{حب فاطمه}❤️‍🩹

{ #نصيحة 💜🍂}
اتجاهل ثلاثة
(سمعت، وقالو،ويقولون)
لا تضيع وقتك بثلاثة :
1-الندم والتحسر على الماضي،،،
2-مقارنة نفسك بلآخرين،،،
3-ارضاء جميع الناس،،، هذا الشي مو
معقول اهم شي انته راضي عن نفسك
وربك راضي عليك*
ثلاثة تغنيك عن التعب...
(عدم مراقبة الأخرين فهي نصف
الراحه،،،
عدم التدخل فيما لا يعنيك فهي نصف
الأدب،،،
الصمت فهو نصف الحكمه)*🍂🖤

{#نصيحة 🍂}
من تكون ويا شخص يفهمك!!
يفهمك مو علمود يأذيك ويجرحك وبنفس الوقت
يعرف نقطة ضعفك ويستخدمها ضدك!؟
لا شخص يفهمك علمود يسعدك
ويكون قريب منك ويتجنب الشي الي ممكن يكسر خاطرك!
شخص مستعد يلغي كلشي بحياتة بس علمود
يكون وياك بوكت حاجتك الة"
شخص بس تتذكرة تدعيلة
شخص تحسة مسؤل عنك!
هنا كون ع بينة انو علاقتك بهذا الشخص إنجاز"
خلي اختيارك صح لـ شخص يحتضنك بوقت كل
هم بوقت تعبك ويفهم عصبيتك انو هي مو حقد
وميهتم وميصدك هذا وهذاك يسمع منك دائما
شخص يكون الك عالم وأهل ومنزل ووطن🤍🍂

{ #نصيحة 💜🍂}
قبل متشوف عيوب الناس راجع نفسك شوف
عندك اخطاء او عيوب بتصرفاتك بكلامك بتفكيرك*
بحكمك على الناس واذا ما شفت بيك خطأ خلي*
كرسي واكعد بباب الشارع وظل راقب الناس وانقدهم*
شكد ما تريد بس كون مابيك اي خطا انت انسان*
مابيك ولا غلطه اما اذا لكيت بروحك شي خطا*
فـ حاول تصلحه وغض نظرك عن عيوب الناس*
حتى الناس تغض نظرها عن عيوبك🤍🍂

{#نصيحه 🍂💜}
اكو ناس تماشيك علمود شكلك
واكو ناس تماشيك علمود فلوسك
واكو ناس تماشيك ع مصلحتها
بس مستحيل تلگه الي يماشيك علمود
رضاتك وقربك اله
فـ ياعزيزي اذا لگيت هذا الانسان حاول
تحتفض بيه لان مستحيل تلگه الكفو
ويبقى كفو
ومستحيل تلكه اصيل ويبقى اصيل
العنده واحد كلف لايفرط بيه 🍂🤍

{ #نصيحه 🖤🍂}
انت تشوف نفسك عادي
غيرك يشوف بيك اشياء مستحيل تشوفها بنفسك*
مثلاً أبتسامتك وانت تضحك من الگلب*
شكل عيونك شلون تلمع لمن تحجي عن شي تحبه*
تعابير وجهك لمن تستحي او تتضايق*
كل هاي الاشياء انت مستحيل تشوفها بنفسك
لانها تكون عفويه لا تستغرب لمن غيرك يحب بيك*
اشياء ما تتخيلها موجوده بيك*🍂

برداً وسلاماً ان شاء الله ..💔

{ #نصيحه 💜🍂}
انت مو ملاك*
انت انسان من الطبيعي تغلط وتوكع بالغلط*
من الطبيعي انك تفشل وتحزن وتنهار وتتأثر*
لا تعب نفسك بمحاوله الوصول الى الكمال*
لان ماكو شخص کامل*
اكو شخص واعي*
اکو شخص يؤمن بنفسه يؤمن بأنه يستحق*
يكون مستقر وناضج وناجح وسعيد
شخص يحاول مهما كانت كل الاشياء ضده* 🤍

{ #نصيحه 💜}
بينما انت تجلس وتلعن الدراسه و الجامعه*
غيرك يبكي على الوساده يوماً يتمنى مقعداً*
بينما انت ترفع نبره صوتك في وجه امك*
غيرك يجلس في زاويه السواد يشتاق لرائحتها*
بينما انت تتأفف من شكلك او نقص فيك*
غيرك لا ينام من الالم
ف الحمدالله دائماً *🤍🍂

