روايات واسكريبتات منة هانى 💜

- ڪِفايه خوف من بُڪرا و تفڪير فـِ اللِ راح ، ڪِل شئ مڪتوب عند ربنا و مترتب ، إرضا باللِ ربنا ڪاتبهولك مهما ڪان'💖💖💖💖💖💖

بدأ يشرب اخر بوق ف القهوه و حطت ايده الاتنين على التربيزه وبصلي بإهتمام وانا رجعت ضهرى لورا ولكن سحبت الكرسي لقدام ...

نادين : ف اليوم اللى جتلك فيه المستشفى كان الاكس بتاعي هناك ف الاوضه اللى جمبك، وشوفته وهو خارج من اوضته مع خطيبته واهله، الموضوع يبان انه عادى وانه طالما بقا اكس ف المفروض مبقاش يفرق معايا وهو فعلا بقا كده بالنسبالي، بس كل زعلي اني صدقته ووثقت فيه، كنت بصدق كل كلمه بيقولها لان عيونه كان باين فيها الصدق ولكن اكتشفت بعد كده ان مرايا الحب عاميه وان الحب اللى في عيونه ده مكنش حبه ليا ولكن كان انعكاس حبي ليه اللى في عيوني ...

بدأت ادمع تاني ولكن المرة دى معرفتش امسك دموعي ونزلت على خدى من غير ما احس وبعدت عيوني عنه وكملت...

نادين : بس الحمدلله زى ما حبيته زى ما بردو قدرت اشوفه على حقيقته قبل ما يكون في جواز، وقدرت اطلعه من قلبي
فريد : طب ممكن اعرف اى سبب انفصالكم.
نادين : عيلته طلبه منه يتجوز بنت خالتو لانه من صغرهم وهما بيقولو انهم لبعض وعلى كلامه انه دايما كان بيشوف انها زى اخته ومش هيقدر يحبها وانه بيحبني جدا ولكن عشان يخلص من زن اهله قرر يخطبها لمده شهرين تلاته وبعدها يسيبها ف الموضوع يتقفل
فريد : وطبعا مسبهاش
نادين : حته لو سابها انا استحاله ارجعله تاني خلاص
فريد : طب الحمدلله
نادين : على اى
فريد : اممم اللاتيه برد.

اتوترت وابتسمت ولكن حاولت اتهرب منه...

نادين : ايوة فعلا وانا اتاخرت اوى كفايه كده بقا
فريد : تمام يلا اوصلك.
نادين : تااانيي
فريد : بحس ان قله ذوق مني اخليكي تركبي تاكسي
نادين : لا معلش كده انا مرتاحه اكتر
فريد : تمام على الاقل اوصلك لحد ما اطمن انك ركبتي
نادين : اوك

طلعنا من الكافيه ووقفت اول تاكسي شوفته سلمت عليه وركبت وحاول يدفع للسواق وانا رفضت ولكن هو سو چينتل مان وكده ...

فات يوم ونزلنا تاني وكنت خلصت جزء كبير من اول فيلم انيميشن من فكرتي وتصميمي انا وفريد فضلنا كل يوم نخلص جزء منه لحد ما اخيرا جه اليوم اللى هنتفرج عليه كامل ونبدأ ننزله ونعلن عنه ...

نادين : انا بجد مبسوطه اوى اوى
فريد : وانا كمان
نادين : لولاك مكنش كل ده حصل بجد شكرا من كل قلبي
فريد : لولاكي انتِ ولولا موهبتك وشطرتك وتعبك مكناش خلصناه ف وقت قصير بالشكل ده والكوالتي دى، انتِ فعلا ابدعتي ...

اتكسفت جدا من كلامه وبصيت على الشاشه وانا فخوره جدا باللي وصلناله وبعدين لقيته بيقولي...

فريد : نادين
نادين : نعم
فريد : بصراحه كده انا مش عارف اجبهالك ازاى بس انا حبيتك اوى اوى، امتى وازاى معرفش بس بحس ب احساس مختلف لما بشوفك وجع ف بطني ودقات قلبي بتدق جامد اكنك جايه تقتليني

ضحكت من قلبي بجد وفي نفس الوقت اتصدمت لان ده نفس احساسي لما بشوفه وكأن فيه عته ف المشاعر!

نادين : ده اغرب ما قيل ف الحب ده
فريد : المهم انك فهماني
نادين : ايوة ده اى علاقته بشغلنا
فريد : شغل اى دلوقتي بقولك وجع ف بطني وقلبي بيدق ركزى معايا
نادين : يبقى اجبلك دكتور معروفه
فريد : انا علاجي الوحيد تقبلي تاخدى الخاتم ده مني وقتها هطمن انك وافقتي
نادين : انا ف الاوقات اللى زى دى احب اسمع رأي بابا جدا

وتمت خطوبتنا الحمدلله ومع بوست خطوبتنا تحتيه على طول اول اعلان عن فيلم الانيميشن بتاعنا واللى كان اول نجاح لينا واللى حقق نسب مشاهده عاليه جدا تستاهل كل التعب اللى تعبناه، والحمدلله بدأنا نتعاقد مع شركات كبيره وقريب جدا هنفتح شركتنا الخاصه بعد ما اكتسبنا خبره كبيره في مجالنا ...
واللى نجح شغلنا اننا عملناه بحب مش ضغط ولا زهق، ودلوقتي اقدر اقول ان ربنا استجاب دعائي بعد صبر وضيق وزعل فرج دايما ولاني كنت واثقه في ربنا وعندى ايمان تام جدا اني طالما سعيت هيرزقني ف الحمدلله دائما وابدا ❥ .

#تمت_بحمد_الله
#ابواب_الامل
#منه_هاني

روايه " ابواب الامل" البارت ١٠ ♡.



واللى طلع فريد، بعتلي رساله فرحتني بطريقه غريبه جدا وكنت مستغربه نفسي ازاى هفرح بعد كل الزعل ده والرسالة كانت محتواها ...

