اللغة العربية مع الاستاذة مينا❤️

السلام عليكم ان شاء الله كامل تكونو بخير ليكيب غدوة ان شاء الله الباك روحو وجدوا ارواقكم و واش تحتاجو كامل متنساوش الاستدعاء و لاكارط ناسيونال و لا البارمي يعني ركزو مليح على حوايجكم افرزوا روحكم و ارقدوا بكري و روحو قبل الوقت باش توصلوا و تتأقلموا فالمكان و مبروحش عليكم الحال اتولهوا على وقتكم في الايام كامل
لي كيب غدوة ان شاء الله كي تدخلوا اقراو ادعيتكم و اتوكلو على ربي سبحانو اي حاجة قريتوها رايحين تمتحنو عليها مش رايحين يجيبولكم اسئلة من المريخ اعرفوا تنظمو وقتكم أثناء الامتحان و ادو الوقت الكافي باش تختارو الموضوع متبدلوش الموضوع فالدقائق الاخيرة و كاينة نقطة مهمة تاني متتأثروش بالناس لي تتغاشى و تبكي و يديرو الفيلمات ركزوا على اوراقكم  كون يصرا واش يصرا ركزوا في اوراقكم و اجاباتكم و متبدلوش اجاباتكم و تتخربطو ركزو مليح و جاوبو بالمنطق فقط و ربي ينجحكم و ردو بالكم على السخانة هاذي اتجنبوها قدر المستطاع الناس لي تفوت بعيد على دارهم حاولو تلقاو اماكن تقدرو تقعدو فيهم يكونو بعاد على اشعة الشمس و أخيرا ربي ينجحكم و اتأكدو بلي ربي ميضيع أجر حتى انسان ❤️

حسابي على الانستغرام 👆

https://www.instagram.com/arabe_with.mina?igsh=MXNvbDhkNnl1d2F0ZQ==

لي حاب يسجل يتواصل معايا فالخاص فالانستغرام

واش حوالكم مع المراجعة

الحل تاع الموضوع تاع لبارح

درك نبعتلكم موضوع

الادبين

الحل تلقاوه في حسابي على التلغرام

موضوع باك خاص بالعلميين حاولو فيه

هادا بعتو العام لي فات ان شاء الله تعاودو تستفادو منو ✅

السلام عليكم 🥰صحا فطوركم😁❤️نتمنى كامل تكونو بخير 😁
كيما نعرفو في رمضان صعيب على أي واحد باه يحكم الريتم الي يساعدو تاع لقرايا بحكم انو الروتين راح يتبدل ، و معظمكم راه تالفتلو كيفاه يقرا ، ان شاء الله راح نمدلكم بعض النصائح و 2 برامج دراسة تساعدكم بإذن الله ❤️
📍نصائح للدراسة:
*أول نصيحة انو استغلو الوقت ادا قد ماتقدرو و ماتأجلوش لقرايا تعكم ، مباعد راح تندمو على لوقت الي ضاع و توليو في ضغط
*ثانيا حاولوا تتقيدوا بالتخطيط اليومي و الأسبوعي ، جيبو ورقة و ستيلو اكتبو فيها كامل المواد الي عندكم و كل مادة واش لازم تقراو فيها و قسمو لقرايا على الايام ، و في كل يوم ديرو (to do list) بحيث تكون مضبوطة بالتوقيت و تحداو أنفسكم باه تكملو المهام تعكم( و اذا قدرتو ديرو تحدي مع صحابكم بحيث تشوفو شكون يكمل المهام تاعو ، راح تساعدكم هاد الطريقة)
{إذا حابين نفتح group في الانستغرام نديرو فيه to do list و نتحداو بعضانا باه نكملو المهام قولولي في التعليقات😁}
*حاولوا تبتاعدو على المشتتات خاصة المسلسلات و البرامج الرمضانية الي تشوفوها تافهة و ماتزيد حتى فائدة لرصيدكم المعرفي
*نظمو لبلاصة الي تقراو فيها و أعدلوها باه تلقاو راحتكم كي تقراو
*اعتامدو على طريقة البومودورو ( و اذا شتوها ماساعدتكمش نورمال ، اقراو بالكريقة الي تحبوها انا شخصيا مانعتمدش عليها بزاف)
*حطو في بالكم بلي الدراسة و طلب العلم هو عبادة ، فتخيلو أجرها في هذا الشهر الفضيل😊
📍برنامج دراسة:
نمدلكم برنامجين ، حسب اذا تساعدكم تقراو في النهار و لا في ليل(من الأفضل أنو تقراو في نهار لأنها وصية النبي عليه الصلاة والسلام)
🟣برنامج للدراسة في النهار:
-الإستيقاظ في وقت السحور(شرب بعض القهوة من الأفضل)+صلاة الفجر+القرآن
-الدراسة من وقت صلاة الفجر الى غاية صلاة الظهر(مع بعض أوقات للراحة)
-صلاة الظهر + قيلولة(ماتفوتش ساعة و إلا راح تضركم)
-الدراسة من بعد القيلولة الى غاية صلاة العصر
-صلاة العصر+قرآن+راحة الى غاية بعد الافطار(بالنسبة للبنات لوقت ادا يكونو في لكوزينة🙃)
-الدراسة بعد الافطار(او بعد صلاة التراويح) لمدة ساعة أو ساعتين
-النوم على الساعة 22:00
🟣برنامج للدراسة في الليل(صراحة لا أنصح به ، لكن يمكن كاين أشخاص يساعدهم للي يحبو يقراو بعد الافطار)
-الدراسة من بعد الافطار الى غاية الفجر(أو نص بعد الافطار و نص بعد الاستيقاظ صباحا)
هذي الفترة حاولو تقسموها حسب برنامجكم تاع لقرايا ، و اشربو شوي قهوة بعد الافطار احسن باه تنشطكم ، و نوم يكون بعد ماتكملو لقرايا اي بعد صلاة الفجر
🔶هذا كان كلش في مايخص النصائح و البرامج