندكش معلومات برضو للاسف مينفعش
يعني تخيل بتدي العلاج بس مش عارف بنديه ليه او بيتحل ازاي فيه ادويه بتتحل ع جلوكوز بس فيه ادويه بتتحل ع ملح بس
فيه ادويه مينفعش تتعطي مع بعضها وهكذا

⁉️ لو متعرفش كل ده ف للاسف برضو مينفعش تشتغل برضو🙄🙄

⁉️ تخيل لو لقيت عيان بيموت؟!
ومش عارف تتصرف ازاي

⁉️ طب لو شوفت حد حصله حرق قدامك
هتتصرف ازاي؟!

⁉️ طب لو حد خد كمية كبيره من الحبوب زي الParacetamol؟!

⁉️ هتعرف تلحقه ازاي!!!
انت عارف اصلا اي الAntidote بتاع الParacetamol؟!

🟠 الاتنين بيكملوا بعض والاتنين مهمين جداً حتة المعلومات مهمه جداً اهم من الشغل
الشغل من السهل انك تتعلمه ف يومين تلاته انما المعلومات هتحتاج وقت ومجهود كبير شويه عشان تقدر تتعلمه


⚪ كده كده الامتياز جاي وهتتعلم العمل بنفسك ولو نزلت اسبوع ولا اسبوعين تدريب هتفهم الدنيا ماشيه ازاي بس المعلومات بقا؟!

⁉️ ازاي نتصرف ف الحاله دي؟!

⁉️ طب الكانيولا مدتها قد اي؟!

🟠 اي هي درجات الBurns والBed sores؟!

⁉️ ازاي بنحل الLevophed؟!

⁉️ازاي بنحل الAdrenaline؟!

وغيره وغيره 😂😂♥

🟤 ف انا عملتلك الكورس ده عشان يبقى عندك معلومات كتيره ف كل حاجه عن اختصارات الامراض وهنحفظ مصطلحات طبيه كل يوم والادويه وشوية تركات كده مهمه جداً ازاي نقرأ الABG ازاي نقرأ التحاليل هتستفيد كده كده متقلقش🙈❤

🔵 هنشرح كمان كتاب نيرسولوجي وكتاب انتنسفيست ودكتور جايد ف الكورس عشان يبقى عندك كمية معلومات كتيره وكمان هنشرح اسئلة كتيره من بتاعة الانترفيو عشان لما تيجي تقدم ع شغل وتعمل انترفيو تعدي بكل سهوله بابسط حاجه 🥰♥

🔘 وكمان هشرحلك ازاي تتعامل ف حالات الاسعافات الاوليه سواء جرح او غيبوبه او لدغة تعبان او حالات الحروق وكل ما يخص الاسعافات الاوليه وحاجات تانيه ❤

⁉️انت متخيل كل ده ف كورس واحد مدته 3 شهور ان شاء الله عشان نقدر نشرح كل حاجه والوقت يكون كافي وهشرحلك كل حاجه بالتفصيل كمان 😌❤

🟡 كمان هشرحلك شوية حاجات وتركات مهمه عن الادويه وازاي تعرف الدوا بتاع اي بمجرد ما تشوف اسمه كمان 🙈❤

🔶 وكمان هتعرف ادوية الOTC وازاي ندي دوا للسخونه والبرد والكحه والاسهال وهكذا
وكل انواع الحقن والفرق بين الHeparin وال Clexan وغيره وغيره من اسئله الانترفيو♥

🔘 كمان هنعرف امتى ندي الدوا ده وامتى لا
وليه ده مينفعش مع ده وغيره وغيره😉♥


🟣 ده الوقت ودي الفرصه عشان تعرف ترد ع اي سؤال لما حد يسألك ومتبقاش خايف وقلقان كده وتتوتر انت مش اقل من حد عشان حد يبقى عنده معلومات وعارف اكتر منك🙄

🔘 انت مش اقل من صحابك اللى بيشتغلوا وبيقبضوا الكورس ده هيعرفك معلومات كتيره هتعدي بيها اي انترفيو وهيفيدك ف حياتك عموماً وتقدر تعمل انترفيو بعده وتشتغل♥

🟤 وبعد ما نخلص الكورس هنعمل انترفيو لكل واحد معانا ف الكورس ونشوف استفاد قد اي وهيقدر يعدي الانترفيو ده ولا لا 🥰♥

◻️ الكورس ده مش لحد معين هو ينفع لكل الناس طالما انك تمريض:

🔶 لو انت طالب ف عشان يبقى عندك معلومات وتعرف تشتغل وانت بتدرس♥

🔷 لو انت ف الامتياز عشان تبقى فاهم الدنيا ف الامتياز والكورس هنركز فيه بشكل خاص ع حالات الطوارئ والICU