فريد : ازيك يا نادين انا فريد، اسف اني بعتلك فجأة ، ومن حقك تردى او لا بس انا زعلت جدا لما عرفت انك سيبتي الشغل وبجد المجله هي اللى خسرتك اشطر بنوته ف المكان، اتمنى انك تلاقي مكان احسن وتكوني مبسوطه فيه ولكن من جوايا اوى يعني اتمنى اني اشوفك تاني واشتغل معاكي ف مشروع من تصميمك وافكارك انتِ انا متأكد انك موهوبه جدا

قريت الرساله ٣ مرات من الفرحه وان انا فعلا استاهل تقدير الناس ده ليا، كنت متردده جدا ارد ولالا بس ف النهايه سيبت الموبايل وانا الابتسامه لسه على وشي، وبدات افتح اللاب بتاعي وقررت احقق حلمي اللى مأجلاه بقالي سنين بسبب ظروف شغلي، فتحت كذا ابلكيشن وكذا موقع وبدأت اشتغل لحد ما وصلت للي انا عاوزاه بصيت على الساعه لقيت ان العشا اذنت صليتها ورجعت تاني اكمل اللى بدأت فيه وخلصته وسيفته وفتحت الايميل بتاعي على اللاب ورديت على فريد وبعتله الفيديو اللى صممته بنفسي وسألته على رأيه واللى استغربته انه رد ف نفس الدقيقه اكنه كان عارف اني هرد عليه حالا ودى من الحاجات اللي بجد بتخطف قلبي ، فضل يكتب وطول شويه ف الكتابه ولكن اخيرا بعت الرساله واللى كنت متشوقه جدا اعرف اى هي كتبلي وقال ...

فريد : كنت متأكد انك موهوبة وكمان موهوبه ف كذا حاجه مش بس الكتابه ولو حابه اساعدك انا بفهم جدا ف الشغل ده واعتقد اننا لو اشتغلنا سوا هنطلع شغل حلو اوى

بدأت افكر ولقيت ان لي لا اهي تكون بدايه جديده ليا يمكن انجح المرة دى وبدأت احكيله تفاصيل الشغل واللى انا رسماه ف خيالي وعاوزه احققه على الواقع واتفقنا اننا هنتقابل بكره وننفذ الفكره سوا ، طلعت لاهلي وبدأت احكيلهم ووافقوا بعد الحاح رهيب ولكن مش مشكله المهم انهم وافقوا ابدأ من جديد ...

جه تاني يوم اخيرا وجهزت نفسي وقعدت ف الكافيه اللى اتفقنا نتقابل فيه ولقيته داخل من الباب وانا قلبي بيدق جدا اكنه ديت مش مجرد مقابله شغل!

فريد : معلش اتاخرت عليكي
نادين : لا ولا يهمك المهم جبت اللاب بتاعك؟
فريد : ايوة بس مفيش ازيك مفيش تشرب اى
نادين : ههه معلش ولله بس عشان متحمسه شويه، انت بقا عامل اى
فريد : الحمدلله بخير طالما شوفتك بخير
نادين : اممم افتح اللاب بقا وريني هتصمم ازاى

وجه الويتر وطلبنا منه قهوه ولاتيه ورجعنا نبص على اللاب تاني ...

فريد : عجبني شغلك جدا ولكن الفيديو اللى صممتيه مختصر جدا محتاجين اننا نحط فيه تفاصيل اكتر وتكون مده الفيديو اطول من كده ونعمل سلسلة فيديوهات تفيد الكبار والاطفال
نادين : فكره حلوه جدا بجد بس ده هياخد وقت ومجهود كبير وانت وراك شغلك
فريد : انا هعرف اتعامل متقلقيش المهم اننا هنقسم الشغل وكل واحد يلتزم باللي مطلوب منه وان شاء الله لو نجحنا ممكن نبقى نوسع التيم بتاعنا قدام

جه الويتر وقدم المشروبات ...

نادين : ميرسي، تمام كده المهم بقا انا هعمل اى؟

بدأ يشرحلي اللى مطلوب مني بالظبط وبصراحه هو سابلي اكتر جزء بحبه ف الموضوع واللى فعلا جوايا افكار كتير ليه وهو كتابه السيناريو و اداء الصوت والمونتاج في تظبيط الفيديو، خلصنا الحمدلله وقررنا اننا كل يوم في نفس المعاد هنيجي ونكمل شغل ونشوف خلصنا قد اى .

فريد : بس كده ها في حاجه شايفه انها صعبه عليكي؟
نادين : لا تمام
فريد : تمام ولو احتاجتي حاجه كلميني في اى وقت
نادين : شكرا جدا بجد، انا لازم امشي بقا
فريد : مخلصتيش اللاتيه طيب
نادين : تمام هخلصو وامشي
فريد : قوليلي بقا
نادين : ايه
فريد : ليه لما جيتيلي المستشفى كانت عنيكي مدمعه
نادين : انا عشان بس عندى حساسيه مش اكتر
فريد : ولي عينك كانت على الباب كل شويه
نادين : انت خريج علم نفس ولا اى؟
فريد : ههه ايوة دى حقيقه
نادين : بتهزر صح
فريد : لا بتكلم بجد ولله
نادين : بس دى بعيده كل البعد عن شغلنا
فريد : مش دايما الشغل بيكون مربوط بالشهادة او الدراسه، انا بدرس اللى بحبه وبشتغل ف اللى هيجيب فلوس وده ميمنعش ان لو عندى وقت فراغ هشتغل ف الحاجه اللي بحبها زى ما قررت اشتغل معاكي كده
نادين : ايه؟
فريد ( بإبتسامه) : اقصد اني بحب الانيميشن انتِ فهمتي اى

اتحرجت جدااا ووشي جاب الوان بس حاولت الحق نفسي ...