{ #نصيحه 💜}
في مرحلة من مراحل حياتك
راح توصل الى عدم الاقتناع بأي شخص*
وراح توگف عن المجاملة على حسابك
وتحچي الحقيقة حتلو جانت جارحة
لان بهاي المرحلة راح يكون عقلك المتحكم بيك مو (گلبك)*
ومع ذلك راح تستمر الحياة سواء اتغيروا عليك او لا
وتكثر المواقف الحلوة وي غيرهم
ومراح توگف الدنيا على عتبة احـد.🤍🍂

{ #نصيحه 💜}
اكو شخص من تنطيه ستكان چاي
يكلك شكرا عاشت ايدك ع الچاي هذا
وواحد ثاني يكلك ، الچاي ناقصه شكر ؟
وشخص بكل مشكله يكلك ، اهدا راح نحل الموضوع
لخاطر العشره اللي بينا وما اريد اخسرك
وواحد ثاني بكل مشكله يكلك ، بعمري ماشفت
يوم حلو وياك
الناس نوعين ، نوع ما ينكر زينك وبكل موقف يقدر ظروفك
والنوع الثاني ، لو تشعله اصابعك العشره شموع
راح يبقى يشوفك مقصر وعيونه متشوف غير الموزين
بكل موقف يصير🖤🍂

{#نصيحه 🍂💜}
ربنا مايضيع تعب احد:
بس ممكن تكون داتتعب علمود شي يضرك!
ممكن داتتعب علمود فد شي راح يكون سبب بدمارك، خسارتك، أو نهايتك،
الله سبحانة وتعالى يعلم بأمور الغيب ويعرف اضرار كلشي
'ربنا يسخرلنا من الأمور احسنها'
خليك دوم واثق عطايا ربنا افضل من ألف شي اختارينا احنا🖤
{ردد دوم اللهم ارضى عني وارضني}

(#نصيحه 🍂💜)
اذا قررت اطلع شخص من حياتي ما راح اكون ندمان ولا احس بذنب تجاهه اني اعرف نفسي انطي كل طاقتي وحبي وثقتي لهذا الشخص صديق أو حبيب راح انطيه فرص هوايه بس ما يدري ياهيه تكون الاخيره راح اظل وياه لحد ما انسحب بهدوء من حياته اعرف نفسي ما قصرت تجاه اي شخص لذلك اذا اجه يوم واختلفنا راجع نفسك لان اني ما غلطت بحق احد وعندي الثقه 100% انو شكو شخص طلع من حياتي هو السبب وهو اللي يخرب مكانته بكلبي وما اعرف يتصرف ولا عرف يحافظ عليها فكل شخص يشوف روحه مو كد التحمل ولا كد الثقه والحب او الصداقه انصحك أسحب نفسك لان ما راح تستفاد شي واني انسان اذا تمشي وياي عدل امشي وياك عمر وسلامتكم..🍂🫀

<نصيحه 🤍>

أكبر غلطة بحق نفسك من تنطي قيمة لناس ما تستاهل*
من تنطيهم كل الاهتمام ويحسون نفسهم فد شي جبير
بحياتك . اهنا راح يبدون يتعالون ويتكبرون عليك*
الظرافة بالموضوع هذول بالذات كانو يتمنون يقتربون
منك او يكونون جزء من حياتك وبعد ما تشبعهم
بأهتمامك وخوفك عليهم يظهر فرعون الي بداخلهم*
ويبدي التعالي وعدم الاهتمام واللامبالاة* 👍
فـ نصيحة : اعتزل الناس قدر الامكان واذا دخلت احد
لحياتك خليك حذر ومتهيء لكلشي .. يعني لا تنطي اقامة
بدون ما تفحص من كل الجهات . وصلت.؟🤍🍂

خايف تفشل ؟ افشل
خايف تخسر ؟ اخسر
خايف تجازف ؟ جازف
خايف تغامر ؟ غامر
محد يبني منك انسان عضيم غير شجاعتك محد يخليك شخص ناجح الا بعد ما تكسر الخوف اللي بداخلك محد يصحح اخطائك غير التجربه الي تاخذها بنفسك شجاعتك سر نجاحك
القوه الي بداخلك خليها تطلع ‏୪ تتردد ابداً 🤍*