⚫ ولو انت متخرج هيساعدك برضو لو ناسي المعلومه لاننا هنشرح كل حاجه بالتفصيل الممل وهنزل اسئله انترفيو المستشفيات ♥

#حبيت_افكرك

متضيعش وقت زي اللى قبلك واستغل الوقت اللى انت فاضي فيه وطور من نفسك دايماً

انت مش اقل من حد عشان يبقى عنده معلومات اكتر منك او يشوف نفسه عليك او غيره

اتعلم وطور عشان نفسك عشان تشتغل ف مستشفيات كبيره ♥

عشان لما تيجي تسافر تقدر تعدي الامتحان
كله لنفسك وانت اللى تقدر تعمل لنفسك قيمه♥

كل اللى عليك انك تذاكر معايا وتجيب كشكول وتكتب فيه لاني هقولك تركات وهعرفك معلومات مهمه اوي هتخليك فوق😂😉♥

#عشان_تبقى_مميز_لازم_تفرق_عن_غيرك

🟠 تقدر تجرب اول محاضره مجاني🥰♥


🔷لو حابب تعرف تفاصيل الكورس وتشترك تقدر تبعتلي هنا وهيتم الرد عليك ع طول❤



@AhmeddBakry

🔘 بصمجها كده زي ماهي 😂♥

🔵 رينجرنا راجلنا وقت النزيف....

⁉️طب لييييه؟!

🔶 قالك لأن محلول الرينجر مش بيقدر يدخل جوه الخلايا وبالتالي بيبقي تركيزه جوه
ال (blood vessels) الأوعية الدموية أكثر ، ف بيزود حجم الدم ف عشان كده هو افضل اختيار لو لقينا شخص بينزف♥


#متنساش_تسأل_عن
#كورس_الICU_والطوارئ

🔘 ازيكو عاملين اي

🟠 زي ما دايماً بنزل معلومات وبوستات هزار وغيره وبنتكلم عن السلبيات

عايزين نتكلم عن الايجابيات بقا:

🔲 حابب اعرفكم بالاستاذ "طارق احمد"

🔷 حاصل على ليسانس اداب جامعه بنى سويف 2010

🔷 حاصل على دبلومه تربوى جامعه بنى سويف 2010

🔷 حاصل على دبلومه مهنيه من جامعه القاهره....

🔶 وهو مسئول ادارى نقابه تمريض بنى سويف من 2017 وحتى الآن...

🟤وهو حقيقي من اكتر الناس اللى بتسهلنا كل الاوراق ف النقابه ومن اكتر الناس اللى كان بيدعم ويساعد ف غلق اكاديميات التمريض اللى موجوده ف بني سويف..

🔵 وشهادة حق الرجل ده بيتعب جداً وشخص خلوق ومحترم جداً ومعتقدش انه بيتأخر ع اي حد ف اي مساعده اياً كان

⚫ ف من خلال البيدچ بتاعتنا حابين نوجهله كل الشكر والتقدير ع تعبه واجتهاده معانا♥

#شكراً استاذ طارق احمد ♥

#نماذج_مشرفه_ف_بني_سويف

بما ان الريتش واقع والبيدج بتضيع
ف هستأذنك ب لاڤ عشان نلحق البيدج👀❤

وهنرجع للفقرة بتاعتنا تاني 🌚❤

مع فقرة اسأل الادمن 😂♥
اي سؤال ييجي ف دماغك؟! 🫣👀

#Ask_me_about_nursing

"والحقيقة أنك ستُؤجر على كل شيء"..

ستؤجر على ساعات التعب، وساعات الوحدة والغربة، وساعات الإحباط، وساعات الفتور وساعات الندم.. الحقيقة أنك ستؤجر على الصغيرة قبل الكبيرة!

فلا تحزن على ما ضاع منك، فلو كان لك لبقى، ولو كان خيرًا لانتظرك، لكن الله يسمع ويرى ويعلم ما في قلبك، فاهدأ.. واطمئن.♥

🔘 من اسئلة الانترفيو لما تروح تشتغل ف اي مستشفى؟!

⁉️ ليه مينفعش ندي الهيبارين (IM) عضل!!!

لييييه؟!!

🔵 الاجابه:

🔶 وده لانه بيسبب نزيف دموي تحت الجلد وبالتالي هيحصل "hematoma" ورم دموي علشان كده بنديه ( SC) تحت الجلد و (IV) وريد بس...