نادين : اه منا فاهمه ان قصدك ع الانيميشن بس استغربت انك بتحبه رغم انك راجل وسنك كبير يعني
فريد : ملهاش اى علاقه على فكره
نادين :اممم عندك حق بصراحه
فريد : المهم متتوهيش الموضوع كنتي بتدمعي لي وقتها؟
نادين : ههه ماشاءالله بجد منستش
فريد : مبسوط انك بتذكرى الله دايما عشان متحسديش من غير قصد
نادين : الحمد لله اتربيت واتعودت انها على لساني دايما
فريد : ربنا يبارك فيكي يارب، بصراحه كده انا فعلا صعب اني انسى وبركز ف اقل التفاصيل
نادين : بس دى حاجه مرهقه جدا
فريد : فعلا بس طبع بقا
نادين : ايوة، بص بما انك مصمم تعرف هحكيلك

بعد طول انتظار الحمدلله الشغف رجع وكملت الروايه ♥ لسه فيها اخر جزء اول ما هشوف تفاعل كويس هنزل الجزء الاخير منها ♥ اتمنى انها تعجبكم وتوصلكم رسالتي منها دمتم بخير🥰

مضيت على الاستقاله وانا ماسكه نفسي بالعافيه انزل دموعي من عيني وطلعت بهدوء ودخلت المطبخ ومقدرتش امسك نفسي اكتر من كده عيطت من كل قلبي وبدأت اغسل وشي وانا من جوايا بدعي ربنا يهون عليا، نشفت وشي واخدت المج بتاعي وطلعت على مكتبي وبدأت اجمع حاجتي ف بوكس والكل بيسأل لي همشي وانا بحاول ابعد عيوني عنهم عشان مضعفش واعيط تاني، سلمت على كل زمايلي ورجعت للمدير تاني عشان اخد باقي مستحقاتي ومشيت روحت بيتي، اللحظه اللى مش عاوزه اعيشها اسئله ماما و كلامها اللى كله نقد اني عمرى ما هفلح ف اى حاجه واني دايما فاشله، مردتش عليها واتوضيت وصليت الضهر ودخلت اوضتي قعدت وحطيت المخده على رجلي وحطيت وشي عليها وبدأت اعيط من كل قلبي واصرخ كتير اوى اوى ومن غير ما يطلع اى صوت فضلت اعيط لحد ما جالي صداع جامد اوى وحسيت راسي سخنت ونمت على طول من غير ما احس، سمعت صوت ماما وهي بتصحيني عشان الغدا بس فعلا مش قادره اقوم ابداً كملت نوم لحد ما الليل عم الشوارع صحيت وغسلت وشي وبصيت ف المرايا لقيت عيني ووشي منفوخين اوى وبعدين افتكرت ان فاتني العصر والمغرب والعشا قربت تأذن جريت بدأت اصلي العصر وبعد ما خلصت قولت الاذكار وبعدها صليت المغرب وانا ف دعائي وقله حيلتي وضعفي مش قادرة ادعي غير ب كلمه يارب ف هي بتحمل كل اللى جوانا واللى مش قادرين نوصفه خلصت وروحت اسخن اكل ليا مهما كان الزعل جسمنا ومعدتنا ملهمش ذنب يتأثرو، مكنش جايلي نفس للاكل ولكن حاولت وخلصت اكل ومسكت موبايلي واللى لقيت فيه رسايل كتير من زمايلي ف الشغل ومن رساله على ابلكيشن ماسنجر من شخص غريب، دخلت على المسدج وشوفت اسم وصوره الشخص واللى طلع ....

#يتبع
#ابواب_الامل
#منه_هاني

روايه " ابواب الامل" البارت ٩ ♡.


ابتسمتلها وبصيت جمبي لقيت يحي وخطيبته طالعين من الاوضه اللى جمبه، فضلنا باصين لبعض شويه وقت وبدل ما كان ماشي معاها بدأ يقف ولقيت عيني بتدمع ولكن قررت ان دموعي مش هسمحلها تنزل ابدا!
بصيت لطنط ودخلت الاوضه ولقيت فريد قاعد وكان في ايده مج بدأ يسيبه جمبه لما شافني داخله عليه ...

نادين : ازيك اخبارك اى دلوقتي
فريد : الحمدلله، تعالي اقعدى واقفه لي

دخلت ولكن عيني كانت عماله تروح ع الباب واخدت بالي ان يحي وخطيبته واهله مشيو خلاص وقولتله ...

نادين : لا مفيش داعي انا جيت بس اطمن عليك
فريد : شكرا جدا تعبتك معايا
نادين : لا ولا يهمك المهم ان شاءالله تخف بالسلامه الشغل محتاجاك
فريد : ان شاءالله هرجع قريب
نادين : عن اذنكم
فريد ومامته : اتفضلي

طلعت من عنده والمره دى حسيت اني مش مخنوقه زى الاول، ايوة زعلت لما شوفته معاها ولكن الحب اللى كان جوايا ليه اختفى، زعلت على نفسي مش عليه هو وده الاهم اني لازم اراضي نفسي واهتم بيها مش هستنا الاهتمام من اى شخص تاني ...
بدأت اتمشى شويه وماما كلمتني ..
ماما : اى يا نادين هتيجي امتى
نادين : انا جمب السوق هجيب شويه حاجات محتاجاها وجايه
ماما : تمام المهم متتأخريش
نادين : حاضر

قفلت معاها وروحت محل " منتجات عنايه بالبشره " جبت شويه حاجات لنفسي وبصراحه كده خلصت اللى فاضل من المرتب هو كان لازم اوى اهتم بنفسي! يلا فداها
وصلت البيت ودخلت اكلت واخدت شاور وبدأت استخدم المنتجات اللى جبتها واللى الحمدلله طلعت حلوة جدا وتستاهل الفلوس اللى صرفتها عليها، دخلت اوضتي سرحت شعرى وبدأت انشفه وانا عقلي مشغول بنظرات فريد ليا اللى كانت كلها فرحه واللى حسيت من نظراته انه مكنش عاوزني امشي، فوقت من تفكيرى على صوت الكاتيل اللى كنت سيباه يغلي، لميت شعرى بعد ما نشف و روحت عملت كوبايه لاتيه وشغلت اللاب على كرتون ل باربي مش مهم عندى كام سنه كده كده الكرتون ملوش سن معين `♡

