Muayyed Imad - مؤيد عماد

لنترجم هذه العبارة مرارًا وتكرارًا

👀

سلام عليكم والرحمة

مدرسي السادس إعدادي للغة الانگليزية حصرا، ولا يهونون مدرسي باقي المراحل.

هذا استبيان تملوه بلا زحمة حتى نساعد صديقنا وأخونا أستاذ محمد برسالة الماجستير اللي تتطلب أن تملي هاي الفئة (مدرسين السادس للغة الانكليزية) هذا الاستبيان.

اللي تعرفوه مدرس لغة انكليزية سادس إعدادي أرسلوا إله الاستبيان حتى يسهل أمر الباحث، وجزاكم الله خير الجزاء.

رابط الاستبيان 🔻

https://docs.google.com/forms/d/1rspw_I-LEVMWVU9N-Xw8JkEt8Njo0uJAVNz7LDiZd3o/viewform?fbclid=IwY2xjawGW7qtleHRuA2FlbQIxMQABHadZ9z7ochKuySxIzSh8YgNzM9IJwGGzghzxY2pdC1hIA4XCTmvvlBLVvw_aem_J3mU6RNx0iCmHTE2dPWngA&edit_requested=true

شنو معنى workaholic ؟

أدخلوها في جمل مفيدة

بس خنّفهمك!

فهمونا السالفة شنو هنا يا شباب؟

السلام عليكم

جعل الله يومكم هذا مليء بالخير والبركة ورضاه وتوفيقه.

تخفيض أجور الامتحان الوطني

ليصبح ٣٠ ألف دينار في المحاولة الأولى وبقية المحاولات ٢٠ ألف دينار.

هاي النبتة الطيبة شمحلاتها، بالديرة نسميها (شَبُّو) والظاهر بالعربية الفصحى اسمها (مِسك الليل).

عطرها يرد الروح على گولة أهلنا، هادئ وجميل وكأنّه يسوّي مساج للدماغ والنفسية، وينتشر عطرها لأماكن بعيدة عن النبتة، يعني عشرات الأمتار وأحيانا أكثر، فالمكان كلّه يتشبّع بيه.

أنصح كل اللي عنده حديقة يزرعله وحدة أو أكثر، هم ينشنش وهم تسترزق المشاتل.

وهاهيه سلامتكم ❤️

بس أفهمك!

دين ابني اجه يشوّفني شنو رسم هو وزملاءه في أوقات الفرصة، أطفال في وجدانهم يفهمون الكليّات أكثر من الجزئيات، يعرفون أكو مظلومية كبيرة وأكو ظالم متعجرف بالمقابل.

القضايا العادلة فعلًا تكون فلتر لاختبار الضمير اللي هو منارة الإنسان وأن النصر (بأنواعه المختلفة) لطالما كان رفيق القضايا العادلة ولو بعد حين.

أنهيت للتو الجزء الأخير من رباعية (مقبرة الكتب المنسية) واللي يكون عنوانه (متاهة الأرواح) للكاتب الأسباني (كارلوس زافون) وهو جزء ضخم مقارنة باللي سبقوه (1040 صفحة)، بعد سنين من الانشغال أو اختفاء شغف القراءة أو أسباب أخرى.

السلسلة تأخذ القارئ لبرشلونة وأزقتها المظلمة في فترة عصيبة على العالم وعلى أسبانيا، وتكشف أسرار ومغامرات في عوالم أبطالها الكتب والكتّاب والمكتبات.

جرّبت هاي المرّة أن أسمع قسم كبير من الرواية على طريقة (الكتاب الصوتي) حتى أستثمر الوقت اللي أقضيه واني أسوق بالسيارة، ولحسن الحظ وجدت قناة سمعية على اليوتيوب لمعلق صوتي جيد سهّل عليّه المهمة بشكل رائع. وهذه دعوة لمن يتحجج بقلة الوقت أن يلجأ للكتب الصوتية، بيها نفع أكثر مما يتصور وعلى الأقل أفضل من الانقطاع عن القراءة.

كلما فتحتَ بابًا من أبواب الشيطان، أغلقتَ على نفسك بابًا من أبواب الرحمن.

وأنت بكيفك بعد

اليوم تم الإعلان عن القبولات

بشرونا شنو وضعكم؟

مسواک يوم أمس من الكتب في كربلاء

دائما في ودي أن أنمي في ذهني خارطة تأريخية للأحداث المهمة في العالم وبعض تفاصيلها وليس بالضرورة كل التفاصيل طالما أغلب الأمور لا تعنيني بشكل مباشر. بهذا الكتاب لاحظت وجود خلاصة سريعة لتأريخ العالم بسردية تقشط الأحداث من السطح.

أما تشومسكي فيعنيني أكثر كمتخصص بعلم اللغة وناقم على السياسات الغربية الخارجية وخصوصا اللأميركية منها، فهذا الكتاب أشبه بكتاب سيرة للفكر اللي يتبناه تشومسكي وتحديدا فيما يخص اللغة وفلسفتها وبعض الأفكار الاجتماعية والسياسية.