#متنساش_تسأل_عن
#كورس_الICU_والطوارئ

🔘بقولك أثناء تركيب الرايل للعيان لازم رأس المريض تكون لقدام زي ما انت شايف ف الصوره كده وده:

🟠 عشان العيان ميشرقش وتخلى المريض يبلع وانت بتدخل الرايل...

🔵 لو العيان بدأ يكح او وشه بدأ يزرق طلعها لانك غالباً انت كده دخلت فى مجرى الهوا ء...

🔷 أشهر مشاكل تركيب الرايل:

_الشرقان
_النزيف من الانف

🔲 مسموح تفضل لمدة اقصاها شهر عشان ماتعملش Infection وغالباً العيان هيشدها تاني يوم😂😂

🟣 ولازم بعدها تحقن فيها هواء وتسمع بالسماعه عند المعده دخول الهواء عشان تتأكد ان الرايل ف المكان الصح قبل ما تدي فيها اى اكل او ميه♥

#حبيت_افكرك

🟤 أى مريض عندة كسر فى قاع الجمجمة ومحتاج اننا نركبله رايل (انبوب تغذيه) ماينفعش نركبه عن طريق الانف لان ممكن يدخل الى المخ عن طريق الكسر ده ويفضل تركيبها عن طريق الفم❤


#متنساش_تسأل_عن_تفاصيل
#كورس_الICU_والطوارئ

انت متفق معاها يسطا؟🙄

مبارك ع قبض اول شهر ف الامتياز لطلبة معاهد التمريض 😂❤❤


عشان محدش يوجع دماغي مقولتش ان كل المعاهد خدت لسه فيه معاهد مخدتش...

🔘 ازيكو عاملين اي 👀♥

⁉️ عشان فيه ناس سألتني عن الاجازات بالنسبه التمريض ف هنتكلم بشكل سريع عنهم


🔵 الاجازات عندنا بتتقسم نوعين:

🔶 النوع الاول: وي الاجازات الغير وجوبيه يعني جهة العمل ليها الحق انه توافق او ترفض الاجازه يعني مش فرض عليهم يوافقوا بمزاجهم يعني زي اجازة رعاية الاسره، اجازه بدون مرتب، اجازة تحسين الدخل، الاعتيادي..

🔷 النوع التاني: ودي الاجازات الوجوبيه الغير قابله للرفض يعني جهة العمل مينفعش ترفضها زي العارضه، اجازة مرافقة الزوج او الزوجه بالخارج، المرضي، اجازة الوضع، اجازة رعاية الطفل

🟠 المفروض ان اي اجازه بتاخدها خلال فترة التكليف بتاعتك اللى هم سنتين التكليف بترجع تعيدهم تاني يعني لو واحده خدت اجازة رعاية طفل لمدة سنه السنه دي مبتبقاش محسوبه من فتره التكليف بتخلصي اجازه رعاية الطفل وترجعي تكملي سنتين التكليف تاني...

⁉️ هو انا لو انقطعت اثناء فترة التكليف ده بيلغي التكليف؟!

⚫ المفروض انك لو انقطعت 30 يوم منفصلين او 15 يوم متصلين يعني ورا بعض من غير ما يكون عندك عذر قوي ومقبول من حق جهة العمل انها تديلك جزا وتلغي تكليفك كمان بس ده طبعاً مبيحصلش ف كل الاماكن...

🔲 من حقك تقطع الاجازه اللى بدون مرتب أياً كان نوعها في أي وقت حتي لو تاني يوم من قيامك بالاجازه يعني لو انت خدت اجازة سفر وقعدت اسبوع هناك ومش عاجبك الوضع وعايز ترجع تستلم تكليفك عادي تقدر ترجع عادي...


◼️ اجازة رعاية الطفل لو تم قطعها بعد شهرين ورجعتي لشغلك ومش حابه تكمليها تحتسب أجازه شهرين وليس سنه...

◻️ أجازة رعاية الطفل بحد أقصي بتكون 6 سنوات طول مدة شغلك ف الحكومة و بحد أقصي سنتين في المرة الواحده...

🟣 اجازه رعاية الطفل بتكون بدون مرتب.

🟤 أجازة الوضع او الولاده مدتها بتكون 4 شهور من تاني يوم ولاده ولمدة 4 شهور و دي مدفوعة الأجر يعني بتاخدي 4 شهور اجازة وضع وبتاخدي فيهم المرتب عادي كأنك شغاله
أجازة الوضع بتتاخد ٣ مرات بس

🔶 الولاده الرابعه ملهاش أجازة وضع مش فاتحين حضانه هنا🙂🙄


🔴 مفيش حاجه اسمها حفظ ظيفه غير للناس اللى ف الجيش بس ولو استلم تكليفه بيتحسبله الجيش من ضمن سنتين التكليف..