خلص الفيلم واللاتيه كمان خلص وقفلت اللاب وحطيت راسي ع المخده وحاولت انام ولكن مش عارفه لحد ما حسيت اني محتاجه اصلي قيام الليل جدا
اتوضيت ولبست ازدالي وبدأت اصلي بخشوع حلو جدا وسط الليل والهدوء والكل نايم ركزت ان صوابع رجلي تكون متغطيه كويس عشان متبطلش الصلاة ومع السجود حاولت ابعد الطرحه انها تكون تحت وشي، وخلصت اخر حاجه ركعه الوتر وبدأت ادعي الدعوه اللى دعيتها وبدعيها ف كل سجده ان ربنا يرزقني بفرحه كبيره يتعجب بها اهل السماء والارض ويرزقني جنته.
دخلت انام وانا حاسه بإحساس حلو جدا جدا راحه نفسيه رهيبه جدا وشعور بجد كنت مفتقداه من فترة طويله وقرأت ايه الكرسي واذكار قبل النوم وبدأت انام، صحيت على صوت الفجر واللى قبل معاد شغلي بحاولي ساعتين كنت مكسله جدا اقوم خصوصا ف البرد ده ولكن جوايا حاجه بتقولي لو نمتي ومقومتيش تاني مش هتعرفي تعوضي اللحظه دى ولا الفرض ده!
قومت واتوضيت وصليت بحمدلله وحاولت انام تاني وممسكش الموبايل بصيت على الساعه لقيت الوقت بيعدى بسرعه اوى ومش عارفه انام، واخيرا بدأت اغفى واتقلب على السرير وجه صوت اكتر حاجه بكرها ف حياتي، ايوة هو المنبه قفلت الموبايل وقولت هغفل بس ثواني وبدأت ارجع انام تاني لحد ما استوعبت الفخ اللى بحط نفسي فيه وبصيت ف الساعه لقيت ان عدا ساعه ع معاد الشغل نطيت من ع السرير للدولاب وانا بختار اسرع دريس عندى واى طرحه ف وشي ودخلت التويلت غسلت وشي واخدت شنطتي وموبايلي وجريت على تحت، زحمه ف الشارع رهيبه ومفيش اى وسيله مواصلات ك عاده الشغل والدراسه والامتحانات ف وقت واحد
واخيرا بعد مشي حوالي عشر دقايق لقيت تاكسي ووصلت الشغل ولكن متأخره ..
اول ما دخلت لقيت الكل مشغول ومحدش اخد باله مني استغليت الفرصه وقعدت على مكتبي اكن مفيش حاجه خالص وبدأت اشتغل واشوف هحاول انزل محتوى اى النهاردة يجذب ويلفت انتباه الناس ولكن بعد دقايق لقيت السكرتيرة بتندهلي اخش للمدير ويا فرحه ما كملت...
بدأت اخبط على الباب لحد ما وافق اني ادخل وكان مركز في ورق قدامه وبدأت اقوله ...
نادين : ولله حضرتك انا معرفتش اجي بدرى بسبب ....
المدير : هشش
نادين : اوعدك انها هتكون اخر...
المدير : اتفضلي
نادين : اى ده
المدير : استقالتك.
نادين : مش المفروض الاستقاله دى انا اللى اقدمها لحضرتك
المدير : ده لو انتِ كفؤ بقا والمجلات بيعرضوا عليكي مرتب ازيد لكن حضرتك خساره لينا هنا وجودك مش فارق كتير واحنا محتاجين حد شاطر مش بيتعلم فينا
نادين : بس حضرتك انا ولله شاطرة جدا و....
المدير : ملوش لازمه الكلام ده ياريت تمضي ب كرامتك احسن
حسيت قلبي اتكسر من كلامه انا كنت دايما بجتهد وبسعى عشان اكون ناجحه واشهِر المجله اكتر واكتر ...

ولكن حياتنا من دونهم ليست فارغه ف نحن نكفي لانفسنا لكي نكون اسعد وعندما تعطي لنفسك الحب والاهتمام سترى ذلك من الاخرين 🤍

#منه_هاني

ذات يوم مشمس ودافئ بعد ايام من البروده قررت ان اترك منزلي واتجول مع صديقتي وبدأت اتواصل معها عبر موقع من مواقع التواصل الاجتماعي ولكن بلا جدوى لا تريد ان تأتي معي لاكثر من حُجه آتت بها وانا اعلم انها ليست حقيقه وانها تتهرب فقط من النزول معي، حاولت ان لا اتأثر بذلك و بحثت بين الارقام الهائله التي لدى ولكن لا ارا اى واحده منهما صديقه مقربه لي، كلهم كانوا معارف وزملاء دراسه وعمل فقط، انزرفت دموعي دون اراده مني ولكن ازلتها ونهضت من فراشي وبدأت ارتدى ملابسي وقررت ان اخرج مع ذاتي ف ما لي اقرب منها `♡
ودعت امي وذهبت للخارج وظليت اسير الى
ان اوقفت سياره اجره وجلست فيها وبدأت بالتجوال وانا ما زلت لا اعلم الى اين اريد ان اذهب، ثم اتت في بالي حديقه الالعاب ( الملاهي) وعندما وصلت عيناى كانت تلمع بشده من كثره الاشتياق وبدأت اتجول بين الالعاب وانا في حيره من امرى اياً منهم اريد ان العبها الى ان اخترت اسهل لُعبه بينهم لانني اخاف بعض الشئ، وحين انتهيت اخذت هاتفي والتقطت بعض الصور ك زكرى لليوم، واكتشفت ان السعاده بداخلنا ونحن من نقدر على ان نسعد انفسنا وليس الاخرين، ونعم الاخرين لهم اهميه كبيره في حياتنا ولكن ...
#منه_هاني