رسائل إلى الذات: ٢١

اقرأ الكلام اللي في الصورة، افهمه، اهضمه، طبقه، أدخله ضمن متبنياتك، لا تتنازل عنه مهما حدث.

#رسائل_إلى_الذات

شدعوة هالترف يابه أهل بغداد والمناطق المجاورة؟ شنو تريدون تتنفسون هواء نقي؟ هو وين حصلان الهواء هالأيام؟ مو گالولكم الأفندية "لا داعي للقلق" و"قللوا طلعتهم بالهواء الطلق."

هاي الشعوب البطرانة، اليوم تريدون هوا نظيف، باچر عگبة تطالبون بحياة كريمة وتحتجون على سوء الإدارة وتغلغل الفساد! شدعوة!

😀

What title can you give this picture? 😁

اليوم أصبح رسميًا عيد ميلادي الـ٣٤

بصراحة اني مو من النوع اللي يحب موضوع أعياد الميلاد، يعني ما أتحمس لهذا اليوم، ولا أتضايق منه، أعتبره يوم طبيعي، الاختلاف فقط هو مباركات المحبين من العائلة والأصدقاء والمعارف وتمنياتهم الي بالخير. شيء يسر القلب. الإنسان يحب يسمع الكلام الطيب، يخفّف هموم الدنيا مهما كبرت، لذلك (إلقاء السرور في القلوب) فعل يؤجر عليه الإنسان أجر كبير.

برأيي يوم عيد الميلاد هو أشبه بإشعار معنوي يگول للشخص (تره العمر يمشي) أو (تلاحگ روحك وانتبه) أو (كلّ من عليها فان) أو شي من هذا القبيل. لذلك أحلى أمنية أحب يتمناها شخص إلي هي حسن العاقبة، لأن موضوع الخلود اللي يصير بعد الدنيا هو موضوع مقلق إذا كان في مكان غير مناسب.

ما تفارقني رواية (من تساوى يوماه فهو مغبون)، أي أن الشخص اللي أيامه نفس الشي هذا يخسر كونه ما ملتفت لنفسه وميتقدم أو يصعد. الكمال المطلق لله بس التكامل البشري ظاهرة ممكنة وأي تصرف يرتقي بالإنسان هو خطوة على طريق التكامل. بكل الأحوال العمر تجارب وخبرات وهنيئا للي يستفاد من أخطائه ويصير مصدر منفعة ومتنحچي بظهره غير الكلمة الطيبة.

دامت أيامكم وأعوامكم بخير أحبتي ❤️

هم گولوا لا

گواهم الله
عاش من شافكم يابه

صبحكم الله بخير وعافية وراحة بال ورزق دنيوي وأخروي. ❤️

سامعين بالحبسولة؟ اسمعوا هسه، فيديو جديد 🔻

https://youtube.com/shorts/ExReckNkb0w?si=rAUHOnXBY-ZGfCUy

كيف الحال؟ عساكم بخير وعافية

فيديو جديد قد يفيدكم ببعض المفردات الجديدة 🔻

https://youtube.com/shorts/xkh5UEKC70o?si=5dz0vgm5OCKBCCPk

معلومة لغوية ورسائل مهمة بالفيديو الجديد، على قناة اليوتيوب، رابط الفيديو 🔻

https://youtube.com/shorts/belhJeHQ2k0?feature=share

شنو قصة العتوي السمين؟ 😄

فيديو جديد 🔻

https://youtube.com/shorts/kEKTsMLTcVE?feature=share

أمثال شعبية بالانكليزي، شوفوا يا مثل منهن تستخدموه أكثر شي. رابط الفيديو 🔻

https://youtube.com/shorts/q2foEX-lhwM?feature=share

فيديو جديد 🔻

https://youtube.com/shorts/UJt5c43SSxU?feature=share

اللغة هنا أخطر حتى من التماسيح.

شنو المكتوب باللافتة؟ وشنو المقصود؟

رسائل إلى الذات: ٢٠

اسأل نفسك بينك ما بين الله، شلونه مستوى مقاطعتك الشركات والمنتجات الداعمة للكيان الصهـ.يونـ.ي؟ شگد مستوى التزامك؟ هم تخلي بين عيونك دماء الأطفال والنساء والأبرياء في فلسطين؟ شگد اجتهدت حتى تبحث عن البراندات الداعمة؟

هل فكرت بالأمر على أنه نوع من المقاومة وله الأثر بالنتيجة وأنه مسجّل عند البارئ؟ گدرت تقاوم رغبتك باستهلاك منتج معين داعم للمجـ..ازر وفضّلت تركه أو استبداله بشركة أحرى غير داعمة؟

لا تستهين بأقل تصرف نابع من مبدأ وقيم عليا، نصرة المظلوم بكل أشكالها نبيلة. كله بعين الله، كله بعين الله، كله بعين الله.

#رسائل_إلى_الذات

فيديو جديد، بيه زلاطة 😉
رابط الفيديو 🔻

https://youtube.com/shorts/kMKqA_ukm7M?si=XqRKeXlyJajZGjMh