⚪ لو عايزه تاخدي اجازه اسمها اجازه بدون مرتب وبتدفعي عليها تأمينات ودي من الاجازات الغير وجوبيه يعني جهة العمل ليها الحق ف الرفض او القبول...


#متنساش_تسأل_عن
#كورس_الICU_والطوارئ

صَلواْ عَلي مَن سَكنت القُلوب مَحبتُه وإشتقات العُيون لرؤيته ﷺ.❤

من Feedback
#كورس_الICU_والطوارئ

لو مهتم انك تعرف تفاصيل الكورس وتاخده معانا وتطور معلوماتك تقدر تبعتلنا هنا

@AhmeddBakry

مفيش اي صحه عن ان التكليف هيكون ف شهر 7 او غيره كل دي شائعات وبلبله ف بالله متصدعوش دماغي♥

🔘 من الInterview Questions وانت رايح تقدم ع شغل ف اي مستشفى 👀♥

⁉️ ليه مينفعش تخلي العيان بتاعك ع اكسجين 100% لمدة اكتر من ساعه!!!

الاجابه:

🔶 وده لان العيان ممكن يحصله حاجه اسمها "Oxygen Toxicity" التسمم بالاكسجين وعشان كده مبنحطش العيان ع oxygen 100% غيرف حالات معينه زي ال"Suction" وال"Chest Physiotherapy"
واي بروسيدجر مرهق للعيان لمدة 10 دقايق تقريباً...


#متنساش تسأل عن #كورس_الICU_والطوارئ

يعني مش هتطور من نفسك ومن معلوماتك وهتفضل تضيع ف وقت لحد ما تندم بعدين والوقت يفوتك!! 😂

ابعتلنا هنا للتفاصيل عشان البدايه جامده😉♥


@AhmeddBakry

🔘 ازيكو يعيال عاملين اي🥰❤

🔶 السؤال ده من الاسئله اللى بتتسأل دايماً وانت رايح تعمل انترفيو ف اي مستشفى؟!

⁉️ ايه الادويه اللي بيتبقي موجوده في
الCrash cart؟!!

🔲 ف تعالى اقولك عليهم بسرعه كده 😉♥

_ Adrenaline
_ Nor Adrenaline (Levophed)
_ Atropine
_ Isoptin
_ Amiodarone (Cordarone)
_ Dopamine
_ Dobutamine
_ Heparin
_ Bicarbonate Sodium
_ Magnesium Sulfate
_ Dexamethasone
_ Avil
_ Potassium
_ Aminophylline
_ Calcium
_ Lasix
_ Nitroglycerine
_ Solucortif
_ Inderal
_ Xylocaine

🟤 وطبعاً الCrash cart بتبقى ادراج تحت بعضها زي الصوره اللى قدامك كده وكل درج بيبقى فيه شوية حاجات باختلاف الترتيب طبعاً زي


🔵 درج بيكون فيه جميع انواع الكانيولات بمقاساتها المختلفة ، أجهزة وريد ، مشارط ، وصلة ثلاثية، الكترودات طبيه ، رباط شاش، بلاستر ، كحول، لاصق طبي...

🔴 درج بيكون فيه انابيب حنجرية بمقاساتها المختلفة ETT ، قساطر تشفیط بمقاساته المختلفة، قساطر بولية من النوع الفولي والنوع السليكون ، اكياس جمع بول، رايل، سالوسبت Oxygen Mask وNasal...

🟣 كمان بيبقى فيه درج فيه جميع انواع السرنجات ( 1,3,5,10,20,50 ) وسرنجات رايل Ryle، ممر هوائي Airway ،، وشرايط سكر ، شكاكات، وجهاز Random و KY gel

🟠 ودرج بيكون فيه جميع المحاليل زي الNormalSaline، Ringer ، Glucose , Mnnitol وغيره من المحاليل التانيه...

⚫ ودرج بيكون فيه منظارحنجري بنستخدمه لما نبقى عايزين نتيب المريض يعني نركبله ETT ، جوانتي عادي ، جوانتي معقم ، ورق رسم قلب، قسطرة CVP ، خيوط جراحيه بكل انواعها...

◼️ كمان الCrash cart بيكون
فيها Two Side:

🔷 الRight Side : بيكون فيه اسطوانة اكسجين و Safety box.

🔶 وال Left Side بيكون فيه حاجه اسمها Cardiac arrest board عبارة عن لوحة صلبة كدعامة للمريض توضع اسفل ضهره في حالة لو اشتغلنا عليه CPR.

#متنساش تسأل ع كورس الICU بتاعنا اللى هيساعدك تكون جاهز للشغل وتعدي اي انترفيو ان شاء الله ♥