حد هنا بيفهم في الانيمشين او يعرف طريقه احول بيها اى اسكريبت لكرتون 3d؟

روايات واسكريبتات منة هانى 💜 pinned «روايه " حُلم شاب " البارت 3 ⁦♡⁩ روان : أيوة ياغاده زى ما بقولك كده ، والمشكلة أن مكنش مكتوب اسم بعد الكلام المكتوب .. لا يابنتي مش رامي طبعا اى اصلا اللى هيرجعوا ، وبعدين ده كاتب أنه بيحبني وخايف يواجهني مش أنه عاوز يرجع .. أيوة منا عشان كده قولت اكلمك افكر…»

روايات واسكريبتات منة هانى 💜 pinned «يلا يا جماعه هشوف اكتر اسم بيكتب كومنتات حتى لو استيكر أو ايموچي ولكن يكتب كتير ، هكتب اسمه في أشخاص جديده هتظهر في الرواية الفترة الجايه ، مستنياكوا💜»

خلصنا شغل وكان يوم تقيل جدا جدا والوقت فيه مبيعديش ولكن الحمدلله عدا وخلص حته لو بعد وقت طويل، طلعنا وكلمت اهلي اعرفهم اني راحه مع زمايلي البنات ف الاول اعترضوا ولكن فهمتهم انه مش هروح لوحدى وده واجب مش اكتر وبعد الحاح طويل اخيرا وافقوا وروحت ، وصلت المستشفى وانا متوترة جدا بدأو يسألو على اسمه ف الاستقبال وطلعنا عنده سلمنا على اهله وبدأو يدخلو يكلموه وانا لسه واقفه برا ببص عليه من بعيد وواضح انه الحمدلله فاق حمدت ربنا وفضلت واقفه برا لحد ما مامته جت وسألتني ...
مامته : انتِ زميله فريد مش كده
نادين : ايوة الحمدلله على سلامته
مامته : الله يسلمك ياحبيبتي بس واقفه برا لي اتفضلي
نادين : عشان في زحمه وكده وهو لسه خارج من العمليات ف كفايه اني اطمنت عليه
مامته : يعني بعد ما جيتي لحد هنا مش هتعرفيه انك جيتي
نادين : ممكن حضرتك تبقي تعرفيه

وبعد خمس دقايق بدأو يطلعو وفرح زميلتي قالتلي ...

فرح : هتركبي معانا؟
نادين : لا انا لسه عندى كام مشوار كده
فرح : تمام باى

وبعدها لقيت مامته جتلي وقالتلي...

مامته : الزحمه خفت اهي اتفضلي

ابتسمتلها وبصيت جمبي لقيت يحي وخطيبته طالعين من الاوضه اللى جمبه ...


#يتبع
#ابواب_الامل
#منه_هاني

روايه " ابواب الامل" البارت ٨ ♡.


وقطع كلامنا صوت رنه من موبايلها ...

روڤان: ايوة ، تمام ماشي، لا مش هتأخر ، باى

خلصت المكالمه وانا كنت مسكت موبايلي بقلب فيه لحد ما تخلص ...

روڤان : كنا بنقول اى
نادين : مش عارفه بس انتِ كنتي جايه عشان تحكيلي عن حاجة مهمه
روڤان : ايوة
نادين : اى بقا
روڤان : بصي من كام يوم كده انا شوفت يحي وكان ...

بدأ يخرج منها الكلام بالعافيه والتوتر كان ظاهر اوى ف لغه جسدها ...

نادين : بصي ياروڤي انا يحي بجد مبقاش يفرقلي ولو جايه عشان تقوليلي انه خلاص خطوبته بقت رسميه ومفيهاش رجوع ف دى حاجه مش فارقه معايا انا كده كده حته لو سابها وحاول يرجعلي انا هرفض
روڤان : يا نادين يحي عمل حادثه ورجله اتكسرت

معرفش لي حسيت بنغزه ف قلبي، انا فعلا مبقتش عاوزاه ف حياتي بس بردو عمرى ما قدرت اتمناله اى اذى او اتقبل حاجه زى كده عنه ...

بدأت اتكلم بتلعثم : وانتِ عرفتي ازاى وده حصل امتى
روڤان : بقالو فترة
نادين : ربنا يشفيه لاهله
روڤان : مش عاوزه تطمني عليه؟
نادين : بصفتي اى! انا وهو ولا قرايب ولا صحاب، زعلت عليه زى ما كنت هزعل ع اى حد مكانه
روڤان : بس هو طول ما ف فترة البينج مش بيقول غير اسمك
نادين : .....
روڤان : عارفه ان اللى عملو صعب وميتغفرش، بس ما يمكن فهمتيه غلط
نادين : بقولك شوفتهم بعيني!
روڤان : في دى عندك حق مش هقدر اقولك حاجه بس لو لاخر مرة شوفيه بس وبعدها قررى براحتك
نادين : هو لسه خاطب صح؟
روڤان : ايوة
نادين : يبقى ياريت متفتحيش الموضوع ده تاني
روڤان : حاضر
نادين : اشربي العصير بتاعك يلا

بدأت تشرب فيه وانا الموضوع فعلا شغل تفكيرى وجوايا كذا احساس متناقض بين اني عاوزه اشوفه وبين اني ميخصنيش ابدا

غيرت الموضوع وبدأت اسألها عن حياتها وهي نفس الشئ لحد ما فات ساعه وبصت ف الموبايل بتاعها وقالتلي ..