‏رسالة طمأنينة :
سيُغطي الله الجرح الذي لم يبرأ ويعيد لك أشياء جميلة إعتدت عليها وفقدتها ويمنحك ماتتمناه، دون أن تطلب فقط ثِق بالله*

ترا مو كلشي بحياتك يعتمد ع شكلك*
وطريقة لبسك إلي من آخر موديل
طيبة كلبك هي تعكس جمالك
الحقيقي*
اوك صح*
الله جميل ويحب الجمال بس هذا
المفروض أنو نرضى بشكلنة شلون ماچان*
لانو رب العالمين خلقنة جميلين*
هذا مو معناها نروح نغير بشكلنا والله
شنو الله جميل ويحب الجمال*
والله العظيم صدگوني بس ترضون
بشكلكم الطبيعي رح تحسون نفسكم انتو*
أجمل من أي أحد ثاني تشوفوا يجنن
بنظركم*
راح تحسون بقيمة جمالكم راح تشكرون*
رب العالمين ع كل تفصيلة بيكم راح*
تحسون وتشوفون رب العالمين شگد
عظيم من خلقك ك أنسان-*
أخلاقك ، تصرفاتك ، طريقتك بالكلام مع
المقابل ، ابتسامتك الخفيفه للمقابل
هذول الي يحددون جمالك الحقيقي
وليس شكلك، أولبسك وفلوسك🤍

(نِصّيَحًهّ🩶🍂)

الِأنسان اذا مَر بعُسر
لا يتصُور أنُ الدُنيا أطبقت بَعد
انسَدتُ الأبواب بوجهَة !
لا لِينهار ، بالعڪِس
لأن الله عزَ وجل بالوَقت اللي
يوَجد عُسر بالحياة
الله خَلق يُسريَن
زِين ، فَ كإنما الآية تدعونا للتفاؤل
تگول الواحِد من عدكُم اذا مَرت
بيه ضائقة لتطبق عليه الدُنيا
بحيث يتصُور بعد مابيها مَجال
الىٰ الفرَج ، لا هـٰذا تصور سوداوي
يعني الواقِع إن الإنسان بمُجرد
أن تمُر بيه ضائقه
بناها خلاص الدُنيا صارت سوداء
بعينهَ لا ، يگول تفأل بالحَياة
و ماتدِري انتَ في أي لحظه
يَهبطُ عليكَ الفَرج

قال: امير المؤمنين علي ابن ابي طالب عليه السلام
أمران لا يدومان للمؤمن شبابه و قوتة
أمران ينفعان كل مؤمن حسن الخلق و سماحة النفس
أمران يرفعان شأن كل المؤمن التواضع و قضاء حوائج الناس
أمران يدفعان البلاء الصدقه و صلة الارحام ...

اكو  مقولة تگول:

"المُستعد للشيء تكفيه أضعف أسبابه"

يعني لو چنه رايدين شي لو أملنه بهل شي واحد بالمية راح نحاول علمودة ليش ..؟
-لأن احنه نريده.
والعكس صحيح اللي يريد يتخله عن شي لو چان عنده مليون سبب حتى يبقه هم ماراح يبقه ..

(نصيحه 🍃🤍)

مو اي واحد يحجي عنك ب الموزين تنطي اهتمام ومو اي كلمه تسمعها عنك تأثر بيك .. انت المفروض قيمتك جبيره... سواء الناس حجت او ما حجت الناس شافت او ماشافت .. الناس قدرت او ماقدرت الناس نست او تذكرت الناس ممكن تنسى الناس ممكن تبيع الناس تتغير
قيمتك هاي شي ثابت انت تحس بيها داخليا تشوفها من يكون ضميرك مرتاح من تهتم بنفسك وتنطيها حقها من نتضج بفكرك وبطريقتك بالحياه لمن تكون اخلاقك عاليه وتعرف الي الك والي عليك مو لازم كل الناس ترضى علمود تحس بالسعاده مو كل الناس راح يدخلون بحياتك ويشوفون تفاصيلك المميزه مو كل الناس راح تشوفك شخص عظيم ومميز او حتى صح انت لوحدك جرب واغلط واعرف الصح من الغلط واتعلم من دون ما تحس بالذنب وتلوم بنفسك انت مموقع عقد ويه الناس انك تكون مثال اعلى الهم لان الناس مهما قدمت الهم مراح يعجبهم كلشي بالاخر انت تواجه الصراعات الي بداخلك واقرب الناس الك يمكن ماتعرف عنك اصلا انت وبس خليك عزيز نفس وحاول تتجنب الناس الي يقللون من قيمتك وقدرك واهتم شلون تكون افضل بعين نفسك شلون تكون فخور بنفسك من تكعد بوحدك تحس انك مكتفي وراضي عن نفسك وتصرفاتك وحياتك