روڤان : الوقت جرى بسرعه اوى
نادين : دى حقيقه فعلا، بس انتِ كنتي وحشاني خلينا نبقى نتجمع تاني
روڤان : ان شاءالله المرة الجايه تجيلي انتِ
نادين : حاضر
روڤان : وابقي فكرى كويس ف كلامي مش هتخسرى حاجه لو روحتي
نادين : امشي من وشييي قبل ما اخبط ف وشك
روڤان : طب اجيلك وقت تاني بقا
قولتلها وانا ببتسم ...
نادين : خلي بالك من نفسك
روڤان : حاضر يلا باى
نادين : باى

ودعتها اخيرا ودخلت اوضتي وضلمت الاوضه وقفلت الباب
، مفيش احلى من اللحظه دى بعد يوم شغل طويل ♡´･
فضلت اتقلب ع السرير ولكن من غير فايده صداع رهيب وعيني مش قادرة افتحها ولكن عقلي والاصوات اللى ف دماغي صاحيين، مقدرتش اكمل ف المحاوله وقعدت على السريره وفتحت نور الاباجوره اللى على الكمودينو جمبي ودعكت عيني ومسكت راسي يمكن الم الصداع يخف ولكن من غير فايده متمسك بيا اكتر من ناس كتير ...
مسكت موبايلي وتلقائي لقيت نفسي ف البوفايل عنده وبدأت اقلب ف الاكونت لحد ما لقيت اكونت خطيبته دخلت عندها وبصيت على الاستورى بتاعتها ولقيت صورته وهو متجبس ونايم تماما ومعلق جهاز التنفس، بتدعيله وبتمسك ايديه ودموعها نزلت عليه، ازاى جاله قلب يعلق شخصين بيه! حتى لو الاسباب دى كانت منطقيه اى المنطق اصلا اللى يخليه يوجع قلب بنت بالمنظر ده، مهما يحصل عمرى ما هسامحه ولا هرجعله ...
سيبت الموبايل ومسحت دموعي اللى نزلت غصب عني وسمعت اذان العشا قومت اتوضيت وصليت ودعيت كتير اوى اوى وانا عندى يقين تام جدا انه هيوفقني ف اللى جاى وهيقويني ب اذن الله.
خلصت صلاة ودخلت نمت ولكن المرة دى نمت فعلا الصلاة دى اهم واعظم من الف ثيرابي بجد الحمدلله على دى نعمه ♡.
صحيت تاني يوم على صوت المنبه ولكن المرة دى مكنش مزعج اوى لاني نمت كويس جدا امبارح، جهزت نفسي وصليت الفجر وطلعت جرى على اقرب مواصلات كالعاده مهما صحيت فايقه لازم بتأخر ، وقفت حوالي ربع ساعه لحد ما لقيت تاكسي اخيرا ووصلت المجله، دخلت وسلمت على اللى موجودين وجريت على المطبخ اعمل لاتيه عشان اقدر ابدأ بيه يومي ، مستنيه الكاتيل يغلي المايه وبقلب ف الموبايل بشكل عشوائي وانا مش مركزه ف اللى بقلب فيه ولكن دماغي رجعت ليها الدوشه من تاني، فوقت من ال دوشه دى على صوت الكاتيل وهو بيقفل صبيت المايه على الكوبايه وقلبتها وطلعت على مكتبي وبدأت اكمل واعدل على اخر مقال ليا قبل ما اسلمه للمدير وبعد ما خلصت بصيت حواليا وانا عيني بتدور على فريد ليه مجاش النهارده؟ لحد ما السؤال اللى ف بالي بدأ الكل يسألوا ،
لحد ما صالح اللى شغال معانا اتكلم وقال ...

صالح : امبارح فريد عمل حادثه بعد ما طلع من هنا

الكل بان عليه الصدمه وبدأو يسألو عن التفاصيل وانا مكنتش قادرة استوعب الفكرة ان ده حصل بعد ما شوفته بدقايق! استغفرت ربنا ودعيتله بالشفا والتيم كلو اتفق اننا هنروح نزوره بعد شيفت الشغل ...

روايات واسكريبتات منة هانى 💜 pinned Deleted message

روايات واسكريبتات منة هانى 💜 pinned Deleted message

وصلت البيت وانا حاسه ان جسمي كلو متكسر من قعدت المكتب طول النهار، دخلت غيرت هدومي وبدأت اكل واجاوب على اسئله اهلي عن الشخص وعن صحتي خلصت ولقيت الباب بيخبط وانا عارفه ان اكيد وصلت، فتحتلها وبعد سلامي عليها وسلامها على اهلي دخلنا اوضتي وماما عملتلنا عصير ... 
نادين : وحشاني ولله ياروڤي
روڤان : وانتِ كمان ولله
نادين : ها بقا اى الحوار المهم اللى كنتي عاوزاني فيه

لقيتها سابت الكوبايه ع الكمودينه جمبها وملامح وشها اتغيرت ... 

روڤان : بصي يا نادين انتِ عارفه انا بحبك قد اى واني بعتبرك اختي
نادين : اكيد طبعا

وقطع كلامنا صوت رنه من موبايلها ... 

#يتبع 
#منه_هاني 
#ابواب_الامل

روايه " ابواب الامل" البارت ٧ ♡.


فضلت افكر وقررت اني هجرب حظي واروح لحد ما لقيت زميلتي اللى من وقت نا اتعينت هنا متكلمناش غير مرة او مرتين ... 

هدير : اممم مش هتعزمونا طيب
نادين : ايه؟ بتكلميني! 
هدير : هو في حد غيرك قاعد ع المكتب
نادين : اصل انتِ بتتكلمي بصيغة الجمع ف حسيتك بتتكلمي ف الفون مثلا مش حاطه اير بودز؟ 
هدير : امم لا مش حاطه ، بكلمك انتِ وبوجه كلامي عليكم
نادين : ايوة اى حرف الميم ده بقا تقصدى مين؟ 
هدير : مش لازم تفضلي عامله مش فاهمه كتير
نادين : ولله لو عندك حاجة عاوزه تقوليها خليكي واضحه وقولي بدل ما انتِ بتلفي وتدورى كده
هدير : عمتا انا ولا بلف ولا بدور بس في حاجات مش بتاعتك ياريت تبقى تخلي بالك بعد كده
نادين : انتِ شكلك فاضي بقا وانا ورايا حاجات كتير ف عن اذنك

معرفش تقصد اى بكلامها او بتلمح ب اى بس الاكيد انه مش حاجه صح وكلها ف عقلها هي وبس ... 
روحت صليت ودعيت كتير ب كل حاجه جت ف بالي ورجعت المكتب وانا كل اللى شاغل بالي هكمل اخر ساعه دى ازاى واى الحاجه اللى ممكن اتكلم عنها وتثير جدل الناس! 
قعدت اقلب ف اخر تريندات جايبه مشاهدات عاليه، والغريب ان كلهم حاجات يااما تافهه جدا يااما فضيحه مثلا وحاجات مينفعش نتكلم عنها ، فكرت كتير وكأن كل الافكار اتبخرت من بالي وبصيت ف الساعه ولقيت ان لسه نص ساعه والشغل يخلص شربت مايه وقريت قران ورجعت افكر تاني حاولت اركز اكتر على لاعبين كرة القدم ولكن انا مش بفهم في الكورة خالص! كنسلت الفكرة وبدأت افكر في مجال تاني  لحد ما لقيت فكرة جميله جدا عن شخصيه معروفه وليها قصه كفاح مبدأتش من الصفر ولكن بدأت من ست اصفار، ايوة هي " هاديه غالب " بدأت ادور على الاكونت بتاعها واشوف تصاميمها وبدايتها لحد ما وصلت للي هي فيه النهاردة وبدأت اتكلم عن اسلوبها مع اهلها وعن طريقه لبسها الغريبه جدا واللى برغم ان زوقها غريب جدا ومحدش يقدر يعمل زيها الا ان اقل فستان عندها بسعر كبير جدا، كتبت المقال بعنوان  " ازاى تعملي براند من اللا شئ " خلصت المقال وانا على وشي ابتسامه رضا كبيره جدا وبصيت ف الساعه لقيتها جت اربعه العصر والكل بدأ يمشي وقفلت اللاب بتاعي واخدت شنطتي وطلعت برا وعيني بتدور على اى تاكسي معدى اشاورله .. 

فريد : شايفك بقيتي ف تحسن شويه عن قبل الصلاة
نادين : دى حقيقه واشتغلت على مقال طلعت فيه افكار راضيه عنها جدا الحمدلله
فريد : كلو بسبب اى؟ 
نادين : توفيق ربنا طبعا
فريد : بالظبط كده الله ينور عليكي، يلا اشوفك ع خير بكرة ان شاءالله
نادين : ان شاءالله
فريد : اممم قبل ما امشي ومن غير اصرار كتير بما اننا يعني بقينا زمايل قدام
نادين : قدام! امتى بالظبط انا لسه عارفاك امبارح
فريد : وهو من امبارح للنهارده دى مده قليله؟ 
نادين : لا انت صح عندك حق
فريد : شوفتي بقا، المهم
نادين : اى
فريد : اوصلك ف طريقي ولا؟ 
نادين : ولا
فريد : تمام 

ولقيته بيمشي وانا تلقائي ضحكت ... 

فريد : هنعتبر اني اصريت كتير وكده
نادين : ماشي. 

ولقيته لسه واقف وساند على عربيته وممشيش ! 

نادين : اى انت سرحان ولا اى
فريد : لا لي
نادين : لسه واقف لي
فريد : عيب لما واحد چنتل مان زيي يسيب بنوتك زيك تقف ف الشارع لوحدها 
نادين : چنتل مان اه
فريد : بتقولي اى؟ 
نادين : لا ولا حاجه، انا هطلع ع اول الشارع كده وان شاء الله الاقي مواصلات
فريد : طب ما كنتي ركبتي كان زمانك ف البيت خدى بالك. 
نادين : مهو عيب بردو لما بنوته زيي تركب عربيه چنتل مان زيك
فريد : وجهه نظر
نادين : يلا جود لاك

فضلت اتمشى لاول الطريق وكل تاكسي بيعدى فيه ناس، بدأت الساعه تبقى ٥ وماما رنت عليا

ماما : اى يانادين انتِ فين
نادين : مش لاقيه مواصلات
ماما : طب اتصرفي يلا عشان اتأخرتي اوى
نادين : ايوة اتصرف اعمل اى؟ 
ماما : كلمي اوبر او اندريف
نادين : فيها نص ساعه كمان
ماما : احسن من الوقفه دى يلا
نادين : حاضر يلا باى
ماما : باى

قفلت معاها وانا عيني على الطريق يمين وشمال مش بحب ابدا تطبيقات التوصيل دى ومن غير سبب، وحاجه قالتلي ابص ورايا اشوف فريد مشي ولا لسه وبصيت فعلا ولقيته مش موجود ورجعت ابص قدامي تاني لقيته ف وشي  !! 

فريد : للدرجادى شاغل بالك
نادين : خضتني بجد
فريد : اسف، بس معرفتش بجد امشي قبل ما اشوف وصلتي ولالا 
نادين : اممم

بصيت وراه واخيرا لقيت تاكسي وشاورتله وروحت اركب وشاورت ل فريد ب اني بقوله باى وبدأت اركب  و وانا ف الطريق افتكرت روڤان صاحبتي وانها كانت عاوزه تشوفني ورنيت عليها اكلمها .. 

روڤان : اى يابنتي فينك
نادين : معلش يا روڤي ممكن تجيلي البيت ونتكلم هناك
روڤان : لي انتِ كويسه فيكي حاجه؟ 
نادين : انا تمام متقلقيش بس الوقت سرقني ف الشغل وكمان قلت المواصلات وكده
روڤان : خلاص ولا يهمك هجيلك
نادين : تمام

روايه " ابواب الامل" البارت ٦ ♡.