(نصيحه 🍂💛)

مرات لازم تنكسر علمود تعرف
توكف وتسند نفسك بنفسك
ومرات لازم تنام وأنت في قمة
أنكسارك علمود تكعد الصبح
شخص ثاني تماماً مو محتاج لأي
أحد شخص يعرف ينقذ نفسه
بنفسه شخص لو ما خسر ما جان
أكتشف شكد بداخله قوه وأراده
وصبر مرات لازم يموت شي
بداخلك علمود تعرف تعيش صح
تعيش بـ أسلوب جديد 👏 🖤

بطبع الإنسان يريد يملُك من كُلشي الأحسَن
و يبقى طول الوقت يدور و يدور و ميوصل
لنتيجة لأن رَب العالَمين منطيه شي حلو
و لَطيف و ع گد گلبه بس هو يبقى يلف
و يدوّر، هناك و يخسَر هذا الشي الحلـو
ساعتها يندم ندم عُمره كونه ما حافظ عليه 🖤.

طـبــعآ آلي آنظـمـو آن شـآء آلله آنتم عآئلتي آلثـآنيه ومـرآح آنسـآكم بــشـي🥹🩶

(نصيحه 🍂💛)
من دا تمشي بالشارع وتعثر وتطيح وباقصى سرعه تكوم حتى ما تجي سياره وتصدمك وتلتفت منا ومنا وتوخر التراب عنك حتى ما حد يشوفك كلك تراب وتمشي وكانما ما صاير شي والامور عاديه ومستحيل احد بينا وكع بالشارع وظل نايم!! هو الضبط نفس القضيه من تعبر شارع الحياه وتعثره بمشكله وتطيح اياك تستسلم وتخلي سياره الهزيمه تصدمك بالعكس كوم بسرعه وابعد تراب المشاكل عنك وأعرف اخطائك وتصرف كانه ما صاير شيء عالج أخطائك وخلي في بالك انت انسان قوي والله معاك 🖤

▪️بعض من سيرة الشهيد القائد سماحة السيد حسن نصر اللّٰه (رضوان اللّ تعالى عليه)

- يعد السيد حسن نصر اللّٰه قائدًا سياسيًا وعسكريًا في لبنان والعالم.

- ولد في آب 1960 شرق بيروت

- عاد بعمر ال 15 إلى جنوب لبنان اثناء الحرب الأهلية.

- درس لمدة عامين في النجف الأشرف في سن ال 16 عامًا.

- أنضم إلى حزب اللّٰه أبان تأسيسه عام 1985.

- عُين ممثلاً لحزب اللّٰه في إيران في منتصف الثمانينيات.

- انتخب امينًا عامًا لحزب اللّٰه في عام 1992.

- قاد السيد حسن نصر اللّٰه المعركة على الكيان الصهيوني عام 2006.

- وضع السيد حسن نصر اللّٰه القضية الفلسطينية في أولويات عمل حزب اللّٰه.

- استشهد بعدوان صهيوني على الضاحية الجنوبية يوم الجمعة 27 أيلول عام 2024.

من وصايا سماحته قدّس سرّه:
نحن لا نُهزم، عندما ننتصر ننتصر، وعندما نُس.تش.هد ننتصر، لا يجوز أن ننهزم لسقوط قائد عظيم من قادتنا، بل يجب أن نحمل دمه، ويجب أن نحمل رايته، ويجب أن نحمل أهدافه، ونمضي إلى الأمام بعزم راسخ، وإرادة وإيمان، وعشق للقاء الله...

طـبــعآ آلي آنظـمـو آن شـآء آلله آنتم عآئلتي آلثـآنيه ومـرآح آنسـآكم بــشـي🥹🩶