فتحت موبايلي ولقيت روڤان صاحبتي اللى تبقى جارت يحي بعتالي وبتقولي ...

روڤان : ازيك يانادين
نادين : الحمدلله وانتِ
روڤان : كلو تمام، انتِ فين
نادين : ف الشغل لي
روڤان : محتاجه اقابلك ضرورى
نادين : تمام نتقابل بليل اكون خلصت شغل
روڤان : تمام

ولقيت فريد طلع من مكتب المدير وبيقولي ...

فريد : يلا
نادين : اى؟ وافق!
فريد : ايوة عيب عليكي يابنتي
نادين : طب ازاى قولتله اى
فريد : هقولك ف الطريق يلا قبل ما البريك يخلص

و طلعنا سوا واتمشينا لمده دقيقتين وكنا وصلنا للمحل وقفت انا برا وهو دخل وجاب الاكل وطلع وقالي ..

فريد : تحبي نروح ناكل فين؟
نادين : الكورنيش قريب شويه من هنا ممكن ناكل ف الطريق ونروح نقعد شويه لان لو صبرنا ومكلناش لحد ما نوصل مش هنلحق ناكل والوقت هيخلص
فريد : عندك حق

بدأنا ناكل وفعلا كان طعمه حلو رغم اني مبحبش الجبن اوى بس عجبني ...

نادين : طعمه حلو فعلا تسلم ايدك
فريد : الف هنا

ووصلنا عند الكورنيش وقعدنا شويه وحسيت بعطش وقولتله ..

نادين : ثواني وجايه
فريد : راحه فين؟
نادين : ثواني بس

وروحت جبت اتنين سبيرو سباتس اه انا مش هسيبه يعزمني لوحده بردو ...

فريد : مقولتيش لي يابنتي وكنا جبنا من هناك مرة واحده
نادين : مش مهم امسك يلا

ولقيته بيطلع الفلوس وبيحاسبني ..

نادين : نعم يعني اى ده؟
فريد : انا الراجل ازاى اسيبك تدفعي
نادين : اه انت منهم بقا
فريد : من مين؟
نادين : انا الراجل وانتِ الست والجو ده
فريد : اه ده انتِ اللى منهم بقاااا
( ضحكت) نادين : من مين
فريد : الفيمنست بقا وحقوق المرأة والناس دى
نادين : ايوة لان المرأة متقلش عن الراجل ف حاجه
فريد : قصدك اننا كده خالصين يعني
نادين : ايوة

بصيت عليه لقيته ماشاء الله خلص الاتنين كرواسون وخلص الاسبيرو سباتس وانا لسه ف نص اول كرواسون ..

نادين : هي الساعه كام؟
فريد : واحده الا عشره
نادين : احنا لازم ناخدها جرى بقا معدش غير عشر دقايق
فريد : ههه عندك حق قومي يلا

اتمشينا وكل شويه بلاحظ انه بيقف هو من ناحيه العربيات ويقولي اخش لجوه، نظراته ليا اللى جيبالي توتر من اول يوم شوفته فيه، واخيرا وصلنا عند المكتب ودخلنا

نادين : شكرا يافريد على اليوم اللطيف ده
فريد : العفو ياستي

اخدت المقال ودخلت للمدير ومستنيه افهم من رأكشنه عجبه كلامي ولالا بس كالعاده مش بيوضح ده ..

المدير : اممم يعني بردو متكلمتيش عن الموضوع اللى قولتلك عليه
نادين : لانها طلعت واتكلمت فيه، ف بالتالي لو انا اتكلمت عنه محدش هيهتم
المدير : لو حضرتك كنتي اسرع من كده شويه كان زمان المقال ده قالب الدنيا
نادين : تمام حضرتك بس هل المقال اللى مع حضرتك ده مش كويس؟
المدير : كلامك فيه وجه نظر ولكن مش هيلفت انظار كل الناس
نادين : بس ناس كتير هتتفق مع كلامي وده هيجيب ريتش كويس
المدير : انا عاوزه حاجه تثير الجدل والكل يتكلم عنها مش شويه كلام عن شخصيات الممثلين وازاى بيتعاملوا !!
نادين : ....
المدير : دى اخر فرصه ليكي لو معرفتيش تشوفي مواضيع تثير الجدل على السوشيال ميديا وعلى قناواتنا ومجلاتنا انا هخصملك من مرتبك
نادين : تمام عن اذن حضرتك
المدير : اتفضلي

طلعت وانا عفاريت الدنيا كلها بتننطط قدامي، اعمله اى يعني اطلع مواضيع من تحت الارض؟؟
قعدت ع مكتبي وفضلت اشخبط ف ورقه وبكرمشه ف ايدى وارميه ف الباسكت بعصبيه وبعدين لقيت فريد جه وقالي ..

فريد : مالك بس اى عصبك كده هو قالك اى؟
نادين : مش عاجبه شغلي وعاوزني اشوف مواضيع تثير الجدل
فريد : طب روقي كده وفكرى بالراحه لان العصبيه مش حل
نادين : عندك حق
فريد : فكي البوز ده بقا كلها ساعه وهنروح
نادين : فكرتني هقوم اتوضى واصلي
فريد : وانا كمان

لسه هقوم لقيت مسدچ من الرقم اللى اتفقت معاه على انترفيو للشغل الجديد بعتتلي وبتقولي ..

السكرتيره : بكره اخر يوم ممكن تيجي وتعملي فيه الانترفيو معادك الساعه ٦
نادين : تمام

فضلت افكر وقررت اني هجرب حظي واروح لحد ما لقيت ...

#يتبع
#منه_هاني
#ابواب_الامل

ده البارت الاول ياجماعه 🤎